ნანუკა

სააკაშვილმა რამდენიმე წლის წინ გამოაცხადა თავი აღმოსავლეთ ევროპის ჯორჯ ვაშინგტონად და ცდილობს ეს ტრენდი შეინარჩუნოს იმ სცენარში, რომელიც საქართველოს წინააღმდეგ არის მიმართული - გია ვოლსკი

ნაციონალური მოძრაობა" ერთ დღეში თავმჯდომარის გარეშე დარჩება. თინა ბოკუჩავას აღნიშნულ პოსტზე ვადა ხვალ ეწურება. ვინ ჩაანაცვლებს ბოკუჩავას და როდის შედგება პარტიის ყრილობა - დეტალები ამ დრომდე უცნობია.ამასობაში კი, პარტიაში დაპირისპირება პიკს აღწევს. შიდა კრიზისი და ურთიერთბრალდებები პოლიტიკურ მოძრაობაში განსაკუთრებით მას შემდეგ გამწვავდა, რაც მსჯავდებულმა მიხეილ სააკაშვილმა პარტიის თავმჯდომარის პოსტი ნანუკა ჟორჟოლიანს შესთავაზა.ოპოზიციურ პარტიაში არსებულ დაპირისპირებას აფასებენ მმართველ გუნდში. პარლამენტის თავმჯდომარის პირველი მოადგილის გია ვოლსკის განცხადებით, მიხეილ სააკაშვილის გეგმას წარმატების შანს არ აქვს."ეს არ არის აზრთა სხვადასხვაობა, ეს არის არსი მიხეილ სააკაშვილის მმართველობისა, როდესაც მას ეს სადავეები ხელში ჰქონდა და ახლა ცდილობს, იგივე სადავეები მოიმარჯვოს და მართოს ოპოზიციური პროცესი.ჩერგოლეიშვილი აქ არაფერ შუაშია, სააკაშვილმა ჯერ კიდევ რამდენიმე წლის წინ გამოაცხადა თავი აღმოსავლეთ ევროპის ჯორჯ ვაშინგტონად და ცდილობს, რომ ეს ტრენდი შეინარჩუნოს იმ სცენარში, რომელიც საქართველოს წინააღმდეგ არის მიმართული. ნანუკა ჟორჟოლიანი შეარჩია იმ მექანიზმად, რომლითაც უფრო ადვილად გაატარებს თავის ამ გეგმას, თუმცა წარმატების შანსი არ აქვს", - განაცხადა გია ვოლსკიმ.

პოლიტიკა • 1783329021

მაგდა მამუკაშვილი და ნანუკა ჟორჟოლიანი ერთმანეთს უპირისპირდებიან: „ნანუკა, ხომ ხედავ საერთოდ არ აღძრავ ჩემში დადებით განცდებს, იცხოვრე რა შენთვის, მე გამეშვი“

სოციალურ ქსელში ჟურნალისტი ნანუკა ჟორჟოლიანი და ოპოზიციონერი აქტივისტი მაგდა მამუკაშვილი ერთმანეთს სიტყვიერად დაუპირისპირდნენ. დაპირისპირება კი, როგორც კომენტარებიდან ირკვევა, 4 ოქტომბრის საქმეზე ბრალდებული ნანა სანდერის ბარათზე თანხის ჩარიცხვის საკითხს მოჰყვა.ნანუკა ჟორჟოლიანი უარყოფს 4 ოქტომბრის საქმეზე დაპატიმრებულებისთვის რაიმე სახით თანხების შეგროვებას და მაგდა მამუკაშვილს ტყუილში ადანაშაულებს.„მე არასოდეს ვაგროვებდი 4 ოქტომბრის პატიმრების ბარათებს და მაგდა მორჩი ამ მზეობებს. ერთხელაც კი არ მქონია ჩარიცხვა და იცოდა მისმა მეგობარმა, რომელმაც ნანასთან თანხის ჩარიცხვის შემდეგ თქვა უარი. რატომ არ იღლები, ვერ ვხვდები რომ არ გამოგდის?“ - წერს ნანუკა ჟორჟოლიანი.მაგდა მამუკაშვილი ჟორჟოლიანს კორექტულობისკენ მოუწოდებს და აცხადებს, რომ მის ნათქვამს ნანუკას თანამშრომელმა არასწორი ინტერპრეტაცია მისცა და მამუკაშვილის წინა პოსტში ის მოხსენიებული არ ყოფილა.„ნანუკა შენ ვინმემ გახსენა პოსტში, ახლა რომ გამოენთე? შენ რატომ არ მეშვები? ხომ ხედავ საერთოდ არ აღძრავ ჩემში დადებით განცდებს, იცხოვრე რა შენთვის, მე გამეშვი.დავწერე, რაც მითხრა ნანუმ, მერე შენმა თანამშრომელმა მისცა არასწორი ინტერპრეტაცია და ვუპასუხე იქვე, აი, რა გინდა, რა არ გასვენებს?და ნუ უზრდელობ, თუ შეიძლება, ვერ ვიტან, რომ ადამიანი უზრდელობს, სხვანაირად რომ აზრის გამოხატვა არ შეუძლია“, - წერს მაგდა მამუკაშვილი.

