არჩილ გორდულაძე

პოლიტიკა • 1794990031

არჩილ გორდულაძემ სასამართლოს "ფედერალისტების" ლიდერების, თამარ ჩერგოლეიშვილის და გიგა ბოკერიას განცხადებები წარუდგინა, რომლებმაც "მოლოტოვის კოქტეილის" სროლის გამო დაკავებულ ლაზარე გრიგორიადისს მხარდაჭერა გამოუცხადეს

პარლამენტის იურიდიულ საკითხთა კომიტეტის თავმჯდომარემ, არჩილ გორდულაძემ, საკონსტიტუციო სასამართლოს ოპოზიციური პარტიების განცხადებები გააცნო, რომლებიც 2023 წლის 7-9 მარტს გამართული ძალადობრივი აქციების დროს დაკავებულ პირებს მხარდაჭერას უცხადებდნენ.გორდულაძემ გაიხსენა "ფედერალისტების" ლიდერების, თამარ ჩერგოლეიშვილისა და გიგა ბოკერიას განცხადებები, რომლებიც ლაზარე გრიგორიადისს უდანაშაულოდ მიიჩნევდნენ და მის გათავისუფლებას ითხოვდნენ.„2023 წლის 29 აპრილს, გრიგორიადისის მხარდასაჭერად, ჩერგოლეიშვილმა განაცხადა: „აქ არის თორნიკე, ლაზარე ციხეშია. თორნიკე გირაოთი გამოუშვეს, ლაზარე კი ჩატოვეს. ეს ადამიანები იხდიან ფასს იმ სიკეთისთვის, რაც ჩვენ ყველამ მივიღეთ: საქართველოს ყველა მოქალაქემ, რასაც ახალი გამოქვეყნებული კვლევაც ადასტურებს, იცის, რომ ეს კანონი საქართველოს ევროპულ მომავალს ფაქტობრივად აუქმებდა. ამ კანონის უკან გაწვევით რეალურად მთელმა საზოგადოებამ, მთელმა პროევროპულმა საზოგადოებმა, საზოგადოების 87%-მა ნახა სიკეთე. ჩვენ თუ ღირსეული საზოგადოება ვართ, არ უნდა დავუშვათ, რომ ეს ორი ადამიანი მსხვერპლად შეეწიროს საერთო წარმატებას." 2024 წლის 12 აპრილს, მას შემდეგ რაც გრიგორიადისი სასამართლომ დამნაშავედ ცნო, თამარ ჩერგოლეიშვილმა საჯაროდ განაცხადა: „ლაზარე გრიგორიადისი არის უდანაშაულო, სახელმწიფოს მის წინააღმდეგ არ გააჩნია არცერთი მტკიცებულება".2023 წლის 30 მარტს, გრიგორიადისის მხარდასაჭერად, გიგა ბოკერიამ საჯაროდ განაცხადა: „ამ ახალგაზრდის დაკავება შერჩევითი სამართალია იმ რეჟიმისგან, რომელიც პუტინისტური ძალადობის ორგანიზატორებს არ სჯის და პუტინისტ მოძალადეებს, რომელიც პოლიციას ქვებს ესვრის ხოლმე, უბრალოდ აჯარიმებს. ყოველგვარი მტკიცებულებების გასაჯაროების გარეშე დაკავებული შეირჩა იმ ნიშნით, რომ ჩათვალეს, მისი დემონიზება ადვილი იქნებოდა.“2024 წლის 8 აპრილს, გრიგორიადისის მხარდასაჭერად, გიგა ბოკერიამ საჯაროდ განაცხადა: „რა თქმა უნდა, ლაზარე არის სიმბოლო ყველაფერი იმისი, რაც უნდა შეიცვალოს ამ ქვეყანაში, პოლიტიკურ სისტემაში, სასამართლოში, მთლიანად ქვეყანაში რა ვითარებაც არის. ეს არის ადამიანი, რომელიც შეარჩია რეჟიმმა, როგორც მსხვერპლი," - განაცხადა გორდულაძემ.

თამარ ჩერგოლეიშვილი

პოლიტიკა • 1794579441

თამარ ჩერგოლეიშვილი: გიორგი თარგამაძემ 540 000 ლარი აიღო „ნაცმოძრაობისგან“ და 4 ოქტომბრის კრიტიკოსები ეთერიდან დაგვბლოკა

„ფედერალისტების“ ლიდერი თამარ ჩერგოლეიშვილი სოციალურ ქსელში წერს, რომ „ნაციონალური მოძრაობისგან“ 540 000 ლარის აღების შემდეგ გიორგი თარგამაძემ ეთერიდან დაბლოკა არა მხოლოდ თავად ის, არამედ 4 ოქტომბრის იდეის დელიკატური კრიტიკოსებიც.ჩერგოლეიშვილის თქმით, მან პირისპირ შეხვედრისას აუხსნა თარგამაძეს, რომ ამ დელუზიურ და სახიფათო უპასუხისმგებლობისთვის საინფორმაციო მხარდაჭერა არ გაეკეთებინა, თუმცა ამის მიუხედავად, მისივე თქმით, შედეგად მივიღეთ 70-მდე პატიმარი და 30-ზე მეტი აღიარებული ბრალი.„4 ოქტომბერზე ხომ უსმენთ რა დიმპიტაურსაც აწყობენ საკონსტიტუციოში? აი ამ დიმპიტაურს ჩვენ ვხედავდით  2025 წლის ზაფხულიდან - როცა ეს სიგიჟე გავიგეთ და მერე ბაჩო ახალიას ცოლის კედელი დავათვალიერე და ვნახე რომ მოლოცვებს იღებს ახალაიას პოლიტიკაში დაბრუნების გამო!  ვხედავდით, არა იმიტომ, რომ ნათელმხილველები ვართ, არამედ იმიტომ რომ პოლიტიკური პროცესი გვესმის - ვიმუშავეთ, ცოდნა შევიძინეთ. უფრო მეტი - წავედი გიორგი თარგამაძეს შევხვდი პირისპირ და ავუხსენი, რაღაც სრულიად გიჟური და უპასუხისმგებლო ისტერიკა ატეხეს, მოლოდინებს ქმნიან, რომელიც არაფერს ეფუძნება გარდა სურვილებისა და საინფორმაციო მხარდაჭერა ამ დელუზიურ და სახიფათო უპასუხისმგებლობას არ გაუკეთო მეთქი. არც გამილანძღია, არც მიჩხუბია - უბრალოდ ავუხსენი რაც ხდება, რატომაც ხდება და პასუხისმგებლიანი და გონივრული მიდგომა ვთხოვე. არა ჩემთვის .არამედ იმ ხალხის ინტერესებისთვის, ვინც შეიძლება გაბრიყვებულიყო. მომისმინა. და რა წუთშიც 540 ათასი ლარი აიღო ნაცმოძრაობიდან, არა მხოლოდ მე, არამედ 4 ოქტომბრის იდეის დელიკატური კრიტიკოსებიც კი ფაქტობრივად ეთერებიდან დაბლოკა. შედეგი? 70-მდე პატიმარი. 30-ზე მეტი აღიარებული ბრალი, რომელსაც დღეს ბიძინას ცირკი საფუძვლად იყენებს პარტიების ასაკრძალად. უწესობა დამღუპველია - მითუმეტეს ოპოზიციაში. უწესობის ფუფუნება ოპოზიციას არ გააჩნია.“- წერს თამარ ჩერგოლეიშვილი.

თამარ ჩერგოლეიშვილი

პოლიტიკა • 1793957663

თამარ ჩერგოლეიშვილი: „ფედერალისტები“ მთავრობაში რომ მოვალთ, დამყარდება კანონის უზენაესობა, მანამდეც, ყველა პარტნიორთან და მტერთან გვექნება ურთიერთობა წესებით, წესის დამრღვევს ავაოხრებთ

„ფედერალისტები“ მთავრობაში რომ მოვალთ, ამ ქვეყანაში დამყარდება კანონის უზენაესობა. კანონი იქნება უზენაესი და არა რომელიმე პერსონის სურვილები და ახირებები, – ამის შესახებ პარტია „ფედერალისტების“ ლიდერმა, თამარ ჩერგოლეიშვილმა სოციალურ ქსელში დაწერა.ჩერგოლეიშვილის თქმით, წესებს ვინც იცავს, ის ალიანსშია.„მთავრობაში მოსვლამდეც, ყველა პარტნიორთან (და მტერთან) გვექნება ურთიერთობა წესებით. წესის დამრღვევს ავაოხრებთ. წესის დამცველთან ვითანამშრომლებთ. ალიანსის სადამფუძნებლო დოკუმენტიც არის წესები. წესებს იცავ, ალიანსში ხარ. წესს არ იცავ – გაჯმ*** გაქვს, რადგან ალიანსში ყოფნის წინაპირობაა წესები. უდიდესი სიამაყით მოგახსენებთ, უწესობის ადგილი იქ არასდროს იქნება, სადაც ჩვენ ვართ.მე თქვენ კანონის უზენაესობას გპირდებით და არა უწესობასთან ლოლიავს. ანუ გარიცხულია სააკაშვილი.გარიცხულია ისე, რომ გარიცხვაც არ დაგვჭირვებია – მეტი დარდი არ გვაქვს, ისეთ დოკუმენტს შევერთებოდით, სადაც დეკლარირებული უწესოების გარიცხვა სხვებთან შესათანხმებელია. სხვებმა თავი იმართლონ, ჩვენ ვიამაყებთ, რომ ჩვენთან წესებია უზენაესი – და ჩვენ მოვიგებთ“, – წერს თამარ ჩერგოლეიშვილი.

თამარ ჩერგოლეიშვილი

პოლიტიკა • 1793878166

ჩერგოლეიშვილი: „ფედერალისტები“ რომ მოვალთ ხელისუფლებაში, უზენაესში და სააპელაციოში საერთოდ დიდი სასმართლო ტრადიციის მქონე ქვეყნებიდან დაიშნება მოსამართლეთა ნაწილი

„ფედერალისტები“ რომ მოვალთ ხელისუფლებაში, უზენაესში და სააპელაციოში, საერთოდ დიდი სასმართლო ტრადიციის მქონე ქვეყნებიდან დაიშნება მოსამართლეთა ნაწილი, – ამის შესახებ პარტია „ფედერალისტების“ ლიდერმა, თამარ ჩერგოლეიშვილმა სოციალურ ქსელში დაწერა.მისი თქმით, ნებისმიერი კვლევა მოწმობს, რომ ქართველები უფრო ენდობიან სტრასბურგის, ვიდრე ქართულ სასამართლოს.„ფედერალისტები“ რომ მოვალთ ხელისუფლებაში, უზენაესში და სააპელაციოში საერთოდ დიდი სასმართლო ტრადიციის მქონე ქვეყნებიდან დაიშნება მოსამართლეთა ნაწილი. და ქართველი ხალხი ჩვენკენ იქნება ამ დიდებულ საქმეში. ნებისმიერი კვლევა მოწმობს, რომ სტრასბურგის სასამართლოს უფრო ენდობიან ქართველები, ვიდრე ქართულ სასამართლოს. აღარ დასჭირდებათ სტრასბურგის მეოთხე ინსტანციად გამოყენება – აქ იქნება თავისუფალი სასამართლო და აქ აყვავდება ეკონომიკა სამართლიან გარემოში“, – წერს თამარ ჩერგოლეიშვილი.

ნიკა გვარამია

პოლიტიკა • 1793709906

ნიკა გვარამია: არავინ არსაიდან არ გაურიცხავთ, „ნაციონალურმა მოძრაობამ“ დიდი ხანია, გადაწყვიტა, რომ ალიანსიდან უნდა წასულიყო, ჩვენ ვერავის ვაიძულებთ, სადღაც იყვნენ და რამე დაიცვან

ჩემი აზრით, „ნაციონალური მოძრაობის“ გადაწყვეტილება არასწორია ყველა თვალსაზრისით, განსაკუთრებით დროის და კონტექსტის, მით უმეტეს პარტიების აკრძალვის რაკურსში, – ამის შესახებ „ოპოზიციის ალიანსის“ ერთ-ერთმა ლიდერმა, ნიკა გვარამიამ განაცხადა.მისივე თქმით, „ნაციონალურმა მოძრაობამ“ თავად გადაწყვიტა, ალიანსი დაეტოვებინა.„არავის არაფერი არ მოუწია, არავინ არსაიდან გაურიცხავთ, მათ დიდი ხანია, გადაწყვიტეს, რომ ალიანსიდან უნდა წასულიყვნენ, მერე გააკეთეს ეს განცხადება. ჩვენ ვერავის ვაიძულებთ, რომ სადღაც იყვნენ და რამე დაიცვან. ეს არის ყველას პირადი გადაწყვეტილება, იყოს წევრი და იმოქმედოს წესების შესაბამისად. სამწუხაროდ ასეთი არის გადაწყვეტილება, ჩემი აზრით, არასწორი ყველა თვალსაზრისით, განსაკუთრებით დროის და კონტექსტის, მით უმეტეს პარტიების აკრძალვის რაკურსში. თუმცა, ეს მათი გადაწყვეტილებაა, ჩვენ ვერაფერს ვერ ვიზამთ“, – განაცხადა გვარამიამ.ცნობისთვის, ოპოზიციის ალიანსმა საკუთარ ფეისბუქის გვერდზე ახალი ფოტო გააზიარა, რომელზეც „ნაციონალური მოძრაობის“ ლოგო დატანილი აღარ არის. ამასთან, ამ თემაზე პოსტი გამოაქვეყნა „ფედერალისტების“ ლიდერმა, თამარ ჩერგოლეიშვილმაც.„ჩვენი კარი ყველასთვის ღიაა, ვინც წესებს დაიცავს“, – წერს თამარ ჩერგოლეიშვილი.„ნაციონალური მოძრაობის“ დროებითი მმართველი საბჭოს თავმჯდომარემ, ირაკლი ფავლენიშვილმა განაცხადა, რომ ალიანსიდან „ნაციონალური მოძრაობას“გამორიცხვას და გამოსვლას შორის განსხვავებას მნიშვნელობა არ აქვს და პარტია დიდი ხანია, მონაწილეობას არ იღებდა ალიანსის აქტივობებში.

თამარ ჩერგოლეიშვილი1

პოლიტიკა • 1793709831

თამარ ჩერგოლეიშვილი: ქართველი ხალხისთვის იმიტომ ვართ უკეთესი ალტერნატივა, რომ წესებზე დაფუძნებული ალიანსი ვართ, ალიანსიდან „ნაციონალური მოძრაობის“ გასვლა უწესობამ გამოიწვია

ზუსტად იმიტომ ვართ ქართველი ხალხისთვის უკეთესი ალტერნატივა, რომ ჩვენ წესებს ვიცავთ და წესებზე დაფუძნებული ალიანსი ვართ. წესებს ყველა იცავს – პატარაც, დიდიც, წარსულში წარჩინებულიც და მომავალში წასარჩინებელიც. სწორედ ეს გამოგვარჩევს ყველა სხვა ალიანსისგან, – ამის შესახებ პარტია „ფედერალისტების“ ლიდერი თამარ ჩერგოლეიშვილმა განაცხადა.ჩერგოლეიშვილის თქმით, ალიანსის წევრობის ერთადერთი გზა არის წესების დაცვა და „ნაციონალური მოძრაობა“ ალიანსიდან ექვსი თვის წინ გავიდა.„ფიგურა ან სუბიექტი, რომელიც წესებს არ ემორჩილება, ალიანსთან არაფერ შუაშია, რადგან ალიანსი არის წესები. ამიტომ, „ნაციონალური მოძრაობა“ ალიანსიდან ექვსი თვის წინ გავიდა. ის, რომ ახლა ლოგოდან ამოვიღეთ იმიტომ, რომ დღეს შეხვედრა გავმართეთ, ეს არის სრული შემთხვევითობა. ფავლენიშვილსაც აქვს ეს გაცხადებული, მეც ვაცხადებდი. ოფიციალურად ბეჭედსაც დაგირტყამთ. ეს დეკლარირებული იყო. თქვენივე არქივები ჩამოიღეთ. ვამბობდი, რომ გასულები არიან. თავადაც გასულები არიან. ეს უწესობამ გამოიწვია. ანუ რატომაც გვინდა ბიძინა ივანიშვილის ჩამოშორება, იმიტომ, რომ არის უწესო და საკუთარი თავი წესად გამოაცხადა. ზუსტად იგივეს ცდილობდა სააკაშვილი და ამის შესაძლებლობა ჩვენს წრეში ვერ ექნება, რადგან წესებია ეს ალიანსი.ეს ალიანსი არ არის არც საბანკო ანგარიში და არც საერთო ორგანიზაცია. ახლა უკვე ის პარტიებიც აღარ იქნებიან ფურცელზე, რომლებსაც ბიძინა ივანიშვილი აკრძალავს. ერთადერთი უპირატესობა, რაც ბიძინა ივანიშვილთან და რეჟიმთან გვაქვს, რითაც მის წაქცევას ვაპირებთ, არის ჩვენი წესიერება. უწესო ადამიანს ჩვენს რიგებში ვერ გავიჩერებთ, ამას თავად ალიანსის წესდება გამორიცხავს“, – განაცხადა ჩერგოლეიშვილმა.მისივე თქმით, მიხეილ სააკაშვილს არაერთხელ უთქვამს, რომ წესებს თავზე ვერავინ მოახვევს, ალიანსი კი წესებია და მეტი არაფერი.„სააკაშვილს, ჩემი აზრით, ყველაზე უკეთ „ქართული ოცნების“ არხები აშუქებენ. მას არაერთხელ უთქვამს, რომ წესებს თავზე ვერავინ მოახვევს, ალიანსი კი წესებია და მეტი არაფერი. ამ წესებს თუ არ ემორჩილები, თავად ხარ გარიცხული ალიანსიდან – საკუთარი ინიციატივით. ალიანსის წევრობის ერთადერთი გზა არის წესების დაცვა. ჩვენ უნდა დავიცვათ არაღიარების სტრატეგია, ანუ არ ვაღიაროთ რეჟიმი ლეგიტიმურ ძალად. მეორე მხრივ, უნდა დავიცვათ ის წესები, რომლებსაც მივყვებით: ყველას აქვს საკუთარი ხმა, ყველა თანასწორია, ყველას თანაბარი ხმა აქვს და ა.შ, რომ ჩვენი ბელადები შიგნით არ არსებობენ. ვისაც ამის შეგუება არ უნდა, ის ჩვენთან ვერ იქნება – გამოვრიცხავთ ერთმანეთს“, – განაცხადა ჩერგოლეიშვილმა.ცნობისთვის, ოპოზიციის ალიანსმა საკუთარ ფეისბუქის გვერდზე ახალი ფოტო გააზიარა, რომელზეც „ნაციონალური მოძრაობის“ ლოგო დატანილი აღარ არის.„ნაციონალური მოძრაობის“ დროებითი მმართველი საბჭოს თავმჯდომარემ, ირაკლი ფავლენიშვილმა განაცხადა, რომ ალიანსიდან „ნაციონალური მოძრაობას“გამორიცხვას და გამოსვლას შორის განსხვავებას მნიშვნელობა არ აქვს და პარტია დიდი ხანია, მონაწილეობას არ იღებდა ალიანსის აქტივობებში.

ირაკლი ფავლენიშვილი

პოლიტიკა • 1793701446

„ნაციონალური მოძრაობა“ „ოპოზიციის ალიანსის“ წევრი აღარ არის – „ალიანსიდან ჩვენს გამორიცხვას და გამოსვლას შორის განსხვავებას მნიშვნელობა არ აქვს“

„ნაციონალურმა მოძრაობა“ აღარ იყო ამ ალიანსში. სადაც აღარ ვიყავით, იქიდან როგორ უნდა გამოვერიცხეთ ვინმეს, როგორ უნდა ვყოფილიყავით იმ ალიანსის ლოგოზე, რომლის წევრებიც არ ვართ? — ამის შესახებ „ნაციონალური მოძრაობის“ დროებითი მმართველი საბჭოს თავმჯდომარემ, ირაკლი ფავლენიშვილმა განაცხადა.მისივე თქმით, „ნაციონალური მოძრაობა“ თვეების განმავლობაში ამბობდა, რომ ალიანსში თავს ვერ ხედავდა და არც აქტივობებში იღებდა მონაწილეობას.„ჩვენ ნათქვამი გვქონდა, რომ ამ ალიანსში თავს ვეღარ ვხედავდით და აღარ ვიყავით ამ ალიანსის წევრი. საჯაროდ არის ხელმისაწვდომი განცხადებებიც, ამიტომ შეგიძლიათ, ნახოთ. მარტო ჩემი განცხადების იმედად რომ არ იყოთ, ზოგადად ძალიან ბავშვურია იმაზე საუბარი, რომ მე გამოვრიცხე. ბოლო თვეების განმავლობაში აღარ ვიღებთ მონაწილეობას არც შეხვედრებში, არც რაიმე ტიპის აქტივობაში და საერთოდ არანაირი კონტაქტი ამ ხალხთან არ გვქონია. მათ შორის, საჯაროდაც ნათქვამი მქონდა, რომ ალიანსში არ ვიყავით“, — განაცხადა ფავლენიშვილმა.ჟურნალისტის კითხვაზე, გარიცხეს თუ არა „ნაციონალური მოძრაობა“ „ოპოზიციის ალიანსიდან“, ფავლენიშვილმა აღნიშნა, რომ გარიცხვასა და გამოსვლას შორის ამ ეტაპზე მნიშვნელობა არ აქვს.„ჩვენს გარიცხვას და გამოსვლას შორის განსხვავებას მნიშვნელობა არ აქვს. ნახეთ, ჯერ ბავშვურია ეს მსჯელობა, რომ ახლა თურმე პოლიტიკურად ვიღაცებმა უნდა თქვან, რომ ჩვენ გავირიცხეთ. მოცემულობა მარტივია, „ნაციონალური მოძრაობა“ ალიანსში აღარ იყო. აღარ მონაწილეობდა არანაირ ფორმატში და, მათ შორის, საჯარო განცხადებებშიც ვამბობდით, რომ ალიანსის წევრები აღარ ვიყავით. ჰოდა, არ ვიცი, ახლა მეტი რა დემონსტრაცია უნდა მომხდარიყო იმისა, რომ ალიანსის წევრები ჩვენი ნებით აღარ ვიყავით. რა თქმა უნდა, ვისაც საღი აზრი აქვს, ვინც საღ აზრზე არის და არ არის უკიდურესად ტენდენციური, ის ამას დაინახავდა“, — აღნიშნა ფავლენიშვილმა.ჟურნალისტმა ირაკლი ფავლენიშვილს კითხვა დაუსვა თამარ ჩერგოლეიშვილის განცხადებაზე, სადაც ფედერალისტების ლიდერი აღნიშნავს, რომ „ნაციონალური მოძრაობა“ „ოპოზიციის ალიანსიდან“ გარიცხეს.კითხვის საპასუხოდ ფავლენიშვილმა აღნიშნა, რომ „ნაციონალურ მოძრაობას“ ვერ გარიცხავდნენ იმ ალიანსისდან, რომელშიც პარტია უკვე აღარ იყო.„ეს ადამიანი ცდილობს, რომ „ნაციონალური მოძრაობის“ მიმართ პირადი სიძულვილი გამოაჩინოს. არ ვაპირებ, მუდმივად ასეთ ბავშვურ ბრალდებებს პასუხი გავცე. თითქოს მაგრები არიან და ალიანსიდან გაგვრიცხეს. „ნაციონალურმა მოძრაობა“ აღარ იყო ამ ალიანსში. სადაც აღარ ვიყავით, იქიდან როგორ უნდა გავერიცხეთ ვინმეს? ანუ, სადაც მონაწილეობას არ ვიღებდით არცერთ შეხვედრაში, ვამბობდით, რომ ამ ალიანსის წევრები აღარ ვიყავით. იქიდან როგორ უნდა გაგრიცხოს ადამიანმა, სადაც არ ხარ?როგორ უნდა ვყოფილიყავით იმ ალიანსის ლოგოზე, რომლის წევრებიც არ ვართ? „ნაციონალურ მოძრაობას“ მკაფიო პოზიცია ჰქონდა და არ მიგვაჩნდა ეს საკითხი ისეთი ყურადღების ღირსად, რომ ცალკე ბრიფინგი უნდა ჩაგვეტარებინა. ძალიან ცინიკური არის ეს ყველაფერი, 21-ე საუკუნეა და შეგიძლიათ, გადახედოთ არქივს და ნახოთ ჩემი, ანა წითლიძის, სხვა პოლიტიკური პირების განცხადებები“, — განაცხადა ფავლენიშვილმა.ცნობისთვის, ოპოზიციის ალიანსმა საკუთარ ფეისბუქის გვერდზე ახალი ფოტო გააზიარა, რომელზეც „ნაციონალური მოძრაობის“ ლოგო დატანილი აღარ არის. ამასთან, ამ თემაზე პოსტი გამოაქვეყნა „ფედერალისტების“ ლიდერმა, თამარ ჩერგოლეიშვილმაც.„ჩვენი კარი ყველასთვის ღიაა, ვინც წესებს დაიცავს“, — წერს თამარ ჩერგოლეიშვილი.

თამარ ჩერგოლეიშვილი

პოლიტიკა • 1793435940

ბინძური ცილისმწამებლების სიმართლით რომ დადის ცილისმწამებელი მიშა სააკაშვილი დედაბუდიანად, ამიტომ დარჩა მაია ორჯონიკიძის და ნანულას ამარა - თამარ ჩერგოლეიშვილი

„ბინძური ცილისმწამებლების სიმართლით რომ დადის ცილისმწამებელი მიშა სააკაშვილი დედაბუდიანად, ამიტომ დარჩა მაია ორჯონიკიძის და ნანულას ამარა“- წერს „ფედერალისტების“ ერთ-ერთი ლიდერი თამარ ჩერგოლეიშვილი „ნაციონალური მოძრაობის“ მხარდამჭერის, მაია ორჯონიკიძის განცხადების პასუხად, რომელიც ჩერგოლეიშვილს „ნასედკას“ უწოდებს და აღნიშნავს, რომ ის „ბაჩანა ახალაიას ციხეში შებრუნების საქმის ერთადერთი “მოწმე” იყო!“.როგორც პოლიტიკოსი აღნიშნავს, მას ისეთ რამეს აბრალებენ, რაც ფართო საზოგადოების თვალში უპირატესობად ეთვლება. „აი ამ ბინძური ცილისმწამებლების სიმართლით რომ დადის ცილისმწამებელი მიშა სააკაშვილი დედაბუდიანად, ამიტომ დარჩა მაია ორჯონიკიძის და ნანულას ამარა. ასე უნდა გააგრძელოს და მის პოლიტიკურ საფლავზე შალახოს ვიცეკვებ. P.S. ღადაობა თან ისაა, რომ ისეთ რამეს მაბრალებენ, რაც ფართო საზოგადოების თვალში უპირატესობად მეთვლება - ასე რომ არ იყოს, საააკაშვილი კი არ იტყოდა “ახალაია ორჯერ მყავს ნანახიო” და გაემიჯნებოდა“,- წერს ჩერგოლეიშვილი.        

მაია ორჯონიკიძე

პოლიტიკა • 1793428744

თამარა ჩერგოლეიშვილი ბაჩანა ახალაიას ციხეში შებრუნების საქმის „მოწმე” იყო! ნასედკები როდიდან ითვლებიან ოპოზიციად, როდიდან?! - მაია ორჯონიკიძე

