მეტრო

თბილისის მერი მეტროსადგურ „ვარკეთილში“ მიმდინარე სამუშაოებს გაეცნო

თბილისის მერმა კახა კალაძემ, ვიცე-მერ გიორგი ტყემალაძესთან ერთად, მეტროსადგურ „ვარკეთილში“ მიმდინარე სამუშაოები დაათვალიერა.ამ ეტაპზე, მეტროსადგურში ლევან სამხარაულის სახელობის ექსპერტიზის ეროვნული ბიუროს დასკვნის საფუძველზე, ქვედა ბაქნის რკინაბეტონის თაღისა და დახრილი გვირაბის თუჯის სამაგრების სარეაბილიტაციო სამუშაოები მიმდინარეობს.როგორც დედაქალაქის მერმა აღნიშნა, სამუშაოების ის ნაწილი, რომელიც ამჟამად ხორციელდება, აგვისტოს ბოლოს დასრულდება და მეტროსადგური მგზავრთა მომსახურებას განაახლებს.„მიმდინარეობს მეტროსადგურ „ვარკეთილის“ რეაბილიტაცია. სადგური დღეის მდგომარეობით ვერ ახერხებს მგზავრების მიღებას, რადგან ვთქვით, რომ 45 დღის განმავლობაში დაიხურებოდა. ის სამუშაოები, რომელიც ახლა მიმდინარეობს და გადაუდებელ აუცილებლობას წარმოადგენდა, აგვისტოს ბოლოს დასრულდება და შევძლებთ მგზავრების მიღებას. ამჟამად ხორციელდება თაღის გამაგრება, რათა კონსტრუქციებს, რომლებიც შემდეგ დამონტაჟდება, სამომავლოდ პრობლემები არ ჰქონდეს. მთლიანად სარემონტო სამუშაოების დასრულებას წლის ბოლოსთვის შევძლებთ და სადგური მთლიანად რეაბილიტირებული იქნება. გარდა ამისა, გვაქვს კონკრეტული მეტროსადგურები, რომლებიც საჭიროებენ განახლებას. ევროპის რეკონსტრუქციისა და განვითარების ბანკთან ერთად უკვე გამოცხადებული გვაქვს ინტერესთა გამოხატვა. ვფიქრობ, იქნება ძალიან დიდი დაინტერესება უცხოური კომპანიების მხრიდან, რომ მეტროსადგურები სრულად განახლებული და მოწესრიგებული გვქონდეს“, - განაცხადა კახა კალაძემ.სარეაბილიტაციო სამუშაოების მოცულობისა და ტექნოლოგიური სპეციფიკის გათვალისწინებით, მგზავრთა უსაფრთხოების უზრუნველყოფისა და სამუშაოების ვადების შემცირების მიზნით, მეტროსადგური „ვარკეთილი“ 12 ივლისს 45 დღით დაიკეტა. ამ პერიოდში გაიწმინდება და დამუშავდება ჭერის კოროზირებული/დაზიანებული ზედაპირები, მოხდება თაღის მიღმა არსებული სიცარიელეების შესაბამისი ტექნიკური ხსნარებით შევსება. ასევე, თაღის ტემპერატურული ღარების/ნაკერების ჰერმეტიზაცია მიწისქვეშა წყლების ჟონვის პრევენციისთვის.აღნიშნული პროცესის დასრულების შემდეგ განახლდება მოსაპირკეთებელი სამუშაოები, რომლის დასრულებაც დაგეგმილია მიმდინარე წლის შემოდგომაზე.დედაქალაქის მერთან ერთად ადგილზე მერის მოადგილე ირაკლი ბენდელიანი, „თბილისის სატრანსპორტო კომპანიის“ გენერალური დირექტორი გიორგი შარკოვი და სამგორის რაიონის გამგებელი კახა სამხარაძე იმყოფებოდნენ.ინფორმაციას თბილისის მერია ავრცელებს.

პოლიტიკა • 1754904562

კახა კალაძე: მეტროსადგურ "ვარკეთილის" რეაბილიტაციის გამო შექმნილი დისკომფორტისთვის მოსახლეობას ბოდიშს ვუხდი, თუმცა, სხვანაირად ამ მასშტაბის სამუშაოების წარმოება შეუძლებელია

