საზოგადოება • 1764270803

„ენერგო-პრო ჯორჯია“ აბონენტებს აფრთხილებს

„ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება. კომპანიის ცნობით, ქსელის გეგმური სარეაბილიტაციო სამუშაოების გამო, 28 ნოემბერს 11:00-იდან 14:00 საათამდე ელექტროენერგიის მიწოდება შეეზღუდება აბონენტებს მცხეთის მუნიციპალიტეტის სოფლებში ძეგვი, არმაზი, შიომღვიმის ტერიტორია და მიმდებარე სოფლებში; 13:00-იდან 16:00 საათამდე აბონენტებს ყაზბეგის მუნიციპალიტეტის სოფლებში სტეფანწმინდა, სიონი, არშა, გორისციხე და მიმდებარე სოფლებში; 15:00-იდან 18:00 საათამდე აბონენტებს მცხეთაში აღმაშენებლის, რუსთაველის, კარიბჭის, კოსტავას და მიმდებარე სოფლებში; 16:00-იდან 19:00 საათამდე აბონენტებს დუშეთის მუნიციპალიტეტის სოფლებში ფასანაური, ჭართალი, მენესო, დგნალი და მიმდებარე სოფლებში.„სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში“, - ნათქვამია ინფორმაციაში.

პოლიტიკა • 1764240667

რევაზ სოხაძემ და სომხეთის ინფრასტრუქტურის მინისტრმა მიმდინარე ინფრასტრუქტურული პროექტები მოინახულეს

საქართველოს ინფრასტრუქტურის მინისტრმა, რევაზ სოხაძემ, რეგიონული განვითარების მინისტრმა კახაბერ გულედანმა და საქართველოში ოფიციალური ვიზიტით მყოფმა სომხეთის ტერიტორიული მოწყობისა და ინფრასტრუქტურის მინისტრმა, დავით ხუდათიანმა, საქართველოში მიმდინარე მსხვილი ინფრასტრუქტურული პროექტები მოინახულეს.მინისტრები ადგილზე გაეცნენ მცხეთა–სტეფანწმინდა–ლარსის საავტომობილო გზაზე სტეფანწმინდა–გველეთის მონაკვეთის მოდერნიზაციის სამუშაოებს. პროექტი მოიცავს 4.5 კმ-იანი ახალი, ორზოლიანი გზის, ორი ხიდისა და ორი გვირაბის მშენებლობას. ამ ეტაპზე უკვე დასრულებულია ერთ-ერთი გვირაბის გაჭრა და მიმდინარეობს ხიდებისთვის საძირკვლებისა და ხიმინჯების მოწყობის სამუშაოები.აღსანიშნავია, რომ ამ მონაკვეთზე შენდება საქართველოში ყველაზე გრძელი ხიდი — 2 კილომეტრზე მეტი სიგრძის საინჟინრო კონსტრუქცია, რომლის მოწყობა განსაკუთრებულ ტექნიკურ გადაწყვეტილებებს საჭიროებს.სტეფანწმინდა–გველეთის მონაკვეთი E117 საერთაშორისო მარშრუტისა და ჩრდილოეთ–სამხრეთის დერეფნის ნაწილია, რომლის უსაფრთხოების თანამედროვე სტანდარტებით გაუმჯობესება მნიშვნელოვანია ქვეყნის და რეგიონის ეკონომიკური და სატრანზიტო განვითარებისათვის. პროექტის განხორციელება მნიშვნელოვნად გააუმჯობესებს გადაადგილების უსაფრთხოებას წლის ნებისმიერ პერიოდში.სტეფანწმინდა–გველეთის მონაკვეთის მშენებლობის პროექტს საქართველოს ინფრასტრუქტურის სამინისტროს საავტომობილო გზების დეპარტამენტი ახორციელებს. სამუშაოების სავარაუდო ღირებულება 215.5 მილიონი ლარია, ხოლო დასრულება 2027 წლისთვის არის დაგეგმილი.სამშენებლო სამუშაოებს, მინისტრებთან ერთად, ადგილზე გაეცნენ საქართველოს ინფრასტრუქტურის მინისტრის მოადგილეები, სახელმწიფო რწმუნებული მცხეთა-მთიანეთის მხარეში, საავტომობილო გზების დეპარტამენტის თავმჯდომარე, სომხეთის ტერიტორიალური მოწყობისა და ინფრასტრუქტურის მინისტრის მოადგილე, გზების დეპარტამენტის აღმასრულებელი დირექტორი და „ელექტროენერგეტიკული სისტემების ოპერატორის“ გენერალური დირექტორი.

