პოლიტიკა • 1788940476

შალვა პაპუაშვილი: შხამიანი თესლიდან კეთილშობილი ნაყოფი ვერ აღმოცენდება – ეს არის, რასაც ოპოზიციაში ვაკვირდებით, ის, რაც ძირშივე მოწამლულია, იქიდან კარგი არაფერი გამოვა

შხამიანი თესლიდან კეთილშობილი ნაყოფი ვერ აღმოცენდება – ეს არის, რასაც ოპოზიციაში ვაკვირდებით. ის, რაც ძირშივე მოწამლულია, იქიდან კარგი არაფერი გამოვა, – ამის შესახებ საქართველოს პარლამენტის თავმჯდომარემ, შალვა პაპუაშვილმა ჟურნალისტებს ოპოზიციასთან დაკავშირებით დასმული კითხვის პასუხად განუცხადა.პაპუაშვილის თქმით, მმართველი გუნდი „გულშემატკივრობს ამ პროცესს, რადგან საზოგადოება ბევრ ისეთ რაღაცას იგებს, რაც შეიძლება, საჯაროდ არ ჩანდა“.„მაგალითად, რაც შეეხებოდა საარჩევნო კამპანიის დაფინანსებას, ვამბობდით, რომ უცხოეთიდან სხვადასხვა არხის გამოყენებით პარტიებში ფულის შემოდინება ხდებოდა. ახლა 40 მილიონსა და გილაურზე საუბრობენ, რა გგონიათ, მისი ფული იყო? ასე გამოიყენებოდა სხვადასხვა ადამიანის არხი, რათა უცხოეთიდან ფული შემოსულიყო და საქართველოს არჩევნებში ჩარევა მომხდარიყო. კარგია, რომ 40 მილიონის საკითხი ასე განიხილება და ყველაფერი ნელ-ნელა ცხადი ხდება. თავად ადასტურებენ, რომ მათ საარჩევნო კამპანიაში „შავი ფული“ ტრიალებდა. ასევე ადასტურებენ, რომ საქმე არადეკლარირებულ შემოსავლებთან გვაქვს. ეს ყველაფერი ადასტურებს, რაზეც ჩვენ ვსაუბრობდით, რომ ფიქტიური ჩარიცხვები, ადამიანების და სხვა არხების გამოყენება ხდებოდა უცხო ქვეყნის სპეცსამსახურებიდან ფულის შემოდინებისთვის. ფული რისთვის შემოდიოდა, 2024 წელს ვნახეთ. გვარამია სალომე ზურაბიშვილს შეაწყალებინეს. ერთ-ერთ ევროპარლამენტარს, ვიოლა ფონ კრამონს წამოსცდა, რომ ნიკა გვარამიას შეწყალება ბრიუსელში წინასწარ იყო შეთანხმებული. მან თქვა, რომ ვიცოდით, სალომე ზურაბიშვილი ნიკა გვარამიას იწყალებდაო. ქართველმა ხალხმა და ხელისუფლებამ არაფერი ვიცოდით და ეს ყველაფერი ზურაბიშვილმა ბრიუსელს შეუთანხმა. გვარამია იმისთვის გამოუშვეს, რომ შემოდგომაზე, არჩევნების შემდეგ ამრევი ჰყოლოდათ. ამ ყველაფრის შემდეგ რომ ბრიუსელი კიდევ აქეთ გვედავება, როცა კანდიდატ ქვეყანას ასეთ რაღაცებს გაუკეთებ, მის არჩევნებში ღიად ჩაერევი, მათ შორის საკუთარი ელჩის მეშვეობით, როცა მისი არჩევნების დაფინანსებას „შავი ფულით“ ცდილობ, როდესაც ახალისებ ძალადობრივ ჯგუფებს, დეზინფორმაციას, გაქვს აგრესიული რიტორიკა ქართველი ხალხის მიერ არჩეული ხელისუფლების მიმართ და ამის შემდეგ კიდევ აქეთ ედავებიან ქართველ ხალხს, ეს ამორალურია“, – განაცხადა შალვა პაპუაშვილმა.

პოლიტიკა • 1787920192

ნიკა ობოლაძე: ჩერგოლეიშვილი 20 წლის ახალგაზრდებს მოუწოდებს, პრეზიდენტი და ამ ქვეყნის შაჰი სალომე ზურაბიშვილია, ყაველაშვილს ნუ აღიარებთო. ოღონდ, თვითონ საარჩევნო კამპანია აქვს, ყაველაშვილის დანიშნულ არჩევნებში რომ მიიღოს მონაწილეობა

ოპოზიციონერი პოლიტიკოსი ნიკა ობოლაძე “ფედერალისტებს” აკრიტიკებს და კიდევ ერთხელ ამბობს, რომ უტიფრობაᲨი, არათანმიმდევრულობაᲨი და ტყუილᲨი ჩემპიონები არიან.“ჩერგომ, 2024 წლის არᲩევნები მოვიგეთო, ისე რომ თვითონ არჩევნებში მონაწილეობაც არ მიუღია. ანუ არᲩევნები მოიგო: მიᲨამ, ხაზარაძემ, გვარამიამ და გახარამ. ეს არის 9-იანი, ეს არის ბიძინას დამარცხების ფორმულაო.მერე, 2024 წლის არᲩევნები ვინც მოიგო, ოთხივე გამარჯვებული ოპოზიციური პოლიტიკური პარტია - რუსად, არადემოკრატად, ოლიგარქიულად, სიტყვის თავისუფლების მტრად და ბიძინას დეკორაციად შერაცხა. ჩასარეცხია ეს ოპოზიციაო (ვინაა ჩასარეცხი, მოგებული ოპოზიცია?) მანამდე კამპანია ჰქონდა - ჯარიმებით გავჭედოთ სისტემაო.ახლა 20 წლის ახალგაზრდებს მოუწოდებს, პრეზიდენტი და ამ ქვეყნის შაჰი სალომე ზურაბიშვილია, ყაველაშვილს ნუ აღიარებთო. ოღონდ თვითონ საარჩევნო კამპანია აქვს, ყაველაშვილის დანიᲨნულ არჩევნებში რომ მიიღოს მონაწილეობა.კიდევ ერთხელ: უტიფრობაᲨი, არათანმიმდევრულობაᲨი და ტყუილᲨი, ჩემპიონები არიან ფედერალისტები.” - წერს ობოლაძე.

