მსოფლიო • 1772208674

„საფრანგეთისთვის ეს ცუდი სიურპრიზია, ევროპარლამენტის მიმართ კი უპატივცემულობა“ - მაკრონი ევროკავშირსა და „მერკოსურს“ შორის შეთანხმების დროებით ამოქმედებაზე

საფრანგეთის პრეზიდენტი ემანუელ მაკრონი „მერკოსურთან“ თავისუფალი ვაჭრობის შეთანხმების დროებით ამოქმედების შესახებ ევროკავშირის გადაწყვეტილებას ეხმაურება.„საფრანგეთისთვის ეს სიურპრიზია, ცუდი სიურპრიზი, ხოლო ევროპარლამენტის მიმართ უპატივცემულობა“, – განაცხადა მაკრონმა.მედიის ცნობით, როგორც წესი, მსგავსი შეთანხმებების ამოქმედებამდე ევროკავშირი წევრი სახელმწიფოების, ასევე ევროპარლამენტის თანხმობას ელოდება.შეგახსენებთ, 21 იანვარს ცნობილი გახდა, რომ ევროპარლამენტმა ევროკავშირსა და „მერკოსურის“ ქვეყნებს შორის სავაჭრო შეთანხმების რატიფიცირება შეაჩერა. კერძოდ, ევროპარლამენტმა მხარი დაუჭირა წინადადებას, რომ ევროკავშირსა და „მერკოსურის“ ქვეყნებს შორის გაფორმებული სავაჭრო შეთანხმება ევროკავშირის უმაღლეს სასამართლოს გადაეგზავნოს. ევროპარლამენტი ევროკავშირის სასამართლოს სთხოვს, გადაამოწმოს, შეესაბამება თუ არა შეთანხმების ცალკეული ნაწილები ევროკავშირის ხელშეკრულებებს.დღეს კი ევროკომისიის პრეზიდენტმა ურსულა ფონ დერ ლაიენმა განაცხადა, რომ ევროკავშირსა და „მერკოსურს“ შორის თავისუფალი ვაჭრობის შეთანხმება დროებით ამოქმედდა. ურსულა ფონ დერ ლაიენმა ასევე აღნიშნა, რომ ევროკავშირსა და „მერკოსურს“ შორის თავისუფალი ვაჭრობის შესახებ შეთანხმება „სრულად მხოლოდ მას შემდეგ შევა ძალაში, რაც ევროპარლამენტი დაადასტურებს“.

მსოფლიო • 1772200320

ურსულა ფონ დერ ლაიენი აცხადებს, რომ ევროკავშირსა და „მერკოსურს“ შორის თავისუფალი ვაჭრობის შეთანხმება დროებით ამოქმედდა

ევროკომისიის პრეზიდენტმა ურსულა ფონ დერ ლაიენმა ევროკავშირსა და „მერკოსურს“ შორის თავისუფალი ვაჭრობის შეთანხმების დროებით ამოქმედების შესახებ განაცხადა.„გუშინ ურუგვაი და არგენტინა გახდნენ პირველი ქვეყნები, რომლებმაც ევროკავშირსა და „მერკოსურს“ შორის შეთანხმების რატიფიცირება მოახდინეს. ბრაზილია და პარაგვაი მალე მიჰყვებიან მათ მაგალითს“, – განაცხადა ურსულა ფონ დერ ლაიენმა.როგორც ევროკომისიის პრეზიდენტმა აღნიშნა, ეს ქმედებები „აჩვენებს პარტნიორების ნდობას, ერთგულებას, განავითარონ ურთიერთობები და უზრუნველყონ ამ მნიშვნელოვანი შეთანხმების განხორციელება“.„კომისია ახლა განაგრძობს „მერკოსურთან“ შეთანხმების დროებით გამოყენებას“, – განმარტა ურსულა ფონ დერ ლაიენმა.ევროკომისიის პრეზიდენტის თქმით, ხელშეკრულების თანახმად, ევროკავშირსა და „მერკოსურს“ შორის თავისუფალი ვაჭრობის შესახებ შეთანხმება „სრულად მხოლოდ მას შემდეგ შევა ძალაში, რაც ევროპარლამენტი დაადასტურებს“.ურსულა ფონ დერ ლაინის განმარტებით, ეს შეთანხმება 720 მილიონი ადამიანისთვის სავაჭრო ბაზარს ქმნის, მილიარდობით დოლარის ტარიფებს აუქმებს და მცირე და საშუალო ბიზნესს ახალ ბაზრებზე წვდომას აძლევს.ცნობისთვის, 21 იანვარს ცნობილი გახდა, რომ ევროპარლამენტმა ევროკავშირსა და „მერკოსურის“ ქვეყნებს შორის სავაჭრო შეთანხმების რატიფიცირება შეაჩერა. კერძოდ, ევროპარლამენტმა მხარი დაუჭირა წინადადებას, რომ ევროკავშირსა და „მერკოსურის“ ქვეყნებს შორის გაფორმებული სავაჭრო შეთანხმება ევროკავშირის უმაღლეს სასამართლოს გადაეგზავნოს. ევროპარლამენტი ევროკავშირის სასამართლოს სთხოვს, გადაამოწმოს, შეესაბამება თუ არა შეთანხმების ცალკეული ნაწილები ევროკავშირის ხელშეკრულებებს.„მერკოსურის“ შეთანხმება ევროპელმა ფერმერებმა არაერთხელ გააპროტესტეს.

