საზოგადოება • 1786981954

სიძულვილის ენის გამოყენების წინააღმდეგ ბრძოლის ფარგლებში, სასამართლომ ტარიელ გოგუაძე 1500 ლარით, ხოლო კახაბერ მჭედლიშვილი 800 ლარით დააჯარიმა

ბათუმის საქალაქო სასამართლომ სიძულვილის ენის წინააღმდეგ დღეს კიდევ ორი საქმე განიხილა. მოსამართლემ 800 ლარით დააჯარიმა მოქალაქე კახაბერ მჭედლიშვილი, რომელმაც სოციალურ ქსელში შეურაცხმყოფელი კომენტარით ოპოზიციონერი ნანუკა ჟორჟოლიანი მოიხსენია, ტარიელ გოგუაძე კი გურამ მაჭარაშვილის მისამართით სიძულვილის ენის გამოყენებისთვის 1500 ლარით დაჯარიმდა."შინაგან საქმეთა სამინისტრო ედავებოდა ბატონ ტარიელ გოგუაძეს სოციალურ სივრცეში განხორციელებული სიტყვიერი შეურაცხყოფის მიყენების ფაქტს გურამ აჭარაშვილის მიმართ. აღნიშნულ ფაქტთან დაკავშირებით, რასაკვირველია სამართალწარმოება დაიწყო. მოძიებულ იქნა მტკიცებულებები, განჩინების წესის დაცვით გადაიგზავნა თბილისის საქალაქო სასამართლოში, ბათუმის საქალაქო სასამართლოს დადგენილებით კი აღნიშნული პიროვნება ცნობილი იქნა სამართალდამრღვევად და სახდელის სახედ განესაზღვრა ჯარიმა 1500 ლარის ოდენობით.გარდა ამისა, განხილული იქნა სხვა სამართალდარღვევის საქმე. აღნიშნულ შემთხვევაში, ოქმის შემდგენი ორგანო ედავებოდა ბატონ კახაბერ მჭედლიშვილს ქალბატონ ნანა ჟორჟოლიანის მიმართ სიტყვიერის შეურაცხყოფის განხორციელების ფაქტს ასევე სოციალურ სივრცეში. აღნიშნული პიროვნება ასევე ცნობილი იქნა სამართალდამრღვევად, სახდელის სახედ კი განესაზღვრა ჯარიმა 800 ლარის ოდენობით," - განაცხადა შსს-ს იურისტმა, ანი კაკიაშვილმა.

პოლიტიკა • 1786880659

აფხაზეთი არის საქართველო, ვინც არ იცის, შეგახსენებთ! თუ ზუგდიდიდან სოხუმში გადავიდა ნავთობი, გადავიდა საქართველოს ერთი რეგიონიდან, მეორე რეგიონში. მე, პირიქით, მივესალმები, რომ აფხაზეთთან ვაჭრობა გაძლიერდეს - გიორგი ფხაკაძე

