პოლიტიკა • 1754058944

არც თავის დაზღვევაა და არც არაფერში ჯდება, როდესაც ლაპარაკობ მშვიდობიან დამხობაზე, მშვიდობიან მკვლელობაზე, ხალხის მშვიდობიან ამოხოცვაზე და ეს სიტყვა ამ კონტექსტს არ აზღვევს - მამუკა მდინარაძე ოპოზიციაზე

არც თავის დაზღვევაა და არც არაფერში ჯდება, როდესაც ლაპარაკობ მშვიდობიან დამხობაზე, მშვიდობიან მკვლელობაზე, ხალხის მშვიდობიან ამოხოცვაზე და ეს სიტყვა ამ კონტექსტს არ აზღვევს, - განაცხადა საპარლამენტო უმრავლესობის ლიდერმა, პარტია „ქართული ოცნების“ აღმასრულებელმა მდივანმა მამუკა მდინარაძემ, რომელმაც უპასუხა შეკითხვას ოპოზიციის სამომავლო გეგმების შესახებ. მისი განცხადებით, "მშვიდობიანი დამხობა" ისეთივე ურთიერთგამომრიცხავი სიტყვებია, როგორც "მშვიდობიანი მკვლელობა" ან "ადამიანების მშვიდობიანი დახოცვა", შესაბამისად, ოპოზიციის მცდელობა, რომ თავი დაიზღვიონ, უშედეგოა. "რამხელა შიში აქვთ და რა სიმხდალეა ჩადებული იმაში, რომ სიტყვა დამხობასთან ერთად ამბობენ მშვიდობიანს. ან დამხობის მნიშვნელობა არ იციან და ინტელექტი არ ჰყოფნით, ან რაღაც სულელურ დაზღვევასთან გვაქვს საქმე. "მშვიდობიანი მკვლელობა" - შეიძლება ასე ვილაპარაკოთ? სიტყვა "დამხობა" თავისი არსით, შეიცავს ისეთ შინაარსს, რომ მშვიდობიანი დამხობა არ არსებობს. თუ დამხობას ამბობს, იმის თავი უნდა ჰქონდეს, რომ მშვიდობიანი არ დააყოლოს და თუ დამხობა უნდა, დაამხოს და გაეცემა შესაბამისი პასუხი. თუ ვერ ამხობს, მშვიდობიანს ნუ ამატებს. "ადამიანების მშვიდობიანი დახოცვა" - შეძლება ასეთი რაღაც ილაპარაკო? ასეთ სისულელეს ამბობენ, ამიტომ, ვითომ აზღვევენ, იმიტომ რომ, დამხობისკენ მოწოდება სისხლის სამართლის დანაშაულია და ამ სისულელე კონტექსტს თუ შექმნიან, ამით დაიზღვევენ თავს. არც თავის დაზღვევაა და არც არაფერში ჯდება, როდესაც ლაპარაკობ მშვიდობიან დამხობაზე, მშვიდობიან მკვლელობაზე, ხალხის მშვიდობიან ამოხოცვაზე და ეს სიტყვა ამ კონტექსტს არ აზღვევს“, - განაცხადა მამუკა მდინარაძემ. 

პოლიტიკა • 1754053437

ლევან ხაბეიშვილი: მშვიდობიანი დამხობა გულისხმობს, რაც მოხდა 2003 წელს საქართველოში და რაც მოხდა ჩვენს სამეზობლოში, სომხეთში და ეს ფაშინიანმა გააკეთა, ჩვენ ამის გაკეთება შეგვიძლია და გავაკეთებთ

