პოლიტიკა • 1786966882

ნიკოლოზ მეტრეველი ოპოზიციის წარმომადგენლების განცხადებაზე: აფხაზეთი „ტვირთი“ არ არის. საქართველოს ტერიტორიული მთლიანობა „მძიმე წარსული“ არ არის და ქართველი ხალხის საერთო ტრაგედია ვერ გახდება პოლიტიკური ვაჭრობის საგანი

ჯერ ოკუპაციას ხსნიან „რთული ისტორიული რეალობით“, მერე ცდილობენ შეგვაჩვიონ აზრს, რომ საკუთარ მიწაზე უარის თქმა თურმე „პრაგმატიზმია“. ოპოზიციაში, კაპიტულაციას რაც არ უნდა ლამაზი სიტყვები დაარქვათ, კაპიტულაციად დარჩება- წერს ანალიტიკოსი ნიკოლოზ მეტრეველი ოპოზიციის წარმომადგენლების მიერ აფხაზეთზე გაკეთებული განცხადებების შესახებ. მისი თქმით, ტრავმის გააზრება არ ნიშნავს ქვეყნის დაშლასთან შეგუებას და წარსულზე საუბარი არ ნიშნავს მომავლის ჩაბარებას. აფხაზეთზე ოპოზიციის ახალი გრანდ-ნარატივი უკვე იმდენად გამჭვირვალეა, რომ მის უკან დამალვა აღარ გამოდის: ჯერ ოკუპაციას ხსნიან „რთული ისტორიული რეალობით“, მერე ცდილობენ შეგვაჩვიონ აზრს, რომ საკუთარ მიწაზე უარის თქმა თურმე „პრაგმატიზმია“.ოპოზიციაში, კაპიტულაციას რაც არ უნდა ლამაზი სიტყვები დაარქვათ, კაპიტულაციად დარჩება. ტრავმის გააზრება არ ნიშნავს ქვეყნის დაშლასთან შეგუებას. წარსულზე საუბარი არ ნიშნავს მომავლის ჩაბარებას. შერიგება არ ნიშნავს საკუთარი ტერიტორიული მთლიანობის იდეის ხელის აღებით დაწყებას.ყველაზე ცინიკური კი ის არის, რომ ოკუპანტის პასუხისმგებლობის ნაცვლად სულ უფრო ხშირად საქართველოს პასუხისმგებლობაზე გვესაუბრებიან. თითქოს პრობლემა ის არის, რომ საქართველო საკუთარ ტერიტორიაზე დაბრუნებას ითხოვს. აფხაზეთი „ტვირთი“ არ არის. საქართველოს ტერიტორიული მთლიანობა „მძიმე წარსული“ არ არის. და ქართველი ხალხის საერთო ტრაგედია ვერ გახდება პოლიტიკური ვაჭრობის საგანი.“- წერს ნიკოლოზ მეტრეველი სოციალურ ქსელში.

პოლიტიკა • 1786958663

ლადო სადღობელაშვილი: აფხაზეთი არ არის პოლიტიკური ვაჭრობის საგანი ან "ისტორიული ტვირთი". ტერიტორიული მთლიანობა და 1990-იანი წლების ისტორიული მეხსიერება არის წითელი ხაზი, რომლის გადახედვასაც ქართველი ხალხი არც შინაურ და არც გარეშე აქტორებს არ აპატიებს

ანალიტიკოსი ლადო სადღობელაშვილი სოციალურ ქსელში ოპოზიციონერი პოლიტიკოსების განცხადებებს ეხმიანება და აღნიშნავს, რომ ქართულ პოლიტიკურ სივრცეში აფხაზეთის თემასთან დაკავშირებით ახალი, ტრანსფორმირებული ნარატივი იკვეთება, რაც საზოგადოებისთვის ე.წ. „პრაგმატული შეგუების“ იდეოლოგიის თავს მოხვევას გულისხმობს.მისი განცხადებით, ტერიტორიული მთლიანობის აღდგენა სახელმწიფოებრივი დისკურსის უპირობო წითელი ხაზი იყო, თუმცა დღეს გარკვეული ჯგუფები ამ პოზიციის გადახედვას ცდილობენ. სადღობელლაშვილი რამდენიმე ძირითად საფრთხეს გამოყოფს."ბოლო პერიოდში ქართულ პოლიტიკურ ველზე აფხაზეთის თემასთან დაკავშირებით მკვეთრად იკვეთება ახალი, ტრანსფორმირებული ნარატივი. თუკი აქამდე ტერიტორიული მთლიანობის აღდგენა სახელმწიფოებრივი დისკურსის უპირობო წითელი ხაზი იყო, დღეს გარკვეული ჯგუფების მხრიდან შეიმჩნევა მცდელობა, საზოგადოებას თავს მოეხვას ე.წ. "პრაგმატული შეგუების" იდეოლოგია.- საშიში ტენდენციები:1) სომხური სცენარის ბრმა კოპირება. იქნება ეს პასპორტის შტამპიდან არარატის სიმბოლიკის წაშლა თუ ყარაბაღზე უარის თქმა „მეზობლებთან ურთიერთობის დარეგულირების“ საბაბით -საქართველოსთვის პირდაპირ საფრთხეს შეიცავს. ყარაბაღის მოდელის ქართულ რეალობაზე მორგება ნიშნავს იმის აღიარებას, რომ ტერიტორიების დათმობა მშვიდობის ერთადერთი ფასია. ამას გვთავაზობს გვარამია!2) ასევე გვარამიას ნარატივია: „რეალიზმის“ ნიღაბქვეშ შეპარული კაპიტულაციური დისკურსი„წარსულისთვის თვალის გასწორების“, „ტრავმულ მეხსიერებაზე ღია დისკუსიისა“ და „მტკივნეულ სიმართლეზე ლაპარაკის“ ლოზუნგებით ხდება საზოგადოებრივი აზრის მომზადება. ამ ტაქტიკის მთავარი მიზანია, ქართველ ხალხს აფხაზეთი არა ეროვნულ ამოცანად, არამედ „მძიმე ტვირთად“ და მოუგვარებელ პრობლემად წარმოუდგინონ, რომლისგან გათავისუფლებაც ვითომდა ქვეყნის განვითარების წინაპირობაა.3) საკუთარი სახელმწიფოს დაკნინება და ოკუპაციის რაციონალიზაციასალომე სამადაშვილისა და სხვა ფიგურანტების განცხადებები, თითქოს საქართველოს აფხაზეთისთვის „არაფერი აქვს შესათავაზებელი“, ხოლო ქართული კანონმდებლობა და გარემო „უფრო რეპრესიულია, ვიდრე რუსეთისა და აფხაზეთის“, წარმოადგენს საკუთარი სახელმწიფოს პირდაპირ დისკრედიტაციას. ეკონომიკური და სამართლებრივი რეალობის ასეთი დამახინჯება ემსახურება ოკუპანტის პოზიციების გაძლიერებას და აფხაზურ საზოგადოებაში საქართველოს მიმართ შიშებისა და უნდობლობის ხელოვნურად კვებას.4. ეროვნული ტრავმის გაუფასურების მცდელობა1990-იანი წლების კონფლიქტი და აფხაზეთის დაკარგვა მხოლოდ ტერიტორიული დანაკარგი არ არის, ეს არის ეროვნული ტრაგედია, ასეულობით ათასი დევნილის ტკივილი და სახელმწიფოებრივი ღირსების საკითხი, რომელიც მთელ ერს აერთიანებს. ამ მეხსიერების „მოდერნიზებული“ გადაფასების მცდელობა ეროვნული კონსენსუსის რღვევისკენ გადადგმული ნაბიჯია.ქართული სახელმწიფოსა და საზოგადოებისთვის აფხაზეთი არ არის პოლიტიკური ვაჭრობის საგანი ან „ისტორიული ტვირთი“. ნებისმიერი მცდელობა, ფაშინიანის კაპიტულანტური მოდელი შეფუთული იქნას „პროგრესულ პოლიტიკად“, ეჯახება უმთავრეს რეალობას: საქართველოს ტერიტორიული მთლიანობა და 1990-იანი წლების ისტორიული მეხსიერება არის წითელი ხაზი, რომლის გადახედვასაც ქართველი ხალხი არც შინაურ და არც გარეშე აქტორებს არ აპატიებს." - წერს სადღობელაშვილი.

