სალომე ზურაბიშვილი

„პარტიებს შორის კომუნიკაცია არ არის შეწყვეტილი, მაგრამ ჩვენი პოზიცია ამ პირობებში გადახედვას არ ექვემდებარება“ - ლევან სანიკიძე არჩევნებზე

„ნაციონალური მოძრაობის“ წევრის, ლევან სანიკიძის განცხადებით, თვითმმართველობის არჩევნებთან დაკავშირებით მათი პოზიცია ამ პირობებში გადახედვას არ ექვემდებარება და "კოალიცია ცვლილებებისთვის“, დიდი ალბათობით, იგივე პოზიციაზეა.როგორც სანიკიძემ „ღამის კურიერის“ ეთერში აღნიშნა, ოპოზიციურ ფლანგზე შექმნილი გაუგებრობა "ლელოს" ორჭოფობით არის გამოწვეული და მას აინტერესებს, რამ შეცვალა მათი პოზიცია.„პარტიებს შორის კომუნიკაცია არ არის შეწყვეტილი და საუბარი მიმდინარეობს. ჩვენ ამ მდგომარეობაში ქართულ საზოგადოებას არ ჩავაყენებთ და ეს პირველ რიგში საზოგადოების დაკვეთაა, რომ ერთიანობა იყოს. მაგრამ, ჩვენი პოზიცია ამ პირობებში გადახედვას არ ექვემდებარება. ეჭვი მაქვს, რომ „კოალიცია ცვლილებებისთვის", რომლის ოთხი ლიდერიდან სამი უკვე ციხეშია იგივე პოზიციაზეა. მსუბუქად რომ ვთქვათ, ის გაუგებრობა, რომელიც ოპოზიციაში არის, გამოწვეული "ლელოს" პოზიციის, ორჭოფობის გამო. ეს არის ის პოლიტიკური ძალა, რომელიც შეუერთდა 26 მაისს სალომე ზურაბიშვილის განცხადებას, რომლის მიხედვითაც ადგილობრივ არჩევნებზე არ გადიოდა ორგანიზაცია თუ არ ტარდებოდა იმავე დროს ახალი საპარლამენტო არჩევნები, ან ჯერ ახალი საპარლამენტო არჩევნები და შემდეგ თვითმმართველობის არჩევნები. ასევე, თუ პოლიტპატიმრები არ იქნებოდნენ გარეთ და თუ არ იქნებოდა ნორმალური ცესკო. ამიტომ, კითხვის ნიშნის ქვეშ ეს პროცესი დააყენა „ლელომ". დისკუსია გახსნა ყველაზე უდროო დროს. მე არაერთხელ მითხოვია „ლელოს" წარმომადგენლებისთვის, რომ - როდესაც ისმეოდა თვითმმართველობის არჩევნებში შესვლა-არ შესვლის საკითხი, მაშინვე გაგვეკეთებინა მკაფიო განცხადება, ან ჩამოგვეწერა პირობები, რა დროს განვიხილავთ შეცვლას ან რა პირობებში შეიძლება დავფიქრდეთ. ანუ გვქონოდა ოპოზიციას საერთო პოზიცია. მარტივი შეკითხვა მაქვს - რამ გამოიწვია მათი პოზიციის ცვლილება, რა გააუმჯობესა ბიძინა ივანიშვილმა აღებინებია მიმართულებით?“, - აცხადებს ლევან სანიკიძე

სამართალი • 1749732318

ხმაური და დაპირისპირება თბილისის საქალაქო სასამართლოში

თბილისის საქალაქო სასამართლოში დაპირისპირება იყო.სასამართლოში, სადაც პოლიციელზე თავდასხმის ბრალდებით დაკავებული მათე დევიძის პროცესი მიმდინარეობს, დაპირისპირება მას შემდეგ დაიწყო, რაც მათე დევიძის მხარდამჭერებმა სხდომაზე შესვლა ვერ მოახერხეს. სხდომა მცირე დარბაზში იმართება.ვითარება ამ დროისთვის განმუხტულია.პროცესს ესწრება საქართველოს ყოფილი პრეზიდენტი სალომე ზურაბიშვილი.მათე დევიძე 2024 წლის 19 ნოემბერს მელიქიშვილის გამზირზე მიმდინარე აქციაზე დააკავეს. წარდგენილი ბრალი 4-დან 7 წლამდე პატიმრობას ითვალისწინებს.

