მელია

გიორგი ვოლსკი დებატებზე: ეს სჭირდება ქვეყანას, საზოგადოებას, როგორი პოლიტიკური განწყობებისაც არ უნდა იყვნენ ადამიანები

ეს სჭირდება ქვეყანას, საზოგადოებას, როგორი პოლიტიკური განწყობებისაც არ უნდა იყვნენ ადამიანები, - განაცხადა გადაცემაში „დღის ქრონიკა“ პარლამენტის თავმჯდომარის პირველმა მოადგილე გიორგი ვოლსკიმ დებატებთან დაკავშირებით დასმული კითხვის პასუხად.ვოლსკის თქმით, დებატების საზოგადოებას სჭირდება იმისათვის, რათა თავისი პოლიტიკური პოზიცია არა ისტერიკაზე დაფუძნებული გარემოებებით ჩამოაყალიბოს, არამედ რეალურად სიღრმეში ჩაიხედოს.„მე მგონი არ ვიქნებით მე და თქვენ ძალიან დაშორებული მოსაზრებებით, თუ ვიტყვით, რომ ეს სჭირდება ქვეყანას, საზოგადოებას, როგორი პოლიტიკური განწყობებისაც არ უნდა იყვნენ ადამიანები. აუცილებლად შეიქმნება სირთულეები, აუცილებლად იქნება ბარიერები ამ პროცესის განვითარების წინააღმდეგ აღმართული, მაგრამ პირველი ნაბიჯები, ამხელა სტაგნაციის პერიოდიდან, გადასადგმელია. შემდეგ გაფართოვდება ეს, გაფართოვდება და უფრო მნიშვნელოვან გარემოებად, უფრო მნიშვნელოვან სეგმენტად იქცევა ჩვენი ყოველდღიური საქმიანობის. თქვენ შეკითხვაზე პასუხი არის ცალსახა - ეს სჭირდება საზოგადოებას.ეს სჭირდება საზოგადოებას იმისათვის, რათა ერთმანეთში გაარკვიონ ვის რა პოზიცია აქვს და ვინ უფრო მოსაწონია ამომრჩევლისთვის. საზოგადოებას სჭირდება იმისათვის, რათა თავისი პოლიტიკური პოზიცია არა ისტერიკაზე დაფუძნებული გარემოებებით ჩამოაყალიბოს, არამედ რეალურად სიღრმეში ჩაიხედოს ამა თუ იმ პოლიტიკური ჯგუფების თუ საზოგადოებრივი ორგანიზაციების გეგმებში, რაც არსებობს მათ დამოკიდებულებაში მიმდინარე პროცესებთან დაკავშირებით“, - აღნიშნა გიორგი ვოლსკიმ.

საზოგადოება • 1769929021

სამი მიმართულება, სადაც ამ დროისთვის გზებზე მოძრაობა შეზღუდულია

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, თოვის გამო, შიდასახელმწიფოებრივი მნიშვნელობის საჩხერე(სარეკი)-უზუნთა-შქმერი-ზუდალის საავტომობილო გზაზე დროებით აკრძალულია მისაბმელიანი და ნახევრად მისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, რთული მეტეოროლოგიური პირობების (ქარბუქი, ნამქერები, შეზღუდული ხილვადობა) გამო, შიდასახელმწიფოებრივი მნიშვნელობის კოდა–ფარცხისი–მანგლისი–წალკა-ნინოწმინდის საავტომობილო გზის კმ94-კმ110 (ფარავნის უღელტეხილი) მონაკვეთზე, დროებით იკრძალება ყველა სახის ავტოტრანსპორტის მოძრაობა.საავტომობილო გზის კმ1-კმ93 (კოდა-აიაზმა) მონაკვეთზე ავტოტრანსპორტის მოძრაობა თავისუფალია.საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, თოვისა და ლიპყინულის გამო, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის კმ93-კმ107 (გუდაური(ფოსტა)–კობი) მონაკვეთზე დროებით იკრძალება მისაბმელიანი და ნახევრად მისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.