ომი უკრაინაში • 1763982845

რუსლან სტეფანჩუკი: არავის აქვს უფლება, გადაკვეთოს უკრაინის წითელი ხაზები

არავის აქვს უფლება, გადაკვეთოს უკრაინის წითელი ხაზები, – ამის შესახებ უკრაინის უმაღლესი რადას სპიკერმა, რუსლან სტეფანჩუკმა შვედეთის პარლამენტში სიტყვით გამოსვლის დროს განაცხადა.რუსლან სტეფანჩუკის თქმით, უკრაინისთვის წითელი ხაზებია უკრაინული ტერიტორიების რუსეთის მიერ ოკუპაციის სამართლებრივი აღიარება, უკრაინის თავდაცვის ძალების შეზღუდვა და ვეტო უკრაინის მიერ მომავალი ალიანსების არჩევაზე.„ჩვენ მზად ვართ, ვიმოძრაოთ ნამდვილი მშვიდობისკენ და ამას ყოველთვის ვამბობდით, მაგრამ ნება მომეცით, გამოვყო ჩვენი ძირითადი პრინციპები და პრიორიტეტები. თქვენ იცით, რომ ომის პირველივე დღიდან უკრაინა ისწრაფვის მშვიდობისკენ, რომელიც პატივს სცემს ჩვენს დამოუკიდებლობას, სუვერენიტეტს და ჩვენს ღირსებას. უკრაინა მზადაა ომის დასრულების შესახებ არსებითი მოლაპარაკებებისთვის, მათ შორის ლიდერების დონეზე. ამავდროულად, ჩვენ უნდა განვსაზღვროთ უკრაინის წითელი ხაზები, რომელთა გადაკვეთის უფლება არავის აქვს – არც ფიზიკურად, არც იურიდიულად და არც მორალურად. არანაირი რუსეთის მიერ უკრაინის ტერიტორიების ოკუპაციის სამართლებრივი აღიარება. არანაირი შეზღუდვა უკრაინის თავდაცვის ძალებზე. არანაირი ვეტო უკრაინის უფლებაზე, აირჩიოს მომავალი ალიანსები. ნებისმიერი ნამდვილი სამშვიდობო პროცესი უნდა ეფუძნებოდეს ძალიან მკაფიო პრინციპს: არაფერი უკრაინაზე უკრაინის გარეშე და არაფერი ევროპაზე ევროპის გარეშე“, – განაცხადა უმაღლესი რადას სპიკერმა.

პოლიტიკა • 1763753962

BLOOMBERG: გერმანიის კანცლერმა, ფრიდრიხ მერცმა და ტრამპმა სატელეფონო საუბრისას უკრაინასთან დაკავშირებული ნაბიჯები განიხილეს

გერმანიის მთავრობის წარმომადგენლის თქმით, გერმანიის კანცლერმა ფრიდრიხ მერცმა და პრეზიდენტმა დონალდ ტრამპმა სატელეფონო საუბრისას უკრაინაში არსებული ვითარება განიხილეს, რაც აშშ-ს მხრიდან რუსეთთან სამშვიდობო შეთანხმების მიღწევის ზეწოლის გაძლიერებას უკავშირდება.მერცი გერმანიის ევროპელ პარტნიორებს ტრამპთან საუბრის შესახებ აცნობებს, განუცხადა ჟურნალისტებს კანცლერის წარმომადგენელმა სტეფან კორნელიუსმა სამხრეთ აფრიკაში გასამართ G20 სამიტზე გამგზავრებამდე.წარმომადგენლის თქმით, მერცი და ტრამპი შეთანხმდნენ, რომ დისკუსიები ეროვნული უსაფრთხოების მრჩევლების დონეზე გაგრძელდება.ევროპელი ლიდერები შაბათს G20 სამიტის ფარგლებში შემდეგი ნაბიჯების დასაგეგმად შეხვდებიან, განაცხადა სიტუაციის შესახებ ინფორმირებულმა წყარომ. აშშ-სა და რუსეთის ოფიციალური პირების მიერ შემოთავაზებული 28-პუნქტიანი სამშვიდობო გეგმა კიევს აიძულებს, დათმოს რუსეთის მიერ მიტაცებული მნიშვნელოვანი ტერიტორია, შეზღუდოს შეიარაღებული ძალების რაოდენობა და საბოლოოდ მოხსნას სანქციები მოსკოვის წინააღმდეგ. - წერს bloomberg

