საზოგადოება •
1772805357
სკანდალი „ფორმულა1“-ის გარშემო: მიკი მაუსი, Hot Wheels და ნიკოტინის ფარული პროპაგანდა ბავშვებისთვის
მსოფლიო ავტოსპორტის
კულუარებში დიდი
დაპირისპირებაა. 160-ზე მეტი
საერთაშორისო ორგანიზაცია
ფორმულა 1-ს (F1) ბავშვების
ჯანმრთელობის ხარჯზე
თამბაქოს ინდუსტრიასთან
გარიგებაში ადანაშაულებს,-
ამის შესახებ ინფორმაციას
„თამბაქოს კონტროლის
ალიანსი“
ავრცელებს.როგორც
ირკვევა, სანამ
„ფორმულა1“-ის 2026 წლის
სეზონი სტარტს აიღებს, 57
ქვეყნის
უფლებადამცველების
ჯგუფებმა ღია ომი
გამოუცხადეს სპორტის ამ
სახეობის
ხელმძღვანელობას.„საქმე
იმაშია, რომ F1 ერთდროულად
აფორმებს კონტრაქტებს
ბავშვების საყვარელ
ბრენდებთან: Disney, Lego და Mattel (Hot
Wheels) და აგრეთვე სარბოლო
ბოლიდებს (რბოლისთვის
სპეციალურად შექმნილ
მანქანებს) თამბაქოს
ინდუსტრიის კომპანიების
Philip Morris-ისა და British American Tobacco-ს
ნიკოტინის შემცველი
პროდუქტების რეკლამირებას
უთმობს.მიუხედავად იმისა,
რომ სიგარეტის კლასიკური
ნაწარმის რეკლამა 2006 წლიდან
აკრძალულია, ექსპერტების
თქმით, ინდუსტრიამ ხვრელი
მაინც იპოვა. შედეგად, Ferrari-სა
და McLaren-ის ბოლიდებზე,
რომლებსაც მილიონობით
ბავშვი უყურებს, ნიკოტინის
ბალიშების (Zyn და Velo) ლოგოები
არის
გამოსახული.აღნიშნული
პროდუქცია ხასიათდება
ნიკოტინის მაღალი
კონცენტრაციით, რაც მძლავრ
ფიზიოლოგიურ
დამოკიდებულებას იწვევს.
ნივთიერება დამანგრეველ
გავლენას ახდენს პირის
ღრუს ჯანმრთელობაზე:
იწვევს კბილების მორყევას,
კარგვასა და ლორწოვან
გარსზე თეთრი ლაქების
(ლეიკოპლაკიის)
განვითარებას, რაც ხშირად
კიბოსწინარე მდგომარეობად
ფასდება. ამასთან, ნიკოტინი
აფერხებს
გულ-სისხლძარღვთა
სისტემის მუშაობას -
ავიწროებს სისხლძარღვებს
და ზრდის გულისცემის
სიხშირეს. განსაკუთრებით
საყურადღებოა პროდუქტში
არსებული
არომატიზატორები, რომელთა
მიზანიც ბავშვებსა და
მოზარდებში ნიკოტინის,
როგორც ძლიერი
ფსიქოაქტიური
ნივთიერების,
პოპულარიზაციაა.პრობლემა
განსაკუთრებით გამწვავდა,
რაც F1-მა
დააანონსა:· Disney-სთან
პარტნიორობა: „მიკი მაუსი
და მეგობრები“ (Mickey & Friends) 2026
წლის სეზონის განუყოფელი
ნაწილი ხდებიან.· Hot Wheels-ის
კოლექცია: Mattel-მა გამოუშვა
სათამაშო ბოლიდების სერია,
რომელიც რეალური
მანქანების ზუსტი ასლია -
მათ შორის იმ ლოგოებით,
რომლებიც ნიკოტინის
პროდუქციას
ეკუთვნის.თამბაქოს
ინდუსტრიის მიზანი
ნიკოტინის ბალიშებზე
ბავშვების შეჩვევაა.
ამიტომაც ფორმულა 1-ის
აღმასრულებელ დირექტორს,
სტეფანო დომენიკალის,
ორგანიზაციებმა მკაცრი
წერილით
მიმართეს:„თამბაქოს
კომპანიებს სურთ თავიანთი
ბრენდები სარბოლო
მანქანებზე იხილონ, რადგან
იციან, რომ მათ ბავშვები
უყურებენ. თამბაქოს
პროდუქტის მარკეტინგი
იმავე სივრცეში, სადაც Disney
და Lego არიან, არის
ინდუსტრიის სტრატეგია,
ბავშვები მავნე
პროდუქციას მიაჩვიონ,
სანამ ისინი ჯერ კიდევ
პატარები არიან.F1-ის
მონაცემებით, მხოლოდ აშშ-სა
და ევროკავშირში რბოლებს 4
მილიონზე მეტი 8-დან 12
წლამდე ასაკის ბავშვი
ადევნებს თვალს. ეს ის
აუდიტორიაა, რომელიც 5 წლის
წინ არ არსებობდა. TikTok-ზე კი
სპორტის გამომწერთა 54%
სწორედ 25 წლამდე
ახალგაზრდებზე
მოდის.სპეციალისტების
განმარტებით, ნიკოტინის
ბალიშები (pouches)
განსაკუთრებით საშიშია
მოზარდებისთვის. ნიკოტინი
აფერხებს ტვინის
განვითარებას, რაც 25 წლამდე
გრძელდება და ზრდის სხვა
ნივთიერებებზე
დამოკიდებულების
რისკს.საერთაშორისო
ორგანიზაციები მოითხოვენ,
რომ F1-მა სასწრაფოდ
განაახლოს რეგულაციები და
აკრძალოს ნიკოტინის
ყოველგვარი რეკლამა, რათა
სპორტი აღარ იყოს მავნე
პროდუქტების
პოპულარიზაციის
იარაღი.უცხოელ
უფლებადამცველებს
სოლიდარობას უცხადებს,
თამბაქოს კონტროლის
ალიანსი და ასევე
აღნიშნავს, რომ „მზარდი
საფრთხის ფონზე,
საქართველომ დროულად უნდა
აკრძალოს ახალი ტიპის
ნიკოტინის პროდუქტების
იმპორტი და რეალიზაცია.
ბავშვებსა და მოზარდებში
ამ პროდუქციის პოპულარობა
მომავალი თაობის
ჯანმრთელობისთვის
სერიოზული გამოწვევაა და
დაუყოვნებელ რეაგირებას
საჭიროებს.“-ვკითხულობთ
თამბაქოს კონტროლის
ალიანსის გავრცელებულ
ინფორმაციაში.
