მსოფლიო • 1762548099

45 წლის „ყველაზე დაღლილ ქურდს“ გასაძარცვ სახლში ჩაეძინა

ამურის ოლქში პოლიციამ დააკავა 45 წლის მამაკაცი, რომელმაც კერძო სახლის ძარცვა სცადა, მაგრამ ადგილზევე ჩაეძინა. ამის შესახებ რუსეთის შინაგან საქმეთა სამინისტროს ბლაგოვეშჩენსკის დეპარტამენტმა განაცხადა.ინციდენტი 2 ნოემბერს, დილით მოხდა. ქალაქის მცხოვრებმა, ღამის ცვლიდან დაბრუნებისას, სახლში უცნობი ადამიანი აღმოაჩინა. ქალმა დაუყოვნებლივ გამოიძახა პოლიცია, ადგილზე მივიდნენ ოფიცრები და მამაკაცი დააკავეს.აღმოჩნდა, რომ ქურდი სახლში ფანჯრიდან შევიდა, როდესაც სახლში არავინ იყო და ნივთების - ტელევიზორისა და ჯაჭვური ხერხის - შეგროვება დაიწყო. თუმცა, იმის იმედით, რომ მეპატრონე მალე არ დაბრუნდებოდა, დასაძინებლად დაწვა და ჩაეძინა. სახლის მეპატრონემ ის ამ მდგომარეობაში იპოვა.ეჭვმიტანილი ადგილობრივი მცხოვრები იყო, რომელსაც წარსულში ნასამართლევი ჰქონდა. „ყველაზე დაღლილი“ ქურდის წინააღმდეგ სისხლის სამართლის საქმე აღიძრა სახლში უკანონო შეღწევის მცდელობისთვის. მას ექვს წლამდე თავისუფლების აღკვეთა ემუქრება. ამ დროისთვის ის გირაოთი არის გათავისუფლებული.

პოლიტიკა • 1762539844

სალომე ზურაბიშვილი- ბევრი მინისტრი იძულებულია გაჩუმდეს. ვხედავთ რამდენი მათგანია კორუფციის მხილების ქვეშ. თვით ღარიბაშვილი, როცა მას ჰქონდა მოლაპარაკებები ევროკავშირთან ცდილობდა დაერწმუნებინა ისინი, რომ ჩვენ არ ვცილდებოდით ევროპულ გზას

საქართველოს ყოფილმა პრეზიდენტმა, სალომე ზურაბიშვილმა დიანა ტრაპაიძესთან და ვახო სანაიასთან ერთობლივი ინტერვიუს დროს ევროინტეგრაციაზე საუბრისას კორუფციის თემებიც ახსენა და აღნიშნა, რომ ის ადამიანები, რომლებსაც პირველ პლანზე ვხედავთ, მაგალითად, მინისტრები იძულებული არიან გაჩუმდნენ, რადგან ისინი „კორუფციის მხილების ქვეშ არიან და ელოდებიან ხვალ რა და როგორ მოხდება“.როგორც ზურაბიშვილმა განაცხადა, ირაკლი ღარიბაშვილიც კი ცდილობდა დაერწმუნებინა ევროპელი პარტნიორები, რომ საქართველო არ სცილდებოდა ევროპულ გზას.„ის 80 პროცენტი, რომელიც მუდმივად ევროკავშირის მომხრედ აისახებოდა სხვადასხვა კვლევებში, არსად წასულა. როგორც პროტესტი არსად წასულა, ეს ხალხიც არსად წასულა. თუნდაც, ის ადამიანები, რომლებსაც პირველ პლანზე ვხედავთ, მინისტრებიც და სხვებიც, შიგნით რამდენს უნდა რუსეთი? რამდენი არის ვალდებული, რომ გაჩუმდეს, რაღაცები მიიღოს და რამდენს უნდა საქართველოს ორიენტაციის ეს ცვლილება და რამდენს არ უნდა, რომ საქართველო იყოს ცივილიზებული, ნორმალური, დემოკრატიული ევროპული ქვეყანა, მე ვიტყოდი, რომ ასეთი ძალიან ცოტაა, რომელიც თავისი ნებით ამ გზას აირჩევდა, მაგრამ სხვადასხვა მოცემულობა არის ისეთი, რომ არიან ძალიან დიდი პრესის ქვეშ და ვხედავთ რამდენი მინისტრი არის დღეს კორუფციის მხილებების ქვეშ და ელოდება ხვალ რა და როგორ მოხდება. თვით ღარიბაშვილი, როცა ჰქონდა მას მოლაპარაკებები ევროკავშირთან, სანამ თვითონ დადიოდა, ძალიანაც ცდილობდა, რომ დაერწმუნებინა ისინი, რომ ჩვენ არ ვცილდებოდით იმ [ევროპულ] გზას, თუნდაც ამ რეფორმებს არ ვასრულებდით, რაც დაკისრებული გვქონდა“- განაცხადა სალომე ზურაბიშვილმა.       

მსოფლიო • 1762539195

ტრამპმა ორბანთან შეხვედრაზე განაცხადა, რომ განიხილავს უნგრეთისთვის რუსული ნავთობის ყიდვაზე გამონაკლისის დაშვებას

აშშ-ის პრეზიდენტმა, დონალდ ტრამპმა უნგრეთის პრემიერ-მინისტრთან, ვიქტორბ ორბანთან შეხვედრაზე განაცხადა, რომ განიხილავს უნგრეთისთვის რუსული ნავთობის ყიდვაზე გამონაკლისის დაშვებას.„ჩვენ ამას განვიხილავთ. უნგრეთისთვის ძალიან რთულია ნავთობისა და გაზის მოპოვება სხვა რეგიონებიდან... მათ არ აქვთ ზღვა, არ აქვთ პორტები და, შესაბამისად, რთული პრობლემა აქვთ. როდესაც უყურებ, რა მოხდა ევროპაში, ბევრ ამ ქვეყანას ეს პრობლემები არ აქვს და ისინი რუსეთისგან ყიდულობენ ბევრ ნავთობსა და გაზს, და როგორც მათ იციან, მე ეს ძალიან მაწუხებს“, - აღნიშნა აშშ-ის პრეზიდენტმა.

პოლიტიკა • 1762533146

ვასილ მაღლაფერიძე: მიხეილ სააკაშვილმა გამოაქვეყნა იდეოლოგიური დოქტრინა - საქმე გვაქვს სოციალურ დარვინიზმზე დაფუძნებულ ნაცისტურ იდეოლოგიის მქონე პარტიასთან, რომელიც უარს ამბობს არჩევნებზე და მიზნად ისახავს „დეგრუზინიზაციას“