ეგ არის მთელი უბედურება, რომ ოპოზიციაშიც არ არიან ადამიანები… გამოდიან და რაღაც სისულელეებს ბოდავენ წყალდიდობის თემა დამთავრდა, უკვე აღარ აინტერესებთ და ახლა -ქართული ნავთობი მიდის აფხაზეთშიო. ისე, ინფორმაციისთვის, აფხაზეთი საქართველო არის და რა ვიცი, რა პრობლემაა აფხაზეთში თუ წავიდა ჩვენი ნავთობი? ისიც ჩვენია, ხო? ლოგიკურად რომ მიუდგე. ჩახლართულები არიან უკვე, არ იციან რა ილაპარაკონ- ამის შესახებ ექიმმა გიორგი ფხაკაძემ სოციალურ ქსელში ვიდეო მიმართვის დროს ისაუბრა.გიორგი ფხაკაძე ქართულ ოპოზიციას არაპროფესიონალიზმში, სტრატეგიული ხედვის ნაკლებობასა და იაფფასიან პოპულიზმში სდებს ბრალს.ფხაკაძის თქმით, ოპოზიციას არ გააჩნია კონკრეტული, გაწერილი სტრატეგია და მისი შეფასებით, მხოლოდ მოკლევადიან „ფეისბუქ-ლაიქებზეა“ ორიენტირებული. ამის მაგალითად მან მოიყვანა ნანუკა ჟორჟოლიანის განცხადება ფეისბუქზე 25 მილიონი ნახვის შესახებ და ფხაკაძემ დასძინა, რომ მის სააგენტოებსა და გვერდებს ყოველთვიურად 30 მილიონამდე ნახვა აქვთ ყოველგვარი რეკლამისა თუ ბოტების გარეშე და ეს არაფერს ნიშნავს. მისივე თქმით, ოპოზიცია, რომელიც ევროპულ ღირებულებებსა და სიტყვის თავისუფლებაზე საუბრობს, თავად ვერ იტანს განსხვავებულ აზრსა და კრიტიკას. რაც შეეხება გავრცელებულ ინფორმაციას ოკუპირებულ აფხაზეთში ნავთობის შეტანის საკითხზე, ფხაკაძემ ხაზი გაუსვა, რომ აფხაზეთი საქართველოა და რეგიონებს შორის ეკონომიკურ ურთიერთობებსა და ვაჭრობის გაძლიერებას მიესალმება.“ოპოზიციის ერთ-ერთი მთავარი მიზანი უნდა იყოს და არის ის, რომ როცა შენ ხელისუფლებაში ხარ ბევრ რაღაცას ფიზიკურად ვერ ხედავ ბევრი მიზეზების გამო და ოპოზიციის საქმე არის, რომ უჩიჩხინოს, რომ აი აქ შეგიშალა და არა მარტო შეგეშალა, შეგეშალა, როგორც კოღოსავით იკბინებოდე, არამედ უნდა შესთავაზო ალტერნატივა. ჩვენი ოპოზიცია მარტო ყვირის, წივის. თქვენ გინახავთ ერთი გაწერილი გეგმა? არა ChatGPT-ის მიერ ორგვერდიანი... კონკრეტული გეგმა, თავისი ბიუჯეტით, თავისი ადამიანური რესურსებით, თავისი სტრატეგიული ხედვებით, რომ მაგალითად, როგორი უნდა იყოს ჯანდაცვის სისტემა 15 წელიწადში. გინახავთ? მე არა. ჩვენ რომ არ გვყავს ოპოზიცია მთავრობა ხედავს, რომ არა ჰყავს ოპონენტი, ფიზიკურად არა ჰყავს, რაც ძალიან ცუდი არის. სახელმწიფოს მმართველს უნდა ჰყავდეს ოპონენტი და ამ ოპონენტს პატივსაც უნდა სცემდეს, მაგრამ როგორ შეიძლება შენ პატივს სცემდე “ტიპებს”, რომლებსაც აინტერესებთ, რომ ერთდღიან ფეისბუქ პოსტებზე დააგროვონ ლაიქები? ერთ-ერთი ოპოზიციური წევრი, ნანუკა ჟორჟოლიანზეა საუბარი, 25 მილიონი ნახვა მყავს თვეში ყოველთვიურადო... რა ვიცი, 25 მილიონი სტაბილურად არის ჩემს ფეისბუქზე, როცა არაფერს ვწერ, არის 5 მილიონი, და როცა ავტეხავ და რაღაცეებს დავწერ, 15-მდე ადის. პლუს კიდევ ჩემი სააგენტოები რომ მაქვს ზოგჯერ 30 მილიონამდე ავდივარ თვეში სტაბილურად.ყველანაირი რეკლამის, ყველანაირი ჩატბოტების გარეშე და ყველანაირი პარტიული აქტივის “კლიკებით”. 30 მილიონი ნახვა ყოველთვიურად გიორგი ფხაკაძეს და მის სააგენტოებს აქვს თვეში და რა მერე? მთელი უბედურება მაგაში არის, რომ ფეისბუქ გვერდების ნახვებზე არიან ტიპები გადასულები, იმის მაგივრად, რომ მართლა შეთავაზონ პროგრესი. გარდა იმისა რომ არაადეკვატურები არიან, უკვე არასერიოზულებიც არიან. ეს არის მთელი უბედურება და ახლა დღეს ატეხეს, აუ დედა, ქართული ნავთობი მიდის აფხაზეთში. აფხაზეთი არის საქართველო, ვინც არ იცის, შეგახსენებთ! ანუ თუ ზუგდიდიდან სოხუმში გადავიდა ნავთობი, გადავიდა საქართველოს ერთი რეგიონიდან, საქართველოს მეორე რეგიონში. მე მაგალითად პირიქით, მივესალმები, რომ ვაჭრობა აფხაზეთთან გაძლიერდეს. ეს შანსი უნდა გამოვიყენოთ, რომ მაქსიმალური ვაჭრობა და კონტაქტები იყოს. კიდევ ერთხელ, არაპროფესიონალიზმი კლავს. ხმას როცა ამოიღებ და კომენტარს იტყვი, ან ვიღაცას საყვედურს ეტყვი, იმ წუთასვე გაგლანძღავენ, რაც არასწორა. ყველაზე უბედურება არის, რომ ეგრეთწოდებული ოპოზიცია, რომელსაც შენ გააკრიტიკებ, რას ქვია ოპოზიციას აკრიტიკებო, რა ვიცი, თქვენ არ ხართ სიტყვის თავისუფლებაზე და ევროპულ ღირებულებებზე ჩაციკლულები რომ იძახით? როცა თქვენ გაგაკრიტიკებენ ეგ არასწორია, აი ამაში იჭედებით.”- განაცხადა გიორგი ფხაკაძემ.