საზოგადოება • 1769923408

მიმართულებები, სადაც ამ დროისთვის მოძრაობა აკრძალულია - გზების დეპარტამენტი მძღოლებს აფრთხილებს

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, რთული მეტეოროლოგიური პირობების (ქარბუქი, ნამქერები, შეზღუდული ხილვადობა) გამო, შიდასახელმწიფოებრივი მნიშვნელობის კოდა–ფარცხისი–მანგლისი–წალკა-ნინოწმინდის საავტომობილო გზის კმ94-კმ110 (ფარავნის უღელტეხილი) მონაკვეთზე, დროებით იკრძალება ყველა სახის ავტოტრანსპორტის მოძრაობა.საავტომობილო გზის კმ1-კმ93 (კოდა-აიაზმა) მონაკვეთზე ავტოტრანსპორტის მოძრაობა თავისუფალია.საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, თოვისა და ლიპყინულის გამო, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის კმ93-კმ107 (გუდაური(ფოსტა)–კობი) მონაკვეთზე დროებით იკრძალება მისაბმელიანი და ნახევრად მისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.გარემოს ეროვნული სააგენტოს ცნობით, მლეთა-გუდაურის და გუდაური(ფოსტა)–კობის მონაკვეთებზე ავტოტრანსპორტის მოძრაობა განხორციელდება გაუჩერებლად გავლის რეჟიმში, გუდაური(ფოსტა)–კობის მონაკვეთზე მხოლოდ ზვავდამცავი გვირაბების გავლით.

მსოფლიო • 1769776874

დონალდ ტრამპმა ფედერალური სარეზერვო სისტემის ხელმძღვანელის თანამდებობაზე კევინ უორში წარადგინა

აშშ-ის პრეზიდენტმა დონალდ ტრამპმა ფედერალური სარეზერვო სისტემის ხელმძღვანელის თანამდებობაზე აღნიშნული სისტემის ყოფილი გუბერნატორი კევინ უორში წარადგინა.„სიამოვნებით ვაცხადებ, რომ ვასახელებ კევინ უორშს ფედერალური სარეზერვო სისტემის გუბერნატორთა საბჭოს თავმჯდომარის პოსტზე“, – წერს დონალდ ტრამპი სოციალურ ქსელში.შეერთებული შტატების პრეზიდენტის განცხადებით, კევინ უორშს დიდი ხანია, იცნობს და დარწმუნებულია, რომ ის ერთ-ერთი საუკეთესო თავმჯდომარე იქნება.ამასთან, კევინ უორშის განცხადებით, ტრამპი მართალია, როდესაც ცენტრალურ ბანკს საპროცენტო განაკვეთების მკვეთრი შემცირებისკენ მოუწოდებს.დონალდ ტრამპის მიერ დასახელებული კანდიდატურა სენატმა უნდა დაამტკიცოს.კევინ უორში იურისტია. ის ამერიკის ცენტრალური ბანკის გუბერნატორი 2006 წლიდან 2011 წლამდე პერიოდში იყო და ახლა სტენფორდის უნივერსიტეტის ჰუვერის ინსტიტუტის მოწვეული თანამშრომელია ეკონომიკის დარგში.ცნობისთვის, აშშ-ის ფედერალური სარეზერვო სისტემის ხელმძღვანელის, ჯერომ პაუელის წინააღმდეგ გამოძიება დაიწყო. მედიის ცნობით, პაუელის წინააღმდეგ სისხლის სამართლებრივი გამოძიების დაწყების ფორმალურ მიზეზად ვაშინგტონში მდებარე აშშ-ის ეროვნული ბანკის შტაბ-ბინის რეკონსტრუქცია დასახელდა, რაც 2.5 მილიარდი დოლარი დაჯდა. აშშ-ის ფედერალური სარეზერვო სისტემის ხელმძღვანელს ამ სახსრების არამიზნობრივ ხარჯვასა და აღნიშნულ საკითხზე ანგარიშის წარდგენისას კონგრესის წევრების შეცდომაში შეყვანაში ადანაშაულებენ. ჯერომ პაუელს თანამდებობაზე ყოფნის ვადა მაისში ეწურება.

საზოგადოება • 1769673433

გივი მიქანაძე უნივერსიტეტების გაერთიანებაზე: არ ვამცირებთ სტუდენტთა ჩარიცხვის კვოტებს