2025 წლის 6 ნოემბერს კი მიხეილ სააკაშვილმა მხოლოდ საქართველოს “პროგრესულ” ნაწილს მიმართა და უთხრა - თვალი გაუსწორეთ სიმართლეს, არანაირი ერთი საქართველო აღარ არსებობს, არის ორი ცივილიზაციურად გაყოფილი საქართველო და ვისაც მიგაჩნიათ, რომ “პროგრესს”, “ცივილიზციას” და ყველანაირ სიკეთეს განასახიერებთ, დავიწყოთ “დეგრუზინაზაციის”, ბარბაროსების ჩარეცხვის და უტილიზაციის პროცესიო, - წერს საზოგადოებრივი მაუწყებლის სამეურვეო საბჭოს თავმჯდომარე, ვასილ მაღლაფერიძე, სოციალურ ქსელში.მისი განცხადებით, სააკაშვილის მიერ გამოქვეყნებულ იდეოლოგიურ დოქტრინაში, მიზანი მკაფიოდ არის ჩამოყალიბებული და „დეგრუზიზაცია“ სწორედ საქართველოს „პროგრესულმა ნაწილმა“ უნდა განახორციელოს, რადგან ექსპრეზიდენტი მათ ყველაზე ჭკვიანებს, მებრძოლებს, კეთილებს და პროგრესულებს უწოდებს.მაღლაფერიძის განცხადებით, სააკაშვილის მიერ ნახსენებ “ანთროპოლოგიური სეგრეგაციის პასაჟს” ზოგიერთი ელჩი, არ შეიმჩნევს, ისევე როგორც ე.წ. უფლებადამცველებმა არ შეიმჩნიეს.„გუშინ, 2025 წლის 6 ნოემბერს მიხეილ სააკაშვილმა გამოაქვეყნა, ფაქტობრივად, იდეოლოგიური დოქტრინა, რომელიც შემდეგი პოსტულატებისგან შედგება:Mikheil Saakashvili :“არანაირი ერთი საქართველო აღარ არსებობს. არის ორი ცივილიზაციურად გაყოფილი საქართველო… ”Mikheil Saakashvili :“ახლა უნდა მივხვდეთ ერთ რამეს - ჩვენ და მათ (გულისხმობს საქართველოს მოქალაქეებს - ვ.მ.) ერთ ქვეყანაში არ დაგვედგომება. სახეზეა ძალიან ღრმა შეუთავსებლობა და ნამდვილი სამოქალაქო კონფლიქტი.”Mikheil Saakashvili :“საქმე იმაშია რომ ერთ მხარეს ვართ ცივილიზაცია და მეორეს მხრივ სრული ბარბაროსები.”Mikheil Saakashvili :“აქეთ მხარეს ვართ ევროპა იქით რუსეთი და აზია, აქეთ ვართ პროგრესი და იქით სრული ჩამორჩენილობა… აქეთ ვართ სიკეთე და იქით ბოროტება.Mikheil Saakashvili :“ჩვენ ( გულისხმობს საქართველოს მოქალაქეებს - ვ.მ.) განვსხვავდებით ჩვენი საუბრის მანერით და ლექსიკით, ჟესტიკულაციით, მიხვრა მოხვრით. თვალების გამოხატულებით.”Mikheil Saakashvili :“განვსხვავდებით ანთროპოლოგიურად…”Mikheil Saakashvili :ასე რომ მოვეშვათ საუბარს, რომ ერთნი ვართ ყველანი, ამ ეტაპზე ჩვენი და მათი შერიგება ვერ მოხდება.”Mikheil Saakashvili :“გამარჯვების შემდეგ წინ გვაქვს ხანგრძლივი დეგრუზინიზაციის პროცესი რათა აღარასდროს დავუშვათ მათი აღზევება.”მიზანი სრულიად მკაფიოდ არის ჩამოყალიბებული და, თუმცა, ამ მიზნის მიღწევის ფორმაზე პირდაპირ არაფერს ამბობს, მაგრამ თუ შინაარსს და ლექსიკას გავითვალისწინებთ, კუკარაჩასი არ იყოს, ქელეხის ხარჯების გარდა ყველაფერი გასაგებად წერია.უკვე მივეჩვიეთ, რომ ადამიანების ერთი ნაწილი ღრმად არის დარწმუნებული საკუთარ განსაკუთრებულობაში და შეპყრობილია განცდით, რომ თვითონ, რატომღაც, უზენაეს ჭეშმარიტებას ფლობს და მთელმა ქვეყანამ მის ჭკუაზე უნდა იაროს! ვინც “ჯიუტობს” და განსხვავებულ აზრებს გამოთქვამს, ის არასრულფასოვანი არსებაა, “გრუზინია”, “ბარბაროსია”, “ბნელია” და “რუსია”, რომელიც ან “ახალ ადამიანად” უნდა გადაადნო, ან, “ჩარეცხო”.ამ ყაიდის ხალხი საკუთარ განსაკუთრებულობას დიდად არც არასდროს მალავდა, მაგრამ, ოფიციალურად, აქამდე, მაინც ჩვეულებრივ ადამიანებად რჩებოდნენ და პარტიასაც იმიტომ ერქვა “ერთიანი ნაციონალური მოძრაობა”, რომ მთელი ქვეყნის გამაერთიანებლის პრეტენზია ჰქონდა.2025 წლის 6 ნოემბერს კი მიხეილ სააკაშვილმა მხოლოდ საქართველოს “პროგრესულ” ნაწილს მიმართა და უთხრა - თვალი გაუსწორეთ სიმართლეს, არანაირი ერთი საქართველო აღარ არსებობს, არის ორი ცივილიზაციურად გაყოფილი საქართველო და ვისაც მიგაჩნიათ, რომ “პროგრესს”, “ცივილიზციას” და ყველანაირ სიკეთეს განასახიერებთ, დავიწყოთ “დეგრუზინაზაციის”, ბარბაროსების ჩარეცხვის და უტილიზაციის პროცესიო… ეს დეგრუზიზაცია სწორედ თქვენ უნდა განახორციელოთ, რადგან თქვენ ყველაზე ჭკვიანები, მებრძოლები, კეთილები, პროგრესულები და თვალების მოხატულობითაც და მიხვრა-მოხვრითაც ძალიან სხვანაირები ხართო!ხოლო “გრუზინები” ვინ არიან, მათი ცნობა ძნელი არ არის, ბნელები, ბარბაროსები და, ანთროპოლოგიურადაც განუვითარებლები!… (ამ “ანთროპოლოგიური სეგრეგაციის პასაჟს” ზოგიერთი ელჩი, ცხადია, არ შეიმჩნევს, ისევე როგორც ჩვენმა ე.წ. უფლებადამცველებმა არ შეიმჩნიეს.)6 ნოემბერს მიხეილ სააკაშვილმა თავის დროზე მის მიერვე შექმნილი პარტიის ოფიციალური მიზნები და იდეოლოგია ფაქტობრივად გადააფორმატა და თუ ამ გამოქვეყნებული დოქტრინით ვიმსჯელებთ, ამჯერად საქმე გვაქვს სოციალურ დარვინიზმზე დაფუძნებულ ნაცისტურ იდეოლოგიის მქონე პარტიასთან, რომელიც არსებულ პოლიტიკურ რეალობასთან ღია კონფქლიტში შედის, ცხადია, რომ უარს ამბობს არჩევნებზე და მიზნად ისახავს „დეგრუზინიზაციას“, რაც პირდაპირი მწვავე კონფლიქტის დაანონსებას ნიშნავს. ცხადია, რომ ამ პროცესს გულხელდაკრეფილი არც მეორე მხარე შეხვდება და შეიძლება ამ დოქტრინის შემოგდების ერთ-ერთი მიზანი ისიც იყოს, რომ ადამიანები ურთიერთანგარიშსწორებისთვის წააქეზონ!თუმცა, ეს დოქტრინა მხოლოდ ერთი კაცის თავში აღმოცენებულს არ ჰგავს, და ინტერნაციონალური ნააზრევის შთაბეჭდილებას ტოვებს. არ არის გამორიცხული, რომ გეგმავდნენ პოლიტიკური ველის გადატვირთვას, პოლიტიკური ცენტრის ისევ სააკაშვილთან დაბრუნებას და ბრძოლის გაგრძელებისთვის ახალი კიდევ უფრო აგრესიული იდეოლოგიური საფუძვლის შექმნას.ამ დოქტრინამ უნდა გააერთიანოს ის ადამიანები, რომლებიც “სააკაშვილის სიმართლეს” თვალს გაუსწორებენ და თავს დაირწმუნებენ, რომ: თვითონ არიან ცივილიზაცია, მეორე მხარეს არიან ბარბაროსები! თვითონ არიან პროგრესი, იქით არის ჩამორჩენილობა! აქეთ არის სიკეთე და იქით არის ბოროტება! ერთმანეთთან არაფერი აერთიანებთ, ერთმანეთისგან ანთროპოლოგიურადაც კი განსხვავდებიან, ამიტომ სამოქალაქოს დაპირისპირებას მწვანე შუქი აქვს ანთებული!რასაკვირველია, ამ პრიმიტიულ ფრაზებში არც არგუმენტებია და არც - ლოგიკა, მაგრამ მანიპულირების ოსტატები მასებზე ზემოქმედებას სწორედ ასეთი პრიმიტიული და ხშირად უაზრო ფრაზებით ახდენენ და ადამიანებს მიმართავენ როგორც უკიდურესად უღრესად ბრიყვებს - თქვენ ხართ ძალიან კარგები, იმიტომ რომ ძალიან კარგები ხართ, წინ დიდი ბედნიერება გელით, რაშიც ხელს გიშლიან ძალიან ცუდი ადამიანები, რომლებიც ცუდები არიან იმიტომ, რომ ცუდები არიან და ამიტომ საჭიროა, მათი განადგურება.ასეთი ხერხი ძალიანაც ჭრის. მსოფლიო ისტორია სავსეა იმის მაგალითებით, როდესაც დიდი ქვეყნების ცენტრალურ მოედნებზე შეკრებილი ათიათასობით ადამიანი ამაზე ბევრად უფრო პრიმიტიული ფრაზებით მოუხიბლავთ.სხვადასხვა ეპოქაში, სხვადასხვა ქვეყანაში ამ ცუდ ადამიანებს სხვადასხვა დამამცირებელი სახელები ერქვათ, დღეს საქართველოში “გრუზინებს” არქმევენ და ადამიანებს “დეგრუზინიზაციისკენ” მოუწოდებენ. ნუთუ, ვინმეს ახსნა სჭირდება, ეს რას ნიშნავს და რისთვის კეთდება?!ლანძღვა-გინება, ადამიანების მორალური და ფიზიკური განადგურების მცდელობა, ისედაც ჩვენი ყოველდღიურობის ნაწილად არის ქცეული და ამას “დეგრუზინიზაციას” დავარქმევთ თუ დეადამიანიზაციას, სინამდვილეში ჩვეულებრივ კანიბალიზმთან გვაქვს საქმე.Mikheil Saakashvili თავის დოქტრინაში გვეუბნება:“განვსხვავდებით ანთროპოლოგიურად…”და იქვე გამოსავალს გვთავაზობს:Mikheil Saakashvili :“ერთ ქვეყანაში არ დაგვედგომება” ,როდესაც სიტყვა მასობრივი განადგურების იარაღად არის გადაქცეული, ცხადია, რომ ამ იარაღს აუცილებლად გამოიყენებენ პროფესიონალი მანიპულატორები, რომლებიც ვითარების უკიდურესად დაძაბვიდან ელიან სარგებელს და ამიტომ ყოველნაირად ეცდებიან საზოგადოების კიდევ უფრო გახლეჩვას, ერთმანეთზე გადაკიდებას და ადამიანების დარწმუნებას, რომ ვინც სხვაგვარად ფიქრობს, ის არის ბნელი, ბარბაროსი, მოღალატე, ტარტაროზი და ანთროპოლოგიურადაც დაბალგანვითარებული და მათთან ერთ ქვეყანაში ცხოვრება შეუძლებელია. შემდეგ მეორე მხარეც დაიჯერებს, რომ განადგურებას უპირებენ, ისიც ხელს გამოიღებს და დაიწყება!თავისი დოქტრინის ბოლოთქმად სააკაშვილმა, თითქოს, პაწია იმედის დატოვება მაინც სცადა:Mikheil Saakashvili :“სინამდვილეში ერთადერთი რაც გვაერთიანებს გრუზინებთან არის ალბათ ის, რომ მოგვწონს ერთნაირი კერძები…”მაგრამ კერძის სიყვარულმაც კი ვიღაცასთან რომ გაგაერთიანოს, სულ ცოტა, არ უნდა გეეჭვებოდეს, რომ იმ ვიღაცას კერძში ჩააფურთხება და ქვევრში ჩააფსმა შეუძლია!“ - წერს ვასილ მაღლაფერიძე.

