მხარი დაუჭირა

FDA-მ გრიპის პირველ mRNA ვაქცინას მხარი დაუჭირა

აშშ-ის სურსათისა და წამლის სააგენტოს (FDA) მრჩეველთა კომიტეტმა ერთხმად დაუჭირა მხარი კომპანია Moderna-ს მიერ შექმნილ გრიპის პირველ mRNA ვაქცინას mFlusiva. ახალი ვაქცინის შესახებ მონაცემები სამედიცინო ჟურნალ The New England Journal of Medicine (NEJM)-შიც გამოქვეყნდა.კლინიკური კვლევის (FLUENT) შედეგების მიხედვით, mFlusiva გრიპის პრევენციაში დაახლოებით 26.6%-ით უფრო ეფექტურია, ვიდრე დღეს გამოყენებული ტრადიციული ვაქცინები. მეცნიერების შეფასებით, mRNA ტექნოლოგია უფრო ძლიერ და ხანგრძლივ იმუნურ პასუხს უზრუნველყოფს, ასევე ვაქცინის სწრაფად განახლებას შესაძლებელს ხდის, როდესაც გრიპის ახალი შტამები ჩნდება.პირველ ეტაპზე ვაქცინა 50 წელს გადაცილებული ადამიანებისთვის არის განკუთვნილი, რადგან სწორედ ამ ასაკობრივ ჯგუფშია გრიპით გამოწვეული მძიმე გართულებებისა და ჰოსპიტალიზაციის ყველაზე მაღალი რისკი.სპეციალისტების შეფასებით, mFlusiva შესაძლოა უახლოეს წლებში სეზონური გრიპის პრევენციის ახალი სტანდარტი გახდეს და მნიშვნელოვნად შეამციროს დაავადების მძიმე მიმდინარეობისა და სიკვდილიანობის შემთხვევები.

მსოფლიო • 1783027091

ახალი რეგულაცია ამოქმედდება - მნიშვნელოვანი ინფორმაცია მათთვის, ვინც ევროპაში მოგზაურობს

ევროკავშირმა შესაძლოა ხელბარგის დამატებითი გადასახადი გააუქმოს. ევროკავშირში ინიციატივა განიხილება, რომელიც ავიამგზავრებს საშუალებას მისცემს ხელბარგი დამატებითი გადასახადის გარეშე წაიღონ ბორტზე.ევროპარლამენტის ტრანსპორტისა და ტურიზმის კომიტეტმა (TRAN) 24 ივნისს მხარი დაუჭირა წინადადებას, რომლის მიხედვითაც მგზავრებს ექნებათ უფლება უფასოდ აიტანონ ერთ-ერთი მცირე ზომის ხელბარგი, მაქსიმუმ 7 კგ (15.4 ფუნტი), მათ შორის დაბალბიუჯეტიან ავიაკომპანიებშიც.ახალი წესის მიხედვით, მგზავრებს ასევე შეეძლებათ ერთი სალონის ჩანთის წაღება, რომლის ზომაც არ უნდა აღემატებოდეს 100 სმ-ს, ასევე პირადი ნივთის - რომელიც უნდა მოთავსდეს სავარძლის ქვეშ და რომლის მაქსიმალური ზომა იქნება 40x30x15 სმ.ინიციატივის საბოლოოდ ძალაში შესვლისთვის საჭიროა ევროკავშირის წევრი ქვეყნების 55%-ის თანხმობა. თუ შეთანხმება მიღწეული იქნება 2025 წლის ივლისში დაწყებული მოლაპარაკებების შემდეგ, ახალი წესები გავრცელდება როგორც ევროკავშირის შიდა ფრენებზე, ასევე ევროკავშირში შემავალ და გამავალ რეისებზე.

