მელია

„ყველაზე საშიში ყავის ტიპი“ – რა ინფორმაციას ავრცელებს პროფესორი, გიორგი ფხაკაძე

პროფესორი და საქართველოს საზოგადოებრივი ჯანდაცვის ინსტიტუტის თავმჯდომარე გიორგი ფხაკაძე სოციალურ ქსელში ინფორმაციას ავრცელებს. „ყავა მსოფლიოში ერთ-ერთი ყველაზე ხშირად მოხმარებული სასმელია. ყოველდღიურად მილიარდობით ადამიანი სვამს მას ენერგიის მისაღებად, კონცენტრაციის გასაუმჯობესებლად და უბრალოდ სიამოვნებისთვის. მეცნიერებაში დიდი ხანია ცნობილია, რომ ზომიერი რაოდენობით ყავის მიღებას შეიძლება ჰქონდეს გარკვეული დადებითი ეფექტიც — მაგალითად, იგი შეიცავს ანტიოქსიდანტებს და დაკავშირებულია ზოგიერთი ნევროლოგიური დაავადების შედარებით დაბალ რისკთან.თუმცა საზოგადოებრივ ჯანმრთელობაში მნიშვნელოვანია ერთი დეტალი, რომელსაც ადამიანები ხშირად არ აქცევენ ყურადღებას: ყავის მომზადების მეთოდი. სწორედ მომზადების მეთოდზეა დამოკიდებული, იქნება თუ არა ყავა ჯანმრთელობისთვის შედარებით უსაფრთხო თუ პირიქით — გაზრდის გარკვეული დაავადებების რისკს.მეცნიერული კვლევები აჩვენებს, რომ ყველაზე პრობლემური შეიძლება იყოს ფილტრის გარეშე მომზადებული ყავა — მაგალითად თურქული ყავა, სკანდინავიური მოხარშული ყავა ან ფრანგული პრესით მომზადებული ყავა.ეს დაკავშირებულია ყავაში არსებულ ბუნებრივ ნივთიერებებთან — დიტერპენებთან, რომელთა შორის ყველაზე მნიშვნელოვანია კაფესტოლი (cafestol) და კაჰვეოლი (kahweol).ეს ნაერთები ყავის ზეთებში გვხვდება და ადამიანის ორგანიზმში მოხვედრის შემდეგ გავლენას ახდენს ქოლესტერინის მეტაბოლიზმზე. კვლევების მიხედვით, ისინი ზრდის დაბალი სიმკვრივის ლიპოპროტეინების დონეს, ე.წ. „ცუდ ქოლესტერინს“ [1]. სწორედ LDL ქოლესტერინის მომატება წარმოადგენს გულ-სისხლძარღვთა დაავადებების ერთ-ერთ მთავარ რისკფაქტორს.ფილტრის გარეშე მომზადებულ ყავაში ეს ზეთები თითქმის მთლიანად რჩება სასმელში. ხოლო ქაღალდის ფილტრი მათ დიდ ნაწილს აკავებს. სწორედ ამიტომ ფილტრიანი ყავა შედარებით უსაფრთხოდ ითვლება.კვლევებმა აჩვენა, რომ ფილტრის გარეშე მომზადებულ ერთ ფინჯან ყავაში შეიძლება იყოს 3-6 მილიგრამამდე კაფესტოლი და კაჰვეოლი [2]. რეგულარულმა მოხმარებამ შეიძლება გამოიწვიოს LDL ქოლესტერინის მნიშვნელოვანი ზრდა.ზოგიერთ კვლევაში დადგენილია, რომ თუ ადამიანი ყოველდღიურად სვამს ოთხიდან ექვს ფინჯანამდე ფილტრის გარეშე მომზადებულ ყავას, LDL ქოლესტერინის დონე შეიძლება გაიზარდოს დაახლოებით 10–16 მილიგრამით დეცილიტრზე [3].ამგვარი ცვლილება უკვე მნიშვნელოვანი ფაქტორია ათეროსკლეროზის, გულის შეტევის და ინსულტის რისკის ზრდისთვის.განსაკუთრებით ხშირად განიხილება თურქული ყავა, რადგან იგი მზადდება დუღილის მეთოდით და ფინჯანში რჩება ყავის ნალექი. სწორედ ამიტომ მასში ყავის ზეთების კონცენტრაცია მაღალია.ასევე პრობლემურად შეიძლება ჩაითვალოს ფრანგული პრესით მომზადებული ყავა, სადაც მეტალის ფილტრი გამოიყენება. ასეთი ფილტრი ვერ აკავებს კაფესტოლსა და კაჰვეოლს ისე ეფექტურად, როგორც ქაღალდის ფილტრი.ბოლო წლებში მეცნიერებმა ყურადღება მიაქციეს ასევე ავტომატური ყავის აპარატებიდან მიღებულ ყავას, რადგან ბევრ ასეთ აპარატში გამოიყენება მეტალის ფილტრები. შედეგად სასმელში შეიძლება მოხვდეს დიტერპენების უფრო მაღალი რაოდენობა [4].ამიტომ მკვლევრები ხშირად ურჩევენ ადამიანებს, განსაკუთრებით მათ, ვისაც აქვს ქოლესტერინის მაღალი დონე ან გულ-სისხლძარღვთა დაავადებების რისკი, აირჩიონ ქაღალდის ფილტრით მომზადებული ყავა.ასეთი მეთოდებია:• ფილტრიანი ყავა• drip coffee• pour-over მეთოდი• Chemexქაღალდის ფილტრი მნიშვნელოვნად ამცირებს კაფესტოლისა და კაჰვეოლის რაოდენობას სასმელში, რაც გულის ჯანმრთელობისთვის ბევრად უსაფრთხოა [5].მნიშვნელოვანია ასევე რაოდენობა. დიდი ეპიდემიოლოგიური კვლევები აჩვენებს, რომ ზომიერი მოხმარება — დაახლოებით 3-4 ფინჯანი დღეში — უმეტეს ადამიანში უსაფრთხოდ ითვლება [6].თუმცა რისკი იზრდება მაშინ, როდესაც:• ყავა არის ფილტრის გარეშე მომზადებული• დღეში 5-6 ფინჯანზე მეტს ვსვამთ• ადამიანს უკვე აქვს მაღალი ქოლესტერინი ან გულ-სისხლძარღვთა დაავადებებისაზოგადოებრივი ჯანმრთელობის თვალსაზრისით მთავარი დასკვნა ასეთია: ყავა თავისთავად არ არის პრობლემა — პრობლემა შეიძლება იყოს მისი მომზადების მეთოდი და მოხმარების რაოდენობა.თუ გვინდა ყავის დადებითი თვისებების მიღება და რისკების შემცირება, რეკომენდებულია:• გამოიყენოთ ქაღალდის ფილტრი• შეზღუდოთ თურქული და ფრანგული პრესის ყავა• არ გადააჭარბოთ დღეში 3-4 ფინჯანს• რეგულარულად აკონტროლოთ ქოლესტერინის დონეყავის სწორად არჩევა შეიძლება იყოს მცირე, მაგრამ მნიშვნელოვანი ნაბიჯი გულ-სისხლძარღვთა დაავადებების პრევენციაში",- წერს გიორგი ფხაკაძე.

