დათი

დავით სონღულაშვილი ბაღდათში ღვინის მარნის „ლაბარა“ საქმიანობას გაეცნო

გარემოს დაცვისა და სოფლის მეურნეობის მინისტრი დავით სონღულაშვილი ბაღდათის მუნიციპალიტეტის სოფელ ვარციხეში მდებარე ღვინის მარან „ლაბარაში“ იმყოფებოდა, სადაც მიმდინარე საქმიანობას ადგილზე გაეცნო.„მევენახეობა-მეღვინეობის დარგის განვითარების და მაღალი ხარისხის ქართული ღვინის წარმოების ხელშეწყობისთვის მნიშვნელოვან რეფორმას ვახორციელებთ. ჩვენი მიზანია, ქართული ღვინო ასოცირდებოდეს მაღალ ხარისხთან. აქვე მინდა აღვნიშნო, რომ მცირე და საშუალო მარნები მნიშვნელოვანი სეგმენტია. გვაქვს მიზნობრივი მხარდაჭერა, რათა მათ შეძლონ ხარისხიანი ღვინის წარმოება, ღვინის ტურიზმის განვითარება და საექსპორტო ბაზრების არეალის გაფართოება, რაც თავის მხრივ, მეღვინეობის დარგის მდგრადი განვითარების შემადგენელი ნაწილია“, - განაცხადა დავით სონღულაშვილმა.შპს „ლაბარა“ ბაღდათის მუნიციპალიტეტში მოქმედი ღვინის მწარმოებელი კომპანიაა, რომლის წლიური წარმადობა 15 000 ბოთლ ღვინოს შეადგენს. საწარმოში 30 ადამიანია დასაქმებული. კომპანიის პროდუქციის რეალიზაცია ხდება როგორც ადგილობრივ ბაზარზე, ასევე ექსპორტზე გადის ევროპაში, აზიასა და ამერიკის შეერთებულ შტატებში.კომპანია სოფლის განვითარების სააგენტოს ბენეფიციარია. საქმიანობის დაწყებისა და განვითარების ეტაპზე არაერთხელ ისარგებლა პროექტით „შეღავათიანი აგროკრედიტი“.აღსანიშნავია, რომ ღვინის წარმოების მიზნობრიობით, იმერეთის რეგიონში პროექტით „შეღავათიანი აგროკრედიტი“ ბანკების მიერ გაცემულია 7,4 მლნ ლარის ოდენობის შეღავათიანი აგროსესხი, სოფლის განვითარების სააგენტოს თანადაფინანსება 2,2 მლნ ლარია.ღვინის მარანში მინისტრთან ერთად, მინისტრის მოადგილეები ლაშა ავალიანი და გიორგი წკრიალაშვილი, სურსათის ეროვნული სააგენტოს უფროსი გიორგი იაკობაშვილი, სოფლის განვითარების სააგენტოს დირექტორი ზურაბ გოზალიშვილი და ადგილობრივი ხელისუფლების წარმომადგენლები.

რეგიონი • 1782312519

„მოქმედებს სხვადასხვა პროგრამა, რომლის მეშვეობითაც ახალი საწარმოების შექმნის ხელშეწყობას ვაგრძელებთ, რათა რეგიონები კიდევ უფრო მეტად გაძლიერდეს“ - დავით სონღულაშვილი

