ხვიჩა კვარაცხელია „პარი სენ-ჟერმენის“ და „რეალის“ შეხვედრაზე: თავს ძალიან კარგად ვგრძნობთ. მზად ვართ თამაშისთვის

„ფიფა 2025“ წლის მსოფლიო საკლუბო ჩემპიონატის ნახევარფინალში დღეს ხვიჩა კვარაცხელიას „პარი სენ-ჟერმენი“ ნიუ-ჯერსიში მადრიდის „რეალს“ შეხვდება.

მნიშვნელოვანი დაპირისპირების წინ პსჟ-სა და საქართველოს ნაკრების ერთ-ერთმა ლიდერმა, ხვიჩა კვარაცხელიამ ინტერვიუ მისცა ავტორიტეტულ გამოცემას.

ქართველმა ფეხბურთელმა სეზონი შეაჯამა და „რეალთან“ მოახლოებულ მატჩზეც ილაპარაკა. კვარაცხელიას ანგარიშზე ხუთ მატჩში 1 გოლი და 2 საგოლე გადაცემაა.

„თავს ძალიან კარგად ვგრძნობთ. მზად ვართ თამაშისთვის. კარგად მოვემზადეთ და ბოლომდე ვიბრძოლებთ“, - აღნიშნა კვარაცხელიამ.

„რეალსა“ და „პსჟ-ს“ შორის შეხვედრა თბილისის დროით 23:00 საათზე დაიწყება.