ბრენდმა MSCHF მიკროჩანთა გამოუშვა, რომელიც ნემსის ყუნწში ეტევა

ორიგინალური რელიზებით ცნობილმა ბრენდმა MSCHF, წარადგინა მიკროჩანთა, რომელიც ფრანგული მოდის სახლის, Louis Vuitton-ის მოდელს OnTheGo ჰგავს.

აქსესუარი ნახევრად გამჭვირვალე პლასტიკისგან არის დამზადებული, მისი ზომებია 657×222×700 მიკრომეტრი - ეს ზღვის მარილის კვნიტზე პატარაა. ჩანთა იმდენად პატარაა, რომ ნემსის ყუნწშიც კი ეტევა. ჩანთა 3D პრინტერზე დაიბეჭდა.

ამ ეტაპზე ჩანთის მხოლოდ ერთი ეგზემპლარი არსებობს, რომელიც 19 ივნისს, აუქციონზე Just Phriends გაიყიდება. ის გელის ფუტლარში იქნება მოთავსებული, რომელსაც თან მიკროსკოპიც მოჰყვება, რათა მყიდველებმა პროდუქტის დეტალურად დათვალიერება შეძლონ.

ამასთან, MSCHF-ს Louis Vuitton-ისგან მათი მოდელის გამოყენებაზე უფლება არ მიუღია, ამიტომ გამორიცხული არ არის, რომ მოდის სახლი კომპანიას უჩივლებს.