ჩერგოლეიშვილი

თამარ ჩერგოლეიშვილი: ყარაბაღი სომხეთს ჰქონდა წაღებული, აფხაზეთი რუსეთმა წაიღო, რა შუაშია ფაშინიანთან პარალელი, თქვენ ხომ არ აფრენთ? საკუთარ ისტორიას რატომ აყალბებთ?

ყარაბაღი სომხეთს ჰქონდა წაღებული. აფხაზეთი რუსეთმა წაიღო. რა შუაშია ფაშინიანთან პარალელი, თქვენ ხომ არ აფრენთ? საკუთარ ისტორიას რატომ აყალბებთ? – ამის შესახებ პარტია „ფედერალისტების“ ლიდერი თამარ ჩერგოლეიშვილი სოციალურ ქსელში წერს.„ქართულ საზოგადოებას რატომ ანადგურებთ ისტორიის გაყალბების გზით?! რუსები ხართ? თუ თეიმურაზ ხევისთავები? ან ამ თვითგამოცხადებულ „მშვიდობის მაშენებლებთან“ ვულგარული ფლირტი რა ზედაპირული უბედურებაა?P.S. ფაშინიანი რა შუაშია საერთოდ? აზერბაიჯანმა დაიბრუნა სომხეთის მიერ რუსეთის დახმარებით ოკუპირებული ტერიტორია. რუსეთმა და ოდეკაბემ ფაშინიანს ვერ უშველეს – მიატოვეს, როგორც მეფე ერეკლე, როგორც სირია, როგორც ირანი… რა უნდა ექნა ფაშინიანს ბედთან შეგუების და დასავლეთისკენ მიტრიალების გარდა? ფაშინიანმა რაც ქნა – ანუ ბედთან შეგუება, მოუწევს აფხაზეთის მარიონეტულ მთავრობას, როცა რუსეთი მაგათაც მიატოვებს და 200 ათასზე მეტი დევნილი საკუთარ მიწაზე დაბრუნდება. და ასეც მოხდება. ოკუპირებული აფხაზეთის მარიონეტულ მთავრობას მოუწევს ტრავმის მოშუშება, ეგაა ფაშინიანის პარალელი და არა – საქართველო“, – წერს თამარ ჩერგოლეიშვილი.ცნობისთვის, ოპოზიციის ალიანსის“ ერთ-ერთმა ლიდერმა, ნიკა გვარამიამ „ფორმულას“ ეთერში განაცხადა: „ფაშინიანით სინამდვილეში მაგიტომ ვარ აღფრთოვანებული, რომ მან შეძლო ტრავმების დამარცხება, რეალურად, ყარაბაღი ხომ ჩაბარება იყო? იყო ომი, გასაგებია, მაგრამ, საბოლოო ჯამში, სომხეთმა თქვა, რომ მომაშორეთ, წაიღეთ“.

პოლიტიკა • 1785327056

თამარ ჩერგოლეიშვილი: მგონი, მიხეილ სააკაშვილი უფრო ადმირალ ნელსონად გამოვა, ნილოსის ომში წავა და ნაპოლეონს დაამარცხებს

პარტია „ფედერალისტების“ ლიდერი თამარ ჩერგოლეიშვილი საქართველოს ყოფილი პრეზიდენტის, მიხეილ სააკაშვილის მიერ დღევანდელ სასამართლო პროცესზე გაკეთებულ განცხადებას ეხმაურება, სადაც სააკაშვილი ციხიდან გამოსვლასთან დაკავშირებით საუბრობს.„მგონი, უფრო ადმირალ ნელსონად გამოხვალ, ნილოსის ომში წახვალ და ნაპოლეონს დაამარცხებ, გამარჯვებულო მთავარსარდალო“, – წერს თამარ ჩერგოლეიშვილი სოციალურ ქსელში.საქართველოს ყოფილმა პრეზიდენტმა, მიხეილ სააკაშვილმა სასამართლო პროცესზე განაცხადა: „ჩამკეტეთ, რამდენიც გინდათ, მე გამოვალ ციხიდან, როგორც ნელსონ მანდელა ციხიდან პირდაპირ მოვიდა ხელისუფლებაში, თქვენ მოიტანთ „ვარდების რევოლუცია ორის“ ფუნქციას“.