პოლიტიკა • 1787826856

არჩილ გორდულაძე: უკრაინასთან დაკავშირებით ნებისმიერი პოზიციის დაფიქსირება ანტიქართულ და ანტიუკრაინულ ნაბიჯად აღიქმებოდა, ამ ნარატივს ვინც ავრცელებდა, ბოდიში აქვთ მოსახდელი

უკრაინას ევროკავშირსა და ნატო-ში მყისიერ გაწევრიანებას ჰპირდებოდნენ, მაგრამ ახლა თავდაცვის ყოფილი მინისტრი ამბობს, რომ ნატო-ში გაწევრიანება შორეული პერსპექტივაა და რამდენად გაწევრიანდებიან, არავინ იცის, – ამის შესახებ პარლამენტის იურიდიულ საკითხთა კომიტეტის თავმჯდომარემ, არჩილ გორდულაძემ საქართველოს პირველ არხს განუცხადა.მისი თქმით, ამავე შინაარსის განცხადებას სხვადასხვა ბიუროკრატიის წარმომაგენლებიც აკეთებენ.„საქართველოში ვინმე თუ კითხვას დასვამდა, როდის ხდება უკრაინა ნატო-სა და ევროკავშირის წევრი და რა პირობების დაკმაყოფილებით, კითხვის დამსმელი მაშინვე რუსეთუმედ გადაიქცეოდა და მის მიმართ ბულინგი მიმდინარეობდა. ამ ყველაფერს ისინი აკეთებდნენ, ვინც გარედან ფინანსდება და გარე მითითებებს არიან დამორჩილებული. ამ ადამიანებს მოვუწოდებთ, საზოგადოებას ბოდიში მოუხადონ. ეს ყველაფერი იმის დასტურია, რომ საჯარო პოლიტიკაში მათი ადგილი არ არის. სალომე ზურაბიშვილის განცხადება გახსოვთ, სადაც თქვა, ზელენსკის წითელი ხალიჩებით ხვდებიან და თქვენ ასე იყავითო. თურმე, „ასე იყავითში“ საქართველოში მშვიდობას გულისხმობდა. იმ ადამიანებისთვის რომ დაგვეჯერებინა, რომლებიც ქვეყანაში მეორე ფრონტის გახსნას ითხოვდნენ, ომის იმ ქარ-ცეცხლს მივიღებდით, რაც უკრაინაშია. უკრაინასთან დაკავშირებით ნებისმიერი პოზიციის დაფიქსირება ანტიქართულ და ანტიუკრაინულ ნაბიჯად აღიქმებოდა, ეს მაშინ, როცა საქართველო ერთ-ერთი მოწინავეა უკრაინის დახმარების თვალსაზრისით. ვინც ამ ნარატივს ავრცელებდა, მათი ცრუპენტელობის გამო ბოდიში აქვთ მოსახდელი“, – განაცხადა არჩილ გორდულაძემ.

პოლიტიკა • 1787754182

აზერბაიჯანული მედია ღარიბაშვილზე: საქართველოს ხელისუფლებაში ყოფნის დროს უფრო მეტად პარიზის ინტერესებს ატარებდა, ვიდრე თბილისის