პოლიტიკა • 1772179514

დავით ქართველიშვილი: სამარცხვინო რადის სამარცხვინო სპიკერი შეურაცხყოფას აყენებს შალვა პაპუაშვილს და საქართველოსგან ისეთი ნაბიჯების გადადგმას ითხოვს, რაც ქვეყნის შიდა სტაბილურობას და უსაფრთხოებას დამატებით საფრთხეს უქმნის

პარტია „ხალხის ძალის“ წევრი დავით ქართველიშვილი სოციალური ქსელით ეხმიანება უკრაინის უმაღლესი რადის სპიკერის რუსლან სტეფანჩუკის მიერ საქართველოს პარლამენტის თავმჯდომარის, შალვა პაპუაშვილის მისამართით გამოქვეყნებულ ღია წერილს, სადაც სტეფანჩუკი წერს, რომ „უკრაინას არ სჭირდება დარიგებები მორალისტებისგან, არამედ სჭირდება ნამდვილი მოკავშირეები“.ქართველიშვილის თქმით, მიუხედავად იმისა, რომ საქართველომ კვლავ დაუჭირა მხარი გაეროს გენერალური ასამბლეის მორიგ რეზოლუციას უკრაინის ტერიტორიული მთლიანობის შესახებ, ოფიციალური თბილისი კვლავ მორალური საყვედურების სამიზნედ იქცა, რაც იმის დასტურია, რომ საქართველოსგან უპირობო მონურ მორჩილებას ითხოვენ.„საქართველომ კვლავ დაუჭირა მხარი გაეროს გენერალური ასამბლეის მორიგ რეზოლუციას უკრაინის ტერიტორიული მთლიანობის შესახებ. არ გაერიდა. არ „შეიკავა თავი“. ხმა მისცა - „დადებითად“. თითქოს საკითხი ამით უნდა ამოწურულიყო. მაგრამ, ნურას უკაცრავად, თბილისი კვლავ მორალური საყვედურების სამიზნედ იქცა. ამჯერად უკრაინის რადის სპიკერის - სტეფანჩუკის მხრიდან. ჩნდება ლოგიკური კითხვა: თუ მხარდაჭერის შემთხვევაშიც საქართველო მაინც მიუღებელია, მაშინ პრობლემა ამაში არ არის და რა აზრი აქვს ჩვენი მხრიდან, მათ მიერ დადგმულ ამ უნიჭო სპექტაკლებში მონაწილეობას. პრობლემა ხომ ისაა, რომ ჩვენგან პოზიციას კი არა, უპირობო მონურ მორჩილებას ითხოვენ.2022 წლიდან საქართველოს მიმართ თანმიმდევრულად მიმდინარეობდა ზეწოლა - ომში ჩართვის მოწოდებები, მორალური შანტაჟი, საჯარო ბრალდებები, დიპლომატიური დემარშები, ელჩის გაწვევა, სანქციებით მუქარა, საბრალდებო რიტორიკა. მაგრამ სწორედ ახლა დაიწყო შეტევის ახალი ტალღა: კვლავ ისმის ტონი, თითქოს თბილისი ვალდებულია უფრო შორს წავიდეს და მეტი რისკი აიღოს საკუთარ თავზე, ხოლო ამის სათავეში უკვე შეუიარაღებელი თვალით დიდი ბრიტანეთი და მათი სპეცსამსახურები მოიაზრებიან. ეს უკვე აღარაა პარტნიორული კომუნიკაცია, ეს არის ულტიმატუმის თავს მოხვევა: „სარეზოლუციო დონეზე პრინციპების მხარდაჭერა საკმარისი არ არის, თქვენ ლოიალობა უნდა დაამტკიცოთ ისეთი ნაბიჯებით, რომლებიც თქვენს რისკებს პრაქტიკული თვალსაზრისით გაზრდის“.განსაკუთრებით საგულისხმოა კიდევ სხვა რამ. ორმოცდაათზე მეტმა სახელმწიფომ (აშშ, სომხეთი, ბრაზილია და სხვები) თავი შეიკავა უკრაინის ტერიტორიული მთლიანობის ცნობის აღიარებაზე. მათ შორის არიან გლობალური მასშტაბის მოთამაშეები, რომლებსაც აქვთ პოლიტიკური და ეკონომიკური წონა, ასევე საქართველოს მასშტაბის მცირე სახელმწიფოები. არცერთი მათგანის მისამართით, საჯარო „სიმკაცრე“ არ ისმის. რატომ? იმიტომ რომ, დღეს საქართველოა ღია სამიზნე და არა თუნდაც საკუთარი, უკრაინული „ღირსებისა“ თუ პრინციპების დაცვა. ეს აღარ არის ღირებულებებისთვის ბრძოლა, ეს ჰგავს იერარქიის დემონსტრირებას: ვისაც ადვილად დააწვები, იმას აწვები კიდეც.უკრაინას სრული უფლება აქვს იბრძოლოს თავისი ტერიტორიული მთლიანობისთვის, მაგრამ ამაში საერთაშორისო სოლიდარობის ერთგვარ აბსოლუტურ ერთგულებად გადაქცევა, სტრატეგიული შეცდომაა. შემდგარი სახელმწიფოები ემოციებით კი არა, საკუთარი ინტერესებით მოქმედებენ. საქართველო მხარს უჭერს პრინციპებს, რადგან თავად ცხოვრობს ოკუპირებული ტერიტორიების რეალობაში. თანაც ღია დეკლარირებულ სოლიდარობას გამოხატავს უკრაინის მიმართ, რომლის პარლამენტმა 2008 წლის საშემოდგომო სესიაზე ხმათა უმრავლესობით შემდეგ სამარცხვინო და ანტიქართულ რეზოლუციებს უყარა კენჭი:„სამხრეთ ოსეთის რესპუბლიკისა და აფხაზეთის რესპუბლიკის დამოუკიდებლობის ცნობის No3083 დადგენილების პროექტს“, „საქართველოს ტერიტორიაზე რუსეთის ფედერაციის სამხედრო ინტერვენციის დაგმობის შესახებ No3053 დადგენილების პროექტს მხარი მხოლოდ 65 დეპუტატმა (450-დან) დაუჭირა, „სამხრეთ ოსეთის მოსახლეობის წინააღმდეგ საქართველოს სამხედრო აგრესიის დაგმობის შესახებ No3070 დადგენილების პროექტს“ და ა.შ. ზოგადად კი, მაშინ იუშჩენკოს და იაცენიუკის უკრაინაში, საქართველოს მხარი დაუჭირა დეპუტატთა მხოლოდ 15%-მა, ხოლო საქართველოს წინააღმდეგ ხმა მისცეს დეპუტატთა 45%-მა, დანარჩენმა დეპუტატებმა საქართველოს თემატიკისადმი გამოავლინეს სრული გულგრილობა.დღეს კი, სწორედ ამ სამარცხვინო რადის სამარცხვინო სპიკერი შეურაცხყოფას აყენებს შალვა პაპუაშვილს და საქართველოსგან ისეთი ნაბიჯების გადადგმას ითხოვს, რაც ქვეყნის შიდა სტაბილურობას და უსაფრთხოებას დამატებით საფრთხეს უქმნის. მესმის, რომ სუვერენიტეტი უკრაინისთვის უცხო და მიუღებელი სიტყვაა, მაგრამ სწორედ სხვას დაუწუნო სუვერენიტეტი, ამით არ უნდა იყო დაკავებული. სუვერენიტეტი არის ვალდებულება, რომ ელემენტარულად გადარჩე, ეს არის გადარჩენის ყველაზე ქმედითი ფორმულა და ჯავშანი. ხოლო, განვლილ რეზოლუციას და კენჭისყრას, რომ დავუბრუნდეთ: თუ ქვეყანა ხმას აძლევს „დადებითად“ და მაინც არასაკმარისად ლოიალურად ცხადდება, მაშინ კრიტერიუმი არა მის პოზიციაში, არამედ ვასალური დაქვემდებარების ხარისხშია. ასეთ ფორმულას კი არც ერთი ღირსეული, თავმოყვარე და სუვერენული სახელმწიფო ვერ დაეთანხმება“, - წერს დავით ქართველიშვილი.

