ზურაბიშვილმა

ვის რა ეჭირა, ამის მტკიცებას მე ვერ დავიწყებ. ჩვენ რომ გქონდეს სამართლიანი სასამართლო და პროკურატურის მიმართ ნდობა, კითხვის ნიშანი არ გაგვიჩნდებოდა - ვიკა ფილფანი

მმართველი გუნდი სალომე ზურაბიშვილს, ოპოზიციას და მათ პარტნიორებს დეზინფორმაციის გავრცელებაში ადანაშაულებს. მათი თქმით, ეს ეხება აქციაზე ძალადობის ბრალდებით დაკავებულ პირებს.ზურაბიშვილმა სოციალურ ქსელში დაწერა, რომ 19 წლის საბა ჯიქიას, მშვიდობიან დემონსტრაციებში მონაწილეობისთვის, 4 წლითა და 6 თვით პატიმრობა მიუსაჯეს. იგივე შინაარსის განცხადებებს აკეთებენ ოპოზიციური პარტიების წევრებიც. ისინი დაკავებულების უდანაშაულობაზე საუბრობენ.საპარლამენტო უმრავლესობა აცხადებს, რომ დანაშაულებრივი ფაქტები პროკურატურის მიერ გავრცელებულ ვიდეოებშიც ჩანს. ოპოზიცია კი პარლამენტზე და პოლიციაზე შტურმს მშვიდობიან აქციად ასაღებს.პროკურორ როინ ხინთიბიძის განცხადებით, მათ მიერ გავრცელებული ვიდეო, რომელიც სისხლის სამართლის საქმეს მტკიცებულების სახით ერთის ავთენტურია და მას შესაბამისი ექსპერტიზები აქვს ჩატარებული."2025 წლის 10 ივლისს, პროკურატურის მიერ გავრცელებული ვიდეო ერთვის სისხლის სამართლის საქმეს როგორც მტკიცებულება. რა თქმა უნდა, არის ავთენტური და აღნიშნულს ვიდეოზე, ასევე ჩატარებულია აბიროსკოპიული ექსპერტიზაც", - განაცხადა პროკურორმა როინ ხინთიბიძემ.პარტია ”გახარია საქართველოსთვის” წევრის, ვიკა ფილფანის განცხადებით, სასამართლოს მიმართ ნდობა ძალიან დაბალია, რის გამოც მათ მიერ მოტანილი ყველა მტკიცებულება კითხვის ნიშნებს აჩენს."ვის რა ეჭირა, ამის მტკიცებას მე ვერ დავიწყებ. ჩვენ რომ გქონდეს სამართლიანი სასამართლო და პროკურატურის მიმართ ნდობა, კითხვის ნიშანი არ გაგვიჩნდებოდა. რაც გადაწყვიტა სასამართლომ და პროკურატურამ და მივყვებოდით ამ საკითხს, რადგან სამართლიანია, მაგრამ დღეს კითხვის ნიშნები გვიჩნდება ამ სტრუქტურის და მათ მიერ მოტანილი ნებისმიერი მტკიცებულების მიმართ", - განაცხადა ვიკა ფილფანმა.

პოლიტიკა • 1752228742

ბადრი ჯაფარიძე „ნაციონალური მოძრაობის“ წარმომადგენელია, რომლის გარეცხვასაც ცდილობენ პატრონები, რასაც ვხედავთ ე.წ. დაპირისპირება და შოუა - არჩილ გორდულაძე