მსოფლიო • 1782890936

ყაზახეთში ახალი კონსტიტუცია ამოქმედდა

ყაზახეთში პირველი ივლისიდან ახალი კონსტიტუცია ამოქმედდა. ინფორმაციას ყაზახური მედია ავრცელებს.ყაზახეთის პრეზიდენტმა ყასიმ-ჟომარტ თოყაევმა ქვეყნის მოსახლეობას ახალი კონსტიტუციის ამოქმედება მიულოცა.ახალი კონსტიტუციის თანახმად, ყაზახეთის ორპალატიანი პარლამენტი ერთპალატიანი გახდება, გაძლიერდება მთავრობისა და საკანონმდებლო ორგანოს უფლებამოსილებები, თუმცა ქვეყანა მაინც საპრეზიდენტო რესპუბლიკად დარჩება.ყაზახეთში გაჩნდება ვიცე-პრეზიდენტის თანამდებობა, რომელსაც ქვეყნის პრეზიდენტი პარლამენტის თანხმობით დანიშნავს. ვიცე-პრეზიდენტი ქვეყანაში მეორე პირი იქნება.ყაზახეთში პირველი კონსტიტუცია 1995 წელს მიიღეს. მას შემდეგ ქვეყნის მთავარ კანონში შვიდი შესწორება შევიდა. 2026 წლის 15 მარტს გამართულ რეფერენდუმზე ქვეყნის მოსახლეობამ ახალი კონსტიტუციის მიღებას მხარი დაუჭირა.

მსოფლიო • 1782889317

„ევროპის სახალხო პარტიამ“ ტიმოშენკოს საქმესთან დაკავშირებით რეზოლუცია მიიღო, რომელშიც ოპოზიციის ლიდერების პოლიტიკურად მოტივირებული დევნა დაგმო და უკრაინის ხელისუფლებას მოუწოდა, არასოდეს გამოიყენოს სისხლის სამართლის მართლმსაჯულება დემოკრატიულ ოპოზიციაზე პოლიტიკური ზეწოლის ინსტრუმენტად

„ევროპის სახალხო პარტიამ“ (EPP) ვენაში გამართულ პოლიტიკურ ასამბლეაზე მხარი დაუჭირა რეზოლუციას, რომელშიც საუბარია უკრაინაში მრავალპარტიული დემოკრატიისა და პოლიტიკური პლურალიზმის დაცვის მნიშვნელობაზე. ინფორმაციას უკრაინული მედია ოპოზიციურ პარტია „ბატკივშჩინას“ განცხადებაზე დაყრდნობით ავრცელებს.როგორც აღინიშნა, „ევროპის სახალხო პარტიამ“ ერთხმად მიიღო რეზოლუცია „უკრაინის ევროპული მომავალი, დემოკრატიული სტაბილურობა და პოლიტიკური პლურალიზმი“. ეს რეზოლუცია იულია ტიმოშენკოს საქმეზე რეაქცია იყო, რომელსაც თავად „ბატკივშჩინას“ ლიდერი პოლიტიკურ დევნას უწოდებს.„ევროპის სახალხო პარტიამ“ დაგმო ოპოზიციის ლიდერების პოლიტიკურად მოტივირებული დევნა და უკრაინის ხელისუფლებას მოუწოდა, არასოდეს გამოიყენოს სისხლის სამართლის მართლმსაჯულება დემოკრატიულ ოპოზიციაზე პოლიტიკური ზეწოლის ინსტრუმენტად“, - ნათქვამია პარტიის განცხადებაში.დოკუმენტში ასევე ხაზგასმულია „მრავალპარტიული დემოკრატიისა და საპარლამენტო პოლიტიკური პლურალიზმის დაცვის მნიშვნელობა, როგორც უკრაინის დემოკრატიული განვითარების და მისი ევროპული მომავლის განუყოფელი ელემენტებისა“.აღსანიშნავია, რომ „ევროპის სახალხო პარტია“ (EPP) ევროპის კონტინენტზე ყველაზე დიდი და გავლენიანი პოლიტიკური ძალაა.