საზოგადოება • 1763613136

როგორი ამინდი იქნება დღეს საქართველოში - პროგნოზი ქალაქების მიხედვით

 20 ნოემბერს, საქართველოს ყველა ქალაქში ღრუბლიანი ამინდია მოსალოდნელი. სინოპტიკოსების პროგნოზით, ყველაზე მაღალი ტემპერატურა - +23 გრადუსი დასავლეთ საქართველოს რამდენიმე ქალაქშია ნავარაუდევი, ხოლო ხოლო ყველაზე დაბალი ტემპერატურა - +8 გრადუსი გუდაურში.ამინდის პროგნოზი ქალაქების მიხედვით:გაგრა +22 - ღრუბლიანისოხუმი +21 - ღრუბლიანიზუგდიდი +21 - უმეტესად ღრუბლიანიმესტია +12 - უმეტესად ღრუბლიანიფოთი +20 - უმეტესად ღრუბლიანიბათუმი +21 - უმეტესად ღრუბლიანიოზურგეთი +22 - უმეტესად ღრუბლიანიქუთაისი +23 - უმეტესად ღრუბლიანიამბროლაური +21 - უმეტესად ღრუბლიანიახალციხე +16 - უმეტესად ღრუბლიანიბორჯომი +16 - უმეტესად ღრუბლიანიბაკურიანი +13 - უმეტესად ღრუბლიანიგორი +18 - უმეტესად ღრუბლიანიცხინვალი +17 - უმეტესად ღრუბლიანისტეფანწმინდა +13 - უმეტესად ღრუბლიანიგუდაური +8 - უმეტესად ღრუბლიანითელავი +18 - უმეტესად ღრუბლიანირუსთავი +18 - უმეტესად ღრუბლიანითბილისი +19 - უმეტესად ღრუბლიანი   

მსოფლიო • 1763557920

უკრაინის უმაღლესმა რადამ კორუფციულ სკანდალთან დაკავშირებით იუსტიციისა და ენერგეტიკის მინისტრების თანამდებობებიდან გათავისუფლებას დაუჭირა მხარი

უკრაინის უმაღლესმა რადამ კორუფციულ სკანდალთან დაკავშირებით, იუსტიციისა და ენერგეტიკის მინისტრები თანამდებობებიდან გაათავისუფლა.უკრაინის ენერგეტიკის მინისტრის, სვეტლანა გრინჩუკის თანამდებობიდან გათავისუფლებას მხარი პარლამენტის 315-მა წევრმა დაუჭირა. იუსტიციის მინისტრის, გერმან გალუშჩენკოს გათავისუფლებას კი ხმა პარლამენტის 323-მა წევრმა მისცა.მიღებულ დადგენილებაში აღნიშნულია, რომ გალუშჩენკოს გათავისუფლება ხდება კონსტიტუციის 85-ე მუხლის პირველი ნაწილის მე-12 პუნქტის შესაბამისად, რაც იმას ნიშნავს, რომ რადას უფლება აქვს, მიიღოს გადაწყვეტილება მინისტრთა კაბინეტის წევრების გათავისუფლების შესახებ.რადას სპიკერმა, რუსლან სტეფანჩუკმა აღნიშნა, რომ პრემიერ-მინისტრი იულია სვირიდენკო ვერ დაესწრება სესიას, რადგან ის მონაწილეობას იღებს საერთაშორისო სავალუტო ფონდთან დაკავშირებულ მოლაპარაკებებში. მისივე თქმით, მთავრობას წარმოადგენს ევროპული ინტეგრაციის საკითხებში უკრაინის ვიცე-პრემიერი ტარას კაჩკა.ამასთან, პარლამენტის დაბარების მიუხედავად, სხდომაზე არ იმყოფებოდნენ გალუშჩენკო და გრინჩუკი. სტეფანჩუკმა განაცხადა, რომ მათი ამჟამინდელი ადგილსამყოფელის შესახებ ინფორმაცია არ აქვთ.