გარემოს დაცვისა და სოფლის მეურნეობის მინისტრი დავით სონღულაშვილი იმერეთის რეგიონში იმყოფებოდა, სადაც სახელმწიფოს მხარდაჭერით შექმნილი საწარმოებისა და მეურნეობების საქმიანობას გაეცნო.„ძალიან მნიშვნელოვანია რეგიონებში ვიზიტი და როგორც პირველადი ისე გადამმუშავებელი საწარმოების საქმიანობის ადგილზე გაცნობა. განსაკუთრებით აღსანიშნავია აკვაკულტურის მიმართულება, რომელიც სოფლის მეურნეობის ერთ-ერთი პრიორიტეტული დარგია. მნიშვნელოვანია, რომ დარგის განვითარება სწრაფი ტემპით გაგრძელდეს.სახელმწიფოს მხარდაჭერით რეგიონში მოქმედი გადამმუშავებელი საწარმოები იძლევა შესაძლებლობას, პროდუქცია ადგილზე შეიქმნას, ეს კი, თავის მხრივ, ხელს უწყობს როგორც რეგიონის, ისე ქვეყნის ეკონომიკის განვითარებას. სამინისტროს მხრიდან მოქმედებს სხვადასხვა პროგრამა, რომლის მეშვეობითაც წარმოების მხარდაჭერას და ახალი საწარმოების შექმნის ხელშეწყობას ვაგრძელებთ, რათა რეგიონები კიდევ უფრო მეტად გაძლიერდეს“, - აღნიშნა დავით სონღულაშვილმა.მინისტრმა ყურადღება გაამახვილა სამინისტროს რეგიონული უწყებების განახლებულ ინფრასტრუქტურაზე და აღნიშნა, რომ თანამშრომლებისთვის ღირსეული სამუშაო პირობების შექმნა სამინისტროს ერთ-ერთი პრიორიტეტია.„დღეს გავხსენით მინერალური რესურსების ეროვნული სააგენტოს ახალი რეგიონული ოფისი. თანამშრომლებისთვის კეთილმოწყობილი და თანამედროვე სამუშაო გარემოს შექმნა სამინისტროს ერთ-ერთი პრიორიტეტული მიმართულებაა, რათა მათ სრულფასოვნად შეძლონ საკუთარი უფლება-მოვალეობების შესრულება“, - განაცხადა დავით სონღულაშვილმა.იმერეთის რეგიონში ვიზიტის ფარგლებში, დავით სონღულაშვილი წყალტუბოს მუნიციპალიტეტის სოფელ მაღლაკში ლურჯი მოცვის ბაღში მოსავლის კრეფისა და სარეალიზაციოდ მომზადების პროცესს გაეცნო. მინისტრმა დაათვალიერა წყალტუბოში მდებარე სასათბურე მეურნეობა „ჰერბია“, ქუთაისში მცენარეული ნედლეულის გადამმუშავებელი საწარმო „ფარკონი“ და ნახევარფაბრიკატების მწარმოებელი კომპანია „კულინარი“, სოფელ გეგუთში აკვაკულტურის მეურნეობა და ბაღდათის მუნიციპალიტეტში ღვინის მარანი „ლაბარა“, ხოლო ქუთაისში მინერალური რესურსების ეროვნული სააგენტოს ახალი რეგიონული ოფისი გახსნა.

რეგიონი • 1782108406

ამბროლაურმა სარაგბო ფესტივალს და რაგბის ახალგაზრდული მსოფლიო თასის ტურს უმასპინძლა

რაგბის კლუბ „ამარანტების“ ორგანიზებით, რაჭა-ლეჩხუმ ქვემო სვანეთის სახელმწიფო რწმუნებულის ადმინისტრაციისა და რეგიონში შემავალი მუნიციპალიტეტების მხარდაჭერით, ამბროლაურის აგრანო ვაჩაძის სახელობის მოედანმა სარაგბო ფესტივალს მეორედ უმასპინძლა.ფესტივალში მონაწილეობა მიიღო დასავლეთ საქართველოს 8 გუნდმა, (ამარანტები, პონტო (ქობულეთი), ჯიხა (აბაშა, სენაკი, მარტვილი), ბაღდათი, აია (ქუთაისი), ბათუმი, დინოზავრი (წყალტუბო), ჯრუჭი (საჩხერე).ღონისძიებას განსაკუთრებული დატვირთვა შესძინა რაგბის ახალგაზრდული მსოფლიო თასის წარდგენამ. აღსანიშნავია, რომ მსოფლიო თასის ტურის ფარგლებში მასპინძელი რეგიონი რაჭა-ლეჩხუმ ქვემო სვანეთი იყო, ხოლო ფესტივალის მონაწილეებსა და დამსწრე საზოგადოებას შესაძლებლობა ჰქონდათ, აგრანო ვაჩაძის სახელობის მოედანზე ახლოდან ენახათ მსოფლიო რაგბის ერთ-ერთი ყველაზე პრესტიჟული ჯილდო.ფესტივალის დასრულების შემდგომ სარაგბო გუნდების დაჯილდოების ცერემონია გაიმართა, რომელშიც მონაწილეობა მიიღეს სპორტის მინისტრის მოადგილემ ირაკლი დოლაბერიძემ, მხარის რწმუნებულმა პაპუნა მარგველიძემ, ამბროლაურის მუნიციპალიტეტის მერმა ზაზა ქევანიშვილმა, საკრებულოს თავმჯდომარემ ზვიად მხეიძემ, მოწვეულმა სტუმრებმა და ცნობილმა მორაგბეებმა.სარაგბო კლუბ “ამარანტების” წარმომადგენლობამ, სახელმწიფო რწმუნებულს პაპუნა მარგველიძეს მხარდაჭერისა და კლუბის განვითარებაში შეტანილი წვლილისთვის სიმბოლური საჩუქარი გადასცა.