მსოფლიო • 1782835140

აშშ-ის უზენაესი სასამართლოს გადაწყვეტილებით, შტატებს აქვთ უფლება, ტრანსგენდერ სპორტსმენებს ქალთა სპორტში მონაწილეობა აუკრძალონ

აშშ-ის უზენაესმა სასამართლომ ძალაში დატოვა ორ კონსერვატიულ შტატში მიღებული კანონები, რომლებიც ტრანსგენდერებს ქალთა სპორტში ასპარეზობას უკრძალავს. ეს გადაწყვეტილება, სავარაუდოდ, გზას გაუკვალავს მსგავს აკრძალვებს აშშ-ის მასშტაბით და დონალდ ტრამპს „კულტურულ ომში“ მნიშვნელოვან გამარჯვებას მოუტანს.სასამართლომ ხმათა უმრავლესობით გააუქმა ქვედა ინსტანციის სასამართლოების მიერ გამოტანილი გადაწყვეტილებები, რომლებიც იმ ორი ტრანსგენდერი სტუდენტის სასარგებლოდ იყო მიღებული, რომლებმაც უჩივლეს შესაბამის შტატებს ვესტ ვირჯინიასა და აიდაჰოში სპორტულ შეჯიბრებებში მონაწილეობის აკრძალვის გამო.სასამართლო გადაწყვეტილება ეხებოდა აიდაჰოს კოლეჯის სტუდენტის, ლინდსი ჰეკოკსისა და ვესტ ვირჯინიის 15 წლის სკოლის მოსწავლის, ბეკი პეპერ-ჯექსონის საქმეებს.სასამართლომ - რომელშიც 6-3 თანაფარდობით კონსერვატორთა უმრავლესობაა - დაადგინა, რომ ტრანსგენდერებისთვის სპორტში მონაწილეობის აკრძალვა არ არღვევს სამოქალაქო უფლებების შესახებ კანონს, რომელიც კრძალავს დისკრიმინაციას განათლების სფეროში.სამი ლიბერალი მოსამართლე გადაწყვეტილების ზოგიერთ ნაწილს არ დაეთანხმა, თუმცა სხვა ნაწილებში მხარი დაუჭირა უმრავლესობის პოზიციას.

საზოგადოება • 1782508108

რა შემთხვევაში ჯარიმდება მძღოლი 300 და 500 ლარით - დეტალები

პარლამენტმა მესამე მოსმენით მხარი დაუჭირა „საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ“ კანონპროექტს, რომელიც მოძრაობის დადგენილი სიჩქარის გადაჭარბებისთვის განსაზღვრული ჯარიმების შემცირებას ითვალისწინებს.პლენარულ სხდომაზე კანონპროექტი იურიდიულ საკითხთა კომიტეტის თავმჯდომარემ, არჩილ გორდულაძემ წარადგინა.ცვლილებების თანახმად, სატრანსპორტო საშუალების მძღოლის მიერ მოძრაობის დადგენილი სიჩქარის გადაჭარბება 15 კმ/სთ-ზე მეტი სიჩქარით, მაგრამ არაუმეტეს 30 კმ/სთ-ისა, გამოიწვევს 50 ლარით დაჯარიმებას, ნაცვლად 100 ლარისა;30 კმ/სთ-დან 50 კმ/სთ-მდე სიჩქარის გადაჭარბება გამოიწვევს 100 ლარით დაჯარიმებას, ნაცვლად 300 ლარისა, ხოლო 50 კმ/სთ-ზე მეტი სიჩქარით გადაჭარბებისთვის 300-ლარიანი ჯარიმაა განსაზღვრული.საგზაო-სატრანსპორტო შემთხვევის შედეგად ხე-ბუჩქნარის დაზიანება გამოიწვევს 500 ლარით დაჯარიმებას, ნაცვლად 5 000 ლარისა.გარდა ამისა, ღამის პირველი საათიდან დილის ექვს საათამდე, მაშინ როდესაც საზოგადოებრივი ტრანსპორტი არ გადაადგილდება, სადისტრიბუციო მანქანებს ე.წ. BUS LANE-ში, ტვირთის გადმოსატვირთად დადგომის უფლება ექნებათ.