საზოგადოება • 1763526262

როგორი ამინდი იქნება დღეს საქართველოში - პროგნოზი ქალაქების მიხედვით

 19 ნოემბერს, საქართველოს ყველა ქალაქში მზიანი ამინდია მოსალოდნელი. სინოპტიკოსების პროგნოზით, ყველაზე მაღალი ტემპერატურა - +22 გრადუსი დასავლეთ საქართველოს რამდენიმე ქალაქშია ნავარაუდევი, ხოლო ხოლო ყველაზე დაბალი ტემპერატურა - +8 გრადუსი გუდაურში. ამინდის პროგნოზი ქალაქების მიხედვით: გაგრა +21 - უმეტესად მზიანისოხუმი +21 - უმეტესად მზიანიზუგდიდი +22 - მზიანიმესტია +12 - უმეტესად მზიანიფოთი +21 - მზიანიბათუმი +22 - მზიანიოზურგეთი +22 - მზიანიქუთაისი +22 - მზიანიამბროლაური +20 - მზიანიახალციხე +16 - მზიანიბორჯომი +15 - მზიანიბაკურიანი +13 - მზიანიგორი +17 - მზიანიცხინვალი +16 - მზიანისტეფანწმინდა +12 - მზიანიგუდაური +8 - მზიანითელავი +17 - მზიანირუსთავი +18 - უმეტესად მზიანითბილისი +19 - უმეტესად მზიანი  

საზოგადოება • 1763316386

1-ელი დეკემბრიდან გზების გარკვეულ მონაკვეთებზე შეზღუდვები ამოქმედდება - დეტალურად

1-ლი დეკემბრიდან 1-ელ მარტამდე პერიოდში, გარკვეულ საგზაო მონაკვეთებზე ზამთრის საბურავებთან დაკავშირებით დაწესებული შეზღუდვები ისევ იმოქმედებს.მთავრობას დაამტკიცებული და გამოაქვეყნებული აქვს დადგენილება, რომლითაც განსაზღვრულია იმ ადგილის/გზის მონაკვეთების ჩამონათვალი, სადაც ზამთრის პერიოდში სატრანსპორტო საშუალების მოძრაობა სავალდებულო იქნება ზამთრის საბურავებით ან/და მოცურების საწინააღმდეგო ჯაჭვით. გთავაზობთ ჩამონათვალს:საერთაშორისო მნიშვნელობის საავტომობილო გზები:თბილისი-სენაკი-ლესელიძე (რუსეთის ფედერაციის საზღვარი) - მონაკვეთი ოსიაურის კვანძი-სურამის კვანძი რიკოთის გვირაბი-წევა;მცხეთა-სტეფანწმინდა-ლარსი (რუსეთის ფედერაციის საზღვარი) - მონაკვეთი მლეთა-კობი;ფონიჭალა-მარნეული-გუგუთი (სომხეთის რესპუბლიკის საზღვარი) - მონაკვეთი დმანისის გადასახვევი- გუგუთი;ხაშური-ახალციხე-ვალე (თურქეთის რესპუბლიკის საზღვარი) - მონაკვეთი ქვიშხეთი-ვალე;თბილისის შემოსავლელი - მონაკვეთი ზაჰესი-რუსთავი;ახალციხე-ნინოწმინდა (სომხეთის რესპუბლიკის საზღვარი) - მონაკვეთი ახალციხე- საზღვარი;ახალქალაქი-კარწახი (თურქეთის რესპუბლიკის საზღვარი) - მონაკვეთი ახალქალაქი- საზღვარი.შიდასახელმწიფოებრივი მნიშვნელობის საავტომობილო გზები:ბათუმი (ანგისა)-ახალციხე - მონაკვეთი ქედა-ახალციხე;საჯავახო-ჩოხატაური-ოზურგეთი-ქობულეთი - მონაკვეთი ნასაკირალის უღელტეხილი-ოზურგეთი;ზუგდიდი-ჯვარი-მესტია-ლასდილი - მონაკვეთი ჯვარი-ლასდილი;ქუთაისი (საღორია)-ბაღდათი-აბასთუმანი-ბენარა - მონაკვეთი წყალთაშუა-საირმე;ქუთაისი (წყალტუბოს გადასახვევი)-წყალტუბო-ცაგერი-ლენტეხი-ლასდილი - მონაკვეთი ძეძილეთი-მელე;ქუთაისი (ჭომა)-ალპანა-მამისონის უღელტეხილი (რუსეთის ფედერაციის საზღვარი) - მონაკვეთი ჟონეთი- ამბროლაური;ქუთაისი (მოწამეთა)-ტყიბული-ამბროლაური - მონაკვეთი ორპირი-ტყიბულიტყიბული (ნაქერალა)-ამბროლაური;ალპანა-ცაგერი - მონაკვეთი ალპანა-ცაგერი;ჩოლაბურის ხიდი-თერჯოლა-ტყიბული - მონაკვეთი ძევრი-ტყიბული;ბორჯომი-ბაკურიანი-ახალქალაქი - მონაკვეთი ბორჯომი- ახალქალაქი;ახალქალაქის შემოსავლელი - მონაკვეთი ახალქალაქი;გომი-საჩხერე-ჭიათურა-ზესტაფონი - მონაკვეთი გომი (სოფ. ვაყა)-საჩხერეჭიათურა-ზესტაფონი;ჟინვალი-ბარისახო-შატილი - მონაკვეთი ჟინვალი-ბისო;თიანეთი-ზარიძეები-ჟინვალი - მონაკვეთი თიანეთი-ჟინვალი;თბილისი (გლდანი)-თიანეთი - მონაკვეთი თბილისი-თიანეთი;კოდა-ფარცხისი-მანგლისი-წალკა-ნინოწმინდა - მონაკვეთი ფარცხისი (თეთრიწყაროს გადასახვევი)- ნინოწმინდა;მარნეული-თეთრიწყარო-წალკა - მონაკვეთი თეთრიწყარო-წალკა;თბილისი (პანტიანი)-მანგლისი - მონაკვეთი თბილისი (პანტიანი)-მანგლისი;ვაზიანი-გომბორი-თელავი - მონაკვეთი სასადილო-თელავი;თიანეთი-ახმეტა-ყვარელი-ნინიგორი - მონაკვეთი თიანეთი-ახმეტა;დაბა ბაკურიანის წრიული - მთლიანად წრიული;დაბა ბაკურიანის დიდველის სათხილამურო კომპლექსთან მისასვლელი - სრულად;ჩოხატაური-ბახმარო - სრულად;ნიჩბისი-დიდგორი-დიდი თონეთი - მონაკვეთი ნიჩბისი-დიდი თონეთი;საჩხერე (სარეკი)-უზუნთა-შქმერი-ზუდალი - მონაკვეთი საჩხერე (უზუნთა)-ზუდალი.შინაგან საქმეთა სამინისტროს ცნობით, ზამთრის საბურავისა და მოცურების საწინააღმდეგო ჯაჭვის მოთხოვნებთან შეუსაბამობის შემთხვევაში, პირი დაჯარიმდება 100 ლარით და მართვის მოწმობისთვის მინიჭებული ქულათა რაოდენობა შეუმცირდება 5 ქულით.

