პოლიტიკა • 1750423680

ადამიანის უფლებათა დაცვისა და სამოქალაქო ინტეგრაციის კომიტეტმა „საქართველოს სისხლის სამართლის კოდექსში ცვლილების შეტანის შესახებ“ კანონპროექტზე იმსჯელა

ადამიანის უფლებათა დაცვისა და სამოქალაქო ინტეგრაციის კომიტეტმა „საქართველოს სისხლის სამართლის კოდექსში ცვლილების შეტანის შესახებ“ კანონპროექტზე იმსჯელა.კანონპროექტის ერთ-ერთი ინიციატორის, იურიდიულ საკითხთა კომიტეტის თავმჯდომარე არჩილ გორდულაძის განმარტებით, კანონპროექტის მომზადება განაპირობა სისხლის სამართლის კოდექსით გათვალისწინებული ცალკეული დანაშაულების შედეგად დაზარალებული პირებისთვის მიყენებული ქონებრივი ზიანის ანაზღაურებისთვის ეფექტიანი მექანიზმის დანერგვის აუცილებლობამ.არჩილ გორდულაძის განცხადებით, ახალი რედაქციით ყალიბდება სისხლის სამართლის კოდექსის მე-3 მუხლის მე-5 ნაწილი, რომლითაც განისაზღვრა სოციალური დაცვის ღონისძიების გამოყენებისას სისხლის სამართლის კანონის უკუძალის საკითხი. კერძოდ, სოციალური დაცვის ღონისძიება გამოიყენება მხოლოდ იმ კანონის საფუძველზე, რომელიც მოქმედებს სასამართლოში საქმის გადაწყვეტის დროს.კოდექსს ემატება ახალი თავი, რომელიც დეტალურად არეგულირებს საქართველოდან გასვლის აკრძალვასთან დაკავშირებულ საკითხებსა და თავისებურებებს.მისი თქმით, საქართველოდან გასვლის აკრძალვა არის სოციალური დაცვის ღონისძიება და მისი მიზანია პირის მიერ დანაშაულით მიყენებული ზიანის ანაზღაურებისთვის თავის არიდების პრევენცია.„თავად საქართველოდან გასვლის აკრძალვა ნიშნავს იმას, რომ საქართველოს მოქალაქე და საქართველოში სტატუსის მქონე მოქალაქეობის არმქონე პირი მოვალეა, მის მიერ ჩადენილი დანაშაულის შედეგად გამოწვეული ზიანი დაზარალებულს აუნაზღაუროს გონივრულ ვადაში და არ დატოვოს საქართველოს ტერიტორია“, - განაცხადა არჩილ გორდულაძემ.კანონპროექტით განისაზღვრება საქართველოდან გასვლის აკრძალვის ვადა.კომიტეტმა მხარი დაუჭირა კანონპროექტს.

პოლიტიკა • 1750420347

შემოთავაზებული ცვლილებების სულისკვეთებაა, რომ ადამიანებმა სხვისი უბედურების ხარჯზე საკუთარი ცხოვრება არ ააწყონ - არჩილ გორდულაძე ქონებრივი ზიანის ანაზღაურების კანონზე

ადამიანის უფლებათა დაცვის კომიტეტმა მხარი დაუჭირა ცვლილებებს, რომლებიც ქონებრივი ზიანის ანაზღაურებას ეხება. “ქართული ოცნების“ ინიციატივის განხილვა პარლამენტში დღეიდან დაიწყო. ცვლილებები 5 კანონში შედის.საკანონმდებლო პაკეტის თანახმად, დანაშაულის შედეგად დაზარალებულს ქონებრივი ზიანის გამარტივებული წესით ანაზღაურების შესაძლებლობა ექნება. დაზარალებული ზიანს აინაზღაურებს როგორც დანაშაულის ჩამდენისგან, ასევე მისი ახლო ნათესავისგან და დაკავშირებული პირისგან ამოღებული ქონებით. შემოდის საქართველოდან გასვლის აკრძალვა, ასევე დარეგულირებულია დაზარალებულის გარდაცვალების შემთხვევაც.პარლამენტის იურიდიულ საკითხთა კომიტეტის თავმჯდომარის, არჩილ გორდულაძის განცხადებით, შემოთავაზებული ცვლილებების სულისკვეთებაა, რომ ადამიანებმა სხვისი უბედურების ხარჯზე საკუთარი ცხოვრება არ ააწყონ."იმისთვის, რომ გაიზარდოს ეფექტიანობა, მნიშვნელოვანია, რომ სისხლის სამართლის საპროცესო, სისხლის სამართლის კოდექსის, ამავდროულად თანმდევი ცვლილებების ერთობლიობაში მოხდეს ისეთი მექანიზმის შემუშავება, რომელიც ერთი მხრივ მოახდენს შემდგომი დანაშაულების ჩადენის პრევენციას, ხოლო მეორე მხრივ, ზიანის ანაზღაურების ეფექტიანი საშუალება იქნება.უზრუნველყოფის ღონისძიებები იქნება გათვალისწინებული. ახლა სამწუხაროდ გვაქვს ისეთი მოცემულობა, დამნაშავეები ფიქრობენ, რომ მოიხდიან კანონით გათვალისწინებულ სასჯელს, იქნება ეს თავისუფლების აღკვეთა თუ სხვა სასჯელი და შემდეგ, დატოვებენ საპატიმრო დაწესებულებას და მიყენებული ზიანის შედეგად აღებული თანხები, ანუ დანაშაულებრივი გზით მიღებულ ქონებას მოიხმარენ თავიანთი შეხედულებისამებრ და არად აგდებენ ადამიანების უფლებას. შემოთავაზებული ცვლილებების სულისკვეთებაა, რომ ადამიანებმა სხვისი უბედურების ხარჯზე საკუთარი ცხოვრება არ ააწყონ", - განაცხადა არჩილ გორდულაძემ.