პოლიტიკა • 1786886598

ოკუპირებულ აფხაზეთში შექმნილი კრიზისის დროს საწვავის მიწოდების გარშემო ატეხილმა ისტერიკამ კიდევ ერთხელ გააშიშვლა რადიკალური, ანგაჟირებული და ანტიეროვნული ოპოზიციის სახე - რა არის ეს თუ არა შერიგების პროცესის საბოტაჟი?! - ლადო სადღობელაშვილი

ოკუპირებულ აფხაზეთში შექმნილი კრიზისის დროს საწვავის მიწოდების გარშემო ატეხილმა ისტერიკამ კიდევ ერთხელ გააშიშვლა რადიკალური, ანგაჟირებული და ანტიეროვნული ოპოზიციის სახე, - წერს ანალიტიკოსი, ლადო სადღობელაშვილი, სოციალურ ქსელში.სადღობელაშვილის თქმით, ოპოზიციის მხრიდან მსგავსი ქმედებები სიახლეს არ წარმოადგენს, რამდენადაც აღნიშნულ მავნებლურ ქმედებას საფუძველი წლების წინ ჩაეყარა, რასთან დაკავშირებითაც ის ვრცლად საუბრობს საკუთარ პოსტში.მისივე შეფასებით, ქართული ოპოზიციის გადადგმული ნაბიჯები სხვა არაფერია თუ არა “შერიგების პროცესის საბოტაჟი.”„- ოკუპირებულ აფხაზეთში შექმნილი კრიზისის დროს საწვავის მიწოდების გარშემო ატეხილმა ისტერიკამ კიდევ ერთხელ გააშიშვლა რადიკალური, ანგაჟირებული და ანტიეროვნული ოპოზიციის სახე.- როდესაც საუბარია ჩვენს დროებით ოკუპირებულ ტერიტორიაზე მცხოვრებ მოქალაქეებთან ნდობის აღდგენაზე, ჰუმანიტარულ თუ ეკონომიკურ ხიდებზე, ოპოზიციური აგენტურა და მათი აქტივისტები მხოლოდ სიძულვილსა და ბზარის გაღრმავებას თესავენ.- ეს ტენდენცია ახალი არ არის… ამ მავნებლურ მიდგომას საფუძველი ჯერ კიდევ წლების წინ ჩაეყარა. გახსოვთ ალბათ, როგორ აჟღერებდა თინა ხიდაშელი იდეას, რომ NATO-ში შესვლა აფხაზეთსა და ცხინვალის რეგიონზე მე-5 მუხლის გავრცელების გარეშე „ერთადერთი პრაგმატული გზაა”, იგი ამბობდა ვციტირებ “… აფხაზეთით თუ აფხაზეთის გარეშე – ეს ჩემთვის ყველაზე მცირე პრობლემაა“. ანუ პირდაპირ გვთავაზობდნენ აფხაზეთზე დროებით თუ სამუდამოდ უარის თქმას და ტერიტორიების გარეშე „დასავლურ გაერთიანებებში“ სვლას. საბედნიეროდ მე იმ დროს ამ ანტიეროვნული “იდეის” მხარდამჭერი ქართველი არ მინახავს, თუმცა ახლა 12 წლის თავზე ასეთებიც გამოჩნდნენ! ნაცვლად იმისა, რომ მხარი დაუჭირონ ენგურს მიღმა მცხოვრები ჩვენი თანამოქალაქეების დახმარებას , იქნება ეს ელექტროენერგია, უფასო ჯანდაცვის პროგრამები თუ კრიზისის დროს საწვავის მიწოდება, ოპოზიციური აქტივისტები ისტერიკას აწყობენ. სოციალურ ქსელებში პირდაპირ გვესმის რადიკალებისგან მოწოდებები, თითქოს უკრაინულმა დრონებმა საწვავმზიდები უნდა დაბომბონ და ნებისმიერი ჰუმანიტარული თუ ბიზნესნაბიჯი „ოკუპანტის დახმარებად“ გამოაცხადონ.- რა არის ეს თუ არა შერიგების პროცესის საბოტაჟი?! ოპოზიციის წარმომადგენლები, მაგალითად რომან გოცირიძე, ყოველგვარ ჰუმანიტარულ და შერიგების მცდელობას „კანონდარღვევად“ და „სანქციების გვერდის ავლად“ აფასებს.- ეს ადამიანები ყველაფერს აკეთებენ იმისთვის, რომ ქართველებსა და აფხაზებს შორის ბზარი უფრო გაღრმავდეს. მათ არ აინტერესებთ ქვეყნის გამთლიანება – მათთვის მთავარია საკუთარი ვიწრო პოლიტიკური დივიდენდები და დონორების დავალებების შესრულება.- საქართველოს გამთლიანება გადის მხოლოდ და მხოლოდ ნდობის აღდგენასა და ზრუნვაზე, და არა მტრობის გაღვივებაზე!Ps ისე კარგი იქნება თუ მოვისმენდით აგონიაში მყოფი ოპოზიციისგან აფხაზეთის და სამაჩაბლოს დაბრუნების გზას-გეგმას! თუ რა თქმა უნდა დაბრუნების სურვილი აქვთ…”, - წერს სადღობელაშვილი.

პოლიტიკა • 1786706678

საქართველოში რუსოფობია საყოფაცხოვრებო დონეზე არასდროს ყოფილა - თამარ კეკენაძე

რუსოფობიის გაღვივების მცდელობა და ჰიბრიდული ომის ახალი ტალღა - მმართველი გუნდი აცხადებს, რომ გლობალური ძალები ცდილობენ, რუსეთის მეზობელ ქვეყნებში ანტირუსული მუხტი არასდროს შენელდეს, საქართველო კი მუდმივი ეკონომიკური და სამხედრო საფრთხის წინაშე იყოს.საპირისპიროს ამტკიცებენ ოპოზიციაში. პარტია „გახარია საქართველოსთვის“ პოლიტიკური საბჭოს წევრის, თამარ კეკენაძის თქმით, საქართველოში რუსოფობია საყოფაცხოვრებო დონეზე არასდროს ყოფილა."საქართველოში რუსოფობია საყოფაცხოვრებო დონეზე არასდროს ყოფილა. 2008 წლის შემდეგ, რაც საქართველოს ტერიტორიები ოფიციალურად გახდა ოკუპირებული, რუსეთის არის ოკუპანტი. როგორც სახელმწიფოს, კრემლის, ოკუპანტის წინააღმდეგ არ შეცვლილა დამოკიდებულება", - განაცხადა თამარ კეკენაძემ.