პოლიტიკა • 1772169501

ვახტანგ თოფურია: ოპოზიციის მხარდამჭერებს უკვირთ, რატომ იცავს ხელისუფლება თავისუფალ სიტყვას, გავიხსენოთ ბრიტანული შემთხვევა, სადაც ტრამპისა და BBC-ის გზები გადაიკვეთა - როგორ მოიქცა ბრიტანეთის მთავრობა? მან მხარი დაუჭირა BBC-ს და მოუწოდა, მტკიცედ ებრძოლა სარჩელის წინააღმდეგ

ოპოზიციის მხარდამჭერებს უკვირთ თუ რატომ იცავს ხელისუფლება თავისუფალ სიტყვას, ამის უკეთ გასაგებად გავიხსენოთ უშუალოდ ბრიტანული შემთხვევა, სადაც ტრამპისა და BBC-ის გზები გადაიკვეთა,  - წერს ანალიტიკოსი, ვახტანგ თოფურია, სოციალურ ქსელში.როგორც ანალიტიკოსი აღნიშნავს, როდესაც აშშ-ის პრეზიდენტმა BBC-ის წინააღმდეგ ცილისწამების გამო სარჩელი შეიტანა, დიდი ბრიტანეთის მთავრობამ, BBC-ის მხარდაჭერა გამოუცხადა და ბრძოლისკენ მოუწოდა."ოპოზიციის მხარდამჭერებს უკვირთ თუ რატომ იცავს ხელისუფლება თავისუფალ სიტყვას, ამის უკეთ გასაგებად გავიხსენოთ უშუალოდ ბრიტანული შემთხვევა, სადაც ტრამპისა და BBC-ის გზები გადაიკვეთა.2025 წლის ბოლოს აშშ-ის პრეზიდენტმა დონალდ ტრამპმა ფლორიდის სასამართლოში ცილისწამების გამო სარჩელი შეიტანა BBC-ის წინააღმდეგ და 10 მილიარდი დოლარის კომპენსაცია მოითხოვა. სარჩელი ეფუძნებოდა 2024 წლის BBC Panorama-ს დოკუმენტურ ფილმს, რომელშიც ტრამპის 2021 წლის 6 იანვრის გამოსვლის (აშშ-ის კაპიტოლიუმის არეულობის წინ წარმოთქმული) ამონარიდები იყო რედაქტირებული და 50 წუთზე მეტი ინტერვალით გაკეთებული კომენტარების გაერთიანება ისე, რომ ტრამპის თქმით, ის ძალადობის პირდაპირ წაქეზებად წარმოაჩინა.როგორ მოიქცა ბრიტანეთის მთავრობა?ბრიტანეთის მთავრობამ მხარი დაუჭირა BBC-ს და მოუწოდა მას მტკიცედ ებრძოლა სარჩელის წინააღმდეგ. დაუნინგ სტრიტის წარმომადგენელი (პრემიერ-მინისტრ კირ სტარმერისთვის), 2025 წლის 16 დეკემბერი:„ჩვენ ყოველთვის დავიცავთ ძლიერი, დამოუკიდებელი BBC-ის პრინციპს, როგორც სანდო ეროვნული მაუწყებლის, რომელიც შიშისა და კეთილგანწყობის გარეშე აშუქებს ინფორმაციას.“სტივენ კინოკი (ლეიბორისტული პარტიის პარლამენტის წევრი და ჯანდაცვის მინისტრი):„ვფიქრობ, სწორია, რომ BBC ამ საკითხზე მტკიცედ დგას. ისინი მართლები არიან, რომ ამ საკითხში საკუთარ პოზიციას ინარჩუნებენ და იმედი მაქვს, რომ ისინი ამას გააგრძელებენ.“„დიახ, ამ კონკრეტულ ფილმში გარკვეული შეცდომები იყო დაშვებული, მაგრამ მე ვფიქრობ, რომ უფრო ფართო არგუმენტი, რომელსაც ისინი აყენებდნენ - ისინი მართლები არიან, რომ ამ საკითხში თავიანთ პოზიციას იცავენ.