მსოფლიო • 1787573760

„ბავშვის გვამი გაზეთში იყო გახვეული...“ - მკვლელი ქალი, რომლის გამამტყუნებელი განაჩენის გამოსატანად, ნაფიცმსაჯულებს ხუთი წუთიც არ დასჭირდათ

სერიული მკვლელის გამოსახულებას ადამიანის ცნობიერში ძირითადად მამაკაცის სახე გააჩნია. მიუხედავად იმისა, რომ სტატისტიკის მიხედვით აღნიშნულ სფეროში მამაკაცები მეტად დომინირებენ, არსებობენ ქალები, რომლებმაც მათი ნარატივებით, მეთოდებითა და მოტივებით კრიმინოლოგიასა და კრიმინალისტიკაში წარუშლელი კვალი დატოვეს და საზოგადოებას აჩვენეს, რომ ბოროტებას გენდერული საზღვრები არ გააჩნია.აღნიშნული ფენომენის შესწავლა საზოგადოებას დაანახვებს, რომ ქალებს შეუძლიათ ისეთივე შემზარავი მკვლელობების ჩადენა, რასაც ადამიანების დიდი ნაწილი მხოლოდ მამაკაცისგან თუ ელოდება. სერიების ფარგლებში წარმოგიდგენთ ქალებს, რომლებმაც ისტორიას თავები მამაკაცებზე არანაკლებ საზარელი დანაშაულებით დაამახსოვრეს.ამელია დაიერი ბრიტანეთის ისტორიის ყველაზე სასტიკ მკვლელებს შორის ერთ-ერთ „მოწინავე“ ადგილს იკავებს, რადგან დღემდე ითვლება, რომ მან ასობით ჩვილის სიცოცხლე შეიწირა. მის წინააღმდეგ დაწყებულმა სამართლებრივმა დევნამ "ბავშვთა მეურნეობის" ვიქტორიანული პრაქტიკა ყურადღების ცენტრში მოაქცია.1896 წლის 30 მარტს, რიდინგში, მდინარე ტემზას ნაპირიდან აგურით დამძიმებული ყუთი აღმოაჩინეს. შიგნით თეთრეულით, გაზეთითა და ყავისფერი ქაღალდით გახვეული პატარა ჰელენა ფრაის გვამი იპოვეს.ბავშვს ყელზე თეთრი ლენტი ჰქონდა შემოხვეული. ამ შემზარავმა სანახაობამ დეტექტივები კიდევ უფრო საზარელ აღმოჩენამდე მიიყვანა.1937 წელს დაბადებულმა ამელია დაიერმა მძიმე ბავშვობა გამოიარა. მას ადრეული ასაკიდანვე მოუწია ფსიქიკურად დაავადებულ დედაზე ზრუნვა. ზრდასრულ ასაკში ის მედდა გახდა, თუმცა სწავლისას შეძენილი უნარ-ჩვევები ადამიანების დასახმარებლად არასდროს გამოუყენებია.ვიქტორიანულ ინგლისში "ბავშვთა მეურნეობა" გავრცელებული პრაქტიკა გახლდათ. იმ დროისთვის კანონი მამებს არაოფიციალური შვილების ფინანსურ უზრუნველყოფას არ ავალდებულებდა, რის გამოც ბავშვის დედებს დაუღალავი შრომა უწევდათ. "ბავშვთა ფერმერები" მშობლებს აჯერებდნენ, რომ მათ შვილებს ბედნიერ ბავშვობას აჩუქებდნენ და თანხის სანაცვლოდ არასასურველ ბავშვებზე ზრუნავდნენ, თუმცა, ბევრი მათგანი აღსაზრდელებს ცუდად ეპყრობოდა და მეტიც, კლავდა კიდეც. მათ შორის იყო ქალბატონი დაიერიც, რომელიც კლიენტებს არწმუნებდა, რომ მის მზრუნველობის ქვეშ მყოფი ბავშვები უსაფრთხო და მოსიყვარულე გარემოში გაიზრდებოდნენ.სინამდვილეში დაიერის აღსაზრდელები შიმშილითა და უყურადღებობით კვდებოდნენ. ქალი შიმშილით დატანჯულ ჩვილებს დასამშვიდებლად ოპიუმის შემცველ სიროფს ასმევდა. ვიქტორიანულ ინგლისში სოციალური პირობებიდან გამომდინარე ჩვილ ბავშვთა სიკვდილიანობის მაღალმა მაჩვენებელმა დაიერს დანაშაულთა ჩადენაში ხელი შეუწყო და მან წლების განმავლობაში პასუხისმგებლობისგან თავის დაღწევა მოახერხა. 1879 წელს ექიმები მისი გარდაცვლილი აღსაზრდელების სიმრავლემ დააეჭვა. რაც არ უნდა გასაკვირი იყოს, დაიერს ბრალი მხოლოდ გულგრილობაში წაუყენეს და ექვსთვიანი შრომა მიუსაჯეს.სასჯელის მოხდის შემდეგ, ქალი ძველ საქმიანობას დაუბრუნდა. დამატებითი რისკის თავიდან ასაცილებლად მან ექიმებისგან მალულად, თავად დაიწყო ცხედრების განადგურება. აღსანიშნავია, რომ ამ პერიოდიდან ის ხშირად იცვლიდა საცხოვრებელს და იყენებდა სხვადასხვა სახელებს.პატარა ჰელენა ფრაის საქმის გამოძიებამ სამართალდამცველები ქალბატონ დაიერამდე მიიყვანა. მიუხედავად იმისა, რომ მის საცხოვრებელსა და სამუშაო ადგილას ვერაფერი აღმოაჩინეს, იქ მყოფი კრიმინალისტები გვამების მძაფრმა სუნმა შეაწუხა. მოგვიანებით კი მდინარეში სხვა ბავშვების გვამებიც აღმოაჩინეს. აღსანიშნავია, რომ ყველა მათგანს ჰქონდა შემოხვეული თეთრი ლენტი.დაიერი 1896 წლის მარტში გაასამართლეს. ნაფიც მსაჯულებს მის მიმართ გამამტყუნებელი განაჩენის გამოსატანად ხუთი წუთიც არ დასჭირვებიათ. მან მხოლოდ ერთი მკვლელობა აღიარა, თუმცა, ითვლება, რომ მას 400-მდე ბავშვი ჰყავს მოკლული. 1896 წლის 10 ივნისს ამელია დაიერი ჩამოახრჩვეს.