პოლიტიკა • 1783315152

ერთმანეთს უპირისპირდებიან და ვერ იყოფენ შიდა პარტიულ ადგილებს - გიორგი სოსიაშვილი ,,ნაციონალურ მოძრაობაზე"

კვლავ დაპირისპირებაა ოპოზიციურ სპექტრში. ალიანსზე ამჯერად ნანუკა ჟორჟოლიანი საუბრობს და ამბობს, რომ ამ გაერთიანებას ერთპიროვნული მმართველი ჰყავს და ეს თამარ ჩერგოლეიშვილია, მის ირგვლივ შექმნილი გარემო კი ტოქსიკურია.ჟორჟოლიანის თქმით, ის გახდება შუამავალი საზოგადოებას და მიხეილ სააკაშვილს შორის, რომელიც პოლიტიკაში უნდა დაბრუნდეს და მეტიც, პრემიერ-მინისტრის პოსტსაც უნდა იკავებდეს."ნაციონალურ მოძრაობაში" კი აცხადებენ, რომ ყველა დეტალი, მათ შორის ვინ გახდება მათი პარტიის ლიდერი, მოახლოებულ ყრილობაზე გადაწყდება.საკითხს ეხმაურებიან მმართველ გუნდშიც. ხელისუფლების წარმომადგენლების შეფასებით, ოპოზიციური ფლანგი დიდი ხანია დაშლის გზაზე დგას და მიმდინარე პროცესები მოსალოდნელი და გარდაუვალი იყო.პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარის მოადგილის, გიორგი სოსიაშვილის განცხადებით, "ნაციონალურ მოძრაობაში" შიდა პარტიულ ადგილებს ვერ იყოფენ."რადიკალებმა ამოწურეს თავიანთი რესურსი და ახლა უკვე შიდა დაპირისპირება აქვთ. ერთმანეთს უპირისპირდებიან და ვერ იყოფენ შიდა პარტიულ ადგილებს. საცირკო სანახაობად გადაიქცა ჩვენი ხალხისთვის მათი მდგომარეობა. ნგრევის და უბედურების მეტი არაფერი მოუტანიათ ჩვენს ქვეყანას. ახლა უკვე ფსკერს ქვემოთ არიან დაშვებულები. შიდა ძალაუფლებისა და თანხების გადანაწილებაზე აქვთ დაპირისპირება ერთმანეთში", - განაცხადა გიორგი სოსიაშვილმა.

ტაბლოიდი • 1783189801

„ეს დღე მინდა გაქრეს და არ არსებობდეს… უშენოდ არ არსებობს წამიც კი“ - გიორგი გოგიჩაიშვილის გარდაცვალებიდან 7 წელი გავიდა

ყველასათვის საყვარელი ტელეწამყვანის, გიორგი გოგიჩაიშვილის (გოგიჩა) გარდაცვალებასთან დაკავშირებით მისი შვილი, ნანუკა გოგიჩაიშვილი სოციალურ ქსელში ემოციურ პოსტს აქვეყნებს.„მამა ჩემო საუკეთესო მამიკო ...ჩემო სიკეთის ახდენილო ლეგენდა , გული ვერ იტევს შენს სიყვარულს ეს დღე მინდა გაქრეს და არ არსებობდეს ჩემო პატარა თაფლის ხმიანო სიყვარულო , უშენოდ არ არსებობს წამიც კი“,- წერს ნანუკა გოგიჩაიშვილი.

