საქართველოს რკინიგზა

2026 წლის 7 თვის მონაცემებით, საქართველოს სატრანსპორტო სექტორებში ბოლო ათწლეულის სარეკორდო შედეგები დაფიქსირდა

საქართველოს ტრანსპორტის სექტორმა 2026 წლის იანვარ-ივლისში რეკორდული მაჩვენებლები დააფიქსირა. ქვეყნის საზღვაო ნავსადგურებსა და ტერმინალებში, საქართველოს რკინიგზასა და სამოქალაქო ავიაციაში ტვირთბრუნვამ ბოლო ათწლეულის მაქსიმალურ მაჩვენებლებს მიაღწია, რაც კიდევ ერთხელ ადასტურებს საქართველოს, როგორც რეგიონული სატრანზიტო და ლოგისტიკურ ჰაბის მზარდ როლს, - ინფორმაციას ეკონომიკის სამინისტრო ავრცელებს.მათივე ცნობით, 2026 წლის იანვარ-ივლისში საქართველოს საზღვაო ნავსადგურებსა და ტერმინალებში ჯამურად 11.7 მლნ ტონა ტვირთი გადამუშავდა, რაც წინა წლის ანალოგიურ პერიოდთან შედარებით 24%-ით მეტია. ამავე პერიოდში გადამუშავებული კონტეინერების რაოდენობამ 484,400 TEU შეადგინა - 8%-ით მეტი, ვიდრე გასული წლის შესაბამის პერიოდში. ორივე მაჩვენებელი ბოლო ათწლეულის განმავლობაში იანვარ-ივლისის პერიოდისთვის დაფიქსირებული ისტორიული მაქსიმუმია.„მნიშვნელოვანია, რომ ტვირთბრუნვის ზრდა დაფიქსირდა ყველა ცალკეულ ნავსადგურსა და ტერმინალში, ასევე ტვირთების ყველა ძირითად კატეგორიაში. კერძოდ, თხევადი და საბორნე ტვირთების მოცულობა 43%-ით, ნაყარი ტვირთების - 23%-ით, გენერალური ტვირთების - 16%-ით, ხოლო კონტეინერიზებული ტვირთების მოცულობა ტონებში - 13%-ით გაიზარდა.რეკორდული შედეგები დაფიქსირდა საქართველოს რკინიგზაშიც. 2026 წლის პირველ 7 თვეში რკინიგზით ჯამურად 8.3 მლნ ტონა ტვირთი გადაიზიდა, რაც წინა წლის ანალოგიურ მაჩვენებელზე 11%-ით მეტია. საკონტეინერო გადაზიდვებმა 65,935 TEU შეადგინა და 5%-ით გაიზარდა. აღნიშნული მაჩვენებლები ბოლო ათწლეულის განმავლობაში იანვარ-ივლისის პერიოდისთვის დაფიქსირებულ ისტორიულ მაქსიმუმს წარმოადგენს.საქართველოს რკინიგზამ მხოლოდ ერთი თვის განმავლობაში ტრანზიტის რეჟიმში 864 ათასი ტონა ტვირთი გადაზიდა, რაც ბოლო ათწლეულის განმავლობაში კომპანიის მიერ თვიურ ჭრილში დაფიქსირებული ყველაზე მაღალი მაჩვენებელია.ამასთან, ზრდა დაფიქსირდა სარკინიგზო გადაზიდვების ყველა რეჟიმში: ტრანზიტი 12%-ით, იმპორტი 12%-ით, ექსპორტი 6%-ით, ხოლო ადგილობრივი გადაზიდვები 2%-ით გაიზარდა.მნიშვნელოვანი ზრდა დაფიქსირდა სამოქალაქო ავიაციის მიმართულებითაც. 2026 წლის იანვარ-ივლისში საქართველოს საერთაშორისო აეროპორტები 25.4 ათას ტონა ტვირთს მოემსახურნენ, რაც წინა წლის ანალოგიურ პერიოდთან შედარებით 30%-იან ზრდას წარმოადგენს და ბოლო ათწლეულის სარეკორდო მაჩვენებელია.ამავე პერიოდში საქართველოს საერთაშორისო აეროპორტები 4.6 მლნ მგზავრს მოემსახურნენ, რაც წინა წლის ანალოგიურ პერიოდთან შედარებით 0.3%-ით მეტია და ასევე ბოლო ათწლეულის განმავლობაში პირველი 7 თვის ჭრილში დაფიქსირებული ყველაზე მაღალი მაჩვენებელია.2026 წლის იანვარ-ივლისის შედეგები საქართველოს სატრანსპორტო სექტორის მზარდ დინამიკას ასახავს. საზღვაო, სარკინიგზო და საავიაციო მიმართულებებში დაფიქსირებული რეკორდული მაჩვენებლები აძლიერებს საქართველოს სატრანზიტო და ლოგისტიკურ შესაძლებლობებს და მყარ საფუძველს ქმნის ქვეყნის სატრანსპორტო პოტენციალისა და ეკონომიკური განვითარების შემდგომი ზრდისთვის“, - ნათქვამია ინფორმაციაში.