რჩევები • 1787570640

რომელია საუკეთესო თევზი ორგანიზმის ომეგა-3-ით შესავსებად

ომეგა-3 ცხიმოვანი მჟავები ჯანსაღი კვების რაციონის აუცილებელი კომპონენტია. ვინაიდან ორგანიზმს არ შეუძლია მისი საკმარისი რაოდენობით სინთეზირება, ის რეგულარულად უნდა მივიღოთ საკვების მეშვეობით. ამ მხრივ, ცხიმიანი თევზი ომეგა 3-ის ერთ-ერთ საუკეთესო და შეუცვლელ წყაროდ ითვლება.ომეგა 3-ით ყველაზე მდიდარი თევზებიამ სასარგებლო ცხიმოვანი მჟავებით ყველაზე მდიდარია:ორაგულისკუმბრიაქაშაყისარდინებიანჩოუსებიკალმახითინუსის ზოგიერთი სახეობააღნიშნული თევზები შეიცავს ეიკოზაპენტაენის მჟავას (EPA) და დოკოზაჰექსაენის მჟავას (DHA) — ომეგა-3-ის იმ ფორმებს, რომლებსაც ორგანიზმი ყველაზე მარტივად და ეფექტურად ითვისებს.მოხმარების წესები და ალტერნატივებიჯანმრთელი ზრდასრულების უმეტესობისთვის რაციონში თევზის კვირაში 2-ჯერ ან 3-ჯერ ჩართვა სრულიად საკმარისია. ეს ორგანიზმს ამარაგებს არა მხოლოდ ომეგა-3-ით, არამედ სრულყოფილი ცილით, D ვიტამინით, იოდით, სელენითა და სხვა მნიშვნელოვანი მიკროელემენტებით. განაგრძეთ კითხვა...

რჩევები • 1787485693

თეთრი ნივთები ახალივით გახდება - ეს საშუალება აფთიაქებში ძალიან იაფი ღირს

თეთრმა ტანსაცმელმა დროთა განმავლობაში შესაძლოა მორუხო ან მოყვითალო ელფერი მიიღოს. ამის მიზეზი ხდება ოფლი, მტვერი, კოსმეტიკისა და სარეცხი საშუალებების ნარჩენები, ასევე უხეში წყალი.თუმცა ნივთებისთვის დაკარგული ფერის დაბრუნება აგრესიული ქლორიანი მათეთრებლის გამოყენების გარეშეც შეგიძლიათ, წერს Planeta. აღინიშნება, რომ თეთრი ქსოვილების გასაახლებლად შეგიძლიათ გამოიყენოთ ჩვეულებრივი 3-პროცენტიანი წყალბადის ზეჟანგი (პერეკისი), რომელიც აფთიაქებში იყიდება.საქმე ის არის, რომ წყალბადის ზეჟანგს ჟანგვითი თვისებები აქვს და ეხმარება ქსოვილის გაღიავებაში, თუ იგი ოდნავ გამუქდა ან გაყვითლდა. საშუალება იაფი ღირს და სწორი გამოყენებისას შეიძლება აგრესიული მათეთრებლების ალტერნატივად იქცეს. თუმცა, საშუალების გამოყენებამდე ყურადღებით უნდა შეისწავლოთ ტანსაცმლის ეტიკეტი და დარწმუნდეთ, რომ მოვლის არჩეული მეთოდი ქსოვილს შეესაბამება. შესაფერისი ქსოვილისგან დამზადებული თეთრი ნივთებისთვის შეგიძლიათ 200 მლ-მდე 3-პროცენტიანი წყალბადის ზეჟანგი პირდაპირ სარეცხი მანქანის ფხვნილის განყოფილებაში დაამატოთ. ამასთან, გამოცდილი დიასახლისები გვირჩევენ, რომ სარეცხი მანქანა არ გადავტვირთოთ. თუ მასში ძალიან ბევრი ტანსაცმელია, წყალი და სარეცხი საშუალება ბოჭკოებში უფრო ცუდად აღწევს, რის გამოც რეცხვის შედეგი ნაკლებად ეფექტური იქნება.წყალბადის ზეჟანგი ყველა მასალისთვის არ გამოდგება. განსაკუთრებული სიფრთხილეა საჭირო ნაზ ქსოვილებთან, მათ შორის შალსა და აბრეშუმთან.თუ ეჭვი გეპარებათ, საშუალება ჯერ ქსოვილის მცირე მონაკვეთზე უნდა გამოსცადეთ.მთავარი წესი - არ შეურიოთ საშუალებები.წყალბადის ზეჟანგის შერევა არ შეიძლება ქლორიან მათეთრებელთან ან სხვა საშუალებებთან. ასეთმა კომბინაციებმა შესაძლოა გამოიწვიოს არასასურველი და პოტენციურად საშიში ქიმიური რეაქციები.

მსოფლიო • 1787256420

„ჯერ ესროლეს, შემდეგ მანქანაში ჩასვეს და ცეცხლი წაუკიდეს…“ - საქმეზე 3 ადამიანი დააკავეს (უცხოეთი)