მსოფლიო • 1750413890

რუსეთისა და ბელარუსის მოქალაქეებს ლატვიაში უძრავი ქონების შეძენა აეკრძალათ

რუსეთისა და ბელარუსის მოქალაქეებს ლატვიაში უძრავი ქონების შეძენა აეკრძალათ. კანონს სეიმმა მხარი დაუჭირა. ცვლილება ვრცელდება როგორც კერძო, ისე იურიდიულ პირებზე.რუსეთისა და ბელარუსის იმ მოქალაქეებს, ვინც წარსულში უძრავი ქონება შეიძინა ან ის მემკვიდრეობით მიიღო, კანონი არ შეეხება.

პოლიტიკა • 1750333597

Politico: ევროპარლამენტი არასამთავრობო ორგანიზაციების დაფინანსების შესასწავლად ოფიციალურ ორგანოს ქმნის

ევროპარლამენტმა მემარჯვენე პოლიტიკური ჯგუფების დახმარებით მხარი დაუჭირა სამუშაო ჯგუფის შექმნას, რომელიც ევროკავშირში არასამთავრობო ორგანიზაციების დაფინანსებას შეისწავლის. ინფორმაციას Politico ავრცელებს.სამუშაო ჯგუფის შექმნის შესახებ წინადადება მემარჯვენე ცენტრისტულმა „ევროპის სახალხო პარტიამ“ წარადგინა, რომელიც ევროპარლამენტში უმსხვილეს ფრაქციას წარმოადგენს.გადაწყვეტილების წინააღმდეგ ხმა ცენტრისტმა სოციალისტებმა, დემოკრატებმა და ლიბერალებმა მისცეს.„ჩვენ დიდი ხანია ვსაუბრობდით იმაზე, რომ არასამთავრობო ორგანიზაციების გამჭვირვალობის უზრუნველსაყოფად არასაკმარისი რამ კეთდებოდა. და ზუსტად ეს გვქონდა მხედველობაში“, - ციტირებს Politico „ევროპის სახალხო პარტიის“ დეპუტატს, ტომაშ ზდეხოვსკის.გამოცემის ცნობით, სპეციალური ჯგუფი შეისწავლის ყველა კონტრაქტს, რომლებსაც ევროკომისია არასამთავრობო ორგანიზაციებთან გააფორმებს.როგორც Politico აღნიშნავს, მემარჯვენე მრწამსის პოლიტიკური ჯგუფები ევროპაში სულ უფრო ხშირად აცხადებენ, რომ არასამთავრობო ორგანიზაციების დაფინანსების კონტროლია საჭირო. მათ აინტერესებთ, თუ როგორ იხარჯება ევროკომისიის ფული. ეს უთანხმოების მიზეზი ხშირად გამხდარა.მაკონტროლებელი ორგანოს შექმნის იდეა მას შემდეგ გაჩნდა, რაც ევროპარლამენტის საბიუჯეტო კონტროლის კომიტეტის წევრებმა „ევროპის სახალხო პარტიიდან“ ევროკომისია არასამთავრობო ორგანიზაციების სახელმწიფო კონტრაქტების მეშვეობით პარლამენტის ინტერესების ლობირების დაფინანსებაში დასდეს ბრალი.

საზოგადოება • 1750156829

საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტმა „დიზაინის შესახებ“ საქართველოს კანონში შესატან ცვლილებებს მხარი დაუჭირა

დარგობრივი ეკონომიკისა და ეკონომიკური პოლიტიკის კომიტეტმა განიხილა და მხარი დაუჭირა საქართველოს კანონის პროექტს „დიზაინის შესახებ“ საქართველოს კანონში ცვლილებების შეტანის თაობაზე. საქპატენტის მიერ მომზადებული „დიზაინის შესახებ“ საქართველოს კანონის ცვლილებათა პროექტი გააუმჯობესებს საქართველოში დიზაინების სამართლებრივი დაცვის მექანიზმებსა და უზრუნველყოფს დიზაინების დაცვის სფეროში ევროკავშირის კანონმდებლობასთან შემდგომ დაახლოებას.ინტელექტუალური საკუთრების სისტემის განვითარება საქართველოს მთავრობის ერთ-ერთი პრიორიტეტია, რომელიც, ასევე, გულისხმობს ევროკავშირის კანონმდებლობით გათვალისწინებული თანამედროვე სტანდარტებისა და მიდგომების ქართულ კანონმდებლობაში დანერგვას. „დიზაინის შესახებ“ მოქმედ კანონში ევროკავშირის კანონმდებლობასთან გარკვეული პროცედურული და ტექნიკური შეუსაბამობების აღმოფხვრის მიზნით, „ევროკავშირისა და საქართველოს ინტელექტუალური საკუთრების შესახებ პროექტის (EUGIPP)“ ფარგლებში ჩატარდა არაერთი შეხვედრა ევროკავშირის დარგის სპეციალისტებთან, გაკეთდა საქართველოსა და ევროკავშირის კანონმდებლობების შედარებითი ანალიზი და, ინტელექტუალური საკუთრების ექსპერტებთან კონსულტაციების საფუძველზე, შემუშავდა კანონის ცვლილებათა პროექტი, რომელიც მიზნად ისახავს საქართველოში დიზაინების საკანონმდებლო და ინსტიტუციური ჩარჩოს გაუმჯობესებას და ევროკავშირის კანონმდებლობასთან ჰარმონიზებას.აღნიშნული ცვლილებების შედეგად გაუმჯობესდება დიზაინის ექსპერტიზა და სამართლებრივი დაცვა, გაიზრდება საქპატენტთან არსებული დავების განმხილველი ორგანოს – სააპელაციო პალატის უფლებამოსილება. გარდა ამისა, დაინერგება დიზაინის ხელახალი ექსპერტიზა, რომელიც შექმნის დიზაინის ბათილად ცნობის შესახებ დავების უფრო სწრაფად განხილვის შესაძლებლობას, რაც ააცილებს მხარეებს ხანგრძლივ სასამართლო დავებს და ხელს შეუწყობს დიზაინის დაცვის სისტემის გაუმჯობესებას.თავის მხრივ დიზაინის რეგისტრაცია ემსახურება ადამიანის ინტელექტუალურ-შემოქმედებითი პოტენციალის განვითარებასა და მაღალი კონკურენტუნარიანი გარემოს შექმნას. მისი დაცვის ეფექტიანი სისტემა კი უზრუნველყოფს არაკეთილსინდისიერი კონკურენციისაგან დაცვას, რაც ხელს უწყობს ვაჭრობის წახალისებასა და, საბოლოო ჯამში, ქვეყნის ეკონომიკურ განვითარებას.