პოლიტიკა • 1783072605

ლევან მაჭავარიანი: თინა ბოკუჩავას მხრიდან სინდისზე საუბარი ცინიკურია, სინდისმა თუ შეაწუხა, რატომ არ განაცხადა ეს თავიდანვე, გასაკვირი არ არის, რომ საკუთარ ამომრჩეველს ატყუებდნენ

თინა ბოკუჩავას განცხადება „ნაციონალური მოძრაობის“ მძიმე მდგომარეობაზე მეტყველებს, მისი მხრიდან სინდისზე საუბარი ცინიკურია, სინდისმა თუ შეაწუხა, რატომ არ განაცხადა ეს ყველაფერი თავიდან, – ამის შესახებ საპარლამენტო უმრავლესობის წევრმა, ლევან მაჭავარიანმა განაცხადა.მისი თქმით, გასაკვირი არ არის, რომ საკუთარ ამომრჩეველს ატყუებდნენ.„ამ პარტიას რაც დაემართა, იქიდან გამომდინარეობს, რასაც რეალურად წარმოადგენენ, ერთმანეთი სძულთ, თავი სასაცილო მდგომარეობაში აქვთ ჩაყენებული. „ნაცმოძრაობას“ არანაირი რესურსი აღარ აქვს. რა ელექტორალური მხარდაჭერაც ჰქონდა, არჩევნებიდან-არჩევნებამდე დაკარგეს. ალბათ, მათი რეიტინგი ნულის ტოლია. დღეს, როცა შიდა სამზარეულო სააშკარაოზე გამოიტანეს, მათი ამომრჩეველი ალბათ დარწმუნდა, რომ ამ ხალხს ერთმანეთი ეზიზღება, ერთმანეთს პატივს არ სცემენ. თინა ბოკუჩავას ახალი თავმჯდომარის ამბავი მანქანაში გაუგია. ლიდერებს როცა ასე უპატივცემულოდ ექცევიან, რა გასაკვირია, როგორ ექცეოდნენ მოსახლეობას. მათი შიდა სამზარეულოდან რაც უფრო მეტი სიბინძურე გამოვა, მათი რეიტინგის კლებაზე უფრო მეტად აისახება. პარტიის წევრებისთვის დემოტივაცია იქნება, როცა უყურებენ, როგორ იყენებენ მათ ლიდერებს. დემოტივაციას იწვევს ისიც, რომ ახლა ნანუკა ჟორჟოლიანზეა საუბარი. რა შუაშია პოლიტიკასთან? – კარგი რადიკალი აქტივისტია, მაგრამ რადიკალი აქტივისტობა და პარტიის თავმჯდომარეობა სხვადასხვა რამეა“, – აღნიშნა მაჭავარიანმა.„ნაციონალური მოძრაობის“ მოქმედმა თავმჯდომარემ, თინა ბოკუჩავამ გუშინ განაცხადა: „მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური. პოლიტიკაში თუკი რამის მიმართ მაქვს მიუღებლობა, ეს არის არა მწვავე პოლემიკა, არამედ არაგულწრფელობა“.