მშვიდობიანი დამხობა გულისხმობს, რაც მოხდა 2003 წელს საქართველოში და რაც მოხდა ჩვენს სამეზობლოში, სომხეთში და ეს ფაშინიანმა გააკეთა. ჩვენ ამის გაკეთება შეგვიძლია და გავაკეთებთ, – ამის შესახებ „ნაციონალური მოძრაობის“ პოლიტსაბჭოს თავმჯდომარემ, ლევან ხაბეიშვილმა განაცხადა.მისივე თქმით, ლაშა ცანავას ჰქონდა საკმარისი შემოსავალი, რომ ორჯერ 50 ათასი ლარი პარტიისთვის შეეწირა.„ოხანაშვილს, მდინარაძეს, კობახიძეს, თავისნაირი ქვეშაფსია და პრ**ები ჰგონია ყველა. ლაშა ცანავა, ჩემი მეგობარი, ადამიანი ჩემს უსაფრთხოებას იცავდა და სადაც იყო ჩემი შუბლი და კისერი, იქ იყო მისი მუშტი. „ტიტუშკების“ თავდასხმა, ქვების სროლა, კვერცხის სროლა, ყოველთვის ჩემ გვერდით იყო ჩემი ძმაკაცი, ჩემი თანამებრძოლი ლაშა ცანავა. გახსოვთ, რომ სანამ ცანავას დააკავებდნენ, შინაგან საქმეთა სამინისტროს გვერდზე დაწერეს, ლევან ხაბეიშვილისთვის ციხის კარი გაიხსნაო, და ზუსტად იმ საღამოს სუს-მა ლაშა ცანავა მოიტაცა. საზოგადოებას უნდა ესმოდეს, რომ ბრალს, რომელსაც ედავებიან, თაღლითობის მცდელობაა, თაღლითობაც არა, სუს-ი ამაზე არ იჭერს, ეს პოლიციის საქმეა. თუმცა, წაიყვანეს სუს-ში და დღეს ლაშა ცანავამ, ვაჟკაცმა კაცმა, რომელიც ვერ შეაშინეს, ვერც ბევრი ფული რომ დაუდეს და უთხრეს, რომ რაღაც კადრები გვაქვს შეკერილი და აირჩიე, ან 9 წელი, ან ხაბეიშვილს უთვალთვალე, ჩაწერე, გვითხარი, სად გადაადგილდება, კამერა დაიბნიე და სდიე შენს მეგობარს, რომ მერე ჩვენ, ფოხანაშვილმა, ჯეკამ, მდინარაძემ ხაბეიშვილი დავიჭიროთ, მოვყვეთ როგორი ბრუტალურია და როგორ აპირებს რევოლუციის მოწყობას და მერე ამ ხმაში ამღერებს გარკვეულ ოპოზიციონერებს. ძალიან შეგეშალათ, ჩემ გვერდით თქვენნაირი მშიშრები, მხდლები და პრ**ები არ არიან. ჩემ გვერდით საქართველოს პატრიოტები არიან. ასე თავაწეულად და ღირსეულად ლაშა ცანავამ თავისი საკნის კარი თავად გააღო. ცხადია, მის ბრძოლას ჩვენ გავაგრძელებთ. მინდა, მივმართო ბიძინა ივანიშვილს, ხომ მაგარი ბიჭი ხარ, ხომ დააყენე ახალი ჯეელი, მოდი, აბა, შევერკინოთ.ლაშა ცანავა მეოჯახე ადამიანია, რომელიც კეთილსინდისიერად მუშაობდა დაცვაშიც, მძღოლადაც, ჩემთანაც უანგაროდ იყო. ის ოთხი წლის განმავლობაში მუშაობდა საქართველოს პარლამენტში და ჰქონდა ანაზღაურება. თქვენ თუ გგონიათ, რომ ფოხანაშვილივით და კობახიძესავით მერე ეს ფული სახლში მიაქვს, ძალიან ცდებით. ლაშა ცანავა პარლამენტში მუშაობდა, რათა პარლამენტში „ტიტუშკები“ რომ თავს დამესხმებოდნენ, ახლოს ყოფილიყო და ჩემი უსაფრთხოება დაეცვა. მას 4 წლის განმავლობაში იმხელა შემოსავალი ჰქონდა, რომ თუნდაც ორჯერ 50 ათასი შემოეწირა. ჩვენი პარტია სახალხო პარტიაა, ხალხი ლუკმას იღებს და ამ ფულს პარტიას წირავს, რომ რუსული ხელისუფლება გავისტუმროთ“, – განაცხადა ხაბეიშვილმა.როგორც „ნაციონალური მოძრაობის“ პოლიტსაბჭოს თავმჯდომარემ აღნიშნა, 4 ოქტომბერი ქართველი ხალხის გამარჯვების თარიღია.„ჩვენ, ქართველი ხალხი და შენ – შენი რუსალკებით. მოდი, თუ ერთი ადგილი გაქვს, დაგველოდე, ბევრ დროს არ გთხოვთ, 4 ოქტომბრამდე დაგველოდეთ. მივმართავ საზოგადოებას, 4 ოქტომბერს, უმნიშვნელოვანესია, არავინ დარჩეს სახლში, რაც უფრო მეტნი ვიქნებით, მით უფრო მარტივად, მშვიდად დავამარცხებთ და გავუშვებთ ამ ხელისუფლებას. 4 ოქტომბერი ქართველი ხალხის გამარჯვების თარიღია და რომ გეშინიათ ამ თარიღის, უკვე კოჭებზე გეტყობათ, ვერც ვერანაირ ბრალს ვერ შეთითხნით, ვერც ციხის კარით დამემუქრებით და მეტსაც გეტყვით, არ ვაპირებ ციხეში წასვლას. იქით ვეპატიჟები ფოხანაშვილს, ჯეკას, მდინარაძეს, სვეტლანას და კობახიძეს ციხეში, რადგან ქართველი ხალხი გაძარცვეს.მშვიდობიანი დამხობა გულისხმობს, რაც მოხდა 2003 წელს საქართველოშივე და რაც მოხდა ჩვენს სამეზობლოში, სომხეთში და ეს ფაშინიანმა გააკეთა. ჩვენ ამის გაკეთება შეგვიძლია და ამას გავაკეთებთ. მე ძალიან ბევრი დამაკნინებელი მომისმენია ჩემზე. როგორ შეიძლება, ლევანი ვარ, ხაბეიშვილი და თქვენ რომ გითხრათ, გოჩა ხართ-მეთქი, შეურაცხმყოფელია. მოიტანოს ეს დოკუმენტი და აჩვენოს საზოგადოებას, თუ არადა მტყუანის დედა მოვ**ან , ასე გადაეცით კობახიძეს“, – განაცხადა ხაბეიშვილმა.