პოლიტიკა • 1750077875

რეგიონული პოლიტიკისა და თვითმმართველობის კომიტეტზე არაგვის დაცულ ლანდშაფტთან დაკავშირებით მომზადებულ კანონპროექტზე იმსჯელეს

რეგიონული პოლიტიკისა და თვითმმართველობის კომიტეტის სხდომაზე გარემოს დაცვისა და სოფლის მეურნეობის მინისტრის პირველმა მოადგილემ ნინო თანდილაშვილმა „არაგვის დაცული ლანდშაფტის შექმნისა და მართვის შესახებ“ საქართველოს კანონში ცვლილების შეტანის თაობაზე“ კანონპროექტი პირველი მოსმენით წარადგინა.მომხსენებლის ინფორმაციით, არაგვის დაცული ლანდშაფტის ფართობი იზრდება და არსებულ 99 802 ჰექტარს, ვაშლობის ხეობის მიერთების შედეგად, 3638 ჰექტარი დაემატება. მისივე თქმით, ვაშლობის ხეობისთვის დაცული ლანდშაფტის სტატუსის მინიჭება ადგილობრივი მოსახლეობის ინიციატივის საფუძველზე ხდება.მინისტრის პირველი მოადგილის განცხადებით, ხეობას, რომელსაც უნიკალური ეკოსისტემა აქვს, ტურისტული თვალსაზრისით მნიშვნელოვანი პოტენციალი გააჩნია.„ვაშლობის ხეობის ხელსაყრელი გეოგრაფიული მდებარეობა, სხვა დაცულ ტერიტორიებთან დამაკავშირებელი ტურისტული მარშრუტები და ადგილობრივი მოსახლეობისათვის სოციალურ–ეკონომიკური განვითარების პოტენციალის შექმნა, მთიულეთისა და გუდამაყრის მოსახლეობას მნიშვნელოვან სარგებელს მოუტანს“, - განაცხადა ნინო თანდილაშვილმა.კომიტეტმა წარმოდგენილი კანონპროექტი დადებითად შეაფასა და პლენარულ სხდომაზე მისი პირველი მოსმენით გატანას მხარი დაუჭირა.

პოლიტიკა • 1750063020

2009 წელს ახალგაზრდებმა დავით ბაქრაძის მანქანას წინაღობა შეუქმნეს, რასაც სერიოზული აღშფოთება მოჰყვა საელჩოებისგან, ეს მწვანე შუქი იყო სააკაშვილის რეჟიმისთვის, ძალადობრივად ემოქმედათ - ზურაბ აბაშიძე