სალომე ზურაბიშვილმა რაზე ისაუბრა, მხოლოდ ელენე ხოშტარიამ გაიგო, მხოლოდ მას გამოუტანია აზრი, ოღონდ რა ისაუბრა ქალბატონმა, ალბათ თვითინაც არ იცის, – ამის შესახებ საპარლამენტო უმრავლესობის წევრმა, არჩილ გორდულაძემ განაცხადა.მისი თქმით, სალომე ზურაბიშვილს, როგორც ჩანს, მესიჯი დაუგვიანდა, მაგრამ განცხადება უნდა გაეკეთებინა, ამიტომაც გამოუვიდა ის უშინაარსობა, რაზეც ისაუბრა.„ბადრი ჯაფარიძეს რაც შეეხება, ის არის ადამიანი, რომელიც მსჯავრდებულია, ქართველი ხალხის ჯიბეებიდან ფულის ამოღების მცდელობა ჰქონდა, უნდოდა, საკუთარ ჯიბეში ჩაედო და დამარცხდა საერთაშორისო არბიტრაჟში. მამუკა ხაზარაძესთან ერთად ცდილობდა საკუთარი ჯიბის მოთბობას. „ნაციონალური მოძრაობის“ წარმომადგენელია, რომლის გარეცხვასაც ასე წარმატებით ცდილობენ პატრონები და რასაც ვხედავთ არის ე.წ. დაპირისპირება და შოუ“, – განაცხადა არჩილ გორდულძემ.რაც შეეხება არჩევნებს, არჩილ გორდულაძე აცხადებს, რომ მოსახლეობა დაფიქრდა, თუ რა მოწოდებებს აკეთებენ, ქვეყნის მოქალაქეებს აქვთ უფლება, არჩევნებში მონაწილეობა თავისუფლად მიიღონ, აზრი დააფიქსირონ და ამ პროცესში მათთვის ხელის შეშლა სისხლის სამართლის დანაშაულია.„კარგად გაიაზრონ, პატრონებსაც უთხრან, ნუ დაგვავალებთ ისეთ ქმედებებს, რომლებიც შეიძლება, სისხლის სამართლის დანაშაულს შეიცავდეს. წარსულში, სამწუხაროდ, გვაქვს ძალიან ბევრი ისეთი შემთხვევა, სადაც ადამიანებმა მიზანმიმართულად დაარღვიეს სისხლის სამართლის კოდექსი, საქართველოს კონსტიტუცია და თავი დაიპატიმრეს, შემდეგ, მათი პატრონები, ბიუროკრატიის წარმომადგენლები ვაი-ვიშს ატეხდნენ. ფრთხილად იყვნენ, იმავე შედეგი არ დადგეს. ჩვენ ვხედავთ, რომ პატრონების დავალებით ოთხი „ნაციონალური მოძრაობიდან“ ორი „ნაციონალური მოძრაობის“ გარეცხვა მიმდინარეობს, მათი წარსულის ჩამორეცხვის მცდელობებია, თითქოს „ლელოელი ნაცები“ და „გახარია- ნაცები“ „ნაცები“ აღარ არიან. შოუ, რომელიც მათსავე ტელევიზიებში მიმდინარეობს იმას ემსახურება, როგორმე მათი იმიჯი გამოსწორდეს, თუმცა „ნაცის“ იმიჯს რა გამოასწორებს. „ნაცები“, მორალურად ასევე საქმიანობიდან გამომდინარე, ძალიან დამძიმებულები არიან და ეს ყველაფერი მათ რეიტინგზე აისახება, უმცირდებათ მხარდაჭერა“, – განაცხადა არჩილ გოდულაძემ.

პოლიტიკა • 1752222520

ახალგაზრდა ადამიანი 4 წლითა და 6 თვით რომ გაუშვეს ციხეში, ეს არ არის სამართლიანობა, ეს არის რეპრესია - ლაშა ფარულავა

მმართველი გუნდი სალომე ზურაბიშვილის, ოპოზიციისა და მათი პარტნიორების მხრიდან ძალადობის ბრალდებით აქციაზე დაკავებული პირების მიმართ არასწორი ინფორმაციის გავრცელებაზე საუბრობს.ზურაბიშვილმა სოციალურ ქსელში დაწერა, რომ საქართველოში ტერორი გრძელდება და 19 წლის საბა ჯიქიას მშვიდობიან დემონსტრაციებში მონაწილეობისთვის 4 წლითა და 6 თვით თავისუფლების აღკვეთა მიესაჯა. იგივე შინაარსის განცხადებებს აკეთებენ ოპოზიციონერი პოლიტიკოსებიც, რომლებიც დაკავებულების უდანაშაულობაზე საუბრობენ."საბა ჯიქია, ახალგაზრდები, რომლებიც რუსთველზე იცავდნენ კონსტიტუციურ პრინციპებს, კონსტიტუციურ განაწესს . ეს არის ჩვენი ნებისმიერი მოქალაქის უფლება. ახალგაზრდა ადამიანი 4 წლითა და 6 თვით რომ გაუშვეს ციხეში, ეს არ არის სამართლიანობა, ეს არის რეპრესია", - განაცხადა ლაშა ფარულავამ.საპარლამენტო უმრავლესობაში კი აცხადებენ, რომ ჩადენილი დანაშაულები პროკურატურის მიერ გავრცელებულ ვიდეომასალებშიც ჩანს. მათივე თქმით, ოპოზიცია ცდილობს, პარლამენტსა და საპოლიციო ძალებზე შტურმი მშვიდობიანი აქციების სახელით შეფუთოს.