პოლიტიკა • 1762523580

ევროკავშირი რუსეთის მოქალაქეებისთვის მულტივიზების გაცემას წყვეტს

ევროკომისიამ მიიღო გადაწყვეტილება რუსეთის მოქალაქეებზე მულტივიზები აღარ გასცეს. ინფორმაციას რუსული მედია ავრცელებს.„ამ მომენტიდან რუსეთის მოქალაქეები მულტივიზებს ვეღარ მიიღებენ. ეს იმას ნიშნავს, რომ რუსეთის მოქალაქეებს მოუწევთ ვიზის აღება ყოველ ჯერზე, როცა ისინი ევროკავშირში გამგზავრებას გადაწყვეტენ“, - ციტირებს მედია ევროკომისიის წარმომადგენელს მარკუს ლამერტს.როგორც რუსული მედია წერს, მულტივიზები, რომლებიც უკვე გაცემულია რუსეთის მოქალაქეებზე, არ გაუქმდება.ევროკომისიაში აგრეთვე განაცხადეს, რომ გამონაკლისის სახით, მულტივიზებს გასცემენ რუსეთის იმ მოქალაქეებზე, რომელთა ოჯახის წევრი ევროკავშირში ცხოვრობს, აგრეთვე სატვირთო ავტომობილების, ავტობუსების მძღოლებზე, მემანქანეებზე, რომლებიც რეგულარულ რეისებს ასრულებენ.

პოლიტიკა • 1762518180

მარკ რუტე: რუსეთი ალიანსის რომელიმე წევრს თუ დაარტყამს, პასუხი დამანგრეველი იქნება

ნატო-ს გენერალური მდივნის, მარკ რუტეს განცხადებით, რუსეთი ალიანსის რომელიმე წევრს თუ დაარტყამს, პასუხი დამანგრეველი იქნება. ამის შესახებ მარკ რუტემ რუმინულ მედიასთან საუბარში განაცხადა.ნატო-ს გენერალური მდივნის განცხადებით, ნაკლებად სჯერა, რომ რუსეთი ნატო-ს რომელიმე ქვეყანას დაარტყამს, რადგანაც იცის ნატო-ს ქვეყნებს ვერ მოუგებს.„და, ამას თუ იზამენ, უნდა იცოდნენ, რომ ჩვენი პასუხი იქნება დამანგრეველი. რუსეთი რუმინეთს თუ დაარტყამს, იცის, რომ რუმინეთს მხარს დაუჭერენ ნატო-ს 31 წევრები. ყველა დაიცავს რუმინეთს ნატო-ს კოლექტიური ძალებით“, – თქვა მარკ რუტემ.ამასთან, ნატო-ს გენერალურმა მდივანმა აღნიშნა, რომ აუცილებელია თავდაცვაში მეტი ინვესტიციის ჩადება, რომ სიძლიერე შეინარჩუნონ.

პოლიტიკა • 1762516920

კაია კალასი: ევროკავშირი რუსეთის მოქალაქეებისთვის სავიზო წესებს ამკაცრებს, ევროკავშირში მოგზაურობა პრივილეგიაა და არა მოცემულობა

ევროკავშირმა რუსეთის მოქალაქეებისთვის ვიზების გაცემის წესები გაამკაცრა.ახალი წესების თანახმად, რუსეთის მოქალაქეები ვეღარ შეძლებენ მრავალჯერადი ვიზების მიღებას. ეს ნიშნავს, რომ რუსეთის მოქალაქეებს ევროკავშირში ყოველი მოგზაურობის დაგეგმვისას, ახალი ვიზის მისაღებად განაცხადის შეტანა მოუწევთ, რაც განმცხადებლების ხშირი შემოწმების საშუალებას იძლევა.„რუსეთის უკანონო და არაპროვოცირებული აგრესიის ომი უკრაინის წინააღმდეგ კვლავ სერიოზულ საფრთხეს უქმნის ევროპის უსაფრთხოებას, რაც გამოწვეულია დივერსიით, დეზინფორმაციითა და დრონების შეჭრით. ამ უკანონო აგრესიის დაწყებიდან ევროკავშირმა გაამკაცრა შესვლის პირობები რუსეთის მოქალაქეებისთვის. ვიზებთან დაკავშირებული წესების შემდგომი შეზღუდვით, ჩვენ ვდგამთ დამატებით და აუცილებელ ნაბიჯს ევროკავშირისა და მისი მოქალაქეების უსაფრთხოების დასაცავად,“ – აღნიშნულია ევროკომისიის პრესსამსახურის მიერ გავრცელებულ განცხადებაში.ამასთან, საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, კაია კალასმა აღნიშნა, რომ ევროკავშირში მოგზაურობა პრივილეგიაა და არა მოცემულობა.„ევროპის ტერიტორიაზე დრონებით გამოწვეული შეფერხებებისა და დივერსიების ფონზე, ევროკავშირი რუსეთის მოქალაქეებისთვის სავიზო წესებს ამკაცრებს. ევროკავშირში მოგზაურობა პრივილეგიაა და არა მოცემულობა,“ – წერს კალასი.