პოლიტიკა • 1754027799

მამუკა მდინარაძე: კახა მართლაც უალტერნატივოა. გახსოვთ თბილისი 8 წლის წინ და დღეს, ეს შეიძლება ყოველდღიურ რეჟიმში შესამჩნევი არ იყოს, მაგრამ რომ გადავხედოთ რა იყო 8 წლის წინ და დღეს, უკვე ყველაფერს თავისი სახელი ერქმევა

 „ქართულ ოცნებაში“ იმის კომფორტი გვაქვს, რომ არა მხოლოდ მომავალზე, არამედ წარსულიდან გამომდინარე, მისი საქმიანობიდან გამომდინარე, მომავალზე ვილაპარაკოთ. კახა მართლაც უალტერნატივოა, - განაცხადა საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ და პარტია „ქართული ოცნების“ აღმასრულებელმა მდივანი მამუკა მდინარაძემ.„ალბათ გახსოვთ თბილისი 8 წლის წინ და დღეს. ხანდახან ვამბობთ ხოლმე, რომ ყოველდღიურად როცა ვუყურებთ როგორ შენდება, ირგვება ნარგავები და როგორ ცოცხლდება ეს ქალაქი ნელ-ნელა, ეს შეიძლება ყოველდღიურ რეჟიმში შესამჩნევი არ იყოს, მაგრამ რომ გადავხედოთ რა იყო 8 წლის წინ, როცა კახა მერად აირჩია თბილისმა და დღეს, უკვე ყველაფერს თავისი სახელი ერქმევა.დარწმუნებული ვარ, ამ ყველაფერზე დაშენებული მეტი წარმატება, მეტი სიკეთე ჩვენს დედაქალაქს ერთი-ორად წაადგება. როდესაც გაკეთებული საქმის დაფასება და სწორი შეფასება შეუძლია თბილისს და თბილისელს, აქ კიდევ უფრო მარტივია არჩევანი „ქართული ოცნების“ და კახა კალაძის სასარგებლოდ“, - აღნიშნა მამუკა მდინარაძემ.

პოლიტიკა • 1753990073

„ნაცობა“ არის აგენტურული საქმიანობა განხორციელებული საქართველოში საკუთარი სახელმწიფოს წინააღმდეგ“ - მამუკა მდინარაძე