პოლიტიკა • 1786538760

ირაკლი კობახიძე: რუსეთის ხელისუფლებამ აწარმოა პოლიტიკა, რომელმაც შედეგად მოიტანა ტერიტორიების ოკუპაცია, ამასთან დაკავშირებით ძალიან მკაცრი პოზიცია გვაქვს

როდესაც ადამიანები ცდილობენ, პოლიტიკა გადაიტანონ ხალხთაშორის ურთიერთობებში, ეს არის უბრალოდ შეგნებული ნაბიჯი საკუთარი ქვეყნის ეროვნული ინტერესების წინააღმდეგ, – ამის შესახებ საქართველოს პრემიერ-მინისტრმა, ირაკლი კობახიძემ დღევანდელ ბრიფინგზე განაცხადა.როგორც მთავრობის მეთაურმა აღნიშნა, ხალხზე პოლიტიკის გადატანა არის ყველაზე აბსურდული რამ, რაც შეიძლება, გააკეთო და ამას აკეთებს უცხოური აგენტურა და პარტიული აქტივი.„ჩემთვის არის ერთი განწყობა მისაღები – პირველ რიგში, უნდა გაიმიჯნოს ერთმანეთისგან ის პოლიტიკა, რომელსაც აწარმოებს კონკრეტული ხელისუფლება და რამაც მოიტანა ჩვენი ტერიტორიების ოკუპაცია. რუსეთის ხელისუფლებამ აწარმოა პოლიტიკა, რომელმაც საბოლოო ჯამში შედეგად მოიტანა ტერიტორიების ოკუპაცია. ამასთან დაკავშირებით ჩვენ გვაქვს ძალიან მკაცრი პოზიცია და ეს პოზიცია არის კონკრეტული მკაცრი პოლიტიკური ნაბიჯებით გამოხატული. რაც შეეხება რუს ხალხს, მათ შორის რუს ტურისტს, რუსულ კულტურას და ა.შ. როდესაც ადამიანები ცდილობენ, რომ პოლიტიკა გადაიტანონ ხალხთაშორის ურთიერთობებში, ეს არის უბრალოდ შეგნებული ნაბიჯი საკუთარი ქვეყნის ეროვნული ინტერესების წინააღმდეგ. თავის დროზე, როდესაც ბრიფინგებს ვატარებდით რუსოფობიასთან დაკავშირებით, 2022 წელსაც მოგვიწია არაერთი ბრიფინგის ჩატარება, გამოდიოდნენ თქვენი წარმომადგენლები და ამბობდნენ, რომ რუსებთან მიმართებით ქსენოფობია კარგია და სწორია, რადგან ყველა რუსი ოკუპანტიაო, ამას ამბობდნენ.მახსოვს, ბავშვი როცა ვიყავი 80-იან წლებში, 40 წლის მომხდარი იყო მაშინ მსოფლიო ომი. გერმანელები ეგონათ ცუდი ხალხი, ჰიტლერი და გერმანიის ხელისუფლება კი არა, გერმანელები ეგონათ ცუდი ხალხი. როდესაც საბჭოთა კავშირი კონკრეტულ ნაბიჯებს დგამდა, მაგალითად, უნგრეთის ოკუპაცია, ჩეხოსლოვაკიის ოკუპაცია, მაშინ იქაც შეიძლება, ეგონათ საბჭოთა ხალხი ცუდი ხალხი, მათ შორის ქართველები ცუდი ხალხი. ხალხზე პოლიტიკის გადატანა არის ყველაზე აბსურდული რამ, რაც შეიძლება, გააკეთო. ამას აკეთებთ თქვენ, უცხოური აგენტურა, პარტიული აქტივი. თქვენ ცდილობთ, რომ რუს ხალხზე გადაიტანოთ ის უმძიმესი პოლიტიკური მოცემულობა, რაც ჩამოყალიბდა, მათ შორის იმ დანაშაულის გამო, რომელიც ჩაიდინა რუსეთის ფედერაციამ ოკუპაციის სახით“, – განაცხადა პრემიერმა.

პოლიტიკა • 1786445558

მიხეილ ყაველაშვილი: ანწუხელიძისა და შინდისის ბიჭების გმირობის შემდეგ მაშინდელი ხელისუფლება დაუთბა რუსეთს, მაშინ არც ანწუხელიძე ახსოვდათ და არც შინდისის გმირები

