მაღვიძარა, რომელსაც უბრალოდ ვერ გამორთავთ - Clucky-ს უჩვეულო ფუნქციები

iPhone-ის მფლობელებისთვის გამოვიდა მაღვიძარას აპლიკაცია Clucky, რომელსაც მომხმარებლის გაღვიძება მამლის ყივილით შეუძლია და არ ითიშება მანამ, სანამ თქვენ სპეციალურ დავალებას არ შეასრულებს. სიახლის შესახებ TechCrunch-ი წერს.

აპლიკაცია განკუთვნილია, უპირველეს ყოვლისა, მათთვის, ვინც ჩვეულებრივ მექანიკურად თიშავს მაღვიძარას და ისევ იძინებს. სიგნალის ჩასახშობად მომხმარებელს უწევს სხვადასხვა დავალებების შესრულება, მაგალითად, მათემატიკური ამოცანების ამოხსნა, რიცხვების თანმიმდევრობის დამახსოვრება, კარნახით ტექსტის აკრეფა, სმარტფონის ჯანჯღარი, სიარული ან სხვა მისიების შესრულება.

Clucky მამლის ყივილის ხმოვანი მაღვიძარაა. ნაკლებად ექსტრემალური გაღვიძებისთვის ხელმისაწვდომია ჩვეულებრივი სიგნალები, ჩიტების ჭიკჭიკი და მშვიდი მელოდიები. არსებობს მომატებული ხმის რეჟიმიც.

აპლიკაციაში ასევე გათვალისწინებულია სტატისტიკა:  კვირის ბოლოს Clucky მომხმარებლის წარმატებების შესახებ თავისებურ ანგარიშს ადგენს. კიდევ ერთი ფუნქცია საშუალებას გაძლევთ გაერთიანდეთ მეგობრებთან ან ნათესავებთან დახურულ ჯგუფებში (Flock) და დააყენოთ საერთო მაღვიძარა. ასე მონაწილეებს შეუძლიათ ერთდროულად გაიღვიძონ და გააკონტროლონ, ვინ მართლა ადგა დროულად.