მივიღეთ არსებული ადგილების შენარჩუნების გადაწყვეტილება და არ ვამცირებთ სტუდენტთა ჩარიცხვის კვოტებს, - განაცხადა საქართველოს განათლების, მეცნიერებისა და ახალგაზრდობის მინისტრმა გივი მიქანაძემ სამინისტროში გამართულ ბრიფინგზე თბილისის სახელმწიფო უნივერსიტეტისა და საქართველოს ტექნიკური უნივერსიტეტის გაერთიანებაზე საუბრისას.მიქანაძის თქმით, მათი მიზანია, განათლების სისტემაში გამჭვირვალედ, საზოგადოების ჩართულობით, განხორციელდეს ფუნდამენტური რეფორმები.„უმაღლესი განათლების სისტემაში მნიშვნელოვანი რეფორმის დაწყება ეფუძნება სიღრმისეულ ანალიზს, საერთაშორისო პრაქტიკას და ქვეყნის განვითარების გრძელვადიან ინტერესებს. ბოლო პერიოდში განხორციელდა სახელმწიფო უნივერსიტეტების აკადემიური პროგრამების, კვლევითი მიმართულებებისა და ინფრასტრუქტურის შედარებითი ანალიზი. ამ პროცესისა და რექტორებთან წინასწარი კონსულტაციის საფუძველზე მივიღეთ გადაწყვეტილება თბილისის სახელმწიფო უნივერსიტეტისა და საქართველოს ტექნიკური უნივერსიტეტის გაერთიანების შესახებ.ეს იქნება საწინდარი, რომ ივანე ჯავახიშვილის სახელობის თბილისის სახელმწიფო უნივერსიტეტი გახდება რეგიონში აკადემიური და სამეცნიერო განვითარების წამყვანი ცენტრი და მნიშვნელოვნად გაიუმჯობესებს საერთაშორისო რეიტინგებს“, - აღნიშნა მან.გივი მიქანაძის თქმით, უნივერსიტეტების გაერთიანების მიზნით, მინისტრის ბრძანებით შეიქმნება მართვის დროებითი ორგანო „საბჭო“ და დაინიშნება რექტორისა და რექტორის მოადგილეების მოვალეობის შემსრულებლები, რომლებიც რეორგანიზაციის პროცესის წარმართვას უზრუნველყოფენ.ამასთან, უმაღლესი განათლების სისტემის რეფორმის ფარგლებში, დამატებით შეიქმნება წამყვანი პროფესორის აკადემიური თანამდებობა და ამ თანამდებობაზე კონკურსის წესით შერჩეული პირები უზრუნველყოფენ სასწავლო და კვლევითი საქმიანობის სტრატეგიულ ხელმძღვანელობას, ხარისხის ზრდასა და ახალგაზრდა აკადემიური პერსონალის განვითარებას.„ხაზგასასმელია, რომ მიმდინარე რეფორმის ფარგლებში არ იგეგმება აკადემიური კადრების შემცირება. მაქსიმალურად შევინარჩუნებთ აკადემიურ პერსონალს – გავწევთ ძალისხმევას, რომ მათი გამოცდილება და ცოდნა გამოყენებული იყოს როგორც სასწავლო კომპონენტში, ასევე კვლევით და სამეცნიერო საქმიანობაში. მივიღეთ არსებული ადგილების შენარჩუნების გადაწყვეტილება და არ ვამცირებთ სტუდენტთა ჩარიცხვის კვოტებს.ჩვენი მიზანია, განათლების სისტემაში გამჭვირვალედ, საზოგადოების ჩართულობით, განხორციელდეს ფუნდამენტური რეფორმები. ამის დადასტურებაა მიზნობრივ ჯგუფებთან, პირდაპირი კომუნიკაციის გზით, რეფორმით გათვალისწინებული საკითხების განხილვა, რასაც ჩვენ მომავალშიც აქტიურად გავაგრძელებთ“, - აღნიშნა გივი მიქანაძემ.

საზოგადოება • 1769672568

თბილისის სატრანსპორტო კომპანიის" 17 თანამშრომელს საპატიო თანამშრომლის წოდება მიენიჭა