“„მთავრობა BBC-ის დიდი მხარდამჭერია. ლეიბორისტული პარტია ყოველთვის დაიცავს BBC-ს, როგორც სასიცოცხლოდ მნიშვნელოვან ინსტიტუტს, როგორც ჩვენს პოლიტიკურ ცხოვრებაში, ასევე, რა თქმა უნდა, ბრიტანული საზოგადოების გართობისა და ინფორმირების თვალსაზრისით.“ადრინდელი კონტექსტი (2025 წლის ნოემბერი, ოფიციალურ სარჩელამდე საწყისი მუქარის ფონზე):პრემიერ-მინისტრმა კირ სტარმერმა განაცხადა, რომ მას პირდაპირ არ უსაუბრია ტრამპთან BBC-ის საკითხზე, მაგრამ დაადასტურა: „დამოუკიდებელი, სანდო BBC-ის პრინციპი მართლაც მნიშვნელოვანია და უნდა იყოს დაცული.“" - წერს თოფურია.

პოლიტიკა • 1772087106

არ არსებობს ქვეყანა, რომელსაც უკრაინის სასარგებლოდ მეტი რეზოლუციისთვის აქვს მხარი დაჭერილი, ვიდრე საქართველოს - სოზარ სუბარი

ევროპარლამენტის საგარეო ურთიერთობათა კომიტეტში განხილულ რეზოლუციასა და მის ავტორზე ისაუბრა პარლამენტის ვიცე-სპიკერმა, პარტია „ხალხის ძალის“ თავმჯდომარემ სოზარ სუბარმა და განაცხადა, რომ დოკუმენტში აბსოლუტური ტყუილებია ჩაწერილი.„რეზოლუციის პროექტში წერია, თითქოს საქართველო არ უერთდება უკრაინის მხარდამჭერ განცხადებებს, რაც არის აბსოლუტური ტყუილი. თუნდაც გუშინ, გაეროს გენერალურმა ასამბლეამ მიიღო უკრაინის მიერ შეტანილი რეზოლუცია უკრაინაში ცეცხლის დაუყოვნებლივ შეწყვეტისა და უკრაინის ტერიტორიული მთლიანობის მხარდასაჭერად, რომელსაც მხარი დაუჭირა საქართველომ, მაშინ როცა მხარი არ დაუჭირეს აშშ-მ, უნგრეთმა, ბრაზილიამ, ჩინეთმა, სამხრეთ აფრიკამ, ასევე ჩვენმა მეზობლებმა - სომხეთმა და აზერბაიჯანმა და არაერთმა სხვა ქვეყანამ. ევროპარლამენტში დღევანდელი მოსმენებისა და რეზოლუციის ავტორი იყო რასა იუკნევიჩიენე, ადამიანი, რომელმაც იმდენად გამოიჩინა თავი ანტიქართული განცხადებებითა და ქმედებებით, რომ მგონი თავის სამშობლოშიც არ იცნობენ ისე კარგად, როგორც საქართველოში. ამ რეზოლუციაშიც მას ჩაწერილი აქვს აბსოლუტური ტყუილები, თუნდაც ის, თითქოს საქართველო არ უერთდება უკრაინის მხარდამჭერ განცხადებებს.რეალობა კი ისაა, რომ არ არსებობს ქვეყანა, რომელსაც უკრაინის სასარგებლოდ მეტი რეზოლუციისთვის აქვს მხარი დაჭერილი, ვიდრე საქართველოს. ესეც არის ორმაგი სტანდარტი, რომელსაც კარგად ხედავს ჩვენი მოსახლეობა და ამიტომაც აქვს ასეთ რეზოლუციებსა და ანტიქართულ გამოხტომებს ჩალის ფასი. სწორედ ასეთი ორმაგი სტანდარტების გამო ხდება, რომ ევროპის ქვეყნებში იმატებს იმ პარტიების მხარდაჭერა, რომლებიც ევროსკეპტიკურად არიან განწყობილი და რომლებისთვისაც საკუთარი სამშობლოს ინტერესები უფრო მაღლა დგას, ვიდრე ევრონიუროკრატთა ახირებები. ამ ფონზე, უნდა ველოდოთ, რომ უახლოეს წლებში მკვეთრად შეიცვლება ევროპის პოლიტიკური ლანდშაფტი,“ — განაცხადა სოზარ სუბარმა.