აზერბაიჯანული მედია ირაკლი ღარიბაშვილის შესახებ ვრცელ მასალას აქვეყნებს:საქართველოში კორუფციასთან დაკავშირებით პოლიტიკური სკანდალი კვლავ მწვავდება. ყოფილ პრემიერ-მინისტრ ირაკლი ღარიბაშვილს ახალი ბრალდება წაუყენეს - თავდაცვის სამინისტროს საჭიროებებისთვის სახელმწიფო შესყიდვების ორგანიზებისას განსაკუთრებით დიდი ოდენობით ქრთამის აღების საქმეზე.პროკურატურის ინფორმაციით, 2022 წელს მაშინდელმა თავდაცვის მინისტრმა ჯუანშერ ბურჭულაძემ, რომელიც ამჟამად პატიმრობაში იმყოფება, პრემიერ-მინისტრის თანამდებობაზე მყოფ ირაკლი ღარიბაშვილს 750 ათასი ლარი, დაახლოებით 290 ათასი დოლარი, რამდენიმე ეტაპად, ნაღდი ფულის სახით უკანონოდ გადასცა. გამოძიების ვერსიით, თანხა თავდაცვის სამინისტროსთვის სამედიცინო აღჭურვილობისა და ინვენტარის გაზრდილ ფასად შესყიდვის მიზნით ტენდერის ორგანიზებას უკავშირდებოდა.ოპოზიციაში ყურადღებას ამახვილებენ იმაზე, რომ ირაკლი ღარიბაშვილთან დაკავშირებული კორუფციის ახალი ფაქტების გასაჯაროება მას შემდეგ დაიწყო, რაც ყოფილმა პრემიერმა ღია წერილები გამოაქვეყნა და ხელისუფლება მის პოლიტიკაში დაბრუნების ხელშეშლის მიზნით დევნაში დაადანაშაულა. ირაკლი ღარიბაშვილის ბიოგრაფიისა და წარსული საქმიანობის გათვალისწინებით, სტატიის ავტორი ვარაუდობს, თუ რა ძალები ცდილობდნენ ყოფილი პრემიერის დიდ პოლიტიკაში დაბრუნებას.საფრანგეთის მოქალაქე სალომე ზურაბიშვილის შემდეგ ირაკლი ღარიბაშვილი ერთ-ერთ ყველაზე პროფრანგულად განწყობილ ქართველ პოლიტიკოსად არის მოხსენიებული. ის არა მხოლოდ საფრანგეთში სწავლობდა, არამედ ხელისუფლებაში ყოფნის პერიოდში, სტატიის ავტორის შეფასებით, ატარებდა პოლიტიკას, რომელიც უფრო მეტად პარიზის, ვიდრე თბილისის ინტერესებს შეესაბამებოდა. ავტორის მტკიცებით, ამ პოლიტიკის შესაძლო საფრთხეების სრულად შეფასება საქართველოს სახელმწიფო ინტერესებისთვის მხოლოდ ახლა ხდება შესაძლებელი.2020 წელს, როდესაც ირაკლი ღარიბაშვილი თავდაცვის მინისტრის თანამდებობას იკავებდა, მისი უწყების ინიციატივით საქართველოს პარლამენტმა ბიუჯეტში ცვლილებები შეიტანა და თავდაცვის ხარჯები დაახლოებით 25 მილიონი დოლარით შეამცირა. ავტორის შეფასებით, სახელმწიფო სახსრების ეკონომია დადებითად შეიძლებოდა შეფასებულიყო, რომ არა მიზეზები, რომლებმაც ეს გადაწყვეტილება განაპირობა და ის შესაძლო საფრთხეები, რომლებიც მას ახლდა.საქმე ისაა, რომ 2008 წლის ომის შემდეგ საქართველომ საჰაერო თავდაცვის სისტემის მოდერნიზაცია აქტიურად დაიწყო. 2015 წელს საფრანგეთიდან საჰაერო თავდაცვის სისტემების მიწოდებაზე შეთანხმება შედგა და კონტრაქტი ევროპაში სარაკეტო სისტემების ერთ-ერთ წამყვან მწარმოებელ კომპანია MBDA-სთან გაფორმდა. ამის შემდეგ, სტატიის ავტორის მტკიცებით, ფრანგული მხარე სხვადასხვა მიზეზით კონტრაქტის შესრულებას აჭიანურებდა. 2018 წელს გაფორმდა ახალი შეთანხმება, რომლის მიხედვითაც საჰაერო თავდაცვის სისტემების მიწოდების ვადა 2020 წლამდე გახანგრძლივდა. ავტორის შეფასებით, იქმნებოდა შთაბეჭდილება, რომ საფრანგეთი საქართველოს თანამედროვე საჰაერო თავდაცვის სისტემების მიღებას მიზანმიმართულად აფერხებდა — თავად არ აწვდიდა სისტემებს და, ამავდროულად, სხვა მომწოდებლებთან შეთანხმების გაფორმების შესაძლებლობასაც ზღუდავდა.2020 წელი საბოლოო ვადად განიხილებოდა, როდესაც ფრანგული სისტემები საქართველოს უნდა მიეღო და ისინი ქვეყნის საჰაერო თავდაცვის სისტემაში სრულად უნდა ინტეგრირებულიყო. თუმცა ირაკლი ღარიბაშვილის თავდაცვის მინისტრობის პერიოდში ეს არ მოხდა. ფრანგულმა მხარემ მიწოდების შეფერხება კორონავირუსის პანდემიით ახსნა, რასაც საქართველოს თავდაცვის მინისტრი არ შეწინააღმდეგებია. ამასთან, თანხები არც სხვა მომწოდებლებისგან საქართველოს საჰაერო თავდაცვის გაძლიერებასა და მოდერნიზაციაზე დახარჯულა. თანხები „დაიზოგა“, ხოლო საფრანგეთიდან საჰაერო თავდაცვის სისტემების მიღება 2021 წლისთვის გადაიდო.2015 წელს საფრანგეთიდან საქართველოსთვის საჰაერო თავდაცვის სისტემების მიწოდებაზე შეთანხმება შედგა, თუმცა სტატიის ავტორის მტკიცებით, კონტრაქტის შესრულება ფრანგული მხარის მიერ სხვადასხვა მიზეზით ჭიანურდებოდა.სტატიის თანახმად, სწორედ 2020 წელს საქართველოს წინაშე სამხედრო შეჭრის სერიოზული საფრთხე გაჩნდა. დღეს რუსეთისა და სომხეთის თანამშრომლობა კოლექტიური უსაფრთხოების ხელშეკრულების ორგანიზაციის ფარგლებში ფაქტობრივად შეწყვეტილია. თუმცა 2020 წლის შემოდგომაზე, ყარაბაღის მეორე ომის დროს, სტატიის ავტორის მტკიცებით, როგორც ერევანში, ისე პარიზში არსებობდა მოლოდინი, რომ მოსკოვი „ОДКБ-ს ფარგლებში მოკავშირეობრივ ვალდებულებებს შეასრულებდა“ და სომხეთის მხარეს ომში ჩაერთვებოდა, მათ შორის საქართველოს გავლით „სამხედრო დერეფნის“ შექმნის გზით. ავტორის შეფასებით, საქართველოს სუსტი საჰაერო თავდაცვა მსგავსი სცენარის განხორციელების რისკს ზრდიდა. სტატიაში ნათქვამია, რომ აზერბაიჯანის არმიის მიერ ყარაბაღში სომხური ძალების სწრაფმა დამარცხებამ საქართველოსა და მთლიანად რეგიონისთვის კატასტროფული სცენარის განვითარება თავიდან აიცილა.მას შემდეგ, რაც 2021 წელს ირაკლი ღარიბაშვილმა თავდაცვის მინისტრის თანამდებობა დატოვა და პრემიერ-მინისტრი გახდა, მას საფრანგეთისთვის საჰაერო თავდაცვის სისტემების კონტრაქტის შეფერხების გამო პრეტენზია არ წაუყენებია. პირიქით, თბილისსა და პარიზს შორის თანამშრომლობა კიდევ უფრო გაღრმავდა. 2021-2023 წლების პარტნიორობის ახალი შეთანხმების ფარგლებში საქართველომ სამი წლის განმავლობაში საფრანგეთისგან 483 მილიონი ევროს დახმარება მიიღო. თუმცა სტატიის ავტორი ამტკიცებს, რომ ირაკლი ღარიბაშვილის პოლიტიკის შედეგად ამ დახმარების სანაცვლოდ საქართველოს ეროვნული ინტერესების საზიანო ნაბიჯების გადადგმა მოუწია. ამ კონტექსტში ავტორი 2023 წლის ბოლოს საფრანგეთიდან სომხეთში საქართველოს ტერიტორიის გავლით Bastion-ის ტიპის ჯავშანტექნიკის ტრანზიტთან დაკავშირებულ სკანდალს იხსენებს.საფრანგეთის მოქალაქე სალომე ზურაბიშვილის შემდეგ ირაკლი ღარიბაშვილი ერთ-ერთ ყველაზე პროფრანგულად განწყობილ ქართველ პოლიტიკოსად არის მოხსენიებული.სტატიის ავტორის შეფასებით, ღარიბაშვილის პროფრანგული პოლიტიკა „ქართულ ოცნებას“ არ დახმარებია. პირიქით, ავტორი ამტკიცებს, რომ სწორედ პარიზმა დაუჭირა მხარი რადიკალურ ოპოზიციასა და 2024-2025 წლებში საქართველოში „რევოლუციური“ გზით ხელისუფლების შეცვლის მცდელობებს.ამასთან, ოპოზიციის წარმომადგენლების განცხადებებზე დაყრდნობით, სტატიაში აღნიშნულია, რომ ირაკლი ღარიბაშვილი მმართველი პარტიის ერთადერთი წარმომადგენელი იყო, რომელიც „აქციის მონაწილეებთან დიალოგს“ ემხრობოდა. ავტორის შეფასებით, ეს ხდებოდა მას შემდეგ, რაც დემონსტრანტების ნაწილმა პოლიციელების წინააღმდეგ „მოლოტოვის კოქტეილები“ გამოიყენა. სტატიაში ასევე მკვეთრად არის გაკრიტიკებული სალომე ზურაბიშვილის როლი საპროტესტო პროცესებში. ავტორი მიიჩნევს, რომ ოპოზიციასთან დიალოგი იმ ვითარებაში მძიმე შედეგებს გამოიწვევდა და არეულობის აღსაკვეთად ხელისუფლების მხრიდან მკაცრი ზომების მიღება იყო საჭირო. ამავე შეფასებით, საპროტესტო აქციების დროს ირაკლი ღარიბაშვილი „ქართული ოცნების“ შიგნით საფრანგეთის მიერ მხარდაჭერილი „რევოლუციონერების“ ინტერესების გამტარად მოქმედებდა.სტატიის დასკვნით ნაწილში ავტორი ამტკიცებს, რომ ირაკლი ღარიბაშვილი არა მხოლოდ მრავალდონიან კორუფციულ სქემებს ქმნიდა, არამედ, როგორც პოლიტიკოსი, ისეთ ნაბიჯებსაც დგამდა, რომლებსაც საქართველო შესაძლოა მძიმე საფრთხის წინაშე დაეყენებინა.ირაკლი ღარიბაშვილი ამჟამად უკანონო შემოსავლების ლეგალიზაციის საქმეზე ხუთწლიან სასჯელს იხდის. ახალი ბრალდება, რომელიც განსაკუთრებით დიდი ოდენობით ქრთამის მიღებას ეხება, მას დამატებით 11-დან 15 წლამდე პატიმრობას უქადის. სტატიის ავტორის შეფასებით, ასეთ კორუფციულ ქმედებებში ბრალდებული ყოფილი მაღალჩინოსნის პოლიტიკაში დაბრუნება უკიდურესად უცნაური იქნებოდა.