პოლიტიკა • 1782893599

მოვიყვანეთ უცხო ენების მცოდნე, ევროპასა და ამერიკაში განათლებამიღებული თინა, მაგრამ სვეცკებმა ხმა მაინც არ მოგვცეს - მიხეილ სააკაშვილი

ლევან ხაბეიშვილის შეცვლა ჩვენი რეაგირება იყო იმაზე, რომ მთელი სვეცკი ბაბლი მის წინააღმდეგ დაირაზმა - ამის შესახებ საქართველოს მესამე პრეზიდენტმა მიხეილ სააკაშვილი განაცხადა.ერთ-ერთ მედიასთან წერილობით ინტერვიუში სააკაშვილმა განაცხადა, რომ ლევან ხაბეიშვილის თავმჯდომარის პოსტიდან შეცვლა განპირობებული იყო მის მიმართ არსებული კრიტიკითა და ნეგატიური დამოკიდებულებით.მისივე განცხადებით, პარტიაში ყველა თანამდებობა ვადიანია და თინა ბოკუჩავას უფლებამოსილების ამოწურვის შემდეგ ახალი თავმჯდომარის არჩევა ნებისმიერ შემთხვევაში აუცილებელი იყო."რაც შეეხება ლევან ხაბეიშვილს, მისი არჩევნების წინ შეცვლა იყო ჩვენი რეაგირება იმაზე, რომ მთელი სვეცკი ბაბლი დაირაზმა ლევანის წინააღმდეგ. ჩვენ კი ვერ ვასწრებდით მის სწორად წარმოჩენას. უწუნებდნენ ინგლისურის არცოდნას, ჩვეულებრივი ადამიანის ენით საუბარს, ხან რას და ხან რას. ხოდა, ჩვენც მოვიყვანეთ უცხო ენების მცოდნე, ევროპასა და ამერიკაში განათლებამიღებული თინა, მაგრამ სვეცკებმა ხმა მაინც არ მოგვცეს. ახლა კი ყველაფერი ძალიან მარტივია. „ნაციონალურ მოძრაობაში“ ყველა გარკვეული ვადით ირჩევა და ივლისის დასაწყისში თინას ყველა შემთხვევაში ეწურებოდა ვადა. ყველა შემთხვევაში სხვა უნდა აგვერჩია. კი, ნანუკა ამ შემთხვევაში ჩემი იდეა იყო“, – წერს მიხეილ სააკაშვილი", - წერს მიხეილ სააკაშვილი.

პოლიტიკა • 1782747199

„ვრჩები პარტიაში, არაერთგზის მაქვს ნათქვამი... „ნაციონალური მოძრაობა“ არანაირ დემარშს არ აპირებს“ - თინა ბოკუჩავა

„ნაციონალურ მოძრაობასა“ და ოპოზიციურ ალიანსში დაპირისპირება გრძელდება. სააკაშვილის პარტია ყრილობისთვის ემზადება. ივლისში მოქმედ თავმჯდომარესა და რეგიონული ორგანიზაციების თავმჯდომარეებს უფლებამოსილების ვადა ეწურებათ.თინა ბოკუჩავას, დიდი ალბათობით, სააკაშვილის რჩეული ნანუკა ჟორჟოლიანი ჩაანაცვლებს. ჟორჟოლიანის აზრით, „ნაციონალურმა მოძრაობამ“ ოპოზიციური ალიანსი უნდა დატოვოს, რადგან ყოფილი და მოქმედი „ნაციონალების" ერთობაში შექმნის დღიდან სააკაშვილის მწვავე კრიტიკა ისმის.პარტიის თავმჯდომარე, თინა ბოკუჩავა კი აცხადებს, რომ „ნაციონალური მოძრაობა“ არავითარ დემარშს არ აპირებს. გარდა ამისა, ბოკუჩავა აღნიშნავს, რომ ყველაფრის მიუხედავად, ის პარტიის დატოვებას არ აპირებს.„ვრჩები პარტიაში, არაერთგზის მაქვს ნათქვამი. არასდროს შემიწყვია ხელი იმისთვის, რომ გაღვივდეს განსხვავებები.არაერთი განმარტება გავაკეთე, ასევე პარტიის დამფუძნებელმა თავმჯდომარემ, ქვეყნის მესამე პრეზიდენტმა, მიხეილ სააკაშვილმა, მიუხედავად იმისა, რომ განსხვავებული მოსაზრებები გვქონდა იმასთან დაკავშირებით, საერთოდ უნდა ვყოფილიყავით თუ არა ალიანსის წევრი თავდაპირველად. ახლა მიმაჩნია და პრეზიდენტის პოზიციაც რამდენჯერმე საჯაროდ გაჟღერდა, რომ „ნაციონალური მოძრაობა“ არანაირ დემარშს არ აპირებს“, - განაცხადა თინა ბოკუჩავამ.