საზოგადოება • 1782418141

მძღოლი 500 ლარით დაჯარიმდება - მნიშვნელოვანი ინფორმაცია

პოლიტიკა • 1782400228

პარლამენტმა „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ კანონში ცვლილებებს მხარი დაუჭირა

პარლამენტმა, მესამე მოსმენით, 81 ხმით მხარი დაუჭირა „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ კანონში ცვლილებებს, რომელიც პლენარულ სხდომაზე შინაგან საქმეთა მინისტრის მოადგილემ, ალექსანდრე დარახველიძემ წარადგინა.ცვლილებებით ზუსტდება უცხოელთა საქართველოში შემოსვლასთან, ყოფნასთან, ბინადრობის ნებართვის გაცემასთან და გაძევებასთან დაკავშირებული სამართლებრივი მექანიზმები. წესრიგდება საიმიგრაციო ვიზების კატეგორიები, მათ შორის შემოდის D6 კატეგორიის ვიზასთან დაკავშირებული რეგულაციები არასრულწლოვანთა სწავლის მიზნებისთვის.კერძოდ, თუ უცხოელს სურს, საქართველოში უნივერსიტეტში ჩაირიცხოს, მან საქართველოს მთავრობის მიერ განსაზღვრული ენის ცოდნის დამადასტურებელი სერტიფიკატი უნდა წარადგინოს. თუკი უცხოელი სტუდენტი საქართველოში სწავლობს, მან ერთი სასწავლო წლის განმავლობაში კანონმდებლობით გათვალისწინებული კრედიტების რაოდენობის მინიმუმ მესამედი უნდა დააგროვოს.კანონპროექტის თანახმად, თუ უცხოელი სტუდენტი 90 დღეზე მეტი ვადით შეიჩერებს სტუდენტის სტატუსს, ეს მისი ბინადრობის გაუქმების საფუძველი გახდება. ასევე, თუ უცხოელი სტუდენტი 183 დღეზე მეტი ხნით დატოვებს ქვეყანას და ეს არ იქნება საპატიო მიზეზი (გაცვლითი პროგრამა ან სამედიცინო საჭიროება), ამ შემთხვევაშიც, ეს მისი ბინადრობის დაკარგვის საფუძველი გახდება.კანონპროექტით განისაზღვრება საქართველოს მოქალაქის მეუღლის ბინადრობის ნებართვის გაცემისა და ქორწინების ნამდვილობის შემოწმების წესი, ზუსტდება სასწავლო და შრომით საქმიანობასთან დაკავშირებული ბინადრობის პირობები. კერძოდ, სისხლის სამართლის კოდექსში შედის ახალი მუხლი, რომლითაც დასჯადი ხდება ფიქციური ქორწინება ან/და ამგვარ ქორწინებაში ყოფნა, რომლის მიზანს არ წარმოადგენს ოჯახის შექმნა და მიზანი უცხოელის მხრიდან ქვეყანაში ლეგალურად ცხოვრების უფლების მოპოვებაა.პროექტი ასევე ითვალისწინებს სახელმწიფო და საზოგადოებრივი უსაფრთხოების საფუძვლების, გასაჩივრების პროცედურებისა და უცხოელის საქართველოდან გაძევების წესების სამართლებრივ რეგლამენტაციას.

პოლიტიკა • 1782386272

პარლამენტმა სიჩქარის გადაჭარბებისთვის დაწესებული ჯარიმების შემცირებას მხარი დაუჭირა

პოლიტიკა • 1782383814

პარლამენტმა „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ კანონში ცვლილება მესამე მოსმენით დაამტკიცა