კახა კალაძე: მეტროსადგურ „ვარკეთილის“ რეაბილიტაციის გამო შექმნილი დისკომფორტისთვის მოსახლეობას ბოდიშს ვუხდი, თუმცა, სხვანაირად ამ მასშტაბის სამუშაოების წარმოება შეუძლებელია„მეტროსადგურის გახსნის შემდეგ, სამუშაოები გაგრძელდება, მაგრამ ეს მოხდება მაშინ, როცა მეტროს სამუშაო საათები დასრულებული იქნება და იქ მგზავრები არ იქნებიან“, - ამის შესახებ დედაქალაქის მერმა მედიასთან მეტროსადგურ „ვარკეთილის“ რეაბილიტაციის საკითხზე საუბრისას განაცხადა.კახა კალაძის ინფორმაციით, მუნიციპალიტეტი მუშაობს იმ მიმართულებით, რომ რეაბილიტაციის პროცესში, აღნიშნული სადგური ერთი საათით გვიან გაიხსნას და ერთი საათით ადრე დაიკეტოს.„როგორც მოგეხსენებათ, მეტრო რამდენიმე დღეში გაიხსნება, თუმცა, სამუშაოები წლის ბოლომდე გაგრძელდება. სამუშაოებს იმ დროს არ ვაწარმოებთ, როცა მეტრო მგზავრებს მოემსახურება. ჩვენ ასევე ვმუშაობთ იმაზე, რომ მოხდეს მეტროსადგურის ერთი საათით ადრე დახურვა და ერთი საათით გვიან გახსნა, რათა სამუშაო პროცესი გახანგრძლივდეს და რაც შეიძლება სწრაფად დასრულდეს.რაც შეეხება დროებით ტრანსპორტს, რომელიც ამ პერიოდში გამოვყავით, გვესმის, რომ მეტროსადგური დაკეტილია და მის ფუნქციებს ვერანაირი ავტობუსი და მიკროავტობუსი ვერ ჩაანაცვლებს. მაგრამ ერთ ადამიანზე ერთი ავტობუსი ან ერთი მიკროავტობუსი ვერ გამოიყოფა. რისი საშუალებაც იყო, რომ დივერსიფიცირება მომხდარიყო, ეს გავაკეთეთ. თუ საჭიროა საზოგადოებრივი ტრანსპორტის დამატება, ჩვენი შესაბამისი სამსახურები გაივლიან აღნიშნულ საკითხს და მოხდება დამატება, თუმცა, რამდენიმე დღეში მეტროც გაიხსნება. დისკომფორტი იყო, რისთვისაც მოსახლეობას კიდევ ერთხელ ბოდიშს ვუხდი. სხვანაირად ამ ტიპის და მასშტაბის სამუშაოების წარმოება შეუძლებელია“, - აღნიშნა თბილისის მერმა.რაც შეეხება სარეაბილიტაციო სამუშაოების გადავადების საკითხს, კახა კალაძემ მედიასთან კიდევ ერთხელ გააკეთა განმარტება და აღნიშნა, რომ მთავარი არის დაპროექტება და ექსპერტიზის ჩატარება, რა მიმართულებითაც საქართველოში ექსპერტები ვერ მოიძებნა.„ძალიან ბევრჯერ ავხსენი, თუ რის გამო გადავადდა. ხედავთ, თუ რა მასშტაბის სამუშაოები მიმდინარეობს. სრული რეაბილიტაცია წლის ბოლოს დასრულდება. ჩვენ გვქონდა გამოცხადებული ინტერესთა გამოხატვა. არ მოიძებნა საქართველოში ექსპერტთა ჯგუფი, ვინც ამ მიმართულებით იმუშავებდა.სამშენებლო კომპანიები ბევრია, ვისაც მსგავსი სამუშაოების შესრულება შეუძლია. აქ მთავარია პროექტი, დაექსპერტიზება. სწორედ ამიტომ გართულდა და გაგრძელდა ეს პროექტი ამდენ ხანს, რომ არსებული გვირაბის მთლიანი სკანირება მოხდა უცხოელი სპეციალისტებისა და სამხარაულის ექსპერტიზის ეროვნული ბიუროს მიერ. გამოიკვეთა, რომ თაღს აქვს პრობლემები. მოგვიწია მეტროს დროებით გაჩერება, რომ არსებული თაღი შესაბამისი ხსნარებით გამაგრდეს და დაჭირხვნა განხორციელდეს“, - განაცხადა დედაქალაქის მერმა.

დედაქალაქი • 1754404946

თბილისის მერია ინფორმაციას ავრცელებს

შპს "თბილსერვის ჯგუფი" დედაქალაქში გზების მორეცხვას ყოველდღიურ რეჟიმში განაგრძობს. გზის სავალი ნაწილი, კონტეინერები და გაჩერებები ამჯერად გლდანის რაიონში, ვეკუასა და ხიზანიშვილის ქუჩებზე მოირეცხა. ასევე, მოირეცხა მეტროსადგურ "ახმეტელის თეატრის" მიწისქვეშა გადასასვლელის ჩასასვლელები. ინფორმაციას ამის შესახებ თბილისის მერია ავრცელებს.ადგილზე იმყოფებოდნენ "თბილსერვის ჯგუფის" დირექტორი გიორგი პაპავა, გლდანის რაიონის გამგებელი ბესიკ კალაძე და თბილისის საკრებულოს გლდანის რაიონის მაჟორიტარი დეპუტატი კონსტანტინე ზარნაძე."ჩვენი თანამშრომლები 24 საათის განმავლობაში ზრუნავენ დედაქალაქის სისუფთავეზე. თბილისის მასშტაბით ყოველდღიურად ირეცხება გზები, ურნები, მიწისქვეშა გადასასვლელები და მუნიციპალური ტრანსპორტის გაჩერებები, იმისათვის, რომ ქალაქის ქუჩები კიდევ უფრო სუფთა და მოწესრიგებული იყოს," - აღნიშნა გიორგი პაპავამ.მორეცხვის სამუშაოები თბილისის ათივე რაიონში, პერმანენტულად, გრაფიკის მიხედვით სრულდება.