საზოგადოება • 1786710135

დაჩი ცაგურია: დარწმუნებული ვარ, მგზავრთა უფლებების დაცვის ახალი წესები მეტად დაგვეხმარება მომსახურების ხარისხის გაუმჯობესებაში

„საქართველოს რკინიგზის“ ფილიალ მგზავრთა გადაყვანის დირექტორის, დაჩი ცაგურიას განცხადებით, იმ რეფორმების პარალელურად, რომელიც ბოლო პერიოდში საქართველოს რკინიგზაში ხორციელდება, მგზავრთა უფლებების დაცვის ახალი წესების ამოქმედება ძალიან მნიშვნელოვანია.მისი თქმით, უკვე დაწყებულია „საქართველოს რკინიგზის“ მიერ 10 ახალი სამგზავრო მატარებლის შესყიდვის პროცედურები ამასთანავე, მიმდინარეობს 5 სამგზავრო მატარებლის რეაბილიტაციის პროცესი. დაჩი ცაგურიას განცხადებით, უახლოეს მომავალში სამგზავრო რეისები განახლებული მატარებლებით შესრულდება.„აგვისტოს თვიდან საქართველოს რკინიგზამ თბილისიდან ბათუმამდე და პირიქით, სამგზავრო დრო 4 საათამდე შეამცირა, მკვეთრად გააუმჯობესა მომსახურების ხარისხი და სერვისი, აქტიურ ფაზაშია სამგზავრო სადგურების რეაბილიტაციის პროცესი. ზაფხულის სეზონზე საქართველოს რკინიგზამ მგზავრებს არაერთი სიახლე შესთავაზა. აღნიშნული საკითხების გარდა, ეკონომიკისა და მდგრადი განვითარების მინისტრის ბრძანების საფუძველზე, მგზავრთა უფლებების დაცვის ახალი წესები ამოქმედდა. მგზავრთა უფლებების დაცვა, ცხადია, განსაკუთრებით მნიშვნელოვანია. ამიტომ, ამ დოკუმენტის მიღება ძალიან სწორი და დროულია. დარწმუნებული ვარ, ეს კიდევ უფრო მეტად დაგვეხმარება მომსახურების ხარისხის გაუმჯობესებაში“, – განაცხადა დაჩი ცაგურიამ.

პოლიტიკა • 1786021471

მარიამ ქვრივიშვილი: ჩვენს ქვეყანაში ჩამოსულ სტუმრებს შეეძლებათ, თბილისიდან ბათუმში და ბათუმიდან ჩვენს დედაქალაქში ოთხ საათში ჩამოვიდნენ