მსოფლიო • 1762508700

პიტერ სიიარტო: უნგრეთი შეერთებულ შტატებთან ბირთვული ენერგიის სფეროში თანამშრომლობის შეთანხმებას გააფორმებს, პირველად შევიძენთ ამერიკულ ბირთვულ საწვავს

უნგრეთი აშშ-თან ბირთვული ენერგიის სფეროში თანამშრომლობის შეთანხმებას გააფორმებს, – ამის შესახებ უნგრეთის საგარეო საქმეთა მინისტრმა, პიტერ სიიარტომ განაცხადა.სიიარტოს თქმით, აღნიშნული შეთანხმება მოიცავს ამერიკული ბირთვული საწვავისა და აშშ-ის ტექნოლოგიის შეძენას რუსეთის მიერ აშენებულ ბირთვულ ელექტროსადგურზე გამოყენებული საწვავის შესანახად.„ჩვენს კოლეგასთან, მარკო რუბიოსთან ერთად ხელს მოვაწერთ მნიშვნელოვან შეთანხმებას ბირთვული ენერგიის სფეროში თანამშრომლობის შესახებ“, – განაცხადა უნგრეთის საგარეო საქმეთა მინისტრმა.სიიარტომ აღნიშნა, რომ უნგრეთი შეიძენს ამერიკულ ბირთვულ საწვავს რუსეთის მიერ აშენებული ბირთვული ელექტროსადგურისთვის მზარდი ენერგეტიკული მოთხოვნილებების დასაკმაყოფილებლად.„არსებულ მომწოდებლებთან ურთიერთობების შენარჩუნების გარდა, უნგრეთის ისტორიაში პირველად შევიძენთ ამერიკულ ბირთვულ საწვავს“, – აღნიშნა სიიარტომ.

მსოფლიო • 1762499919

სენატორთა ორპარტიული ჯგუფი მოუწოდებს უნგრეთს, შეწყვიტოს რუსული ენერგორესურსების შეძენა

დონალდ ტრამპისა და ვიქტორ ორბანის შეხვედრამდე, ამერიკელი სენატორების ორპარტიული ჯგუფი მოუწოდებს უნგრეთს, შეწყვიტოს რუსული ენერგიის შეძენა. ამის შესახებ „ბლუმბერგი“ წერს.სენატორებმა შეშფოთება გამოთქვეს, რომ უნგრეთი „რუსულ საწვავზე დამოკიდებულების შემცირების ნიშნებს არ ავლენს“ და მოუწოდეს ორბანს, შეუერთდეს ევროკავშირის წინადადებას 2027 წლისთვის რუსული ენერგიის იმპორტის შეწყვეტის შესახებ.რეზოლუციას ხელი მოაწერა ათმა სენატორმა, მათ შორის რესპუბლიკელებმა და დემოკრატებმა, რომლებმაც განაცხადეს, რომ რუსეთის პრეზიდენტი ვლადიმერ პუტინი რუსული ენერგიის ექსპორტს იყენებს თავისი „მკვლელობისა და აგრესიის“ კამპანიის დასაფინანსებლად.„ვლადიმერ პუტინი ომის დამნაშავეა, რომელიც რუსული ენერგიის ექსპორტს იყენებს თავისი მკვლელობისა და აგრესიის კამპანიის დასაფინანსებლად. ეს რეზოლუცია მკაფიო გზავნილია, რომ ჩვენ არ დავუშვებთ იმას, რომ ენერგეტიკული დამოკიდებულება სასტიკი დიქტატორის ხელში იარაღად იქცეს“, – განაცხადა ჩრდილოეთ კაროლინას შტატის სენატორმა, ტომ ტილისმა.ამასთან, სენატორმა ჯინ შაჰინმა განაცხადა, რომ უნგრეთის ქმედებები კვლავ ძირს უთხრის კოლექტიურ უსაფრთხოებას და აქეზებს კრემლს.ცნობისთვის, უნგრეთის პრემიერ-მინისტრმა, ვიქტორ ორბანმა ვაშინგტონში გამგზავრებამდე განაცხადა, რომ რუსული ნავთობის შეძენაზე აშშ-ის დაწესებულ სანქციებთან დაკავშირებით დონალდ ტრამპთან მეგობრულ საუბარს ელოდება.უნგრეთის პრემიერ-მინისტრისა და აშშ-ის პრეზიდენტის შეხვედრა ვაშინგტონში დღეს გაიმართება.

პოლიტიკა • 1762497840

სკანდალური წერილი და ევროკავშირის ელჩის აღიარება - პაველ ჰერჩინსკი ადასტურებს, რომ საქართველოს ევროკავშირში გაწევრიანების შეჩერებაზე გადაწყვეტილება ირაკლი კობახიძის განცხადებამდე ხუთი თვით ადრე თავად მიიღეს