პოლიტიკა • 1751228748

სალომე ზურაბიშვილი ერთობა - გიგი უგულავა

„ნაციონალური მოძრაობის“ წევრი გიგი უგულავა რუსთაველის გამზირზე მიმდინარე აქციაზე საქართველოს ყოფილი პრეზიდენტის, სალომე ზურაბიშვილის სიტყვით გამოსვლას ეხმაურება.„სალომე ზურაბიშვილი ერთობა“, – წერს გიგი უგულავა სოციალურ ქსელში.საქართველოს ყოფილმა პრეზიდენტმა, სალომე ზურაბიშვილმა რუსთველის გამზირზე მიმდინარე აქციაზე სიტყვით გამოსვლისას განაცხადა, რომ გეგმა არის ერთობა. „ვიღაცებს უნდათ, გაუთავებლად მე მთხოვონ რაღაც არარსებული გეგმა. გეგმა არის ერთობა და გეგმა იქნება ხვალ, ზეგ ერთობა, ვიდრე ჩვენ ვერ მივაღწევთ შედეგს და შედეგი სახეზეა. შედეგი არის ის, რომ „ქართულ ოცნებაში“ დაიწყო ჩამოშლა“, – აღნიშნა სალომე ზურაბიშვილმა.

პოლიტიკა • 1751000470

საფრანგეთში ქართველთა ისტორიული სათვისტომოს ხაზინადარი, ნატა დარჩიაშვილი ოთარ ზურაბიშვილის მიერ ქართველთა ისტორიული სათვისტომოს ასოციაციის ფუნქციონირების შეჩერების შესახებ განცხადებას ავრცელებს

საფრანგეთში ქართველთა ისტორიული სათვისტომოს ხაზინადარი ნატა დარჩიაშვილი განცხადებას ავრცელებს, სადაც საუბარია ასოციაციის თავმჯდომარის ოთარ ზურაბიშვილის მიერ ერთპიროვნული გადაწყვეტილებების მიღების შედეგად ქართველთა ისტორიული სათვისტომოს ასოციაციის ფუნქციონირების შეჩერებაზე.ასოციაციის ხაზინადარი აღნიშნავს, რომ საფრანგეთში ქართველთა ისტორიული სათვისტომო არ არის პოლიტიკური ორგანიზაცია და მისი მიზანი ქართული კულტურისა და ხელოვნების პოპულარიზაციაა, რაც ერთ წელზე მეტია იგნორირებულია ოთარ ზურაბიშვილის მხრიდან.„ჩვენ ყველა ერთსულოვნად ვთანხმდებით ერთ ფუნდამენტურ საკითხზე: საქართველოს აღარასდროს იქნება კოლონია არც რუსეთის და არც სხვა რომელიმე ძალის. ჩვენი ღრმად ევროპელი ქართველი ხალხი ერთგულია თავისი ტრადიციების, ქრისტიანული რწმენისა და ადამიანური ღირებულებების.სამწუხაროა, რომ ასოციაციის თავმჯდომარემ, ოთარ ზურაბიშვილმა საორგანიზაციო კომიტეტთან კონსულტაციისა და ყოველგვარი კომუნიკაციის გარეშე მიიღო ერთპიროვნული გადაწყვეტილებები.დაუშვებელია, რომ ბატონი ოთარ ზურაბიშვილი თავს უფლებას აძლევს მოახდინოს კომიტეტის წევრების მარგინალიზება მათი დადანაშაულება, ან დაიგნორება.მინდა მტკიცედ განვაცხადო, რომ საფრანგეთში ქართველთა ისტორიული სათვისტომო არც პოლიტიკური ინსტრუმენტია და არც ვინმეს საკუთრება. თუ ოთარს სურს პოლიტიკური ერთეულის დაარსება, მას ამის გაკეთება თავისუფლად შეუძლია. თუმცა ქართველთა ისტორიული სათვისტომო ერთგული უნდა დარჩეს თავისი კულტურული და საზოგადოებრივი მოწოდებების“, - ნათქვამია განცხადებაში.

პოლიტიკა • 1750922545

გვასანქცირებენ და გვსჯიან იმიტომ, რომ არ ვუღალატეთ ბიძინა ივანიშვილს! აგერ ვართ და დაგვასანქცირეთ. არ ვაპირებთ არცერთი ნაბიჯით გვერდზე გადგომას. რომ არა ბიძინა ივანიშვილი დღეს ჩვენ უკრაინაც კი არ ვიქნებოდით - თეა წულუკიანი