პოლიტიკა • 1787144516

ვოლსკი: სააკაშვილი თავისი წარსულით ხელს უშლის კონკრეტულ პოლიტიკურ სუბიექტებს, რომ მათ თავისი გეგმა განავითარონ, გვარამია მთელი ძალით ცდილობს, სააკაშვილს გაემიჯნოს

„ნაციონალური მოძრაობა“ თავიდანვე ვერანაირად იქნებოდა ალიანსის წევრი, თუ მისი ლიდერი სააკაშვილი არ იქნებოდა. სახელი – კოლექტიური ნაცმოძრაობა, რომელიც ამ ალიანსის გარკვეულ შინაარსს გამოხატავს, საფუძვლიანი რეალობაა და არ უნდათ, ამ რეალობას თვალი გაუსწორონ, –  ამის შესახებ პარლამენტის ვიცე-სპიკერმა, გია ვოლსკიმ განაცხადა.ვოლსკის თქმით, სააკაშვილი თავისი წარსულით ხელს უშლის კონკრეტულ პოლიტიკურ სუბიექტებს, მათ თავისი გეგმა და ინტერესი განავითარონ, მაგრამ ავიწყდებათ, რომ ამ სისტემის შემადგენელი ნაწილი იყვნენ.„ამ ალიანსში ვერანაირად ვერ მოხდება საერთო კონსენსუსის მოძებნა. ალიანსი თავიდანვე არ იყო შემდგარი, ვინაიდან „ნაციონალური მოძრაობის“ დომინირება ამ სივრცეში, „ნაცმოძრაობის“ გარდა, არავის აწყობდა და ბელადის მიმართ ეს მორჩილება, ქედის მოხრა მთავარი შემადგენელი იყო იმ იდეისა, რაც „ნაცმოძრაობას“ ჰქონდა. დამთავრდა, ამ პროცესს თავიდანვე არავითარი განვითარება არც ეწერა, ისევე როგორც იმ ქარტიას, რომლის გარშემო სალომე ზურაბიშვილის ხელით პოლიტიკური ექსტრემისტული ძალების გაერთიანებას აპირებდნენ“, – აღნიშნა ვოლსკიმ.რაც შეეხება სააკაშვილთან დაკავშირებით ნიკა გვარამიას განცხადებას, ვოლსკის შეფასებით, გვარამია ცდილობს, სააკაშვილს გაემიჯნოს მისი წარსულის გამო.„ქართულ ოცნებას“ არ შეიძლება, ამ ადამიანებთან რაიმე კავშირი ჰქონდეს, მით უმეტეს, მოსყიდვა-გაყიდვაზე და ფარდის მიღმა რაღაც პროცესებზე. დაბრალება არასწორია. გვარამია, ისევე როგორც ბოკერია, არის ადამიანი, რომელიც მთელი ძალით ცდილობს, სააკაშვილს გაემიჯნოს, იმ წარსულის და სისხლის გამო, რომელიც ქვეყანაში სააკაშვილმა დაღვარა და თუნდაც ოკუპაცია განაპირობა. თავად მიაჩნიათ, რომ ბევრი საპროტესტო განწყობის მქონე ადამიანი არ უერთდება პროტესტს, რომელსაც სააკაშვილის ბანერი ამშვენებს. სტრატეგიულად ასე ხედავენ. არ ვიცი, სააკაშვილს გულუბრყვილობით მოსდის, თუ რაღაც კონკრეტულ მიზანს ემსახურება მისი განცხადებები, ცდილობს, მათ მართლაც გაემიჯნოს და იქნებ წარმატება ჰპოვონ. ესეც უნდა დავუშვათ, რომ პირიქით, სააკაშვილი ხელს უწყობს, მათ განავითარონ პროცესი, რომელიც სააკაშვილის სახელთან დაკავშირებული არ იქნება და თავისი ბნელი გეგმების დივერსიფიცირება მოახდინოს. ერთიც და მეორეც ბნელია“, – განაცხადა გია ვოლსკიმ.