აშშ-ში, ჯორჯიის შტატში, 36 წლის მამაკაცის მკვლელობის საქმე პოლიციამ მას შემდეგ გახსნა, რაც გზის პირას ცეცხლმოკიდებულ ავტომობილში მისი ცხედარი აღმოაჩინეს. თავდაპირველად სამართალდამცველები მხოლოდ დამწვარი მანქანის შესახებ შეტყობინებაზე მივიდნენ, თუმცა ადგილზე მისულებს ბევრად უფრო მძიმე სურათი დახვდათ.შემთხვევა 24 ივლისს მოხდა. თავდაპირველად შეიძლებოდა ეფიქრათ, რომ მამაკაცი ხანძარს ემსხვერპლა, თუმცა გამოძიებამ მალევე საპირისპირო აჩვენა.ჩატარებულმა გაკვეთამ დაადგინა, რომ მამაკაცი ცეცხლში არ დაღუპულა - მას ცეცხლის გაჩენამდე ცეცხლსასროლი იარაღით ესროლეს.გამოძიების ერთ-ერთი ყველაზე მნიშვნელოვანი მიმართულება სწორედ ავტომობილის დაწვას უკავშირდება. საქმის ფარგლებში ეჭვმიტანილებს ბრალი წაუყენეს, მათ შორის, მეორე ხარისხის განზრახ ცეცხლის წაკიდებაში, მტკიცებულებების ხელყოფასა და ადამიანის ნეშტის არასათანადო მოპყრობაში. ეს გარემოებები გამომძიებლებს აძლევს საფუძველს ივარაუდონ, რომ მანქანის დაწვა შესაძლოა მკვლელობის კვალის დასაფარად იყო გამოყენებული.საქმეში სამი ადამიანი ფიგურირებდა. ერთ-ერთი გაქცეული ეჭვმიტანილი საბოლოოდ პოლიციაში თავად მივიდა.რატომ მოკლეს მამაკაცი? - ეს კითხვა ამ ეტაპზე პასუხგაუცემელია.გამომძიებლებს ჯერ არ გაუსაჯაროებიათ მკვლელობის სავარაუდო მოტივი და არც ის დეტალები, თუ რა ურთიერთობა ჰქონდათ მამაკაცსა და საქმეში ბრალდებულ პირებს. ასევე უცნობია, ზუსტად როგორ განვითარდა მოვლენები იმ მომენტიდან, როდესაც მამაკაცი ცეცხლსასროლი იარაღით დაჭრეს, ავტომობილში მოათავსეს და მანქანას ცეცხლი წაუკიდეს.ერთი რამ კი უკვე დადასტურებულია - ხანძარი შემთხვევითი ტრაგედია არ ყოფილა.ამ დროისთვის სამივე ეჭვმიტანილი დაკავებულია, თუმცა საქმე ჯერ კიდევ აქტიური გამოძიების ეტაპზეა. საბოლოო გადაწყვეტილებას სასამართლო მიიღებს და ბრალდებულთა დამნაშავეობა სასამართლოს განაჩენამდე დადასტურებულად არ ითვლება.

პოლიტიკა • 1786955804

მიხეილ სააკაშვილი: სასწრაფოდ დარაზმვის და მოქმედებისთვის მომზადების დროა, ახლა რუსები ჩქარობენ საქართველოს გადაფორმებას და ჩვენ ყველანაირად ხელი უნდა შევუშალოთ

აფხაზეთში და სავარაუდოდ ცხინვალში საწვავის მიწოდება არის ძალიან დიდი რამის ნიშანი და მომზადება. უახლოეს კვირებში ივანიშვილი აპირებს, გადაიხადოს ის ანგარიში, რომელიც მოსკოვმა წაუყენა 2012 წელს ხელისუფლებაში მოყვანისთვის და ახლა უკრაინის ომის კვალობაზე გამდიდრებისთვის. ოთხ წელზე მეტია, ივანიშვილი იკვებება რუსეთის ხელიდან. გააორმაგა რა თავისი სიმდიდრე, რუსეთისთვის სანქციების ავლაში დახმარებით, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.სააკაშვილის თქმით, „ახლა სასწრაფოდ დარაზმვის და მოქმედებისთვის მომზადების დროა“.„ჩემი ინფორმაციით, რუსებმა აგვისტოს დასაწყისში გამოუგზავნეს ორი ტიპის ხელშეკრულების პროექტი, ერთი ეხება დიპლომატიური ურთიერთობების აღდგენას, მესამე მხარესთან არ გარიგებას ერთმანეთის წინააღმდეგ (მესამე ძალაში დასავლეთი იგულისხმება) და ასევე 2 ცალ-ცალკე ხელშეკრულება აფხაზეთის და მთავრობებთან მათი სუბიექტურობის აღიარებით და თავდაუსხმელობის გარანტიით. ეს ხელშეკრულებები უშუალოდ ივანიშვილს გადმოსცეს.რუსეთის მხრიდან ამას კურირებს სერგეი კირიენკო, ქართული საგარეო საერთოდ არ არის პროცესში ჩართული. ივანიშვილი თვლის რომ სწორედ ახლა არის მოსახერხებელი მომენტი ამ საბოლოო ღალატის და ჩაბარების დოკუმენტების ხელმოსაწერად. ხალხი დაშინებულია, ყველაზე ჩხუბისთავები ციხეშია, ოპოზიცია დისკრედიტებულია, დასავლეთს ჩვენთვის არ სცალია. სასწრაფო რეჟიმში მიმდინარეობს ღალატის ტრაქტატის ხელმოწერისთვის იდეოლოგიური მომზადება. საქართველო ომში დადანაშაულება უფრო გაფორმებით ვიდრე ადრე, გეორგიევსკის ტრაქტატი გააძრეს ძველი საბჭოთა ნაფტალინისგან. ყველა ქოც-ტროლი გაგანია ზაფხულში მობილიზებულია რუსეთთან ჩაბარების „გასაპრავებლად“. პუტინის ადმინისტრაციის უფროსის მოადგილე კირიენკო, თვითონაც ყოფილი სოხუმელია. უახლოეს კვირებში კობახიძეს ელიან მოსკოვში ამ ყველაფერზე ხელის მოსაწერად.ახლა სასწრაფოდ დარაზმვის და მოქმედებისთვის მომზადების დროა, თორემ სულ მალე გავიღვიძებთ და აღმოვაჩენთ, რომ ყველაფერი დავკარგეთ და აქ მინდა ვთქვა რაც ადრე არასდროს მითქვამს. ამ საკითხში უნდა აქტიურად ვეკონტაქტოთ რიგით ქოცებს, ისევე როგორც საშუალო დონის თანამდებობის მქონეს. ეს ისეთი საკითხია, სადაც დარწმუნებული ვარ წინააღმდეგობის მოძრაობა ივანიშვილის ბევრ ერთგულ მომხრეშიც იპოვის თანამოაზრეებს. ამ ქოცების სტატუს-კვო აწყობთ, მაგრამ ქვეყნის გაუქმებაზე ისინიც არ იქნებიან თანახმა. ვინაიდან მათი მოტივაცია მაინც განსხვავდება თავისი არსებით რუსი ივანიშვილისგან და ფოფხაძის გაზრდილი კობახიძისგან.ჩვენი ამოცანაა მინიმუმ მივაღწიოთ იმას, რომ სანამ რუსეთი საბოლოოდ დაიწყებს ტორტმანს, არ მივცეთ ქოც-დიქტატურას საშუალება ისეთი დოკუმენტების გაფორმების ოკუპირებულ ტერიტორიებთან, რომელთა გადახედვა შემდეგ ძალიან გაჭირდება. ახლა რუსები ჩქარობენ საქართველოს გადაფორმებას, ჩვენ ყველანაირად უნდა შევუშალოთ ამაში ხელი. ახლა თუ ვიქნებით პასიური, დღევანდელი თაობები ძალიან სამარცხვინოდ დაამახსოვრდება ისტორიას“, – წერს სააკაშვილი.