საზოგადოება • 1763276570

როგორი ამინდი იქნება დღეს საქართველოში - პროგნოზი ქალაქების მიხედვით

 16 ნოემბერს, საქართველოს ყველა ქალაქში უნალექო ამინდია მოსალოდნელი. სინოპტიკოსების პროგნოზით, ყველაზე მაღალი ტემპერატურა - +17 გრადუსი დასავლეთ საქართველოს რამდენიმე ქალაქშია ნავარაუდევი, ხოლო ხოლო ყველაზე დაბალი ტემპერატურა - +6 გრადუსი გუდაურში.ამინდის პროგნოზი ქალაქების მიხედვით:გაგრა +17 - უმეტესად ღრუბლიანისოხუმი +17 - უმეტესად ღრუბლიანიზუგდიდი +17 - ღრუბლიანიმესტია +9 - მზიანიფოთი +16 - ღრუბლიანიბათუმი +16 - ღრუბლიანიოზურგეთი +16 - უმეტესად ღრუბლიანიქუთაისი +16 - უმეტესად ღრუბლიანიამბროლაური +16 - უმეტესად მზიანიახალციხე +14 - უმეტესად ღრუბლიანიბორჯომი +11 - უმეტესად ღრუბლიანიბაკურიანი +9 - უმეტესად ღრუბლიანიგორი +16 - უმეტესად მზიანიცხინვალი +14 - უმეტესად მზიანისტეფანწმინდა +9 - უმეტესად ღრუბლიანიგუდაური +6 - უმეტესად ღრუბლიანითელავი +17 - უმეტესად ღრუბლიანირუსთავი +18 - უმეტესად ღრუბლიანითბილისი +18 - უმეტესად ღრუბლიანი