პოლიტიკა • 1782572668

მათი პოლიტიკური დასასრული გუშინ და გუშინწინ არ დაწყებულა, ახლა ჩვენ დასასრულის დასასრულს ვაკვირდებით - დავით მათიკაშვილი "ნაცმოძრაობაში" არსებულ დაპირისპირებაზე

მმართველი გუნდი "ერთიან ნაციონალურ მოძრაობაში" და ოპოზიციურ ფლანგზე მიმდინარე პროცესებს აფასებს. საპარლამენტო უმრავლესობაში მიიჩნევენ, რომ "რადიკალური ოპოზიცია" პოლიტიკურ დასასრულს უახლოვდება, რაც მათი მავნებლური და ქვეყნისადმი მტრული დამოკიდებულების პირდაპირი შედეგია.პარლამენტის საპროცედურო საკითხთა კომიტეტის თავმჯდომარის, დავით მათიკაშვილის თქმით, ქართული პოლიტიკური ლანდშაფტის რადიკალიზმისგან გასუფთავება ქვეყნის დემოკრატიული განვითარებისთვის აუცილებელი წინაპირობაა."საკუთარი დეგრადირებული პოლიტიკური სახე რადიკალურმა ოპოზიციამ კვლავ დაანახა ჩვენს საზოგადოებას, ამაში გასაკვირი არაფერია. მათი ეს პოლიტიკური დასასრული გუშინ და გუშინწინ არ დაწყებულა - დასასრულის დასასრულს ვაკვირდებით ახლა ჩვენ. ნულოვანი ნდობა საზოგადოებისგან, მუდამ ძიება მხარდაჭერისა ქვეყნის ფარგლებს გარეთ და არა საკუთარ ამომრჩეველთან, საკუთარი სამშობლოსადმი მტრული და მავნებლური დამოკიდებულება და კიდევ ბევრი სხვა მიზეზი არის იმის განმაპირობებელი, რაც ხდება "ნაციონალურ მოძრაობაში", რაც ხდება ალიანსში. ის პოლიტიკურად სრულიად გაცვეთილი სახეები, რომელთაც ყველამ კარგად იცის, არანაირი უნარი არ გააჩნიათ რაიმე პოზიტიური თვითონ ამ პარტიისთვის მაინც გააკეთონ. ნაცების ბელადი სწორედ ასეთი სახეების წამოწევას ცდილობს ახლა პოლიტიკურ ზედაპირზე. ეს ყველაფერი, საბოლოო ჯამში, პოლიტიკური ლანდშაფტის ამ რადიკალიზმისგან გასუფთავებით დასრულდება, რაც აუცილებელი წინაპირობაა ჩვენი ქვეყნის კვლავ დემოკრატიული აღმშენებლობის გაღრმავებისთვის, რამეთუ ჯანსაღი ოპოზიცია არის ძალიან მნიშვნელოვანი ფაქტორი იმისთვის, რომ ეს პროცესები პოზიტიურად განვითარდეს," - განაცხადა დავით მათიკაშვილმა.შეგახსენებთ, რომ "ერთიანობა - ნაციონალურ მოძრაობაში" დაპირისპირება გრძელდება. პარტიის წევრები ყოფილი პრეზიდენტის, მიხეილ სააკაშვილის მიერ თავმჯდომარეობიდან გადაყენებულ თინათინ ბოკუჩავას მუშაობის სტილს უწუნებენ. თავის მხრივ, თინათინ ბოკუჩავა აცხადებს, რომ თანამდებობაზე ყოფნის პერიოდში მსჯავრდადებული და ბრალდებული ექსპრეზიდენტი მას თავისუფლად ლავირების საშუალებას არ აძლევდა, რის გამოც არაეფექტიან გადაწყვეტილებებს იღებდა.ამასობაში, უკვე დადასტურებულია, რომ თავმჯდომარეობის პოსტზე მიხეილ სააკაშვილი მხარს ნანუკა ჟორჟოლიანზე უჭერს, ანა წითლიძე კი არ გამორიცხავს, რომ პოლიტსაბჭოზე, შესაძლოა, საკუთარი კანდიდატურაც დააყენოს.