სამართალი • 1781701199

პროკურატურამ შპს „სანდოს“ დირექტორი და შპს „სასამართლო ექსპერტიზის, არქიტექტურისა და მშენებლობის ეროვნული ცენტრის“ ინსპექტორი დააკავა. ხოლო ერთ პირს ბრალდება გამოსაკითხ პირზე ზემოქმედების განხორციელების ფაქტზე წარედგინა

საქართველოს პროკურატურამ სამსახურებრივი მოვალეობის არაჯეროვნად შესრულების ფაქტზე, შპს ,,სანდოს“ დირექტორი და შპს „სასამართლო ექსპერტიზის, არქიტექტურისა და მშენებლობის ეროვნული ცენტრის“ ინსპექტორი დააკავა, ხოლო ერთ პირს ბრალდება გამოსაკითხ პირზე ზემოქმედების განხორციელების ფაქტზე წარედგინა. ინფორმაციას პროკურატურა ავრცელებს.დასავლეთ საქართველოს საოლქო პროკურატურის საგამოძიებო სამმართველოს მიერ ჩატარებული გამოძიებით დადგინდა, რომ შპს „სანდოს“ დირექტორმა ბაღდათში, შოთა რუსთაველის ქუჩაზე, მრავალბინიანი საცხოვრებელი სახლების მიმდებარედ არსებული დაზიანებული საყრდენი კედლის საპროექტო დოკუმენტაციის შედგენისას, არ გაითვალისწინა საინჟინრო-გეოლოგიური კვლევის მონაცემები და მიუხედავად იმისა, რომ გეოლოგიური პირობების სირთულის მიხედვით უნდა შედგენილიყო, საყრდენი კედლის მეწყერსაწინააღმდეგო ნაგებობის პროექტი, 2024 წლის ივნისში შეადგინა გეოლოგიური დასკვნის მონაცემებთან და ადგილზე შექმნილ ვითარებასთან შეუსაბამო პროექტი. შეუსაბამო პროექტის კონსტრუქციულ ნაწილს შპს „სასამართლო ექსპერტიზის, არქიტექტურისა და მშენებლობის ეროვნული ცენტრის“ ინსპექტორმა დადებითი შეფასება მისცა, რის შემდეგაც პროექტი ბაღდათის მუნიციპალიტეტის მერიას ჩაბარდა.იმის გათვალისწინებით, რომ შპს ,,სანდოს“ მიერ შედგენილი არ იყო საყრდენი კედლის მეწყერსაწინააღმდეგო ნაგებობის პროექტი, შემსრულებელმა ორგანიზაციამ სამუშაოები წარმართა შეუსაბამო პროექტის პირობებში, რაშიც არამიზნობრივად გაიხარჯა სახელმწიფოს კუთვნილი 756 198 ლარი, ბაღდათის მუნიციპალიტეტის მერიისთვის მძიმე შედეგის მიყენება გამოიწვია და წარმოქმნა საცხოვრებელი კორპუსების მეწყრულ პროცესებში ჩათრევის საფრთხე.გამოძიებით ასევე დადგინდა, რომ შპს ,,სანდოს“ ერთ-ერთი დამფუძნებლის ოჯახის წევრმა ზემოქმედება განახორციელა მოწმის სახით გამოსაკითხ პირზე, რათა ამ უკანასკნელს გეოლოგიური დასკვნის მონაცემებთან დაკავშირებით გამოძიებისთვის ცრუ ინფორმაცია მიეწოდებინა.დაკავებულებს ბრალდება საქართველოს სისხლის სამართლის კოდექსის 220 პრიმა მუხლის მეორე ნაწილით (გულგრილობა, რამაც მძიმე შედეგი გამოიწვია) წარედგინებათ, რაც სასჯელის სახედ და ზომად 5 წლამდე თავისუფლების აღკვეთას ითვალისწინებს.ერთ პირს ბრალდება 372-ე მუხლის პირველი ნაწილით (გამოსაკითხ პირზე ზემოქმედების განხორციელება) წარედგინა, რაც სასჯელის სახედ და ზომად 3 წლამდე თავისუფლების აღკვეთას ითვალისწინებს.პროკურატურა ბრალდებულებისთვის აღკვეთის ღონისძიების შეფარდების შუამდგომლობით სასამართლოს კანონით დადგენილ ვადაში მიმართავს.