პოლიტიკა • 1772012451

სოფლის მეურნეობის კომიტეტმა „ვაზისა და ღვინის შესახებ“ კანონში ცვლილებები მეორე მოსმენით განიხილა

პარლამენტის სოფლის მეურნეობის კომიტეტმა „ვაზისა და ღვინის შესახებ“ კანონში ცვლილებები მეორე მოსმენით განიხილა და მხარი დაუჭირა.მომხსენებლის, გარემოს დაცვისა და სოფლის მეურნეობის მინისტრის მოადგილის ზურაბ ეზუგბაიას თქმით, ცვლილებებით ზუსტდება ეტიკეტისა და სამომხმარებლო ტარას ტერმინები. კანონს ემატება ახალი ტერმინი - თანხმობა ვენახის გაშენებაზე.ცვლილებების თანახმად, ღვინის კომპანია ვალდებულია, აღრიცხოს ალკოჰოლიანი სასმელის, სპირტის, ვაზის სამყნობი და სარგავი მასალების წარმოებასა და შენახვასთან დაკავშირებული ტექნოლოგიური პროცესები და ღვინის ეროვნულ სააგენტოს წარუდგინოს სავალდებულო შეტყობინებები.ტექნოლოგიური პროცესების აღრიცხვისა და შეტყობინების ვალდებულება გაუჩნდება ღვინის ყველა კომპანიას, მათ შორის, იმ ღვინის მწარმოებლებსაც, რომელთა მიერ წარმოებული ღვინის რეალიზაცია, ჯამურად, წელიწადში 1500 ლიტრს არ აღემატება.ცვლილებების თანახმად, საქართველოს გარემოს დაცვისა და სოფლის მეურნეობის მინისტრმა 2026 წლის 1 მაისამდე უნდა გამოსცეს ბრძანება ,,სამეწარმეო ვენახის გაშენების წესის განსაზღვრის შესახებ“.ზურაბ ეზუგბაიას განცხადებით, კანონით გათვალისწინებული ცვლილებები  მხოლოდ სამეწარმეო სეგმენტს შეეხება და ახალ გასაშენებელ ვენახებზე გავრცელდება.სოფლის მეურნეობის კომიტეტის თავმჯდომარის გელა სამხარაულის განცხადებით, თანამედროვე სტანდარტების შესაბამისი ვენახების გაშენება აუცილებელია მაღალი ხარისხის ყურძნის მისაღებად და შესაბამისად, მაღალი ხარისხის პროდუქციის წარმოებისთვის.

პოლიტიკა • 1772005980

შალვა პაპუაშვილი: ჩვენ მხარს ვუჭერთ უკრაინელ ხალხს, არც ზელენსკი და არც ბრიუსელი ჩვენს მხარდაჭერას არ იმსახურებს, ზელენსკი უმადური ადამიანია

ჩვენ მხარს ვუჭერთ უკრაინელ ხალხს, არც ზელენსკი და არც ბრიუსელი არ იმსხურებს ჩვენს მხარდაჭერას, უმადური ხალხია, – ამის შესახებ პარლამენტის თავმჯდომარემ, შალვა პაპუაშვილმა განაცხადა.პარლამენტის თავმჯდომარეს დაუსვეს კითხვა უკრაინასთან დაკავშირებით გაერო-ს მიერ რეზოლუციის მიღებაზე, რომელსაც მხარი დაუჭირა 107-მა ქვეყანამ, მათ შორის საქართველომ. ხმის მიცემისგან თავი შეიკავა 51-მა ქვეყანამ, რომელთა შორის არიან: ამერიკის შეერთებული შტატები, ჩინეთი და უნგრეთი.„ჯერ სად იყო დიდი ბრიტანეთი ზელენსკიმ სანქციები რომ დაუწესა საქართველოს მთავრობის წარმომდგენლებს. ზოგადად, უმადური ადამიანია, ამას მე პირველი არ ვამბობ. ამერიკის პრეზიდენტმა უთხრა, ცოტა მადლიერება გამოიჩინეო. ზელენსკი არ იჩენს მადლიერებას არც ამერიკის, არც საქართველოს მიმართ. ჩვენ მხარს ვუჭერთ უკრინელ ხალხს. კიდევ ერთხელ გახსენებთ ზელენსკის სამარცხინო განცხადებებს საქართველოდან ელჩი გაიწვია იმის გამო, რომ ქართველები რატომ არ გამოუშვით ჩვენთან საომრად და დასახოცადო. მადლობა თქვან, თუმცა, საერთო ჯამში, მათი მადლობა დიდად არ გვჭირდება. ამ ყველაფერს უკრაინელი ხალხისთვის ვაკეთებთ, თავად ზელენსკის კი საბოლოო განაჩენს უკრაინელი ხალხი გამოუტანს“, – განაცხადა შალვა პაპუაშვილმა.