პოლიტიკა • 1785175866

ჩერგოლეიშვილი: ჟიჟილაშვილს ჩემთან სახლში ეძინა, სტრასბურგში რომ ჩამოდიოდა, ფული რომ დაეზოგა და სასტუმროში არ დარჩენილიყო. მოსვლა რომ დაიწყო ხმებმა - ხაზარაძეს გაეშვას, თორემ ეთერში დავბლოკავ, სააკაშვილს გაეშვას, თორემ ეთერი დაებლოკება - მაშინ შევდექი

მე მაგ ჟურნალისტებს საერთოდ არც ერთს არ ვიცნობდი და ჟიჟილაშვილს ჩემთან სახლში ეძინა, სტრასბურგში რომ ჩამოდიოდა ხოლმე, იმიტომ, რომ დაეზოგა ფული და სასტუმროში არ დარჩენილიყო, PACE-ზე გასაშუქებლად რომ გამოჰყავდათ-ხოლმე, - ამის შესახებ "ფედერალისტების" ერთ-ერთმა ლიდერმა, თამარ ჩერგოლეიშვილმა, "ფორმულას" ჟურნალისტ ნინო ჟიჟილაშვილის შესახებ "Palitra News"-ის ეთერში განაცხადა.ჩერგოლეიშვილის განცხადებით, ის მას შემდეგ "შედგა" ჟიჟილაშვილს, რაც მიუვიდა ხმები იმის შესახებ, რომ კონკრეტულ ოპოზიციონერ პოლიტიკოსებს თუ არ ჩამოსცილდებოდა, ეთერი დაებლოკებოდა."ძალიან ცუდია, როდესაც ჟურნალისტი ისე ისვრის შეფასებებს, რომ არ აქვს შესწავლილი პროცესი. რამეს კი არ ვერჩოდი მაგ ჟურნალისტებს - ჩემთან მოსვლა რომ დაიწყო ხმებმა, ხაზარაძეს გაეშვას, თორემ, ეთერში დავბლოკავ, მიშა სააკაშვილს გაეშვას, თორემ, ეთერი დაებლოკება, კეზერაშვილს გაეშვას, თორემ, ეთერი დაებლოკება - მაშინ შევდექი, იმიტომ, რომ ეს არის პრინციპის საკითხი. ჟურნალისტი უნდა ემსახურებოდეს საჯარო ინტერესს, ზუსტად ისე, როგორც სახელმწიფო მოხელე უნდა ემსახურებოდეს საჯარო ინტერესს," - განაცხადა ჩერგოლეიშვილმა.

პოლიტიკა • 1785138842

ჩერგოლეიშვილი ნინო ჟიჟილაშვილზე: ახალგაზრდებო, არაფერი ისე არ გააკეთოთ, როგორც ამ პოსტ საბჭოთა კორუმპირებულმა დეზინფორმატორმა გასწავლათ. ზოგადად დაივიწყეთ, რომ ეს არაკეთილსინდისიერება გასწავლიდათ

„ფედერალისტების“ ერთ-ერთი ლიდერი, თამარ ჩერგოლეიშვილი, აქვეყნებს ვიდეოს, რომელშიც "ფორმულას" ჟურნალისტ ნინო ჟიჟილაშვილი, კავკასიის უნივერსიტეტის ჟურნალისტიკის ფაკულტეტის კურსდამთავრებულებს მიმართავს და კეთილსინდისიერ ჟურნალისტებად მუშაობისკენ მოუწოდებს.„ახალგაზრდებო, არაფერი ისე არ გააკეთოთ, როგორც ამ პოსტ საბჭოთა კორუმპირებულმა დეზინფორმატორმა გასწავლათ. ზოგადად დაივიწყეთ, რომ ეს არაკეთილსინდისიერება გასწავლიდათ. ეს ჩემი რჩევაა, არ გაძალებთ ცხადია - უბრალოდ გამოგადგებათ, ვინც გაითვალისწინებთ“,- წერს თამარ ჩერგოლეიშვილი.