პოლიტიკა • 1786193521

მარადმწვანე, მენტალურად გოიმი ნანული ჟორჟოლიანი პრემიერ-მინისტრ კობახიძის გასამართლებას ითხოვს; შხამიან არსებას ჰგონია, რომ ოდესმე მისი ექს-მეუღლის, ნაცჯალათ ერეკლე კოდუას ხანა დადგება საქართველოში - გია აბაშიძე

ანალიტიკოსი გია აბაშიძე სოციალურ ქსელში ნანუკა ჟორჟოლიანის განცხადებას ეხმიანება, რომლის მიხედვითაც, პრემიერ-მინისტრი ირაკლი კობახიძე „სამშობლოს ღალატის“ მუხლით გასამართლდება.აბაშიძის შეფასებით, ნაცქაჯებს ცხოვრებაში ერთხელ, შემთხვევით ჰქონდათ ბოგინის შანსი, მაგრამ მეორედ ეს ბოროტება ვეღარ იქნება საქართველოში.„მარადმწვანე, მენტალურად გოიმი ნანული ჟორჟოლიანი პრემიერ-მინისტრ კობახიძის გასამართლებას ითხოვს; შხამიან არსებას ჰგონია, რომ ოდესმე მისი ექს-მეუღლის, ნაცჯალათ ერეკლე კოდუას ხანა დადგება საქართველოში.ეს ვითომ ჟურნალისტი და, მით უმეტეს, ფსევდოპოლიტიკოსი ნანულა პროკურორისა და მოსამართლის როლს რომ ირგებს, 24/7 დასაცინია მისნაირ უტვინო სექტანტებთან ერთად.ნაცქაჯებს ცხოვრებაში ერთხელ, შემთხვევით ჰქონდათ ბოგინის შანსი, მაგრამ მეორედ ეს ბოროტება ვეღარ იქნება საქართველოში. შემირცხვენია მისი ის ანტურაჟი, თავი "სვეცკები" (მდედრები & მამრები) რომ ჰგონიათ და "გადაფხეკის გარეშეც" ჩანს, აზროვნებით რა პროვინციელებიც არიან.“ - წერს აბაშიძე.

პოლიტიკა • 1786193418

 „ნაციონალურმა მოძრაობამ“ სამშობლოს ღალატის მუხლი ზუსტად 2008 წლის აგვისტოს შემდეგ გააუქმა სისხლის სამართლის კოდექსიდან. იმდენად შეაშინა თავიანთ რიგებში ღალატის გრადუსმა - ამ მუხლს თუნდაც თეორიულად, რომელი მათგანი გადაურჩებოდა. მოვიდა ეს ხელისუფლება, არა უშეცდომო, მაგრამ გულწრფელი თუნდაც საკუთარი შეცდომების აღიარებაში - და აღადგინა სამშობლოს ღალატის მუხლი - დავით ქართველიშვილი

„ხალხის ძალის“ წევრი დავით ქართველიშვილი ნანუკა ჟორჟოლიანის განცხადებას ეხმიანება, რომლის მიხედვითაც, პრემიერ-მინისტრი ირაკლი კობახიძე „სამშობლოს ღალატის“ მუხლით გასამართლდება.ქართველიშვილის განცხადებით, „სამშობლოს ღალატის“ მუხლი 2008 წლის აგვისტოს შემდეგ სისხლის სამართლის კოდექსიდან გააუქმეს იმ მიზეზით, რომ „საკუთარ რიგებში ღალატის გრადუსმა“ ხელისუფლების წარმომადგენლები შეაშინა.„ესე იგი - საკუთარ თავებს ეს მუხლი ზუსტად 2008 წლის აგვისტოს შემდეგ გაუუქმეს სისხლის სამართლის კოდექსიდან. იმდენად შეაშინა თავიანთ რიგებში ღალატის გრადუსმა - ამ მუხლს თუნდაც თეორიულად, რომელი მათგანი გადაურჩებოდა. ან ერთმანეთის დამჭერი ვინ იყო - მაგრამ მაინც შეშინდნენ და გააუქმეს. მოვიდა ეს ხელისუფლება, არა უშეცდომო, არა უმანკო - მაგრამ გულწრფელი თუნდაც საკუთარი შეცდომების აღიარებაში - და აღადგინა სამშობლოს ღალატის მუხლი.რამეთუ - ამაში მაინც იყო დარწმუნებული: ჩვენ რიგებში ვინც გინდა იგულისხმეთ, მაგრამ სამშობლოს მოღალატეები არ არიან. თუმცა, ღმერთმა არ ქნას - რომ გაჩნდეს და მაშინაც ზუსტად ისე მოექცევიან, როგორც არ ერიდებათ საკუთარი გუნდის წევრების არც მხილება და არც სამართლიანი დასჯა. უსამშობლოთა მხრიდან - მინიშნებები და  "დასაჭერების" საქაღალდის რეანიმირება საჭირო აღარ გახდება. მაგრამ, ხომ ატყობთ - როგორ შეაშინა მოღალატეთა კლასტერი მათ მიერ გაუქმებული მუხლის დაბრუნებამ სისხლის სამართლის კოდექსში.სჯობს გვიან, ვიდრე არასდროს - და ამ მუხლით ჩადენილი დანაშაულის ხანდაზმულობის იმედი ნურავის ნუ ექნება. ამას არა "დასაჭერთა" საქაღალდე გადაწყვეტს, და არც სოციალურ ქსელებში გაკეთებული "სარესტორნო შეკვეთა": აი - იმის თავი მომიტანეთ. მართალია, მოცეკვავე სალომეაც გვყავს და შემკვეთი ნანულაც - მაგრამ ჰეროდე მეფე ვეღარ იძლევა ბრძანებებს, იოანეს თავი მომგვარეთო. საბოლოო დასასრულისკენ მიდის თქვენი სისხლიანი როკვა და ის ქართველი შევარცხვინე - ვისაც თქვენ შურისძიებით დააშინებთ.“ - წერს ქართველიშვილი.

