ბლეიკ ლაივლი ჯასტინ ბალდონის წინააღმდეგ წაყენებული რამდენიმე ბრალდების უარყოფას აპირებს

 ბლეიკ ლაივლი ჯასტინ ბალდონის წინააღმდეგ წაყენებული რამდენიმე ბრალდების უარყოფას აპირებს — ამის შესახებ საქმის ახალი სამართლებრივი დოკუმენტები მიუთითებს.

ფილმ It Ends with Us-ის კულისებს მიღმა კონფლიქტის გამო მიმდინარე სასამართლო დავაში, 37 წლის ლაივლიმ სამშაბათს, 2 ივნისს, მოითხოვა, უარი ეთქვა განზრახ და უყურადღებობით გამოწვეული ემოციური ტკივილის მიყენების ბრალდებებზე ბალდონის წინააღმდეგ.

ბალდონის ადვოკატმა, კევინ ფრიცმა, წერილით მიმართა აშშ-ის ნიუ-იორკის სამხრეთის ოლქის ფედერალური სასამართლოს მოსამართლე ლუის ჯ. ლიმანს და მოითხოვა განკარგულება, რომლის მიხედვითაც ლაივლი ვალდებული იქნებოდა, მიეწოდებინა ინფორმაცია საკუთარი სამედიცინო და მენტალური ჯანმრთელობის შესახებ, მათ შორის, ხელი მოეწერა HIPAA-ს თანხმობაზე — თერაპიის ჩანაწერებისა და შესაბამისი სამედიცინო დოკუმენტების ბალდონის მხარისთვის გადასაცემად.

 დოკუმენტში ასევე აღნიშნულია, რომ "ლაივლიმ, თანხმობის ნაცვლად," გადაწყვიტა, უარი ეთქვა ემოციური ტანჯვის ბრალდებებზე — დროებით, უფლებების დაკარგვის გარეშე. ამ ქმედებით, როგორც განაცხადეს, ლაივლი თავს არიდებს "იმ ინფორმაციისა და მტკიცებულებების გამჟღავნებას, რომლებიც დაადასტურებდა, ჰქონდა თუ არა მიყენებული მას რეალური ემოციური ზიანი" და ამავდროულად ცდილობს "შეინარჩუნოს უფლება, იგივე ბრალდებები ნებისმიერ დროს, ამ სასამართლოში ან სხვაგან, ხელახლა წარადგინოს მას შემდეგ, რაც მტკიცებულებების წარდგენის ვადა ამოიწურება... ბლეიკ ლაივლის ორივე გზა არ შეუძლია აირჩიოს."

ლაივლის ადვოკატებმა — ესრა ჰადსონმა და მაიკ გოტლიბმა — ჟურნალ PEOPLE-ს განუცხადეს: "კიდევ ერთხელ ვხედავთ, როგორ გამოიყენება სამართლებრივი პროცესი პიარისთვის. ჩვენ ვაკეთებთ იმას, რასაც იურისტები აკეთებენ — ვამზადებთ საქმეს სასამართლოსთვის, ვამარტივებთ და ვკონკრეტდებით. ისინი კი, ჩვეულებრივად, ტაბლოიდების ყურადღების მოსაპოვებლად იბრძვიან."

Gossip Girl-ის ვარსკვლავი ლაივლი "ძალას არ იშურებს, რომ ემოციური ტანჯვა წარმოაჩინოს, როგორც საკუთარი სარჩელის ნაწილი — სადაც ასევე მოყვანილია სექსუალური შევიწროებისა და შურისძიების ბრალდებები, და მოთხოვნილია მნიშვნელოვანი კომპენსაცია ყველა პუნქტზე."

ბალდონისა და ლაივლის საქმე დეკემბერში აღიძრა, როცა ლაივლიმ ბალდონის სექსუალურ შევიწროებაში დასდო ბრალი, რაც, მისი მტკიცებით, მოხდა It Ends with Us-ის გადაღებებისას და რასაც მოჰყვა შურისძიების ცილისმწამებლური კამპანია ბალდონისგან. ჯასტინ ბალდონიმ ბრალდებები უარყო, იანვარში კი თავადაც შეიტანა სარჩელი ლაივლისა და მისი ქმრის, რაიან რეინოლდსის წინააღმდეგ, მათ შორის შანტაჟისა და ცილისწამების გამო.

ორივე სარჩელის სასამართლო პროცესი 2026 წლის მარტშია ჩანიშნული.