მამამ 2 წლის შვილი პარკინგზე გაჩერებულ სატვირთოში დატოვა, სიცხის შედეგად პატარა დაიღუპა (აშშ)

აშშ-ში, ფლორიდის შტატში, მამამ 2 წლამდე ბავშვი, მზიან ამინდში, პარკინგზე გაჩერებულ სატვირთოში დატოვა, რის გამოც ბავშვი დაიღუპა. 

მამა დაკავებულია. ის გაუფრთხილებლობით მკვლელობასა და ბავშვის მიმართ უყურადღებობაშია ბრალდებული, რამაც მძიმე სხეულის დაზიანება გამოიწვია. მას გირაოს შეტანის უფლება აკრძალული აქვს.

გამოძიების ცნობით, 33 წლის სკოტ ალენ გარდნერმა საშინელი უპასუხისმგებლობა და გულგრილობა გამოავლინა, როდესაც თავისი ვაჟი, სებასტიანი, სამ საათზე მეტი ხნით მაღალი ტემპერატურის პირობებში მანქანაში დატოვა.

მედიის ცნობით, როდესაც მამაკაცმა სასწრაფო დახმარება გამოიძახა, ბავშვის სხეულის ტემპერატურა ძალიან მაღალი იყო და მისი გადარჩენა ვერ მოხერხდა.