საზოგადოება • 1786045601

ავალიანის საქმეზე ბრალი კიდევ 2 არასრულწლოვანს წარუდგინეს - ბრალის დამტკიცების შემთხვევაში, ნია იმნაძეს 13 წლამდე, ხოლო ანასტასია ბერუაშვილს 7 წლამდე პატიმრობა ემუქრებათ

ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს ზაჰესის იზოლატორში ბრალი გააცნეს.განსაკუთრებით მძიმე დანაშაულის შეუტყობინებლობის ფაქტზე ბრალი წაუყენეს ანასტასია ბერუაშვილს.გიგა ავალიანის საქმეზე ორი არასრულწლოვანი გუშინ ღამით საკუთარი სახლებიდან აიყვანეს. ვიდეო საგამოძიებო მოქმედების დროს, ნია იმნაძის სახლიდან მისმა ადვოკატმა გაავრცელა.რა გახდა იმნაძისა და ბერუაშვილისთვის ბრალის წარდგენის საფუძველი? - გამოძიებით დადგინდა, რომ 2025 წლის სექტემბერში ნია იმნაძემ მათემატიკაში მომზადება დაიწყო გიგა ავალიანთან. ბრალდებულმა ნია იმნაძემ მის მეგობრებს, ალექსანდრე გაბაშვილსა და გიორგი მალანიას, უთხრა, თითქოს მისი მასწავლებელი გიგა ავალიანი, მის მიმართ ზედმეტ ყურადღებას იჩენდა. სწორედ ამის შემდეგ დაიწყო გაბაშვილმა სხვა არასრულწლოვნებთან ერთად გიგა ავალიანის პიროვნებისა და გადაადგილების შესწავლა.გიგა ავალიანის დედა ორი არასრულწლოვნის დაკავებას რამდენიმე თვის განმავლობაში ითხოვდა.გიგა ავალიანის საქმეზე არასრულწლოვნების დაკავება "ნაციონალური მოძრაობის" წევრებმა და ოპოზიციის მხარდამჭერებმა "ფეისბუქპოსტებით" გააპროტესტეს. ნანუკა ჟორჟოლიანმა დაწერა, რომ "ერთია გამწარებული დედის ფიქრები, მეორე კი მტკიცებულებები". საზოგადოების მხრიდან მწვავე გამოხმაურების შემდეგ ჟორჟოლიანმა პოსტი წაშალა და კომენტარები გათიშა.გიგა ავალიანის დედამ ნანუკა ჟორჟოლიანს სოციალურ ქსელში უპასუხა, მედიასთან კომენტარში კი, პასუხი ყველას გასცა, ვინც დაკავება გააპროტესტა.ტრაგედიით მანიპულირება - ასე შეაფასეს საპარლამენტო უმრავლესობაში გიგა ავალიანის საქმეზე გამოთქმული ის შეფასებები, რომლებიც ოპონენტებმა, მათი თქმით, პოლიტიკური სპეკულაციისთვის გამოიყენეს.გიგა ავალიანის საქმეზე პასუხისგებაში 10 პირია მიცემული. სამი მათგანის მიმართ გამამტყუნებელი განაჩენი უკვე დადგა. ბრალის დამტკიცების შემთხვევაში, დაკავებულ ნია იმნაძეს 13 წლამდე, ხოლო ანასტასია ბერუაშვილს 7 წლამდე პატიმრობა ემუქრებათ.