ჩემზე სანქციას რა აზრი აქვს? პარიზი მაქვს სანახავი, ვაშინგტონი, თუ რა აზრი აქვს? სასაცილო ხდება უკვე ეს ყველაფერი. როდესაც შენ, ამ შემთხვევაში მე და ჩემს თანაგუნდელებს, გვასანქცირებენ იმიტომ რომ, ვართ ე.წ enablers, ამიტომ გვასანქცირებენ, ანუ რატომ გვასანქცირებენ? - რომ ჩვენ არ ვღალატობთ ბიძინა ივანიშვილს. ამიტომ გვასანქცირებენ, რომ დამხმარეები ვართ, მისი კურსის გატარებას ვეხმარებით, - განაცხადა პარლამენტის ვიცე-სპიკერმა, თეა წულუკიანმა, გადაცემაში „თავისუფალი სივრცე“ სტუმრობისას.თეა წულუკიანი გამოხატავს ნებისმიერი სანქციისადმი მზაობას და აცხადებს, რომ , რომ არა ბიძინა ივანიშვილი და მისი ოჯახი დღეს საქართველო უკრაინაც კი აღარ იქნებოდა, ან საერთოდ აღარ იქნებოდა.„ჩვენ, ვინც დაგვასანქცირეს ამისთვის, რომ გვეღალატა, გავმდგარიყავით, გვებრძოლა, როგორც სალომე ზურაბიშვილმა გააკეთა და არა მარტო მან, მაშინ ჩვენ ვიქნებოდით ღმერთის რანგში აყვანილები, მაგრამ ჩვენ ასე ვერ ვიქცევით. მე მაგალითად მწამს, ასე რომ მოვიქცე მიწა არ მიმიღებს, ამის დღე დადგება, როცა დადგება, ეს დაუშვებელი რაღაცაა რასაც ითხოვენ. ითხოვენ რას? - შენ გასანქცირებენ და გსჯიან იმიტომ, რომ კიდევ არ უღალატე ბიძინა ივანიშვილს, მოდი დაგასანქცირო. აგერ ვართ და დაგვასანქცირეთ. ჩვენ ვინც ვართ, არ ვაპირებთ არცერთი ნაბიჯით გვერდზე გადგომას იმიტომ რომ, რომ არა ბიძინა ივანიშვილი და მისი ოჯახი, ოჯახს ხაზს ვუსვამ, ამდენი ხანია პოლიტიკაში ვართ და კიდევ ერთხელ უფრო ღრმად დავრწმუნდი, გარშემოც ვუყურებ, ხომ ბევრნი ვართ ჩვენ არ ვართ ცოტა გუნდში, ძალიან მნიშვნელოვანია, პოლიტიკოსისთვის, მითუმეტეს ის, ვინც საფრთხეების წინაშე დგას ოჯახი, ამიტომ მადლიერებით ყოველთვის ოჯახი უნდა აღინიშნოს. რომ არა ბიძინა ივანიშვილი და მისი ოჯახი, დღეს ჩვენ უკრაინაც კი არ ვიქნებოდით. ჩვენ დღეს შეიძლება საერთოდაც არ ვიქნებოდით, ან რაღაც ნარჩენები იქნებოდა ჩვენგან დარჩენილი. არავის არ ეწყინოს და ვერავინ „ქართული ოცნების“ გუნდში იმ ტვირთს ვერ აწევდა, რასაც ეწევა ბიძინა ივანიშვილი. ამიტომ, რა თქმა უნდა, ჩვენ ვართ „enablers“. აღიარებით ჩვენებას გაძლევთ, „enabler“ ვარ მათ შორის მეც, ვაგრძელებთ მუშაობას, ვისთვის რომ ,როცა დადგება დრო თქვენ მიხვალთ საარჩევნო ურნასთან გადაირჩევთ „ქართულ ოცნებას“ და ხმას მისცემთ ისეთ ძალას, რომელიც იქნება ან უკეთესი ან ტოლფასი“, - განაცხადა თეა წულუკიანმა.

პოლიტიკა • 1750050024

დავით ზურაბიშვილი: იმ არჩევნების წესით, რაც გვაქვს, ფიზიკურად შეუძლებელია დაიწერო, რაც გინდა

არჩევნების გაყალბება რომ შეუძლებელია, ამაზე ყოფილი პარლამენტარი და პოლიტოლოგი დავით ზურაბიშვილი საუბრობს. როგორც მან განაცხადა, იმ არჩევნების წესით, რაც დღეს საქართველოში არსებობს, ფიზიკურად შეუძლებელია დაიწერო ის, რაც გინდა.„იმ არჩევნების წესით, რაც გვაქვს, ფიზიკურად შეუძლებელია დაიწერო, რაც გინდა. მინდა, რომ ეს კარგად გავიაზროთ“, - განაცხადა ზურაბიშვილმა ერთ-ერთი ინტერვიუს დროს.