„ნაცობა“ არის აგენტურული საქმიანობა განხორციელებული საქართველოში საკუთარი სახელმწიფოს წინააღმდეგ. მთელი გამიჯვნა ამაში მდგომარეობს, რომ ჩვენ ვემსახურებით საკუთარ სახელმწიფოს, ისინი ემსახურებიან თავიანთ პატრონებს და დამფინანსებლებს, - განაცხადა საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ და პარტია „ქართული ოცნების“ აღმასრულებელმა მდივანი მამუკა მდინარაძემ.„ოპოზიციის უშანსობაზე მეტად საინტერესო არის ის, რა როლშიო არიან ისინი თავიანთი პატრონების მიერ. მათ პატრონებს მიაჩნიათ, რომ „ნაცი“ იმდენად დისკრედიტირებულია, რომ მაქს აქვს ნული შანსი და რაღაც 1%-იანი შანსი რომ გაუცოცხლონ, თუკი თეორიული დაშვება შეიძლება ვიღაცამ გააკეთოს, რომ „ნაცებთან“ შეიძლება ისინი არ ასოცირდნენ, ასეთ პარტიებს აღებინებენ მონაწილეობას. მაგრამ კოალიციაში მყოფი გახარიას პარტია როგორ შეიძლება „ნაცთან“ გაიმიჯნოს?!“, - აღნიშნა მამუკა მდინარაძემ.

პოლიტიკა • 1753988355

მამუკა მდინარაძე: თუკი რამე სასამართლო არსებობდა, თუკი სადმე თეორიულად და პრაქტიკულად დავა იყო ქართულ სახელმწიფოსა და მათ შორის, ხაზარაძემ და ჯაფარიძემ ყველაფერი წააგეს

თუკი რამე სასამართლო არსებობდა, თუკი სადმე თეორიულად და პრაქტიკულად დავა ყოფილიყო ქართულ სახელმწიფოსა და მათ შორის, ხაზარაძემ და ჯაფარიძემ ყველგან ყველაფერი წააგეს. მიუხედავად ამისა, დღის წესრიგში ტოვებენ ნარატივს, რომ თითქოს ისინი ანაკლიის გამო მოვიდნენ პოლიტიკაში, - განაცხადა საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ და პარტია „ქართული ოცნების“ აღმასრულებელმა მდივანმა მამუკა მდინარაძემ მედიასთან.„ანაკლიის გამო რომ პოლიტიკაში მოვიდნენ, ეს შეიძლება მეც დავადასტურო იქედან გამომდინარე, რომ მათ ანაკლიის პროექტით „გადააგდეს“ საქართველო, ქართველები და სახელმწიფო და ამისი დაზღვევის მიზნით, რომ პასუხისმგებლობა არ დაკისრებოდათ, პოლიტიკაში მოვიდნენ. როგორც ჩანს ანაკლიის პროექტის გამო არიან პოლიტიკაში მოსულები, იმიტომ რომ ყველა არბიტრაჟსა და ყველა სასამართლოში დამტკიცდა, რომ მათ ხელი არ გაუნძრევიათ ანაკლიისთვის და პირიქით, რამდენიმე წლით გადადეს ეს სტრატეგიული, ეკონომიკური მნიშვნელობის უდიდესი პროექტი, მათ დააზიანეს ქართული სახელმწიფო და შესაბამისად, თავის დაზღვევის მიზნით არიან პოლიტიკაში ან შეიძლება ამას ემატებოდეს, რომ ისინი დავალებებს იღებენ გარე აქტორებისგან“, - აღნიშნა მამუკა მდინარაძემ.საქართველოს იუსტიციის სამინისტროს ინფორმაციით, მამუკა ხაზარაძემ და ბადრი ჯაფარიძემ ანაკლიის პორტის საქმეზე დავა ვაშინგტონის არბიტრაჟშიც წააგეს. უწყების ცნობით, ვაშინგტონის არბიტრაჟმა საქართველოს მთავრობის მოთხოვნები სრულად დააკმაყოფილა.

პოლიტიკა • 1753987631

მამუკა მდინარაძე ოპოზიციაზე: რამხელა შიში აქვთ, რომ სიტყვა დამხობასთან ერთად ამბობენ მშვიდობიანს. ან დამხობის მნიშვნელობა არ იციან და ინტელექტი არ ჰყოფნით, ან რაღაც სულელურ დაზღვევასთან გვაქვს საქმე