პოლიტიკა • 1749731993

დიდი ინტელექტით არც სალომე ზურაბიშვილი გამოირჩევა, მაგრამ პაატა ბურჭულაძემ სიყეყეჩეში ყველას აჯობა - გია ვოლსკი

დიდი ინტელექტით არც სალომე ზურაბიშვილი გამოირჩევა, მაგრამ პაატა ბურჭულაძემ სიყეყეჩეში ყველას აჯობა, ისეთ თემებზე ლაპარაკობს, რომელიც არც ისტორიას ახსოვს და არც პოლიტიკურ პრაქტიკაში არსებობს, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკის თქმით, სახეზეა უნიჭო სცენარი, რომელიც ქვეყნის შიგნით დაწერილი არ არის.„პაატა ბურჭულაძე კარგად მღეროდა და პუტინსაც უმღეროდა, მაგრამ ზოგადად, უნიჭო ადამიანია, თუ ყეყეჩი არა. მას საკმაოდ სერიოზული კონკურენტი ჰყავს სალომე ზურაბიშვილის სახით, „ნაცმოძრაობის“ სახით – ბოროტი. მათი მიზანია, როგორმე ქვეყანა დააზიანონ, მაგრამ ამის რესურსი არ აქვთ. სალომე ზურაბიშვილი და პაატა ბურჭულაძე ერთმანეთს ეჯიბრებიან, მაგრამ პაატამ ყეყეჩობაში აჯობა“, – აღნიშნა გია ვოლსკიმ.პაატა ბურჭულაძემ ეროვნული ყრილობა დააანონსა, რაც, მისივე თქმით, მესამე რესპუბლიკის შექმნას ნიშნავს.

პოლიტიკა • 1749729821

სალომე ზურაბიშვილი აცხადებს, რომ 5 000 ლარით დააჯარიმეს

საქართველოს ყოფილი პრეზიდენტი სალომე ზურაბიშვილი აცხადებს რომ 5 000 ლარით დააჯარიმეს.ზურაბიშვილი სოციალურ ქსელში ელექტრონული საჯარიმო ქვითრის ფოტოს აქვეყნებს, რომლის მიხედვითაც, ჯარიმა სავარაუდოდ, 3 მარტს გამართულ აქციას უკავშირდება.„აქტივისტად მოვინათლე დღეს. მე კი ვიდექი იქ, სადაც ყველა დედა უნდა მდგარიყო, სინდისის პატიმრების დედების გვერდით“, – წერს ზურაბიშვილი სოციალურ ქსელში.

პოლიტიკა • 1749718117

ლევან მაჭავარიანი - ღია კონკურენციაში არიან შესულები ისეთი პოლიტიკური გიგანტები, როგორებიც არიან პაატა ბურჭულაძე და სალომე ზურაბიშვილი, შიდა სპექტაკლი აქვთ