რეგიონი • 1781512333

იმერეთში ინფრასტრუქტურული სამუშაოები გრძელდება

იმერეთში ინფრასტრუქტურული სამუშაოები გრძელდება.რეგიონული განვითარების მინისტრის მოადგილე და სახელმწიფო რწმუნებული ადგილზე გაეცნენ მდინარე ოღასკურას კალაპოტის რეაბილიტაციის პროექტს.ასევე იმყოფებოდნენ ბაღდათის მუნიციპალიტეტში, სადაც რეაბილიტაცია გზას უტარდება. კიდევ ერთი პროექტის, ფარგლებში სამუშაოები მიმდინარეობს ზესტაფონის მუნიციპალიტეტში, მდინარე აჯამურას ხიდზე.„მოვინახულეთ რეგიონში მიმდინარე ინფრასტრუქტურული პროექტები, ქუთაისსა და ბაღდათის მუნიციპალიტეტებში მოვინახულეთ გამაგრებით სამუშაოების მიმდინარეობის პროცესი. ორივე მუნიციპალიტეტში გეგმა-გრაფიკის მიხედვით მიმდინარეობს დაგეგმილი სამუშაოები, ორივე პროექტი იქნება წლის ბოლომდე სრულად მიყვანილი ბოლომდე და ექსპლუატაციაში მიღებული“, - აცხადებს საქართველოს რეგიონული განვითარების მინისტრის პირველი მოადგილე ლევან ზაუტაშვილი.

საზოგადოება • 1781032615

გზების დეპარტამენტი ინფორმაციას ავრცელებს

საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ქუთაისი(საღორია)-ბაღდათი-აბასთუმანი-ბენარას საავტომობილო გზის კმ78-კმ88 მონაკვეთზე მაღალი გამავლობის (ორი და მეტი წამყვანი ხიდის მქონე) ავტოტრანსპორტის მოძრაობა აღდგენილია, ხოლო დანარჩენი სახის ავტოტრანსპორტის გადაადგილება აკრძალულია.უწყების ცნობითვე, საავტომობილო გზის დანარჩენ მონაკვეთებზე ავტოტრანსპორტის მოძრაობა თავისუფალია.

საზოგადოება • 1781013058

ქუთაისი(საღორია)-ბაღდათი-აბასთუმანი-ბენარას გზის კმ78-კმ88 მონაკვეთზე მაღალი გამავლობის ავტოტრანსპორტის მოძრაობა აღდგა

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ქუთაისი(საღორია)-ბაღდათი-აბასთუმანი-ბენარას საავტომობილო გზის კმ78-კმ88 მონაკვეთზე მაღალი გამავლობის (ორი და მეტი წამყვანი ხიდის მქონე) ავტოტრანსპორტის მოძრაობააღდგენილია, ხოლო დანარჩენი სახის ავტოტრანსპორტის გადაადგილება აკრძალულია.საავტომობილო გზის დანარჩენ მონაკვეთებზე ავტოტრანსპორტის მოძრაობა თავისუფალია.