პოლიტიკა • 1772005834

ირაკლი კობახიძე: არის ქვეყნები, რომლებმაც თავი შეიკავეს უკრაინის შესახებ გაერო-ს რეზოლუციის მხარდაჭერისგან, უკრაინის მხარდამჭერ ათასამდე აქტს, რეზოლუციებს და განცხადებებს შევუერთდით

არის ქვეყნები, რომლებმაც თავი შეიკავეს ამ რეზოლუციის მხარდაჭერისგან, თუმცა, ეს ქვეყნები არიან გამოცხადებული პროდასავლურ და ანტირუსულ ქვეყნებად, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს უკრაინასთან დაკავშირებით გაერო-ს რეზოლუციის კომენტირებისას განუცხადა.მთავრობის მეთაურის თქმით, საქართველოს გაერო-ს ამ რეზოლუციასთან დაკავშირებითაც ჰქონდა მხარდამჭერი პოზიცია.„ჩვენ აქაც გვქონდა ღიად მხარდამჭერი პოზიცია. მხარი დავუჭირეთ შესაბამის რეზოლუციას. ასევე, არის ქვეყნები, რომლებმაც თავი შეიკავეს ამ რეზოლუციის მხარდაჭერისგან, თუმცა, ეს ქვეყნები არიან გამოცხადებული პროდასავლურ და ანტირუსულ ქვეყნებად. რამდენად სამარცხვინოა ეს ორმაგი სტანდარტები, ამას ყველა ხედავს. ჩვენი პოლიტიკა არის ძალიან მკაფიო – ჩვენ ათასამდე სხვადასხვა ტიპის აქტს, მათ შორის, რეზოლუციებს და განცხადებებს შევუერთდით მთელი ამ ოთხი წლის განმავლობაში, რომელიც მხარს უჭერდა უკრაინის სუვერენიტეტს და ტერიტორიულ მთლიანობას და რომელიც გმობდა რუსეთის სამხედრო აგრესიას უკრაინის წინააღმდეგ. ასეთ ფონზე ეს ორმაგი სტანდარტები თავის თავზე მეტყველებს“, – განაცხადა პრემიერმა.გაერო-ს გენერალურმა ასამბლეამ მიიღო რეზოლუცია სახელწოდებით „უკრაინაში ხანგრძლივი მშვიდობის მხარდაჭერა“.რეზოლუციას მხარი დაუჭირა 107-მა ქვეყანამ, მათ შორის საქართველომ. ხმის მიცემისგან თავი შეიკავა 51-მა ქვეყანამ, რომელთა შორის არიან: ამერიკის შეერთებული შტატები, ჩინეთი და უნგრეთი.

მსოფლიო • 1771963140

გაეროს გენერალურმა ასამბლეამ უკრაინაში ხანგრძლივი მშვიდობის მხარდასაჭერად მიიღო რეზოლუცია, რომელსაც საქართველომაც დაუჭირა მხარი

გაეროს გენერალურმა ასამბლეამ მიიღო რეზოლუცია სახელწოდებით „უკრაინაში ხანგრძლივი მშვიდობის მხარდაჭერა“.ტექსტში კიდევ ერთხელ დადასტურდა ასამბლეის ერთგულება უკრაინის სუვერენიტეტისა და ტერიტორიული მთლიანობის მიმართ.რეზოლუცია ასევე მოუწოდებს რუსეთს დაუყოვნებლივ ცეცხლის შეწყვეტისკენ, უკრაინის ტერიტორიული მთლიანობის პატივისცემისკენ, სამხედრო ტყვეების გაცვლისა და ყველა უკანონოდ დაკავებული პირის გათავისუფლებისკენ.რეზოლუციას მხარი დაუჭირა 107-მა ქვეყანამ, მათ შორის საქართველომ. 51-მა თავი შეიკავა, რომელთა შორის არიან: ამერიკის შეერთებულმა შტატი, ჩინეთი და უნგრეთი.