პოლიტიკა • 1749123143

ძალიან აირია სიტუაცია ბევრი საკითხის მიმართ, საჭიროა ვიცოდეთ, საითკენ მივდივართ - სალომე ზურაბიშვილი

ძალიან აირია სიტუაცია ბევრი საკითხის მიმართ, რომელიც დღეს ჩემგან სიცხადეს მოითხოვს, როცა ჩვენ ვსაუბრობთ უახლოეს მომავალზე და პოლიტიკურ განვითარებებზე, საჭიროა ვიცოდეთ, რას ვამბობთ და საითკენ მივდივართ, რადგან მსჯელობა დაწყებულია, საჭიროა, მეც ვთქვა ჩემი სათქმელი, – ამის შესახებ საქართველოს ყოფილმა პრეზიდენტმა, სალომე ზურაბიშვილმა განაცხადა.ზურაბიშვილის თქმით, ადგილობრივ არჩევნებში მონაწილეობაზე საუბარი მისთვის გასაკვირი და გაუგებარია.„ამ შემთხვევაში არ ვლაპარაკობ პლატფორმის სახელით, ჩემი სახელით ვლაპარაკობ. ადგილობრივი არჩევნების დანიშვნა და მასში მონაწილეობა, როცა ქვეყანაში გვყავს 60 თუ 60-ზე მეტი პოლიტპატიმარი, ჩემთვის ცოტა გასაკვირი და გაუგებარიც კი არის. როგორ შეიძლება, შეხვიდე არჩევნებში, როდესაც ციხეში არა მხოლოდ აქტივისტები არიან, არამედ პოლიტიკური ლიდერები. პოლიტიკური ლიდერები თუ ციხეში არიან, რანაირად შეგვიძლია, ვილაპარაკოთ თავისუფალ არჩევნებზე. ამიტომ არის, რომ პლატფორმის ფორმატში შევიმუშავეთ დოკუმენტი, რომელიც შეთანხმებულია და აღრიცხავს ყველა იმ პირობას, ყველა იმ ცვლილებას, რაც უნდა იყოს შემოტანილი, როგორც საპარლამენტო არჩევნების წინაპირობა. ერთიანობის გარეშე დავიხუროთ ქუდები და წავიდეთ ცალ-ცალკე და ამ რეჟიმს, რომელიც ნახევრად ჩამოშლილია, მივცეთ ის გამარჯვება, რომელიც არც ეკუთვნის და ვერც აღწევს იმ პროტესტზე და იმ საზოგადოებაზე, რომელიც ასე შემართებით იბრძვის დღემდე. ასე რომ, პოლიტიკური პარტიების პოლიტიკური პასუხისმგებლობა თუ რამეა, არის, რომ დაყენდნენ და მიხვდნენ იმას, რომ ერთიანობა აუცილებელია და აუცილებელია სიტუაციის კარგად გაგება. რაც დროს გადის უფრო რეალურია, რომ საპარლამენტო და ადგილობრივი არჩევნები ერთობლივად იყოს, მაგრამ ეს არჩევნები მიღწეული იქნება მხოლოდ თუ პროტესტი გაგრძელდა, თუ ჩვენი უცხოელი პარტნიორების ზეწოლა გაგრძელდა და თუ პოლიტიკურმა პარტიებმა შეძლეს ერთობლივად წარადგინონ თავიანთი ხედვა, თავიანთი ალტერნატივა მომავლისთვის. არავის არასდროს არ უნდა, რომ შეიცვალოს რამე, რათა ვაკუუმი შედგეს ქვეყანაში. ყველას პასუხისმგებლობა ძალიან დიდია. ჯერ დავფიქრდეთ და მერე ვილაპარაკოთ“, – განაცხადა ზურაბიშვილმა.

პოლიტიკა • 1749121839

პარტიების პოლიტიკური პასუხისმგებლობა თუ რამეა, არის ის, რომ დაყენდნენ და მიხვდნენ ერთიანობის აუცილებლობას - სალომე ზურაბიშვილი