სამართალი • 1762781525

პროკურორი დავით კაპანაძე: „კრისტალ ჯგუფის“ მფლობელი ვლადიმერ სტეფანიანი ადასტურებს, რომ შესაბამისი სამსახურების მიერ გაცემული სანებართვო პირობების უხეში დარღვევით ხორციელდებოდა სასტუმროს ტიპის საცხოვრებელი კორპუსების მშენებლობა

„კრისტალ ჯგუფის“ მფლობელი ვლადიმერ სტეფანიანი ადასტურებს, რომ შესაბამისი სამსახურების მიერ გაცემული სანებართვო პირობების უხეში დარღვევით ხორციელდებოდა სასტუმროს ტიპის საცხოვრებელი კორპუსების მშენებლობა, - განაცხადა ჟურნალისტებთან საუბრისას პროკურორმა, დავით კაპანაძემ.მისივე თქმით, აღნიშნულის მიზანი იყო, რომ მეტი შემოსავალი მიეღო.„მხოლოდ ერთი კორპუსიდან მიღებული შემოსავალი და ასე ვთქვათ, მიღებული ლეგალიზებული თანხების ოდენობა აღემატება 1,890მლნ ლარს. უკანონო შემოსავლის მიღება ხორციელდებოდა სისტემატურად და ჯამში, შესაბამისი სანებართვო პირობების დარღვევით აშენებულია 5 კორპუსი.რაც შეეხება სანებართვო პირობების უხეშ დარღვევას, ეს ხორციელდებოდა 2021-2022 წლებიდან. ამას ადასტურებს ის ფაქტი, რომ დღეს უკვე დასრულებულია, დაახლოებით 3 კორპუსი, რომელზეც არ იყო გაცემული იმ ტიპის ნებართვა, რაც დღეს არის წარმოდგენილი და აღნიშნული ინფრასტრუქტურა პირდაპირ ეწინააღმდეგება ბაკურიანის განაშენიანების გეგმით დამტკიცებულ პროექტსაც.ასევე, შესწავლის საგანია, იქ განხორციელებული ინფრასტრუქტურული პროექტები, მათ შორის სათხილამურო ტრასა, საბაგირო ინფრასტრუქტურა, ასევე ტობოგანი. საზოგადოებისა და გამოძიების ინტერესებიდან გამომდინარე გპირდებით, არ დარჩება კითხვა, რომელსაც ჩვენი მხრიდან საჯაროდ არ გაეცემა პასუხი“, - განაცხადა პროკურორმა.თბილისის საქალაქო სასამართლოს გადაწყვეტილებით, „კრისტალ ჯგუფის“ მფლობელს, ვლადიმერ სტეფანიანს აღკვეთის ღონისძიების სახით პატიმრობა შეეფარდა.