პოლიტიკა • 1782551882

„ნაციონალური მოძრაობის“ რიგებში არსებული ნგრევის პროცესი, ვფიქრობ, მისასალმებელია და, მეორე მხრივ, სრულებით უინტერესო - ნინო წილოსანი

"ერთიანობა - ნაციონალურ მოძრაობაში" დაპირისპირება გრძელდება. პარტიის წევრები მიხეილ სააკაშვილის მიერ თავმჯდომარეობიდან გადაყენებულ თინათინ ბოკუჩავას მუშაობის სტილს უწუნებენ. თავის მხრივ, თინათინ ბოკუჩავა აცხადებს, რომ თანამდებობაზე ყოფნის პერიოდში მსჯავრდადებული და ბრალდებული ექსპრეზიდენტი მას თავისუფლად ლავირების საშუალებას არ აძლევდა, რის გამოც არაეფექტიან გადაწყვეტილებებს იღებდა.ამასობაში, უკვე დადასტურებულია, რომ თავმჯდომარეობის პოსტზე სააკაშვილი ფსონს ნანუკა ჟორჟოლიანზე დებს. ანა წითლიძე კი არ გამორიცხავს, რომ პოლიტსაბჭოზე, შესაძლოა, საკუთარი კანდიდატურაც დააყენოს.დაყოფილ და დაპირისპირებულ "ნაციონალებში" ვერც იმაზე თანხმდებიან, დატოვებენ თუ არა უკვე დაშლილ ოპოზიციურ ალიანსს, რომლის წევრებიც სააკაშვილის თანაპარტიელებს გაერთიანებიდან გარიცხულად მოიაზრებენ.ოპოზიციურ პარტიაში მიმდინარე პროცესებს საპარლამენტო უმრავლესობაში ეხმაურებიან."ნაციონალური მოძრაობა" ეს არის უცხო ქვეყნების აგენტურული ქსელი საქართველოში. პრემიერ-მინისტრმაც ისაუბრა, რომ, რომ არა ეს მავნებლური და აგენტურული საქმიანობა, ალბათ, გაცილებით უფრო მნიშვნელოვანი წინსვლა ექნებოდა ქვეყანას. ამიტომ, მათ რიგებში არსებული ნგრევის პროცესი, ვფიქრობ, მისასალმებელია და, მეორე მხრივ, სრულებით უინტერესო, რადგან არ შეიძლება, რომ მუდმივად ამ აგენტურული ქსელის პოლიტიკური ცხოვრებით ვაცხოვროთ ჩვენი საზოგადოება. ეს არის დაჯგუფება, რომელიც ერთხელ და სამუდამოდ უნდა დაიშალოს, ჩამოინგრეს და ამ პროცესს ვადევნებთ თვალს," - განაცხადა საქართველოს პარლამენტის თავმჯდომარის მოადგილემ, ნინო წილოსანმა.

პოლიტიკა • 1782551772

ის, რომ მიხეილ სააკაშვილის სიტყვას დიდი ფასი შეიძლება ჰქონდეს პარტიის ნაწილისთვის, არ ნიშნავს, რომ ერთპიროვნულად აქვს გადაწყვეტილება მიღებული - ირაკლი ფავლენიშვილი