ჩვენს ქვეყანაში ჩამოსულ სტუმრებს შეეძლებათ, თბილისიდან ბათუმში და ბათუმიდან ჩვენს დედაქალაქში ოთხ საათში ჩამოვიდნენ, – ამის შესახებ ეკონომიკისა და მდგრადი განვითარების მინისტრმა მარიამ ქვრივიშვილმა განაცხადა.მისი თქმით, საქართველოს რკინიგზისთვის ეს განსაკუთრებული დღეა, რადგან სამგზავრო მიმართულებით ერთ-ერთი მთავარი დაპირება სწორედ მგზავრობის დროის შემცირება იყო.„როდესაც წარვადგინეთ ერთი მხრივ, საქართველოს რკინიგზის შედეგები და მეორე მხრივ, ის გეგმები, რომელიც დაისახა მიმდინარე წელს, ისევე როგორც მომდევნო ორ წელზე, ერთ-ერთი მთავარი დაპირება და ერთ-ერთი მთავარი ამოცანა და მიზანი სამგზავრო მიმართულებით, ეს გახლდათ თბილისი-ბათუმის მარშრუტის 5 საათნახევრიდან 4 საათამდე შემცირება“, – აღნიშნა ეკონომიკის მინისტრმა.ეკონომიკის მინისტრის შეფასებით, ეს იყო საკმაოდ კომპლექსური საოპერაციო გადაწყვეტა, განსაკუთრებულად მნიშვნელოვანი ქვეყნის შიგნით მობილობის გაუმჯობესების ხელშეწყობის თვალსაზრისით.მარიამ ქვრივიშვილმა საქართველოს რკინიგზას მადლობა გადაუხადა ამ მიმართულებით გაწეული სამუშაოსთვის. მინისტრის შეფასებით, სამგზავრო დროის შემცირება განსაკუთრებით პოზიტიურად ტურიზმის სექტორზე აისახება.„დიდი მადლობა მინდა გადავუხადო საქართველოს რკინიგზას ამ ძალიან მნიშვნელოვანი, გაწეული სამუშაოსთვის, ეფექტური მუშაობისთვის. ეს ხელს შეუწყობს შიდა ტურიზმს, საერთაშორისო ტურიზმს, ასევე ზოგადად შიდა მობილობის გაუმჯობესებას ქვეყანაში“, – განაცხადა ეკონომიკის მინისტრმა.

პოლიტიკა • 1786019760

მარიამ ქვრივიშვილი: განსაკუთრებულ ყურადღებას ვუთმობთ საქართველოს რკინიგზის განვითარებას და სწორედ აქედან გამომდინარე შევიმუშავეთ საქართველოს რკინიგზის ისტორიული განვითარების და განახლების პროგრამა

ტრანსპორტის სექტორს ჩვენი ქვეყნის ეკონომიკის გაძლიერებაში ძალიან დიდი წვლილი შეაქვს და სწორედ აქედან გამომდინარე, ჩვენი ხელისუფლება განსაკუთრებულ ძალისხმევას დებს აღნიშნული სექტორის განვითარებაში, - განაცხადა ეკონომიკისა და მდგრადი განვითარების მინისტრმა, მარიამ ქვრივიშვილმა ბათუმში, სადაც ის პრემიერ-მინისტრთან ერთად იმყოფება.როგორც მარიამ ქვრივიშვილმა აღნიშნა, ხელისუფლება საქართველოს რკინიგზის განვითარებას დიდი ყურადღებას უთმობს.„განსაკუთრებულ ყურადღებას ვუთმობთ საქართველოს რკინიგზის განვითარებას და სწორედ აქედან გამომდინარე შევიმუშავეთ საქართველოს რკინიგზის ისტორიული განვითარების და განახლების პროგრამა, რომლის ფარგლებშიც უკვე მიმდინარეობს არაერთი უმნიშვნელოვანესი რეფორმა, ინფრასტრუქტურული განახლება, რაც ხელს შეუწყობს საქართველოს რკინიგზის გამტარუნარიანობის ზრდას, იქნება ეს უშუალოდ ტვირთნაკადის გამტარუნარიანობა, თუ ასევე უზრუნველყოფა იმისა, რომ ჩვენი სამგზავრო მიმართულება საქართველოს რკინიგზაში დღითიდღე უმჯობესდებოდეს და ჩვენ შევძლოთ, რომ უკეთესი მომსახურების ხარისხითა და სატრანსპორტო საშუალებებით ვუმასპინძლოთ შიდა და საერთაშორისო მოგზაურებს“, - განაცხადა მარიამ ქვრივიშვილმა.მისივე თქმით, საქართველოს რკინიგზის განვითარებისთვის 1 მლრდ ლარის ინვესტიცია განხორციელდება.„საქართველოს რკინიგზაში მასშტაბური ინვესტიციები განხორციელდება. მილიარდი ლარის ინვესტიცია, რომელიც უზრუნველყოფს, პირველ რიგში, უშუალოდ ტვირთნაკადის გამტარობის ზრდას და მეორე ეს უშუალოდ გახლავთ სამგზავრო ინფრასტრუქტურის გაუმჯობესება“, - აღნიშნა მარიამ ქვრივიშვილმა.