ხოშტარია-ჯაფარიძე გამოდიოდნენ, რუსულ ფულს სუნი არა აქვსო და ჩვენ მივესალმებით რუსულ ინვესტიციებს და რუს ტურისტებს საქართველოშიო. დღეს ეს უტიფარი ხალხი საერთოდ გვიშლის საუბარს, პირდაპირ რუსოფობიით არიან დაკავებული, – ამის შესახებ საქართველოს პრეზიდენტმა, მიხეილ ყაველაშვილმა განაცხადა.მისივე თქმით, საქართველოს დღევანდელი ხელისუფლება არავის კარნახით მოქმედებას არ დაუშვებს.„„ნაციონალურმა მოძრაობისთვის“ რუსეთი ოკუპანტი არ გამხდარა. რუსეთი გახდა მათთვის პარტნიორი, მსოფლიო სავაჭრო ორგანიზაციაში რომ საქართველოს ხმა სჭირდებოდათ, მათ მიიღეს ეს ხმა. რუსეთი გახდა მფლობელი ჩვენი სტრატეგიული ობიექტების, რომლებიც პირდაპირი წესით მიყიდეს. ხოშტარია, ჯაფარიძე გამოდიოდნენ, რუსულ ფულს სუნი არა აქვსო და ჩვენ მივესალმებით რუსულ ინვესტიციებს და რუს ტურისტებს საქართველოშიო. ორმაგ სტანდარტზე მაქვს საუბარი. ეს უტიფარი ხალხი, რომელიც დღეს საერთოდ გვიშლის საუბარს, პირდაპირ რუსოფობიით არიან დაკავებული, დაგვდევენ მიკროფონებით, რაიმე რომ წამოგვაცდევინონ, თითქოს  ჩვენ ვაღიარებთ და პარტნიორები ვართ რუსების.სწორედ ანწუხელიძის გმირობის, ამ ბიჭების გმირობის შემდეგ მაშინდელი ხელისუფლება დაუთბა რუსეთს. რატომ დაუთბა, იცით? იმიტომ, რომ დავალება იყო რუსეთთან პოლიტიკის დათბობა. მაშინ არც ანწუხელიძე ახსოვდათ და არც შინდისის გმირები. პირდაპირ ეგებებოდნენ ამ ადამიანებს ეს უსირცხვილოები. როცა დაკვეთა მიიღეს, მაშინ გახდა რუსეთი პარტნიორი. შემდეგ დაკვეთა მიიღეს, რომ უკრაინაში შეჭრის შემდეგ, აუცილებელი იყო აგრესია და აქ მეორე ფრონტის გახსნა. აქ არის ერთი „მაგრამ“, დღეს საქართველოს ჰყავს ეროვნული ინტერესის მატარებელი ხელისუფლება, რომელიც არაფრის დიდებით არ დაუშვებს არავის კარნახით მოქმედებას. საქართველოს ხელისუფლება იმოქმედებს ქართველი ხალხის ინტერესებიდან გამომდინარე და სწორედ აქ მიდის ბრძოლა“, – განაცხადა ყაველაშვილმა.ყაველაშვილის თქმით, მიხეილ სააკაშვილი აგენტურის ერთ-ერთი წარმომადგენელია, რომელიც თავის ზრახვებს არ მალავს.„მიხეილ სააკაშვილს რაც შეეხება, ამ პერსონასთან დაკავშირებით საქართველოს უმრავლესობა შეთანხმებულია. მისი ყოველი განაცხადი, ქმედება კარგად არის ყველასთვის დასანახი და კითხვის ნიშნები არ არსებობს. ჩვეულებრივი აგენტურის ერთ-ერთი წარმომადგენელია, რომელიც არც მალავს თავის ზრახვებს. დაავალეს, ჩაჯდა არაჟნების და ხაჭოს კონტეინერში და ისე გამოაგზავნეს საქართველოში; დაავალეს და განახორციელეს უგუნური ქმედება მაშინ, აგვისტოს დღეებში; დაავალეს და უთხრეს, არა, რუსეთი არ შეიძლება ახლა იყოს ოკუპანტი და მტერი, ის უნდა იყოს ახლა თქვენი პარტნიორი, მიეცით საშუალება გაწევრიანდეს მსოფლიო სავაჭრო ორგანიზაციაში“, – განაცხადა ყაველაშვილმა.როგორც მიხეილ ყაველაშვილმა აღნიშნა, რუსეთ-საქართველოს ომის შემდეგ კულტურის სფეროს წარმომადგენლები კრემლში უმღეროდნენ რუსეთს.„გაიხსენეთ ჯიმ რიშისა და ჯინ შაჰინის სიტყვები, 2012 წელს ჩვენ ვაიძულეთ სააკაშვილი, არჩევნები წაეგო და წასულიყოო. როგორ შეიძლება, დღეს, 18 წლის შემდეგ ანწუხელიძის პლაკატებით დარბოდე და ომიდან ორი წლის თავზე ლარსზე იდექი რუსი ტურისტების დასახვედრად, რუსეთს მიყიდე სტრატეგიული ობიექტები, სავიზო რეჟიმი ცალმხრივად გააუქმე და ინვესტიციებს ითხოვდი. ეს ქალბატონები და ბატონები, კულტურის მუშაკები ომის შემდეგ იქ, კრემლში უმღეროდნენ რუსეთს. არ ვიცი, რა დავარქვა ამ ხალხს. უსამშობლოები, მე მგონი, ყველაზე კარგი ეპითეტია“, – აღნიშნა ყაველაშვილმა.

საზოგადოება • 1786214880

7 თუ 8 აგვისტო, მანიპულაცია აგვისტოს ომის თარიღით - რატომ გადმოწია "ნაციონალურმა მოძრაობამ" ომის დაწყების თარიღი და რატომ მოაწერა ხელი ევროსაბჭოს რეზოლუციას

2008 წლიდან 18 წლის თავზე, უკვე სამართლებრივად დადასტურებულია ვინ არის ომის დამნაშავე - რუსეთი ოკუპანტია. ეს სტრასბურგშიც დადგინდა და ჰააგაშიც. ამიტომ, ხელისუფლება უკვე ქვეყნის შიგნით, ყოფილ ხელისუფლებას სთხოვს პასუხს ისეთ საკითხებზე, რომლის უარყოფაც თავად საერთაშორისო სასამართლოებში უწევდა.რატომ დაეთანხმნენ რეზოლუციას, რომლის მეხუთე პუნქტშიც ეწერა, რომ "7 აგვისტოს საქართველოს სამხედროების მიერ ცხინვალის გაუფრთხილებლად დაბომბვამ კონფლიქტის ესკალაცია ახალ ეტაპზე გადაიყვანა: ღია და სრულმასშტაბიან ომამდე". რატომ აბრალებდნენ ქართულ ჯარს ომის დანაშაულს? რატომ დაიწყეს ომის დაწყების თარიღის აღნიშვნა 20014 წლიდან, 8 აგვისტოს ნაცვლად, 7-ში, როდესაც საკუთარ ბრძანებულებაში სააკაშვილი თავად წერს, რომ რუსული ძალები საქართველოს ტერიტორიაზე როკის გვირაბის გავლით, სწორედ 8 აგვისტოს შემოვიდნენ, როგორც ეს ევროსაბჭოს რეზოლუციაშიც წერია? - "ნაციონალური მოძრაობის" მისამართით არსებული ეს კითხვები წლებია ღიად რჩება.სააკაშვილის და მისი რეჟიმის ღალატი ვერ გადაფარავს ფაქტს, რომ რუსეთი ოკუპაციას ახორციელებს - აცხადებს პრემიერ-მინისტრი. მმართველ გუნდში ამბობენ, რომ ყოფილი სახელისუფლებო პარტია ომის დაწყების თარიღის შეცვლით, ვერ აირიდებს პასუხისმგებლობას, რომელიც აგვისტოს მოვლენებიდან 2 თვეში, რეზოლუციის მხარდაჭერითაც აიღო.მუხათგვერდის ძმათა სასაფლაოზე დღეს მხოლოდ ხელისუფლების წარმომადგენლები და ომში დაღუპულთა ახლობლები იმყოფებოდნენ. ომის დაწყების თარიღის მსგავსად, ოპოზიციას განსხვავებულად ესმის ევროსაბჭოს რეზოლუციის შინაარსიც."ნაციონალურ მოძრაობას" საერთაშორისო სასამართლოებში გამარჯვებაზე აპელირების მორალური უფლება არ აქვს - ამბობს უმრავლესობა. მათი თქმით, სამართლებრივ დავაში ოკუპანტი ქვეყანა საკუთარი აგრესიის გასამართლებლად სწორედ სააკაშვილის გუნდის ხელმოწერილ დოკუმენტს იყენებდა, ევროსაბჭოს რეზოლუციის კონკრეტული პუნქტები კი, ქართული ჯარის უდანაშაულობასთან ერთად, საფრთხეს არაღიარების პოლიტიკასაც უქმნიდა.2008 წლის აგვისტოს მოვლენებს პარლამენტის დროებითი საგამოძიებო კომისია რამდენიმე თვის განმავლობაში სწავლობდა. სწორედ ამ კომისიის დასკვნა უდევს საფუძვლად სარჩელს, რომელიც სასამართლოში "ნაციონალური მოძრაობისა" და მასთან დაკავშირებული პარტიების არაკონსტიტუციურად გამოცხადებასთან დაკავშირებით შევიდა.