ღია კონკურენციაში არიან შესულები ისეთი პოლიტიკური გიგანტები, როგორებიც არიან პაატა ბურჭულაძე და სალომე ზურაბიშვილი, ერთი ერთ პლატფორმაზე საუბრობს, მეორემ ვერ გაგვარკვია, რა უნდა, ზურაბიშვილი ხან ალტერნატიულ პარლამენტზე საუბრობს, ხან ალტერნატიულ მთავრობაზე, – ამის შესახებ „ქართული ოცნების“ წევრმა, ლევან მაჭავარიანმა განაცხადა.მაჭავარიანის თქმით, პაატა ბურჭულაძე ჯერ არჩევნების ტელეფონებით ჩატარებაზე საუბრობდა, ახლა ეროვნულ ყრილობაზე საუბრობს.„რამდენად არასერიოზული არიან თავიანთი „დღის წესრიგით“, კი ვხედავთ. ყველაზე უცნაურია, რომ რადიკალური ოპოზიცია ღალატობს საკუთარ თავსაც და ერთმანეთსაც. პირველ რიგში, ისინი თავიანთ ამომრჩეველს ღალატობენ. საკუთარი თავი ჩიხურ მდგომარეობაში ჩაიყენეს. ამბობენ, რომ არჩევნები არალეგიტიმური იყო და მტკიცებულება ვერ დადეს. ამბობდნენ, რომ არჩევნებში მონაწილეობას არ მიიღებდნენ, მაგრამ ახლა მათმა ნაწილმა რიტორიკა შეცვალა. როგორც უკარნახებენ, ისე იმოქმედებენ – რაღაც შიდა სპექტაკლი აქვთ“, – განაცხადა მაჭავარიანმა.

პოლიტიკა • 1749703214

,,ოპოზიციური პარტიების ლიდერები ბრიუსელში საუბრობენ იმაზე, თუ როგორ გამოვიდეთ პოლიტიკური კრიზისიდან ხელახალი საპარლამენტო არჩევნების გზით" - გიორგი კაპანაძე

სამი ოპოზიციური პარტიის წარმომადგენლები უკვე მესამე დღეა ბრიუსელში იმყოფებიან. "ძლიერი საქართველოს", "ნაციონალური მოძრაობის" და "სტრატეგია აღმაშენებლის" წარმომადგენლები შეხვედრებს სალომე ზურაბიშვილის პლატფორმის სახელით მართავენ.ოპოზიცია ვიზიტის მიზნად საქართველოში პოლიტიკური კრიზისის დაძლევას ასახელებს."ოპოზიციური პარტიების ლიდერები იმყოფებიან ბრიუსელში და საუბრობენ ჩვენი ქვეყნის მომავალზე, საუბრობენ ჩვენი ქვეყნის ევროპულ მომავალზე და იმაზე, თუ როგორ გამოვიდეთ არსებული ღრმა პოლიტიკური კრიზისიდან დროებითი ადმინისტრაციის პირობებში, ხელახალი საპარლამენტო არჩევნების გზით. აი, ეს არის ის გზა, რომელიც ჩვენს საზოგადოებას მოუტანს სიკეთესა და კეთილდღეობას" - აცხადებს კოალიცია "ერთიანობა - ნაციონალური მოძრაობის" წევრი, გიორგი კაპანაძე.

პოლიტიკა • 1749123143

ძალიან აირია სიტუაცია ბევრი საკითხის მიმართ, საჭიროა ვიცოდეთ, საითკენ მივდივართ - სალომე ზურაბიშვილი