პოლიტიკა • 1786004619

ლაშა აბაშიძე: თბილისი-ბათუმის და ბათუმი-თბილისის სარკინიგზო ხაზზე მგზავრობის დრო ოთხ საათამდე შემცირდა

თბილისი-ბათუმის და ბათუმი-თბილისის სარკინიგზო ხაზზე მგზავრობის დრო ოთხ საათამდე შემცირდა, – ამის შესახებ საქართველოს რკინიგზის გენერალურმა დირექტორმა, ლაშა აბაშიძემ განაცხადა.მისი თქმით, აქამდე მგზავრობის დრო ხუთ საათსა და 30 წუთს შეადგენდა„მგზავრობის ხანგრძლივობა უკვე ოთხ საათს შეადგენს. ეს საკმაოდ მნიშვნელოვანი გაუმჯობესებაა. ბოლო პერიოდის განმავლობაში, ლიანდაგსა და ინფრასტრუქტურაზე მნიშვნელოვანი კაპიტალური სამუშაოები ჩავატარეთ, რომელმაც საშუალება მოგვცა, რომ სიჩქარეები გარკვეულ მონაკვეთებზე გაგვეზარდა. ამ სამუშაოებმა მოგვცა საშუალება, იმ მონაკვეთებზე, სადაც რეაბილიტაცია ჩატარდა, გავზარდოთ სიჩქარე, მოვხსნათ შეზღუდვები და თბილისიდან ბათუმში უსაფრთხოდ, ოთხ საათში ვიმგზავროთ“, – აღნიშნა ლაშა აბაშიძემ.მისივე თქმით, საქართველოს რკინიგზამ უკვე დაასრულა რამდენიმე სადგურის რეაბილიტაცია. კომპანიის მიზანია, სრულად მოაწესრიგოს არა მხოლოდ მაგისტრალურ ხაზებზე არსებული, არამედ საგარეუბნო სადგურებიც.„ფაქტობრივად უკვე მიმდინარეობს 5-7 სადგურის რეაბილიტაცია და წელს კიდევ გვინდა დავამატოთ 5 სადგური. მომავალ წელსაც სრულად გვინდა, რომ დავამთავროთ სადგურების რეაბილიტაცია“, – განაცხადა აბაშიძემ.

საზოგადოება • 1786002223

თამარ იოსელიანი: აგვისტოს თვიდან საქართველოს რკინიგზის მომხმარებლები შეძლებენ, რომ თბილისიდან ბათუმში 4 საათში იმგზავრონ