თბილისის მეტროს 60 წლის იუბილესთან დაკავშირებით, "თბილისის სატრანსპორტო კომპანიის" 17 თანამშრომელს საპატიო თანამშრომლის წოდება მიენიჭა.აღნიშნულ თანამშრომლებს დღეს თბილისის მერმა კახა კალაძემ მერიაში უმასპინძლა და განსაკუთრებული მადლობა დედაქალაქის მთავრობის სხდომაზე გადაუხადა."ჩვენ ძალიან ბევრს ვსაუბრობთ სატრანსპორტო პოლიტიკაზე, რომელშიც განსაკუთრებული ადგილი უკავია მეტროს. წელს თბილისის მეტროს გახსნიდან 60 წელი შეუსრულდა, რომელთან დაკავშირებითაც ხვალ საზეიმო ღონისძიება გაიმართება. არ დავიწყებ საუბარს იმაზე, თუ რა მძიმე მემკვიდრეობა დაგვხვდა ამ მიმართულებით, რა მნიშვნელოვანი ღონისძიებები და პროექტები განვახორციელეთ ბოლო წლებში და რა გამოწვევებს ვეჯახებით დღემდე, როცა საქმე სწორედ მეტროსადგურების რეაბილიტაციას და გამართულ მუშაობას ეხება. თბილისის მეტრო 1966 წლის 10 იანვარს საზეიმო ვითარებაში გაიხსნა. მეტრო დღის განმავლობაში უამრავ ადამიანს ემსახურება. მას დღეში, დაახლოებით, 500 ათასი მოქალაქე გადაჰყავს", - განაცხადა კახა კალაძემ.მისივე თქმით, თბილისის მეტროს ფუნქციონირებაში და შეუფერხებელ მუშაობაში სულ 2 800-მდე თანამშრომელია ჩართული."მინდა, მათ განსაკუთრებული მადლობა გადავუხადო. ასევე, მეტროს 60 წლის იუბილესთან დაკავშირებით, გვინდა, საპატიო თანამშრომლის წოდება მივანიჭოთ "თბილისის სატრანსპორტო კომპანიის" 17 თანამშრომელს, რომელთაც სპეციალური სიგელები გადაეცემათ. მინდა, უდიდესი მადლობა გადაგიხადოთ გაწეული შრომისთვის, პროფესიონალიზმისთვის, იმისთვის, რომ დღემდე სიყვარულითა და პატიოსნებით ემსახურებით ჩვენს ულამაზეს დედაქალაქს და მის მცხოვრებლებს", - აღნიშნა თბილისის მერმა."თბილისის სატრანსპორტო კომპანიის" თანამშრომლები, რომლებიც მერმა დააჯილდოვა, არიან:1. თამაზ ნაყოფია - გაერთიანებული სახელოსნოს უფროსის მოადგილე;2. ბადრი კაპანაძე - ელექტროდეპო გლდანის N5 აწევითი საამქროს უფროსი ოსტატი;3. ლევან ხარაიძე - ელექტრომექანიკური სამსახურის ელექტრომექანიკური დისტანციის უფროსი;4. თამაზ შათირიშვილი - ელექტრომომარაგების სამსახურის ელექტრომომარაგების და ავტო-ტელემართვის დისტანციის სახელოსნოს უფროსი;5. ემზარი გოგაძე - მოძრაობის სამსახურის უფროსის მოადგილე;6. ვასილ ბიჭაშვილი - ელექტროდეპო ნაძალადევის N4 აწევითი საამქროს უფროსი;7. ხვიჩა ქადაგიშვილი - სალიანდაგო და გვირაბნაგებობათა სამსახურის ექსპლუატაციის უფროსი;8. კობა ქველაძე - ელექტროდეპო ნაძალადევის N2 საექსპლუატაციო საამქროს ხაზის მემანქანე;9. მედეა ბაქრაძე - გენერალური დირექტორის აპარატის არქივის წამყვანი სპეციალისტი;10. ლიანა კოშაძე - ბუღალტერიის ფულადი სახსრების მოძრაობის განყოფილების წამყვანი სპეციალისტი;11. ავთანდილ მჭედლიშვილი - ლაბორატორიული ცენტრის საგამოცდო ლაბორატორიის კოროზიისა და წინაღობის გაზომვის სპეციალისტი;12. ლუიზა ღონღაძე - შიდა მონიტორინგის სამსახურის ინსპექტირების განყოფილების ვიდეომონიტორინგის ინსპექტორი;13. ავთანდილ ხუჭუა - სიგნალიზაციის და კავშირგაბმულობის სამსახურის სარემონტო-ტექნოლოგიური დისტანციის უფროსი;14. მურთაზ მამუჩიშვილი - ექსპლუატაციის სამსახურის ექსპლუატაციის ზედამხედველობის განყოფილების დეფექტოსკოპიის ლაბორატორიის ოპერატორი;15. ბესიკ ხარატიშვილი - თბილისის მეტროპოლიტენის მუშაკთა პროფესიული კავშირის თავმჯდომარე.16. იური გაბელია - სალიანდაგო და გვირაბნაგებობათა სამსახურის ლიანდაგის მონტიორი;17. მერი კობახიძე - ელექტროდეპო "ნაძალადევის" უფროსი განმწესებელი.გარდა ამისა, დედაქალაქის მერის თქმით, ხვალინდელ საზეიმო ღონისძიებაზე საქართველოს პრეზიდენტი ღირსების ორდენით დააჯილდოებს თბილისის მეტროს ცხრა ღვაწლმოსილ თანამშრომელს, რომლებმაც განსაკუთრებული წვლილი შეიტანეს მეტროს საქმიანობაში."ჩვენ ამ მიმართულებით კიდევ ძალიან ბევრი გვაქვს სამუშაო. დარწმუნებული ვარ, თითოეული თქვენგანის ჩართულობით, პროფესიონალიზმითა და საქმისადმი ერთგულებით, ყველა გამოწვევას გავუმკლავდებით და ღირსეულად ვუპასუხებთ", - განაცხადა კახა კალაძემ.