საზოგადოება • 1780221492

საქართველოში მიწისძვრა მოხდა

31 მაისს, დილის 5 საათსა 21 წუთზე, ბაღდათის რაიონში სოფელ ალისმერეთში, 3.1 მაგნიტუდის მიწისძვრა მოხდა.

საზოგადოება • 1778181383

მთავრობა ოჯახებს, მინიმუმ, 30 000 ლარს გადაუხდის - ვინ და რა შემთხვევაში მიიღებს სოლიდურ თანხას

მთავრობის 1 მაისით დათარიღებული განკარგულების მიხედვით, სტიქიური მოვლენების შედეგად დაზარალებული ოჯახებისთვის განკუთვნილი საკომპენსაციო თანხა დამატებით 5.375 მილიონი ლარით გაიზარდა.აღნიშნული ცვლილება 19 მარტის დოკუმენტში აისახა.დახმარება შეეხება იმ ოჯახებს, რომლებიც 2025 წლის თებერვალში განვითარებული სტიქიური მოვლენების შედეგად დაზარალდნენ და რომელთა საკუთრებაში არსებული საცხოვრებელი სახლები სრულად განადგურდა ან აღდგენას აღარ ექვემდებარება.უფრო კონკრეტულად, თუ 2026 წლის 19 მარტის განკარგულებით ჯამურად საკომპენსაციო თანხა 10.400 მლნ ლარს შეადგენდა, ამჯერად, 15.570 მლნ ლარამდე გაიზარდა.ამასთან, მთავრობის ახალი განკარგულებით, 3-დან 13-მდე გაიზარდა იმ მუნიციპალიტეტების რაოდენობაც, სადაც სტიქიის შედეგად დაზარალებული ოჯახებისთვის კომპენსაცია გაიცემა.დოკუმენტის მიხედვით, ფულადი დახმარება რეგიონების მიხედვით ასე გადანაწილდება:ოზურგეთის მუნიციპალიტეტი - 4.900 მლნ ლარილანჩხუთის მუნიციპალიტეტი - 2.250 მლნ ლარიჩოხატაურის მუნიციპალიტეტი - 3.250 მლნ ლარიხონის მუნიციპალიტეტი - 30 000 ლარისამტრედიის მუნიციპალიტეტი - 1.630 მლნ ლარივანის მუნიციპალიტეტი - 510 000 ლარიბაღდათის მუნიციპალიტეტი - 1.020 მლნ ლარიზესტაფონის მუნიციპალიტეტი - 380 000 ლარიხარაგაულის მუნიციპალიტეტი -630 000 ლარითერჯოლის მუნიციპალიტეტი - 50 000 ლარიმარტვილის მუნიციპალიტეტი - 470 000 ლარიხობის მუნიციპალიტეტი - 210 000 ლარიაბაშის მუნიციპალიტეტი - 420 000 ლარირაც შეეხება ოჯახზე გასაცემ საკომპენსაციო თანხის მოცულობას, შემდეგნაირად არის განსაზღვრული:თუ დაზარალებულ ოჯახს არ აქვს საკუთრებაში რეგისტრირებული ალტერნატიული საცხოვრებელი ფართი - 50 000 ლარი;თუ დაზარალებულ ოჯახს აქვს, ან ჰქონდა საკუთრებაში რეგისტრირებული ალტერნატიული საცხოვრებელი ფართი და 2025 წლის 21 თებერვლის შემდეგ გაასხვისა;ასევე, თუ 2025 წლის 21 თებერვლის შემდგომ, დაზიანებული სახლის მესაკუთრემ, რომელიც ამ თარიღისთვის ფლობდა ალტერნატიულ საცხოვრებელს და გაასხვისა დაზიანებული სახლის კუთვნილი ნაწილი - 30 000 ლარი.