პოლიტიკა • 1785932896

მიხეილ სააკაშვილი: ვგრძნობ ხალხის სიყვარულის სწრაფად მზარდ ტალღას, რომელიც უკვე კალაპოტს არღვევს, ჩვენი ამოცანაა საქართველოს გათავისუფლება, ხალხის თვალებში გამოხედვა, აფხაზეთის დაბრუნება

იქმნება რეფორმატორთა საბჭო ჩემი და ნანუკა ჟორჟოლიანის მონაწილეობით, ის მოამზადებს რეფორმათა პაკეტს და ექვს თვეში დავამტკიცებთ, რაც არ უნდა რთული სიტუაცია იყოს და მით უმეტეს ახლა, როცა ჩვენ აღმავლობის გზაზე ვართ, უნდა გვახსოვდეს, ჩვენ ვართ დაბადებული გამარჯვებისთვის, – ამის შესახებ საქართველოს ყოფილმა პრეზიდენტმა, მიხეილ სააკაშვილმა „ნაციონალური მოძრაობის“ ყრილობაზე აუდიომიმართვისას განაცხადა.მისი თქმით, „ნაციონალები“ არიან მებრძოლები, რომლებიც ივლიან იმდენს, რამდენსაც შეძლებენ და რამდენიც საჭიროა.„მივესალმები „ერთიანი ნაციონალური მოძრაობის“ ყრილობას, მოგესალმებით, ჩემო უშიშარო თანამებრძოლებო. დიდი მადლობა თქვენ, მადლობა მოძრაობის წინა ლიდერშიფს, დიდი მადლობა ჩვენს პოლიტპატიმრებს, ლევან ხაბეიშვილს, ირაკლი ნადირაძეს, მურთაზ ზოდელავას, პაატა ბურჭულაძეს და მანჯგალაძეს, ჩვენს ახალგაზრდებს თავდადებისთვის, დიდი მადლობა ჩვენს 100-ათასობით მომხრეს. ჩვენ სინამდვილეში ვართ ძალიან ბევრი და ისევ უნდა აღმოვაჩინოთ ერთმანეთი, ისევ ჩავკიდოთ ხელი და ისევ ვიპოვეთ საკუთარ თავში ძალა, რომ ვიაროთ წინ. „ნაციონალები“ ვართ ის მებრძოლები, რომლებიც ივლიან იმდენს, რამდენსაც შეძლებენ და შემდეგ უკვე იმდენს, რამდენიც საჭიროა. ჩვენ წინ გველოდება დიდი ცვლილებები. იქმნება რეფორმატორთა საბჭო ჩემი და ნანუკა ჟორჟოლიანის მონაწილეობით, ის მოამზადებს რეფორმათა პაკეტს და ექვს თვეში ჩვენ მას დავამტკიცებთ. რაც არ უნდა რთული სიტუაცია იყოს და მით უმეტეს ახლა, როცა ჩვენ აღმავლობის გზაზე ვართ, უნდა გვახსოვდეს, ჩვენ ვართ დაბადებული გამარჯვებისთვის.მეგობრებო, ჩემო მრავალგანსაცდელ გამოვლილო, სახელმწიფოს აღმშენებელო ერთგულო თანამებრძოლებო, ისევ, როგორც 2003-ში, 2008-ში, გვეძახის ჩვენი ქვეყანა, ისევ ჩვენი გადასარჩენია საქართველოს არსებობა, რეპუტაცია და მომავალი. თქვენ ხართ საოცარი გუნდი, რომელმაც თავის დროზე მსოფლიოში ყველაზე წარმატებულად დაამარცხა კორუფცია, კრიმინალი, უშუქობა, უიმედობა, მთელ რეგიონში შევქმენით პროგრესის ტალღა, დავწერეთ საქართველოს ისტორიის ოქროს ფურცლები. ახლა ჩვენი ქვეყანა უმძიმეს განსაცდელშია და ისევ ჩვენ უნდა დავიბრუნოთ ჩვენი ორი უმთავრესი ქართული ღირებულება, თავისუფლება და გეზი ევროპისკენ. თავისუფალი, ევროპული საზოგადოება არის ერთადერთი გარემო, რომელშიც ქართული თვითმყოფადობა, ეროვნული ნიჭი და გონიერება გაიფურჩქნება, ყველაფერი დანარჩენი არის თავსმოსხვეული რუსული ჭაობი. მეც, უკვე ხუთი წელია, ვუძლებ ციხის მძიმე პირობებს, იზოლაციას, გავუძელი წამებას, მოწამვლას, ორმხრივ ლანძღვას და შეურაცხყოფას იმიტომ, რომ ვგრძნობ თქვენს თანადგომას, რისთვისაც დიდი მადლობა, ასევე ხალხის სიყვარულის სწრაფად მზარდ ტალღას, რომელიც უკვე კალაპოტს არღვევს, მალე რეჟიმის ამოყვანილ ჯებირებსაც განგრევს და დიდი ენერგიით გვიბიძგებს ისევ თავისუფლებისკენ, ევროპულ ოჯახში დაბრუნებისკენ და აღმშენებლობისკენ. ჩემი და ციხეში მყოფი ჩვენი თანამებრძოლების ამოცანაა არა მხოლოდ პირადი თავისუფლება, არამედ ამაზე მეტად მნიშვნელოვანი, საქართველოს გათავისუფლება, ხალხის თვალებში გამოხედვა, ქვეყნის გათავისუფლება ოკუპაციისა და ჭაობისგან, აფხაზეთის დაბრუნება და ძალიან წარმატებული, დიდი ქართული სახელმწიფოს შექმნა. დიახ, ჩვენ ახლა ვცდილობთ, გავუმკლავდეთ ყოველდღიურ გაჭირვებას, მაგრამ არ უნდა დაგვავიწყდეს, ჩვენი უზენაესი დანიშნულებაა, ისევ ვიყოთ ძლიერები, ისევ გავაკვირვოთ მსოფლიო ჩვენი მიღწევებით და ავაფრიალოთ აფხაზეთში ჩვენი თავისუფლების ხუთჯვრიანი დროშა. ჩვენი დაყოფის და დემოტივააციის ყველანაირ  მცდელობაში დამყოფებს ცუდად შემობრუნდათ და მტრისთვისაც, საბოლოო ჯამში, არაფრით დასრულდა და ვერც მომავალში მიაღწევს ჩვენს თამაშგარე დატოვებას. ჩვენ ვართ სახელმწიფოებრიობის იდეის მატარებლები და შესაბამისად, მთავარი ქართული პოლიტიკური ძალა ამ ქვეყანაში“ ,- აცხადებს სააკაშვილი.