რამხელა შიში აქვთ, რომ სიტყვა დამხობასთან ერთად ამბობენ მშვიდობიანს. ან დამხობის მნიშვნელობა არ იციან და ინტელექტი არ ჰყოფნით, ან რაღაც სულელურ დაზღვევასთან გვაქვს საქმე, - განაცხადა საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ და პარტია „ქართული ოცნების“ აღმასრულებელმა მდივანი მამუკა მდინარაძემ ოპოზიციაზე საუბრისას.„მშვიდობიანი მკვლელობა, შეიძლება ასე ვილაპარაკოთ? დამხობა თავისი არსით, სიტყვა შეიცავს ისეთ შინაარსს, რომ მშვიდობიანი დამხობა არ არსებობს. თუ დამხობას ამბობს, იმის თავი უნდა ჰქონდეს, რომ მშვიდობიანი არ დაარქვას და თუ დამხობა უნდა, დაამხოს, გაეცემა შესაბამისი პასუხი. თუ ვერ ამხობს, მშვიდობიანს ნუ ამატებს. ვითომ აზღვევენ, რადგან დამხობისკენ მოწოდება სისხლის სამართლის დანაშაულია და ამ სისულელე კონტექსტს თუ შექმნიან, ამით დაიზღვევენ თავს. არც თავის დაზღვევაა და არც არაფერში ჯდება, როდესაც ლაპარაკობ მშვიდობიან დამხობაზე, მშვიდობიან მეკვლეობაზე, ხალხის მშვიდობიან ამოხოცვაზე და ეს სიტყვა ამ კონტექსტს არ აზღვევს“, - აღნიშნა მამუკა მდინარაძემ.

პოლიტიკა • 1753987570

„საქართველოში კრიმინალებმა როგორი რაღაც ისწავლეს ახლა იცით? იპარავენ ასეულობით მილიონს, მილიარდსაც შეიძლება, მერე ჯდებიან „დიფ სთეითურ“ ნარატივში და ამბობენ „რუსული“ და ანტიდასავლური განწყობების გამო მიჭერენო“ - მამუკა მდინარაძე

საქართველოში კრიმინალებმა როგორი რაღაც ისწავლეს ახლა იცით? იპარავენ ასეულობით მილიონს, მილიარდსაც შეიძლება, მერე ჯდებიან „დიფ სთეითურ“ ნარატივში და ამბობენ „რუსული“ და ანტიდასავლური განწყობების გამო მიჭერენო, - განაცხადა საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ და პარტია „ქართული ოცნების“ აღმასრულებელმა მდივანი მამუკა მდინარაძემ.დეპუტატი გამოეხმაურა გიორგი ბაჩიაშვილის განცხადებას, რომელმაც აღნიშნა, რომ მისი დაკავება იმას მოჰყვა, რომ ბიძინა ივანიშვილს ანტიდასავლურ რიტორიკას არ აჰყვა.„საქართველოში კრიმინალებმა როგორი რაღაც ისწავლეს ახლა იცით? იპარავენ ასეულობით მილიონს, მილიარდსაც შეიძლება, მერე ჯდებიან „დიფ სთეითურ“ ნარატივში და ამბობენ „რუსული“ და ანტიდასავლური განწყობების გამო მიჭერენო. ანუ შეგიძლიათ ჩაიდინოთ ნებისმიერ დანაშაული და შემდეგ თქვათ, რომ ანტიდასავლური განწყობები არის გამოძიების მამოტივირებელი. ასეთ აბსურდთან გვაქვს საქმე. ყველაფერი ეროვნული, რაც ხდება საქართველოში, ყველაფერი რუსულად ინათლება. მარაზმში ჩადის ლოგიკა, რომელიც აგენტურამ დაალაგა, თუმცა ამას არ აქვს ადამიანებზე გავლენა. იმიტომ არის „ქართული ოცნება“ ხელისუფლებაში და იმიტომ გამოვდივართ ეროვნული ინტერესებიდან“, - აღნიშნა მდინარაძემ.

პოლიტიკა • 1753987034

„კახა კალაძეს არცერთი წამით არ დავპირისპირებივარ - როგორ გგონიათ, უახლოეს მეგობრებს რამის გამო დავუპირისპირდები?! “ - მამუკა მდინარაძე

საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ და პარტია „ქართული ოცნების“ აღმასრულებელმა მდივანმა მამუკა მდინარაძემ მედიასთან განაცხადა, რომ მას თბილისის მერთან, კახა კალაძესთან არანაირი დაპირისპირება არ ჰქონია.„არცერთი წამით კახა კალაძეს არ დავპირისპირებივარ. კახა, 2016 წელს „ქართული ოცნების“ გუნდში ჩემი ერთ-ერთი მთავარი რეკომენდატორი იყო ირაკლი კობახიძესთან ერთად. როგორ გგონიათ, მეგობრებს, უახლოეს მეგობრებს დავუპირისპირდები რამის გამო, თან როდესაც ისინი მართლები არიან და ერთმანეთთან მართლები ვართ. გთხოვთ თავი დაანებოთ აგენტების მოგონილი ამბების განიუსებას“, - აღნიშნა მამუკა მდინარაძემ.