პოლიტიკა • 1754288836

დავით ქართველიშვილი: ყოველ წელს ვადამდელ არჩევნებზე მეოცნებე ქართული ოპოზიცია იმ უგუნურ პატარა ბიჭუნას მაგონებს, უფალს რომ სთხოვა: „ღმერთო, მინდა რომ ყოველდღე - დაბადების დღე მქონდეს“

„ვივამედიდან კვარტალში ერთხელ ხმის ამომღები ბელადი ორმოში ჩავარდნილ იმ ოსს მაგონებს, ყოველ ჯერზე იქიდან ამოძრომას უშედეგოდ რომ ცდილობს, მაგრამ თავისას მაინც არ იშლის: „აი, ერთხელაც ვცდი და მერე სახლში წავალ...“ - წერს სოციალურ ქსელში პარტია „ხალხის ძალის“ წევრი დავით ქართველიშვილი.მისივე თქმით, რადიკალური ოპოზიცია ვადამდელ არჩევნებზე ოცნებას აგრძელებს.„ყოველ წელს ვადამდელ არჩევნებზე მეოცნებე ქართული ოპოზიცია იმ უგუნურ პატარა ბიჭუნას მაგონებს, უფალს რომ სთხოვა: "ღმერთო, მინდა რომ ყოველდღე - დაბადების დღე მქონდეს“. სურვილიც აღუსრულდა - ორ თვეში ის დაბერდა და მოკვდა...ციხეში ხუთ სხვადასხვა საკანში იჯდა ხუთი ნაცი. ერთ-ერთმა გადაწყვიტა - ნაცობა და პოლიტიკა უნდა დავტოვოო. რამდენი ნაცი დარჩა ციხეში? სწორი პასუხი: ხუთი - გადაწყვიტო და დატოვო, ორი სხვადასხვა რამაა...ფსკერზე დაცემული ქართული ოპოზიცია, იმ ნასვამ კაცს მაგონებს - ღამით, განათებულ ბოძთან რაღაცას რომ უშედეგოდ ეძებს და გულშემატკივარი რომ დაინტერესდება: „რასაი შვრებიო“ - სახლის გასაღებს ვეძებო, რომ უპასუხებს. და ნამდვილად გახსოვს, რომ აქ დაკარგეო? არაო - აქედან სადღაც ას მეტროში, პარკში დავკარგეო. მერე აქ რატომ ეძებო? პარკში ბნელაო, აქ კი განათებული...ფსკერისკენ მცოცავი რეიტინგების ფონზე ქართული ოპოზიცია, იმ შერეკილსაც მაგონებს, „სტოლბაზე“ რომ უშედეგოდ ძვრება, რადგანაც ფეხები უსრიალებს. გარშემომყოფნი კი ამხნევებენ, გულშემატკივრობენ, რჩევებს აძლევენ (ვინაიდან ქვეყანას ბოძებზე მცოცავები სასიცოცხლოდ სჭირდება): "ტუფლები! ტუფლები გაიხადე და ეგრე უფრო აძვრები!!!“. ის კი განწირული ხმით უყვირის: "ვერა, ვერ გავიხდი!!! იქიდან სხვაგან უნდა წავიდე!!!“...ხოლო ვივამედიდან კვარტალში ერთხელ ხმის ამომღები ბელადი ორმოში ჩავარდნილ იმ ოსს მაგონებს, ყოველ ჯერზე იქიდან ამოძრომას უშედეგოდ რომ ცდილობს, მაგრამ თავისას მაინც არ იშლის: „აი, ერთხელაც ვცდი და მერე სახლში წავალ...“ - წერს დავით ქართველიშვილი.

საზოგადოება • 1754053383

თბილისის მერია: დედაქალაქში, ქუჩების მორეცხვის სამუშაოები ყოველდღიურად გრძელდება

„თბილსერვის ჯგუფი“ დედაქალაქის ქუჩების სპეცმანქანებით მორეცხვას ინტენსიურად განაგრძობს, – ამის შესახებ ინფორმაციას თბილისის მერია ავრცელებს.დედაქალაქის მერიის ცნობით, ამჯერად საბურთალოს რაიონში, ვაჟა-ფშაველას გამზირი (მეტროსადგურ „დელისამდე“), ყაზბეგისა და პეკინის გამზირები, ასევე კოსტავასა და შარტავას ქუჩები მოირეცხა.„ადგილზე იმყოფებოდნენ შპს „თბილსერვის ჯგუფის“ დირექტორი გიორგი პაპავა და საბურთალოს რაიონის გამგებელი გიზო ვასაძე.„ზაფხულის ცხელ დღეებში დედაქალაქისთვის მნიშვნელოვანია გზების მორეცხვა. „თბილსერვის ჯგუფის“ თანამშრომლები სპეცტექნიკის საშუალებით ყოველდღიურად სხვადასხვა ქუჩასა და გამზირზე ასრულებენ ამ ტიპის სამუშაოებს. ქუჩების მორეცხვა გვიან, ღამის საათებში და გამთენიისას სრულდება, იმისათვის, რომ არ შეფერხდეს საგზაო მოძრაობა და უსაფრთხოება იყოს დაცული“, – აღნიშნა გიორგი პაპავამ.საბურთალოს რაიონის ქუჩებზე, გზის სავალი ნაწილის გარდა, კონტეინერები და მიწისქვეშა გადასასვლელებიც მოირეცხა. ასევე, ვაჟა-ფშაველასა და ყაზბეგის გამზირების ვაკის რაიონის საგზაო მონაკვეთზეც (მეტროსდაგურ „დელისის“ შემდეგ) რეგულარულად სრულდება მორეცხვის სამუშაოები“, – აღნიშნულია მერიის ინფორმაციაში.