პოლიტიკა • 1786188524

საქართველოს პრეზიდენტი: ჩვენ ძლიერი საზოგადოება ვართ. სამწუხაროდ, მძიმე გამოცდილება გავიარეთ და მივიღეთ აგვისტოს ომის ტრაგედია, თუმცა დღეს საქართველო გაძლიერებულია

„ჩვენ ძლიერი საზოგადოება ვართ. სამწუხაროდ, მძიმე გამოცდილება გავიარეთ და მივიღეთ აგვისტოს ომის ტრაგედია, თუმცა დღეს საქართველო გაძლიერებულია. დღეს გვყავს ხელისუფლება, რომელიც არაფრის დიდებით არ დაუშვებს საქართველოში მსგავსი დღეების განმეორებას“, - საქართველოს პრეზიდენტმა, მიხეილ ყაველაშვილმა 2008 წლის აგვისტოს ომის მე-18 წლისთავთან დაკავშირებით მედიასთან საუბრისას ომის შედეგები და იმ პერიოდში ხელისუფლების მიერ გადადგმული ნაბიჯები შეაფასა.პრეზიდენტის განცხადებით, ასეულობით ადამიანის სიცოცხლე, დაკარგული სოფლები, ქვეყნის ტერიტორიების ოკუპაცია და კოდორის ხეობის დაკარგვა ის ტრაგიკული მოვლენებია, რომელთა წინაშეც მაშინდელ ხელისუფლებას სახელმწიფოებრივი პასუხისმგებლობა არ გამოუჩენია.მიხეილ ყაველაშვილმა გაიხსენა ომში დაღუპული ქართველი სამხედროების გადმოსვენებაში სრულიად საქართველოს კათოლიკოს-პატრიარქის, ილია II-ის ფასდაუდებელი წვლილი და ხაზი გაუსვა იმ კონტრასტს, რომელიც ომის შემდგომ პერიოდში საზოგადოების გლოვასა და მაშინდელი ხელისუფლების საზეიმო მოქმედებებს შორის არსებობდა.პრეზიდენტის შეფასებით, წინააღმდეგობრივი იყო ომის შემდეგ წინა ხელისუფლების მიერ რუსეთის მიმართ გატარებული პოლიტიკაც. მისი თქმით, აგვისტოს ომის შემდგომ პერიოდში გადაიდგა ნაბიჯები რუსეთთან ეკონომიკური და სხვა სახის ურთიერთობების გასაფართოებლად, მოგვიანებით კი რუსეთისადმი ეს დამოკიდებულება რადიკალურად შეიცვალა.„როცა აწამებდნენ ანწუხელიძეს და ჩვენი გმირები ქუჩაში ეყარნენ, ამაზე ხმა არ ამოუღიათ. დღეს, როცა უკრაინაში შეიჭრა რუსეთი, მაშინ გახდა თურმე რუსეთი ოკუპანტი და მაშინ გაგვახსენდა ანწუხელიძე? ამას ქართველი საზოგადოება არ მიიღებს“, - განაცხადა მიხეილ ყაველაშვილმა.საქართველოს პრეზიდენტის თქმით, აგვისტოს ომი ქვეყნისთვის უმძიმესი ისტორიული გამოცდილებაა, რომლის სიღრმისეული გააზრებაც სახელმწიფოს დღევანდელი პოლიტიკისთვის პრინციპულ მნიშვნელობას ატარებს.

პოლიტიკა • 1786181655

ქართველ ჯარისკაცებს, ამ ჯარისკაცებს, რომელთა ხსოვნის პატივისცემის ნიშნადაც დღეს აქ ვიმყოფებით, „ნაციონალურმა მოძრაობამ“ ომის დანაშაულების ჩადენა დააბრალა. ეს გააკეთეს 2008 წელს - შალვა პაპუაშვილი

„ამ ჯარისკაცებს, რომელთა ხსოვნის პატივისცემის ნიშნადაც დღეს აქ ვიმყოფებით, „ნაციონალურმა მოძრაობამ“ ომის დანაშაულების ჩადენა დააბრალა. ეს გააკეთეს 2008 წელს“, - განუცხადა ჟურნალისტებს საქართველოს პარლამენტის თავმჯდომარე შალვა პაპუაშვილმა მუხათგვერდის ძმათა სასაფლაოზე.პაპუაშვილის თქმით, „ქართული ოცნება“ წლების განმავლობაში სააკაშვილის გაფუჭებული საქმის გამოსწორებით იყო დაკავებული.„ეს არის დამტკიცებული. ვინც ბევრს ლაპარაკობს და სინამდვილეში აკეთებს ზუსტად ოკუპანტის საქმეს, ეტყობა კიდეც გია ბარამიძეს თავის განცხადებებში. ჩვენ არათუ ვსაუბრობთ, არამედ დავამტკიცეთ სასამართლო პროცესებით. ვინ დაამტკიცა სასამართლო წესით, რომ რუსეთი არის ოკუპანტი? - „ქართულმა ოცნებამ“ სტრასბურგის სასამართლოში. ვინ დაამტკიცა, რომ რუსეთმა 2008 წელს ჩაიდინა ომის დანაშაულები? - „ქართულმა ოცნებამ“ ჰააგის სასამართლოში. ასე, რომ ეს არის, რასაც აკეთებს „ქართული ოცნება“. სააკაშვილის გაფუჭებული საქმის გამოსწორებით იყო დაკავებული წლების განმავლობაში. ფაქტობრივად, ეს პროცესები, როგორც სტრასბურგში, ისე ჰააგაში, იყო უიმედო. უიმედო იმიტომ, რომ მტკიცებულებები ჰქონდათ გაფლანგული, გატანილი, გადაცემული სხვა ქვეყნებისთვის. თავისი მიზნებისთვის და არა საქართველოს მიზნებისთვის. ამ ყველაფრის შემობრუნება მოუწია „ქართული ოცნების“ ხელისუფლებას, იუსტიციის სამინისტროს. მოვიგეთ ყველა სასამართლო პროცესი, რომელიც დიდი ალბათობით განზრახაც იყო ასე გაკეთებული, რომ საბოლოოდ საქართველო დამარცხებულიყო ისევე, როგორც მთლიანად „ნაციონალური მოძრაობის“ რეჟიმის სულისკვეთება არის ხოლმე, მაგრამ შემოტრიალდა და პირიქით, ეს შეძლო „ქართულმა ოცნებამ“, რომ დაამტკიცა ოკუპაციაც და დაამტკიცა რუსეთი მიერ დანაშაულების ჩადენაც“, - აღნიშნა პარლამენტის თავმჯდომარემ.