პოლიტიკა • 1786197720

მე და გია ბარამიძე ერთად ვართ ნამყოფი სოხუმში და გუდაუთაში, სადაც კინაღამ ტყვედ აგვიყვანეს - მიხეილ სააკაშვილი

მე და გიორგი ბარამიძე ძალიან დიდი ხნის მეგობრები და თანამებრძოლები ვართ. ის ერთ-ერთი ყველაზე დიდი პატრიოტია, რომელსაც ოდესმე შევხვედრივარ და აფხაზეთის ომის დროს ერთად ვმუშაობდით ტყვეების გაცვლაზე. ერთად ვართ ნამყოფი სოხუმშიც და გუდაუთაშიც, სადაც კინაღამ ჩვენ თვითონ აგვიყვანეს ტყვედ, – ამის შესახებ ყოფილი პრეზიდენტი მიხეილ სააკაშვილი სოციალურ ქსელში წერს.მისი თქმით, გიორგი ბარამიძემ რაღაც არასწორად ჩამოაყალიბა, მაგრამ მას წიხლი ნამდვილად არ ეკუთვნის ბიძინა ივანიშვილის ღალატზე დაფუძნებული დიქტატურის მსახურებისგან.„მე მინიშნებაც კი არ მსმენია ქართველების მიერ ტყვეების დახვრეტაზე და დარწმუნებული ვარ, ეს არ შეესაბამება სიმართლეს. აი, ქართველების წინააღმდეგ ჩადენილი იქნა წარმოუდგენელი სამხედრო დანაშაულები აფხაზეთშიც და ცხინვალშიც. ცხინვალის შემთხვევაში ეს დადასტურებულია ჰააგის სისხლის სამართლის სასამართლოს მიერ. ჩვენ აუცილებლად აღვადგენთ აფხაზეთზე კონტროლს და ჩვენ წინააღმდეგ ჩადენილი არავის არაფერი შერჩება. რაც შეეხება ქართველების სამხედრო დანაშაულებში დადანაშაულებას, ამას ივანიშვილის დავალებით აქტიურად აკეთებდნენ წულუკიანი, რომელმაც ხელოვნურად მოახდინა გამოძიების პროვოცირება 2008 წლის ომზე და ასევე „ქოცების“ მიერ დასმული პრეზიდენტი – სალომე ზურაბიშვილი, რომლის გამონათქვამები რუსებმა წარადგინეს ქართველების წინააღმდეგ მტკიცებულებებად. გიორგიმ რაღაც არასწორად ჩამოაყალიბა, მაგრამ მას წიხლი ნამდვილად არ ეკუთვნის ივანიშვილის ღალატზე დაფუძნებული დიქტატურის მსახურებისგან, რომელთაც უთავმოყვარეობა აიყვანეს სახელმწიფო პოლიტიკის რანგში“, – წერს მიხეილ სააკაშვილი.

პოლიტიკა • 1786174200

ადამიანები, რომლებიც 2008 ის მერე რუსეთში მღეროდნენ, 2022 წლიდან, ვისაც რუსეთში არასდროს უმღერია იმათ ეძახდნენ ,,რუსებს”… დღეს კი ვხედავ, საკუთარი ქვეყნის ,,საბოტაჟნიკები” როგორ დადიან იგივე მთავრობის პირობებში და ათამაშებენ კურტუმებს კონცერტებზე- რა შეცვალეთ, რა გამღერებთ? ტერიტორიები დაიბრუნეთ თუ რუსეთი დაამარცხეთ უკრაინაში? - რეზო ბლიაძე