ძალიან აირია სიტუაცია ბევრი საკითხების მიმართ, რომელიც დღეს მოითხოვს ჩემგან სიცხადეს, როცა ჩვენ ვსაუბრობთ უახლოეს მომავალზე და პოლიტიკურ განვითარებებზე, ამ რეჟიმის პირობებში საპარლამენტო არჩევნებიც შეუძლებელია, ერთიანობის გარეშე დავიხუროთ ქუდები და წავიდეთ ცალ-ცალკე, ამ ნახევრად ჩამოშლილ რეჟიმს, მივცეთ ის გამარჯვება, რაც არც ეკუთვნის და ვერც აღწევს იმ პროტესტზე და იმ საზოგადოებაზე, რომელიც ასე შემართებით იბრძვის დღემდე, – ამის შესახებ საქართველოს ყოფილმა პრეზიდენტმა, სალომე ზურაბიშვილმა განაცხადა.მისი თქმით, „პარტიების პოლიტიკური პასუხისმგებლობაა, რომ დაყენდნენ და მიხვდნენ, ერთიანობა აუცილებელია“.„საპარლამენტო არჩევნებიც შეუძლებელია დღევანდელ პირობებში, ამიტომ პლატფორმის პირობებში შევიმუშავეთ დოკუმენტი, რომელიც აღნიშნავს ყველა იმ ცვლილებას, რაც უნდა იყოს შემოტანილი, როგორც საპარლამენტო არჩევნების წინაპირობა. უნდა გაგრძელდეს ზეწოლა რეჟიმზე, გარედან სანქციებით და პარტნიორების ზეწოლით, შიგნიდან პროტესტით, რომელიც არის ყველაზე ძლიერი. ასევე, უნდა იყოს ზეწოლა პარტიებიდან, პოლიტიკური სპექტრიდან, რომელიც იქნება ეფექტური მხოლოდ მაშინ, თუ არის ერთიანი. ერთიანობის გარეშე დავიხუროთ ქუდები და წავიდეთ ცალ-ცალკე და ამ რეჟიმს, რომელიც ნახევრად ჩამოშლილია, მივცეთ ის გამარჯვება, რომელიც არც ეკუთვნის და ვერც აღწევს იმ პროტესტზე და იმ საზოგადოებაზე, რომელიც ასე შემართებით იბრძვის დღემდე. პოლიტიკური პარტიების პოლიტიკური პასუხისმგებლობაა, დაყენდნენ და მიხვდნენ, რომ ერთიანობა აუცილებელია და სიტუაცია კარგად გაიგონ. რაც დროს გადის, უფრო რეალურია, რომ საპარლამენტო და ადგილობრივი არჩევნები ერთობლივად იყოს, მაგრამ ეს არჩევნები მიღწეული იქნება მხოლოდ თუ პროტესტი გაგრძელდა, თუ ჩვენი უცხოელი პარტნიორების ზეწოლა გაგრძელდა, თუ პოლიტიკურმა პარტიებმა შეძლეს ერთობლივად წარადგინონ თავიანთი ხედვა, ალტერნატივა მომავლისთვის. ყველას პასუხისმგებლობა ძალიან დიდია. ჯერ დავფიქრდეთ და მერე ვილაპარაკოთ“, – განაცხადა ზურაბიშვილმა.

პოლიტიკა • 1748971206

დავით ზურაბიშვილი: "ქართული ოცნების" მთავარი მესიჯი, იგივე დასავლეთთან იქნება, რომ იმიტომ არ მონაწილეობს ოპოზიცია თვითმმართველობის არჩევნებში, იციან, რომ წააგებენ - ამას ამბობენ ბოიკოტის მომხრეებიც

რა ხდება, თუ მთავარი ოპოზიციური ძალები გამოაცხადებენ ბოიკოტს? - ძალიან მარტივია, მოხდება ის, რომ ჩვეულებრივად ჩაატარებს არჩევნებს ხელისუფლება, რამდენიმე წვრილი პარტია მაინც მიიღებს მონაწილეობას, არანაირი დარღვევა არსად არაფრის იქნება, - განაცხადა დავით ზურაბიშვილმა, ოპოზიციის მიერ ადგილობრივი თვითმმართველობის არჩევნების შესაძლო ბოიკოტზე საუბრისას „ტვ პირველის“ ეთერში.მისი განცხადებით, „ქართული ოცნების“ მთავარი გზავნილი, თუნდაც დასავლეთთან საუბრის დროსაც იქნება ის, რომ ოპოზიციამ არჩევნებში მონაწილეობა იმიტომ არ მიიღო, რომ იცოდნენ, რომ წააგებდნენ. ზურაბიშვილის თქმით, მთავარი ისაა, რომ ამას იმეორებენ ბოიკოტის მომხრეებიც, რომელთა ვარაუდი, რომ დასავლეთი, ოპოზიციის ბოიკოტის შემთხვევაში არ ცნობს არჩევნებს, არასწორია. „მშვიდად, წყნარ ვითარებაში ჩაატარებს [არჩევნებს ხელისუფლება], თვითმმართველობის მთელი ორგანოები "ქართული ოცნებისგან" დაკომპლექტდებიან და შეიძლება სადღაც ერთი-ორი ოპოზიციური განწყობის მაჟორიტარიც შეიყვანონ და თქვან, რომ რა ვქნათ, ვეუბნებოდით ამ ოპოზიციას და არ მიიღეს მონაწილეობა, იმიტომ, რომ იციან, რომ წააგებენ. ხომ ვიცით, რომ "ქართული ოცნების" მთავარი მესიჯი, იგივე დასავლეთთან ლაპარაკის დროს, ეს იქნება, რომ იმიტომ არ მონაწილეობენ ესენი [ოპოზიცია] არჩევნებში, რომ იციან, წააგებენ. რაც მთავარია, ამას ამბობენ თვითონ ბოიკოტის მომხრეებიც, ამას იძახიან ზუსტად, რომ ყველა ვარიანტში წავაგებთ, როგორც არ უნდა იყოს, ისეთი საარჩევნო სისტემაა მოგონილი, რომ ვერ მოიგებ, მაინც დაიწერენ რასაც უნდაო - ჯადოქრად გამოჰყავთ ეს ხელისუფლება, რომელსაც, რასაც უნდა, იმას გააკეთებს. რა ხდება იმ შემთხვევაში თუ ბოიკოტი შედგა? ბოიკოტის შემთხვევაში, აბსოლუტურად გარანტირებულად შემიძლია ვთქვა, ყველა პოლიტიკურ პარტიას შეუძლია მივიდეს გერმანიის საელჩოში, ამერიკის საელჩოში, საფრანგეთის საელჩოში და ჰკითხონ ელემენტარულად იქ რომელიმე დიპლომატს, თუ არჩევნებში არ მიიღებენ მონაწილეობას, არჩევნები არ გაყალბდა და ისე მოიგო ოცნებამ, იქნება თუ არა ეს ლეგიტიმური - ეს მარტივი კითხვა დაუსვან. იმის გამო, რომ აქ არ მონაწილეობდნენ რაღაც პარტიები არჩევნებში, ეს არჩევნები ცნობილი არ იქნება არალეგიტიმურად, შემიძლია ეს გარანტირებულად ვთქვა. ბოიკოტის შემთხვევაში, არჩევნების შედეგები ცნობილი იქნება ლეგიტიმურად დასავლეთის მიერ.“ - განაცხადა დავით ზურაბიშვილმა.