პოლიტიკა • 1771850413

ეკონომიკური პოლიტიკის კომიტეტმა „საქართველოს განვითარების ფონდის შესახებ“ საქართველოს კანონის ძალადაკარგულად გამოცხადებას მხარი დაუჭირა

ეკონომიკური პოლიტიკის კომიტეტის სხდომაზე ეკონომიკისა და მდგრადი განვითარების მინისტრის მოადგილემ ვახტანგ ცინცაძემ „სააქციო საზოგადოების − საქართველოს განვითარების ფონდის შესახებ“ საქართველოს კანონის ძალადაკარგულად გამოცხადების თაობაზე“ კანონპროექტი წარადგინა. მომხსენებლის განცხადებით, კანონპროექტის მიზანი მცირე და საშუალო ბიზნესის მხარდამჭერი ინსტრუმენტების კონსოლიდაციაა. მისივე თქმით, აღნიშნული კონსოლიდაცია სააგენტოს „აწარმოე საქართველოში“ ფარგლებში განხორციელდება, რომელიც კონცეპტუალურად საქართველოს ეკონომიკური განვითარების ბანკად გადაკეთდება. „საქართველოს განვითარების ფონდის“ ლიკვიდაციის შედეგად საქართველოს ეკონომიკური განვითარების ბანკი შეიქმნება, რომელიც ქვეყნის ეკონომიკის წინაშე არსებულ გამოწვევებს უპასუხებს და სრულყოფილად განახორციელებს საქართველოს ეროვნულ ინტერესებს“, - აღნიშნა მინისტრის მოადგილემ.კომიტეტის თავმჯდომარის შოთა ბერეკაშვილის შეფასებით, საქართველოს განვითარების ფონდმა არაერთი მნიშვნელოვანი პროექტი განახორციელა, მაგრამ დღის წესრიგში რეფორმის აუცილებლობა დადგა. მისივე თქმით, საქართველოს ეკონომიკური განვითარების ბანკი ადგილობრივ წარმოებას ეფექტიანად დაეხმარება და მცირე და საშუალო ბიზნესს შეუწყობს ხელს.„ქვეყნის ეკონომიკის სექტორული განვითარების მიმართულებით ბანკის შექმნა დიდი წინგადადგმული ნაბიჯია. ეს რეფორმა დადებით გავლენას მოახდენს როგორც ქვეყანაში ახალი სამუშაო ადგილების შექმნაზე, ასევე ეკონომიკურ ზრდაზე. საბოლოო ჯამში, ეს პროცესი მნიშვნელოვანია ჩვენი ქვეყნის მოსახლეობისა და საქართველოს ეკონომიკური კეთილდღეობისთვის“, - განაცხადა შოთა ბერეკაშვილმა.ეკონომიკური პოლიტიკის კომიტეტის წევრებმა „სააქციო საზოგადოების − საქართველოს განვითარების ფონდის შესახებ“ საქართველოს კანონის ძალადაკარგულად გამოცხადების თაობაზე“ კანონპროექტს პირველი მოსმენით მხარი დაუჭირეს.

განათლება • 1771585589

განათლების, მეცნიერებისა და ახალგაზრდულ საქმეთა კომიტეტმა „საჯარო სამსახურის შესახებ“ კანონში ცვლილება მეორე მოსმენით განიხილა

 განათლების, მეცნიერებისა და ახალგაზრდულ საქმეთა კომიტეტმა „საჯარო სამსახურის შესახებ“ კანონში ცვლილებას მეორე  მოსმენით მხარი დაუჭირა.საკითხი სხდომაზე, აჭარის ავტონომიური რესპუბლიკის უმაღლესი საბჭოს საკონსტიტუციო, იურიდიულ და საპროცედურო საკითხთა კომიტეტის თავმჯდომარემ მინდია დიასამიძემ წარადგინა.ცვლილება ტექნიკური ხასიათისაა და მიზნად ისახავს აჭარის ავტონომიური რესპუბლიკის სამინისტროს დასახელების მოქმედ კანონმდებლობასთან შესაბამისობაში მოყვანას. კერძოდ, 2025 წელს განხორციელებული რეორგანიზაციის შედეგად, აჭარის ავტონომიური რესპუბლიკის განათლების, კულტურისა და სპორტის სამინისტრო გაიყო და ორ დამოუკიდებელ უწყებად ჩამოყალიბდა - აჭარის ავტონომიური რესპუბლიკის განათლებისა და სპორტის სამინისტრო და აჭარის ავტონომიური რესპუბლიკის კულტურის სამინისტრო.ცვლილებების თანახმად, აჭარის ავტონომიური რესპუბლიკის განათლების, კულტურისა და სპორტის სამინისტროს ნაცვლად კანონში მიეთითება აჭარის ავტონომიური რესპუბლიკის განათლებისა და სპორტის სამინისტრო.კომიტეტის დღევანდელ სხდომაზე ასევე განიხილეს საქართველოს მოქალაქის მარიამ ბოხუას მიერ წარმოდგენილი  300-ზე მეტი მოქალაქის ხელმოწერილი პეტიცია 2026–2027 სასწავლო წელს პირველკლასელთა ასაკობრივი ზღვრის ცვლილებასთან დაკავშირებით.განათლების, მეცნიერებისა და ახალგაზრდულ საქმეთა კომიტეტის თავმჯდომარემ მარიამ ლაშხმა აღნიშნული საკითხთან დაკავშირებით განათლების, მეცნიერებისა და ახალგაზრდობის სამინისტროს პოზიცია წარადგინა. აგრეთვე, მიმოიხილა არსებული  სტატისტიკური მონაცემები და განსაკუთრებული ყურადღება სასკოლო მზაობის საკითხზე გაამახვილა.როგორც სხდომაზე აღინიშნა, პეტიციის განხილვამდე კომიტეტის თავმჯდომარე პეტიციის ავტორებსა და ხელმომწერებს შეხვდა და მათ მოსაზრებებს გაეცნო.კომიტეტმა ბავშვის საუკეთესო ინტერესების დაცვის პრინციპიდან გამომდინარე, პეტიციის შემდგომი შესწავლა და განხილვა მიზანშეუწონლად მიიჩნია.