პოლიტიკა • 1753986443

„კახა მართლაც უალტერნატივოა, გახსოვთ თბილისი 8 წლის წინ და დღეს, ეს შეიძლება ყოველდღიურ რეჟიმში შესამჩნევი არ იყოს, მაგრამ რომ გადავხედოთ რა იყო 8 წლის წინ და დღეს, უკვე ყველაფერს თავისი სახელი ერქმევა“ - მამუკა მდინარაძე

„ქართულ ოცნებაში“ იმის კომფორტი გვაქვს, რომ არა მხოლოდ მომავალზე, არამედ წარსულიდან გამომდინარე, მისი საქმიანობიდან გამომდინარე, მომავალზე ვილაპარაკოთ. კახა მართლაც უალტერნატივოა, - განაცხადა საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ და პარტია „ქართული ოცნების“ აღმასრულებელმა მდივანი მამუკა მდინარაძემ.„ალბათ გახსოვთ თბილისი 8 წლის წინ და დღეს. ხანდახან ვამბობთ ხოლმე, რომ ყოველდღიურად როცა ვუყურებთ როგორ შენდება, ირგვება ნარგავები და როგორ ცოცხლდება ეს ქალაქი ნელ-ნელა, ეს შეიძლება ყოველდღიურ რეჟიმში შესამჩნევი არ იყოს, მაგრამ რომ გადავხედოთ რა იყო 8 წლის წინ, როცა კახა მერად აირჩია თბილისმა და დღეს, უკვე ყველაფერს თავისი სახელი ერქმევა.დარწმუნებული ვარ, ამ ყველაფერზე დაშენებული მეტი წარმატება, მეტი სიკეთე ჩვენს დედაქალაქს ერთი-ორად წაადგება. როდესაც გაკეთებული საქმის დაფასება და სწორი შეფასება შეუძლია თბილისს და თბილისელს, აქ კიდევ უფრო მარტივია არჩევანი „ქართული ოცნების“ და კახა კალაძის სასარგებლოდ“, - აღნიშნა მამუკა მდინარაძემ.

პოლიტიკა • 1753986294

„თურქეთში თორნიკე რიჟვაძე არ მომინახულებია - ეს არის აგენტების მიერ მოგონილი ტყუილი“- მამუკა მდინარაძე

ეს არის აგენტის მიერ მოგონილი ტყუილი, - ასე უპასუხა ჟურნალისტის შეკითხვას საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ და პარტია „ქართული ოცნების“ აღმასრულებელმა მდივანმა მამუკა მდინარაძემ, მოინახულა თუ არა მან თურქეთში თორნიკე რიჟვაძე.როგორ მდინარაძემ აღნიშნა, ის თურქეთში ოჯახთან ერთად დასასვენებლად იმყოფებოდა.​„ეს ტყუილი არის ისეთი ბინძური რაღაც, რომ აგენტების განიუსებას თავი უნდა დაანებოთ“, - აღნიშნა მამუკა მდინარაძემ.კახეთში ალექსანდრე ახვლედიანთან სტუმრად ყოფნის დროს, აჭარის მთავრობის ყოფილმა ხელმძღვანელმა, იარაღით თვითდაზიანება მიიყენა. ტყვიამ ფილტვი დააზიანა. ოჯახის გადაწყვეტილებით თორნიკე რიჟვაძე სამკურნალოდ თურქეთში გადაიყვანეს

პოლიტიკა • 1753986208

„როგორც მერობის, ისე საკრებულოს წევრების კანდიდატურები იქნება საუკეთესო შემადგენლობა. გამოცდილებაზე დაფუძნებული პროფესიონალიზმი და პატიოსნება იქნება მთავარი კრიტერიუმი, რითაც კანდიდატებს შევარჩევთ“ - მამუკა მდინარაძე