ევროკავშირის ელჩის, პაველ ჰერჩინსკის წერილი, რომელიც "რუსთავი 2"-მა ექსკლუზიურად მოიპოვა და რომლის ადრესატიც საქართველოს საგარეო საქმეთა სამინისტროა, თვდაყირა აყენებს მთელს იმ ისტერიულ კამპანიას საქართველოს წინააღმდეგ, რომლითაც ევროკავშირი მთელი ამ ხნის განმავლობაში ამტკიცებდა, რომ საქართველომ თავად თქვა უარი ევროკავშირში გაწევრიანების მოლაპარაკების დაწყებაზე.მინისტრის მოადგილის სახელზე გაგზავნილ წერილში, რომელიც 2025 წლის 5 ნოემბრით თარიღდება, პაველ ჰერჩინსკი იუწყება, რომ საქართველოს მონაწილეობა შეუჩერეს ევროკავშირის მიერ დაფინანსებულ რეგიონულ პროგრამებში უსაფრთხოებისა და ორგანიზებული დანაშაულის მიმართულებით. საუბარია იმ მიმართულებაზე, რომლის ფარგლებშიც საქართველოს არაერთი წარმატება აქვს მიღწეული და არაერთი მადლობა მიუღია თავად ევროკავშირის წარმომადგენლებისგან.მაგრამ ყველაზე მთავარი ამ წერილში სულ სხვა რამეა - ევროკავშირის ელჩის აღიარება, სადაც ეს უკანასკნელი ხაზგასმით, კონკრეტული ვადის მითითებით აღნიშნავს, რომ ევროკავშირმა ჯერ კიდევ 2024 წლის 27 ივნისს მიიღო გადაწყვეტილება საქართველოს გაწევრიანების პროცესის შეჩერებაზე ევროსაბჭოს დასკვნების თანახმად.პაველ ჰერჩინსკი საგარეო საქმეთა მინისტრის მოადგილეს პირდაპირ წერს: "საქართველოში არსებული განსაკუთრებული გარემოებების გათვალისწინებით და 2024 წლის 27 ივნისის ევროპული საბჭოს დასკვნების თანახმად, რამაც საქართველოს ევროკავშირში გაწევრიანების პროცესის ფაქტობრივი შეჩერება გამოიწვია, გაცნობებთ, რომ საქართველოს მონაწილეობა შემდეგ ევროკავშირის დაფინანსებულ რეგიონულ პროექტებში, უსაფრთხოებისა და ორგანიზებული დანაშაულის მიმართულებით, შეჩერებულია.საუბარია 2024 წლის 27 ივნისზე, რაც იმას ნიშნავს, რომ ხუთი თვით ადრე, ვიდრე საქართველოს პრემიერ-მინისტრი ირაკლი კობახიძე გააკეთებდა განცხადებას იმასთან დაკავშირებით, რომ საქართველოს ხელისუფლება 2028 წლის ბოლომდე თავად აღარ დააყენებდა საკითხს ევროკავშირთან მოლაპარაკების გახსნაზე, თუმცა შემოთავაზების გაკეთების შემთხვევაში, საქართველო წინადადებას დათანხმდებოდა, გადაწყვეტილება საქართველოს ევროკავშირში გაწევრიანების პროცედურების შეჩერებაზე  თავად ევროკავშირის მიერ უკვე მიღებული იყო.როგორც 5 ნოემბრის წერილიდან ირკვევა, მაშინ როდესაც ევროპარლამენტარები "ქართული ოცნების" ანტიევროპულ ნაბიჯთან დაკავშირებით მწუხარებას გამოთქვამდნენ და ერთობლივ მიმართვებს წერდნენ: რომ "მიუხედავად 2023 წელს ქვეყნისთვის კანდიდატის სტატუსის მინიჭებისა, მმართველმა პარტიამ ისტორიული შანსი არათუ გამოიყენა, არამედ საქართველოში დემოკრატიული უკანდახევის პროცესი წარმართა", ეს შანსი ქვეყანას, მათივე გადაწყვეტილებით, უკვე წართმეული ჰქონდა.მიუხედავად ამისა, საქართველოს ხელისუფლების წინაღმდეგ დაიწყო ფართომასშტაბიანი კამპანია, სადაც ჩაერთო თითქმის ყველა ევროპარლამენტარი და დასავლეთის საგარეო საქმეთა მინისტრები. ისინი მმართველ პარტიას, არც მეტი, არც ნაკლები, ღალატში ადანაშულებდნენ და მოსახლეობას ქუჩაში გამოსვლისკენ მოუწოდებდნენ.მათ რიცხვში იყოს დსთ-ს წევრი ქვეყნის, მოლდოვას პრეზიდენტი, მაია სანდუც. შეგახსენებთ მის ციტატას:  ქართველები არიან ევროპელები. საქართველოს მომავალი ევროპაშია და ამას ვერავინ წაართმევს მათ.იმ აღიარებითი წერილის ფონზე, რომელიც პაველ ჰერჩინსკიმ ორი დღის წინ მიწერა საგარეო საქმეთა სამინისტროს, განსაკუთრებით  ცინიკურად ჟღერს მისი სიტყვები, რომელიც  2024 წლის 29 ნოემბრით თარიღდება:"გვქონდა იმედი, რომ არჩევნები ახალ სტიმულს მისცემდა ევროკავშირისა და საქართველოს ურთიერთობებს, მაგრამ პოზიტიური ბიძგის ნაცვლად, იყო სერიოზული დარღვევები, როგორც საერთაშორისო დამკვირვებლებმა განაცხადეს. გუშინდელი განცხადება, რომ საქართველო აჩერებს ევროინტეგრაციას, არის ნამდვილად დასანანი" - EU-ის ელჩი პაველ ჰერჩინსკი.არქივი კიდევ ბევრ ასეთ განცხადებას ინახავს, რომელსაც ჩვენს მკითხველს ვთავაზობთ:29.11.2024 - "ქართველები აგრძელებენ საღამოს თბილისში პარლამენტის წინ პროტესტს. მათ მთავრობამ უღალატა. დაუჭერს ევროკავშირი მათ მხარს? ევროპარლამენტმა გზა აჩვენა" - წერს ევროპარლამენტარი ნატალი ლუაზო29.11.2024 - ღრმად შეშფოთებული ვარ საქართველოში მშვიდობიანი მომიტინგეებისა და ჟურნალისტების წინააღმდეგ ძალის გამოყენების შესახებ ცნობებით. ვწუხვარ, საქართველოს მთავრობის გადაწყვეტილებების გამო, შეაჩეროს ევროკავშირში გაწევრიანების მოლაპარაკებები, რაც დემოკრატიული რეფორმის მთავარი მექანიზმია. ჩვენ მხარს ვუჭერთ ქართველი ხალხის ევროპულ მისწრაფებას", – წერს სოციალურ ქსელში ნორვეგიის საგარეო საქმეთა მინისტრი.29.11.2024 -"იმედგაცრუებული ვარ საქართველოს მთავრობის გადაწყვეტილებით, შეაჩეროს ევროკავშირში გაწევრიანების პროცესი ხალხის ნების საწინააღმდეგოდ" - ამის შესახებ ფინეთის საგარეო საქმეთა მინისტრი, ელინა ვალტონენი სოციალურ ქსელში წერს.29.11.2024 - "ევროკომისიამ და ევროკავშირის საბჭომ სწრაფად უნდა დაუწესოს პერსონალური სანქციები ქართველ მაღალჩინოსნებს, რომლებიც დემოკრატიულ უკუსვლაზე არიან პასუხისმგებელნი, მათ შორის კობახიძეს, კალაძეს, პაპუაშვილს, ღარიბაშვილსა და ივანიშვილს. ეს დაუყოვნებლივ უნდა მოხდეს, როგორც ამას ევროპარლამენტის გუშინდელი რეზოლუცია ითვალისწინებს" - ევროპარლამენტარი რასა იუკნევიჩიენე.29.11.2024 - დევიდ მაკალისტერი, ნილს უშაკოვსი და რასა იუკნევიჩიენე - ვწუხვართ საქართველოს მთავრობის გადაწყვეტილების გამო, შეაჩეროს ევროკავშირთან გაწევრიანების მოლაპარაკებების დაწყების მცდელობები.29.11.2024 - პოლონეთის საგარეო საქმეთა სამინისტრო საქართველოს ხელისუფლების გადაწყვეტილებით, გაწევრიანების შესახებ ევროკავშირთან მოლაპარაკებების შეჩერების შესახებ, იმედგაცრუებულია.29.11.2024 - "საქართველოს აქვს ევროპული ოცნება და ევროპული მომავალი" - ამის შესახებ ლატვიის პრეზიდენტი, ედგარ რინკევიჩი სოციალურ ქსელში წერს.