„აგვისტოს თვიდან საქართველოს რკინიგზის მომხმარებლები შეძლებენ, რომ თბილისიდან ბათუმში 4 საათში იმგზავრონ“, - განაცხადა ეკონომიკისა და მდგრადი განვითარების მინისტრის მოადგილე თამარ იოსელიანმა.მინისტრის მოადგილის ინფორმაციით, აღნიშნული მიმართულებით მგზავრობის შემცირება, საქართველოს რკინიგზაში განხორციელებული მასშტაბური ინფრასტრუქტურული სამუშაოების შედეგად გახდა შესაძლებელი.„ქსელზე განხორციელდა მასშტაბური და კომპლექსური ინფრასტრუქტურული მოდერნიზაცია, შესაბამისად, შევძელით მგზავრობის დროის შემცირება. ეს თავისთავად აისახება როგორც მგზავრთნაკადზე, მის გაორმაგებაზე, ასევე ტურისტულ მიმართულებებზე. შესაბამისად, შევძლებთ, რომ ვიზიტორებს და ჩვენს თანამოქალაქეებს შევთავაზოთ კომფორტული და უსაფრთხო მგზავრობა თბილისიდან ბათუმის მიმართულებით“, - აღნიშნა თამარ იოსელიანმა.რკინიგზით სამგზავრო დროის შემცირებას ხელი შეუწყო უღელტეხილის მონაკვეთზე მოდერნიზაციის პროექტის დასრულებამაც. ამასთან, მინისტრის მოადგილემ ხაზი გაუსვა, რომ პროექტის ფარგლებში ინფრასტრუქტურის გაჯანსაღების პარალელურად, რეაბილიტაცია ჩაუტარდა სამგზავრო სადგურებსაც.„მნიშვნელოვანია, რომ საქართველოს რკინიგზა მოქმედ სადგურებში რეაბილიტაციას ახორციელებს, რაც ასევე მნიშვნელოვანია იმისთვის, რომ გავზარდოთ საქართველოს რკინიგზის დატვირთვა აღნიშნული მიმართულებით და უფრო კომფორტულად მოვემსახუროთ ჩვენს მგზავრებს“, - განაცხადა მინისტრის მოადგილემ.

პოლიტიკა • 1785091662

თამარ იოსელიანი: ექვსი თვის მაჩვენებლებით საქართველოს რკინიგზაში ტვირთბრუნვა გაზრდილია დაახლოებით 10%-ით წინა წლის ანალოგიურ პერიოდთან შედარებით

"ექვსი თვის მაჩვენებლებით საქართველოს რკინიგზაში ტვირთბრუნვა გაზრდილია დაახლოებით 10%-ით წინა წლის ანალოგიურ პერიოდთან შედარებით, რეკორდული მაჩვენებლები გვაქვს", - განაცხადა ეკონომიკისა და მდგრადი განვითარების მინისტრის მოადგილე თამარ იოსელიანმა გადაცემაში "იმედის კვირა".როგორც თამარ იოსელიანმა აღნიშნა, ტვირთბრუნვის კუთხით რკინიგზაში ძალიან კარგი ტენდენციები ფიქსირდება, მათ შორის ბოლო ათი წლის ჭრილში."ბოლო ათწლეულის მანძილზე დაახლოებით 7 მლნ ტონა ტვირთი გადაიზიდა და, შესაბამისად, ეს მაჩვენებელი ნამდვილად რეკორდულია. ამ კუთხით დამატებით უმნიშვნელოვანეს ნაბიჯებს დგამს საქართველოს რკინიგზის ახალი მენეჯმენტი იმისთვის, რომ გაზარდოს რკინიგზის ეფექტიანობა და გააორმაგოს გამტარუნარიანობა", - აღნიშნა მინისტრის მოადგილემ.თამარ იოსელიანმა ისაუბრა საქართველოს რკინიგზაში მიმდინარე მასშტაბური განახლების პროექტის მნიშვნელობაზე ზოგადად შუა დერეფნის მარშრუტის განვითარების კონტექსტში."ის განახლებები, რომელიც დღეს საქართველოს რკინიგზაში ხორციელდება, ის ინვესტიციები, რომელიც იდება გაჯანსაღების მიმართულებით, სწორედ მოხმარდება ერთიან კონტექსტში საქართველოს სატრანსპორტო სისტემას, რომელიც მოიცავს როგორც ანაკლიის ღრმაწყლოვან ნავსადგურს, ასევე ახალ გზებს და სარკინიგზო ხაზებს", - განაცხადა მინისტრის მოადგილემ.