პოლიტიკა • 1784713260

ჩერგოლეიშვილი ეკა კვესიტაძეზე: უნიჭო პარაზიტი - ეს კეკელა ვერ ხვდება, რომ მათი საქციელი არაფრით განსხვავდება ქოცების საქციელისგან

ერგოლეიშვილის განცხადებით, ეკა კვესიტაძე „საკუთარ სასოწარკვეთილებას ავლენს“ და ცდილობს, რომ აღნიშნული ამბიდან პირადი სარგებელი მიიღოს.მისივე თქმით, კვესიტაძის ქცევა არაფრით განსხვავდება მმართველი პარტიის გუნდის წარმომადგენლების ქმედებებისგან.„ეს ხარბი კეკელა იმდენად ჭკუასუსტია, რომ ვერც კი ხვდება აი ამ პოსტით მხოლოდ საკუთარ სასოწარკვეთილებას რომ ავლენს, ეგებ ბიძინას სიშლეგეს რამე სათავისოდ გამოსტყუოს უნიჭო პარაზიტი. ეს კეკელა ვერც იმას ხვდება, რომ მე ჩემთვის საძულველი ფიგურების, ჩემი მტრების მიმართაც ზუსტად ისე ვიცავ წესებს და პროფესიულ ვალდებულებებს, როგორც მათ მიმართ, ვისაც პატივს ვცემ - ესაა ჩემი უპირატესობა და ეს მანიჭებს ძალას მათნაირ ჭიაღუებთან. ეს კეკელა ვერც იმას ხვდება, რომ არაფრით განსხვავდება მათი საქციელი ქოცების საქციელისგან - მათ ჩემი დაჭერა არ შეუძლიათ, იმის გამო რომ სუნიან ჯაგებად ვთვლი და არ ვმალავ, თორემ რაც შეეძლოთ, ქნეს - საჯარო ინტერესების და პროფესიული ვალდებულებების სრული იგნორირებით, მათ მაყურებელს ჩემთან წვდომა შეუზღუდეს! მოკლედ, ერთად გადაშენდებიან ესენი და ქოცები. რადგან ზუსტად ერთნაირები არიან.“- წერს ჩერგოლეიშვილი.

პოლიტიკა • 1784115097

ჩერგოლეიშვილი ბუღაძეზე: იაფფასიანი აფერისტი ეგომანიაკია, რომელსაც პატივმოყვარეობაზე შევეხე, როცა ხარისხი დავუწუნე და “MIHAS” თავზარით ხსნის

„ფედერალისტების" ერთ-ერთი ლიდერი, თამარ ჩერგოლეიშვილი, ლაშა ბუღაძეს უპირისპირდება და "იაფფასიან, აფერისტ ეგომანიაკს უწოდებს".მან ბუღაძის შესახებ პოსტი მას შემდეგ გამოაქვეყნა, რაც ამ უკანასკნელმა, ჩერგოლეიშვილი ოპოზიციონერი ჟურნალისტისთვის "ნაგვის" წოდების გამო გააკრიტიკა და დაწერა: " არ მინდა ის ხალხი ხელისუფლებაში, ვინც ჟურნალისტს უსინდისოდ, ქოცების სასარგებლოდ უწოდებს "ნაგავს" (სხვა ყველაფერს რომ თავი დავანებოთ), და ვინც გვინახავს, რა იყო ხელისუფლებაში ყოფნის დროსაც!.. გვინახავს, ჰო!"საპასუხოდ, ჩერგოლეიშვილი აცხადებს, რომ ბუღაძეს მან სტატიების ხარისხი დაუწუნა და პატივმოყვარეობაზე შეეხო, სწორედ ამიტომ ხსნის “MIHAS თავზარით", არსებულ სიტუაციას. "მეგობრებო, ბუღაძეს, როგორც ტაბულას ავტორს, რომელსაც ფულს ვუხდიდი მის სტატიებში ხარისხი დავუწუნე - ვუსაყვედურე რომ ანაზღაურების შესაბამისი ხარისხი დაედო და არა მის “კუხნაში” ნაჭორავები სიტყვაკაზმულობა.ავუხსენი, რომ მისი კალამბურები არ ყოფნის ხარისხის დასაჭერად - შრომა და თემის მოკვლევა სჭირდება. იაფფასიანი აფერისტი ეგომანიაკია, რომელსაც პატივმოყვარეობაზე შევეხე, როცა ხარისხი დავუწუნე და “MIHAS” თავზარით ხსნის. მაგ სიმართლით ივლის," - წერს თამარ ჩერგოლეიშვილი.