პოლიტიკა • 1753982884

„დღეს ჩვენი დედაქალაქი არის ბევრად უფრო ლამაზი, ბევრად უფრო მწვანე, ბევრად უფრო განვითარებული და ბევრად უფრო სიცოცხლით სავსე, ვიდრე ის იყო 8 წლის წინ“ - ირაკლი კობახიძე

დღეს ვხსნით „ქართული ოცნების“ საარჩევნო კამპანიას და წარვადგენთ თბილისის მერობის კანდიდატს. პირველ რიგში, მინდა გავიხსენო, რომ დღეს ჩვენი დედაქალაქი არის ბევრად უფრო ლამაზი, ბევრად უფრო მწვანე, ბევრად უფრო განვითარებული და ბევრად უფრო სიცოცხლით სავსე, ვიდრე ის იყო 8 წლის წინ, - ამის შესახებ „ქართული ოცნების“ თავმჯდომარემ, საქართველოს პრემიერ-მინისტრმა, ირაკლი კობახიძემ, განაცხადა.მან გასული 8 წლის განმავლობაში გაკეთებული საქმეები მოკლედ მიმოიხილა, მათ შორის, შეეხო თბილისის გამწვანებას, დედაქალაქის მნიშვნელოვანი ობიექტების რეაბილიტაციას, სატრანსპორტო პოლიტიკას, ავარიული კორპუსების გამაგრების და ჩანაცვლების პროგრამებს.„გასული 8 წლის განმავლობაში, თბილისისთვის და თბილისელებისთვის ძალიან ბევრი რამ გაკეთდა:- თბილისი გახდა ევროპის ერთ-ერთი ყველაზე მწვანე დედაქალაქი: მოეწყო 2,500-ზე მეტი ახალი და განახლებული პარკი და სკვერი; აღდგა და განახლდა ტყე 142 ჰექტარ ფართობზე; დაირგო 665 ათასზე მეტი ძირი მწვანე ნარგავი;- რეაბილიტაცია ჩაუტარდა ქალაქის 100-მდე უმნიშვნელოვანეს ობიექტს, მათ შორის - ორბელიანის მოედანს, გუდიაშვილის მოედანს, მოსწავლე ახალგაზრდობის სასახლეს, მშრალ და ზაარბრიუკენის ხიდებს, დარეჯან დედოფლის სასახლეს, დედაენისა და 9 მარტის ბაღებს;- ქალაქს შეემატა 916 ახალი, თანამედროვე სტანდარტების ავტობუსი; სრულად განახლდა მიკროავტობუსების პარკი; მეტროს დაემატა და ემატება 138 ახალი ვაგონი, შეკეთდა 208 ვაგონი; რეაბილიტაცია-რეკონსტრუქცია ჩაუტარდა 2 მეტროსადგურს; დაიხაზა ავტობუსის 81-კილომეტრიანი და ველოსიპედის 40-კილომეტრიანი ზოლები; ამოქმედდა 90-წუთიანი უფასო გადაჯდომის ტარიფი და შეღავათიანი სამგზავრო აბონემენტები; მოეწყო და უახლოეს მომავალში მოეწყობა ჯამში 300-მდე ელექტროდამტენი ელექტრომობილებისთვის; 3 ეტაპად გატარდა ტაქსების მასშტაბური რეფორმა;- 700-ზე მეტ ავარიულ საცხოვრებელ კორპუსს ჩაუტარდა გამაგრება; ავარიული სახლების ჩანაცვლების პროგრამით უახლოეს მომავალში ბინას დამატებით 1,100 ოჯახი მიიღებს; დაუმთავრებელი მშენებლობების დასრულების პროექტის ფარგლებში, საცხოვრებელი ფართი მიიღო 12,000-მდე დაზარალებულმა ოჯახმა; სამშენებლო ამნისტიის პროექტის შედეგად, უფლებრივად უნაკლო ბინა 30 ათასზე მეტმა თბილისელმა მიიღო;- თბილისში მოწესრიგდა მრავალი გამზირი, ქუჩა და გზა: შეკეთდა და რეაბილიტირდა 8,5 მილიონი მ2 გზის საფარი; რეაბილიტირდა და მოწესრიგდა 1,754 ქუჩა და გამზირი; აშენდა ახალი გზები, ესტაკადები, პანდუსები, საავტომობილო ხიდები და გვირაბები; 2,000-ზე მეტი პროექტი განხორციელდა წყალარინებისა და სანიაღვრე ქსელების მოსაწესრიგებლად; გამაგრების სამუშაოები ჩატარდა 800 მისამართზე; 128,000 მ2 ფართობზე დამონტაჟდა ქვათაცვენის საწინააღმდეგო ბადეები; მოეწყო გარე განათების ახალი ქსელები - დამონტაჟდა 7,500 ბოძი და 20,000 სანათი, მოეწყო 3,800 მხატვრული მინათების სანათი;- თბილისი გახდა უფრო მზრუნველი ქალაქი ბავშვებისთვის: აშენდა და გაიხსნა 26 ახალი საბავშვო ბაღი, სრული რეაბილიტაცია-რეკონსტრუქცია ჩაუტარდა 14 საბავშვო ბაღს, სრულად გარემონტდა 8 საბავშვო ბაღი, შენდება 6 ახალი საბავშვო ბაღი და სრული რეაბილიტაცია-რეკონსტრუქცია უტარდება 2 ავარიულ საბავშვო ბაღს; დაინერგა ბავშვთა უსაფრთხოებისა და საბავშვო ბაღის მართვის თანამედროვე სტანდარტები; გაორმაგდა საბავშვო ბაღების 13,500 თანამშრომლის ხელფასები; მომზადებისა და გადამზადების კურსები გაიარა საბავშვო ბაღების 9,000-მდე თანამშრომელმა;- მერიამ დააფინანსა ჯანდაცვის 3,842,017 შემთხვევა; 64,000-ზე მეტი ოჯახი იღებს კომუნალურ სუბსიდიას; 1,375 სოციალურად დაუცველი 18 წლამდე შშმ პირი იღებს 800-ლარიან დახმარებას; 10,000-მდე სოციალურად დაუცველ ბავშვს და მოზარდს უფინანსდება სწავლა ახალგაზრდობის სახლებსა და ეროვნულ სასახლეში, ხელოვნებისა და სპორტულ სკოლებში და საცურაო აუზებზე; 73 ათასზე მეტი პირი დაფინანსდა სოციალურად დაუცველ პენსიონერთა 500-ლარიანი მედიკამენტების პროგრამით; 347-ჯერ გაიცა 100 წლის და მეტი ასაკის ხანდაზმულებზე ერთჯერადი დახმარება 1,000 ლარის, ხოლო 2025 წლიდან - 10,000 ლარის ოდენობით;- კულტურის, განათლების, სპორტისა და ახალგაზრდებზე ზრუნვის მიმართულებით, განხორციელდა 5 ათასზე მეტი პროექტი და ინიციატივა; სწავლა დაუფინანსდა 19,000-ზე მეტ სოციალურად დაუცველ, 4,000-მდე მრავალშვილიანი ოჯახის წევრ და შშმ სტუდენტს; 5,000-მდე წარმატებული მაგისტრანტი გახდა თბილისის მერიის სტიპენდიატი; პროფესიული განათლების ხელშეწყობის ფარგლებში, 11,000-ზე მეტი თბილისელი გადამზადდა, საიდანაც 75% დასაქმდა; 2021 წელს თბილისმა მოიპოვა წიგნის მსოფლიო დედაქალაქის, 2025 წელს კი - სპორტის ქალაქის სტატუსი; აშენდა და რეაბილიტირდა 500-ზე მეტი სპორტული მოედანი; აშენდა 5 სპორტული კომპლექსი; ამოქმედდა პროგრამა „სპორტი უფროსი თაობისთვის“; რეაბილიტაცია ჩაუტარდა 4 მუზეუმს, 8 სახელოვნებო სკოლას და 5 ბიბლიოთეკას.ეს არის იმ საქმეების არასრული ჩამონათვალი, რომლებიც გასული 8 წლის მანძილზე თბილისისთვის და თბილისელებისთვის გაკეთდა. და ყველა ეს საქმე გაკეთდა გამორჩეული სიყვარულითა და მზრუნველობით თბილისისა და თბილისელების მიმართ. ყველა ეს საქმე გაკეთდა გამორჩეული პროფესიონალიზმით და გამორჩეული გემოვნებით.“ - განაცხადა ირაკლი კობახიძემ.