საზოგადოება • 1777395428

საპატრიარქო სინოდის სხდომის ოქმს აქვეყნებს

საქართველოს საპატრიარქო დღევანდელი სინოდის სხდომის ოქმს აქვეყნებს.„2026 წლის 28 აპრილს საქართველოს საპატრიარქო რეზიდენციაში გაიმართა საქართველოს მართლმადიდებელი ეკლესიის წმინდა სინოდის სხდომა.სხდომა დაიწყო უწმინდესისა და უნეტარესის, სრულიად საქართველოს კათოლიკოს-პატრიარქის, ილია II-ის სულის მოსახსენებელი პანაშვიდით, რომელიც გადაიხადა საქართველოს საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) წმინდა სინოდის წევრებთან ერთად.ამის შემდეგ წმინდა სინოდის სხდომა გახსნა საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი), რომელმაც წმინდა სინოდის წევრებს გააცნო სხდომის დღის წესრიგი.სხდომის მდივნად არჩეულ იქნა გორისა და ატენის მიტროპოლიტი ანდრია (გვაზავა).სხდომას არ ესწრებოდა წილკნისა და დუშეთის მიტროპოლიტი ზოსიმე (შიოშვილი).1. იქიდან გამომდინარე, რომ საქართველოს მართლმადიდებელი ეკლესიის 2026 წლის 3 აპრილის წმინდა სინოდის სხდომაზე საქართველოს მართლმადიდებელი ეკლესიის 1995 წლის მართვა-გამგეობის დებულების მე-4 თავის მე-2 პუნქტთან (საპატრიარქო კანდიდატის ასაკისა და განათლების შესახებ) დაკავშირებით არსებობდა აზრთა სხვადასხვაობა, საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) წმინდა სინოდის წევრებს შესთავაზა, გამოეთქვათ მოსაზრებები საკითხების თაობაზე, რათა ჩამოყალიბებულიყო წმინდა სინოდის საბოლოო პოზიცია.აზრი გამოთქვეს:ჭიათურისა და საჩხერის მიტროპოლიტმა დანიელმა (დათუაშვილი), ვანისა და ბაღდათის მიტროპოლიტმა ანტონმა (ბულუხია), დასავლეთ ევროპის მიტროპოლიტმა აბრაამმა (გარმელია), ნიქოზისა და ცხინვალის მიტროპოლიტმა ისაიამ (ჭანტურია), რომელმაც საკითხთან დაკავშირებით წარმოადგინა თავისი მიმართვა წმინდა სინოდისადმი (დანართი N1).ასევე, საკითხზე იმსჯელეს:ცურტაველმა მიტროპოლიტმა ვახტანგმა (ახვლედიანი), მროველ-ურბნელმა მიტროპოლიტმა იობმა (აქიაშვილი), აბბა ალავერდელმა მიტროპოლიტმა დავითმა (მახარაძე), ახალქალაქის, კუმურდოსა და კარის მიტროპოლიტმა ნიკოლოზმა (ფაჩუაშვილი), ფოთისა და ხობის მიტროპოლიტმა გრიგოლმა (ბერბიჭაშვილი), ახალციხის და ტაო-კლარჯეთის მიტროპოლიტმა თეოდორემ (ჭუაძე), ხონისა და სამტრედიის მიტროპოლიტმა საბამ (გიგიბერია), ზუგდიდისა და ცაიშის მიტროპოლიტმა გერასიმემ (შარაშენიძე), მესტიისა და ზემო სვანეთის მიტროპოლიტმა ილარიონმა (ქიტიაშვილი), გორისა და ატენის მიტროპოლიტმა ანდრიამ (გვაზავა), ჭყონდიდელმა მიტროპოლიტმა სტეფანემ (კალაიჯიშვილი), ქუთათელ-გაენათელმა მიტროპოლიტმა იოანემ (გამრეკელი), დმანისისა და აგარაკ-ტაშირის მთავარეპისკოპოსმა ზენონმა (იარაჯული), სტეფანწმინდისა და ხევის მთავარეპისკოპოსმა იეგუდიელმა (ტაბატაძე), სხალთელმა მთავარეპისკოპოსმა სპირიდონმა (აბულაძე), ბოლნელმა მთავარეპისკოპოსმა ეფრემმა (გამრეკელიძე), ბოდბელმა მთავარეპისკოპოსმა იაკობმა (იაკობიშვილი), ტყიბულისა და თერჯოლის მიტროპოლიტმა გიორგიმ (შალამბერიძე), თიანეთისა და ფშავ-ხევსურეთის ეპისკოპოსმა მიქაელმა (გაბრიჭიძე), სურამისა და ხაშურის ეპისკოპოსმა სვიმეონმა (ცაკაშვილი), მარნეულისა და ჰუჯაბის ეპისკოპოსმა გიორგიმ (ჯამდელიანი), გარდაბნისა და მარტყოფის ეპისკოპოსმა იოანემ (შომახია), ბელგიისა და ჰოლანდიის ეპისკოპოსმა დოსითემ (ბოგვერაძე), ჩრდილოეთ ამერიკის ეპისკოპოსმა საბამ (ინწკირველი), ნიკორწმინდელმა ეპისკოპოსმა ვახტანგმა (ლიპარტელიანი).