პოლიტიკა • 1748970927

დავით ზურაბიშვილი - ამ ქვეყანაში ყველა რევოლუცია წარმატებით დამთავრდა იმიტომ, რომ ხელისუფლება შიგნიდან იყო დანგრეული და ამას დანგრევის არაფერი ეტყობა. ახლა საკმაოდ შეკრული ძალოვანი სტრუქტურები ჰყავთ, რღვევის ნასახიც არ შეიმჩნევა

„მე მესმის იმ ადამიანების, რომლებიც ძალიან გამწარებული არიან და ყველანაირი ინტერაქცია ეზიზღებათ ხელისუფლებასთან, მაგრამ ერთია აქტივიზმი, ერთია პროტესტი, რომელიც ნაწილია პოლიტიკური პროცესის და ეს არ არის პოლიტიკური პროცესი მხოლოდ. ხელისუფლება მხოლოდ იმით, რომ ჩვენ გამოვიდეთ ქუჩაში, დავდგეთ მაგრად, არ წავიდეთ არსად, ხელისუფლებას არაფერში გავეკაროთ და ხელისუფლება დაინგრევა შიგნიდან, ასე ბუნებრივია არ მოხდება. ასე არასდროს არსად მომხდარა და ვერც ვერასდროს მოხდება“ - განაცხადა დავით ზურაბიშვილმა „დღის ამბებში“.წამყვანის კითხვაზე „თუ [ოპოზიცია] თვითმმართველობის არჩევნებში ვერ იგებენ, როგორ იგებენ ვადამდელ საპარლამენტო არჩევნებში, რომლის მოთხოვნა არის“, ზურაბიშვილი აცხადებს, „რა ვიცი როგორ იგებენ, ესენი ამბობენ, რომ მოდი შეცვალე საარჩევნო კანონმდებლობა, გამოუშვი პატიმრები, სასამართლო წესიერად მოიქცეს, ცესკო წესიერად მოიქცეს, საერთოდ დაგვნებდით და გვეახელით. ასეთ ინფანტილურ და ბავშვურ რაღაცას ეუბნებიან, რომ ჯერ დაგვნებდი, ჯერ დაინგრეს ხელისუფლება და მერე არჩევნები“.მისივე თქმით, ამ ხელისუფლებას დანგრევის არაფერი ეტყობა. „რამდენიმე რევოლუციას ვარ შესწრებული და ზოგიერთში უშუალოდ მონაწილეობაც მაქვს მიღებული. ყველა რევოლუცია ამ ქვეყანაში, იგივე ვარდების რევოლუცია, რომელიც დამთავრდა წარმატებით, წარმატებით დამთავრდა იმიტომ, რომ შიგნიდან იყო ხელისუფლება დანგრეული სრულიად და ამას არაფერი დანგრევის არ ეტყობა. დანგრეული იყო იმიტომ, რომ იგივე შევარდნაძის დროს ხელფასს ვერ უხდიდნენ სპეცრაზმელებს, ზეიკიძის ძეხვზე იდგნენ და შიმშილით კვდებოდნენ სპეცრაზმელები. ახლა ასე არ არის. კარგად გამაძღარი ჰყავთ, კარგად უხდიან და საკმაოდ შეკრული ძალოვანი სტრუქტურები ჰყავთ, კარგად გაკონტროლებული. არავითარი რღვევის ნასახიც არ შეიმჩნევა“-განაცხადა დავით ზურაბიშვილმა.