მუსიკოსი რეზო ბლიაძე ოპოზიციის ნაწილსა და მათ მხარდამჭერ არტისტებს ორპირულ და უპრინციპო ქცევაში ადანაშაულებს. ის სოციალურ ქსელში პოსტს აქვეყნებს, სადაც ბოლო წლების პოლიტიკურ მოვლენებსა და კულტურის სფეროში შექმნილ პროცესებს ეხმაურება. ბლიაძის თქმით, ადამიანები, რომლებიც ხელისუფლების წარმომადგენლებს „რუსებს“ ეძახდნენ, სახელმწიფო ინსტიტუტებს არ აღიარებდნენ და კულტურულ ღონისძიებებს ჩაშლით ემუქრებოდნენ, დღეს ჩვეულებრივად აგრძელებენ კონცერტებში მონაწილეობას იმავე ხელისუფლების პირობებში. მუსიკოსი იხსენებს კონკრეტულ ეპიზოდებსაც, მათ შორის ორბელიანის მოედანზე გამართულ ღონისძიებასა და პარლამენტთან საახალწლო ნაძვის ხის ანთების პროცესს, რომელთა ჩაშლაშიც, მისი თქმით, ოპოზიციურად განწყობილი ჯგუფები და ყოფილი პრეზიდენტი სალომე ზურაბიშვილი მონაწილეობდნენ.„2-3 წელი არ გასულა საქართველოს ბოლო არჩევნებიდან. მახსენდება როგორ მტრობდნენ და ,,აბოზებდნენ” საკუთარ სახელმწიფოს. არ აღიარებდნენ პრეზიდენტს. არ აღიარებდნენ პარლამენტს. საკუთარ ხელისუფლებას ეძახდნენ ,,რუსებს” და ადანაშაულებდნენ ოკუპანტთან ,,თანამშრომლობაში” ამბობდნენ: საქართველო რუსეთის უკანა ეზოა და რუსეთში მიგვათრევენო. სწორედ ამ მიზეზით უარს ამბობდნენ კონცერტებში მონაწილეობაზე. თუ ვინმე გაბედავდა და სადმე იმღერებდა სცენასთან მიუვარდებიდნენ ევროკავშირის დროშებით. პირადად ჩვენ ე.წ. პრეზიდენტი ზურაბიშვილი სცენაზე ამოგვივარდა ორბელიანზე და კონცერტი ჩაშალა.შემდეგ იყო პარლამენტთან ნაძვის ხის ანთება, რომელიც ჩაშალეს და ბავშვებს წაართვეს ახალი წელი. ადამიანები, რომლებიც 2008 ის მერე რუსეთში მღეროდნენ, 2022 წლიდან, ვისაც რუსეთში არასდროს უმღერია იმათ ეძახდნენ ,,რუსებს”… საზოგადოება გახლიჩეს ორ ნაწილად, დაამკვიდრეს და ჩვეულებრივ ამბად გვიქციეს გინება, ლანძღვა, შეურაცხყოფა. სიმღერაც კი შექმნეს და ერთ, ან ორ, ან სამ ადამიანს კი არა, მილიონრაღაც ადამიანს უმღეროდნენ გინებ/გინებით. დღეს კი ვხედავ, ეს ორტრაკა, საკუთარი ქვეყნის ,,საბოტაჟნიკები” და ჩამშვებები, როგორ დადიან ,,იგივე” ქვეყანაში, იგივე მთავრობის პირობებში, იგივე სახეებით, იმ ქალაქებში რომელსაც ,,ჩელიაბინსკებს” ეძახდნენ და როგორ ათამაშებენ კურტუმებს სხვა და სხვა კონცერტებზე….რა, რამე შეცვალეთ? ვინმეს უკან დაახევინეთ? ტერიტორიები დაიბრუნეთ თუ რუსეთი დაამარცხეთ უკრაინაში? რა გამღერებთ? რა გაცეკვებთ? მიკვირს მიწა და სცენა როგორ არ გისკდებათ ფეხქვეშ, თქვენი უპრინციპო, აკაცუკი დედა ვატირე! მახსოვს გვემუქრებოდნენ: ყველას და ყველაფერს ვიმახსოვრებთო. როგორც ხედავთ ჩვენც კარგად დაგიმახსოვრეთ - ყველა! რუსეთი ოკუპანტია! ძმაკაცს არასდროს ერქმევა ცოლი! გაუმარჯოს საქართველოს!”- წერს რეზო ბლიაძე.        შეყვანა, შეტყობინება გაგზავნილია 11:25 Keti მიერ: რეზო ბლიაძე: ადამიანები, რომლებიც 2008 ის მერე რუსეთში მღეროდნენ, 2022 წლიდან, ვისაც რუსეთში არასდროს უმღერია იმათ ეძახდნენ ,,რუსებს”… დღეს კი ვხედავ, საკუთარი ქვეყნის ,,საბოტაჟნიკები” როგორ დადიან იგივე მთავრობის პირობებში და ათამაშებენ კურტუმებს კონცერტებზე- რა შეცვალეთ, რა გამღერებთ? ტერიტორიები დაიბრუნეთ თუ რუსეთი დაამარცხეთ უკრაინაში? მუსიკოსი რეზო ბლიაძე ოპოზიციის ნაწილსა და მათ მხარდამჭერ არტისტებს ორპირულ და უპრინციპო ქცევაში ადანაშაულებს. ის სოციალურ ქსელში პოსტს აქვეყნებს, სადაც ბოლო წლების პოლიტიკურ მოვლენებსა და კულტურის სფეროში შექმნილ პროცესებს ეხმაურება. ბლიაძის თქმით, ადამიანები, რომლებიც ხელისუფლების წარმომადგენლებს „რუსებს“ ეძახდნენ, სახელმწიფო ინსტიტუტებს არ აღიარებდნენ და კულტურულ ღონისძიებებს ჩაშლით ემუქრებოდნენ, დღეს ჩვეულებრივად აგრძელებენ კონცერტებში მონაწილეობას იმავე ხელისუფლების პირობებში. მუსიკოსი იხსენებს კონკრეტულ ეპიზოდებსაც, მათ შორის ორბელიანის მოედანზე გამართულ ღონისძიებასა და პარლამენტთან საახალწლო ნაძვის ხის ანთების პროცესს, რომელთა ჩაშლაშიც, მისი თქმით, ოპოზიციურად განწყობილი ჯგუფები და ყოფილი პრეზიდენტი სალომე ზურაბიშვილი მონაწილეობდნენ. “2-3 წელი არ გასულა საქართველოს ბოლო არჩევნებიდან. მახსენდება როგორ მტრობდნენ და ,,აბოზებდნენ” საკუთარ სახელმწიფოს. არ აღიარებდნენ პრეზიდენტს. არ აღიარებდნენ პარლამენტს. საკუთარ ხელისუფლებას ეძახდნენ ,,რუსებს” და ადანაშაულებდნენ ოკუპანტთან ,,თანამშრომლობაში” ამბობდნენ: საქართველო რუსეთის უკანა ეზოა და რუსეთში მიგვათრევენო. სწორედ ამ მიზეზით უარს ამბობდნენ კონცერტებში მონაწილეობაზე. თუ ვინმე გაბედავდა და სადმე იმღერებდა სცენასთან მიუვარდებიდნენ ევროკავშირის დროშებით. პირადად ჩვენ ე.წ. პრეზიდენტი ზურაბიშვილი სცენაზე ამოგვივარდა ორბელიანზე და კონცერტი ჩაშალა. შემდეგ იყო პარლამენტთან ნაძვის ხის ანთება, რომელიც ჩაშალეს და ბავშვებს წაართვეს ახალი წელი. ადამიანები, რომლებიც 2008 ის მერე რუსეთში მღეროდნენ, 2022 წლიდან, ვისაც რუსეთში არასდროს უმღერია იმათ ეძახდნენ ,,რუსებს”… საზოგადოება გახლიჩეს ორ ნაწილად, დაამკვიდრეს და ჩვეულებრივ ამბად გვიქციეს გინება, ლანძღვა, შეურაცხყოფა. სიმღერაც კი შექმნეს და ერთ, ან ორ, ან სამ ადამიანს კი არა, მილიონრაღაც ადამიანს უმღეროდნენ გინებ/გინებით. დღეს კი ვხედავ, ეს ორტრაკა, საკუთარი ქვეყნის ,,საბოტაჟნიკები” და ჩამშვებები, როგორ დადიან ,,იგივე” ქვეყანაში, იგივე მთავრობის პირობებში, იგივე სახეებით, იმ ქალაქებში რომელსაც ,,ჩელიაბინსკებს” ეძახდნენ და როგორ ათამაშებენ კურტუმებს სხვა და სხვა კონცერტებზე…. რა, რამე შეცვალეთ? ვინმეს უკან დაახევინეთ? ტერიტორიები დაიბრუნეთ თუ რუსეთი დაამარცხეთ უკრაინაში? რა გამღერებთ? რა გაცეკვებთ? მიკვირს მიწა და სცენა როგორ არ გისკდებათ ფეხქვეშ, თქვენი უპრინციპო, აკაცუკი დედა ვატირე! მახსოვს გვემუქრებოდნენ: ყველას და ყველაფერს ვიმახსოვრებთო. როგორც ხედავთ ჩვენც კარგად დაგიმახსოვრეთ - ყველა! რუსეთი ოკუპანტია! ძმაკაცს არასდროს ერქმევა ცოლი! გაუმარჯოს საქართველოს!”- წერს რეზო ბლიაძე.