წმინდა სინოდის ყველა წევრის მიერ აღინიშნა ერთსულოვნების განსაკუთრებული მნიშვნელობა.აზრთა გამოთქმის შემდგომ საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) კენჭისყრაზე დააყენა ზემოაღნიშნულ საკითხებზე მსჯელობის გაგრძელების მიზანშეწონილობა.წმინდა სინოდის უმრავლესობა კენჭისყრით დაეთანხმა საკითხების განხილვის შეწყვეტას. ამასთან დაკავშირებით ახალქალაქის, კუმურდოსა და კარის მიტროპოლიტ ნიკოლოზს (ფაჩუაშვილი) ჰქონდა განსხვავებული მოსაზრება.წმინდა სინოდმა იმსჯელა და დაადგინა:საქართველოს მართლმადიდებელი ეკლესიის 1995 წლის მართვა-გამგეობის დებულების მე-4 თავის მე-2 პუნქტთან მიმართებით, მოცემულ ვითარებაში –კათოლიკოს-პატრიარქის არჩევამდე საქართველოს ეკლესიის წმინდა სინოდს არ გააჩნია დებულებაში ცვლილებების შეტანისა და ინტერპრეტაციების დაშვების უფლებამოსილება.2. ამის შემდგომ ხმის დამთვლელი კომისიის თავმჯდომარემ, ახალციხისა და ტაო-კლარჯეთის მიტროპოლიტმა თეოდორემ (ჭუაძე) წმინდა სინოდის წევრებს წარუდგინა საპატრიარქო კანდიდატების სია და განმარტა ხმის მიცემასთან დაკავშირებული პროცედურული საკითხები, რის შემდეგაც შედგა კენჭისყრაში მონაწილე ექვსი კანდიდატის საბოლოო სია:1. საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი);2. მროველ-ურბნელი მიტროპოლიტი იობი (აქიაშვილი); 3. ფოთისა და ხობის მიტროპოლიტი გრიგოლი (ბერბიჭაშვილი); 4. მარგვეთისა და უბისის ეპისკოპოსი მელქისედეკი (ხაჩიძე); 5. ბელგიისა და ჰოლანდიის ეპისკოპოსი დოსითე (ბოგვერაძე); 6. წალკელი ეპისკოპოსი გრიგოლი (კაცია).კენჭისყრის შედეგად ხმები შემდეგნაირად გადანაწილდა:1. საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი) – 20 ხმა;2. მროველ-ურბნელი მიტროპოლიტი იობი (აქიაშვილი) – 7 ხმა;3. ფოთისა და ხობის მიტროპოლიტი გრიგოლი (ბერბიჭაშვილი) – 7 ხმა;4. მარგვეთისა და უბისის ეპისკოპოსი მელქისედეკი (ხაჩიძე) – 0 ხმა;5. ბელგიისა და ჰოლანდიის ეპისკოპოსი დოსითე (ბოგვერაძე) – 1 ხმა;6. წალკელი ეპისკოპოსი გრიგოლი (კაცია) – 2 ხმა.ერთ ბიულეტენზე არცერთი კანდიდატის სახელი არ დაფიქსირდა, ამიტომ ის ბათილად იქნა მიჩნეული.ამგვარად, გაფართოებულ კრებაზე საპატრიარქო კანდიდატებად წარდგებიან:1. საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი);2. მროველ-ურბნელი მიტროპოლიტი იობი (აქიაშვილი);3. ფოთისა და ხობის მიტროპოლიტი გრიგოლი (ბერბიჭაშვილი).პროცედურის დასრულების შემდეგ ხმის დამთვლელმა კომისიამ შეადგინა კომისიის წევრების მიერ ხელმოწერილი და ბეჭედდასმული ოქმი (დანართი N2).3. ჭიათურისა და საჩხერის მიტროპოლიტმა დანიელმა (დათუაშვილი) წმინდა სინოდს გააცნო ტექსტი საქართველოში ქრისტიანობის სახელმწიფო რელიგიად გამოცხადების „1700 წლის საიუბილეო თარიღისადმი მიძღვნილი მოლოცვითი მოგზაურობის შესახებ“.სხდომის დასასრულს მღვდელმთავრებმა საპატრიარქო კანდიდატებს მიულოცეს კანდიდატებად გამორჩევა, მადლობა შესწირეს უფალს და აღავლინეს ლოცვა“, - აღნიშნულია სინოდის სხდომის ოქმში.