პოლიტიკა • 1784112001

შალვა პაპუაშვილი: აგენტურა როდესაც ერთიანდება, ეს ცუდია საერთო ჯამში, მაგრამ როდის არ იყვნენ ერთიანი, აგენტურა ყოველთვის იყო გაერთიანებული

ქალბატონი სალომე ახლა სადმე სხვაგან არის და გვარამია და ჩერგოლეიშვილი სხვაგან?! ისევ ისე არიან ერთიანნი, - განუცხადა ზუგდიდში ჟურნალისტებს საქართველოს პარლამენტის თავმჯდომარე შალვა პაპუაშვილმა.პაპუაშვილს კითხვა დაუსვეს, რა საფრთხეს ხედავს ხელისუფლება ოპოზიციის გაერთიანებაში და სალომე ზურაბიშვილის განცხადებაზე, რომ ოპოზიციის გაერთიანებას ხელს „ქართული ოცნება“ უშლის.„ერთადერთი საფრთხე [ოპოზიციის გაერთიანებაში] ის არის, რომ როდესაც აგენტურა ერთიანდება, ცუდია. როდის დაიშალნენ, როდის არ იყვნენ ერთიანნი, ქალბატონი სალომე ახლა სადმე სხვაგან არის და გვარამია და ჩერგოლეიშვილი სხვაგან?! ისევ ისე არიან ერთიანნი. ეს არის სწორედ მთავარი საფრთხე, რომ დღეს აგენტურა არის ერთ ხაზზე. ჩაუშვებენ დავალებას, ასრულებენ. აგენტურა ყოველთვის გაერთიანებული იყო. დაავალებენ, რომ ერთად გამოჩნდნენ კამერასთან, გამოჩნდებიან. დაავალებენ, რომ ცალ-ცალკე, ცალ-ცალკე გამოჩნდებიან“, - აღნიშნა პაპუაშვილმა.

პოლიტიკა • 1784110947

შალვა პაპუაშვილი: პატარა სცენა მოწყობილი, სადაც ტალახში აზელილები ერთმანეთში ხან ჭიდაობენ, ხან ერთმანეთს ტალახს უზიარებენ. სწორი შედარებაა, რომ ტალახში იზილება დღეს ოპოზიცია

რაც ხდება ოპოზიციაში, არის ერთი დიდი ტალახი, რომელშიც იზილებიან, ერთმანეთსაც აზელენ, თავის თავსაც აზელენ, - განაცხადა საქართველოს პარლამენტის თავმჯდომარემ შალვა პაპუაშვილმა.პარლამენტის თავმჯდომარეს კითხვა თამარ ჩერგოლეიშვილის განცხადებაზე დაუსვეს, სადაც ის ამბობს, რომ სააკაშვილს უნდა, ტალახი ისე აიდუდღნოს, მისი პარტია არ გამოჩნდეს, 20 კაცს ვერ მოაგროვებენ, ისეთ მდგომარეობაში არიან.„რაც ხდება ოპოზიციაში, არის ერთი დიდი ტალახი, რომელშიც იზილებიან, ერთმანეთსაც აზელენ, თავის თავსაც აზელენ. კარგია, რომ მათი ტალახი ჩვენს ქვეყანას არ ხვდება და ცდება. ქართველი ხალხი სწორად აფასებს ყველაფერს, რადგან სწორ არჩევანს აკეთებს. არის მათი [ოპოზიციის] პატარა სცენა მოწყობილი, სადაც ტალახში აზელილები ერთმანეთში ხან ჭიდაობენ, ხან ერთმანეთს ტალახს უზიარებენ. სწორი შედარებაა, რომ ტალახში იზილება დღეს ოპოზიცია“, - აღნიშნა პაპუაშვილმა.

პოლიტიკა • 1784106679

თამარ ჩერგოლეიშვილი: ხალხში დავდივარ, ქუთაისში ათი დღე გავატარე, ფოთსა და ხობში – ერთი კვირა, ყველას ფეხზე ჰკიდია, ოპოზიციონერ პოლიტიკოსებს დაგვიჭერენ თუ – არა