პოლიტიკა • 1753866900

ალეკო ელისაშვილი: გავრცელდა ინფორმაცია, რომ 31 ივლისს წარმადგენენ მერობის კანდიდატად, დაელოდეთ და მიხვდებით, რომ ძალიან დიდი ტყუილი დააბრეხვეთ

გავრცელდა ინფორმაცია, რომ 31 ივლისს წარმადგენენ მერობის კანდიდატად. დაელოდეთ და მიხვდებით, რომ ძალიან დიდი ტყუილი დააბრეხვეთ, – ამის შესახებ „ძლიერი საქართველოს“ წევრმა, ალეკო ელისაშვილმა განაცხადა.როგორც ელისაშვილმა აღნიშნა, თვითმმართველობის არჩევნები ქვეყანაში ყველაზე მნიშვნელოვანია, რადგან პირველი დონის ხელისუფლება აირჩევა.„გუშინ გავრცელდა ინფორმაცია, რომ 31 ივლისს წარმადგენენ მერობის კანდიდატად ჩვენი კოალიციაც და გახარიას პოლიტიკური ჯგუფიც. 31 მოვა, აღდგომა და ხვალეო, და ვნახოთ, აბა, წარმადგენენ თუ არა. ხომ მარტივი გადასამოწმებელია. ორი დღე დაელოდეთ და გაიგებთ წარმადგენენ, არ წარმადგენენ თუ ვის წარადგენენ საერთოდ. ბევრ კანდიდატურასთან დაკავშირებით არის მსჯელობა. 31-ში დაელოდეთ და მიხვდებით, რომ ძალიან დიდი ტყუილი დააბრეხვეთ.თვითმმართველობის არჩევნები, მე რომ მკითხოთ, ყველაზე მნიშვნელოვანია ქვეყანაში, რადგან ეს არის პირველი დონის ხელისუფლება და ხალხს ყველაზე მეტად რაც სჭირდება, ის პრობლემები უნდა მოაგვაროს თვითმმართველობამ, როგორც საკრებულოებმა, ასევე გამგეობებმა, მერიებმა. თუმცა ვხედავთ, რომ დღესაც ზუსტად იმ ადგილას ვართ, რომ ეს მოღალატეების ხელისუფლება ერთადერთი რამით არის დაკავებული, არჩევნების წინ მოგვატყუოს და არჩევნების მერე არ გააკეთოს არაფერი, თან ფული მოიპაროს. აი, ამ პროექტზე ვართ ახლა მოსულები. აქ ახლა უნდა დაქროდეს და დაგრიხინებდეს მიწისზედა მეტრო. სამგორის მეტროდან უნდა ჩამოიშხუილოს აქ, ლილოსთან და 2021 წლიდან რუსთავისკენ უნდა უხვევდეს მარჯვნივ. ან მარჯვნივ გადახვეული მეტრო მანახეთ, ან მარცხნივ გადმოხვეული მეტრო, არაფერი არ გაუკეთებიათ საერთოდ. თქვენც, მეც და ყველას მოჰპარეს 12 მლნ ლარი არაფერში. ტენდერი გამოაცხადეს, კვლევა გააკეთეს და შემოდეს თაროზე. ან გააკეთეს ის კვლევა, ან არ გააკეთეს საერთოდ, მაგრამ, რა თქმა უნდა, ეს ამბავი უნდა დავამთავროთ ამ ქვეყანაში და ამ ქალაქშიც“, – განაცხადა ელისაშვილმა.