პოლიტიკა • 1748970780

დავით ზურაბიშვილი: ჩემზე მძიმე შთაბეჭდილებას ახდენს ბოიკოტის მომხრეთა რადიკალური პოზიცია იმაზე, რომ მოღალატეები ხართ ყველა, ვისაც არჩევნებში გინდათ მონაწილეობა - ამას იდიოტიზმს დავარქმევდი

ჩემზე ძალიან მძიმე შთაბეჭდილებას ახდენს მთელი ეს ამბავი, ძირითადად, ბოიკოტის მომხრეთა რადიკალური პოზიცია. პოზიციაც არ ჰქვია ამას, ინფანტილური პოზიცია იმაზე, რომ მოღალატეები ხართ ყველა, ვისაც არჩევნებში გინდათ მონაწილეობა, - ამის შესახებ დავით ზურაბიშვილმა, ადგილობრივი თვითმმართველობის არჩევნებში მონაწილეობასთან დაკავშირებით ოპოზიციურ სპექტრში არსებული აზრთა სხვადასხვაობის შეფასებისას, „ტვ პირველის“ ეთერში განაცხადა.მისი თქმით, ამგვარ მიდგომას, არა ინფანტილიზმს, არამედ, იდიოტიზმს დაარქმევდა. „არჩევნებში მონაწილეობით, თურმე, მოხდება ხელისუფლების ლეგიტიმაცია. ვის თვალში მოხდება ლეგიტიმაცია, მართლა მაინტერესებს - თვითონ პროტესტის მონაწილეების თვალში, აშშ-ის, ევროპის და ე.ი. ესღა აკლია ამ ხელისუფლებას ლეგიტიმაციამდე, რომ ჩაატაროს არჩევნები, თან, არ აქვს მნიშვნელობა როგორ ჩაატარებს, გააყალბებს -არ გააყალბებს, დაიწერს -არ დაიწერს, მთავარია, ორმა-სამმა პარტიამ მონაწილეობა თუ მიიღო, დამთავრდა, მთელი ეს საპროტესტო მოძრაობა ჩაიყარა წყალში - ამას მე იდიოტიზმს დავარქმევდი, ინფანტილიზმსაც არა,“ - განაცხადა დავით ზურაბიშვილმა.ზურაბიშვილის განმარტებით, ესმის გამწარებული აქტივისტების, თუმცა, აქტივიზმი და პროტესტი არის პოლიტიკური პროცესის ნაწილი და არა მთლიანად პოლიტიკური პროცესი. „მესმის იმ ადამიანების, რომლებიც ძალიან გამწარებულები არიან და ყველანაირი ინტერაქცია ეზიზღებათ ხელისუფლებასთან, მაგრამ, ერთია აქტივიზმი, პროტესტი, რომელიც პოლიტიკური პროცესის ნაწილია და მხოლოდ ეს არ არის პოლიტიკური პროცესი. ხელისუფლება, მხოლოდ იმით, რომ ჩვენ გამოვიდეთ ქუჩაში, დავდგეთ მაგრად, არ წავიდეთ არსად, არაფერში გავეკაროთ ხელისუფლებას და ხელისუფლება დაინგრევა შიგნიდან - ბუნებრივია, ასე არ მოხდება. ასე არსად არასდროს მომხდარა და ვერც მოხდება ვერასდროს. ეს არის ნაწილი, უნდა იყოს, მაგრამ, ამის გარდა, კიდევ უნდა იყოს რაღაც. რაც შეეხება არჩევნებს, აქ არის ორი ვარიანტი. ბოიკოტის ვარიანტი, რა თქმა უნდა, შეიძლება განიხილოს ოპოზიციამ და პოლიტიკურმა სპექტრმაც, მაგრამ აქ არის ორი ვარიანტი - ერთია, აქტიური ბოიკოტი, როდესაც შეგიძლია ჩაშალო ეს არჩევნები, მოდი, შევთანხმდეთ, რომ ეს ჩვენს შემთხვევაში გამორიცხულია. არჩევნების ჩაშლა არ შეგიძლია, ავიღოთ მაშინ მეორე ვარიანტი: რა ხდება, თუ მთავარი ოპოზიციური ძალები გამოაცხადებენ ბოიკოტს. რა მოხდება, ძალიან მარტივია, წინასწარმეტყველებას არ ვიტყვი - მოხდება ის, რომ ჩვეულებრივად ჩაატარებს არჩევნებს ხელისუფლება, რამდენიმე წვრილი პარტია მაინც მიიღებს მონაწილეობას, არანაირი დარღვევა არსად არაფრის იქნება, მშვიდად, წყნარ ვითარებაში ჩაატარებს,“ - განაცხადა დავით ზურაბიშვილმა.