საზოგადოება • 1784957635

ელექტროენერგიის მასშტაბური გათიშვის გამო თბილისის მეტროსა და საქართველოს რკინიგზის მუშაობა შეფერხდა

საქართველოში ელექტროენერგიის მასშტაბური გათიშვის გამო თბილისის მეტროს მუშაობა შეფერხდა.შეფერხებით მუშაობს საქართველოს რკინიგზაც.თბილისსა და რეგიონების ნაწილში ელექტროენერგიის მიწოდება დილის დაახლოებით 08:00 საათისთვის გაითიშა.თბილისსა და საქართველოს უმეტეს რეგიონში ელექტროენერგიის მიწოდება ავარიულად შეწყდა 24 ივლისს 01:00 საათზეც. ოფიციალური ინფორმაციით, ენერგოსისტემაში განვითარებულმა სასისტემო ავარიულმა გათიშვამ ელექტროენერგიისა და სატელეკომუნიკაციო ქსელების შეფერხება გამოიწვია. სემეკმა 24 ივლისის მასშტაბური ავარიის გამომწვევი მიზეზების შესწავლა დაიწყო.

საზოგადოება • 1784955618

საქართველოში ელექტროენერგიის მასშტაბური გათიშვის გამო მეტროსა და მატარებლების მუშაობა შეფერხდა

საქართველოში ელექტროენერგიის მასშტაბური გათიშვის გამო შეფერხებულია თბილისის მეტროს მუშაობა.ასევე გაჩერებულია საქართველოს რკინიგზა.შეგახსენებთ, დღეს დაახლოებით დილის 07:30 საათიდან საქართველოში ელექტროენერგიის მასშტაბური გათიშვა დაფიქსირდა. ამ დროისთვის ოფიციალური განმარტება არ გავრცელებულა.მსგავსი ფაქტი მოხდა 24 ივლისსაც, დაახლოებით 00:10 საათზე, ქვეყნის ენერგოსისტემაში განვითარებულმა "სასისტემო ავარიულმა" გათიშვამ ელექტროენერგიისა და სატელეკომუნიკაციო ქსელების შეფერხება გამოიწვია. შედეგად, თბილისსა და საქართველოს უმეტეს რეგიონში დროებით შეწყდა ელექტროენერგიის მიწოდება. ამ დროისთვის გათიშვის ოფიციალური მიზეზი არ დასახელებულა. სემეკმა 24 ივლისს საქართველოს ელექტროსისტემაში მომხდარი მასშტაბური ავარიის გამომწვევი მიზეზების შესწავლა დაიწყო.

საზოგადოება • 1783088290

სიახლე საქართველოს რკინიგზაში - რა შეიცვალა დღეიდან

დღეიდან საქართველოს რკინიგზის ობიექტებს დაცვის პოლიციის თანამშრომლები დაიცავენ. გადაწყვეტილება საქართველოს პარლამენტის მიერ 2026 წლის 17 მარტს მიღებული საკანონმდებლო ცვლილებების საფუძველზე მიიღეს.დაცვის პოლიციის დეპარტამენტი ქვეყნის მასშტაბით, 76 ლოკაციაზე, 818 თანამშრომლით სტრატეგიული მნიშვნელობის მქონე სარკინიგზო ხიდებსა და გვირაბებს, დეპოებს, სარკინიგზო სადგურებსა და სხვა ობიექტებს 24 საათიან რეჟიმში დაიცავს.ამასთან, 2026 წლის 3 ივლისიდან, დაცვის პოლიცია სამგზავრო მატარებლებში მგზავრთა უსაფრთხოებას უზრუნველყოფს.

პოლიტიკა • 1783071793

თამარ იოსელიანი: ჩვენი მიზანია, შევქმნათ ერთ-ერთი ყველაზე ეფექტიანი მულტიმოდალური სატრანსპორტო დერეფანი, რომელიც აღმოსავლეთსა და დასავლეთს დააკავშირებს

საქართველოს ეკონომიკისა და მდგრადი განვითარების მინისტრის მოადგილემ, თამარ იოსელიანმა თურქეთის საზღვაო სამიტში მიიღო მონაწილეობა, რომელიც თურქეთის ქალაქ სტამბოლში გაიმართა.სესიაში სახელწოდებით – „საზღვაო გზებიდან ინტეგრირებულ სატრანსპორტო დერეფნებამდე“ სიტყვით გამოსვლისას, მინისტრის მოადგილემ ვრცლად ისაუბრა საქართველოს სტრატეგიულ როლსა და ქვეყნის სატრანსპორტო ინფრასტრუქტურის განვითარებაში დაგეგმილ მასშტაბურ ინვესტიციებზე.„ევროპისა და აზიის გზაჯვარედინზე მდებარე საქართველო ისტორიულად ყოველთვის ასრულებდა ცივილიზაციების, კულტურებისა და ბაზრების დამაკავშირებელი ხიდის როლს. დღეს ჩვენ ამ გეოგრაფიულ უპირატესობას გარდავქმნით თანამედროვე, საიმედო და მაღალკონკურენტუნარიან სატრანსპორტო და ლოგისტიკურ ჰაბად, რომელიც აკავშირებს ცენტრალურ აზიას, სამხრეთ კავკასიას, შავი ზღვის რეგიონსა და ევროპას. ჩვენი მიზანია, შევქმნათ ერთ-ერთი ყველაზე ეფექტიანი მულტიმოდალური სატრანსპორტო დერეფანი, რომელიც აღმოსავლეთსა და დასავლეთს დააკავშირებს. ამ მიზნის მიღწევა მოითხოვს მნიშვნელოვან ინვესტიციებს, რეგიონულ თანამშრომლობასა და გრძელვადიან სტრატეგიულ დაგეგმვას“, – აღნიშნა თამარ იოსელიანმა.მისი თქმით, 2032 წლისთვის საქართველო დაახლოებით შვიდი მლრდ აშშ დოლარის ინვესტიციას განახორციელებს სატრანსპორტო ქსელის მოდერნიზაციაში, რაც მოიცავს საზღვაო, სარკინიგზო, საგზაო და ციფრული მიმართულებების განვითარებას.მინისტრის მოადგილემ განსაკუთრებული აქცენტი გააკეთა ანაკლიის ღრმაწყლოვან პორტზე, რომლის საზღვაო ინფრასტრუქტურის სამუშაოები უკვე აქტიურად მიმდინარეობს, 2029 წლისთვის კი, როდესაც პორტის განვითარების პირველი ფაზა დასრულდება, მისი გამტარუნარიანობა მინიმუმ 600 000 TEU იქნება და ქვეყანას Panamax-ის კლასის დიდი გემების მიღების შესაძლებლობა ექნება.მინისტრის მოადგილემ ასევე ყურადღება გაამახვილა საქართველოს რკინიგზაში მიმდინარე მოძრავი შემადგენლობის განახლების პროგრამასა და აღმოსავლეთ-დასავლეთის ავტომაგისტრალის მშენებლობაზე, რომლის დიდი ნაწილი უკვე დასრულებულია.თურქეთის საზღვაო სამიტში ასევე მონაწილეობა მიიღო საზღვაო ტრანსპორტის სააგენტოს დირექტორმა ივანე აბაშიძემ.ინფორმაციას საქართველოს ეკონომიკისა და მდგრადი განვითარების სამინისტრო ავრცელებს.

საზოგადოება • 1782969000

საქართველოს რკინიგზა განცხადებას ავრცელებს

საქართველოს რკინიგზა დამატებით რეისებთან დაკავშირებით განცხადებას ავრცელებს.„გაზრდილი მგზავრთნაკადის გამო, საქართველოს რკინიგზა 1 ივლისიდან თბილისი-ბათუმი-თბილისის მიმართულებით რეისებს ამატებს.მოძრაობის განრიგი იხილეთ ქვემოთ მოცემულ ფოტოზე.ბილეთების შეძენა შესაძლებელია:ჩვენი ვებგვერდის საშუალებით:ჩვენი აპლიკაციის საშუალებით:საქართველოს რკინიგზის სალაროებსა და საქართველოს რკინიგზის პარტნიორი კომპანიების მეშვეობით“, - ნათქვამია განცხადებაში.