დედაქალაქი • 1753822400

გაზსადენის დაზიანების გამო, გაზის მიწოდება 7600 აბონენტს შეუწყდება - „თბილისი ენერჯის“ განცხადება

ისანი-სამგორის რაიონში „თბილისი ენერჯის“ კუთვნილი გაზსადენის დაზიანების გამო გაზის მიწოდება დროებით 7600 აბონენტს შეუწყდება. ამის შესახებ განცხაებას „თბილისი ენერჯი“ ავრცელებს და მომხმარებლებს შექმნილი დისკომფორტის გამო, ბოდიშს უხდის.მათივე ცნობით, გაზმომარაგების აღდგენა დაიწყება ხვალ, 30 ივლისის 10:00 საათიდან და დასრულდება 18:00 საათისთვის.„გაცნობებთ, რომ კახეთის შეს. ოდისეი დიმიტრიადის 6ა -სთან, „თბილისი ენერჯის“ გაზსადენის დაზიანების გამო, დღეს 29 ივლისის 19:30 სთ-დან, ისნის რაიონში გაზმომარაგება ავარიულად შეუწყდა:დედოფლისწყაროს I შეს. 2, საინგილოს ქ. 5, ჩიხი 5, ვ. ივერიელის ქ. 32-32ა (ყოფ. საბადურის ქ. 32), ვ. ივერიელის ქ. 36-38, საბადურის ქ. 31-33, ვაჟა ივერიელის ქ. 3-ში (საბადურის ქ. 3-წამებულის გამზ. 46) მდებარე შპს ,,ოცნების სახლის", შავი ზღვის (ახლ. ლეხ კაჩინსკის) ქ. 1, 1-3, 1-5, 1ა, 1ც, 6, 8, 9, 10/3, 11, 13, შირაქის ქ. 3, 11, 13, კასპის ქ. 3ა, 3ბ, 3ვ, 5, 11, 13, 15, გარე-კახეთის ქ. 2, 3, 4, 6, აწყურის ქ. 3, 3-3 (იგივე 3ზ), 3ა, 3ბ, 3ვ, 3დ, 4ა, 4ბ, 45, 70, 76, ირბახის ქ. 17, 18-ში, ირბახისა და წურწუმიას ქუჩების კვეთა, ნაკვ. 50/025, 50/026-ში, ასევე ნაკვ. 50/029-ში მდებარე შპს ,,მოედანი"-ს საცხოვრებელი კორპუსების მოსახლეობას, არტემ ლუსინიანის ქ. 5, ქ. წამებულის გამზ. 10, 12, 32, 42, 47/49, 49/8, 52, 53ა, 53ბ, 64/66, 68, 76ბ, 77დ, 78, 82, 84/86, 88, 90, 92, 50/ბოჭორმის ქ. 18, კახეთის გზ-სა და კოპცოვის ქუჩის კუთხეში (იგივე ნავთლუღის 1დ.1შ.1) მდებარე შპს ,,ბრაუნი"-ს, კოპცოვის ქ. 8-ში მდებარე შპს ,,პალა"-ს, იუსტინე აბულაძის ქ. 15-ში მდებარე (წურწუმიასა და ირბახის ქუჩების კვეთა) შპს ,,მაილინ გრუპი"-ს საცხოვრებელი კორპუსის, ს.დურმიშიძის ქ. 21-ში საცხოვრებელი კორპუსების, ასევე ქ. წამებულის გამზირის ნაწილის, დოესის, აწყურის, კასპის, შავი ზღვის, ფაღავას, შორაპნის, ცუცხვათის, ავლიპ ზურაბაშვილის, შირაქის, საბადურის, კაკაბეთის, ახმეტის, კობარეთის, იზაშვილის, გუთნის, ბადიაურის, ტოლენჯის, კოტე ბაქრაძის, ხახანაშვილის, ნოსირის, უბილავას, სართიჭალის, ბოროდინის, ქურხულის, ირბახის, თელავის, ალიხანიანის, ნიორაძის, II შორაპნის ქუჩის კერძო სექტორის მოსახლეობის ნაწილს, საინგილოს ჩიხი 5, კახეთის ხევი 1, 2, 3, 4, 5-ში მცხოვრებ მოსახლეობას და მიმდებარე ქუჩების კერძო სექტორის მოსახლეობის ნაწილს, ასევე მიმდებარედ არსებული საზკვებისა და კომერციულ ობიექტებს, მათ შორისაა მეტრო სადგურ ,,ისანი"-ს მიმდებარედ კახეთის გზ-ზე მდებარე ,,სოკარი"-ს გაზგასამართი სადგური, ისნის ბაზრობის ტერიტორია, ქ. წამებულის გამზირზე – სახელმწიფო აუდიტის სამსახური, რესტორანი ,,ალაზანი", ი/მ სოფიო ლომსაძე, შპს ,,ტრანსსერვისი", შპს ,,უნიქ სტაი ჰოტელს", გარე კახეთის ქ. 9-ში – შპს ,,კოკო", წინანდლის ქ. 9-ში (ყოფ. არამიანცის I კლინიკური საავადმყოფოს ტერიტორია), შირაქის ქ. 20-ში, შპს ,,მჭევრის დამოუკიდებელი ბიზნეს სკოლა", აწყურის ქუჩაზე – შპს ,,ვარკეთილი 95", ი/მ გოჩა ფოფხაძე, ფ/პ ,,სოფიო გაბედავა", შპს ,,სერვის გრუპი", კობარეთის ქ. 47-ში – შპს ,,პლატფორმა 2008", წინანდლის ქ. 9-ში (ყოფ. არამიანცის სახ. საავადმყოფოს ტერიტორია) განთავსებული სამედიცინო დაწესებულებები და მცირე კომერციულ ობიექტებს და სხვა.გაზმომარაგების აღდგენა დაიწყება ხვალ 30 ივლისის 10:00 სთ-დან და დასრულდება 18:00 საათისთვის. "თბილისი ენერჯი" ბოდიშს გიხდით აბონენტებს შექმნილი დისკომფორტის გამო. გთხოვთ ყურადღებით იყოთ. არ დატოვოთ გაზის ონკანები ღია მდგომარეობაში”, - აცხადებენ კომპანიაში.