პოლიტიკა • 1785836613

მიხეილ სააკაშვილი: „ნაციონალური მოძრაობა“ ჩემი, ლევანის, სხვა გამოცდილი მებრძოლების ლიდერობით და ნანუკას დაუღალავი ენერგიის დახმარებით, ისევ განიმტკიცებს წამყვანი პოლიტიკური ძალის სტატუსს

„ნაციონალური მოძრაობა“ ჩემი, ლევანის, სხვა გამოცდილი მებრძოლების ლიდერობით და ნანუკას დაუღალავი ენერგიის და იდეების დახმარებით, მოკლე ხანში ისევ განიმტკიცებს ქვეყნის წამყვანი პოლიტიკური ძალის სტატუსს და მიიყვანს საქართველოს გამარჯვებამდე, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.მისი თქმით, რეფორმირების ბორდი უნდა ჩამოყალიბდეს ექსკლუზიურად არაპარტიული ადამიანებისგან.ხვალ არის „ნაციონალური მოძრაობის“ ყრილობა, რომელიც აირჩევს დროებით მმართველობით ორგანოებს და ასევე ჩამოყალიბდება რეფორმირების ბორდი. რეფორმირების ბორდი უნდა ჩამოყალიბდეს ექსკლუზიურად არაპარტიული ადამიანებისგან, ამ ბორდს მე ვუდგავარ სათავეში და ნანუკა არის აღმასრულებელი მდივანი, რომელსაც აქვს ჩემი სრული მხარდაჭერა და არაპარტიული შემადგენლობა გვჭირდება იმისთვის, რათა გვერდიდან დავინახოთ მოძრაობაში განსახორციელებელი ცვლილებები და ზუსტი რეკომენდაციები დავდოთ, სუბიექტური მომენტების გარეშე. რაც შეეხება დროებით მმართველობას, ის იფუნქციონირებს 6 თვე, რეფორმათა ბორდის საბოლოოო რეკომენდაციებამდე და მათში წარმოდგენილი უნდა იყოს დღევანდელი ლიდერშიპი სრული შემადგენლობით, მიუხედავად კამათისა და ერთმანეთის მიმართ პიროვნული დამოკიდებულებებისა. ხალხი ჩვენგან არა პირად ემოციებს, არამედ საქმის კეთებას ელის. ამიტომ ჩემთვის გაუგებარი და მიუღებელია ტელევიზიით და სოცქსელებში ურთიერთობის გარკვევა. ავიღოთ ყველამ მაგალითი ლევან ხაბეიშვილისგან, რომელიც პირადზე მაღლა, ყოველთვის საერთო ბრძოლის ინტერესებს აყენებს. აი ასეთი უნდა იყოს ნამდვილი პატრიოტი და პოლიტიკოსი. „ნაციონალური მოძრაობა“ ჩემი, ლევანის, სხვა გამოცდილი მებრძოლების ლიდერობით და ნანუკას დაუღალავი ენერგიის და იდეების დახმარებით (ბევრ რამეში ის ჩემს ადრეულ თავს მაგონებს) მოკლე ხანში ისევ განიმტკიცებს ქვეყნის წამყვანი პოლიტიკური ძალის სტატუსს და მიიყვანს საქართველოს გამარჯვებამდე“, – წერს სააკაშვილი.