პოლიტიკა • 1784815800

თორნიკე ჭეიშვილი: დაახლოებით, 7-8 თვე ალექსანდრე კარტოზია, ჩვენი ელჩი, ელოდებოდა რწმუნებათა სიგელების გადაცემას. დღევანდელი ცერემონია უკვე აჩენს გარკვეული პოზიტიური მოლოდინის საფუძველს. გვაქვს იმედი, რომ გერმანიის ფედერაციულ რესპუბლიკასთან აღვადგენთ თანამშრომლობას

დაახლოებით, 7-8 თვე ბატონი ალექსანდრე კარტოზია, ჩვენი ელჩი, ელოდებოდა რწმუნებათა სიგელების გადაცემას. დღევანდელი ცერემონია უკვე აჩენს გარკვეული პოზიტიური მოლოდინის საფუძველს, თუმცა ვნახოთ, როგორ განვითარდება ამის შემდგომ პროცესები, - განაცხადა გადაცემაში „დღის ქრონიკა“ იურიდიულ საკითხთა საპარლამენტო კომიტეტის თავმჯდომარის პირველმა მოადგილემ თორნიკე ჭეიშვილმა გერმანიასთან სამომავლო ურთიერთობებზე საუბრისას.მისივე თქმით, აქვთ იმედი, რომ გერმანიის ფედერაციულ რესპუბლიკასთან საქართველო მნიშვნელოვან თანამშრომლობას კვლავ აღადგენს.„უკვე გარკვეული პოზიტიური იმპულსები არის. თუნდაც, დღევანდელი ცერემონია, რწმუნებათა სიგელების გადაცემისა, რაც ასევე გაჭიანურდა თვეების განმავლობაში - დაახლოებით, 7-8 თვე ბატონი ალექსანდრე კარტოზია, ჩვენი ელჩი ელოდებოდა ამ მომენტს, ეს უკვე აჩენს, გარკვეული პოზიტიური მოლოდინის საფუძველს, თუმცა ვნახოთ, როგორ განვითარდება ამის შემდგომ პროცესები.ჩვენ გვაქვს იმედი იმისა, რომ გერმანიის ფედერაციულ რესპუბლიკასთან აღვადგენთ იმ მნიშვნელოვან თანამშრომლობას, რომელიც სახელმწიფოებრივი დამოუკიდებლობის აღდგენის შემდგომ იყო გამოხატული, როგორც ძალიან საინტერესო პოლიტიკურ ურთიერთობებში, ისე საგანმანათლებლო სფეროში, ან გნებავთ, კულტურის სფეროში, სამართლებრივ სფეროში არ შეიძლება, არ აღინიშნოს ეს პოზიტიური ურთიერთობა და თანამშრომლობა გერმანიის ფედერაციულ რესპუბლიკასთან. ვნახოთ, ჩვენი მხრივ ამის მზაობა გაგვაჩნია, მიუხედავად იმისა, რომ ძალიან ბევრი რამ გაფუჭდა ორ ქვეყანას შორის ურთიერთობების კუთხით, მაგრამ იმედია, რომ სამომავლოს სამართლიანი და სწორი მიდგომები, რასაც გამოავლენს გერმანული მხარე როგორღაც მოახდენს იმ ნეგატივის გადაფარვას, რაც დაგროვდა უკანასკნელი ბოლო წლების განმავლობაში ელჩ პეტერ ფიშერის საქმიანობის კვალდაკვალ ჩვენს ქვეყნებს შორის ურთიერთობების კუთხით“, - განაცხადა ჭეიშვილმა.ალექსანდრე კარტოზიამ გერმანიის ფედერალურ პრეზიდენტს, ფრანკ-ვალტერ შტაინმაიერს რწმუნებათა სიგელები გადასცა. პარალელურად კი დაახლოებით, წლინახევრის შემდეგ, გერმანიის საგარეო საქმეთა სამინისტროს ვებგვერდიდან წაიშალა ის არასწორი მონაცემები, სადაც საქართველოს მოქმედ პრეზიდენტად სალომე ზურაბიშვილი იყო მოხსენიებული.ამ მოვლენებს წინ უსწრებდა პეტერ ფიშერის დიპლომატიური საქმიანობის დასრულება საქართველოში.

პოლიტიკა • 1784806588

ირაკლი ზარქუა გერმანიის პრეზიდენტისთვის რწმუნებათა სიგელების გადაცემაზე: ეს ნიშნავს, რომ გერმანიის ყოფილი ელჩი იყო მუხრუჭი ქართულ-გერმანულ ურთიერთობებში - კიდევ გვყავს რამდენიმე ელჩი, რომელიც უსამშობლოების მხარდამჭერია

საქართველოს საგანგებო და სრულუფლებიანმა ელჩმა გერმანიის ფედერაციულ რესპუბლიკაში, ალექსანდრე კარტოზიამ, გერმანიის პრეზიდენტს რწმუნებათა სიგელები გადასცა. პარალელურად, გერმანიის საგარეო საქმეთა სამინისტროს ოფიციალურ საიტზე წაიშალა გვერდი, სადაც სალომე ზურაბიშვილი საქართველოს მოქმედ პრეზიდენტად იყო მოხსენიებული."ქართულ ოცნებაში" იმედოვნებენ, რომ გერმანია-საქართველოს ურთიერთობა ისტორიულ ნიშნულს დაუბრუნდება. მმართველი გუნდი გერმანული მხარისგან სიტუაციის გამოსწორების მცდელობაზე საუბრობს.„გვყავდა გერმანიის ელჩის, რომელიც იყო მხარდამჭერი რადიკალების, რომელიც იყო მხარდამჭერი ამ უსამშობლოები, რომელიც აქეზებდა მოლოტოვის კოქტეილებს, რომელიც აქეზებდა პარლამენტზე შტურმს, რომელმაც ვერ გაითავისა, რომ საქართველოს პრეზიდენტი არ იყო სალომე ზურაბიშვილი, არამედ იყო მიხეილ ყაველაშვილი და ამას შეგნებულად აკეთებდა. მათ შორის, იმ საგარეოს საიტებზე, გერმანულ საიტებზე, იქაც კი არ შეაცვლევინა. როგორც კი ჩამოშორდა ეს ადამიანი და გათავისუფლდა მათ შორის გერმანიის საელჩოც, უკვე დალაგებისკენ წავიდა.ჩვენი ელჩი, რომელიც 7 თვეზე მეტი ელოდებოდა თანხმობას, უკვე დღეს ხვდება გერმანიის პრეზიდენტს და ინიშნება ელჩად. მათ შორის, ის ცრუ ინფორმაციაც წაიშალა გერმანული საიტებიდან. ეს ნიშნავს, რომ ელჩი იყო მუხრუჭი ქართულ-გერმანულ ურთიერთობებში. ასეთი კიდევ გვყავს რამდენიმე ელჩი, რომელიც უსამშობლოების მხარდამჭერები არიან, რომელთაც ერთი სული აქვთ, რომ აქ რევოლუცია მოხდეს და შემდეგ თავიანთი ქვეყნის ინტერესების სასარგებლოდ ეს ქვეყანა ომში გახვიონ. ჩვენ ნანახი გვაქვს ეს კინო, ვიცით, ყველაზე გვაქვს ინფორმაცია, ამიტომ, არ გავატარებთ პარლამენტის დიასპორის კომიტეტის თავმჯდომარე ირაკლი ზარქუა.