საზოგადოება • 1753772562

აფხაზეთის მთავრობის წევრები თურქეთის რესპუბლიკაში სამუშაო ვიზიტის ფარგლებში საერთაშორისო ბანაკის მონაწილეებს შეხვდნენ

აფხაზეთის მთავრობის თავმჯდომარის მოადგილე ანზორ მარგიანი და აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია თურქეთის რესპუბლიკაში, კუნძულ ქინალიადაზე სამუშაო ვიზიტის ფარგლებში, აფხაზეთიდან დევნილ ახალგაზრდებს შეხვდნენ, რომლებიც აფხაზეთის ავტონომიური რესპუბლიკის მომსახურების სააგენტოს ორგანიზებულ საერთაშორისო ბანაკში მონაწილეობდნენ.აფხაზეთიდან დევნილი 12-დან 15 წლამდე ახალგაზრდებისთვის საერთაშორისო ბანაკი კუნძულ ქინალიადაზე 14 ივლისიდან 24 ივლისის ჩათვლით, მსოფლიო საპატრიარქოს მხარდაჭერით განხორციელდა.აფხაზეთიდან დევნილი ახალგაზრდები ორი კვირის განმავლობაში მრავალფეროვან კულტურულ-შემეცნებით და გასართობ ღონისძიებებში მონაწილეობდნენ. მათთვის ასევე მოეწყო ექსკურსიები სტამბოლის ისტორიულ ადგილებში.ბანაკის დახურვის ღონისძიებაზე აფხაზეთის მთავრობის წევრები აფხაზეთიდან დევნილ ახალგაზრდებს გაესაუბრნენ, მათ სერტიფიკატები გადასცეს და წარმატებები უსურვეს.„პირველ რიგში დიდ მადლობას ვუხდი ჩვენს პატრიარქს, უწმინდესსა და უნეტარესს ილია მეორეს ლოცვა-კურთხევისთვის, მსოფლიო საპატრიარქოს და „მეტრო ავრასია ინვესთმენთ ჯორჯიას“ თანადგომისა და დახმარებისათვის, რომელთა მხარდაჭერითაც მე-4 წელია, უფასოდ ვახორციელებთ საერთაშორისო ბანაკებს საბერძნეთში და ახლა უკვე თურქეთის რესპუბლიკაშიც.ბედნიერი ვარ ახალგაზრდების შთაბეჭდილებების, განწყობების მოსმენით და სიამაყით შემიძლია ვთქვა, რომ შევძელით მათთვის მნიშვნელოვანი გამოცდილებისა და ცოდნის მიცემა“, - განაცხადა დავით ფაცაციამ.ინფორმაციას აფხაზეთის ავტონომიური რესპუბლიკის მთავრობა ავრცელებს.