საქართველოს შინაგან საქმეთა სამინისტროს ავტორობით მომზადებული „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონში ცვლილების პროექტი და მისგან გამომდინარე საკანონმდებლო ცვლილებები პარლამენტმა მესამე მოსმენით განიხილა და მხარი დაუჭირა.შინაგან საქმეთა სამინისტროს ინფორმაციით, საკანონმდებლო ცვლილებების პაკეტი მიგრაციული პროცესების მართვის ეფექტიანი მექანიზმების შექმნისა და სახელმწიფო უსაფრთხოების გაძლიერების მიზნით შემუშავდა.უწყების განმარტებით, ცვლილებები პასუხობს თანამედროვე მიგრაციულ გამოწვევებს და უზრუნველყოფს უცხოელთა საქართველოში ყოფნის რეგულირების უფრო ეფექტიან, გამჭვირვალე და უსაფრთხო სისტემის ჩამოყალიბებას.„ცვლილებებით განისაზღვრება უმაღლეს და პროფესიულ საგანმანათლებლო დაწესებულებაში უცხოელი სტუდენტების მიღების ისეთი დამატებითი წინაპირობები, როგორიცაა, ენის საერთაშორისო სერტიფიკატის წარდგენა ან/და NAEC-ის მიერ ორგანიზებული უცხო ენის/სახელმწიფო ენის გამოცდის ჩაბარება. აღნიშნული რეგულაცია გამორიცხავს სტუდენტის ჩარიცხვას უცხოენოვან პროგრამაზე ისე, რომ რეალურად არ ფლობდეს შესაბამის ენობრივ კომპეტენციას.ამასთან, საგანმანათლებლო დაწესებულება ვალდებული იქნება უცხოელი სტუდენტის ჩარიცხვის უფლების მოპოვების, ჩარიცხვის, სტუდენტის სტატუსის შეჩერების/შეწყვეტის/აღდგენის, მობილობის, სწავლის დასრულების შესახებ და სხვა ინფორმაცია ასახოს ერთიან საინფორმაციო სისტემაში, რომელზეც წვდომა ექნებათ შესაბამის სახელმწიფო უწყებებს.საგანმანათლებლო დაწესებულებებისთვის დგინდება ადმინისტრაციული პასუხისმგებლობა უცხოელი სტუდენტების აღრიცხვის წესების დარღვევისთვის, ხოლო სანქციის სახედ შეიძლება გამოყენებულ იქნეს როგორც ჯარიმა, ასევე უცხოელი სტუდენტების მიღების შეზღუდვა.საკანონმდებლო ცვლილებებით დარეგულირდება ასევე სასწავლო ბინადრობის ნებართვასთან დაკავშირებული საკითხები. დასახელებული ნებართვის გაცემა მოხდება სრულწლოვან პირზე მხოლოდ ავტორიზებულ უმაღლეს ან პროფესიულ საგანმანათლებლო დაწესებულებაში სწავლის შემთხვევაში. საკანონმდებლო ცვლილებათა პაკეტით ასევე განისაზღვრება უცხოელი სტუდენტის საქართველოში ყოფნის ვადის შეწყვეტის (ბინადრობის ნებართვის გაუქმების) საფუძვლები, მათ შორის, იმ შემთხვევაში, თუ იგი ვერ დააკმაყოფილებს აკადემიურ მოთხოვნებს, დაარღვევს შრომითი საქმიანობის პირობებს ან ფაქტობრივად არ იქნება საქართველოს ტერიტორიაზე კანონით განსაზღვრული ვადით.საკანონმდებლო ცვლილებებით ასევე რეგულირდება საქართველოს მოქალაქესა და უცხოელს შორის ქორწინების საფუძველზე ბინადრობის ნებართვის გაცემასთან დაკავშირებული საკითხები. განისაზღვრება ბინადრობის ნებართვის ახალი სახე − საქართველოს მოქალაქის მეუღლის ბინადრობის ნებართვა, რომელიც გაიცემა მუდმივი ცხოვრების ნებართვის მოპოვებამდე. ამასთან, დასახელებული ბინადრობის ნებართვის გაცემამდე შემოწმდება ქორწინების ნამდვილობა და ამ მიზნით შეიქმნება სპეციალური კომისია. საკანონმდებლო ცვლილებების თანახმად, სისხლის სამართლის წესით დასჯადი ხდება საქართველოს მოქალაქისა და უცხოელის ფიქციური ქორწინება საქართველოს მოქალაქეობის, საქართველოში ბინადრობის ნებართვის ან/და საქართველოში კანონიერად ყოფნის სხვა სამართლებრივი საფუძვლის მოპოვების მიზნით.სასჯელის სახით გათვალისწინებული იქნება უცხოელის საქართველოდან გაძევება და საქართველოში შემოსვლის აკრძალვა ვადით ორიდან ათ წლამდე, ან ჯარიმა, ან შინაპატიმრობა ვადით ერთიდან ორ წლამდე ანდა თავისუფლების აღკვეთა ვადით ორ წლამდე“, – ნათქვამია შსს-ს მიერ გავრცელებულ ინფორმაციაში.სამინისტროს ცნობით, საკანონმდებლო ცვლილებათა პაკეტი ასევე ითვალისწინებს უცხოელი მსჯავრდებულისთვის სასჯელის მოუხდელი ნაწილის შეცვლას საქართველოდან გაძევებითა და ქვეყანაში შემოსვლის აკრძალვით, საქართველოს კანონმდებლობით დადგენილი პირობების დაცვით.„საკანონმდებლო ცვლილებებით უკანონო მიგრაციის წინააღმდეგ ბრძოლის, მისი პრევენციისა და აღკვეთის მიზნით საქართველოს შინაგან საქმეთა სამინისტროს მიგრაციის დეპარტამენტს მიენიჭება ოპერატიულ-სამძებრო ღონისძიებების განხორციელების უფლებამოსილება.ამასთან, საკანონმდებლო ცვლილებათა პაკეტით მნიშვნელოვანი ცვლილებები ხორციელდება სასამართლო სამართალწარმოების ნაწილში. კერძოდ, მცირდება გადაწყვეტილების გასაჩივრების ვადები, დგინდება საქმის განხილვის შემჭიდროებული ვადები და რიგ შემთხვევებში შესაძლებელი ხდება საქმეების ზეპირი მოსმენის გარეშე განხილვა.საკანონმდებლო ცვლილებები, შინაგან საქმეთა სამინისტროს ავტორობით, იუსტიციის სამინისტროსთან, განათლების, მეცნიერებისა და ახალგაზრდობის სამინისტროსთან და სხვა სახელმწიფო უწყებებთან მჭიდრო კოორდინაციით მომზადდა“, – აღნიშნულია შსს-ს ინფორმაციაში.