კულტურა • 1786875582

გელათის რეაბილიტაციის დროებითი კომიტეტი – ცალკეული ჯგუფის მხრიდან ადგილი აქვს საზოგადოების შეცდომაში შეყვანის მიზანმიმართულ მცდელობებს, რაც აზიანებს კომპლექსის გადარჩენის მიზნით მიმდინარე პროცესს

ცალკეული მუდმივმოქმედი ჯგუფის მხრიდან ადგილი აქვს საზოგადოების შეცდომაში შეყვანის მიზანმიმართულ მცდელობებს, რაც აზიანებს კომპლექსის გადარჩენის მიზნით მიმდინარე მასშტაბურ და უპრეცედენტო პროცესს, – ამის შესახებ გელათის რეაბილიტაციის დროებითი კომიტეტის განცხადებაშია ნათქვამი.როგორც კომიტეტში აცხადებენ, საზოგადოების მაღალი ინტერესიდან გამომდინარე, გელათის რეაბილიტაციის დროებითი კომიტეტი საჭიროდ მიიჩნევს, გამოეხმაუროს ბოლო პერიოდში სოციალურ ქსელებსა და მედიასივრცეში გავრცელებულ მორიგ დეზინფორმაციულ ცნობებს გელათში მიმდინარე საკონსერვაციო სამუშაოების თაობაზე.„სამწუხაროდ, ცალკეული მუდმივმოქმედი ჯგუფის მხრიდან ადგილი აქვს საზოგადოების შეცდომაში შეყვანის მიზანმიმართულ მცდელობებს, რაც აზიანებს კომპლექსის გადარჩენის მიზნით მიმდინარე მასშტაბურ და უპრეცედენტო პროცესს. საზოგადოებისადმი პატივისცემისა და სრული გამჭვირვალობის უზრუნველყოფის მიზნით, წარმოგიდგენთ დეტალურ განმარტებებს გავრცელებულ ბრალდებებთან დაკავშირებით. პირველ რიგში, დეზინფორმაციული კამპანიის ავტორების მხრიდან არის მცდელობა ეჭვქვეშ დადგეს კათედრალის დროებითი გადახურვის მართებულობის საკითხი და ვრცელდება უღირსი ცნობები, თითქოს ტაძარი ე.წ. „ცელოფნით“ არის გადახურული. საზოგადოებას შევახსენებთ, რომ გელათის ღმრთისმშობლის შობის სახელობის კათედრალის ერთიანი დროებითი გადახურვა 2020 წლიდან წარმოადგენდა მსოფლიო მემკვიდრეობის ცენტრის (WHC) პირდაპირ და მკაფიო ერთ – ერთ მთავარ მოთხოვნას. ქართველი სპეციალისტების მიერ წარმოდგენილი 19 და ერთიც იტალიური ჯგუფის მიერ შეთავაზებული საპროექტო წინადადებიდან, მხოლოდ გელათის რეაბილიტაციის დროებითი კომიტეტის ხელმძღვანელობითა და ქართველი და გერმანელი სპეციალისტების ერთობლივი ძალისხმევით შემუშავებული სტრუქტურის პროექტი აღმოჩნდა რეალურად განხორციელებადი, რომელიც ყველა ურთულეს გამოწვევას პასუხობს. საგულისხმოა, რომ აღნიშნულმა განხორციელებულმა პროექტმა მსოფლიო მემკვიდრეობის ცენტრისგან უმაღლესი შეფასება დაიმსახურა. რაც შეეხება უშუალოდ გადასახურ მასალას, იგი წარმოადგენს PVC ტიპის მაღალტექნოლოგიური ქსოვილს, რომელიც სამი თვის განმავლობაში სპეციალურად გელათისათვის იქსოვებოდა გერმანიაში, შესაბამის საწარმოში და სრულად აკმაყოფილებს საერთაშორისო საკონსერვაციო სტანდარტებს. აღსანიშნავია, რომ არა ერთიანი დროებითი გადახურვა, შეუძლებელი იქნებოდა ღმრთისმშობლის შობის სახელობის ტაძრის უხარისხო გადახურვების მოხსნა და იმ სველი ინერტული მასალის ამოღება, რომელსაც დღეს გელათის რეაბილიტაციის დროებითი კომიტეტი ახორციელებს.ასევე, უსაფუძვლოა მტკიცებები ინტერიერსა და კედლის მხატვრობასთან დაკავშირებით, თითქოს ტაძრის შიგნით ფრესკების მასობრივი ცვენა მიმდინარეობს. გელათის რეაბილიტაციის დროებითი კომიტეტი სრული პასუხისმგებლობით აცხადებს, რომ მსგავს ფაქტებს ადგილი არ აქვს. ღმრთისმშობლის შობის სახელობის ტაძარში ყველა კრიტიკული კერა დასტაბილურებულია და მიმდინარეობს გეგმური, ეტაპობრივი კონსერვაციის პროცესი. ამასთან, გავრცელებული წერილი, რომლის ავტორიც თავს „გელათის სტიქაროსნად“ მოიხსენიებს, შეიცავს ცრუ ინფორმაციებს, ხოლო აღნიშნული პიროვნება საერთოდ არ წარმოადგენს მონასტრის სტიქაროსანს ან მსახური სასულიერო პირების მრევლს. ამავე კონტექსტში გაჟღერდა მცდარი მოსაზრებები სადრენაჟე სისტემასთან დაკავშირებითაც. ისტორიული და არქეოლოგიური რეალობა ისაა, რომ წმინდა მეფე დავით აღმაშენებლის დროინდელმა სადრენაჟე არხებმა ფუნქციონირება შეწყვიტა 1510 წელს, ოსმალთა მიერ მონასტრის გადაწვის შემდეგ, რაც დასტურდება მონასტრის ტერიტორიაზე ჩატარებული არქეოლოგიური გათხრებით — სადრენაჟე სისტემა საუკუნეების განმავლობაში გამოვსებული იყო მიწით, ნაცრითა და ნახშირით.