ძალიან აირია სიტუაცია ბევრი საკითხის მიმართ, რომელიც დღეს ჩემგან სიცხადეს მოითხოვს, როცა ჩვენ ვსაუბრობთ უახლოეს მომავალზე და პოლიტიკურ განვითარებებზე, საჭიროა ვიცოდეთ, რას ვამბობთ და საითკენ მივდივართ, რადგან მსჯელობა დაწყებულია, საჭიროა, მეც ვთქვა ჩემი სათქმელი, – ამის შესახებ საქართველოს ყოფილმა პრეზიდენტმა, სალომე ზურაბიშვილმა განაცხადა.ზურაბიშვილის თქმით, ადგილობრივ არჩევნებში მონაწილეობაზე საუბარი მისთვის გასაკვირი და გაუგებარია.„ამ შემთხვევაში არ ვლაპარაკობ პლატფორმის სახელით, ჩემი სახელით ვლაპარაკობ. ადგილობრივი არჩევნების დანიშვნა და მასში მონაწილეობა, როცა ქვეყანაში გვყავს 60 თუ 60-ზე მეტი პოლიტპატიმარი, ჩემთვის ცოტა გასაკვირი და გაუგებარიც კი არის. როგორ შეიძლება, შეხვიდე არჩევნებში, როდესაც ციხეში არა მხოლოდ აქტივისტები არიან, არამედ პოლიტიკური ლიდერები. პოლიტიკური ლიდერები თუ ციხეში არიან, რანაირად შეგვიძლია, ვილაპარაკოთ თავისუფალ არჩევნებზე. ამიტომ არის, რომ პლატფორმის ფორმატში შევიმუშავეთ დოკუმენტი, რომელიც შეთანხმებულია და აღრიცხავს ყველა იმ პირობას, ყველა იმ ცვლილებას, რაც უნდა იყოს შემოტანილი, როგორც საპარლამენტო არჩევნების წინაპირობა. ერთიანობის გარეშე დავიხუროთ ქუდები და წავიდეთ ცალ-ცალკე და ამ რეჟიმს, რომელიც ნახევრად ჩამოშლილია, მივცეთ ის გამარჯვება, რომელიც არც ეკუთვნის და ვერც აღწევს იმ პროტესტზე და იმ საზოგადოებაზე, რომელიც ასე შემართებით იბრძვის დღემდე. ასე რომ, პოლიტიკური პარტიების პოლიტიკური პასუხისმგებლობა თუ რამეა, არის, რომ დაყენდნენ და მიხვდნენ იმას, რომ ერთიანობა აუცილებელია და აუცილებელია სიტუაციის კარგად გაგება. რაც დროს გადის უფრო რეალურია, რომ საპარლამენტო და ადგილობრივი არჩევნები ერთობლივად იყოს, მაგრამ ეს არჩევნები მიღწეული იქნება მხოლოდ თუ პროტესტი გაგრძელდა, თუ ჩვენი უცხოელი პარტნიორების ზეწოლა გაგრძელდა და თუ პოლიტიკურმა პარტიებმა შეძლეს ერთობლივად წარადგინონ თავიანთი ხედვა, თავიანთი ალტერნატივა მომავლისთვის. არავის არასდროს არ უნდა, რომ შეიცვალოს რამე, რათა ვაკუუმი შედგეს ქვეყანაში. ყველას პასუხისმგებლობა ძალიან დიდია. ჯერ დავფიქრდეთ და მერე ვილაპარაკოთ“, – განაცხადა ზურაბიშვილმა.

პოლიტიკა • 1749122954

დღეს არ არის დრო, როდესაც უნდა ვისაუბროთ არჩევნების ბოიკოტზე, დღეს არის დრო, როდესაც ოპოზიციამ ერთობლივად უნდა ისაუბროს არჩევნებისთვის მზადებაზე - სალომე სამადაშვილი

დღეს არ არის დრო, როდესაც უნდა ვისაუბროთ არჩევნების ბოიკოტზე, დღეს არის დრო, როდესაც ოპოზიციამ ერთობლივად უნდა ისაუბროს არჩევნებისთვის მზადებაზე, – ამის შესახებ პარტია „ლელოს“ წევრმა, სალომე სადამაშვილმა განაცხადა.როგორც სამადაშვილმა აღნიშნა, იზიარებს სალომე ზურაბიშვილის პოზიციას პოლიტპატიმრების გათავისუფლებასა და საარჩევნო გარემოს ცვლილებასთან დაკავშირებით.„ჩვენ აბსოლუტურად ვიზიარებთ ხედვას, რომ ძალიან მნიშვნელოვანია ერთიანობის დაცვა და ერთიანი ფრონტით დაპირისპირება ამ რეჟიმთან. ჩვენ ასევე ვიზიარებთ სალომე ზურაბიშვილის პოზიციას, რომ მნიშვნელოვანია იმ მოთხოვნების გაჟღერება და შესრულება, რაც უკავშირდება როგორც პოლიტპატიმრების გათავისუფლებას, ასევე არჩევნებთან დაკავშირებით გარემოს ცვლილებებს. ამავე დროს, ჩვენ მიგვაჩნია, რომ დასაკარგი დრო აღარ გვაქვს, უნდა შევიდეთ აქტიურ პოლიტიკურ პროცესში, რაც ნიშნავს, არჩევნებისთვის მზადებას. დიახ, ასევე ვიზიარებთ მის ხედვას და მოლოდინს, რომ ჩვენ არა მხოლოდ ადგილობრივი, არამედ ვადამდელი საპარლამენტო არჩევნები გვექნება უახლოეს მომავალში. შესაბამისად, საჭიროა, სწორი სტრატეგია და სწორი ტაქტიკა ამისთვის მოსამზადებლად. სწორედ ამიტომ ჩვენ ვთქვით, რომ, დღეს არ არის ის დრო, როდესაც უნდა ვისაუბროთ არჩევნების ბოიკოტზე, დღეს არის ის დრო, როდესაც ოპოზიციამ ერთობლივად უნდა ისაუბროს არჩევნებისთვის მზადებაზე“, – განაცხადა სამადაშვილმა.

პოლიტიკა • 1749121839

პარტიების პოლიტიკური პასუხისმგებლობა თუ რამეა, არის ის, რომ დაყენდნენ და მიხვდნენ ერთიანობის აუცილებლობას - სალომე ზურაბიშვილი

ძალიან აირია სიტუაცია ბევრი საკითხების მიმართ, რომელიც დღეს მოითხოვს ჩემგან სიცხადეს, როცა ჩვენ ვსაუბრობთ უახლოეს მომავალზე და პოლიტიკურ განვითარებებზე, ამ რეჟიმის პირობებში საპარლამენტო არჩევნებიც შეუძლებელია, ერთიანობის გარეშე დავიხუროთ ქუდები და წავიდეთ ცალ-ცალკე, ამ ნახევრად ჩამოშლილ რეჟიმს, მივცეთ ის გამარჯვება, რაც არც ეკუთვნის და ვერც აღწევს იმ პროტესტზე და იმ საზოგადოებაზე, რომელიც ასე შემართებით იბრძვის დღემდე, – ამის შესახებ საქართველოს ყოფილმა პრეზიდენტმა, სალომე ზურაბიშვილმა განაცხადა.მისი თქმით, „პარტიების პოლიტიკური პასუხისმგებლობაა, რომ დაყენდნენ და მიხვდნენ, ერთიანობა აუცილებელია“.„საპარლამენტო არჩევნებიც შეუძლებელია დღევანდელ პირობებში, ამიტომ პლატფორმის პირობებში შევიმუშავეთ დოკუმენტი, რომელიც აღნიშნავს ყველა იმ ცვლილებას, რაც უნდა იყოს შემოტანილი, როგორც საპარლამენტო არჩევნების წინაპირობა. უნდა გაგრძელდეს ზეწოლა რეჟიმზე, გარედან სანქციებით და პარტნიორების ზეწოლით, შიგნიდან პროტესტით, რომელიც არის ყველაზე ძლიერი. ასევე, უნდა იყოს ზეწოლა პარტიებიდან, პოლიტიკური სპექტრიდან, რომელიც იქნება ეფექტური მხოლოდ მაშინ, თუ არის ერთიანი. ერთიანობის გარეშე დავიხუროთ ქუდები და წავიდეთ ცალ-ცალკე და ამ რეჟიმს, რომელიც ნახევრად ჩამოშლილია, მივცეთ ის გამარჯვება, რომელიც არც ეკუთვნის და ვერც აღწევს იმ პროტესტზე და იმ საზოგადოებაზე, რომელიც ასე შემართებით იბრძვის დღემდე. პოლიტიკური პარტიების პოლიტიკური პასუხისმგებლობაა, დაყენდნენ და მიხვდნენ, რომ ერთიანობა აუცილებელია და სიტუაცია კარგად გაიგონ. რაც დროს გადის, უფრო რეალურია, რომ საპარლამენტო და ადგილობრივი არჩევნები ერთობლივად იყოს, მაგრამ ეს არჩევნები მიღწეული იქნება მხოლოდ თუ პროტესტი გაგრძელდა, თუ ჩვენი უცხოელი პარტნიორების ზეწოლა გაგრძელდა, თუ პოლიტიკურმა პარტიებმა შეძლეს ერთობლივად წარადგინონ თავიანთი ხედვა, ალტერნატივა მომავლისთვის. ყველას პასუხისმგებლობა ძალიან დიდია. ჯერ დავფიქრდეთ და მერე ვილაპარაკოთ“, – განაცხადა ზურაბიშვილმა.

პოლიტიკა • 1749037574

საქართველოს შესახებ ანგარიში მხარს უჭერს ახალ სამართლიან არჩევნებს, რეჟიმის წინააღმდეგ სანქციებს, ითხოვს პოლიტიკური პატიმრების გათავისუფლებას და ევროკავშირის მხარდაჭერის გადახედვას - რასა იუკნევიჩიენე

ევროპარლამენტის საგარეო ურთიერთობათა კომიტეტმა საქართველოს შესახებ ანგარიშის პროექტი დაამტკიცა. დოკუმენტის საბოლოო ვარიანტი ევროპარლამენტის ვებ-გვერდზე ჯერჯერობით არ გამოქვეყნებულა, თუმცა, ცნობილია პროექტის თავდაპირველი ვერსია, რომელიც ევროპარლამენტარმა რასა იუკნევიჩიანემ წარადგინა.დოკუმენტში ისმის კრიტიკა საქართველოს მთავრობის მიმართ, "ლეგიტიმურ პრეზიდენტად" სალომე ზურაბიშვილია მოხსენიებული, "ნაციონალურ მოძრაობასთან" დაკავშირებით კი წერია, რომ პარტიას ჰქონდა "გადამწყვეტი როლი საქართველოს ევროპული ინტეგრაციის პროცესის დაწყებასა და წინსვლაში." ტექსტში ასევე წერია, რომ კომიტეტი "კატეგორიულად იმეორებს" მოთხოვნას, "ჰუმანიტარულ საფუძველზე" გათავისუფლდეს მიხეილ სააკაშვილი.როგორც რასა იუკნევიჩიენემ განაცხადა, სამწუხაროა, რომ ევროპარლამენტმა უნდა შეაფასოს არა საქართველოს პროგრესი, არამედ უზარმაზარი უკუსვლა დემოკრატიული სახელმწიფოდან."სამწუხაროა, რომ ამ ყოველწლიურ ანგარიშში ევროპარლამენტი იძულებულია, შეაფასოს არა საქართველოს, როგორც კანდიდატი ქვეყნის პროგრესი, არამედ ქვეყნის უზარმაზარი უკუსვლა. გაყალბებული არჩევნები, მმართველი პარტიის გადაწყვეტილება, დაბლოკოს ევროკავშირი, ჟურნალისტების და ოპოზიციონერი პოლიტიკოსების დაკავება, თავდასხმა ევროკავშირზე და მის წარმომადგენლებზე - ეს არის მხოლოდ ზოგიერთი იმ ფაქტებიდან, რომლებიც ნახსენებია ანგარიშში. ანგარიში მხარს უჭერს ახალ სამართლიან არჩევნებს, რეჟიმის წინააღმდეგ სანქციებს, ითხოვს პოლიტიკური პატიმრების გათავისუფლებას და ევროკავშირის მხარდაჭერის გადახედვას," - აღნიშნა რასა იუკნევიჩიენემ.ბრიუსელში იმყოფებიან ქართული სამოქალაქო ორგანიზაციების წარმომადგენლები. ქეთი ხუციშვილმა, ეკა გიგაურმა და ნინო ევგენიძემ რასა იუკნევიჩიენესთან ერთად ევროპარლამენტში პრესკონფერენცია გამართეს.

პოლიტიკა • 1748959800

ნინო წილოსანი ოპოზიციაზე: უსასტიკესი ხალხია - ხომ ვხედავთ ერთმანეთთან, როგორ დაპირისპირებაში მოდიან და შეუძლიათ ისე გადაუარონ ერთმანეთს თვალი არ დაახამხამონ

ეს არის უბადრუკი მოცემულობა, როდესაც ერთი მხრივ რადიკალები ცდილობენ, რომ გადაირჩინონ თავი წაგებულ ბრძოლაში და მეორე მხრივ, სხვები უფრო მეტად განულებულები და წაგებულები ესხმიან თავს და ჭამენ ერთმანეთს, - განაცხადა „დღის ქრონიკასთან“ საუბრისას პარლამენტის თავმჯდომარის მოადგილე ნინო წილოსანმა წამყვანის კითხვაზე - თუ რა პროცესები ვითარდება ახლა ოპოზიციაში, რომელიც თვითმმართველობის არჩევნებში მონაწილეობის საკითხთან დაკავშირებით დაპირისპირებას უკავშირდება.ნინო წილოსანის თქმით, ოპოზიციაში არიან ადამიანები, რომლებსაც დაუნდობლად შეუძლიათ ერთმანეთს „გადაუარონ“.„უსასტიკესი ხალხია. ხომ ვხედავთ ერთმანეთთან, როგორ დაპირისპირებაში მოდიან და შეუძლიათ ისე გადაუარონ ერთმანეთს თვალი არ დაახამხამონ.„ლელოსა“ და გახარიას პარტიის მიმართ, მიუხედავად იმისა, რომ ერთი ორგანიზმის ნაწილი არიან, თუმცა ამ ორმა პარტიამ გადაწყვიტა, რომ განსხვავებული პოლიტიკა აწარმოოს არჩევნებთან მიმართებით იმიტომ, რომ სრულად წაგებული აქვთ ყველა ბრძოლა. რევოლუციური სცენარი ჩავარდა. სალომე ზურაბიშვილის გალიდერება არ გამოუვიდათ. „რუსული ბანი“ წაგებიანი პროცესი არის და მან ერთხელ უკვე არჩევნებში სცადა ბედი და ჩამოეშალა ხუხულასავით ის პარტია, რომელიც ზურა გირჩი ჯაფარიძემ დაუშალა ის კოალიცია და ა.შ. ამ „დაფეილირბული“ ადამიანების შემადგენლობით ვერ გავლენ ფონს. ამიტომ ერთადერთ გამოსავლად რჩებათ, რომ დარჩნენ ნორმალურ, პოლიტიკურ ჩარჩოებში და ეს გულისხმობს, რომ მიიღონ არჩევნებში მონაწილეობა. წინააღმდეგ შემთხვევაში მუდმივად უნდა დარჩნენ სექტასავით, რომელიც ქუჩაში დაიარება და რაღაცას გიჟივით გაყვირის. ამ პოზაში არ აქვს სურვილი ბევრს, რომ დარჩეს და მცდელობა არის, რომ ლამაზად დაუბრუნდეს დემოკრატიულ ჩარჩოებს.გასათვალისწინებელია, რომ არავის დაავიწყდეს, რომ „ლელო“ და გახარია ყოველთვის თამაშობდა „ნაციონალურ მოძრაობის“ თამაშს. საკუთარი სახელმწიფოს წინააღმდეგ აწერდა ყველა დოკუმენტს ხელს. მათ შორის ვიზალიბერალიზაციის გაუქმებაზე, მათ შორის ხელისუფლების წარმომადგენლების დასანქცირებაზე. ესენი არიან ადამიანები და პოლიტიკური პარტიები, რომლებმაც უარი თქვეს და სანაგვეზე გადაისროლეს საკუთარი ამომრჩევლის ხმები, როდესაც 2024 წლის საპარლამენტო არჩევნებზე საკმაოდ სოლიდური ხმები დააგროვეს“, - განაცხადა ნინო წილოსანმა.ცნობისთვის, თვითმმართველობის არჩევნებამდე რამდენიმე თვით ადრე ოპოზიციაში კრიზისი ღრმავდება. ადგილობრივ არჩევნებში მონაწილეობის მსურველთა რაოდენობა იზრდება. გახარიას პარტიისა და „ლელოს“ შემდეგ, არჩევნებში მონაწილეობაზე მინიშნებები „თავისუფლების მოედანმაც“ გააკეთა. ამ გადაწყვეტილებას ღალატად მიიჩნევენ „ნაციონალურ მოძრაობასა“ და პარტია „ახალში“.

პოლიტიკა • 1748958407

ყველა თავისუფალია, ვისაც უნდათ, დაეხმარონ, ვითხოვთ, ეს პროცესი იყოს გამჭვირვალე, ჩვენი პასუხისმგებლობაა, საქართველოში შემოსული თანხა აურზაურის მოწყობაში არ იხარჯებოდეს - ლევან მახაშვილი

ყველა თავისუფალია, ვისაც უნდათ, დაეხმარონ. ჩვენ ვითხოვთ, ეს პროცესი იყოს გამჭვირვალე. ჩვენი პასუხისმგებლობაა, საქართველოში უცხოეთიდან შემოსული თანხა აურზაურის, შფოთვის მოწყობაში არ იხარჯებოდეს, – ამის შესახებ პარლამენტის ევროინტეგრაციის კომიტეტის თავმჯდომარემ, ლევან მახაშვილმა განაცხადა.მახაშვილს კითხვა დაუსვეს საქართველოს ყოფილი პრეზიდენტის, სალომე ზურაბიშვილის განცხადებაზე, სადაც ამბობს, რომ შვედეთის პრემიერისგან წერილი მიიღო.„ეს წერილი არ მინახავს, მაგრამ ყველა თავისუფალია, ვისაც უნდათ, დაეხმარონ. ჩვენ ვითხოვთ, მათი გადაწყვეტილებები შეესაბამებოდეს ცივილურ და დემოკრატიულ ჩარჩოებს. რაც მთავარია, ეს პროცესი გამჭვირვალე იყოს, რათა მათმა მოქალაქეებმაც ნახონ, ფული სად იხარჯება. სხვა მხრივ, მათ თანხებს სად დახარჯავენ და რა პრიორიტეტების მიხედვით გადაწყვეტენ საკუთარი თანხების დახარჯვას, ეს მათი გადასაწყვეტი და პასუხისმგებლობაა. ჩვენი პასუხისმგებლობაა, საქართველოში უცხოეთიდან შემოსული თანხა აურზაურის, შფოთვის მოწყობაში არ იხარჯებოდეს“, – განაცხადა ლევან მახაშვილმა.საქართველოს ყოფილი პრეზიდენტის, სალომე ზურაბიშვილის განცხადებით, შვედეთის პრემიერისგან მიიღო წერილი, რომელშიც გამოთქმულია წუხილი დემოკრატიისა და ადამიანის უფლებების კუთხით საქართველოში არსებული მდგომარეობის შესახებ.„პასუხად, შვედეთის მთავრობამ მიიღო გადაწყვეტილება, შეეწყვიტა შვედეთის სააგენტოს, „სიდას“ყველანაირი დახმარება საქართველოს ე.წ. მთავრობისთვის, თუმცა შვედეთი გამოხატავს მზადყოფნას, დარჩეს მხარდამჭერი საქართველოს დემოკრატიული განვითარებისა და მისი ევროპული გზის, დარჩეს როგორც დონორი, ოღონდ სამოქალაქო საზოგადოებისთვის. ამ კუთხით ჩვენ ვაკვირდებით დღევანდელ კანონმდებლობასო, რომ გავიგოთ, რა ფორმით უნდა გავაგრძელოთ საქართველოს სამოქალაქო საზოგადოების მხარდაჭერა“, – განაცხადა სალომე ზურაბიშვილმა.