„ჩემი სიძე ძალიან კარგი მამაა, მზრუნველი და ყურადღებიანი…“ – ნანა ლორთქიფანიძე ქალიშვილსა და მის ოჯახზე

ქეთისა და ნიკა არველაძეს ცოტა ხნის წინ შვილი შეეძინათ, რომელსაც ცნობილი ბაბუას სახელი, რეზი დაარქვეს.

„ნიკა ბიზნესის კუთხით არის დაკავებული. ყველაზე განსხვავებული არველაძეა, არ უყვარს ხმაური მის გარშემო, ამიტომ ხელის თხოვნა ძალიან მშვიდ გარემოში მოხდა - მხოლოდ ჩვენ ორნი ვიყავით“,- უთხრა „პრაიმტაიმს“ ინტერვიუში ქეთიმ.

ახლახანს, მსახიობმა ნანა ლორთქიფანიძემ თავისი ოჯახის და ქალიშვილის, ქეთი წიქვაძის შესახებ ჟურნალ „სარკეს“ ესაუბრა.

„ჩემმა ქალიშვილმა 46 წლის ასაკში გამხადა ბებია, რისთვისაც მადლობელი ვარ. ჩემი დანაშაულია, ერთ შვილზე მეტი რომ არ გავაჩინე და ჩემი ეს დანაშაული ქეთიმ გამოასწორა. მან მაქსიმუმი გააკეთა და სამი შვილიშვილი აჩუქა. სამივე ძალიან კარგები, თბილები და საყვარლები არიან. უფროსი 17 წლისაა, უმცროსი – 14-ის, რეზი კი ჯერ პატარაა.

ქეთი როგორი დედაა?

ქეთი ყოველთვის აქტიური დედაა. ძიძა ყოველთვის გვერდით გვყავდა და გვყავს, მაგრამ ეს ის შემთხვევა არ არის, დედები ძიძას რომ გადაულოცავენ ბავშვს და შვილებს მხოლოდ მძინარე მდგომარეობაში ხედავენ. ქეთი ყველაფერს აკეთებდა და აკეთებს თავისი შვილებისთვის, მხოლოდ საჭმელს არ ამზადებს.

თქვენს სიძეზე, ნიკა არველაძეზე რას გვეტყვით, რამდენად არის ჩართული შვილის მოვლაში?

ნიკა ძალიან კარგი მამაა, მზრუნველი და ყურადღებიანი.