პოლიტიკა • 1784805711

ჩვენს ელჩებს რწმუნებათა სიგელებს უნდა გადასცემდნენ დაუყოვნებლივ და არა 10 თვის ლოდინის შემდეგ - გიორგი შარაშიძე

საქართველოს საგანგებო და სრულუფლებიანმა ელჩმა გერმანიის ფედერაციულ რესპუბლიკაში, ალექსანდრე კარტოზიამ გერმანიის პრეზიდენტს რწმუნებათა სიგელები გადასცა.პარალელურად, გერმანიის საგარეო საქმეთა სამინისტროს ოფიციალურ საიტზე წაიშალა გვერდი, სადაც სალომე ზურაბიშვილი საქართველოს მოქმედ პრეზიდენტად იყო მოხსენიებული.პარლამენტის ფრაქცია „საქართველოსთვის“ წევრის, გიორგი შარაშიძის განცხადებით, საქართველოს ელჩისთვის რწმუნებათა სიგელები დაუყოვნებლივ უნდა გადაეცათ და არა 10-თვიანი ლოდინის შემდეგ. მისივე თქმით, ელჩს შექმნილ ვითარებასთან კავშირი არ აქვს და მმართველი გუნდი პასუხისმგებლობის მასზე გადატანას უსაფუძვლოდ ცდილობს.„ჩვენს ელჩებს რწმუნებათა სიგელებს უნდა გადასცემდნენ დაუყოვნებლივ და არა 10 თვის ლოდინის შემდეგ. მაგ ელჩი არაფერ შუაში არ არის, ასე რომ, ტყუილად ცდილობს „ოცნება“, ელჩს გადააბრალოს ყველაფერი“, - აცხადებს პარლამენტის ფრაქცია "საქართველოსთვის" წევრი გიორგი შარაშიძე.

პოლიტიკა • 1784781547

ახლა ბურთი გერმანიის მთავრობის მოედანზეა - ლევან მაჭავარიანი

დღეს საქართველოს ელჩი გერმანიის პრეზიდენტ შტაინ მაიერს რწმუნებათა სიგელს გადასცემს. ინფორმაციას გერმანიის პრეზიდენტის ადმინისტრაცია ავრცელებს.რწმუნებათა სიგელების გადაცემის ცერემონიის ჩანიშვნის პარალელურად, გერმანიის საგარეო საქმეთა სამინისტროს ოფიციალურ საიტზე წაიშალა გვერდი, სადაც სალომე ზურაბიშვილი საქართველოს მოქმედ პრეზიდენტად იყო მოხსენიებული."ქართული ოცნება" გერმანული მხარისგან სიტუაციის გამოსწორების მცდელობაზე საუბრობს. პარლამენტის ფრაქცია "ქართული ოცნების" თავმჯდომარის პირველი მოადგილე, ლევან მაჭავარიანი იმედს გამოთქვამს, რომ საქართველოსა და გერმანიას შორის ურთიერთობების ნორმალიზება გაგრძელდება."რასაც ახლა გერმანული მხარე აკეთებს, ამას ჰქვია საღ აზრზე დაბრუნება. ვიმედოვნებთ, რომ ეს მხოლოდ პირველი ნაბიჯებია.ჩვენ თავშეკავებულობას ვინარჩუნებდით, ვაცხადებდით, რომ ცალმხრივი მეგობრობის რეჟიმში ვიქნებოდით, ასეც გავაკეტეთ ყველაფერი. ახლა ბურთი გერმანიის მთავრობის მოედანზეა.ვიმედოვნებთ, რომ ისინი კონკრეტულ ნაბიჯებს გადადგამენ ჩვენი ქვეყნის მისამართით და სამართლიანობის ფარგლებში ჩასვამენ იმ დაზიანებულ ურთიერთობებს, რომელზეც ბატონმა ფიშერმა ასე იზრუნა", - განაცხადა ლევან მაჭავარიანმა.

პოლიტიკა • 1784781122

დაუბრუნდნენ რეალობას და წარსულში აღარ არიან ჩარჩენილნი - ირაკლი ქადაგიშვილი გერმანიაზე

დღეს საქართველოს ელჩი გერმანიის პრეზიდენტ შტაინ მაიერს რწმუნებათა სიგელს გადასცემს. ინფორმაციას გერმანიის პრეზიდენტის ადმინისტრაცია ავრცელებს.რწმუნებათა სიგელების გადაცემის ცერემონიის ჩანიშვნის პარალელურად, გერმანიის საგარეო საქმეთა სამინისტროს ოფიციალურ საიტზე წაიშალა გვერდი, სადაც სალომე ზურაბიშვილი საქართველოს მოქმედ პრეზიდენტად იყო მოხსენიებული.უმრავლესობაში კი იმედოვნებენ რომ გერმანია-საქართველოს შორის ურთიერთობა ისტორიულ ნიშნულს დაუბრუნდება. "ქართული ოცნება" გერმანული მხარისგან სიტუაციის გამოსწორების მცდელობაზე საუბრობს. ხელისუფლება მზად არის, რომ გერმანიასთან ურთიერთობა სუფთა ფურცლიდან დაიწყოს.პარლამენტის რეგიონული პოლიტიკის კომიტეტის თავმჯდომარის, ირაკლი ქადაგიშვილის განცხადებით, გერმანიის საგარეო საქმეთა სამინისტროს ოფიციალური საიტზე განახლებული ინფორმაცია ურთიერთობების ნორმალიზების ნიშანია."დაუბრუნდნენ რეალობას და წარსულში აღარ არიან ჩარჩენილნი. საგარეო საქმეთა სამინისტროს ოფიციალური საიტი მიგვანიშნებს იმაზე, რომ მომავლისკენ იხედებიან. იმედი გვაქვს, რომ დღეს ვითარება იცვლება. ჩვენი ელჩის უფლებამოსილებაში შესვლა, რა თქმა უნდა, ძალიან მნიშვნელოვანია, მათ შორის პოლიტიკური კონტაქტების განახლების კუთხითაც. ველოდებით, საპასუხო ნაბიჯს, რომ საქართველოში გერმანიის ახალი ელჩი დაინიშნება", - განაცხადა ირაკლი ქადაგიშვილმა.