რატომ ამატებენ ყავაში ზეითუნის ზეთს? – ახალი ტრენდი, რომელიც უნდა იცოდეთ

ბოლო პერიოდში გასტრონომიულ სამყაროში განსაკუთრებული ყურადღება მიიპყრო Oleato-მ - ყავისა და ზეითუნის ზეთის უჩვეულო კომბინაციამ. ზოგი მას ჯანსაღი ცხოვრების ახალ ტრენდად მიიჩნევს, ზოგი კი წარმატებულ მარკეტინგულ იდეად.

ცხელი სასმელისთვის ცხიმის დამატება ახალი არ არის - ტიბეტში საუკუნეების განმავლობაში ჩაის კარაქსა და რძეს უმატებდნენ ენერგიისა და სითბოს შესანარჩუნებლად. თანამედროვე ვერსია კი „Bulletproof Coffee“-ს სახით გავრცელდა, ახლა კი ზეითუნის ზეთით გამდიდრებული Oleato პოპულარული გახდა.

Extra Virgin ზეითუნის ზეთი მდიდარია ანტიოქსიდანტებითა და სასარგებლო ცხიმებით, ხოლო კოფეინთან ერთად ორგანიზმს ენერგიას უფრო თანაბრად და ხანგრძლივად აწვდის. სწორედ ამიტომ, ბევრი ადამიანი ამ სასმელს დღის განმავლობაში ენერგიის სტაბილურად შესანარჩუნებლად ირჩევს.

Oleato-ს მომზადება მარტივია - საკმარისია ყავას ერთი ჩაის კოვზი ზეითუნის ზეთი დაამატოთ და კარგად აურიოთ. თქვეფის შემდეგ სასმელი კრემისებრ ტექსტურას იღებს და ლატეს ემსგავსება.

წყარო: