ტენდერი

რუსთავში თბილისის ქუჩის რეაბილიტაციის პირველი ეტაპი სრულდება

რუსთავში, თბილისის ქუჩის რეაბილიტაციის პირველი ეტაპის ძირითადი ნაწილი დასრულდა. რეაბილიტირებული და სრულად გამაგრებულია თბილისის ქუჩის #4, #16 და #20 ავარიული საცხოვრებელი კორპუსები. ამ ეტაპზე, კი თბილისის ქუჩის შუაგამყოფი რეკრეაციული სივრცის რეაბილიტაცია მიმდინარეობს.რუსთავის მერი ნინო ლაცაბიძე, თბილისის ქუჩაზე მიმდინარე სამუშაოებს, საკრებულოს თავმჯდომარე მამუკა რეხვიაშვილთან, საქართველოს პარლამენტში რუსთავის მაჟორიტარ დეპუტატ ირაკლი შატაკიშვილთან, ქალაქის საკრებულოს მაჟორიტარ დეპუტატ მიხეილ ბეურაშვილთან და მერიის ინფრასტრუქტურის სამსახურის ხელმძღვანელ ზურა ტაბაღუსთან ერთად გაეცნო.„თბილისის ქუჩაზე მიმდინარეობს უმნიშვნელოვანესი პროექტი, რომელიც კორპუსების გამაგრება-რეაბილიტაციას ითვალისწინებს. მოსახლეობასთან კომუნიკაციის დროს, სწორედ ამ პროექტის ფარგლებში გამოიკვეთა იმის საჭიროება, რომ რუსთავის მერიის გუნდს ამ ქუჩაზე მწვანე სივრცის რეაბილიტაციაც დაიწყო. რეკრეაციული სივრცე 20 ათ. კვადრატულ მეტრ ფართობზე მოწესრიგდა, დავამატეთ მწვანე ნარგავები, მოეწყო სარწყავი და განათების სისტემები, რაც წლების განმავლობაში აქ არ ყოფილა. ეს პროექტი რომელიც ერთ-ერთი ძველი ისტორიული ქუჩის რეაბილიტაციას გულისხმობს, წარმატებით ხორციელდება. ჩვენ ამ ქუჩაზე შენობების რეაბილიტაციას ვაგრძელებთ და იქამდე სანამ პროექტის ყველა ეტაპი დასრულდება, მოსახლეობას შესაძლებლობა ექნება კეთილმოწყობილ და გამწვანებულ სივრცეში დაისვენოს“,- განაცხადა რუსთავის მერმა ნინო ლაცაბიძემ. თბილისის ქუჩის რეაბილიტაციის შემდეგ ეტაპზე, მოსახლეობასთან შეთანხმებით, #8 საცხოვრებელი შენობის დაზიანებული ინფრასტრუქტურის აღდგენა-რესტავრაციაა განსაზღვრული. ელექტრონული ტენდერი, უახლოეს დღეებში გამოცხადდება.„რუსთავში, თბილისის ქუჩის რეაბილიტაციის პირველი ეტაპის ძირითადი სამუშაოები უკვე დასრულდა. გამაგრება-რეაბილიტაცია ამ ეტაპზე სამ საცხოვრებელ კორპუსს ჩაუტარდა. შემდეგ ეტაპზე კი მოსახლეობასთან შეთანხმებით, კიდევ ერთი კორპუსის დაზიანებული ინფრასტრუქტურის აღდგენა მოხდება. დღეისათვის თბილისის ქუჩაზე არსებული რეკრეაციული სივრცის მოწყობა მიმდინარეობას. თბილისის ქუჩას, რუსთავისთვის მნიშვნელოვანი ურბანული და სატრანსპორტო დატვირთვა აქვს. რესტავრირებული ქუჩიდან ბენეფიტს, ფაქტიურად მთელი ქალაქი მიიღებს“,- განაცხადა რუსთავის საკრებულოს თავმჯდომარე მამუკა რეხვიაშვილმა.თბილისის ქუჩის შუაგამყოფ ზოლში ეწყობა საფეხმავლო ბილიკები, სარწყავი სისტემა, გარე განათება და დასასვენებელი ზონა. მიმდინარეობს ტერიტორიის გამწვანება და ჯამში, სხვადასხვა სახეობის 1850 ხე-მცენარე დაირგვება.პროექტის პირველი ეტაპის სამუშაოების ღირებულება, 3 282 091 ლარია და ცენტრალური ბიუჯეტიდან ფინანსდება.პროექტი რამდენიმე ეტაპად განხორციელდება და რეაბილიტაცია, მოსახლეობასთან შეთანხმებით სხვა ავარიულ კორპუსებსაც ჩაუტარდება.

საზოგადოება • 1769760223

მდინარე ალაზნის ნაპირაღდგენითი სამუშაოებისთვის 4 ელექტრონული ტენდერი გამოცხადდა

ინფრასტრუქტურის სამინისტროს საავტომობილო გზების დეპარტამენტმა სიღნაღის მუნიციპალიტეტში, მილარის სამ უბანსა და სოფელ ერისიმედში, მდინარე ალაზნის ნაპირაღდგენითი სამუშაოების განხორციელების მიზნით, 4 ელექტრონული ტენდერი გამოაცხადა.მდინარე ალაზნის ნაპირზე განვითარებული ეროზიული პროცესების გამო, აუცილებელი გახდა ნაპირდაცვითი ღონისძიებების გატარება, რაც ტერიტორიის უსაფრთხოებასა და მდინარის კალაპოტის სტაბილურობას უზრუნველყოფს.მდინარე ალაზნის კალაპოტის ღერძი წარმოადგენს საქართველოსა და აზერბაიჯანის რესპუბლიკას შორის ბუნებრივ საზღვარს, შესაბამისად დაგეგმილი სამუშაოები განსაკუთრებულ მნიშვნელობას ატარებს სასაზღვრო ტერიტორიის დაცვის თვალსაზრისითაც.ნაპირღდგენითი სამუშაოები განხორციელდება 4 სხვადასხვა უბანზე, ხოლო პროექტების სავარაუდო ჯამური ღირებულება 9 205 249 ლარს შეადგენს.აღნიშნული პროექტები სრულად ფინანსდება საქართველოს სახელმწიფო ბიუჯეტიდან.შესყიდვის ბმულები:სიღნაღის მუნიციპალიტეტი, მილარის უბანში (I უბანი) მდ. ალაზნის ნაპირაღდგენითი სამუშაოები - http://tenders.procurement.gov.ge/public/?go=663893&lang=geსიღნაღის მუნიციპალიტეტი, მილარის უბანში (II უბანი) მდ. ალაზნის ნაპირაღდგენითი სამუშაოები - https://tenders.procurement.gov.ge/public/?go=663912&lang=geსიღნაღის მუნიციპალიტეტი, მილარის უბანში (IV უბანი) მდ. ალაზნის ნაპირაღდგენითი სამუშაოები - https://tenders.procurement.gov.ge/public/?go=663910&lang=geსიღნაღის მუნიციპალიტეტის სოფელ ერისიმედში მდ. ალაზნის ნაპირაღდგენითი სამუშაოები - http://tenders.procurement.gov.ge/public/?go=663492&lang=ge

საზოგადოება • 1769692110

მუნიციპალური განვითარების ფონდმა რაგბის 14 სტადიონის მშენებლობისთვის ტენდერი გამოაცხადა

ინფრასტრუქტურის სამინისტროს მუნიციპალური განვითარების ფონდი თბილისსა და ქვეყნის სხვადასხვა რეგიონში თანამედროვე სტანდარტების შესაბამისი სარაგბო მოედნების მშენებლობას იწყებს.დაგეგმილია 12 ხელოვნურსაფარიანი მოედნის აშენება: თბილისის ზღვის მიმდებარედ, ფონიჭალაში, თბილისის 180-ე საჯარო სკოლის ტერიტორიაზე, მცხეთის მუნიციპალიტეტის სოფელ წეროვანში, წყალტუბოში, გურჯაანში, საჩხერეში, ყაზბეგის მუნიციპალიტეტის დაბა სტეფანწმინდაში, ლენტეხში, ამბროლაურში, ხაშურის მუნიციპალიტეტის დაბა სურამში და ცაგერის მუნიციპალიტეტის სოფელ ორბელში.ქუთაისში და წყალტუბოს მუნიციპალიტეტის სოფელ გუმბარაში, კი, მუნიციპალური განვითარების ფონდი, გეგმავს რაგბის ბუნებრივსაფარიანი სტადიონების მშენებლობას.გარდა ამისა, დაგეგმილია ქუთაისის „აიას“ სტადიონისა და თბილისში, ავჭალაში მდებარე სტადიონის რეაბილიტაცია.ვარკეთილში კი აშენდება 2000 მაყურებელზე გათლილი ახალი, ბუნებრივსაფრიანი სტადიონი, რომელიც საერთაშორისო თამაშებსაც მოემსახურება.ქვეყნის მასშტაბით სარაგბო მოედნების მშენებლობა ხელს შეუწყობს სპორტული ინფრასტრუქტურის განავითარებას, ახალგაზრდებში ჯანსაღი ცხოვრების წესის დამკვიდრებას და ქვეყნის სარაგბო ტრადიციების კიდევ უფრო გაძლიერებას.

საზოგადოება • 1769674978

საავტომობილო გზების დეპარტამენტმა გზების რეაბილიტაციის 4 ელექტრონული ტენდერი გამოაცხადა

ინფრასტრუქტურის სამინისტროს საავტომობილო გზების დეპარტამენტმა, ქვეყნის სხვადასხვა რეგიონში საავტომობილო გზების მდგომარეობის გაუმჯობესების მიზნით, ცალკეული მონაკვეთების რეაბილიტაციისთვის 4 ელექტრონული ტენდერი გამოაცხადა.ტენდერები გამოცხადდა შემდეგ მონაკვეთებზე:საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის კმ37–კმ56 მონაკვეთზე (მდინარე არყალას ხიდის დასაწყისიდან ხანდოს ხევის ხიდის დასაწყისამდე). ლოტი 1 მოიცავს კმ37–კმ46 მონაკვეთს, სადაც რეაბილიტაცია 10 კმ-იან გზის მონაკვეთს ჩაუტარდება. აღნიშნული გზა ემსახურება მცხეთის, დუშეთისა და ყაზბეგის მუნიციპალიტეტების მოსახლეობას და მნიშვნელოვან როლს ასრულებს როგორც სატრანზიტო, ასევე ტურისტული მიმართულებით. პროექტის სავარაუდო ღირებულება 29 666 924 ლარია.შიდასახელმწიფოებრივი მნიშვნელობის აბასთუმანი–ყანობილის საავტომობილო გზის კმ1–კმ5 მონაკვეთზე დაგეგმილია 5 კმ-იანი გზის რეაბილიტაცია. პროექტის სავარაუდო ღირებულება შეადგენს 7 149 572 ლარს.საერთაშორისო მნიშვნელობის ხაშური–ახალციხე–ვალეს საავტომობილო გზის კმ71–კმ76 მონაკვეთზე განხორციელდება 4.1 კმ-იანი გზის რეაბილიტაცია. აღნიშნული გზა აკავშირებს სამცხე–ჯავახეთისა და შიდა ქართლის რეგიონებს, აქვს ტრანზიტული ფუნქცია თურქეთის რესპუბლიკასთან და ერთ-ერთ მნიშვნელოვან მარშრუტს წარმოადგენს. პროექტის სავარაუდო ღირებულება 7 509 573 ლარია.ასევე, გამოცხადდა ტენდერი შიდასახელმწიფოებრივი მნიშვნელობის საჯავახო–ჩოხატაური–ოზურგეთი–ქობულეთის საავტომობილო გზის კმ70–კმ72 მონაკვეთის რეაბილიტაციაზე. დაახლოებით 2 კმ-იანი მონაკვეთი მეტწილად ქალაქ ქობულეთის ცენტრალურ ნაწილში გადის. პროექტის სავარაუდო ღირებულება შეადგენს 1 965 048 ლარს.რეაბილიტაციის დასრულების შემდეგ, აღნიშნულ მონაკვეთებზე უზრუნველყოფილი იქნება უსაფრთხო, შეუფერხებელი და კომფორტული გადაადგილება, რაც დადებითად აისახება როგორც ადგილობრივი მოსახლეობის ყოველდღიურ გადაადგილებაზე, ისე რეგიონების ტურისტულ პოტენციალზე.პროექტები სრულად ფინანსდება საქართველოს სახელმწიფო ბიუჯეტიდან.შესყიდვის ბმულები:მცხეთა - სტეფანწმინდა - ლარსის საავტომობილო გზის კმ37-კმ56 (მდინარე არყალას ხიდის დასაწყისიდან - ხანდოს ხევის ხიდის დასაწყისამდე მონაკვეთი) მონაკვეთის სარეაბილიტაციო სამუშაოები (ლოტი 1 - კმ37-კმ46). - https://tenders.procurement.gov.ge/public/?go=664190&lang=ge აბასთუმანი-ყანობილის კმ1-კმ5 მონაკვეთის სარეაბილიტაციო სამუშაოები - https://tenders.procurement.gov.ge/public/?go=663516&lang=ge ხაშური-ახალციხე-ვალე საავტომობილო გზის კმ71-კმ76 მონაკვეთის სარეაბილიტაციო სამუშაოები - https://tenders.procurement.gov.ge/public/?go=663486&lang=ge საჯავახო-ჩოხატაური-ოზურგეთი-ქობულეთის საავტომობილო გზის კმ70-კმ72 მონაკვეთის სარეაბილიტაციო სამუშაოები (მონაკვეთი პკ0+00-დან პკ11+20-მდე) - https://tenders.procurement.gov.ge/public/?go=663895&lang=ge

სამართალი • 1769610782

ილია ღუდუშაურს საქალაქო სასამართლომ 500 000 ლარიანი საპატიმრო გირაო დააკისრა

ილია ღუდუშაურს საქალაქო სასამართლომ 500 000 ლარიანი საპატიმრო გირაო დააკისრა. ჯანდაცვის ყოფილი მინისტრის მოადგილეს ჩამოერთმევა პასპორტი და აეკრძალება საზღვრის გადაკვეთა პროკურორის ნებართვის გარეშე.პროცესი ცოტა ხნის წინ დასრულდა. ილია ღუდუშაურს ბრალად ედება სამსახურებრივი უფლებამოსილების ბოროტად გამოყენება. ბრალდებულმა დანაშაული აღიარა და გამოძიებასთან ითანამშრომლა.გამოძიების ინფორმაციით, ჯანდაცვის სამინისტრომ სასწრაფო დახმარების 70 მანქანის შესყიდვაზე ტენდერი გამოაცხადა, რომელშიც მონაწილეობა მიიღო სამმა პრეტენდენტმა. გამარჯვებულად გამოვლინდა ყველაზე დაბალი ფასის წარმდგენი კომპანია, თუმცა, ბრალდებულმა ტენდერი უკანონოდ შეწყვიტა. ახალი ტენდერი შეცვლილი პირობებით გამოცხადდა, ის მოარგეს ერთ კონკრეტულ პრეტენდენტს და ღუდუშაურის ნაცნობს. სამინისტრომ ამ კომპანიას, სულ ცოტა, 2 მილიონით მეტი გადაუხადა.

სამართალი • 1769589178

პროკურატურა ილია ღუდუშაურის საქმეზე, განცხადებას ავრცელებს

საქართველოს პროკურატურამ დევნილთა, შრომის, ჯანმრთელობისა და სოციალური დაცვის მინისტრის ყოფილ მოადგილეს, სახელმწიფო - პოლიტიკური თანამდებობის მქონე პირის მიერ სამსახურებრივი უფლებამოსილების ბოროტად გამოყენების ფაქტზე ბრალდება წარუდგინა.როგორც პროკურატურის მიერ გავრცელებულ განცხადებაშია აღნიშნული, ვინაიდან ბრალდებულმა აღიარა ჩადენილი დანაშაული და ითანამშრომლა გამოძიებასთან, პროკურატურა მის მიმართ აღკვეთის ღონისძიების სახით საპატიმრო გირაოს გამოყენების შუამდგომლობით სასამართლოს კანონით დადგენილ ვადაში მიმართავს."ფინანსთა სამინისტროს საგამოძიებო სამსახურის მიერ ჩატარებული გამოძიებით დადგინდა, რომ 2022 წლის 27 სექტემბერს დევნილთა, შრომის, ჯანმრთელობისა და სოციალური დაცვის სამინისტრომ 70 ერთეულ სასწრაფო სამედიცინო დახმარების ავტოსატრანსპორტო საშუალების შესყიდვაზე ტენდერი გამოაცხადა.გამოცხადებულ ტენდერში მონაწილეობა მიიღო სამმა პრეტენდენტმა და გამარჯვებულად გამოვლინდა ყველაზე დაბალი ფასის წარმდგენი კომპანია. თუმცა, ბრალდებულმა რომელიც მოქმედებდა ტენდერში მონაწილე შედარებით მაღალი ფასის წარმდგენი კომპანიის სასარგებლოდ, ხელოვნურად შექმნილი საფუძვლით, უკანონოდ შეწყვიტა სამინისტროს მიერ გამოცხადებული ტენდერი.2023 წლის 10 მაისს, მისივე მითითებით გამოცხადდა ახალი ტენდერი, შეცვლილი პირობებით, რომელიც მორგებული იყო ერთ კონკრეტულ პრეტენდენტზე და რომლის ხელმძღვანელობასთანაც ბრალდებულს პირადი ნაცნობობა აკავშირებდა.შედეგად, ტენდერი ჩატარდა სხვა კომპანიების მონაწილეობისა და ყოველგვარი კონკურენციის გარეშე. გამარჯვებულად გამოცხადდა წინასწარ შერჩეული კომპანია, რომელსაც წარდგენილი შედარებით მაღალი ფასის გამო, სამინისტრომ მინიმუმ 2 138 000 ლარით მეტი გადაუხადა.ბრალდებულის ამ ქმედებით არსებითად დაირღვა სახელმწიფოს კანონიერი ინტერესები.დაკავებულს ბრალდება სისხლის სამართლის კოდექსის 332-ე მუხლის მეორე ნაწილით (სამსახურებრივი უფლებამოსილების ბოროტად გამოყენება სახელმწიფო- პოლიტიკური თანამდებობის მქონე პირის მიერ) წარედგინა.ვინაიდან ბრალდებულმა აღიარა ჩადენილი დანაშაული და ითანამშრომლა გამოძიებასთან, პროკურატურა მის მიმართ აღკვეთის ღონისძიების სახით საპატიმრო გირაოს გამოყენების შუამდგომლობით სასამართლოს კანონით დადგენილ ვადაში მიმართავს", - აღნიშნულია პროკურატურის განცხადებაში.

პოლიტიკა • 1769587019

ილია ღუდუშაურს ბრალი წარედგინა

ჯანდაცვის ყოფილი მინისტრის მოადგილეს ბრალი წარედგინა. ილია ღუდუშაურს გამოძიება სამსახურებრივი უფლებამოსილების ბოროტად გამოყენებას ედავება.გამოძიების ინფორმაციით, ღუდუშაურმა, რომელიც 2022 წელს, უწყების შესყიდვების სატენდერო კომისიასაც ხელმძღვანელობდა, უკანონოდ შეაჩერა ტენდერი, გამოაცხადა ახალი, და პირობები სრულად მოარგო ერთ კონკრეტულ კომპანიას.სახელმწიფომ კომპანიას უსაფუძვლოდ გადაუხადა 2 მილიონზე მეტი ლარი.

სამართალი • 1769509092

ცნობილია, რა ბრალდებითაა დაკავებული ჯანდაცვის მინისტრის ყოფილი მოადგილე - დეტალები ბრიფინგიდან

ფინანსთა სამინისტროს საგამოძიებო სამსახურის თანამშრომლებმა, სახელმწიფო-პოლიტიკური თანამდებობის პირის მიერ სამსახურებრივი უფლებამოსილების ბოროტად გამოყენების ფაქტზე, საქართველოს დევნილთა, შრომის, ჯანმრთელობისა და სოციალური დაცვის მინისტრის ყოფილი მოადგილე ილია ღუდუშაური დააკავეს, რომელიც ამავდროულად აღნიშნული სამინისტროს შესყიდვების სატენდერო კომისიის თავმჯდომარე იყო, – ამის შესახებ უწყებაში გამართულ ბრიფინგზე ფინანსთა სამინისტროს საგამოძიებო სამსახურის სამმართველოს უფროსის მოადგილემ, გუგა თავბერიძემ განაცხადა.მისი თქმით, გამოძიებით დადგინდა, რომ 2022 წლის 27 სექტემბერს საქართველოს დევნილთა, შრომის, ჯანმრთელობისა და სოციალური დაცვის სამინისტრომ გამოაცხადა ტენდერი სასწრაფო სამედიცინო დახმარების ავტოსატრანსპორტო საშუალებების შესყიდვაზე. ტენდერის საბოლოო ბენეფიციარი იყო სსიპ – საგანგებო სიტუაციების კოორდინაციისა და გადაუდებელი დახმარების ცენტრი. ტენდერში მონაწილეობა მიიღო სამმა კომპანიამ, ხოლო გამარჯვებულად გამოვლინდა ერთ-ერთი კომპანია, რომელმაც ყველაზე დაბალი ფასი – 8 525 876 ლარი შესთავაზა.„აღნიშნული ტენდერი შეწყდა მინისტრის მოადგილის ილია ღუდუშაურის უკანონო დავალებით. მან ბოროტად გამოიყენა სამსახურებრივი უფლებამოსილება სხვა კომპანიისთვის უპირატესობის მინიჭების მიზნით. 2023 წლის 10 მაისს, მისი მითითებით, გამოცხადდა ახალი ტენდერი, რომლის პირობები მორგებული იყო ერთ კონკრეტულ პრეტენდენტზე, რის შედეგადაც სხვა კომპანიებმა მონაწილეობა ვერ მიიღეს.წინასწარ შერჩეულ კომპანიას სამინისტრომ უსაფუძვლოდ გადაუხადა 2 138 196 ლარი, რითაც არსებითად დაირღვა სახელმწიფოს კანონიერი ინტერესები.გამოძიება მიმდინარეობს საქართველოს სისხლის სამართლის კოდექსის 332-ე მუხლის მე-2 ნაწილით.კორუფციულ დანაშაულებში მონაწილე პირთა გამოვლენის, მათი პასუხისგებაში მიცემისა და კორუფციული ფაქტების მაქსიმალური პრევენციის მიზნით, ფინანსთა სამინისტროს საგამოძიებო სამსახური ინტენსიურ რეჟიმში აგრძელებს ოპერატიულ და საგამოძიებო მოქმედებებს“, – განაცხადა გუგა თავბერიძემ.

სამართალი • 1769509040

ფინანსთა სამინისტროს საგამოძიებო სამსახური განცხადებას ავრცელებს

ფინანსთა სამინისტროს საგამოძიებო სამსახურის თანამშრომლებმა, სახელმწიფო-პოლიტიკური თანამდებობის პირის მიერ სამსახურებრივი უფლებამოსილების ბოროტად გამოყენების ფაქტზე, საქართველოს დევნილთა, შრომის, ჯანმრთელობისა და სოციალური დაცვის მინისტრის ყოფილი მოადგილე ილია ღუდუშაური დააკავეს, რომელიც ამავდროულად აღნიშნული სამინისტროს შესყიდვების სატენდერო კომისიის თავმჯდომარე იყო.გამოძიებით დადგინდა, რომ 2022 წლის 27 სექტემბერს საქართველოს დევნილთა, შრომის, ჯანმრთელობისა და სოციალური დაცვის სამინისტრომ გამოაცხადა ტენდერი სასწრაფო სამედიცინო დახმარების ავტოსატრანსპორტო საშუალებების შესყიდვაზე. ტენდერის საბოლოო ბენეფიციარი იყო სსიპ – საგანგებო სიტუაციების კოორდინაციისა და გადაუდებელი დახმარების ცენტრი. ტენდერში მონაწილეობა მიიღო სამმა კომპანიამ, ხოლო გამარჯვებულად გამოვლინდა ერთ-ერთი კომპანია, რომელმაც ყველაზე დაბალი ფასი — 8 525 876 ლარი შესთავაზა.აღნიშნული ტენდერი შეწყდა მინისტრის მოადგილის ი. ღუდუშაურის უკანონო დავალებით. მან ბოროტად გამოიყენა სამსახურებრივი უფლებამოსილება სხვა კომპანიისთვის უპირატესობის მინიჭების მიზნით. 2023 წლის 10 მაისს, მისი მითითებით, გამოცხადდა ახალი ტენდერი, რომლის პირობები მორგებული იყო ერთ კონკრეტულ პრეტენდენტზე, რის შედეგადაც სხვა კომპანიებმა მონაწილეობა ვერ მიიღეს.წინასწარ შერჩეულ კომპანიას სამინისტრომ უსაფუძვლოდ გადაუხადა 2 138 196 ლარი, რითაც არსებითად დაირღვა სახელმწიფოს კანონიერი ინტერესები.გამოძიება მიმდინარეობს საქართველოს სისხლის სამართლის კოდექსის 332-ე მუხლის მე-2 ნაწილით.კორუფციულ დანაშაულებში მონაწილე პირთა გამოვლენის, მათი პასუხისგებაში მიცემისა და კორუფციული ფაქტების მაქსიმალური პრევენციის მიზნით, ფინანსთა სამინისტროს საგამოძიებო სამსახური ინტენსიურ რეჟიმში აგრძელებს ოპერატიულ და საგამოძიებო მოქმედებებს.

საზოგადოება • 1769236713

საავტომობილო გზების დეპარტამენტმა 2 ელექტრონული ტენდერი გამოაცხადა

საქართველოს მთავრობის განკარგულების საფუძველზე, ინფრასტრუქტურის სამინისტროს საავტომობილო გზების დეპარტამენტმა იმერა-ბარეთი-თეჯისი-ჩივთქილისა-ხაჩკოი-გუმბათი-ავრანლოს საავტომობილო გზის 4.4 კმ-იანი (კმ7-კმ11) და ჟინვალი-ბარისახო-შატილის საავტომობილო გზის 2 (კმ1-კმ2) მონაკვეთის სარეაბილიტაციო სამუშაოებზე ელექტრონული ტენდერები გამოაცხადა.ინფრასტრუქტურის სამინისტროს ინფორმაციით, იმერა-ბარეთი-თეჯისი-ჩივთქილისა-ხაჩკოი-გუმბათი-ავრანლოს საავტომობილო გზის სარეაბილიტაციო მონაკვეთის ძირითადი ნაწილი გადის დასახლებულ პუნქტებში. არსებული საფარი არის ხრეშოვან-გრუნტოვანი, რომელიც დაზიანებულია, გაჩენილია მრავლობითი ორმოები, მოსაწესრიგებელია გრძივი და განივი ქანობები, მოსაწყობია სანიაღვრე არხები, წყალგამტარი მილები, გზაზე მოსაწყობია მოძრაობის რეგულირების ტექნიკური საშუალებები (საგზაო ნიშნები, ზღუდარები და სხვა); ნალექის შედეგად ირეცხება გზის საფარი, რაც აფერხებს სატრანსპორტო საშუალებების გადაადგილებას.აღნიშნული მიმართულება ერთმანეთთან აკავშირებს ბევრი დასახლებული პუნქტის მოსახლეობას. გზის რეაბილიტაციის შემდგომ კი უზრუნველყოფილი იქნება გზით მოსარგებლეთა კომფორტული და უსაფრთხო გადაადგილება, განვითარდება გზისპირა ინფრასტრუქტურა. სამუშაოების სავარაუდო ღირებულება შეადგენს 5 420 045 ლარს.ჟინვალი-ბარისახო-შატილის საავტომობილო გზის სარეაბილიტაციო მონაკვეთი იწყება საერთაშორისო მნიშვნელობის მცხეთა-სტეფანწმინდა-ლარსის საავტომობილო გზის 26-ე კილომეტრიდან და მთავრდება არ მისული მდინარე საკანაფისხევის სახიდე გადასასვლელთან. ხოლო მათ შორის გზის დაახლოებით 1 კმ-იანი მონაკვეთი გადის დასახლებელ ტერიტორიაზე. არსებული დაზიანებული გზის მოსაწესრიგებლად დაგეგმილია საგზაო ინფრასტრუქტურის სრული რეაბილიტაცია, რეაბილიტაცია ჩაუტარდება და მოეწყობა ახალი ხელოვნური ნაგებობები, მოსახლეობის ეზოებში შესასვლელები, დაიგება ასფალტ-ბეტონის საფარი, მოეწყობა საგზაო ნიშნები და განხორციელდება გზის ჰორიზონტალური მონიშვნა.სამუშაოების სავარაუდო ღირებულება შეადგენს 2 024 144 ლარს. აღნიშნული პროექტები სრულად ფინანსდება საქართველოს სახელმწიფო ბიუჯეტიდან.

პოლიტიკა • 1769064720

საქართველოს მთავრობის გადაწყვეტილებით, შეიქმნა ცენტრალური შემსყიდველი ორგანო, რომელიც ცალკეული საქონლისა და მომსახურების სახელმწიფო შესყიდვას უზრუნველყოფს

საქართველოს მთავრობის გადაწყვეტილებით და ეფექტიანობის დეპარტამენტის ჩართულობით, შეიქმნა ცენტრალური შემსყიდველი ორგანო, რომელიც 2026 წლიდან დამოუკიდებლად უზრუნველყოფს ცალკეული საქონლისა და მომსახურების სახელმწიფო შესყიდვას, – ამის შესახებ მთავრობის ეფექტიანობის დეპარტამენტის საქმიანობის 2025 წლის ანგარიშშია აღნიშნული.რეფორმის მიზანია სახელმწიფო სახსრების გამჭვირვალე და რაციონალური ხარჯვის, საჭიროებებზე დროული და ეფექტიანი რეაგირების ხელშეწყობა.ამასთანავე, ცენტრალური შემსყიდველი ორგანო, შესყიდვის ახალი მანდატის ფარგლებში, უზრუნველყოფს ცენტრალიზებული შესყიდვისათვის გაფორმებული ხელშეკრულებების მონიტორინგს.„ცენტრალური შემსყიდველი ორგანოს მიერ შესასყიდი საქონლისა და მომსახურების საპროგნოზო ღირებულება წლიურად შეადგენს 2 მილიარდ ლარს. უწყება დაკომპლექტდება მაღალი კვალიფიკაციის კადრებით, რომლებიც უზრუნველყოფენ დასახული მიზნების მიღწევას. უწყება შესყიდვებს განახორციელებს როგორც კონსოლიდირებული ტენდერის საშუალებებით, ასევე დამხმარე საქმიანობის ფარგლებში, ცალკეული შემსყიდველი ორგანიზაციის მიმართვის საფუძველზე, ექნება შესაძლებლობა, განახორციელოს ცენტრალიზებული შესყიდვა. ცენტრალური შემსყიდველი ორგანოს შექმნა გათვალისწინებული იყო „საჯარო შესყიდვების შესახებ“ საქართველოს კანონითაც, რომელიც მიღებულ იქნა ევროკავშირთან ასოცირების ხელშეკრულებით ნაკისრი ვალდებულებების შესრულების ფარგლებში“, – ნათქვამია მთავრობის ეფექტიანობის დეპარტამენტის საქმიანობის 2025 წლის ანგარიშში.

სამართალი • 1767696068

ადვოკატის ინფორმაციით, ბიჭიკო პაიკიძე, რომელიც ესპანეთში დააკავეს, თავისუფალია

ინტერპოლის მიერ ე.წ. წითელი ცირკულარით ძებნილი, ვანში „ქართული ოცნების“ ყოფილი დეპუტატი და კომპანია „B.P. TRANS”-ის მფლობელი ბიჭიკო პაიკიძე, რომელიც ესპანეთში, დააკავეს, თავისუფალია. ამის შესახებ „ინტერპრესნიუსი“ პაიკიძის ადვოკატზე, ირმა ჭკადუაზე დაყრდნობით ავრცელებს.ბიჭიკო პაიკიძის დაკავების შესახებ ინფორმაცია მისმა საქმის პროკურორმა ბექა ხუნაშვილმა 19 დეკემბერს, სასამართლო პროცესზე გააჟღერა. როგორც სახელმწიფო ბრალმდებელი მაშინ აცხადებდა, პაიკიძის საექსტრადიციო პროცედურები მიმდინარეობდა.პაიკიძეს აღკვეთის ღონისძიების სახით პატიმრობა დაუსწრებლად ჰქონდა შეფარდებული. მასზე ძებნა იყო გამოცხადებული.გამოძიების ინფორმაციით, სახელმწიფო ტენდერის შესრულების პროცესში, ქუთაისი-ალპანა-მამისონის უღელტეხილის საავტომობილო გზის მონაკვეთისა და ონის მუნიციპალიტეტის არეალში სტიქიის შედეგად დაზიანებული ცალკეული მონაკვეთების ნაპირდამცავი სამუშაოების განხორციელებისას, შპს „B.P. TRANS“-ის 100% წილის მფლობელი ბიჭიკო პაიკიძე, ამავე კომპანიის დირექტორის ვალერიან კვარაცხელიას და კომპანიის თანამშრომლის, იოსებ ჭანჭალეიშვილის დახმარებით, აგრეთვე ტენდერის შესრულებაზე კონტროლის განმახორციელებელი საზოგადოების მენეჯერების - როინ ფოფხაძის, გიორგი კვახაძისა და ირაკლი გალოგრეს დახმარებით, ყალბი ოფიციალური დოკუმენტაციის შედგენა-გამოყენების გზით, მოტყუებით დაეუფლა საქართველოს რეგიონული განვითარებისა და ინფრასტრუქტურის სამინისტროს კუთვნილ თანხას - 4 184 249 ლარს, რამაც დიდი ოდენობით ზიანი გამოიწვია და არსებითად შეილახა სახელმწიფოს კანონიერი ინტერესები.კომპანიის მფლობელს, ბიჭიკო პაიკიძეს ბრალდება დაუსწრებლად, საქართველოს სისხლის სამართლის კოდექსის 180-ე მუხლის მე-3 ნაწილის „ბ“ ქვეპუნქტით და 362-ე მუხლის მე-2 ნაწილის „ბ“ ქვეპუნქტით წარედგინა, რაც დიდი ოდენობით თანხის თაღლითურად დაუფლებასა და ყალბი ოფიციალური დოკუმენტების შედგენა-გამოყენებას გულისხმობს, რამაც მნიშვნელოვანი ზიანი გამოიწვია.აღნიშნული ქმედება სასჯელის სახედ და ზომად 9 წლამდე თავისუფლების აღკვეთას ითვალისწინებს.კომპანიის დირექტორს ვალერიან კვარაცხელიას და კომპანიის თანამშრომელს იოსებ ჭანჭალეიშვილს, აგრეთვე ტენდერის შესრულებაზე კონტროლის განმახორციელებელი საზოგადოების მენეჯერებს - გიორგი კვახაძეს, როინ ფოფხაძესა და ირაკლი გალოგრეს ბრალდება საქართველოს სისხლის სამართლის კოდექსის 25,180-ე მუხლის მე-2 ნაწილის „ა“ და მე-3 ნაწილის „ბ“ ქვეპუნქტებით და 362-ე მუხლის მე-2 ნაწილის „ბ“ ქვეპუნქტით წარედგინა, რაც დიდი ოდენობით თანხის თაღლითობით დაუფლებაში დახმარებას გულისხმობს წინასწარი შეთანხმებით ჯგუფის მიერ და ყალბი ოფიციალური დოკუმენტების დამზადება-გამოყენებას, რამაც მნიშვნელოვანი ზიანი გამოიწვია.აღნიშნული ქმედება სასჯელის სახედ და ზომად 6-დან 9 წლამდე თავისუფლების აღკვეთას ითვალისწინებს.