პოლიტიკა • 1785596908

ნანუკა ჟორჟოლიანმა ნაცი და ნაცმიდრეკილი ქალების შეკრება გამართა, თუმცა, ქალთა თავყრილობაზე ისეთი სახეები გამოჩნდნენ, თავად ერეკლე კოდუას ყოფილი ცოლით დაწყებული და ბაჩანა ახალაიას მოქმედი ცოლით დამთავრებული - ჟორჟოლიანის მიერ წამოწყებულ კამპანიას ,,მე მიყვარს საქართველო" კი არა ,,ჩემით ყარს საქართველო" უნდა ერქვას - ჯაბა ხუბუა

ნანუკა ჟორჟოლიანის მიერ წამოწყებულ კამპანიას ,,მე მიყვარს საქართველო" კი არა ,,ჩემით ყარს საქართველო" უნდა ერქვას.- წერს ჟურნალისტი ჯაბა ხუბუა სოციალურ ქსელში. ხუბუას თქმით, რესტორან ,,ნინიას ბაღში" გამართულ ქალთა თავყრილობაზე ისეთი სახეები გამოჩნდნენ, როგორიცაა “ერეკლე კოდუას ყოფილი ცოლით დაწყებული და ბაჩანა ახალაიას მოქმედი ცოლით დამთავრებული.”„ნანუკა ჟორჟოლიანმა ნაცი და ნაცმიდრეკილი ქალების შეკრება გამართა, სადაც გახსნილად გამოაცხადა კამპანია ,,მე მიყვარს საქართველო". თუმცა, რესტორან ,,ნინიას ბაღში" გამართულ ქალთა თავყრილობაზე ისეთი სახეები გამოჩნდნენ, თავად ერეკლე კოდუას ყოფილი ცოლით დაწყებული და ბაჩანა ახალაიას მოქმედი ცოლით დამთავრებული ( მარიზი ანთილიყოსა და ეკა უხერხულიძეზე არაფერს ვამბობ) ნანუკა ჟორჟოლიანის მიერ წამოწყებულ კამპანიას ,,მე მიყვარს საქართველო" კი არა ,,ჩემით ყარს საქართველო" უნდა ერქვას.”- წერს ჯაბა ხუბუა.        

პოლიტიკა • 1785592217

ნანუკა ჟორჟოლიანმა შეხვედრაზე მოიწვია ქალები - რამხელა ცინიზმი და დაცინვაა, გაემიჯნა გოგოს, რომელსაც მისი დახმარება ყველაზე მეტად სჭირდებოდა და ხელი დააფარა მოძალადეს - ალბი კორძაია

ნანუკა ჟორჟოლიანმა დღევანდელ შეხვედრაზე მოიწვია ქალები. რამხელა ცინიზმი და დაცინვაა, უბრალოდ წარმოუდგენელია, - წერს ოპოზიციონერი აქტივისტი, ალბი კორძაია, სოციალურ ქსელში. მისი განცხადებით, ჟორჟოლიანმა ხელი დააფარა ქალზე მოძალადეს, დღეს კი ქალების შეხვედრა მოაწყო და პოლიტიკასა და სოციალურ საკითხებში მათ როლზე ისაუბრა.„ნანუკა ჟორჟოლიანი გაემიჯნა გოგოს, რომელსაც მისი დახმარება ყველაზე მეტად სჭირდებოდა და ხელი დააფარა მოძალადეს, დღეს ქალების შეხვედრას აწყობს და ამახვილებს ყურადღებას ქალების როლზე პოლიტიკაში და სოციალურ საკითხებში. ქალი საუბრობს ქალების ძალაზე და გაერთიანებაზე, ქალი რომელიც გვერდით არ დაუდგა ქალს. აი სად ვცხოვრობთ ჩვენ," - წერს კორძაია.        