პოლიტიკა • 1786174200

ადამიანები, რომლებიც 2008 ის მერე რუსეთში მღეროდნენ, 2022 წლიდან, ვისაც რუსეთში არასდროს უმღერია იმათ ეძახდნენ ,,რუსებს”… დღეს კი ვხედავ, საკუთარი ქვეყნის ,,საბოტაჟნიკები” როგორ დადიან იგივე მთავრობის პირობებში და ათამაშებენ კურტუმებს კონცერტებზე- რა შეცვალეთ, რა გამღერებთ? ტერიტორიები დაიბრუნეთ თუ რუსეთი დაამარცხეთ უკრაინაში? - რეზო ბლიაძე

მუსიკოსი რეზო ბლიაძე ოპოზიციის ნაწილსა და მათ მხარდამჭერ არტისტებს ორპირულ და უპრინციპო ქცევაში ადანაშაულებს. ის სოციალურ ქსელში პოსტს აქვეყნებს, სადაც ბოლო წლების პოლიტიკურ მოვლენებსა და კულტურის სფეროში შექმნილ პროცესებს ეხმაურება. ბლიაძის თქმით, ადამიანები, რომლებიც ხელისუფლების წარმომადგენლებს „რუსებს“ ეძახდნენ, სახელმწიფო ინსტიტუტებს არ აღიარებდნენ და კულტურულ ღონისძიებებს ჩაშლით ემუქრებოდნენ, დღეს ჩვეულებრივად აგრძელებენ კონცერტებში მონაწილეობას იმავე ხელისუფლების პირობებში. მუსიკოსი იხსენებს კონკრეტულ ეპიზოდებსაც, მათ შორის ორბელიანის მოედანზე გამართულ ღონისძიებასა და პარლამენტთან საახალწლო ნაძვის ხის ანთების პროცესს, რომელთა ჩაშლაშიც, მისი თქმით, ოპოზიციურად განწყობილი ჯგუფები და ყოფილი პრეზიდენტი სალომე ზურაბიშვილი მონაწილეობდნენ.„2-3 წელი არ გასულა საქართველოს ბოლო არჩევნებიდან. მახსენდება როგორ მტრობდნენ და ,,აბოზებდნენ” საკუთარ სახელმწიფოს. არ აღიარებდნენ პრეზიდენტს. არ აღიარებდნენ პარლამენტს. საკუთარ ხელისუფლებას ეძახდნენ ,,რუსებს” და ადანაშაულებდნენ ოკუპანტთან ,,თანამშრომლობაში” ამბობდნენ: საქართველო რუსეთის უკანა ეზოა და რუსეთში მიგვათრევენო. სწორედ ამ მიზეზით უარს ამბობდნენ კონცერტებში მონაწილეობაზე. თუ ვინმე გაბედავდა და სადმე იმღერებდა სცენასთან მიუვარდებიდნენ ევროკავშირის დროშებით. პირადად ჩვენ ე.წ. პრეზიდენტი ზურაბიშვილი სცენაზე ამოგვივარდა ორბელიანზე და კონცერტი ჩაშალა.შემდეგ იყო პარლამენტთან ნაძვის ხის ანთება, რომელიც ჩაშალეს და ბავშვებს წაართვეს ახალი წელი. ადამიანები, რომლებიც 2008 ის მერე რუსეთში მღეროდნენ, 2022 წლიდან, ვისაც რუსეთში არასდროს უმღერია იმათ ეძახდნენ ,,რუსებს”… საზოგადოება გახლიჩეს ორ ნაწილად, დაამკვიდრეს და ჩვეულებრივ ამბად გვიქციეს გინება, ლანძღვა, შეურაცხყოფა. სიმღერაც კი შექმნეს და ერთ, ან ორ, ან სამ ადამიანს კი არა, მილიონრაღაც ადამიანს უმღეროდნენ გინებ/გინებით. დღეს კი ვხედავ, ეს ორტრაკა, საკუთარი ქვეყნის ,,საბოტაჟნიკები” და ჩამშვებები, როგორ დადიან ,,იგივე” ქვეყანაში, იგივე მთავრობის პირობებში, იგივე სახეებით, იმ ქალაქებში რომელსაც ,,ჩელიაბინსკებს” ეძახდნენ და როგორ ათამაშებენ კურტუმებს სხვა და სხვა კონცერტებზე….რა, რამე შეცვალეთ? ვინმეს უკან დაახევინეთ? ტერიტორიები დაიბრუნეთ თუ რუსეთი დაამარცხეთ უკრაინაში? რა გამღერებთ? რა გაცეკვებთ? მიკვირს მიწა და სცენა როგორ არ გისკდებათ ფეხქვეშ, თქვენი უპრინციპო, აკაცუკი დედა ვატირე! მახსოვს გვემუქრებოდნენ: ყველას და ყველაფერს ვიმახსოვრებთო. როგორც ხედავთ ჩვენც კარგად დაგიმახსოვრეთ - ყველა! რუსეთი ოკუპანტია! ძმაკაცს არასდროს ერქმევა ცოლი! გაუმარჯოს საქართველოს!”- წერს რეზო ბლიაძე.        შეყვანა, შეტყობინება გაგზავნილია 11:25 Keti მიერ: რეზო ბლიაძე: ადამიანები, რომლებიც 2008 ის მერე რუსეთში მღეროდნენ, 2022 წლიდან, ვისაც რუსეთში არასდროს უმღერია იმათ ეძახდნენ ,,რუსებს”… დღეს კი ვხედავ, საკუთარი ქვეყნის ,,საბოტაჟნიკები” როგორ დადიან იგივე მთავრობის პირობებში და ათამაშებენ კურტუმებს კონცერტებზე- რა შეცვალეთ, რა გამღერებთ? ტერიტორიები დაიბრუნეთ თუ რუსეთი დაამარცხეთ უკრაინაში? მუსიკოსი რეზო ბლიაძე ოპოზიციის ნაწილსა და მათ მხარდამჭერ არტისტებს ორპირულ და უპრინციპო ქცევაში ადანაშაულებს. ის სოციალურ ქსელში პოსტს აქვეყნებს, სადაც ბოლო წლების პოლიტიკურ მოვლენებსა და კულტურის სფეროში შექმნილ პროცესებს ეხმაურება. ბლიაძის თქმით, ადამიანები, რომლებიც ხელისუფლების წარმომადგენლებს „რუსებს“ ეძახდნენ, სახელმწიფო ინსტიტუტებს არ აღიარებდნენ და კულტურულ ღონისძიებებს ჩაშლით ემუქრებოდნენ, დღეს ჩვეულებრივად აგრძელებენ კონცერტებში მონაწილეობას იმავე ხელისუფლების პირობებში. მუსიკოსი იხსენებს კონკრეტულ ეპიზოდებსაც, მათ შორის ორბელიანის მოედანზე გამართულ ღონისძიებასა და პარლამენტთან საახალწლო ნაძვის ხის ანთების პროცესს, რომელთა ჩაშლაშიც, მისი თქმით, ოპოზიციურად განწყობილი ჯგუფები და ყოფილი პრეზიდენტი სალომე ზურაბიშვილი მონაწილეობდნენ. “2-3 წელი არ გასულა საქართველოს ბოლო არჩევნებიდან. მახსენდება როგორ მტრობდნენ და ,,აბოზებდნენ” საკუთარ სახელმწიფოს. არ აღიარებდნენ პრეზიდენტს. არ აღიარებდნენ პარლამენტს. საკუთარ ხელისუფლებას ეძახდნენ ,,რუსებს” და ადანაშაულებდნენ ოკუპანტთან ,,თანამშრომლობაში” ამბობდნენ: საქართველო რუსეთის უკანა ეზოა და რუსეთში მიგვათრევენო. სწორედ ამ მიზეზით უარს ამბობდნენ კონცერტებში მონაწილეობაზე. თუ ვინმე გაბედავდა და სადმე იმღერებდა სცენასთან მიუვარდებიდნენ ევროკავშირის დროშებით. პირადად ჩვენ ე.წ. პრეზიდენტი ზურაბიშვილი სცენაზე ამოგვივარდა ორბელიანზე და კონცერტი ჩაშალა. შემდეგ იყო პარლამენტთან ნაძვის ხის ანთება, რომელიც ჩაშალეს და ბავშვებს წაართვეს ახალი წელი. ადამიანები, რომლებიც 2008 ის მერე რუსეთში მღეროდნენ, 2022 წლიდან, ვისაც რუსეთში არასდროს უმღერია იმათ ეძახდნენ ,,რუსებს”… საზოგადოება გახლიჩეს ორ ნაწილად, დაამკვიდრეს და ჩვეულებრივ ამბად გვიქციეს გინება, ლანძღვა, შეურაცხყოფა. სიმღერაც კი შექმნეს და ერთ, ან ორ, ან სამ ადამიანს კი არა, მილიონრაღაც ადამიანს უმღეროდნენ გინებ/გინებით. დღეს კი ვხედავ, ეს ორტრაკა, საკუთარი ქვეყნის ,,საბოტაჟნიკები” და ჩამშვებები, როგორ დადიან ,,იგივე” ქვეყანაში, იგივე მთავრობის პირობებში, იგივე სახეებით, იმ ქალაქებში რომელსაც ,,ჩელიაბინსკებს” ეძახდნენ და როგორ ათამაშებენ კურტუმებს სხვა და სხვა კონცერტებზე…. რა, რამე შეცვალეთ? ვინმეს უკან დაახევინეთ? ტერიტორიები დაიბრუნეთ თუ რუსეთი დაამარცხეთ უკრაინაში? რა გამღერებთ? რა გაცეკვებთ? მიკვირს მიწა და სცენა როგორ არ გისკდებათ ფეხქვეშ, თქვენი უპრინციპო, აკაცუკი დედა ვატირე! მახსოვს გვემუქრებოდნენ: ყველას და ყველაფერს ვიმახსოვრებთო. როგორც ხედავთ ჩვენც კარგად დაგიმახსოვრეთ - ყველა! რუსეთი ოკუპანტია! ძმაკაცს არასდროს ერქმევა ცოლი! გაუმარჯოს საქართველოს!”- წერს რეზო ბლიაძე.