პრეზიდენტი ქართველ ხალხს და ქვეყნის მთავარსარდალს სოლიდარობას უცხადებს.29.11.2024 - ჩვენ ვწუხვართ საქართველოს მთავრობის გადაწყვეტილების გამო, შეაჩეროს ძალისხმევა ევროკავშირთან გაწევრიანების მოლაპარაკებების დასაწყებად, როგორც ამის შესახებ საქართველოს პრემიერმინისტრმა ირაკლი კობახიძემ 28 ნოემბერს განაცხადა. შეგახსენებთ, რომ ევროკავშირის წევრობისთვის განაცხადი საქართველოს სუვერენული გადაწყვეტილება იყო - 2022 წლის მარტში და რომ მას კანდიდატის სტატუსი 2023 წლის დეკემბერში მიენიჭა. იმის ნაცვლად, რომ გამოიყენონ ეს ისტორიული შესაძლებლობა და წინ წაიწიონ გაწევრიანების პროცესში, საქართველო მუდმივ დემოკრატიულ უკუსვლას განიცდის", - წერია განცხადებაში.03.12.2024 - ლატვიის საგარეო საქმეთა მინისტრი აცხადებს, რომ ევროკავშირში "ქართული ოცნების" ლიდერებთან მიმართებაში სანქციებზე იმსჯელებენ. ბაიბა ბრაჟე ამბობს, რომ საქართველოს ხელისუფლების გადაწყვეტილების გამო წუხს და სოლიდარობას უცხადებს ქართველ ხალხს.29.11.2024- მიუღებელია საქართველოს მთავრობის მხრიდან პროტესტის მონაწილეებზე ძალადობა - ასეთი განცხადებით ეხმაურება ესტონეთის საგარეო საქმეთა სამინისტრო საქართველოში 28/29 ნოემბერს მომხდარ მოვლენებს.ოფიციალურ განცხადებაში წერია, რომ "საქართველოში დემოკრატიული უკუსვლა უკვე დიდი ხანია შეიმჩნევა".მათივე შეფასებით, საქართველოში ჩატარებულ არჩევნებს, დარღვევების მასშტაბისა და სიმძიმის გამო, შეუძლებელია თავისუფალი და სამართლიანი ეწოდოს.29.11.2024 - გერმანიამ და ევროკავშირმა უნდა გადახედონ საქართველოსთან ურთიერთობებს. სასწრაფოდ საჭიროა სანქციები“ — წერს გერმანიის ბუნდესტაგის დეპუტატი, ტომას ჰაკერი.29.11.2024 - ქართველო ხალხო, ეს თქვენი ბოლო ბრძოლაა. თუ დღეს დაიცავთ თქვენს თავისუფლებასა და ევროპულ არჩევანს, გადაარჩენთ თქვენს ხვალინდელ დღეს ტრანსატლანტიკურ დასავლეთში. თუ დღეს ბრძოლის გეშინიათ, ეს ხვალ დამოუკიდებელი საქართველოს დასასრული და რუსული წარსულის დასაწყისი იქნება", - წერს ჟიგიმანტას პავილიონისი.04.11.2025 - მარტა კოსი - საქართველოს მთავრობის ქმედებებმა დე ფაქტო შეაჩერა გაწევრიანების წინმსწრები პროცესი, ხელისუფლებამ სასწრაფოდ უნდა შეცვალოს კურსიმარტა კოსი - საქართველოს მთავრობის ქმედებებმა დე ფაქტო შეაჩერა გაწევრიანების წინმსწრები პროცესი, ხელისუფლებამ სასწრაფოდ უნდა შეცვალოს კურსისაქართველოს მთავრობის ქმედებებმა დე ფაქტო შეაჩერა გაწევრიანების წინმსწრები პროცესი და მას შემდეგ ქვეყნის მიერ დემოკრატიული საფუძვლების დარღვევის ფონზე კომისია მიიჩნევს, რომ საქართველო ამჟამად მხოლოდ სახელით არის კანდიდატი ქვეყანა“, – განაცხადა მარტა კოსმა.29.11.2024 - საქართველოში მშვიდობიანი მომიტინგეები დაუპირისპირდნენ ქართული ოცნების რეჟიმს, რომელმაც პუტინის ავტორიტარიზმი დემოკრატიას ამჯობინა. ევროკავშირი არ შეიძლება გაჩუმდეს. ლიბერალები დგანან საქართველოს მამაცი მოქალაქეების გვერდით, რომლებიც თავისუფლებისთვის, სამართლიანობისთვისა და ევროპული მომავლისთვის იბრძვიან", - განაცხადა ALDE-ს პარტიის პრეზიდენტმა, სვენია ჰანმა.29.11.2024 - ევროპარლამენტის წამყვანი დეპუტატები საქართველოს მთავრობის გადაწყვეტილებაზე, ევროკავშირში გაწევრიანების შესახებ მოლპარაკებების შეწყვეტასთან დაკავშირებით ოფიციალურ განცხადებას ავრცელებენ.ევროპარლამენტარები "ქართული ოცნების" ანტიევროპულ ნაბიჯთან დაკავშირებით მწუხარებას გამოთქვამენ და წერენ, რომ მიუხედავად 2023 წელს ქვეყნისთვის კანდიდატის სტატუსის მინიჭებისა, მმართველმა პარტიამ ისტორიული შანსი არათუ გამოიყენა, არამედ საქართველოში დემოკრატიული უკანდახევის პროცესი წარმართა."საპარლამენტო არჩევნები არ შეესაბამებოდა დემოკრატიული არჩევნების საერთაშორისო სტანდარტებს. ცნობები არჩევნების გაყალბებაზე ხალი ხელისუფლების ლეგიტიმურობას ძირს უთხრის" - წერია ოფიციალურ განცხადებაში.29.11.2024 -„ლიეტუვა მტკიცედ დგას ქართველი ხალხისა და მათი ევროპული ოცნების გვერდით! პრეზიდენტო სალომე ზურაბიშვილო, გისურვებთ ძალასა და გამბედაობას საქართველოს ევროპული გზის შენარჩუნებაში. საქართველოს ადგილი ევროპაშია.“ — წერს ლიეტუვის პრეზიდენტი გიტანას ნაუსედა.29.11.2024 - სიმართლე გითხრათ, ასეთ მკაცრ ნაბიჯს "ოცნებისგან" არ მოველოდით - ასე ეხმაურება ევროპარლამენტარი, მარკეტა გრეგოროვა "პირველებთან" ინტერვიუში საქართველოს ხელისუფლების მიერ ევროკავშირში გაწევრიანების პროცესისი შეჩერებას.ევროკავშირში არიან ისეთი სახელმწიფოები, რომლებმაც შეიძლება, განიხილონ უვიზო მიმოსვლის შეჩერება საქართველოსთან - ამბობს გრეგოროვა და არ გამორიცხავს, რომ ბალიტიისპირეთის ქვეყნებმა მათ შორის ინდივიდუალური სანქციები დააწესონ "ოცნების" მარალჩინოსნების მიმართ.29.11.2024 - უკრაინა იმედგაცრუებულია საქართველოს მთავრობის გადაწყვეტილებით, შეაჩეროს მოლაპარაკებები ევროკავშირში გაწევრიანებაზე- უკრაინის საგარეო სამინისტრო.29.11.2024 - ქართველები არიან ევროპელები. საქართველოს მომავალი ევროპაშია და ამას ვერავინ წაართმევს მათ. მოლდოვა გმობს ძალადობას მშვიდობიანი დემონსტრანტების მიმართ და სოლიდარობას უცხადებს პრეზიდენტ ზურაბიშვილს და ქართველ ხალხს თავისუფლებისთვის ბრძოლაში." - წერს მაია სანდუ.29.11.2024 - "ქართული ოცნების ლიდერების მხრიდან ბოლო გადაწყვეტილება გარდაუვალი შედეგია იმისა, თუ როგორ მოატყუეს მათ მთელი საქართველოს მოსახლეობა და ყველაზე მეტად, მათივე ამომრჩეველი, რომელსაც სჯეროდა, რომ ქართული ოცნება მათ ევროკავშირისკენ გაუძღვებოდა" - წერს ესტონეთის საგარეო საქმეთა მინისტრი მარგუს ცაჰკნა. 