პოლიტიკა • 1785508575

გია აბაშიძე ჟორჟოლიანს: ქალბატონო ნანული, პირველ რიგში ამ სოფლებში ჩადი, რომელიც შენი ბელადის ავანტიურის შემდეგ 2008 წელს დავკარგეთ, ხოლო ამ სოფლებიდან 200 000 ადამიანი დევნილად იქცა

ანალიტიკოსი გია აბაშიძე, ნანუკა ჟორჟოლიანის განცხადებას, სადაც ის ამბობს, რომ სოფლებიდან დაიწყებს საარჩევნო კამპანიას, სოციალურ ქსელში ეხმიანება.ანალიტიკოსი ჟორჟოლიანს მოუწოდებს, რომ ჩავიდეს იმ სოფლებში, რომლებიც მიხეილს სააკაშვილის ავანტიურის შემდეგ 2008 წელს დაკარგა საქართველომ და 200 000 ადამიანი დევნილად იქცა.“სააკაშვილის ავატარს, ნანულას უთქვამს, სოფლებში ვაპირებ ჩასვლას და კამპანიის წარმოებასო. ჰოდა ქალბატონო ნანული, პირველ რიგში ამ სოფლებში ჩადი, რომელიც შენი ბელადის ავანტიურის შემდეგ 2008 წელს დავკარგეთ, ხოლო ამ სოფლებიდან 200 000 ადამიანი დევნილად იქცა!!!” - წერს აბაშიძე. 

პოლიტიკა • 1785493553

თორნიკე ფაღავა: „ნაციონალურ მოძრაობაში“ მხიარულებაა, არ მოიწყენ - როგორც მოსალოდნელი იყო, ისინი ქართული საზოგადოებისთვის საინტერესო აღარ არიან

პარლამენტის ევროპასთან ინტეგრაციის კომიტეტის თავმჯდომარის მოადგილე თორნიკა ფაღავა „ნაციონალურ მოძრაობაში“ მიმდინარე პროცესებს აფასებს. მისი თქმით, „ნაციონალური მოძრაობა“ სრული კრახის წინაშეა.„ნაციონალურ მოძრაობაში“ მხიარულებაა, არ მოიწყენ. რომ შევაჯამოთ, უიმედო მდგომარეობაა და სრული კრახის წინაშე დგანან. როგორც მოსალოდნელი იყო, ისინი ქართული საზოგადოებისთვის საინტერესო აღარ არიან”, - განაცხადა ფაღავამ.ცნობისთვის, ნანუკა ჟორჟოლიანი აცხადებს, რომ „ნაციონალური მოძრაობის“ თავმჯდომარეობაზე უარს არ ამბობს, თუმცა აქვს პირობა, რომელიც გულისხმობს, რომ მიხეილ სააკაშვილის პოლიტიკური ინტერესი გახდეს ცხადი. საქმე ეხება სააკაშვილის პრემიერობის კანდიდატობას. მმართველი გუნდი კი „ნაციონალურ მოძრაობას“ ახსენებს, რომ სააკაშვილი პატიმარია, ის საქართველოს მოქალაქეც არ არის და შესაბამისად, მის პრემიერობაზე ლაპარაკი არასერიოზულია.

პოლიტიკა • 1785493080

არჩილ გორდულაძე: „ნაციონალურ მოძრაობაში“ ცუდი სერიალის ცუდ გაგრძელებას ვუყურებთ, მაგრამ რაც ხდება, ერთხელ საყურებლად ღირს

„ნაციონალურ მოძრაობაში“ ცუდი სერიალის ცუდ გაგრძელებას ვუყურებთ, მაგრამ რაც ხდება, ერთხელ საყურებლად ღირს, – ამის შესახებ პარლამენტის იურიდიულ საკითხთა კომიტეტის თავმჯდომარემ, არჩილ გორდულაძემ განაცხადა.მისი თქმით, მიხეილ საააკშვილი უცხო ძალის ინტერესების მთავარი გამტარია.„ნაცმოძრაობაზე“ აქცენტის გადატანით „ლელო“-ს და „გახარია-ნაცების“ მიმართ ყურადღების მოდუნების მცდელობას ვხედავთ. მათი გათეთრება ხდება, თითქოს, ისინი „ნაცები“ არ არიან. მიუხედავად იმისა, რა საარჩევნო ნომერი ექნებათ და როგორი პარტიული სიმბოლიკა, კოლექტიური „ნაცი“ ყოველთვის „ნაცად“ დარჩება, რადგან ეს მენტალური მდგომარეობაა. მთავარი „ნაცი“ მიხეილ სააკაშვილია, რომელიც ყოველთვის მათ ბელადად დარჩება. სწორედ ეს ადამიანია უცხო ძალის ინტერესების მთავარი გამტარი“, – განაცხადა არჩილ გორდულაძემ.ნანუკა ჟორჟოლიანმა „ტვ პირველის“ ეთერში განაცხადა:„მიშა თუ იტყვის, რომ პოლიტიკაში შემოდის, ხდება „ნაციონალური მოძრაობის“ მთავარი პოლიტიკური სუბიექტი და პრემიერობის კანდიდატი, ეს გაამარტივებს თამაშის წესებს“.