პოლიტიკა • 1785926329

ირაკლი კირცხალია: „ქართულ ოცნებას“ გვეუბნებით, რომ რუსეთზე არ ვსაუბრობთ, რუსეთზე თუ არ ვისაუბრებდით, სტრასბურგის ეს გადაწყვეტილებები როგორ მიიღებოდა?

„ქართულ ოცნებას" გვეუბნებით, რომ რუსეთზე არ ვსაუბრობთ და მელაპარაკები სტრასბურგის სასამართლოს გადაწყვეტილებაზე. რუსეთზე თუ არ ვისაუბრებდით, სტრასბურგის ეს გადაწყვეტილებები როგორ მიიღებოდა? ბერლინზე ვსაუბრობდი სტრასბურგში და რუსეთის წინააღმდეგ დადგა გადაწყვეტილება?, - ამის შესახებ საპარლამენტო უმრავლესობის ლიდერმა ირაკლი კირცხალიამ ჟურნალისტის კითხვის საპასუხოდ განაცხადა.მისივე თქმით, 2008 წლის ომთან დაკავშირებით მათი ბრალეულობა არაერთხელ დადასტურდა."სტრასბურგის გადაწყვეტილებებს რომ დავუბრუნდეთ, გადახედეთ, ბოლო გადაწყვეტილებას, სადაც ჩვენი ხელისუფლების დროს ვასწორეთ წლების განმავლობაში და ღირსება დავუბრუნეთ მათივე მხრიდან ღირსებააყრილ ჩვენ ჯარისკაცებს. რუსეთს ჩვენი ქვეყნის 20% ოკუპირებული აქვს, ჩვენი ქვეყნის ოკუპანტია. ეს იცის ყველამ. ისიც კარგად იცის ჩვენმა საზოგადოებამ, რომ თუ დავიწყებთ რუსეთთან საუბარს, ერთი პირობით - პირველი საკითხი უნდა იყოს დეოკუპაცია და დეოკუპაციის დაწყების შემდეგ ნებისმიერ საკითხზე ვართ სასაუბროდ მზად.როდესაც სტრასბურგს აგვისტოს ომთან მიმართებით მიხსენებ, ვინც მესიჯი მოგწერა ეს კითხვა დაუსვიო, უნდა უთხრა იმას, რომ ეს ჩვენთვის - "ნაციონალურ მოძრაობისთვის" წამგებიანი პოზიციაა და აღარ დამასმევინოთ ეს კითხვა-თქო. ყველამ უნდა ამობეჭდოთ ის რეზოლუცია, როგორ გაყიდეთ ჩვენი ქვეყანა, როგორ მოაწერეთ ხელი ამ ყველაფერს. წლების განმავლობაში ასობით საგამოძიებო მოქმედება დაგვჭირდა, მათ შორის გადამალული საბრძოლო მასალის ნაწილების შესახებ, რომელიც თქვენი ხელისუფლების დროს იყო დამალული.„ქართულ ოცნებას" გვეუბნებით, რომ რუსეთზე არ ვსაუბრობთ და მელაპარაკები სტრასბურგის სასამართლოს გადაწყვეტილებაზე. პირადად ამ გუნდის დამსახურებაა, რომ ის ღალატი, რომელიც ამ უსამშობლოებმა სხვადასხვა ინსტიტუციაში გააფორმეს, ამას წერტილი დავუსვით და ქვეყანას ღირსება დავუბრუნეთ. და ჩვენ გვეუბნებით, რომ რუსეთზე [არ ვსაუბრობთ] რუსეთზე თუ არ ვისაუბრებდით, სტრასბურგის ეს გადაწყვეტილებები როგორ მიიღებოდა? სირცხვილია ამ კითხვის დასმა. როგორ დადგა ეს შედეგები? ბერლინზე ვსაუბრობდი სტრასბურგში და რუსეთის წინააღმდეგ დადგა გადაწყვეტილება? ყოველი წლის აგვისტოში კიდევ ერთხელ ღალატობთ ქვეყანას. ყოველდღე და ყოველ წუთს ყიდის თქვენი პარტია სამშობლოს. 2008 წელს სააკაშვილმა სამშობლო გაყიდა, ქვეყნის ტერიტორიები გადააბარა. ფაქტია, მათ ხელში ქვეყანაში ოკუპანტი შემოვიდა და ჩვენი დების და ძმების სისხლი დაღვარეს. ამ ყველაფერს კი სათავეში კოლექტიური ნაცმოძრაობა ედგა“, - განაცხადა კირცხალიამ.