29.11.2024 - პეტრასაუსტრევიჩუსი- "მმართველმა "ქართულმა ოცნებამ" მიიღო არაკონსტიტუციური გადაწყვეტილება, გააუქმოს ქვეყნის ევროპული ინტეგრაციის გადაწყვეტილება. პოლიტიკის ამ ფუნდამენტურ ცვლილებას საქართველო რუსეთისადმი მიჯაჭვულობისკენ და დიდი გაურკვევლობისკენ მიჰყავს. ევროკავშირმა უნდა გააუქმოს უვიზო რეჟიმი დიპლომატიური პასპორტების მფლობელებს და დააწესოს ინდივიდუალური სანქციები." - წერს ევროპარლამენტარი.29.11.2024  - ""ქართული ოცნების“ მთავრობამ ევროკავშირში გაწევრიანების პროცესი შეაჩერა არჩევნების შემდეგ, რომელსაც ამ კვირაში ევროპარლამენტში ხმა მივეცით, როგორც არალეგიტიმურს, ხალხი მშვიდობიანად გამოვიდა ქუჩებში - პრეზიდენტის ჩათვლით, რომელიც ძალადობას შეეწინააღმდეგა და პოლიციას ესაუბრა. აქ ის მათ მოუწოდებს საქართველოს და არა რუსეთის მიმართ ერთგულებისკენ. გმირები ხართ“,- წერს ჩეხი ევროპარლამენტარი, მარკეტა გრეგოროვა.29.11.2024 - საქართველოს შაბლონი ცნობილია: ჯერ თავისუფლებას წაართმევენ, მერე დაიწყებენ ცემას, მერე კეთილდღეობაც ქრება, საბოლოოდ კი რუსეთი გადაგყლაპავთ.მათ ვინც თბილისის ქუჩებში დგანან: თქვენი დღევანდელი ბრძოლა - ეს არ არის მხოლოდ პროევროპული ან პრორუსული პოზიცია; ეს არის ბრძოლა თავისუფალი ცხოვრების ფუნდამენტური უფლებისთვის. ამაყი ერი ხართ. იბრძოლეთ და გაიმარჯვეთ - ნუ მისცემთ უფლებას მოგპარონ თქვენი მომავალი." - წერს კულება.01.12.2024 - ვდგავართ ქართველი ხალხისა და მისი ევროპული მომავლისთვის გაკეთებული არჩევნის გვერდით. ვგმობთ დემონსტრანტების მიმართ გამოვლენილ ძალადობას და ვწუხვართ მმართველი პარტიისგან წამოსული შეტყობინებებით იმის შესახებ, რომ აღარ გააგრძელონ ევროკავშირში საქართველოს გაწევრიანება და დააშორონ ქვეყანა დემოკრატიას. ევროკავშირის მხრიდან ამას პირდაპირი შედეგები მოჰყვება, - წერს კაია კალასი.28.11.2024 - ქართველო ხალხო, თქვენ ხართ ქართველები და მაშასადამე, ხართ ევროპელები. ამას ვერავინ წაგართმევთ. გზა გრძელი და რთულია, მაგრამ ვიცით, რომ არ დანებდებით, შესაბამისად, ჩვენც არ დავნებდებით", - წერს გაბრიელიუს ლანდსბერგისი.28.11.2024 - საბოლოოდ, ნიღბები ჩამოხსნილია. 12 წლის განმავლობაში ივანიშვილი და "ქართული ოცნება" ახორციელებდნენ კრემლის პოლიტიკას, უგულებელყოფდნენ ევროკავშირისა და ნატოს მისწრაფებებს. მაგრამ რას ფიქრობს ქართველი ხალხი? მათ ნამდვილად სურთ რუსეთთან დარჩენა?" - წერს იუკნევიჩიენე.30.12.2024 - "ქართველი ხალხი ევროპელი ქვეყნების მხარდაჭერას იმსახურებს - თუ ისინი არ დაიღლებიან და არ დანებდებიან, არც ევროპამ უნდა მისცეს თავს ამის უფლება" - ამის შესახებ პლატფორმა X-ზე ესტონეთის პარლამენტის საგარეო ურთიერთობათა კომიტეტის თავმჯდომარე, მარკო მიხელსონი წერს.მარკო მიხელსონი ამბობს, რომ "რუსეთის მიერ საქართველოში ძალაუფლების ხელში ჩაგდება და ევროპული მთავრობების ამბივალენტურობა არალეგიტიმურ რეჟიმთან დაპირისპირებაში მიუთითებს იმაზე, რომ ევროპის თავისუფლებისა და დემოკრატიის დაცვის ღირებულება უახლოეს მომავალში გაცილებით მაღალი იქნება".30.11.2024 - საქართველოში ათიათასობით ადამიანი ევროპის გულს თბილისის ქუჩებში ატარებს და წყლის ჭავლის წინააღმდეგ ევროკავშირის დროშა უჭირავს. საქართველოს კანდიდატის სტატუსი ისტორიული შესაძლებლობაა. ხელისუფლებაზეა დამოკიდებული, მოუსმენს თუ არა თავისი ქვეყნის ხმას“, - წერს გერმანიის საგარეო საქმეთა მინისტრი.30.11.2024 - აღმაშფოთებელი ძალადობა მშვიდობიანი დემონსტრანტებისა და ჟურნალისტების წინააღმდეგ საქართველოში. საქართველოს მთავრობამ სიტყვისა და მშვიდობიანი შეკრების თავისუფლებას პატივი უნდა სცეს. ევროკავშირმა საქართველოს კარი გაუღო; "ქართულმა ოცნებამ" საქართველოს ევროპულ მომავალზე უარის თქმა აირჩია. შვედეთი ქართველი ხალხის მისწრაფებების მხარდაჭერას გააგრძელებს", - წერს შვედეთის საგარეო საქმეთა მინისტრი.30.11.2024 - "საქართველოდან ვიღებ შემაშფოთებელ ცნობებს პოლიციის ძალადობის შესახებ მასობრივი საპროტესტო აქციების მონაწილეების მიმართ, რომლებიც ევროკავშირის მოლაპარაკებების გადადებას აპროტესტებენ. მოვუწოდებ მთავრობას პატივი სცეს მშვიდობიანი შეკრების თავისუფლების უფლებას და შეწყვიტოს ნაკლებად სასიკვდილო იარაღის ბოროტად გამოყენება. ვაკვირდებით საქართველოს..." - წერს ჯინა რომერო X-ზე.12.03.2025 -12 მარტს ჩეხეთის რესპუბლიკის პარლამენტის ზედა პალატის, სენატის, საგარეო ურთიერთობების, თავდაცვისა და უსაფრთხოების კომიტეტმა მიიღო რეზოლუცია საქართველოში შექმნილი ვითარების შესახებ. დოკუმენტში საუბარია 2024 წლის 28 ნოემბერს საქართველოს პრემიერ-მინისტრის მიერ გაკეთებულ განცხადებაზე იმის შესახებ, რომ საქართველო ოთხი წლით წყვეტს ევროკავშირთან მოლაპარაკებების პროცესს. სენატის კომიტეტის თანახმად, ამით დაირღვა წინასაარჩევნო დაპირება და დაირღვა საქართველოს კონსტიტუციის 78-ე მუხლი, რომლის მიხედვითაც, საქართველოს სახელმწიფო ორგანოებს ევალებათ, ყოველი ღონე იხმარონ ევროკავშირსა და ნატოში საქართველოს ინტეგრაციისთვის.20.10.2025 - საქართველო იყო ახლოს ევროპულ გზასთან, ამ ეტაპზე კი ვხედავ, რომ დისტანციას იჭერენ. ეს სამწუხაროა, არჩევნებიც იყო რთული. ვიგებთ, რომ ხალხი ძალიან უკმაყოფილოა. თუ არჩევნები სწორად ჩატარდა, პატივი უნდა ვცეთ, მაგრამ თუ არა, მაშინ უნდა შეგვეძლოს ვნახოთ რა მოხდა და რისი გაკეთება შეიძლება. საქართველომ აირჩია ევროპული მომავალი, მაგრამ არ გვაქვს მტკიცებულებები, რომ არჩევნები არ იყო სამართლიანი, მაგრამ თუ ამასთან გვაქვს საქმე, მაშინ უნდა განვიხილოთ. და მეორე საკითხი- სამწუხარო იქნება თუ დაშორდებიან ევროპას, რადგან ახლოს იყვნენ"[ევროსკოპი] | განაცხადა ლუქსემბურგის საგარეო საქმეთა მინისტრმა, ქსავიერბეტელიმ ევროკავშირის საგარეო საქმეთა მინისტრების საბჭოს შეხვედრის დაწყებამდე.05.10.2025- "საქართველოში პოლიტიკური ვითარება დღითი დღე მძიმდება – „ქართული ოცნების“ რეჟიმი სულ უფრო მეტად ემსგავსება ავტორიტარულ მმართველობას, რაც ეწინააღმდეგება ქვეყნის ევროპულ მისწრაფებებს", - ფიქრობს ევროპარლამენტარი მარკეტა გრეგოროვა. 