ხალხში დავდივარ, ქუთაისში ათი დღე გავატარე, ფოთსა და ხობში – ერთი კვირა. ყველას ფეხზე ჰკიდია, ოპოზიციონერ პოლიტიკოსებს დაგვიჭერენ თუ – არა, – ამის შესახებ პარტია „ფედერალისტების“ ლიდერმა, თამარ ჩერგოლეიშვილმა „პალიტრანიუსის“ გადაცემაში განაცხადა.მისივე თქმით, ხალხს ვერ შემოიყვანენ პოლიტიკაში, თუ მათ პრობლემებზე არ იქნება საუბარი.„2024 წლამდე ვხედავდით – ერთი ლიდერი, „ნაცებად“ და „ქოცებად“ დაყოფა. ეს ხომ სულ „ოცნების“ სცენარი იყო და ჩამოშალა ქართველმა ხალხმა 2024 წლის გაყალბებულ არჩევნებშიც, როცა ოთხ თანაზომად ნაწილად დაყო ოპოზიციური პოლიტიკური ველი, დაახლოებით თანაბრად გავიდნენ. ოპოზიცია რომ უნდა გადაიტვირთოს, ქვემოდან ზემოთ აეწყოს, ხალხის ინტერესები ასახოს, რათა ლიდერშიფის, ლიდერობის კრიზისი ამოივსოს, ხალხმა თავიანთი ლიდერები იპოვონ პოლიტიკურ სპექტრში, რომელიც მათ ინტერესებს გამოხატავენ, იცავენ, ეს ყველაფერი ქართულმა საზოგადოებამ უკარნახა საპროტესტო პროცესში, რომელიც ვნახეთ. პრინციპში, 2020 წლიდან დაიწყო და მომდინარეობს. შევხედოთ, რა ბანერები დააქვს პროტესტს – პირველი რესპუბლიკის ბანერები, ისტორიული გმირები არიან გაცოცხლებული. თუ არ ჩავთვლით რამდენიმე დაორგანიზებულს, რომ მიშას ბანერები ატაროს, დანარჩენი არ არის პოლიტიკური ლიდერების შესახებ. მთელი პროტესტი არის ჩვენი ისტორიული მეხსიერების, ერთგვარად ჩვენი იდენტობის შესახებ. არაფერ შუაშია პოლიტიკური პარტიები და მათი დაჭერით ამას ვერანაირად ვერ ჩაახშობ. ხალხში დავდივარ, ქუთაისში ათი დღე გავატარე, ფოთსა და ხობში – ერთი კვირა. ყველას ფეხზე ჰკიდია, ოპოზიციონერ პოლიტიკოსებს დაგვიჭერენ თუ – არა. იმისთვის, რომ ვინმეს გული დაწყდეს, ხვალ რომ დამიჭირონ, იმის პრობლემაზე უნდა ვლაპარაკობდე, მაგ პროცესში დამიჭირონ, იფიქროს, დაიჭირეს, რადგან ჩემი პრობლემების მიხედვა უნდოდაო, ეს უკეთესი ალტერნატივა იყო. ამას უნდა ხედავდეს“, – განაცხადა თამარ ჩერგოლეიშვილმა.კითხვაზე, „ნორმალურია ეს, რაც ხდება? მთელი „ალიანსის“ ლიდერები, თქვენ გარდა, ციხეში იქნებიან“, ჩერგოლეიშვილმა უპასუხა:„რასაკვირველია, არ არის ნორმალური და ეს არანორმალურობა გაგრძელდება, თუ ხალხი არ შემოვიყვანეთ პოლიტიკაში. ხალხს ვერ შემოვიყვანთ პოლიტიკაში, თუ არ ვისაუბრებთ იმ პრობლემებზე, რაც ხალხს აწუხებს და არ გადავერთეთ იმ პრობლემებიდან, რომლებიც ჩვენ გვაწუხებს. ძალიან მნიშვნელოვანია, რომ ხალხი შემოვიყვანოთ პოლიტიკაში. ლიდერშიფის კრიზისი ვერ ამოივსება და ხალხი ვერ ამოარჩევს თავის ლიდერებს, თუ არავინ ელაპარაკება მათ“.

პოლიტიკა • 1784088754

თამარ ჩერგოლეიშვილი: სააკაშვილს უნდა, ტალახი ისე აიდუდღნოს, მისი პარტია არ გამოჩნდეს, 20 კაცს ვერ მოაგროვებენ, ისეთ მდგომარეობაში არიან