პოლიტიკა • 1782380743

საკანონმდებლო ცვლილებების პაკეტი, რომელიც შინაგან საქმეთა სამინისტროს ავტორობით მიგრაციული პროცესების მართვის ეფექტიანი მექანიზმების შექმნის მიზნით შემუშავდა, პარლამენტმა დაამტკიცა

მიგრაციული პროცესების მართვის ეფექტიანი მექანიზმების შექმნისა და სახელმწიფო უსაფრთხოების გაძლიერების მიზნით, საქართველოს შინაგან საქმეთა სამინისტროს ავტორობით მომზადებული „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონში შესატანი ცვლილების პროექტი და მისგან გამომდინარე საკანონმდებლო ცვლილებები პარლამენტმა მესამე მოსმენით განიხილა და მხარი დაუჭირა. ინფორმაციას შინაგან საქმეტა სამინისტრო ავრცელებს.„ცვლილებები პასუხობს თანამედროვე მიგრაციულ გამოწვევებს და უზრუნველყოფს უცხოელთა საქართველოში ყოფნის რეგულირების უფრო ეფექტიან, გამჭვირვალე და უსაფრთხო სისტემის ჩამოყალიბებას.ცვლილებებით განისაზღვრება უმაღლეს და პროფესიულ საგანმანათლებლო დაწესებულებაში უცხოელი სტუდენტების მიღების ისეთი დამატებითი წინაპირობები, როგორიცაა, ენის საერთაშორისო სერტიფიკატის წარდგენა ან/და NAEC-ის მიერ ორგანიზებული უცხო ენის/სახელმწიფო ენის გამოცდის ჩაბარება.აღნიშნული რეგულაცია გამორიცხავს სტუდენტის ჩარიცხვას უცხოენოვან პროგრამაზე ისე, რომ რეალურად არ ფლობდეს შესაბამის ენობრივ კომპეტენციას. ამასთან, საგანმანათლებლო დაწესებულება ვალდებული იქნება უცხოელი სტუდენტის ჩარიცხვის უფლების მოპოვების, ჩარიცხვის, სტუდენტის სტატუსის შეჩერების/შეწყვეტის/აღდგენის, მობილობის, სწავლის დასრულების შესახებ და სხვა ინფორმაცია ასახოს ერთიან საინფორმაციო სისტემაში, რომელზეც წვდომა ექნებათ შესაბამის სახელმწიფო უწყებებს.საგანმანათლებლო დაწესებულებებისთვის დგინდება ადმინისტრაციული პასუხისმგებლობა უცხოელი სტუდენტების აღრიცხვის წესების დარღვევისთვის, ხოლო სანქციის სახედ შეიძლება გამოყენებულ იქნეს როგორც ჯარიმა, ასევე უცხოელი სტუდენტების მიღების შეზღუდვა.საკანონმდებლო ცვლილებებით დარეგულირდება ასევე სასწავლო ბინადრობის ნებართვასთან დაკავშირებული საკითხები. დასახელებული ნებართვის გაცემა მოხდება სრულწლოვან პირზე მხოლოდ ავტორიზებულ უმაღლეს ან პროფესიულ საგანმანათლებლო დაწესებულებაში სწავლის შემთხვევაში. საკანონმდებლო ცვლილებათა პაკეტით ასევე განისაზღვრება უცხოელი სტუდენტის საქართველოში ყოფნის ვადის შეწყვეტის (ბინადრობის ნებართვის გაუქმების) საფუძვლები, მათ შორის, იმ შემთხვევაში, თუ იგი ვერ დააკმაყოფილებს აკადემიურ მოთხოვნებს, დაარღვევს შრომითი საქმიანობის პირობებს ან ფაქტობრივად არ იქნება საქართველოს ტერიტორიაზე კანონით განსაზღვრული ვადით.