გელათის რეაბილიტაციის პროცესებისადმი სუბიექტურად და ტენდეციურად განწყობილ გარკვეულ წრეებში არასწორი აღქმა შეიქმნა კომიტეტის მიერ გამოქვეყნებული შუალედური ანგარიშის მიმართაც, რომელიც ტაძრების მიკროკლიმატის კვლევას ეხება. ჩვენთვის უცნობია ანგარიშის კრიტიკოსთა კომპეტენცია კლიმატოლოგიის კუთხით, თუმცა ხაზგასმით აღვნიშნავთ , რომ ზემოხსენებული კვლევის ავტორია იტალიელი პროფესორი დარიო კამუფო — კულტურული მემკვიდრეობის მიკროკლიმატის კვლევის სამეცნიერო დისციპლინის აღიარებული ფუძემდებელი, რომლის სახელმძღვანელოებითაც კლიმატოლოგიის დარგის სპეციალობებზე ევროპის წამყვან უნივერსიტეტებში სწავლობენ. შესაბამისად, გაუგებარია ბატონი კამუფოს ანგარიშში მოყვანილი სამეცნიერო მსჯელობების საფრთხის შემცველად მიჩნევა, რეალობა კი ის არის, რომ კლიმატოლოგიური პრობლემა, რომელიც გელათის კათედრალს აღენიშნება (და რომელიც საუკუნეების მანძილზე პროგრესირებს), ტიპიურია ყველა დიდი კათედრალისთვის, კერძოდ: იმდენად, რამდენადაც გაზაფხულზე ტემპერატურა იზრდება და იწყება ინტენსიური დათბობა, ამ დროს კი ტაძრის კედლები რომელთა სისქეც 170 სმ-ია, ზამთრის სიცივეს ინარჩუნებს და როდესაც მზისგან გამთბარი ჰაერი ინტერიერში შეედინება, ხდება ტაძრის იატაკისა და კედლების (დაახლოებით 70 სმ. სიმაღლემდე) დატენიანება/კონდესირება. ფიზიკის საკითხია, რომ სითბოსა სიცივის შეხებისას ჰაერში არსებული ტენი განიცდის კონდესაციას და მკვეთრი კონტრასტის დროს ნამის წვეთებიც კი წარმოიქმნება. ამიტომ, ერთ-ერთ აპრობირებულ გამოსავლად პროფესორი კამუფო იატაკის ნელ-ნელა შეთბობას გვთავაზობს, გაზაფხულის დათბობიდან ზაფხულის შუა პერიოდამდე, მანამ ვიდრე ტაძარის ტემპერატურა და გარე ტემპერატურა ისე არ გათანაბრდება, რომ კონდესაცია აღარ მოხდება.ხაზგასასმელია, რომ პროფესორ კამუფოს მიერ დასაშვებ მეთოდად დასახელებული იატაკის რეგულირებადი შეთბობა ჯერ მხოლოდ პირველადი სამუშაო ჰიპოთეზაა, რომელსაც ესაჭიროება შემდგომი დეტალური კვლევა და მრავალმხრივი დამუშავება. მსგავსი ტექნოლოგია წარმატებით არის დანერგილი ევროპის მრავალ ისტორიულ ტაძარში ტემპერატურული ცვალებადობით გამოწვეული კონდენსაციის პრევენციის მიზნით. გაუგებრობას იწვევს იტალიურ ინსტიტუტთან — Opificio delle Pietre Dure-თან გაფორმებულ მემორანდუმზე რეაგირებაც. ბრალდება, თითქოს მსოფლიოში ერთ-ერთი ყველაზე ავტორიტეტული რესტავრაციის ცენტრი ჩამოგვყავს ძეგლზე „ექსპერიმენტების“ ჩასატარებლად, ელემენტარული პროფესიული უმეცრება ან პროპაგანდაა. პროექტში გამოყენებული საერთაშორისო ტერმინი „Pilot restoration“ ნიშნავს საპილოტე (საცდელ) რესტავრაციას და არა ექსპერიმენტს. კედლის მხატვრობის რესტავრაციისას ეს გახლავთ მიღებული სტანდარტი: მთლიანი ფრესკის დამუშავებამდე, უმცირეს და ნაკლებად შესამჩნევ მონაკვეთზე მოწმდება საკონსერვაციო ხსნარებისა და მეთოდების უსაფრთხოება, და მხოლოდ დადებითი შედეგის მიღების შემდეგ იწყება სრულმასშტაბიანი პროცესი.ცინიკური და ფარისევლურია მათი მხრიდან გელათის მოზაიკაზე დიდი გულისტკივილით საუბარი, რადგან ჯერ კიდევ 1989 წელს, ბატონი კარლო ბაკურაძე, რომელმაც გელათის ღმრთისმშობლის კომპოზიციის მოზაიკას გადამრჩენი რესტავრაცია ჩაუტარა, წერს, რომ მოზაიკის კომპოზიცია 85%-ით არის მოშორებული საფუძველს. 1990 წლიდან, გელათის რეაბილიტაციის კომიტეტამდე, არავის უზრუნია გელათის უნიკალური მოზაიკის მდგომარეობის შესწავლაზე. აღნიშნულ მუდმივმოქმედ კრიტიკოსებს, რომლებიც წლების განმავლობაში დარგს ხელმძღვანელობდნენ, არცერთხელ მოუწვევიათ ერთი ექსპერტიც კი, რომ არათუ ხარაჩოდან, არამედ იატაკის დონიდან მაინც შეეფასებინათ უნიკალური მოზაიკის მდგომარეობა, რომელიც როგორც ბატონი კარლო ბაკურაძისა 80-იანი წლებისა და ბატონი რობერტო ნარდის ამჟამინდელი ანგარიშები ცხადყოფს, მოზაიკის დაზიანებების სიმძიმე პრაქტიკულად, იდენტურია. ასევე ცინიკური და ფარისევლურია, საკონსერვაციო სამუშაოების ხარისხზე იმ ადამიანების მხრიდან საუბარი, რომელთა უშუალო ხელმძღვანელობითაც ახლადაშენებულ ბაგრატის ტაძარში, სულ რაღაც ერთ წელიწადში, წყლის ჩადინების მასშტაბური პრობლემები შეიქმნა და ეს პრობლემა დღემდე დგას.მოვუწოდებთ კონკრეტული სუბიექტური მიზნებისა ამოცანების მქონე რამდენიმე ადამიანისაგან შემდგარ ჯგუფს, თავი შეიკავონ გელათის რეაბილიტაციის პროგრამის ფარგლებში მიმდინარე საკონსერვაციო სამუშაოების რეპუტაციული დაზიანების მცდელობებისა და საზოგადოების მიზანმიმართულად შეცდომაში შეყვანის მცდელობებისაგან და დაუბრუნდნენ ადამიანური და პროფესიული ეთიკის ნორმებს, ვინაიდან სიცრუემ და ცილისწამებამ მათ უკვე არაერთხელ დააკარგინა სახე. საზოგადოების მართებულად ინფორმირებულობისთვის კი, კიდევ ერთხელ სრული პასუხისმგებლობით ვაცხადებთ, რომ გელათის სამონასტრო კომპლექსში მიმდინარე საკონსერვაციო პროცესები უპრეცედენტოა თავისი მასშტაბით, სამეცნიერო სიღრმითა და საერთაშორისო ექსპერტთა ჩართულობით და შეესაბამება საკონსერვაციო სამუშაოების განხორციელების საერთაშორისო უმაღლეს სტანდარტებს“, – ნათქვამია გელათის რეაბილიტაციის დროებითი კომიტეტის განცხადებაში.