მსოფლიო • 1762497278

ტრამპი ცენტრალური აზიის ქვეყნების ლიდერებს შეხვდა

აშშ-ის პრეზიდენტი დონალდ ტრამპი თეთრ სახლში ცენტრალური აზიის ქვეყნების ლიდერებს შეხვდა.მედიის ცნობით, შეხვედრისას ტრამპმა ხაზი გაუსვა თავისი ადმინისტრაციის ძალისხმევას, გააფართოოს და უზრუნველყოს აშშ-ის მიწოდების ჯაჭვები ახალი გლობალური შეთანხმებების მეშვეობით.ტრამპმა ცენტრალური აზია „უკიდურესად მდიდარ რეგიონად“ მოიხსენია და აღნიშნა, რომ ის ხუთივე ქვეყანასთან ამერიკის პარტნიორობის გაძლიერების ერთგულია.შეხვედრისას ცენტრალური აზიის ხუთივე ქვეყნის პრეზიდენტმა კავშირების გაღრმავების მზაობა გამოთქვა. როგორც „როიტერი“ წერს, ყაზახეთის, ყირგიზეთის, ტაჯიკეთის, თურქმენეთისა და უზბეკეთის ლიდერებთან შეხვედრა გაიმართა იმ დროს, როდესაც ვაშინგტონი ცდილობს, გააფართოოს თავისი გავლენა რესურსებით მდიდარ რეგიონში, სადაც დიდი ხანია, რუსეთი დომინირებს და დღეს რეგიონის მთავარ სავაჭრო პარტნიორად გადაქცევას ჩინეთი ცდილობს.

პოლიტიკა • 1762496439

მიხეილ სააკაშვილი: არანაირი ერთი საქართველო აღარ არსებობს - ჩვენი და მათი შერიგება ვერ მოხდება, იქით არის სიბნელე და ბოროტება რომელიც უნდა დავამარცხოთ და დავამარცხებთ კიდევაც!

არანაირი ერთი საქართველო აღარ არსებობს. არის ორი ცივილიზაციურად გაყოფილი საქართველო, - ამის შესახებ საქართველოს ყოფილი პრეზიდენტი, მსჯავრდებული მიხეილ სააკაშვილი, სოციალურ ქსელში წერს.როგორც ის აცხადებს, ბიძინა ივანიშვილმა საბოლოოდ ჩამოაყალიბა “მეორე საქართველო”, რომლის მკვიდრებსაც, სააკაშვილი “მუქთახორებს, ბირჟავიკებს, ბოღმიანებს, მშიშრებს,“ უწოდებს და აცხადებს, რომ ამ ეტაპზე მათთან “პირველი კატეგორიის” ქართველების შერიგება ვერ მოხდება, რადგან, ანთროპოლოგიურადაც კი განსხვავდებიან ერთმანეთისგან.სააკაშვილის განმარტებით, ახლა სახეზეა ნამდვილი სამოქალაქო კონფლიქტი, მისი გამარჯვების შემდეგ კი, “დეგრუზინიზაციის პროცესი” დაიწყება.„გავუსწოროთ სიმართლეს თვალიარანაირი ერთი საქართველო აღარ არსებობს. არის ორი ცივილიზაციურად გაყოფილი საქართველო, პირველი - ის ადამიანები რომელთაც უყვართ ქვეყანა, ეზიზღებათ რუსეთი, უნდათ ევროპაში, სურთ ჩვენი ოკუპირებული ტერიტორიების დაბრუნება, ემხრობიან დემოკრატიას, თავისუფალ არჩევნებს. აქვთ ღირსების და სიამაყის განცდა. ეს ქართველები არიან მშრომელები, განათლებულები, ბრძოლისუნარიანები.აქეთ არიან ანწუხელიძე, შინდისის გმირები, ტატუნაშვილი, კახა ბენდუქიძე, ქუჩებში გამოსული თვალებანთებული უშიშარი ახალგაზრდები, ციხეში თავაწეულად მიმავალი აზა ჩილაჩავა.ივანიშვილმა კი საბოლოოდ ჩამოაყალიბა მეორე საქართველო. ამ საქართველოს მკვიდრები არიან მუქთახორები, ბირჟავიკები, მატყუარები, საოცრად უტიფრები, ბოღმიანები, მშიშრები, ხარბები და კორუმპირებულები, მათ ახასიათებთ მონური დამოკიდებულება მამა მარჩენლისადმი და რუსეთისადმი. მათ ვერც კი წარმოუდგენიათ რომ ქვეყანას დაცვა სჭირდება და მზად არიან ჩაბარდნენ პირველივე დამპყრობელს.გრუზინებისთვის ტრადიცია ნიშნავს "ქართულ ჯიგრულ პონტს", ისინი საზრდოობენ ზიზღით და იკვებებიან "იმედის სიუჟეტებით", მათ არ გააჩნიათ არანაირი ისტორიული მეხსიერება და ბრმად იღებენ იმას, თუ კონკრეტულ დღეს რას მიაწვდის რუსულ-ქოცური პროპაგანდა.ამათ არ გააჩნიათ ემპათიის რაიმე განცდა და სრულიად დაუნდობელი არიან თანამოქალაქეების მიმართ.ახლა უნდა მივხვდეთ ერთ რამეს - ჩვენ და მათ ერთ ქვეყანაში არ დაგვედგომება. სახეზეა ძალიან ღრმა შეუთავსებლობა და ნამდვილი სამოქალაქო კონფლიქტი.კარგი ამბავი ისაა რომ პირველი კატეგორიის ქართველები ბევრად მეტი ვართ, ცუდი ისაა, რომ ჯერჯერობით გრუზინნულ მონებს ბევრად მეტი ფული აქვთ, ძალა გააჩნიათ და მათ უკან დგას რუსეთი.ამიტომ ქართველებს გვმართებს ძალის მოკრება, კიდევ მეტი გამბედაობა და გრუზინების უღლის მოშორება.გამარჯვების შემდეგ წინ გვაქვს ხანგრძლივი დეგრუზინიზაციის პროცესი რათა აღარასდროს დავუშვათ მათი აღზევება.ის რომ აუცილებლად გავიმარჯვებთ ეჭვიც არ მეპარება. საქმე იმაშია რომ ერთ მხარეს ვართ ცივილიზაცია და მეორეს მხრივ სრული ბარბაროსები. აქეთ მხარეს ვართ ევროპა იქით რუსეთი და აზია, აქეთ ვართ პროგრესი და იქით სრული ჩამორჩენილობა, აქეთ არის აზროვნება და იქით ერთი აზრი და ბოლოს აქეთ ვართ სიკეთე და იქით ბოროტება.ჩვენ განვსხვავდებით ჩვენი საუბრის მანერით და ლექსიკით, ჟესტიკულაციით, მიხვრა მოხვრით. თვალების გამოხატულებით განვსხვავდებით ანთროპოლოგიურად - აქეთ მშრომელი ხალხია, იქით კლასიკური პარაზიტები, აქეთ ჰუმანიზმია იქით სადიზმი, აქეთ სილაღეა იქით დაკომპლექსებულობა.ასე რომ მოვეშვათ საუბარს, რომ ერთნი ვართ ყველანი, ამ ეტაპზე ჩვენი და მათი შერიგება ვერ მოხდება.სინამდვილეში ერთადერთი რაც გვაერთიანებს გრუზინებთან არის ალბათ ის, რომ მოგვწონს ერთნაირი კერძები და საქართველოს ბუნება და ამის გარდა არც არაფერი გვაერთიანებს!იქით არის სიბნელე და ბოროტება რომელიც უნდა დავამარცხოთ და დავამარცხებთ კიდევაც!” - წერს მიხეილ სააკაშვილი.