სააკაშვილს უნდა, ტალახი ისე აიდუდღნოს, რომ მისი პარტია, რომელიც უმძიმეს მდგომარეობაშია და თბილისში საერთოდ არ არსებობს, არ გამოჩნდეს. ამისთვის სჭირდება პარტიების მიწებება. იქ, სადაც მე და ბოკერია ვართ, ხვდება, რომ ვერ გავა მანიპულაციებით. არც სათნოების სიგნალიზებაზე გვაქვს მოთხოვნილება, შეგვიძლია, „ბოროტები“ ვიყოთ და ვთქვათ ის, რაც არის. უხერხული სიმართლე სახეში ავაფაროთ, – ამის შესახებ პარტია „ფედერალისტების“ ლიდერმა, თამარ ჩერგოლეიშვილმა „პალიტრანიუსის“ გადაცემაში განაცხადა.მისივე თქმით, სააკაშვილის რჩევები გამოსადეგი რომ ყოფილიყო, მისი პარტია მეხუთე ადგილზე არ გავიდოდა.„მანიპულატორ ნარცისებს ავთენტური ადამიანების, რომლებსაც პირში თქმა შეუძლიათ, ეშინიათ. ურჩევნია, უფრო მორიდებულებს მისწვდეს. ამიტომ დეზორიენტაციას ცდილობს, რომ ვიღაცები „აიკრას“. სააკაშვილის რჩევები გამოსადეგი რომ ყოფილიყო, მისი პარტია მეხუთე ადგილზე არ გავიდოდა, თავის პარტიას გამოადგებოდა. თვითონვე აღიარებს, რომ უმძიმეს კრიზისშია. პირი არასდროს გაუჩერებია, რჩევებს სულ იძლევა. მისი რჩევები დღეს რამედ რომ ვარგოდეს, მისი პარტია იხეირებდა. სააკაშვილი მარტო ტელევიზორში არსებობს. ოც კაცს ვერ მოაგროვებენ, ისეთ მდგომარეობაში არიან. ვიდეოგადაღების რესურსი არ აქვთ, დაშლილია პარტია, არ არსებობს. ამ ხმაურს იმიტომ ქმნის, რომ რაღაცის ლიდერად გამოჩნდეს“, – განაცხადა თამარ ჩერგოლეიშვილმა.ამასთან, ჩერგოლეიშვილის თქმით, „ოპოზიციური ალიანსი“ შემოდგომაზე ახალ აქციას ჩაატარებს. ამავდროულად, ჩერგოლეიშვილი ამბობს, რომ ერთიანი სია არარელევანტურია.„„ალიანსის“ შიგნით არავის არ გვაქვს ერთმანეთთან დაპირისპირება. ყველა ერთმანეთთან ვურთიერთობთ. 26 მაისს გამოვაცხადეთ, რომ ყველას გვაქვს ჩვენ ჩვენი კამპანია – „ქართველი ხალხი უკეთეს იმსახურებს“. შემოდგომაზე ახალ აქციას ჩავატარებთ. ყველა შემთხვევაში, რაც იქნება ალტერნატივა, იქნება „ალიანსი“. „ალიანსი“ არის გამარჯვების სტრატეგია და წესები. გადამწყვეტ ეტაპზე, როცა რეჟიმი უნდა შეიცვალოს, ერთიანი სია არარელევანტურია. მიხეილ სააკაშვილის, ვიქტორ ყიფიანის, გიორგი გახარიასა და ჩერგოლეიშვილის ერთიანი სია ველურ სიზმარშიც არ გვესიზმრება“, – აღნიშნა თამარ ჩერგოლეიშვილმა.

პოლიტიკა • 1783869000

დავით ქართველიშვილი ჩერგოლეიშვილის სტატუსზე: სხვის უბედურებაზე ღლიცინი, სადაც ადამიანების მსხვერპლი მოჰყვა "კორუფციითა" და "ავტოკრატიით" გამოწვეული "ჟუჟუნა-წვიმათი" - არაადამიანური და ანტიდასავლური რიტორიკით დაუშვებელია