„2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელ დროებითი საგამოძიებო კომისიის“ სხდომაზე, სადაც 2009 წლის 15 ივნისის აქციის დარბევის საკითხი განიხილება, 2009-2010 წლებში პოლიტიკური პარტია „თავისუფალი დემოკრატების“ გენერალურ მდივანს, ზურაბ აბაშიძეს უსმენენ.ზურაბ აბაშიძემ კომისიის სხდომაზე გიხსენა ახალგაზრდების პროტესტი პარლამენტთან, როდესაც ხალგაზრდებმა მაშინდელი პარლამენტის თავმჯდომარის, დავით ბაქრაძის ავტომობილს წინაღობა შეუქმნეს.ამასთან, აბაშიძემ აღნიშნა, რა განცხადებები კეთდებოდა ამ პერიოდში საელჩოების მხრიდან.„დაახლოებით 2009 წლის 12 ივნისია, როდესაც პარლამენტის სხდომა ჩაინიშნა. მაშინ დეპუტატებმა მოსვლა დაიწყეს პარლამენტში. ამ პერიოდში საერთო ოპოზიციური გაერთიანების ახალგაზრდულმა ფრთამ მოაწყო ეგრეთ წოდებული სირცხვილის კორდონი, რაც მიღებულია დემოკრატიულ სახელმწიფოში. ეს იყო ჩვეულებრივი ფორმა. მაშინ პარლამენტის თავმჯდომარე იყო დავით ბაქრაძე. მის მანქანას რაღაც წინაღობა შეუქმნეს ახალგაზრდებმა და ამას მოჰყვა სერიოზული აღშფოთება, როგორ შეიძლება, პარლამენტის თავმჯდომარეს, წევრებს არ ატარებენო და ასე შემდეგ. წამოვიღე მაშინდელი საელჩოების განცხადებები. ეს ნიშანდობლივია, რათა პარალელი გავავლოთ, რა განცხადებები გაკეთდა ამ პერიოდში ამერიკის საელჩოს ან იგივე საფრანგეთის საელჩოს მხრიდან. მინდა, პარალელი გავავლოთ ბოლოდროინდელ აქციებთან, როდესაც, პრაქტიკულად, დაანგრიეს დედაქალაქი, რაებს ისროდნენ, რა ძალადობა იყო ოპოზიციის მხრიდან და რა შეფასებას აძლევდნენ იმ პერიოდში საელჩოს წარმომადგენლები. მაგალითად, ამერიკის საელჩომ გააკეთა განცხადება და თქვა: „აშშ წუხს, რომ საპროტესტო აქციის ზოგიერთმა ლიდერმა ადამიანებზე და მათ ქონებაზე მიტანილ იერიშს მხარი დაუჭირა. თავდამსხმელმა ხელი შეუშალა ოფიციალური პირების საქმიანობას და გადაკვეთა ხაზი, რომელიც აზრის გამოხატვის თავისუფლებასა და კრიმინალურ ქმედებებს შორის არის გავლებული“. ასევე საფრანგეთის ელჩმა, ერიკ ფურნიემ განაცხადა, რომ „ხალხის მიერ არჩეულ დეპუტატებს ქვები ესროლეს, დემოკრატიას შეურაცხყოფა მიაყენეს, ასევე შეურაცხყოფა მიაყენეს ჩეხეთის ელჩს, რომელიც საქმის გასარკვევად ადგილზე მივიდა. მოვუწოდებთ ყველა პოლიტიკურ პარტიას, თავი შეიკავოს ძალადობის პროვოკაციისგან“. ასევე უნდა ითქვას, რომ ასეთი განცხადებები უკვე მწვანე შუქი იყო სააკაშვილის რეჟიმისთვის და მისი ხელისუფლებისთვის, რომ მათ ძალადობრივად ემოქმედათ. ასეთი განცხადებები სწორედ ამას გულისხმობს. იქ ვიყავით, როდესაც ახალგაზრდებმა გზები გადაკეტეს. ბუნებრივია, ეს იყო მშვიდობიანი, უბრალოდ პროტესტს გამოვხატავდით და პროტესტის ფორმა ყველა შემთხვევაში იყო მშვიდობიანი“, – განაცხადა ზურაბ აბაშიძემ.კომისიის თავმჯდომარე თეა წულუკიანმა ზურაბ აბაშიძეს კითხვა დაუსვა: „დავით ბაქრაძის მანქანას შეუქმნეს წინაღობაო. რას გულისხმობდა წინაღობა, წინ გადაუდგნენ და არ გაატარეს, თუ მანქანას დაუშინეს ქვები?, რაზეც აბაშიძემ აღნიშნა:„ეს ფაქტი პირადად არ დამინახავს, რადგან მაშინ რუსთაველზე ვიყავი, ქვევით. რომ გავიგეთ, რაღაც ხმაური იყო, ამოვედით. როგორც მახსოვს, დავით ბაქრაძე უნდა გამოსულიყო პარლამენტიდან და ახალგაზრდებმა წინაღობა შეუქმნეს. ქვის სროლა და რაიმე ასეთი ფიზიკური შეურაცყოფა არ მინახავს. დავინახე, რომ სადაც ახლა უშიშროების სამსახურის შენობაა, იქ იყვნენ უშიშროების თანამშრომლები. სახეზეც ვიცანი, ერთი იყო ახალაია, მეორე სანოძე, რომლებსაც ტირის თოფი ჰქონდათ და პირდაპირ ესროდნენ ახალგაზრდებს. ვუთხარი, რას აკეთებთ, ეს რომ ვინმეს თვალში მოხვდეს-მეთქი. ერთობოდნენ. ეს იყო აბსოლუტურად პროვოცირებული. ამ დროს დათა ახალაია უშიშროების მაღალჩინოსანი იყო“.როგორც ზურაბ აბაშიძემ აღნიშნა, არც ერთ აქციაზე, რომელსაც იმ პერიოდში ოპოზიცია ატარებდა, სამართალდარღვევა არ განხორციელებულა.„არ მახსოვს, ვინმეს კანონი დაერღვია. იყო სრულიად მშვიდობიანი, თავისუფალი და ორიენტირებული, მაქსიმალურად გვემხილებინა ის სისხლიანი რეჟიმი, რომელსაც „ნაციონალური მოძრაობა“ ერქვა და დღესაც ჰქვია“, – განაცხადა ზურაბ აბაშიძემ.

