ტეილორ სვიფტმა სატვირთო მანქანის მძღოლები 100 000 დოლარით დააჯილდოვა

წყაროს თქმით, მომღერალმა ტეილორ სვიფტმა სატვირთო მანქანის მძღოლებს, რომლებიც მის აღჭურვილობას აშშ-ში ატარებენ, ბონუსის სახით 100 000 დოლარი აჩუქა.

მძღოლებს ჩეკები შაბათის კონცერტამდე, სანტა კლარაში დაურიგდათ.

როგორც ირკვევა, სვიფტის საკონცერტო ინვენტარის გადაადგილებას 50 სატვირთო მანქანა სჭირდება, შესაბამისად, მომღერალმა ბონუსებში 5 მილიონი დოლარი დახარჯა.

შეგახსენებთ, რომ ტეილორის ტური მომავალ კვირაში, მექსიკაში დასრულდება.

ცნობილი ხდება ისიც, რომ მომღერლის შემოსავალი თითო კონცერტიდან 13 მილიონ აშშ დოლარს შეადგენს. მისი ტურის გაყიდვები კი 1 მილიარდ დოლარამდე ავიდა.

სვიფტმა ასევე დააჯილდოვა ბენდის წევრები, მოცეკვავეები, ხმისა და განათების ტექნიკოსები, ქეითერები და სხვა თანამშრომლები.

ასევე ნახეთ:

ტეილორ სვიფტი ყოფილ პარტნიორებზე სერიალის გადაღებას გეგმავს - უცხოური მედია

რატომ ფიქრობენ ბრიტნი სპირსის თაყვანისმცემლები, რომ ის მკვდარია

რას სჭირს სინამდვილეში პლანეტის ყველაზე ლამაზ ქალს? - რას წერენ ტაბლოიდები ბელა ჰადიდზე