"ერთიან ნაციონალურ მოძრაობაში" ახალი თავმჯდომარის ასარჩევად ემზადებიან. პარტიაში აცხადებენ, რომ პროცესი დემოკრატიული პრინციპებით წარიმართება და საბოლოო გადაწყვეტილებას დელეგატები მიიღებენ. პარალელურად, პარტიის ლიდერები მიმდინარე დაპირისპირებაზეც საუბრობენ და მიიჩნევენ, რომ კონკრეტული ჯგუფების მხრიდან მიხეილ სააკაშვილისა და სხვა ლიდერების წინააღმდეგ მიზანმიმართული შეტევა ხორციელდება.პარტიაში მიმდინარე პროცესებსა და თავმჯდომარის არჩევნებზე პარტია "ერთიანობა - ნაციონალური მოძრაობის" გენერალური მდივნის მოადგილე, ირაკლი ფავლენიშვილი საუბრობს."ეს იქნება დემოკრატიული პროცესი და საბოლოო ჯამში ვისაც დელეგატები აირჩევენ, ის გახდება პარტიის თავმჯდომარე. ის, რომ მიხეილ სააკაშვილის სიტყვას დიდი ფასი შეიძლება ჰქონდეს პარტიის ნაწილისთვის, ეს იმას არ ნიშნავს, რომ მას ასე, ერთპიროვნულად აქვს გადაწყვეტილება მიღებული. ჩვენ ახლა ვხედავთ დაპირისპირებას, რომელიც ცალსახად არის მიმართული "ნაციონალური მოძრაობის" და მიხეილ სააკაშვილის წინააღმდეგ და კონკრეტული ადამიანები მუდმივად გამოირჩევიან იმით, რომ პიროვნულად თავს ესხმიან "ნაციონალური მოძრაობის" ყველა ლიდერს, რაც არის ძალიან სამწუხარო," - განაცხადა ირაკლი ფავლენიშვილმა.შეგახსენებთ, რომ "ერთიანობა - ნაციონალურ მოძრაობაში" დაპირისპირება გრძელდება. პარტიის წევრები ყოფილი პრეზიდენტის, მიხეილ სააკაშვილის მიერ თავმჯდომარეობიდან გადაყენებულ თინათინ ბოკუჩავას მუშაობის სტილს უწუნებენ. თავის მხრივ, თინათინ ბოკუჩავა აცხადებს, რომ თანამდებობაზე ყოფნის პერიოდში მსჯავრდადებული და ბრალდებული ექსპრეზიდენტი მას თავისუფლად ლავირების საშუალებას არ აძლევდა, რის გამოც არაეფექტიან გადაწყვეტილებებს იღებდა.ამასობაში, უკვე დადასტურებულია, რომ თავმჯდომარეობის პოსტზე მიხეილ სააკაშვილი მხარს ნანუკა ჟორჟოლიანზე უჭერს, ანა წითლიძე კი არ გამორიცხავს, რომ პოლიტსაბჭოზე, შესაძლოა, საკუთარი კანდიდატურაც დააყენოს.

პოლიტიკა • 1782383766

გიორგი შარაშიძე: თავმჯდომარე ვინც არ უნდა გახდეს, „ნაციონალური მოძრაობა“ „ნაციონალური მოძრაობა“ იქნება, საქართველოს წინაშე მათი დანაშაული გაქრება? დაამტკიცეს, რომ ეს პარტია ზნეს არ იცვლის

პარტიის „გახარია საქართველოსთვის“ წევრის გიორგი შარაშიძის განცხადებით, „ნაციონალურ მოძრაობაში“ მიმდინარე პროცესები მისთვის საინტერესო და აქტუალური არ არის.შარაშიძის თქმით, ვინც არ უნდა იყოს „ნაციონალური მოძრაობის“ თავმჯდომარე, საქართველოს წინაშე ამ პარტიის დანაშაული არ გაქრება.„ნანუკა ჟორჟოლიანი კი არა, ვინც არ უნდა გახდეს ამ პარტიის თავმჯდომარე, „ნაციონალური მოძრაობა“ „ნაციონალური მოძრაობა“ იქნება. რა მნიშვნელობა აქვს, პარტიაში წინ ახალგაზრდებს წამოწევენ, თუ ძველგაზრდებს, საქართველოს წინაშე მათი დანაშაული გაქრება, თუ სადმე წავა? არანაირი მნიშვნელობა არ აქვს, ამ პარტიის თავმჯდომარე ვინ გახდება. მათ არაერთხელ დაამტკიცეს, რომ „ნაციონალური მოძრაობა“ ზნეს და ფერს არ იცვლის. არაფორმალური მმართველობის გამოხატვა ის არ არის, რაც ამ პარტიაში ხდება? „ოცნების“ არაფორმალურ მმართველობაზე რომ ვსაუბრობთ – და ყველამ იცის, მათი არაფორმალური მმართველი ვინ არის – „ნაცმოძრაობა“ ვერ გაიმარჯვებს, მაგრამ ხელისუფლებაში რომ დაბრუნდეს, ოპოზიციაში არიან, ხალხს არაფორმალურ მმართველობას აჩვენებენ და ხელისუფლებაში რას იზამენ? ეს ყველაფერი კარგი პროცესი და ტესტია ამომრჩევლისთვის, რომელიც ჩამოყალიბდება და მომავალში სწორ გადაწყვეტილებას მიიღებს“, – აღნიშნა გიორგი შარაშიძემ.