საზოგადოება • 1769671561

გივი მიქანაძე: თბილისის სახელმწიფო და საქართველოს ტექნიკური უნივერსიტეტების გაერთიანების მიუხედავად, აკადემიური კადრებისა და ჩასარიცხ სტუდენტთა რაოდენობა არ შემცირდება

საქართველოს განათლების, მეცნიერებისა და ახალგაზრდობის მინისტრის, გივი მიქანაძის განცხადებით, თბილისის სახელმწიფო და საქართველოს ტექნიკური უნივერსიტეტების გაერთიანების მიუხედავად, აკადემიური კადრებისა და ჩასარიცხ სტუდენტთა რაოდენობა არ შემცირდება.მიქანაძის თქმით, განათლების სამინისტროს მიზანია, განათლების სისტემაში გამჭვირვალედ, საზოგადოების ჩართულობით განხორციელდეს ფუნდამენტური რეფორმები.„ხაზგასასმელია, რომ მიმდინარე რეფორმის ფარგლებში, არ იგეგმება აკადემიური კადრების შემცირება, მაქსიმალურად შევინარჩუნებთ აკადემიურ პერსონალს, გავწევთ ძალისხმევას, რომ მათი გამოცდილება, ცოდნა გამოყენებული იყოს როგორც სასწავლო კომპონენტში, ასევე კვლევით სამეცნიერო საქმიანობაში. ამასთანავე, მივიღეთ არსებული ადგილების შენარჩუნების გადაწყვეტილება და არ ვამცირებთ სტუდენტთა ჩარიცხვის კვოტებს. ჩვენი მიზანია, განათლების სისტემაში გამჭვირვალედ, საზოგადოების ჩართულობით განხორციელდეს ფუნდამენტური რეფორმები“, – განაცხადა გივი მიქანაძემ.საქართველოს განათლების, მეცნიერებისა და ახალგაზრდობის მინისტრმა, გივი მიქანაძემ დღეს ბრიფინგზე განაცხადა, რომ თბილისის სახელმწიფო და საქართველოს ტექნიკური უნივერსიტეტები გაერთიანდება. მისივე თქმით, გაერთიანებული სასწავლებლების სახელწოდებად თბილისის ივანე ჯავახიშვილის სახელობის სახელმწიფო უნივერსიტეტი დარჩება.

საზოგადოება • 1769525701

საჩხერე-უზუნთა-შქმერი-ზუდალის გზაზე ტრანსპორტის მოძრაობა აღდგა

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის საჩხერე(სარეკი)-უზუნთა-შქმერი-ზუდალის საავტომობილო გზაზე მისაბმელიანი და ნახევრად მისაბმელიანი ავტოტრანსპორტის მოძრაობა აღდგენილია.

საზოგადოება • 1769518189

მოძრაობის სპეციალური რეჟიმი დაწესდა - გზების დეპარტამენტი მძღოლებს აფრთხილებს

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, ლიპყინულის გამო,შიდასახელმწიფოებრივი მნიშვნელობის კოდა–ფარცხისი–მანგლისი–წალკა-ნინოწმინდის კმ94-კმ146 (აიაზმა-ნინოწმინდა) მონაკვეთზე, მისაბმელიანი და ნახევრადმისაბმელიანი ავტოტრანსპორტის მოძრაობა ყოველდღიურად დასაშვებია 10:00 სთ-დან 20:00 სთ-მდე, ხოლო დღე-ღამის დანარჩენ პერიოდში აკრძალულია. დანარჩენი სახის ავტოტრანსპორტის მოძრაობა თავისუფალია.საავტომობილო გზის კმ1-კმ93 (კოდა-აიაზმა) მონაკვეთზე ავტოტრანსპორტის მოძრაობა თავისუფალია.