სამართალი • 1762773003

საქალაქო სასამართლომ „კრისტალ ჯგუფის“ ხელმძღვანელს წინასწარი პატიმრობა შეუფარდა

საქალაქო სასამართლომ აღკვეთის ღონისძიების სახით წინასწარი პატიმრობა შეუფარდა "კრისტალ ჯგუფის" ხელმძღვანელს. დაცვა ნახევარ მილიონიან გირაოს ითხოვდა, თუმცა დაკმაყოფილდა პროკურატურის შუამდგომლობა.ვლადიმერ სტეფანიანს გამოძიება უკანონო სამეწარმეო საქმიანობასა და შემოსავლის ლეგალიზაციას ედავება.5 სასტუმრო, კერძო საბაგირო, სათხილამურო ტრასა და ტობოგანი - გამოძიების ინფორმაციით, კომპანიამ ბაკურიანში ინფრასტრუქტურა განაშენიანების გეგმის და სანებართვო პირობების დარღვევით ააშენა, საცხოვრებელ ფართებს კი ეტაპობრივად ყიდდა.კონკრეტულ შემთხვევაში საუბარია 2 მილიონამდე ლარის შემოსავალზე. პროკურატურის ინფორმაციით, ბრალდებულმა სტეფანიანმა თანხის ნაწილი "ბაკურიანი ბიზნეს ჯგუფის“ საბანკო ანგარიშებზე განათავსა, ნაწილი კი პირად საკუთრებაში გადაიტანა და ქონებები შეიძინა.სტეფანიანის უფლებადამცველის თამარ მერლანის თქმით, მისი დაცვის ქვეშ მყოფმა განმარტა, რომ ჰქონდა გარკვეული მშენებლობის ნებართვა, თუმცა ის პროექტის დარღვევით ჩატარდა."სტეფანინას განმარტებული აქვს, რომ ჰქონდა გარკვეული მშენებლობის ნებართვა, რაც გულისხმობდა მიწისქვეშა 2 სართულს, მიწისზედა 2 სართულს და სხვენს. სტეფანიანს განმარტებული აქვს, რომ აღნიშნული პროექტის დარღვევით ჩაატარა მშენებლობები და ალბათ ეს იგულისხმა ბრალდების მხარემ აღიარებად. სამეწარმეო საქმიანობას ეწეოდა და რა საკვირველია მოგებაზე იყო ორიენტირებული ნებისმიერ შემთხვევაში", - განაცხადა ადვოკატმა თამარ მერლანმა.საქმის პროკურორის განმარტებით, ვლადიმერ სტეფანიანმა დაადასტურა, რომ სასტუმროს ტიპის საცხოვრებელი კორპუსების მშენებლობა, შესაბამისი სამსახურების მიერ გაცემული სანებართვო პირობების უხეში დარღვევით ხორციელდებოდა."კრისტალ ჯგუფის" მფლობელი, ვლადიმერ სტეფანიანი ადასტურებს, რომ შესაბამისი სამსახურების მიერ გაცემული სანებართვო პირობების უხეში დარღვევით ხორციელდებოდა სასტუმროს ტიპის საცხოვრებელი კორპუსების მშენებლობა და ამის მიზანი იყო, რომ მეტი შემოსავალი მიეღო. დღეის მდგომარეობით, მხოლოდ ერთი კორპუსიდან მიღებული შემოსავალი და ლეგალიზებული თანხების რაოდენობა აღემატება 1 890 000 ლარს. უკანონო შემოსავლის მიღება ხორციელდებოდა სისტემატურად და ჯამში, შესაბამისი სანებართვო პირობების დარღვევით აშენებულია 5 კორპუსი", - განაცხადა პროკურორმა.

სამართალი • 1762748331

„კრისტალ ჯგუფის“ მფლობელის მიმართ აღმკვეთი ღონისძიების შეფარდებაზე სასამართლო სავარაუდოდ დღეს იმსჯელებს

 „კრისტალ ჯგუფის“ მფლობელის მიმართ აღმკვეთი ღონისძიების შეფარდებაზე სასამართლო სავარაუდოდ დღეს იმსჯელებს. ვლადიმერ სტეფანიანი დიდი ოდენობით უკანონო შემოსავლის ლეგალიზაციის ფაქტზე დააკავეს.გამოძიებით დგინდება, რომ უნებართვოდ აშენებული სასტუმროდან და კოტეჯებიდან სტეფანიანმა უკანონოდ რამდენიმე ათეული მილიონი ლარის შემოსავალი მიიღო. ამ მონაცემებით, გამოძიების მიერ დადგენილია 2 მილიონ ლარამდე უკანონო შემოსავლის ლეგალიზაცია. საქმეზე ჩატარებული გამოძიებით დგინდება, რომ „კრისტალ ჯგუფში შემავალი შპს „ბაკურიანი ბიზნეს ჯგუფი“-ს ძირითად საქმიანობას დაბა ბაკურიანში სასტუმროს ტიპის საცხოვრებელი კომპლექსების მშენებლობა და მისი შემდგომი რეალიზაცია წარმოადგენდა. ვლადიმერ სტეფანიანი, რომელიც ფაქტობრივად ხელმძღვანელობდა საწარმოს ყოველდღიურ საქმიანობას, უხეშად არღვევდა როგორც დაბა ბაკურიანის განაშენიანების გენერალური გეგმით დადგენილ, ასევე, შესაბამისი სამსახურიდან მიღებულ მშენებლობის სანებართვო პირობებს. უკანონოდ აშენებულ საცხოვრებელ ფართებს კი ეტაპობრივად ასხვისებდა.პროკურატურამ დაკავებულს ბრალდება უკვე წარუდგინა. დანაშაული 9-დან 12 წლამდე პატიმრობას ითვალისწინებს.