მინიმუმ 2016 წლიდან მოყოლებული რაც ამ ცოლ-ქმარს ქართული სახელმწიფოს წინააღმდეგ ოპოზიციის ლეღვის ფოთოლს ამოფარებულებს უკეთებიათ-უკლებლივ ყველაფერი უნდა გამოვიდეს მზის სინათლეზე,- წერს “ნაციონალური მოძრაობის” მხარდამჭერი მაია ორჯონიკიძე თამარ ჩერგოლეიშვილის და გიგა ბოკერიას შესახებ.კონკრეტულად, ის თამარ ჩერგოლეიშვილის სტატუსს ეხმიანება, სადაც ის მიხეილ სააკაშვილს “პოლიტიკურ ტრიპერს” უწოდებს.“ნებისმიერი მთავრობა, რომელიც ივანაშვილის რეჟიმის შეცვლის შემდეგ მოვა და არ გამოიძიებს ცოლ-ქმარ ჩერგოლეიშვილის ოლიგარქიულ რეჟიმთან მრავალწლიანი გარიგების საქმეს-ვერასოდეს მოიპოვებს პირადად ჩემს ნდობას-ვინც არ უნდა იყოს! მინიმუმ 2016 წლიდან მოყოლებული რაც ამ ცოლ-ქმარს ქართული სახელმწიფოს წინააღმდეგ ოპოზიციის ლეღვის ფოთოლს ამოფარებულებს უკეთებიათ-უკლებლივ ყველაფერი უნდა გამოვიდეს მზის სინათლეზე! აღარაფერს ვამბობ იმაზე, რომ თამარა ჩერგოლეიშვილი ბაჩანა ახალაიას ციხეში შებრუნების საქმის “მოწმე” იყო! რეჟიმის ნასედკები როდიდან ითვლებიან ოპოზიციად, როდიდან?!”- წერს ორჯონიკიძე.          შეყვანა, შეტყობინება გაგზავნილია 10:30 Keti მიერ: მაია ორჯონიკიძე: თამარა ჩერგოლეიშვილი ბაჩანა ახალაიას ციხეში შებრუნების საქმის ᲔᲠᲗᲐᲓᲔᲠᲗᲘ “მოწმე” იყო! ნასედკები როდიდან ითვლებიან ოპოზიციად, როდიდან?! მინიმუმ 2016 წლიდან მოყოლებული რაც ამ ცოლ-ქმარს ქართული სახელმწიფოს წინააღმდეგ ოპოზიციის ლეღვის ფოთოლს ამოფარებულებს უკეთებიათ-უკლებლივ ყველაფერი უნდა გამოვიდეს მზის სინათლეზე,- წერს “ნაციონალური მოძრაობის” მხარდამჭერი მაია ორჯონიკიძე თამარ ჩერგოლეიშვილის და გიგა ბოკერიას შესახებ. კონკრეტულად, ის თამარ ჩერგოლეიშვილის სტატუსს ეხმიანება, სადაც ის მიხეილ სააკაშვილს “პოლიტიკურ ტრიპერს” უწოდებს. “ნებისმიერი მთავრობა, რომელიც ივანაშვილის რეჟიმის შეცვლის შემდეგ მოვა და არ გამოიძიებს ცოლ-ქმარ ჩერგოლეიშვილის ოლიგარქიულ რეჟიმთან მრავალწლიანი გარიგების საქმეს-ვერასოდეს მოიპოვებს პირადად ჩემს ნდობას-ვინც არ უნდა იყოს! მინიმუმ 2016 წლიდან მოყოლებული რაც ამ ცოლ-ქმარს ქართული სახელმწიფოს წინააღმდეგ ოპოზიციის ლეღვის ფოთოლს ამოფარებულებს უკეთებიათ-უკლებლივ ყველაფერი უნდა გამოვიდეს მზის სინათლეზე! აღარაფერს ვამბობ იმაზე, რომ თამარა ჩერგოლეიშვილი ბაჩანა ახალაიას ციხეში შებრუნების საქმის ᲔᲠᲗᲐᲓᲔᲠᲗᲘ “მოწმე” იყო! რეჟიმის ნასედკები როდიდან ითვლებიან ოპოზიციად, როდიდან?!”- წერს ორჯონიკიძე. 

გია ვოლსკი

პოლიტიკა • 1793302800

გიორგი ვოლსკი: მართვადი ქაოსის შექმნა, სადაც შემდეგ თევზს იჭერ და აკეთებ იმას, რაც შენ გინდა - მოგყავს ხელისუფლებაში, ვინც შენ გინდა - ეგ არის დიფსთეითი, სხვა კი არაფერი

მართვადი ქაოსის შექმნა ამ სიტუაციაში, სადაც შემდეგ თევზს იჭერ და აკეთებ იმას, რაც შენ გინდა - მოგყავს ხელისუფლებაში, ვინც შენ გინდა, როგორც გინდა, ისე მართავ სიტუციას - ეგ არის დიფსთეითი, სხვა კი არაფერი, - განაცხადა გადაცემაში „იმედი Live“ პარლამენტის თავმჯდომარის პირველმა მოადგილემ გიორგი ვოლსკიმ უცხოურ მედიაში გასაჯაროებულ იმ ფინანსურ დოკუმენტაციასთან დაკავშირებით, რომელიც ეხება სქემას, რომლითაც ევროკომისიის ბიუჯეტიდან სოლიდური თანხები საფრანგეთსა და იტალიაში მასობრივი არეულობების მხარდამჭერ ორგანიზაციებზე ნაწილდებოდა.მისი თქმით, საქართველოს ხელისუფლება ეყრდნობა საზოგადოების დიდ ნაწილს, რომელსაც კარგად ესმის არსებული რეალობა.„ჩვენ, პატარა ქვეყანა, როცა თავს ვიცავთ, ვეყრდნობით იმას, რომ საზოგადოების დიდ ნაწილს კარგად ესმის რეალობა რაც არის. ამ ბალანსის შეცვლა მხოლოდ ერთი მექანიზმით შეიძლება, რაც შეიძლება, მეტი ადამიანი შეიყვანონ შეცდომაში და ამ ადამიანების უდიდესი ნაწილი იყოს ახალგაზრდა. ჩერგოლეიშვილი რატომ ჩხუბობს, ახალგაზრდებთან ნუ გამოგაქვთ სააკაშვილის ბანერიო. მომგებიანი რომ იყოს, განა იჩხუბებდა? ეძებენ იმ სუსტ ადგილებს, სადაც თავიანთ პროპაგანდას ჩატენიან“, - განაცხადა გიორგი ვოლსკიმ.პარლამენტის ვიცე-სპიკერი შექმნილ ვითარებაში გამოსავალს ევროკავშირში ვითარების შეცვლაში ხედავს.