საკანონმდებლო ცვლილებებით ასევე რეგულირდება საქართველოს მოქალაქესა და უცხოელს შორის ქორწინების საფუძველზე ბინადრობის ნებართვის გაცემასთან დაკავშირებული საკითხები. განისაზღვრება ბინადრობის ნებართვის ახალი სახე − საქართველოს მოქალაქის მეუღლის ბინადრობის ნებართვა, რომელიც გაიცემა მუდმივი ცხოვრების ნებართვის მოპოვებამდე. ამასთან, დასახელებული ბინადრობის ნებართვის გაცემამდე შემოწმდება ქორწინების ნამდვილობა და ამ მიზნით შეიქმნება სპეციალური კომისია. საკანონმდებლო ცვლილებების თანახმად, სისხლის სამართლის წესით დასჯადი ხდება საქართველოს მოქალაქისა და უცხოელის ფიქციური ქორწინება საქართველოს მოქალაქეობის, საქართველოში ბინადრობის ნებართვის ან/და საქართველოში კანონიერად ყოფნის სხვა სამართლებრივი საფუძვლის მოპოვების მიზნით.სასჯელის სახით გათვალისწინებული იქნება უცხოელის საქართველოდან გაძევება და საქართველოში შემოსვლის აკრძალვა ვადით ორიდან ათ წლამდე, ან ჯარიმა, ან შინაპატიმრობა ვადით ერთიდან ორ წლამდე ანდა თავისუფლების აღკვეთა ვადით ორ წლამდე.საკანონმდებლო ცვლილებათა პაკეტი ასევე ითვალისწინებს უცხოელი მსჯავრდებულისთვის სასჯელის მოუხდელი ნაწილის შეცვლას საქართველოდან გაძევებითა და ქვეყანაში შემოსვლის აკრძალვით, საქართველოს კანონმდებლობით დადგენილი პირობების დაცვით. საკანონმდებლო ცვლილებებით უკანონო მიგრაციის წინააღმდეგ ბრძოლის, მისი პრევენციისა და აღკვეთის მიზნით საქართველოს შინაგან საქმეთა სამინისტროს მიგრაციის დეპარტამენტს მიენიჭება ოპერატიულ-სამძებრო ღონისძიებების განხორციელების უფლებამოსილება.ამასთან, საკანონმდებლო ცვლილებათა პაკეტით მნიშვნელოვანი ცვლილებები ხორციელდება სასამართლო სამართალწარმოების ნაწილში. კერძოდ, მცირდება გადაწყვეტილების გასაჩივრების ვადები, დგინდება საქმის განხილვის შემჭიდროებული ვადები და რიგ შემთხვევებში შესაძლებელი ხდება საქმეების ზეპირი მოსმენის გარეშე განხილვა.საკანონმდებლო ცვლილებები, შინაგან საქმეთა სამინისტროს ავტორობით, იუსტიციის სამინისტროსთან, განათლების, მეცნიერებისა და ახალგაზრდობის სამინისტროსთან და სხვა სახელმწიფო უწყებებთან მჭიდრო კოორდინაციით მომზადდა", - ნათქვამია ინფორმაციაში.