პოლიტიკა • 1782373785

შალვა პაპუაშვილი: მისასალმებელია ქალბატონი ჟორჟოლიანის მიამიტური გულწრფელობა. აღმოაჩინა, რომ თურმე ქართულ სუფრასთან პირველ სადღეგრძელოს უფლის სადიდებელს ამბობენ. სინამდვილეში ამან გვაჩვენა რამხელა უფსკრულია აგენტურულ პოლიტიკურ ჯგუფებსა და ქართველ ხალხს შორის

მისასალმებელია ქალბატონი ჟორჟოლიანის მიამიტური გულწრფელობა, რომლითაც ის თავის ახალ ამბიციებს აცხადებს პოლიტიკაში. მან განაცხადა, რომ ეს დღეები გამოიყენა იმისთვის, რომ ხალხთან, ოჯახებთან ურთიერთობა ჰქონოდა და აღმოაჩინა, რომ თურმე ქართულ სუფრასთან, როდესაც ოჯახები, მეგობრები იკრიბებიან, პირველ სადღეგრძელოს უფლის სადიდებელს ამბობენ და შემდეგ მშვიდობას და საქართველოს, - განაცხადა შალვა პაპუაშვილმა ნანუკა ჟორჟოლიანის განცხადებაზე საუბრისას.პარლამენტის თავმჯდომარის თქმით, ეს ასახავს უფსკრულს აგენტურულ პოლიტიკურ ჯგუფებსა და ქართველ ხალხს შორის.„სინამდვილეში ამან გვაჩვენა და დასვა დიაგნოზი - რამხელა უფსკრულია აგენტურულ პოლიტიკურ ჯგუფებსა და ქართველ ხალხს შორის. ის კი არა, რომ არ იციან რა ეკონომიკური საზრუნავი, რა პოლიტიკური საზრუნავი, რა შიშები, რა ოცნებები აქვს ხალხს - არათუ ეს არ იციან, ელემენტარული საბაზისო საკითხები არ იციან და ახლა აღმოაჩინეს, რომ ქართულ სუფრაზე პირველ სადღეგრძელოდ უფლის სადიდებელი ითქმის. ასე რომ, მადლობა მას ამისთვის. მან ფაქტობრივად მთავარი სათქმელი უკვე თქვა ჩვენი საზოგადოებისთვის და საბოლოოდ დასვა ამ აგენტურული პოლიტიკური ჯგუფების დიაგნოზი.რაც შეეხება მათ შემდეგ ნაბიჯებს, მთავარი პრობლემაა, რომ საქმე არ გვაქვს ქართულ პოლიტიკურ ჯგუფებთან, რომლებიც საერთოდ ვინმეს წარმოადგენენ. ესენი არიან აგენტურული ჯგუფები, რომლებიც მოქმედებენ გარე დაკვეთით და ერთადერთი, რაზეც ერთმანეთთან კამათი მოსდის, ეს არის კამათი არა იმაზე თუ როგორ მოაწონონ თავი ქართველ ხალხს, არამედ ვინ და როგორ მოაწონებს თავს გარე ძალებს და ვინ იქნება მათი დაკვეთების უკეთესი შემსრულებელი და ვინ უფრო მეტ ნადავლს მიართმევს ლანგრით უცხო პოლიტიკურ ჯგუფებს“, - განაცხადა პაპუაშვილმა.