პოლიტიკა • 1771446781

რატი იონათამიშვილი გახარიას პარტიის მიერ შშმ პირთა უფლებების წინააღმდეგ ხმის მიცემაზე: კენჭისყრაში რომ არ მიეღოთ მონაწილეობა, არაფერს ვიტყოდი, მაგრამ წინააღმდეგ წასვლას, პასუხისმგებლობა მოჰყვება - ამაზე უხერხული თავის მართლება ძნელად მახსენდება, გახარიას ფარულავასგან, ცხადია, არაფერი გვიკვირს

ამაზე უხერხული თავის მართლება ძნელად მახსენდება, - ასე აფასებს პარლამენტის ადამიანის უფლებათა დაცვის კომიტეტის თავმჯდომარე, რატი იონათამიშვილი, "გახარია -საქართველოსთვის" წევრის, გიგა ფარულავას განმარტებას, თუ რატომ მისცა მისმა პარტიამ ხმა შშმ პირთა უფლებების წინააღმდეგ.ის პასუხობს ფარულავას განცხადებას, რომელმაც აღნიშნა, რომ მისი პარტიის წევრი განხილვებსაც ესწრებოდა და მეტიც, მას შშმ პირი ახლდა, რომლის შენიშვნებიც არ იქნა გათვალისწინებული, ამიტომ მისცეს ხმა კანონში შესატანი ცვლილებების წინააღმდეგ. იონათამიშვილის განცხადებით, საკომიტეტო განხილვაზე შენიშვნა ან განსხვავებული მოსაზრება, რომელიმე შშმ პირს არ გამოუთქვამს და პირიქით, ყველა დამსწრე მიესალმა კანონპროექტს. მისივე თქმით, სხვა საკითხებთან დაკავშირებით, "შალვა კერესელიძე ძლივს ჩამოვიდა ტრიბუნიდან", შშმ პირებთან დაკავშირებულ თემაზე კი, ხმა არ ამოუღიათ. "ამაზე უხერხული თავის მართლება ძნელად მახსენდება.1. განხილვას რომ ესწრებოდნენ პლენარულ სხდომაზე და ხმა არ ამოუღიათ, კენჭისყრაშიც რომ მიიღეს მობაწილეობა და წინააღმდეგი მისცეს ხმა, ეგ არის ამ პარტიის უპსუხისმგებლობა და სირცხვილი!   2.  კენჭისყრაში რომ არ მიეღოთ მონაწილეობა და თავი შეეკავებინათ, არაფერს ვიტყოდი, მაგრამ წინააღმდეგ წასვლას, რა თქმა უნდა, პასუხისმგებლობა მოჰყვება!3. სხვათა შორის, იმავე დღეს, პროდუქტის უსაფრთხოების და საჯარო სამსახურის შესახებ კანონიებში წინააღმდეგი არ დაუფიქსირებიათ. და სხვა საკითხებზე, ბატონი შალვა კერესელიძე ძლივს ჩამოვიდა ტრიბუნიდან.4. საკომიტეტო განხილვაზე კანონის პროექტთან დაკავშირებით არც შენიშვნა გამოუთქვამს რომელიმე შშმ პირს და არც განსხვავებული მოსაზრება. პირიქით, ვინც კი ესწრებოდა, ყველა მიესალმა ამ კანონში ვებმისაწვდომობის შესწორებებს.5. გახარიას ფარულავასგან, ცხადია, არაფერი გვიკვირს. მან მაგალითად დღეს, შსს მინისტრს უსაყვედურა ნარკოპოლიტიკაზე, მოვაჭრეებს არავინ იჭერს და საზღვარს არავინ აკონტროლებსო, მაშინ, როდესაც მარტო 2025 წელს 2,300 ნარკომოვაჭრეა დაკავებული და თუნდაც იმ ერთი საქმის გახსნა, როდესაც 1 ტონა ჰეროინი ამოიღეს ჩვენმა სამართალდამცველებმა, რომლის საბოლოო დანიშნულებაც ევროპის ქვეყნები იყო, რად ღირს. ანუ ევროპის ქვეყნები მადლობას გვეუბნებიან, ჩვენზეც ზრუნავთო და ეს აშკარად “სხვა ქვეყანაში” ცხოვრობს.და ბოლოს, “ვებმისაწვდომობის შესწორებებზე” გვექნება განხილვა მეორე და მესამე მოსმენის ფარგლებში და ველოდები იმ შვიდეულის არგუმენტებს. გამოგვყვნენ მუხლობრივ განხილვაში და თქვან კონკრეტულად რას ეწინააღმდეგენიან და რატომ." - წერს რატი იონათამიშვილი სოციალურ ქსელში. ცნობისთვის, საქართველოს პარლამენტმა, 84 ხმით 7-ის წინააღმდეგ, მხარი დაუჭირა „შეზღუდული შესაძლებლობის მქონე პირთა უფლებების შესახებ“ საქართველოს კანონში შესატან ცვლილებებს, რომელიც ვებსაიტებისა და მობილური აპლიკაციების შშმ პირებისთვის ხელმისაწვდომობის საკითხს ეხება.