საზოგადოება • 1786635025

5 საკვები, რომელიც ღვიძლის ჯანმრთელობას უწყობს ხელს

ხალხური მედიცინის ექსპერტი, არუნ ხათრი იმ 5 საკვებს ასახელებს, რომელიც ღვიძლის ჯანმრთელობას უწყობს ხელს. „5 საკვები, რომელმაც, შესაძლოა, ღვიძლის ჯანმრთელობას შეუწყოს ხელი (კვლევებზე დაყრდნობით).ღვიძლი ადამიანის ორგანიზმის ერთ-ერთი ყველაზე მნიშვნელოვანი ორგანოა. ის ყოველდღიურად 500-ზე მეტ სასიცოცხლო ფუნქციას ასრულებს, მათ შორის: ფილტრავს სისხლიდან მავნე ნივთიერებებს გამოიმუშავებს ნაღველს, რომელიც საჭმლის მონელებაში მონაწილეობს არეგულირებს სისხლში შაქრის დონეს ამუშავებს ცხიმებს, ცილებსა და ნახშირწყლებს ინახავს აუცილებელ ვიტამინებსა და მინერალებს მონაწილეობს ქოლესტერინის ნორმალური დონის შენარჩუნებაშიროდესაც ღვიძლი მუდმივად იტვირთება ზედმეტი შაქრით, ალკოჰოლით, ულტრა-დამუშავებული საკვებით ან ჭარბი ცხიმით, მისი მუშაობა შეიძლება გაუარესდეს. დროთა განმავლობაში ეს შესაძლოა ღვიძლის გაცხიმოვნებას და სხვა პრობლემებს უკავშირდებოდეს.აი 5 საკვები, რომლებიც კვლევების მიხედვით შეიძლება ხელს უწყობდეს ღვიძლის ჯანმრთელობას: ნიორინიორი შეიცავს გოგირდოვან ნაერთებს, რომლებიც ხელს უწყობენ იმ ფერმენტების მუშაობას, რომლებიც ორგანიზმის ბუნებრივ გაწმენდით პროცესებში მონაწილეობენ. ასევე მდიდარია ანტიოქსიდანტებით. ქინძი (კინძი)ქინძი შეიცავს ანტიოქსიდანტებს და შეიძლება ორგანიზმის ბუნებრივ დამცავ სისტემას დაეხმაროს. მიუხედავად იმისა, რომ ხშირად ამბობენ, თითქოს ის მძიმე მეტალებს გამოდევნის, ამის დასადასტურებლად ადამიანებში ჩატარებული მტკიცებულებები ჯერ კიდევ შეზღუდულია. კურკუმაკურკუმა შეიცავს კურკუმინს — ბუნებრივ ნივთიერებას, რომელსაც ანთების საწინააღმდეგო და ანტიოქსიდანტური თვისებები აქვს. ზოგიერთი კვლევა მიუთითებს, რომ ის შესაძლოა ღვიძლის ჯანმრთელობასაც უწყობდეს ხელს, თუმცა დამატებითი ხარისხიანი კვლევებია საჭირო. ყავაყავა ერთ-ერთი ყველაზე კარგად შესწავლილი სასმელია ღვიძლის ჯანმრთელობის კუთხით. კვლევების მიხედვით, ზომიერი რაოდენობით ყავის მიღება დაკავშირებულია ღვიძლის ფიბროზისა და ციროზის დაბალ რისკთან. საუკეთესოა შაქრისა და ტკბილი დანამატების გარეშე. ბოლოკიბოლოკი მდიდარია C ვიტამინითა და სასარგებლო მცენარეული ნაერთებით. ის ჯანსაღი კვების ნაწილია, თუმცა უშუალოდ ღვიძლზე მისი გავლენის შესახებ მტკიცებულებები ჯერ კიდევ შეზღუდულია.ყველაზე მნიშვნელოვანი კი ესაა:არცერთი საკვები ვერ „გაწმენდს“ ან „განკურნავს“ ღვიძლს ერთ დღეში.ღვიძლს საკუთარი ბუნებრივი გაწმენდის სისტემა აქვს. მისი ჯანმრთელობისთვის ყველაზე მნიშვნელოვანი ყოველდღიური ცხოვრების წესია.შეინარჩუნეთ ჯანსაღი წონა შეამცირეთ შაქრისა და ტკბილი სასმელების მიღება ყოველდღიურად მიირთვით მეტი ბოსტნეული და ბოჭკოვანი საკვები მიიღეთ ხარისხიანი ცილები და ჯანსაღი ცხიმები ივარჯიშეთ რეგულარულად იძინეთ 7–9 საათიშეზღუდეთ ალკოჰოლის მიღებაღვიძლი ყოველდღე ჩუმად მუშაობს თქვენი ჯანმრთელობისთვის. იზრუნეთ მასზე დღეს, რათა მან ხვალაც იზრუნოს თქვენზე",- წერს არუნ ხათრი.

სამართალი • 1786427218

მლეთაში, შსს-ს ექსპერტ-კრიმინალისტები და მეხანძრე-მაშველები, გვიან ღამემდე ამოწმებდნენ იმ ტერიტორიას, საიდანაც მოწმეთა ჩვენებების მიხედვით გურამ დადიანიძის კვალი გაქრა

მლეთაში, შინაგან საქმეთა სამინისტროს თანამშრომლები, ექსპერტ-კრიმინალისტები და მეხანძრე-მაშველები, შესაბამისი ტექნიკური აღჭურვილობითა და სპეციალური საშუალებებით გვიან ღამემდე ამოწმებდნენ იმ ტერიტორიას, საიდანაც მოწმეთა ჩვენებების მიხედვით, 2014 წლის 11 ივნისის დილის 04:00 საათზე გურამ დადიანიძის კვალი გაქრა.სამძებრო ღონისძიებაში შინაგან საქმეთა სამინისტროს 50-მდე თანამშრომელია ჩართული. რეზონანსულ საქმეზე გამოძიება გრძელდება.