როგორც მერობის, ისე საკრებულოს წევრების კანდიდატურები იქნება საუკეთესო შემადგენლობა. შეიძლება მომავალში, ოთხ წელში კიდევ უფრო დავხვეწოთ ეს ყველაფერი, მაგრამ გამოცდილებაზე დაფუძნებული პროფესიონალიზმი და პატიოსნება იქნება მთავარი კრიტერიუმი, რითაც კანდიდატებს შევარჩევთ, - განაცხადა საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ და პარტია „ქართული ოცნების“ აღმასრულებელმა მდივანმა მამუკა მდინარაძემ.ჟურნალისტმა მას ჰკითხა, რის მიხედვით გააკეთებს არჩევანს „ქართული ოცნება“ მუნიციპალიტეტის მერობის კანდიდატებზე.„[კანდიდატების კრიტერიუმები იქნება] პატიოსნება, პროფესიონალიზმი, კარგი მენეჯერები. ვფიქრობ, რომ ჩვენ ნელ-ნელა ისეთ რაღაცებზე უნდა ვიზრუნოთ, რაზე ფიქრის საშუალებაც ცოტა ნაკლებად გვქონდა სხვა დროს. იმდენად კარგი ინერცია გვაქვს მაგალითად კორუფციასთან ბრძოლის კუთხით, სწორი მენეჯმენტის თვალსაზრისით, გამოცდილებაზე და პრაქტიკაზე დაფუძნებული კუთხით, რომ ამ კრიტერიუმებით კიდევ უფრო კარგ, განახლებულ შემადგენლობას წარვუდგენთ საზოგადოებას. როგორც მერობის, ისე საკრებულოს წევრების კანდიდატურები იქნება საუკეთესო შემადგენლობა. შეიძლება მომავალში, ოთხ წელში კიდევ უფრო დავხვეწოთ ეს ყველაფერი, მაგრამ გამოცდილებაზე დაფუძნებული პროფესიონალიზმი და პატიოსნება იქნება მთავარი კრიტერიუმი, რითაც კანდიდატებს შევარჩევთ“, - აღნიშნა მდინარაძემ.

პოლიტიკა • 1753794660

გიორგი ზერეკიძე: ხაბე, რომ 5000 ლარიანი აგენტია წყალი არ გაუვა, ხოლო ვისი აგენტიც ხაბეა არის მოღალატე არამხოლოდ ოცნების, არამედ ქვეყნისაც

ყოფილი პოლიტპატიმარი გიორგი ზერეკიძე, სოციალურ ქსელში ეხმიანება ლევან ხაბეიშვილის მიმართვას, "ქართული ოცნების" დამფუძნებლისა და საპატიო თავმჯდომარის, ბიძინა ივანიშვილისთვის, რომ ის "სალაპარაკო ადამიანს მოძებნის, ვისთანაც შეიძლება ლაპარაკი და აღნიშნავს, რომ „ხაბე, რომ 5000 ლარიანი აგენტია წყალი არ გაუვა, ხოლო ვისი აგენტიც ხაბეა არის მოღალატე არამხოლოდ ოცნების, არამედ ქვეყნისაც.“მისი თქმით, ნაცების წრუწუნას რომ ფულს გადაუხდი და ოცნების საწინააღმდეგოდ ალაპარაკებ, რაზე უნდა გელაპარაკოს ადამიანი საერთოდ, თან რომ ცდილობენ პრემიერს და მდინარაძეს დაარტყან, ვის თვალში აპირებთ ამას ხაბეს ხელით, ოცნების ამომრჩევლის? საერთოდ არ გცნობიათ ოცნების ამომრჩეველი.„ხაბე რომ 5000 ლარიანი აგენტია წყალი არ გაუვა, ხოლო ვისი აგენტიც ხაბეა არის მოღალატე არამხოლოდ ოცნების, არამედ ქვეყნისაც. ნაცების წრუწუნას რომ ფულს გადაუხდი და ოცნების საწინააღმდეგოდ ალაპარაკებ, რაზე უნდა გელაპარაკოს ადამიანი საერთოდ, თან რომ ცდილობენ პრემიერს და მდინარაძეს დაარტყან, ვის თვალში აპირებთ ამას ხაბეს ხელით, ოცნების ამომრჩევლის? საერთოდ არ გცნობიათ ოცნების ამომრჩეველი. იმედია მალე გამოაშკარავდება ვისი ხელის ბიჭია ქურქუმალ - ანიტა“, - წერს ზერეკიძე.