„ხალხის ძალის” წევრი დავით ქართველიშვილი „ფედერალისტების“ ერთ-ერთი ლიდერის, თამარ ჩერგოლეიშვილის ფეისბუქ სტატუსს ეხმიანება, რომელშიც ჩერგოლეიშვილი წერს, „ავტოკრატიის თანამდევი სისტემური შედეგია ის, რომ თიხის ფეხებზე დგას ქვეყანა და ჟუჟუნა წვიმაზეც იტბორება და ნადგურდება, არათუ ძლიერ სტიქიაზე“.ქართველიშვილს იმ ქვეყნების მაგალითები მოჰყავს, სადაც ძლიერ სტიქიას ადამიანური მსხვერპლიც მოჰყვა და ამბობს, რომ სხვის უბედურებაზე ღლიცინი ანტიდასავლური რიტორიკით დაუშვებელია.„რატომ არის ეს ქალბატონი ასეთი დაუნდობელი ევროკავშირის მიმართ - გაუგებარია: კრიზისი, კორუფცია, ავტოკრატია - ვის არ მოსვლია, იქნება დროებითია? თავის სტატუსში ის ხომ ევროკავშირზე მიუთითებს, თორემ თავისი ქვეყანა ხომ უყვარს, ხოლო როგორც პოლიტიკოსი, ობიექტური და სამართლიანიც არის. მას ხომ ამ ქვეყანაში სურს ხელისუფლებაში მოსვლა და მსგავს სისულელეს საკუთარ ამომრჩეველს ხომ არ დაუწერდა? იქ კი რაც ხდება, განა არ ვიცით. მხოლოდ უკანასკნელ ერთ კვირაში:რუმინეთში: ბუქარესტსა და ქვეყნის ჩრდილო-აღმოსავლეთი რეგიონებში - ძლიერმა ჭექა-ქუხილმა და კოკისპირულმა წვიმებმა ფართომასშტაბიანი დატბორვა გამოიწვია. წყლით დაიფარა ცენტრალური ავტომაგისტრალები, მიწისქვეშა გადასასვლელები და საცხოვრებელი კვარტლები, შეფერხდა ელექტროენერგიის მიწოდება. სამწუხაროდ - სტიქიას ადამიანური მსხვერპლიც მოჰყვა, ხოლო სამაშველო ოპერაციებში ასობით მეხანძრე მონაწილეობდა.ავსტრიაში: ქვეყნის ზემო და ქვემო რეგიონებში, ძლიერ ქარიშხლიან ფრონტებს თან ახლდა გადაუღებელი წვიმა, ღვარცოფები და ქარიშხლის ძალის ქარი. დაიკეტა საავტომობილო გზები, დაზიანდა ხიდები და ელექტროგადამცემი ხაზები. სტიქიის შედეგად აქაც სამწუხაროდ დაიღუპნენ ადამიანები.ესპანეთში:კატალონიასა და ვალენსიის ავტონომიურ გაერთიანებაში - მიუხედავად იმისა, რომ ესპანეთის მთავარ პრობლემად კვლავ ექსტრემალური სიცხე და ტყის ხანძრები რჩება, ქვეყნის აღმოსავლეთ სანაპიროს ცალკეულ რეგიონებში ძლიერმა წვიმებმა ქუჩების, სატრანსპორტო კვანძებისა და სარკინიგზო ინფრასტრუქტურის დატბორვა გამოიწვია.საფრანგეთში: სამხრეთ-დასავლეთი რეგიონებში ძლიერმა ჭექა-ქუხილმა და კოკისპირულმა წვიმებმა ადგილობრივი წყალდიდობები გამოიწვია, რის შედეგადაც დაიტბორა გზები და დასახლებული პუნქტები. თუმცა, მიყენებული ზარალის მასშტაბით - ეს მოვლენები ჩამორჩება იმ ზიანს, რომელიც ტყის ხანძრებმა და ანომალიურმა სიცხემ გამოიწვია.ასე რომ, სხვის უბედურებაზე ღლიცინი, სადაც ადამიანების მსხვერპლი მოჰყვა „კორუფციითა“ და „ავტოკრატიით“ გამოწვეული „ჟუჟუნა-წვიმათი“ - არაადამიანური და ანტიდასავლური რიტორიკით დაუშვებელია, რასაც ჩვენ ცალსახად ვგმობთ და ვუზიარებთ ჩვენს თანადგომას ბათუმში საზეიმო ცეკვებით გართულ ევროკავშირის ელჩს, პან ჰერჩინსკის“, - წერს ქართველიშვილი.

პოლიტიკა • 1783866103

სახელმწიფო უწყებების დროული რეაგირება და ევაკუაციის ღონისძიებებია იმის მიზეზი, რომ თელავში ზარალი კიდევ უფრო მასშტაბური არ არის, მაგრამ ჩერგოლეიშვილისთვის მთავარია საკუთარი პოლიტიკური აუდიტორიის გაღიზიანება და "ოცნების" ლანძღვა, მერე რა, რომ რეალობისა და ლოგიკის სრული იგნორირება ხდება - დავით ჩიხელიძე