სპორტი • 1786366127

ჭიდაობის საერთაშორისო ფედერაციის განახლებულ რეიტინგში ვახტანგ ლოლუა პირველ ადგილზეა

ჭიდაობის საერთაშორისო ფედერაციამ განახლებული რეიტინგი გამოაქვეყნა.ბერძნულ-რომაული სტილით მოჭიდავე ვახტანგ ლოლუა 53 000 ქულით 55 კგ წონით კატეგორიაში მსოფლიოს რეიტინგის ლიდერია. 2025 წელს ლოლუამ მსოფლიოს ჩემპიონის ტიტული მოიპოვა, წელს კი ევროპის ჩემპიონატზე ვერცხლის მედლის მფლობელი გახდა.ქართველი ბერძნულ-რომაული სტილით მოჭიდავეთაგან ევროპის პრიზიორი და მსოფლიოს ვიცე-ჩემპიონი გელა ბოლქვაძე (82 კგ) რეიტინგის მეორე ნომერია, ხოლო გიორგი მელია (97 კგ) მეხუთე ადგილს იკავებს.თავისუფალი სტილით ჭიდაობაში მე-2 ადგილს გიორგი ელბაქიძე (74 კგ) და მირიან მაისურაძე (92 კგ) იკავებენ, ხოლო აკაკი ქემერტელიძე (70 კგ) მეხუთეა.

სამართალი • 1786271796

პროკურატურა ინფორმაციას ავრცელებს

საქართველოს პროკურატურამ 2024 წლის 11 აგვისტოს სამტრედიაში მიმდინარე წინასაარჩევნო კამპანიის ღონისძიების დროს განხორციელებული ძალადობის ფაქტზე სამ პირს ბრალდება წარუდგინა.პროკურატურის ინფორმაციით, შინაგან საქმეთა სამინისტროს მიერ ჩატარებული გამოძიებით დადგინდა, რომ 2024 წლის 11 აგვისტოს, პოლიტიკური პარტია „ახალის“ სამტრედიის რაიონული ორგანიზაციის ოფისის გახსნისას, სულხან-საბა ნიკოლეიშვილმა თავის არეში დაარტყა ნიკანორ მელიას, რის შედეგადაც ამ უკანასკნელმა განიცადა ფიზიკური ტკივილი. მომხდარის დროს, ნიკანორ მელიას თანმხლებმა პირებმა - გაბრიელ კობაიძემ და ცოტნე მირცხულავამ საპასუხოდ ფიზიკურად იძალადეს სულხან-საბა ნიკოლეიშვილის მიმართ, რის შედეგადაც ამ უკანასკნელმა განიცადა ტკივილი და მიიღო მსუბუქი ხარისხის დაზიანება.უწყების ცნობით, სამართალდამცველებმა ბრალდებულებს ბრალდება საქართველოს სისხლის სამართლის კოდექსის 162-ე პრიმა მუხლის 1-ლი ნაწილით (წინასაარჩევნო კამპანიის ღონისძიების დროს ძალადობა) წარუდგინეს, რაც სასჯელის სახედ და ზომად ჯარიმას ანდა 2 წლამდე თავისუფლების აღკვეთას ითვალისწინებს.პროკურატურა ბრალდებულებისათვის აღკვეთის ღონისძიების გამოყენების შუამდგომლობით სასამართლოს კანონით დადგენილ ვადაში მიმართავს.

რჩევები • 1786129283

როგორ გავარჩიოთ ვირის და ცხენის ხორცი საქონლისგან - სურსათის უვნებლობის ექსპერტის რეკომენდაცია

სურსათის უვნებლობის სპეციალისტი, ირაკლი არაბული „პრაიმტაიმთან“ საუბრობს თემაზე - როგორ შეიძლება გაარჩიოს მომხმარებელმა ვირის და ცხენის ხორცი საქონლის ხორცისგან.„მომხმარებლისთვის ხშირად ძალიან რთულია გაარჩიოს, რომელია ვირის, რომელია ცხენის და რომელია საქონლის ხორცი. არსებობს რამდენიმე ნიშნული - მაგალითად, ცხენს უფრო განიერი ნეკნები და მუქი ფერის ხორცი აქვს, ვიდრე საქონელს. თუმცა, მიუხედავად ამისა, ხორცის ზუსტი გარჩევა მხოლოდ პროფესიონალ ვეტერინარს შეუძლია.ლაბორატორიული კვლევის გარეშე ზუსტად დადგენა, რისი ხორცია, პრაქტიკულად შეუძლებელია. ამიტომ საუკეთესო გამოსავალია, რომ მომხმარებელმა შეიძინოს შემოწმებული, ბეჭედდარტყმული ხორცი, რომელსაც ვეტერინარი ამოწმებს. ასეთ შემთხვევაში გამორიცხულია, რომ ბეჭედი ჰქონდეს დარტყმული ვირის ან ცხენის ხორცს.გირჩევთ, ხორცი შეიძინოთ მხოლოდ ორგანიზებულ ადგილებში - მაგალითად, მარკეტებში ან სპეციალიზებულ ობიექტებში, სადაც პროდუქტი ინახება მაცივარში და მოქმედებს სახელმწიფო კონტროლი. ასეთ ადგილებში ხორცის შემოწმება რეგულარულად ხდება.მომხმარებელი უნდა დააკვირდეს, რომ მთლიანი ხორცი ან საქონელი თვალსაჩინოდ ჩანდეს და ჰქონდეს შესაბამისი ბეჭედი.საქონლის შემთხვევაში, ბეჭდის დარტყმა ხდება წინა ბარკლებზე და მხრებზე - საერთო ჯამში ოთხ ადგილზე. თავზე ბეჭდის დარტყმა აკრძალულია, რადგან მისი რეალიზაცია არ შეიძლება.ღორის ხორცის შემთხვევაში კი მეხუთე ბეჭედი თავზე იდება.გარდა ბეჭდებისა, მომხმარებელს შეუძლია მოითხოვოს ფორმა №2, რომელიც ადასტურებს, რომ ხორცი ვეტერინარულად შემოწმებულია“, - ამბობს ირაკლი არაბული.