პოლიტიკა • 1750057638

ზურაბ აბაშიძე „ნაცმოძრაობის" დროს აქციების დარბევაზე: საელჩოების მაშინდელი განცხადებები უკვე მწვანე შუქი იყო სააკაშვილისა და მისი ხელისუფლებისთვის, რომ ძალადობრივად ემოქმედათ

წამოვიღე საელჩოების მაშინდელი განცხადებები - ეს მნიშვნელოვანია იმისათვის, რომ პარალელი გავავლოთ, რა განცხადებები გაკეთდა მაგ პერიოდში ამერიკის საელჩოს, საფრანგეთის საელჩოს მხრიდან. ბოლოდროინდელი აქციები, რაც ვიხილეთ, როდესაც პრაქტიკულად დაანგრიეს დედაქალაქი - რასაც ისროდნენ და რა ძალადობა იყო გამოყენებული ოპოზიციის მხრიდან, პარალელი უნდა გავავლოთ, რა შეფასებას აძლევდნენ იმ პერიოდში საელჩოს წარმომადგენლები, - განაცხადა თბილისის საკრებულოს თავმჯდომარემ, ზურაბ აბაშიძემ, 2009 წლის 15 ივნისის მშვიდობიანი აქციის დარბევის შესახებ საუბრისას, პარლამენტის საგამოძიებო კომისიის სხდომაზე.მისი თქმით, საელჩოების ამგვარი განცხადებები მიხეილ სააკაშვილის ხელისუფლებისთვის მწვანე შუქი იყო, რომ ძალადობრივად ემოქმედათ.„როგორც მახსოვს, მაშინ პარლამენტის თავმჯდომარე დავით ბაქრაძე იყო და მის მანქანას ახალგაზრდებმა რაღაც წინაღობა შეუქმნეს. ამას მოჰყვა სერიოზული აღშფოთება, როგორ შეიძლება, პარლამენტის თავმჯდომარეს, პარლამენტის წევრებს არ ატარებენ და ა.შ. მე ასევე წამოვიღე საელჩოების მაშინდელი განცხადებები - ეს მნიშვნელოვანია იმისათვის, რომ პარალელი გავავლოთ, რა განცხადებები გაკეთდა მაგ პერიოდში ამერიკის საელჩოს, საფრანგეთის საელჩოს მხრიდან. ბოლოდროინდელი აქციები, რაც ვიხილეთ, როდესაც პრაქტიკულად დაანგრიეს დედაქალაქი - რასაც ისროდნენ და რა ძალადობა იყო გამოყენებული ოპოზიციის მხრიდან, პარალელი უნდა გავავლოთ, რა შეფასებას აძლევდნენ იმ პერიოდში საელჩოს წარმომადგენლები. მაგალითად, ამერიკის საელჩომ გააკეთა განცხადება და თქვა, რომ "აშშ წუხს, რომ საპროტესტო აქციის ზოგიერთმა ლიდერმა, ადამიანებსა და მათ ქონებაზე მიტანილ იერიშს მხარი დაუჭირა. ხსენებულმა თავდასხმებმა ხელი შეუშალა ოფიციალური პირების საქმიანობას და გადაკვეთა ხაზი, რომელიც აზრის გამოხატვის თავისუფლებასა და კრიმინალურ ქმედებებს შორის არის გავლებული." ასევე, ხელთ მაქვს საქართველოში საფრანგეთის ელჩის, ბატონი ერიკ ფურნიეს განცხადება: "ხალხის მიერ არჩეულ დეპუტატებს ქვები ესროლეს, დემოკრატიას შეურაცხყოფა მიაყენეს. ასევე, შეურაცხყოფა მიაყენეს ჩეხეთის ელჩს, რომელიც საქმის გასარკვევად ადგილზე მივიდა. ჩვენ მოვუწოდებთ ყველა პოლიტიკურ პარტიას, თავი შეიკავოს ძალადობის პროვოცირებისგან." მე ვფიქრობ, ასეთი განცხადებები უკვე მწვანე შუქი იყო სააკაშვილის და მისი ხელისუფლებისთვის, რომ მათ უკვე ძალადობრივად ემოქმედათ. ასეთი განცხადებები სწორედ ამას გულისხმობდა." - განაცხადა ზურაბ აბაშიძემ.

პოლიტიკა • 1749722226

პარლამენტმა „პროკურატურის შესახებ“ კანონპროექტი მესამე მოსმენით დაამტკიცა

პარლამენტმა „პროკურატურის შესახებ“ კანონპროექტი მესამე მოსმენით დაამტკიცა.დღევანდელ პლენარულ სხდომაზე კანონპროექტს მხარი დაუჭირა 78-მა დეპუტატმა.მიღებული გადაწყვეტილებით, გენერალური პროკურორის არჩევის წესი შეიცვალა. კერძოდ, პროექტით, გენერალური პროკურორის ვადის გასვლამდე არაუგვიანეს ექვსი თვის, ხოლო უფლებამოსილების ვადამდე შეწყვეტის შემთხვევაში, საპროკურორო საბჭო გენერალური პროკურორის კანდიდატის პარლამენტისთვის წარსადგენად პროცესს დაუყოვნებლივ იწყებს, რომელიც ერთი კვირის ვადაში დასრულდება.პროექტით, გენერალური პროკურორის კანდიდატის დასახელების უფლება ექნება საპროკურორო საბჭოს თითოეულ წევრს, რომელსაც უფლება ექნება, მხოლოდ ერთი კანდიდატი დაასახელოს. ამის შემდეგ, პროცედურის მიხედვით, გენერალური პროკურორის კანდიდატს საპროკურორო საბჭოს სხდომაზე კენჭი ეყრება. კენჭისყრა ღია იქნება, კანდიდატი მხარდაჭერილად ჩაითვლება, თუ მას ხმას მისცემს საპროკურორო საბჭოს სრული შემდგენლობის უმრავლესობა.ცვლილებებით კონკრეტდება, რომ წარდგენის პროცესში თუ ერთი კანდიდატი მონაწილეობდა და მან ვერ დააგროვა ხმების საჭირო რაოდენობა, წარდგენის პროცესი ხელახლა დაიწყება.ცვლილებების მიხედვით, საპროკურორო საბჭო მხარდაჭერილ კანდიდატს შესაბამისი დასაბუთებით საქართველოს პარლამენტს წარუდგენს. წარდგენილმა კანდიდატმა საქართველოს პარლამენტის წევრთა ხმათა საჭირო რაოდენობა თუ ვერ მიიღო, საპროკურორო საბჭო კანდიდატის წარდგენის პროცედურას ხელახლა დაიწყებს.დღეს მოქმედი კანონით, საპროკურორო საბჭო გენერალური პროკურორის კანდიდატს კონსულტაციების საფუძველზე ერთი თვის ვადაში არჩევდა, რომელსაც პარლამენტს წარუდგენდა.