პოლიტიკა • 1782329840

ლევან მაჭავარიანი რეზოლუციებზე: ამ ქცევის მთავარი მიზეზი გახლავთ სწორედ ეს, ისინი ვერ შეეგუვნენ იმას, რომ უარი განვაცხადეთ პროქსი ქვეყნად საქართველოს გამოყენებაზე. მათ სურთ მართული ხელისუფლება, როგორც იყო „ნაციონალური მოძრაობის“ დროს

ამ ქცევის მთავარი მიზეზი გახლავთ სწორედ ეს, ისინი ვერ შეეგუვნენ იმას, რომ უარი განვაცხადეთ პროქსი ქვეყნად საქართველოს გამოყენებაზე, - განაცხადა გადაცემაში „იმედი LIVE“ საპარლამენტო ფრაქცია „ქართული ოცნების“ თავმჯდომარის პირველმა მოადგილე ლევან მაჭავარიანმა საქართველოსთან დაკავშირებით მიღებული რეზოლუციების შეფასებისას.მაჭავარიანის თქმითვე, მათ სურთ მართული ხელისუფლება, როგორც იყო „ნაციონალური მოძრაობის“ დროს.„ამ ქცევის მთავარი მიზეზი გახლავთ სწორედ ეს, ისინი ვერ შეეგუვნენ იმას, რომ უარი განვაცხადეთ პროქსი ქვეყნად საქართველოს გამოყენებაზე. მათ სურთ მართული ხელისუფლება, როგორც იყო „ნაციონალური მოძრაობის“ დროს. „კოლექტიური ნაცები“, მაგიტომ შევარქვით ეს ტერმინი. „ლელოს“ დაირქმევ, გახარიას პარტიას დაირქმევ, „ახალი“ იქნები მთლიანად ძველი „ნაცებით“ დაკომპლექტებული თუ უშუალოდ „ნაციონალური მოძრაობა“, აბსოლუტურად ყველა ეს პარტია იმართება ზუსტად ერთი ვერტიკალით. აბსოლუტურად ყველა ეს პარტია აქ დავალებების მისაღებად, რომელიც მოდის ბრიუსელიდან, დადიან სხვადასხვა ელჩთან, რომ მიიღონ დავალებები და დაიწყონ მათი აღსრულება. ამას ჩვენი საზოგადოება ხომ აკვირდება“, - აღნიშნა მან.ევროპის საბჭოს საპარლამენტო ასამბლეამ საქართველოსთან დაკავშირებით რეზოლუცია მიიღო. რეზოლუციას მხარი დაუჭირა საპარლამენტო ასამბლეის 83-მა დეპუტატმა, ხუთი წინააღმდეგი იყო, ოთხმა კი თავი შეიკავა.