სამართალი • 1769445564

გიორგი ვაშაძეს, საბოტაჟის საქმეზე, აღკვეთის ღონისძიებად 30 000-ლარიანი გირაო შეეფარდა

„სტრატეგია აღმაშენებლის“ ლიდერს, გიორგი ვაშაძეს საბოტაჟსა და უცხო ქვეყნისთვის მტრულ საქმიანობაში დახმარების გაწევის საქმეზე აღკვეთის ღონისძიების სახით 30 000-ლარიანი გირაო შეეფარდა.სასამართლოს გადაწყვეტილებით, ვაშაძეს დაევალა პასპორტისა და პირადობის მოწმობის საგამოძიებო უწყებისთვის გადაცემა, ასევე, აეკრძალა საზღვრის კვეთა.გიორგი ვაშაძის თქმით, მისთვის შეფარდებულ გირაოს გადაიხდის.გიორგი ვაშაძე ამბობს, რომ საქმეში მის წინააღმდეგ არანაირი მტკიცებულება არ არსებობს. ვაშაძე საქმეს პოლიტიკურად მოტივირებულს უწოდებს.შეგახსენებთ, გენერალურმა პროკურატურამ ნოემბერში მიხეილ სააკაშვილის, გიორგი ვაშაძის, ნიკა გვარამიას, ნიკა მელიას, ზურაბ ჯაფარიძის, ელენე ხოშტარიას, მამუკა ხაზარაძისა და ბადრი ჯაფარიძის წინააღმდეგ სისხლის სამართლებრივი დევნა დაიწყო. გიორგი ვაშაძის წინააღმდეგ გამოძიება დაწყებულია საბოტაჟისა (318-ე მუხლის პირველი ნაწილით) და უცხო ქვეყნისათვის მტრულ საქმიანობაში დახმარების (319-ე) მუხლებით.ცნობისთვის, გიორგი ვაშაძეს პარლამენტის დროებითი საგამოძიებო კომისიის მოთხოვნის შეუსრულებლობის გამო შვიდთვიანი პატიმრობა ჰქონდა შეფარდებული. ვაშაძემ საპატიმრო დაწესებულება 23 იანვარს დატოვა.

საზოგადოება • 1769424657

ნაქერალას უღელტეხილსა და ქორენიში-შოვის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგა

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობისქუთაისი(მოწამეთა)-ტყიბული-ამბროლაურის საავტომობილო გზის კმ38-კმ62 (ნაქერალას უღელტეხილი) მონაკვეთზე და ქუთაისი(ჭომა)-ალპანა-მამისონის უღელტეხილის საავტომობილო გზის კმ40-კმ141 (ქორენიში-შოვი) მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგენილია.

პოლიტიკა • 1769423205

ლაშა პაპაშვილი ფასების კლებაზე: მსოფლიო გიგანტებთან მოლაპარაკებებია ერთი მნიშვნელოვანი გზა. არის საბანკო სექტორი და კრედიტების გაიაფება, ასევე უფრო მიზანმიმართული სუბსიდიები, რასაც სოფლის განვითარების სააგენტო ისედაც აკეთებს

მსოფლიო გიგანტებთან მოლაპარაკებებია ერთი მნიშვნელოვანი გზა, - განუცხადა ჟურნალისტებს ბიზნესმენმა ლაშა პაპაშვილმა პრემიერთან შეხვედრის შემდეგ.პაპაშვილის თქმით, ერთ-ერთი გზა არის საბანკო სექტორი და კრედიტების გაიაფება.„ასევე, უფრო მიზანმიმართული სუბსიდიები, რასაც ჩვენი სოფლის განვითარების სააგენტო აკეთებს ისედაც.ვფიქრობ, მთავრობა ძიებაშია. იმიტომაც შექმნა ერთი კომიტეტი, მეორე კომიტეტი. ბიზნესსაც იმიტომ იწვევს, რომ ძიებაშია რომელ გზას დაადგეს, რომელია უფრო ოპტიმალური“, - აღნიშნა ლაშა პაპაშვილმა.პრემიერ-მინისტრი სასურსათო პროდუქციის მწარმოებლებს შეხვდა. შეხვედრა სამთავრობო საკოორდინაციო კომისიის ფორმატით გაიმართა.