პოლიტიკა • 1749720841

დარგობრივი ეკონომიკისა და ეკონომიკური პოლიტიკის კომიტეტმა „ნავთობისა და გაზის შესახებ“ და „საქართველოს საზღვაო კოდექსში“ ცვლილებები მეორე მოსმენით განიხილა

დარგობრივი ეკონომიკისა და ეკონომიკური პოლიტიკის კომიტეტმა მეორე მოსმენით, მუხლობრივად განიხილა და მხარი დაუჭირა "ნავთობისა და გაზის შესახებ" კანონში ცვლილებებს და მისგან გამომდინარე კანონპროექტთა პაკეტს.საქართველოს მთავრობის საკანონმდებლო ინიციატივა სხდომაზე ეკონომიკისა და მდგრადი განვითარების მინისტრის პირველმა მოადგილემ ნინო ენუქიძემ წარადგინა.ცვლილებების თანახმად, განიმარტება ბუნებრივი წყალბადის და ბუნებრივი წყალბადის ოპერაციების ცნებები. ფართოვდება/ზუსტდება პროდუქციის წილობრივი განაწილების ხელშეკრულების და მის საფუძველზე გასაცემი ნავთობისა და გაზის რესურსებით სარგებლობის გენერალური ლიცენზიის ცნებები.როგორც მომხსენებელმა განმარტა, პირველი მოსმენით განხილვის შემდეგ, ცვლილება განხორციელდა პირველ მუხლში, სადაც ბუნებრივ წყალბადს დაემატა სიტყვები - 1000 კუბური მეტრი. ასევე, ახალი რედაქციით ჩამოყალიბდა და განიმარტა ე.წ. ათვისების გეგმა.მომხსენებლის ინფორმაციით, პაკეტში შემავალ გარემოსდაცვითი შეფასების კოდექსის მეორე მუხლში განხორციელდა ცვლილება, სადაც მოხდა ბუნებრივი წყალბადის ტერმინის ჩამატება.სხდომაზე ასევე მეორე მოსმენით განიხილეს "საქართველოს საზღვაო კოდექსში" ცვლილებები, რომელიც ეკონომიკისა და მდგრადი განვითარების მინისტრის მოადგილემ გურამ გურამიშვილმა წარადგინა.ცვლილებების თანახმად, სსიპ - საქართველოს სახელმწიფო ჰიდროგრაფიული სამსახური ერთიანდება სსიპ - საზღვაო ტრანსპორტის სააგენტოსთან.მომხსენებლის ინფორმაციით, კანონს დაემატა ახალი მუხლი, რომელიც გულისხმობს ისეთი კონკრეტული ტერმინოლოგიების დაზუსტებას, როგორც არის - ძალიან სერიოზული საზღვაო შემთხვევა, სერიოზული საზღვაო შემთხვევა, ნაკლებად სერიოზული საზღვაო შემთხვევა და საზღვაო ინციდენტი.მე-3 მუხლში განხორციელებული ცვლილება ეხება კანონის ამოქმედების ვადას, რომელიც 30 კალენდარული დღის ნაცვლად, განისაზღვრა კონკრეტული თარიღით - 1 აგვისტო.სხდომაზე განხილულ საკანონმდებლო ცვლილებებს კომიტეტმა მხარი დაუჭირა.