საზოგადოება • 1753257120

ჯასტინ ტიმბერლეიკის კონცერტზე დამსწრე მოქალაქეების შეუფერხებელი გადაადგილების მიზნით, ავტობუსების ნაწილი და მეტრო გახანგრძლივებული დროით იმუშავებს

მსოფლიო პოპვარსკვლავის, ჯასტინ ტიმბერლეიკის კონცერტზე დამსწრე საზოგადოების შეუფერხებელი გადაადგილების მიზნით, „დინამო არენას“ მიმდებარე ტერიტორიაზე მოძრავი მუნიციპალური ავტობუსების ნაწილი და მეტრო გახანგრძლივებული დროით იმუშავებს, – ამის შესახებ თბილისის მერმა, კახა კალაძემ მუნიციპალიტეტის მთავრობის დღევანდელ სხდომაზე განაცხადა.მისი თქმით, ტრანსპორტი მოქალაქეებს 24 ივლისის 02:00 საათამდე მოემსახურება.„კონცერტზე დამსწრე საზოგადოების შეუფერხებელი გადაადგილების მიზნით, „დინამო არენას“ მიმდებარე ტერიტორიაზე მოძრავი მუნიციპალური ავტობუსები და მეტრო, გახანგრძლივებული დროით, 24 ივლისის 02:00 საათამდე იმუშავებს. აღნიშნულ პერიოდში ავტოტრანსპორტი გადაადგილდება ალტერნატიული მარშრუტებით. კონცერტი 21:00 საათზე დაიწყება. ავტობუსების მარშრუტების შესახებ დეტალური ინფორმაცია უკვე გავავრცელეთ, თუმცა დაინტერესებულ პირებს მისი მოძიება თბილისის მერიის ვებგვერდზე, ასევე, სოციალურ ქსელში, ტრანსპორტისა და ურბანული განვითარების სააგენტოს გვერდზე შეუძლიათ“, – განაცხადა კახა კალაძემ.მისივე თქმით, „სთარინგ ჯორჯიას“ მიერ დაგეგმილი კონცერტის გამო, „დინამო არენას“ მიმდებარე ტერიტორიაზე ავტოტრანსპორტის მოძრაობაც შეიზღუდება. შეზღუდვა 24 ივლისის 01:00 საათამდე იმოქმედებს.

საზოგადოება • 1753256377

დღეს, ავტობუსების ნაწილი და მეტრო გახანგრძლივებული დროით იმუშავებს

მსოფლიო პოპვარსკვლავის, ჯასტინ ტიმბერლეიკის კონცერტზე დამსწრე საზოგადოების შეუფერხებელი გადაადგილების მიზნით, "დინამო არენას" მიმდებარე ტერიტორიაზე მოძრავი მუნიციპალური ავტობუსების ნაწილი და მეტრო, გახანგრძლივებული დროით იმუშავებს - ამის შესახებ თბილისის მერმა კახა კალაძემ მუნიციპალიტეტის მთავრობის დღევანდელ სხდომაზე განაცხადა.მისი თქმით, ტრანსპორტი მოქალაქეებს 24 ივლისის 02:00 საათამდე მოემსახურება."კონცერტზე დამსწრე საზოგადოების შეუფერხებელი გადაადგილების მიზნით, "დინამო არენას" მიმდებარე ტერიტორიაზე მოძრავი მუნიციპალური ავტობუსები და მეტრო, გახანგრძლივებული დროით, 24 ივლისის 02:00 საათამდე იმუშავებს. აღნიშნულ პერიოდში ავტოტრანსპორტი გადაადგილდება ალტერნატიული მარშრუტებით. კონცერტი 21:00 საათზე დაიწყება. ავტობუსების მარშრუტების შესახებ დეტალური ინფორმაცია უკვე გავავრცელეთ, თუმცა დაინტერესებულ პირებს, მისი მოძიება თბილისის მერიის ვებგვერდზე, ასევე, სოციალურ ქსელში, ტრანსპორტისა და ურბანული განვითარების სააგენტოს გვერდზე შეუძლიათ," - განაცხადა კახა კალაძემ.მისივე თქმით, "სთარინგ ჯორჯიას" მიერ დაგეგმილი კონცერტის გამო, "დინამო არენას" მიმდებარე ტერიტორიაზე ავტოტრანსპორტის მოძრაობაც შეიზღუდება. შეზღუდვა 24 ივლისის 01:00 საათამდე იმოქმედებს.

მსოფლიო • 1753244851

ქართულ სცენას კიდევ ერთი მსოფლიო ვარსკვლავი დაიკავებს - დღეს „დინამო არენაზე“ ჯასტინ ტიმბერლეიკის კონცერტი გაიმართება

დღეს ქართულ სცენას კიდევ ერთი მსოფლიო ვარსკვლავი დაიკავებს - პროექტ „სტარინგ ჯორჯიის“ ფარგლებში ბორის პაიჭაძის სახელობის „დინამო არენაზე“ ჯასტინ ტიმბერლეიკის კონცერტი გაიმართება. პოპ-მუსიკის ერთ-ერთი ყველაზე პოპულარული შემსრულებელი, რომელიც უკვე 30 წელზე მეტია სცენაზეა და მსოფლიოში 54 მილიონზე მეტი ალბომი აქვს გაყიდული, პირველად წარდგება ქართული პუბლიკის წინაშე.კონცერტის გამო „დინამო არენის“ მიმდებარე ტერიტორიაზე მოძრაობა შეიზღუდება, მგზავრთა კომფორტისთვის კი მეტრო და ავტობუსები 24 ივლისის 02:00 საათამდე იმუშავებენ.კონცერტზე უსაფრთხოების წესები მკაცრად იქნება დაცული - არ იქნება შემნახველი საკნები, ამიტომ მაყურებლებმა მხოლოდ აუცილებელი ნივთები უნდა წაიღონ. აკრძალულია საკვები, სასმელი, ლითონის ნივთები, პროფესიონალური კამერები და პიროტექნიკა; დაშვებულია მცირე ზომის კამერა, პატარა ჩანთა და სუნამო (50 მლ-მდე). კონცერტზე არ დაიშვებიან შინაური ცხოველები.