პოლიტიკა • 1785925552

ირაკლი კირცხალია: „ნაცმოძრაობის“ ყველა წევრმა ევროსაბჭოს რეზოლუცია უნდა ამობეჭდოს და სააკაშვილის ვარდიანი სურათის გვერდით ჩამოკიდოს, რომ გაიხსენონ, როგორ გაყიდეს ქვეყანა და მოაწერეს ხელი რეზოლუციას

წლების განმავლობაში, კოლექტიური „ნაცმოძრაობა“, უსამშობლოთა გაერთიანება არასწორ და აგენტურულ პოლიტიკას აკეთებდა, პრემიერ-მინისტრის წერილი ნათლად წარმოაჩენს, თუ რას ნიშნავს, როგორ მოქმედებდა და მოქმედებს აგენტურა საქართველოში, – ამის შესახებ საპარლამენტო უმრავლესობის ლიდერმა, ირაკლი კირცხალიამ განაცხადა.მისი თქმით, . „ქართული ოცნების“ მიერ წარმოებული სამართლებრივი დავის შედეგად ქართველი სამხედროები სრულიად გამართლდნენ.„ყველას კარგად გვახსოვს, მათი ბრიფინგები, თარიღები, მათ მიერ მხარდაჭერილი მოღალატეობრივი რეზოლუცია და ქართველი ჯარისკაცების ომში დადანაშაულება. „ქართული ოცნების“ მიერ წარმოებული სამართლებრივი დავის შედეგად ჩვენი ბიჭები სრულიად გამართლდნენ. მიწაზე ბიჭების სისხლი არ იყო შემშრალი სააკაშვილი და მისი დამქაშები საზღვარ-საზღვარ, ეთერ-ეთერ დარბოდნენ და გვიხსნიდნენ, თუ როგორი მნიშვნელოვანი იყო რუსეთ-საქართველოს ეკონომიკური თანამშრომლობა, უვიზო მიმოსვლა, ტურიზმი, რუსული ინვესტიციები. თურმე, რუსულ ფულს სუნი არ უდის და ამიტომ საქართველოში რუსული ინვესტიციები უნდა შემოსულიყო. წინა ხელისუფლებამ ენერგო მატარებლები სწორედ რუსულ კომპანიებზე გაასხვისა. მათ მიერ გასხვისებული ობიექტების და სხვა ბევრი ხელშეკრულების კლანჭებს დღესაც ვიმკით. ეს ადამიანები საქართველოს მოქალაქეები მხოლოდ დოკუმენტაციით არიან. მათი რიტორიკა ვნახეთ, როცა  უკრაინაში ომი დაიწყო. როგორც კი დავალება მიუვიდათ, თურმე, თუ ომი უკრაინაში მიმდინარეობს, როგორ ვართ მშვიდობით და როგორი ცუდია რუსეთი. რა თქმა უნდა, ეს იმ სცენარის ნაწილი იყო, რომელიც რეგიონში აგენტურას ჩაეშალა. ამ სცენარის მიხედვით მოქმედებდნენ, მაგრამ საზოგადოებამ აგენტურას სწორი განაჩენი გამოუტანა. ამ ყველაფრის ფონზე კიდევ ბედავენ და ცდილობენ, რომ საზოგადოებას დემოკრატიაზე მორალი წაუკითხონ. როცა აგვისტოს ომის თარიღი ახლოვდება, კიდევ უფრო შესამჩნევია ის შეურაცხყოფა, რასაც მათი მხრიდან ვისმენთ. თარიღით აპელირება და ბრძანებულება არ დაგვავიწყდეს, რომელსაც სააკაშვილმა ხელი მოაწერა. ჩვენი გუნდი მათ ყოველთვის შეახსენებს, თუ სად იყვნენ, საიდან მოდიან, როგორ ბინძურ პოლიტიკას ემსახურებიან“, – განაცხადა კირცხალიამ.მისივე თქმით, „ნაცმოძრაობის“ ბრალეულობა არაერთხელ დადასტურდა იმ სისხლისღვრაში, რომელიც აგენტურამ მოაწყო.„დარწმუნებული ვარ, ეს აგენტურა ყველას მხარესთან სხვადასხვა მოლაპარაკებას აწარმოებდა, როცა თავის სამშობლოს ყიდდა. სტრასბურგის სასამართლოს გადაწყვეტილებებს გადახედეთ, ჩვენი ხელისუფლების პირობებში ვასწორეთ და ღირსება დავრუნდეთ ჩვენს ჯარისკაცებს. რუსეთს ჩემი ქვეყნის 20 პროცენტი ოკუპირებული აქვს და ოკუპანტია. ეს ყველამ იცის, პატარა ბავშვმაც და დიდმაც. თუ რუსეთთან საუბარს დავიწყებთ, ეს მხოლოდ ერთი პირობით იქნება – დეოკუპაციაზე. ამის შემდეგ ნებისმიერ საკითხზე ვართ სასაუბროდ მზად. ეს კარგად იცით თქვენც და ვინც კითხვა გამოგიგზავნათ, მათაც. „ნაცმოძრაობის“ ყველა წევრმა ევროსაბჭოში მხარდაჭერილი რეზოლუცია უნდა ამობეჭდოს და მიხეილ სააკაშვილის ვარდიანი სურათის გვერდით ჩამოკიდოს, რომ ღალატი გაიხსენოს, ჯერ როგორ გაყიდეს ქვეყანა და შემდეგ როგორ მოაწერეს ხელი რეზოლუციას. წლების განმავლობაში, ასობით საგამოძიებო მოქმედება დაგვჭირდა, რომ გადამამული საბრძოლო მასალა გვეპოვა, რომელიც „ნაცმოძრაობის“ დროს გადამალული იყო. ამის შემდეგ სტრასბურგის სასამართლოში ქვეყანამ რუსეთის წინააღმდეგ არაერთი გამარჯვება მოიპოვა.  მას შემდეგ, რაც სტრასბურგის სასამართლოში „ნაცმოძრაობის“ ღალატი, ამის შემდეგ პარლამენტში დროებითმა საგამოძიებო კომისიამ დაიწყო მუშაობა. გვეუბნებით, რომ რუსეთზე არ ვსაუბრობთ და ამ დროს სტრასბურგის სასამართლოს გადაწყვეტილებაზე საუბრობთ. სწორედ ჩვენი გუნდის დამსახურებაა, რომ „ნაცმოძრაობის“ ღალატს წერტილი დავუსვით და ქვეყანას ღირსება დავუბრუნეთ. რუსეთზე თუ არ ვსაუბრობდით, სტრასბურგის ეს გადაწყვეტილება როგორ მიიღებოდა? – სირცხვილია. “ნაცმოძრაობა” ყოველ დღე თავის ქვეყანას ყიდის. ღალატი ჩამოვრეცხეთ და მოღალატეზე როგორ არ ვისაუბრო, რომელმაც ქვეყნის ტერიტორიები გაყიდა. ჯერ თავის ქვეყანაში სისხლი დაღვარეს,  შემდეგ ეს ყველაფერი გააფორმეს რეზოლუციებში და ამის შემდეგ მეკითხებით, „ნაცმოძრაობაზე“ როგორ საუბრობო? რუსეთზე თუ არ ვსაუბრობდი, აბა, ბერლინზე ვსაუბრობდი, სტრასბურგში? – სირცხვილია. ყოველ წელს, აგვისტოში, ქვეყანას კიდევ ერთხელ ღალატობთ და გარდაცვლილ ბიჭებს შეყრაცხყოფას აყენებთ, რომელთა საფლავებზე ბუჩქებ-ბუჩქებ დადიხართ ხან დილის 6:00 საათზე და ხან ღამის 22:00 საათზე, რომ იქ ხალხმა არ დაგინახოთ“, – განაცხადა კირცხალიამ.