საზოგადოება • 1777371159

მეუფე ანტონი პატრიარქობის კანდიდატის არჩევაზე: ახლა ისეთ მღელვარებაში ვარ, თქვენ წარმოიდგინეთ, როგორი არჩევანი მაქვს გასაკეთებელი, ძმათა შორის

ახლა ისეთ მღელვარებაში ვარ, თქვენ წარმოიდგინეთ, როგორი არჩევანი მაქვს გასაკეთებელი, ძმათა შორის, - ასე უპასუხა ვანისა და ბაღდათის მიტროპოლიტმა, მეუფე ანტონ ბულუხიამ ჟურნალისტებს კითხვაზე, პატრიარქობის რომელ კანდიდატს უჭერს მხარს.როგორც ანტონ ბულუხიამ განაცხადა, მას „ძმათა შორის“ არჩევანის გაკეთება ძალიან უჭირს.„ახლა ისეთ მღელვარებაში ვარ, თქვენ წარმოიდგინეთ, როგორი არჩევანი მაქვს გასაკეთებელი, ძმათა შორის. ყველას აქვს რაღაც ისეთი თვისება, რომელიც დადებითია. რა წარმოიდგინეთ, იცით? როგორც ჟიურისთვისაა, როცა ორ საუკეთესო ადამიანს უყურებს, ახლა ვხვდები, რა ძნელია მისთვის არჩევანის გაკეთება. ძალიან ძნელია, ისედაც ვღელავ, ნამდვილად ძალიან ძნელია, ძმათა შორის, როგორი გამოსარჩევია, იცით?“, - განაცხადა ანტონ ბულუხიამ.საპატრიარქოში საქართველოს მართლმადიდებელი ეკლესიის წმინდა სინოდის სხდომა მიმდინარეობს.

საზოგადოება • 1777025249

სურსათის ეროვნულმა სააგენტომ ბაღდათში ყველის არალეგალური საწარმო გამოავლინა

სურსათის ეროვნული სააგენტოს იმერეთის დეპარტამენტის ინსპექტორებმა ბაღდათში ყველის არალეგალურ საწარმოს საქმიანობა შეუჩერეს.სააგენტოს ცნობით, ინდივიდუალური მეწარმე ა. მ. (მის: ბაღდათის რაიონი, სოფელი როხი) სავალდებულო აღიარებისა და ეკონომიკურ საქმიანობათა რეესტრში რეგისტრაციის გარეშე საქმიანობდა.მათივე ინფორმაციით, ობიექტზე დაფიქსირდა კრიტიკული შეუსაბამობები. ასევე, დარღვეული იყო მომხმარებლისთვის სურსათის შესახებ ინფორმაციის მიწოდების წესიც. გამოვლენილი შეუსაბამობების გამო, ბიზნესოპერატორი დაჯარიმდა და ობიექტს შეუჩერდა საწარმოო პროცესი.„სურსათის ეროვნული სააგენტო შეახსენებს ბიზნესოპერატორებს, რომ საქართველოს კანონმდებლობით, ეკონომიკურ საქმიანობათა რეესტრში რეგისტრაციისა და აღიარების გარეშე საქმიანობა აკრძალულია (აღიარებას დაქვემდებარებულ საქმიანობათა ჩამონათვალი იხილეთ სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსში (მუხლი 13).“, - ნათქვამია ინფორმაციაში.