ფინანსები • 1749719065

საქართველოს პარლამენტმა ეროვნული ბანკის 2024 წლის ანგარიში დაამტკიცა

საქართველოს პარლამენტმა კენჭი უყარა და მხარი დაუჭირა საქართველოს პარლამენტის დადგენილების პროექტს „საქართველოს ეროვნული ბანკის 2024 წლის საქმიანობის ანგარიშის თაობაზე“, რომელიც საკანონმდებლო ორგანოში ეროვნული ბანკის პრეზიდენტმა ნათია თურნავამ წარადგინა. ინფორმაციას ეროვნული ბანკი ავრცელებს.ეროვნული ბანკის ანგარიში მოიცავს ფულად-საკრედიტო, სავალუტო და საზედამხედველო პოლიტიკის მიმოხილვას და აუდიტირებულ ფინანსურ ანგარიშგებას.ნათია თურნავამ მოხსენებაში ის პრიორიტეტული მიმართულებები მიმოიხილა, რომლითაც საანგარიშო პერიოდში ქვეყნის ცენტრალური ბანკი ხელმძღვანელობდა.თავისი გამოსვლა მან ეროვნული ბანკის ძირითადი ამოცანის - ფასების სტაბილურობის შესახებ საუბრით დაიწყო და აღნიშნა, რომ ფასების სტაბილურობის უზრუნველყოფა გრძელვადიანი ეკონომიკური კეთილდღეობის წინაპირობაა. აღნიშნული მიზნის მისაღწევად ეროვნული ბანკი მონეტარულ პოლიტიკას ინფლაციის თარგეთირების რეჟიმით ახორციელებს, ინფლაციის მიზნობრივი დონე კი 2018 წლიდან 3 პროცენტს შეადგენს.„აღსანიშნავია, რომ 2024 წელს ინფლაცია კვლავ სტაბილურად დაბალ დონეზე შენარჩუნდა და საშუალოდ 1.1 პროცენტი შეადგინა. საბაზო ინფლაცია კი, რომელიც სამომხმარებლო კალათიდან სურსათის, ენერგომატარებლების და სიგარეტის მაღალი მერყეობით გამორჩეულ ფასებს გამორიცხავს, საშუალოდ 1.6 პროცენტი იყო. დაბალინფლაციური გარემო ძირითადად შიდა ეკონომიკური ფაქტორებიდან მომდინარეობდა. კერძოდ, ეროვნული ბანკის ადეკვატური პოლიტიკის შედეგად გრძელვადიანი ინფლაციური მოლოდინები მიზნობრივ მაჩვენებელთან ახლოს ნარჩუნდებოდა. გარდა ამისა, ეკონომიკის წარმოების ჯამური პოტენციალის გაუმჯობესებამ ძლიერი ერთობლივი მოთხოვნიდან მომდინარე ინფლაციური წნეხი გარკვეულწილად შეარბილა. დამატებით, 2024 წელს ლარის ეფექტური გაცვლითი კურსი შედარებით მყარ პოზიციაზე შენარჩუნდა, რაც დაბალი ინფლაციის ხელშემწყობი იყო“, - განაცხადა ნათია თურნავამ.ეროვნული ბანკის პრეზიდენტმა თავის გამოსვლაში ყურადღება გაამახვილა მონეტარული პოლიტიკის ნორმალიზებაზე და აღნიშნა, რომ სებ-მა 2024 წლის პირველ ნახევარში რეფინანსირების განაკვეთი 1.5 პროცენტული პუნქტით, 8.0 პროცენტამდე შეამცირა. თუმცა მისივე თქმით, წლის მეორე ნახევრიდან, გლობალურად გაზრდილი რისკების ფონზე, ეროვნულმა ბანკმა ფრთხილი მიდგომა აირჩია და მონეტარული პოლიტიკის განაკვეთი უცვლელად შეინარჩუნა.„მონეტარული პოლიტიკის ნორმალიზაციის ფონზე საკრედიტო აქტივობა დაჩქარდა, რაც ერთობლივ მოთხოვნას ასტიმულირებდა. აღსანიშნავია, რომ ძლიერ მოთხოვნასთან ერთად ეკონომიკის ჯამური წარმოების პოტენციალის გაუმჯობესებაც მაღალ ეკონომიკურ ზრდას განაპირობებდა და, შედეგად, 2024 წელს რეალური მშპ-ს ზრდამ 9.4 პროცენტი შეადგინა. შიდა ფაქტორებთან ერთად, საგარეო მოთხოვნაც გარკვეულწილად დადებითად ისახებოდა ეკონომიკურ აქტივობაზე“, - აღნიშნა ნათია თურნავამ.ეროვნული ბანკის პრეზიდენტმა ვრცლად ისაუბრა საერთაშორისო რეზერვებზე და ხაზი გაუსვა, რომ რეზერვები ქვეყნის მაკროეკონომიკური სტაბილურობის მნიშვნელოვანი გარანტორია და ეროვნული ბანკის გრძელვადიანი პოლიტიკა საერთაშორისო რეზერვების დაგროვებასა და სარეზერვო აქტივების ეფექტურ მართვაზეა მიმართული.„2024 წლის დეკემბრის მდგომარეობით საქართველოს საერთაშორისო სავალუტო რეზერვები 4.4 მლრდ აშშ დოლარი იყო. 2024 წლის დასაწყისში ბაზარზე არსებული ხელსაყრელი პირობებიდან გამომდინარე, სავალუტო ინტერვენციების გზით საერთაშორისო რეზერვების შევსება ხორციელდებოდა. წლის მეორე ნახევარში მაკროეკონომიკური ფუნდამენტური ფაქტორები, რაც გაცვლით კურსს აყალიბებს, ძლიერი იყო. თუმცა, გაურკვევლობის ფონზე, სავალუტო ბაზარზე ფუნდამენტური ფაქტორებისაგან განსხვავებული მოლოდინები ჩამოყალიბდა და ჭარბი მერყეობა წარმოიქმნა, რამაც ეროვნული ბანკის ჩარევა (კერძოდ, აშშ დოლარის ლიკვიდობის ბაზრისთვის მიწოდება) განაპირობა. შედეგად, მოხერხდა სავალუტო ბაზარზე განწყობების სტაბილიზაცია და შემდგომი დოლარიზაციის არდაშვება. ამასთან, როგორც ვვარაუდობდით, ამ ნეგატიურ ფაქტორებს გაცვლით კურსზე მხოლოდ მოკლევადიანი გავლენა ჰქონდა და წლის ბოლოს ეროვნულმა ბანკმა რეზერვების შევსება კვლავ განაახლა. ჯამურად 2024 წელს, ეროვნული ბანკის წმინდა გაყიდვები, მთლიანობაში 434.75 მლნ აშშ დოლარს გაუტოლდა. მიმდინარე წელს ბაზრის ხელსაყრელი პირობებიდან გამომდინარე, სებ-ი რეზერვების შევსებას განაგრძობს. აღსანიშნავია, რომ შესყიდვები აქტიურად ხორციელდება და სტატისტიკას ყოველი თვის ბოლოს ვაქვეყნებთ. 2025 წლის მაისის მონაცემებით კი საქართველოს ოფიციალური სარეზერვო აქტივების მოცულობა 4.6 მლრდ აშშ დოლარს შეადგენს. რაც შეეხება დღეის მდგომარეობით წმინდა შესყიდვების სტატისტიკას, შემიძლია გითხრათ, აღნიშნულმა მონაცემმა გასული წლის წმინდა გაყიდვები სრულად დააბალანსა“, - განაცხადა ნათია თურნავამ.წლიური ანგარიშის წარდგენისას ეროვნული ბანკის პრეზიდენტმა აღნიშნა, რომ სებ-ი აქტიურად განაგრძობს მუშაობას ფინანსური დოლარიზაციის მაღალი დონით გამოწვეული სტრუქტურული რისკების შესამცირებლად. შედეგად, ეროვნული ბანკის მიერ გატარებული ღონისძიებების ფონზე დოლარიზაცია მნიშვნელოვნად შემცირდა.„კერძოდ სესხების დოლარიზაცია ჩამოსულია 43.3%-ზე (შედარებისთვის, 2019 წელს იყო 55.4%), ხოლო დეპოზიტების დოლარიზაციის მაჩვენებელი 52.2%-ს შეადგენს (2019 წელს 64% იყო). თუმცა დოლარიზაცია და მასთან დაკავშირებული რისკები ფინანსური სექტორისთვის ერთ-ერთ მთავარ გამოწვევად კვლავაც რჩება. აღნიშნული რისკების შერბილების მიზნით, 2024 წელს ეროვნულმა ბანკმა დედოლარიზაციის გრძელვადიანი გეგმის განხორციელება განაგრძო. კერძოდ, არაჰეჯირებული უცხოური ვალუტის სესხების ლიმიტი, ეტაპობრივად 500 000 ლარს გაუტოლდა. შედეგად იპოთეკური სესხების დაახლოებით 90%, ხოლო სამომხმარებლო და მიკრობიზნესის სესხების 100% არის ჰეჯირებული ანუ დაცული სავალუტო რისკებთან მიმართებაში. აღსანიშნავია, რომ ფინანსური სტაბილურობის კომიტეტის 2025 წლის 28 მაისის გადაწყვეტილებით არაჰეჯირებული უცხოური ვალუტის სესხების ზღვარი 500 000-დან 750 000 ლარამდე გაიზარდა. ცვლილება ძალაში 2025 წლის 1 აგვისტოდან შევა“, - განაცხადა ნათია თურნავამ.პარლამენტის პლენარულ სხდომაზე ეროვნული ბანკის პრეზიდენტმა მოხსენების ფარგლებში აღნიშნა, რომ ფასების სტაბილურობასთან ერთად, ფინანსური სტაბილურობის ხელშეწყობა ეროვნული ბანკის ერთ-ერთ უმნიშვნელოვანესი ამოცანაა და მიმოიხილა ფინანსური სტაბილურობის უზრუნველსაყოფად ეროვნული ბანკის მაკროპრუდენციული პოლიტიკა და საფინანსო სექტორის ზედამხედველობის საკითხები.მოხსენების შემდეგ, საქართველოს ეროვნული ბანკის პრეზიდენტმა დეპუტატების კითხვებს უპასუხა.  