კახა კალაძე

პოლიტიკა • 1793175231

კახა კალაძე გიგაური-ჩერგოლეიშვილის დაპირისპირებაზე: ჩვენ ღიად დავიწყეთ საუბარი, რომ არ არსებობდა არანაირი არასამთავრობო სექტორი და პოლიტიკური პარტიები - ეს იყო ერთი ძალა

„ჩვენ ხომ ღიად დავიწყეთ საუბარი, რომ რეალურად არ არსებობდა არანაირი ე.წ. NGO სექტორი და პოლიტიკური პარტიები - ეს იყო ერთი ძალა. უბრალოდ, სხვადასხვა სახელები ჰქონდათ დარქმეული, რადგან ასე სჭირდებოდათ თავიანთ პატრონებს გარედან“, - ასე პასუხობს თბილისის მერი კახა კალაძე ჟურნალისტის კითხვას „საერთაშორისო გამჭვირვალობა - საქართველოს“ დირექტორ ეკა გიგაურსა და პარტია „ფედერალისტების“ ლიდერ თამარ ჩერგოლეიშვილს შორის არსებულ დაპირისპირებასთან დაკავშირებით.„ჩვენ ხომ ღიად დავიწყეთ საუბარი, რომ რეალურად არ არსებობდა არანაირი ე.წ. NGO სექტორი და პოლიტიკური პარტიები. ეს იყო ერთი ძალა. უბრალოდ, სხვადასხვა სახელები ჰქონდათ დარქმეული, ასე სჭირდებოდათ თავიანთ პატრონებს გარედან. ეს ყველაფერი ხდებოდა იმისთვის, რომ მთავრობები ამგვარად ემართათ. თავიანთი წარმომადგენლები ჰყავდათ. ვითომ  დამოუკიდებელი არასამთავრობო ორგანიზაციები, რეალურად ჩვეულებრივ პოლიტიკურ პარტიებს წარმოადგენდნენ. ერეოდნენ პოლიტიკურ გადაწყვეტილებებში, იღებდნენ კონკრეტულ დავალებებს გარედან, ასრულებდნენ. რა თქმა უნდა, ეს იყო მტრული დავალებები ქვეყნის და ქართული სახელმწიფოს წინააღმდეგ. ამაზე ჩვენ ღიად ვსაუბრობდით და ეს საუბარი დავიწყეთ რამდენიმე წლის წინ. ბევრს არ სჯეროდა, აგერ უკვე თვითონ აღიარებენ ამ ყველაფერს და თვითონ ყვებიან იმას, რაც ხდებოდა რეალურად: როგორი დაპირისპირება იყო, როგორ ებრძოდნენ ერთმანეთს, ებრძოდნენ ქართულ სახელმწიფოს, ჩვენს სახელმწიფოებრიობას, ქართველი ხალხის ინტერესებს. უბრალოდ სხვადასხვა სახელები ერქვათ: ვიღაცა ვითომ არასამთავრობოს წარმომადგენელი იყო, ვიღაცა ექსპერტობას იბრალებდა. ესეც, რა თქმა უნდა, გარედან ფინანსდებოდა. ეს მხოლოდ საქართველოში არ იყო, ეს იყო გარე ძალების, ე.წ. დიფსთეითის მართვის მეთოდები, რომ ყველა ქვეყანაში, სადაც აქვთ პოლიტიკური ინტერესი, ხელისუფლებაში ჰყავდეთ თავიანთი აგენტურა“, - განაცხადა კახა კალაძემ.

თამარ ჩერგოლეიშვილი

პოლიტიკა • 1793170036

ჩერგოლეიშვილი: ყველა აქციაზე დაპირისპირებას შევუქმნი და ყველა აქციიდან გავყრი სააკაშვილის იმ 30 ბანდერლოგს, რომელიც აქციის მესიჯის დისციპლინას თვითმარქვია ბელადის ბანერებით დაარღვევს

კიდევ ერთხელ გავიმეორებ, ყველა აქციაზე დაპირისპირებას შევუქმნი და ყველა აქციიდან გავყრი სააკაშვილის იმ 30 ბანდერლოგს, რომელიც აქციის მესიჯის დისციპლინას თვითმარქვია ბელადის ბანერებით დაარღვევს, – ამის შესახებ პარტია „ფედერალისტების“ ლიდერი თამარ ჩერგოლეიშვილი სოციალურ ქსელში წერს.მისი თქმით, ეს ასე იქნება, რამდენიც არ უნდა იჭინთონ.„კიდევ ერთხელ გავიმეორებ: ყველა აქციაზე დაპირისპირებას შევუქმნი და ყველა აქციიდან გავყრი სააკაშვილის იმ 30 ბანდერლოგს, რომელიც აქციის მესიჯის დისციპლინას თვითმარქვია ბელადის ბანერებით დაარღვევს. ეს ასე იქნება, რამდენიც არ უნდა იჭინთოთ (უფრო მეტი, შემდეგ აქციაზე კიდევ უფრო ორგანიზებულად დაგხვდებით და უფრო ორგანიზებულად გავწმენდთ თქვენგან აქციის პერიმეტრს რომ გზავნილი ვერ დაამახინჯოთ და გააყალბოთ)“, – წერს თამარ ჩერგოლეიშვილი.

✕