ჩერგოლეიშვილი განცხადებაში მაღალფარდოვანი ტერმინებითა და პათეტიკური ფრაზებით ცდილობს საკუთარი სიღრმისეული სიბრიყვე, უპასუხისმგებლობა და ტყუილი დაფაროს. მისი სიტყვები „ჟუჟუნა წვიმა“ საერთოდ სასაცილო და შეურაცხმყოფელია თელავისა და მიმდებარე სოფლების მცხოვრებლებისთვის, რომლებმაც რეალურად დაინახეს, უხვი ნალექის გამო როგორ ადიდდა რამდენიმე მდინარე, რამაც სტიქიური უბედურება გამოიწვია, - წერს ექსპერტი, დავით ჩიხელიძე, სოციალურ ქსელში.როგორც ის აცხადებს, სწორედ სახელმწიფო უწყებების დროული რეაგირება და საევაკუაციო ღონისძიებებია იმის მიზეზი, რომ ზარალი კიდევ უფრო მასშტაბური არ არის, მაგრამ თამარ ჩერგოლეიშვილისთვის მთავარია "ქართული ოცნების" ცნების ლანძღვა და ფაქტების, რეალობისა და ლოგიკის სრული იგნორირება. ჩიხელიძე ასევე აღნიშნავს, რომ არც ერთი ქვეყანა არ არის დაცული სტიქიური უბედურებებისგან, რისი არაერთი მაგალითი არსებობს.„ვფიქრობდი, რომ კახეთში მომხდარ სტიქიურ უბედურებას არც ერთი პოლიტიკოსი, პოლიტიკური ქულების დასაწერად არ გამოიყენებდა. სამწუხაროდ, შევცდი. ჩვენს ოპოზიციურ ფლანგზე ისეთი უღირსი, ცინიკური და პოპულისტური პოლიტიკოსების კოჰორტა გვყავს, რომლებიც კატასტროფასაც კი საკუთარი პიარისთვის იყენებენ. აღსანიშნია ჩერგოლეიშვილის სტატუსი, ჩერგოლეიშვილი განცხადებაში მაღალფარდოვანი ტერმინებითა და პათეტიკური ფრაზებით ცდილობს საკუთარი სიღრმისეული სიბრიყვე, უპასუხისმგებლობა და ტყუილი დაფაროს. მისი სიტყვები „ჟუჟუნა წვიმა“ საერთოდ სასაცილო და შეურაცხმყოფელია თელავისა და მიმდებარე სოფლების მცხოვრებლებისთვის, რომლებმაც რეალურად დაინახეს, უხვი ნალექის გამო როგორ ადიდდა რამდენიმე მდინარე, რამაც სტიქიური უბედურება გამოიწვია. სწორედ სახელმწიფო უწყებების დროული რეაგირება, წინასწარი მომზადება და ევაკუაციის ღონისძიებებია იმის მიზეზი, რომ ზარალი კიდევ უფრო მასშტაბური არ არის. მაგრამ ჩერგოლეიშვილისთვის ამას არ აქვს მნიშვნელობა. მისთვის მთავარია საკუთარი პოლიტიკური აუდიტორიის გაღიზიანება და ოცნების ლანძღვა, მერე რა რომ, ფაქტების, რეალობისა და ლოგიკის სრული იგნორირება ხდება.რა თქმა უნდა, არც ერთი ქვეყანა არ არის დაცული სტიქიური უბედურებებისგან. სულ ცოტა ხნის წინ ჩინეთში უხვი ნალექის გამო 2 მილიონი ადამიანის ევაკუაცია განხორციელდა, ამერიკაში კი, რომელსაც ჩერგოლეიშვილი და მისნაირები იდეალად მიიჩნევენ, ბოლო თვეებში ათასობით ადამიანი ევაკუაცია ქარიშხლებისა და წყალდიდობების გამო. წვიმის გამო ასევე რამდენიმე საათით შეწყდა მსოფლიო ჩემპიონატის მატჩი. ეს კიდევ ერთი დადასტურებაა, რომ ბუნების წინააღმდეგ ბრძოლა შეუძლებელია, შესაძლებელია მხოლოდ მისი შედეგების შემცირება და მოსახლეობის დაცვა. მაგრამ ჩერგოლეიშვილისთვის არც ჩინეთი, არც ამერიკა, არც მსოფლიო გამოცდილება არ აქვს მნიშვნელობა. მას მხოლოდ ერთი რამ სჭირდება: საქართველოს ლანძღვა, ხელისუფლების დისკრედიტაცია, ეს არის კლასიკური პოპულიზმის ყველაზე ცინიკური და უღირსი ფორმა როცა კატასტროფასაც კი პოლიტიკურ იარაღად იყენებ." - წერს დავით ჩიხელიძე.