მსოფლიო • 1749718864

ბოლო 20 წელიწადში პირველად, ატომური ენერგიის საერთაშორისო სააგენტოს მმართველთა საბჭომ დაადგინა, რომ ირანი არ ასრულებს ბირთვული გაუვრცელებლობის ვალდებულებებს

ბოლო 20 წელიწადში პირველად, ატომური ენერგიის საერთაშორისო სააგენტოს მმართველთა საბჭომ დაადგინა, რომ ირანი არ ასრულებს ბირთვული გაუვრცელებლობის ვალდებულებებს.რეზოლუციას მხარი დაუჭირა ატომური ენერგიის საერთაშორისო სააგენტოს მმართველთა საბჭოს 19-მა ქვეყანამ.რუსეთი, ჩინეთი და ბურკინა ფასო წინააღმდეგი იყვნენ, 11-მა თავი შეიკავა, ხოლო ორმა ხმა არ მისცა.საბჭო კვლავ მოუწოდებს ირანს, „დაუყოვნებლივ“ გასცეს პასუხები რამდენიმე ადგილას აღმოჩენილი ურანის კვალის შესახებ ხანგრძლივ გამოძიებასთან დაკავშირებით.რეზოლუცია წარდგენილი იყო საფრანგეთის, გერმანიის, გაერთიანებული სამეფოს და ამერიკის შეერთებული შტატების მიერ. ეს მოჰყვა ატომური ენერგიის საერთაშორისო სააგენტოს გასულ კვირას გამოქვეყნებულ ანგარიშს, რომელშიც აღნიშნული იყო ირანის მხრიდან „თანამშრომლობის“ ზოგადი ნაკლებობა და გამოთქმული იყო შეშფოთება საიდუმლო აქტივობებისა და გამოუცხადებელი ბირთვული მასალების შესახებ იმ ადგილებში, რომლებზეც დიდი ხნის განმავლობაში ძიება მიმდინარეობდა.