საზოგადოება • 1780935420

მშენებლობისას მწვანე ნარგავების 25%-იან შეზღუდვაში არაჯანსაღი ხეები აღარ შევა

მშენებლობისას მწვანე ნარგავების 25%-იან შეზღუდვაში არაჯანსაღი ხეები აღარ შევამშენებლობის ნებართვის გაცემის პროცესში მწვანე ნარგავების ჭრასთან დაკავშირებული 25%-იანი შეზღუდვის გაანგარიშების წესი ზუსტდება. შესაბამისი ცვლილებები – „ქალაქ თბილისის საზღვრებში და მიმდინარე ტერიტორიაზე არსებული ნარგავებისა და სახელმწიფო ტყის განსაკუთრებული დაცვის შესახებ“ კანონში შედის.დღეს მოქმედი კანონით, მშენებლობის ნებართვის გაცემის პროცესში, მოსაჭრელი ხეების რაოდენობა არ უნდა აჭარბებდეს შესაბამის ტერიტორიაზე არსებული მერქნიანი მცენარეების 25%-ს. აღნიშნული ჩანაწერი გულისხმობს ტერიტორიაზე არსებულ ყველა მერქნიან მწვანე ნარგავს, მათ შორის არაჯანსაღ ნარგავებს (გამხმარი, ფაუტი).კანონპროექტში აღნიშნულია, რომ იქიდან გამომდინარე, რომ საპროექტო ტერიტორიაზე არსებული არაჯანსაღი მწვანე ნარგავები, არავითარ გავლენას არ ახდენს ეკოლოგიურ წონასწორობაზე, მათი მიჩნევა ღირებულ ნარგავებად არასწორია და პროექტით დაზუსტდება, რომ იმ ნარგავების რაოდენობაში მხოლოდ ჯანსაღი ხეები ჩაითვლება, რომელთა მიხედვითაც 25%-ის დაანგარიშება ხდება.„ნაკვეთზე არსებული გარკვეული სახეობის მწვანე ნარგავები 25%-იან შეზღუდვაში აღარ ჩაითვლება, რაც მესაკუთრეს უფლებას მისცემს, რომ აღნიშნული მცენარეების საჭირო რაოდენობა კანონით განსაზღვრული მწვანე ნარგავების აღდგენითი ღირებულების გადახდის სანაცვლოდ მოჭრას“, – ნათქვამია პროექტში.ზემოთ აღნიშნულის გარდა, თბილისის მუნიციპალიტეტის საკრებულოს უფლებამოსილება ექნება, დაუმთავრებელი მშენებლობებისა და ავარიული სახლების დასრულება/ჩანაცვლების მიზნით, საპროექტო ტერიტორიაზე არსებული მწვანე ნარგავების მოჭრა/გადარგვის საკითხზე, განსხვავებული რეგულაციები დაადგინოს.„აღნიშნული ცვლილების საჭიროება განაპირობა პრაქტიკაში გამოვლენილმა შემთხვევებმა. ამგვარი მშენებლობებისთვის ხელშეწყობა კი, მნიშვნელოვან ინსტრუმენტს წარმოადგენს, საზოგადოებრივი უსაფრთხოებისა და სოციალური კეთილდღეობის დასაცავად“, – აღნიშნულია კანონპროექტში.

ასტროლოგია • 1780137060

თმის შეჭრის კალენდარი ივნისისთვის - როდისაა საუკეთესო დღეები თმის მოვლისთვის

ბევრი ადამიანი თვლის, რომ მთვარის ფაზები გავლენას ახდენს თმის ზრდასა და მდგომარეობაზე. სწორედ ამიტომ, ხშირად თმის შეჭრისა და მოვლის პროცედურების დაგეგმვისას მთვარის კალენდარსაც ითვალისწინებენ. მიუხედავად იმისა, რომ ამის მეცნიერული მტკიცებულება არ არსებობს, ეს ტრადიცია დღემდე პოპულარულია.საუკეთესო დღეები თმის შესაჭრელად ივნისშითუ გსურთ, რომ თმა სწრაფად გაიზარდოს, გამოიყურებოდეს უფრო ჯანსაღად და მოცულობით, ხელსაყრელად ითვლება:3, 4, 7, 8, 12, 13, 18, 19, 24 და 27 ივნისი.ამ დღეებში რეკომენდებულია:თმის შეჭრა;ბოლოების გასწორება;თმის შეღებვა;აღდგენითი და მკვებავი პროცედურები.ასტროლოგიური კალენდრების მიხედვით, თმის შეჭრისთვის არასასურველად ითვლება:1, 9, 15, 16, 21, 22 და 29 ივნისი.ამ დღეებში უმჯობესია თავი შეიკავოთ:რადიკალური იმიჯის ცვლილებისგან;თმის შეჭრისგან;ქიმიური პროცედურებისგან.საუკეთესო დღეები თმის მოვლისთვისნიღბების, კერატინის, ბოტოქსის, ზეთებით მოვლისა და სხვა გამაჯანსაღებელი პროცედურებისთვის განსაკუთრებით ხელსაყრელია:5, 6, 11, 17, 20, 25 და 26 ივნისი.

საზოგადოება • 1780046054

თბილისის №120 საჯარო სკოლის რეაბილიტაცია აქტიურად მიმდინარეობს

ინფრასტრუქტურის სამინისტროს მუნიციპალური განვითარების ფონდი თბილისის №120 საჯარო სკოლის რეაბილიტაციას ახორციელებს. მიმდინარე აღდგენითი სამუშაოები ადგილზე მუნიციპალური განვითარების ფონდის პროგრამის ხელმძღვანელმა გიორგი მიქელაძემ დაათვალიერა და სკოლის პედაგოგებს და მოსწავლეთა მშობლებს შეხვდა.მან შეხვედრის მონაწილეებს დეტალური ინფორმაცია მიაწოდა სკოლის რეაბილიტაციის პროცესისა და დაგეგმილი სამუშაოების შესახებ.მუნიციპალური განვითარების ფონდის წარმომადგენლები, მოსწავლეების მშობლებთან ერთად, პროექტის მიმდინარეობის ეტაპებს ყოველთვიურად ადგილზე ეცნობიან, რაც უზრუნველყოფს სამუშაოების ხარისხიანად და განსაზღვრულ ვადებში შესრულებას.ფონდი, მსოფლიო ბანკის თანადაფინანსებით, თბილისის №120 საჯარო სკოლის სრულმასშტაბიან რეაბილიტაციას ახორციელებს. პროექტის ფარგლებში, 1000-მდე მოსწავლეზე გათვლილი შენობა საერთაშორისო სტანდარტების შესაბამისად სრულად განახლდება.ასევე, გათვალისწინებულია სკოლის ტერიტორიის კეთილმოწყობა, თანამედროვე სპორტდარბაზისა და გარე სტადიონის მშენებლობა. საგანმანათლებლო დაწესებულება სრულად იქნება ადაპტირებული განსაკუთრებული საჭიროებების მქონე პირებისთვის, რაც უზრუნველყოფს ინკლუზიური გარემოს შექმნას.

პოლიტიკა • 1779898506

პარლამენტმა „კოლხეთის დაცული ტერიტორიების შექმნისა და მართვის შესახებ“ კანონში ცვლილებები პირველი მოსმენით მიიღო

პარლამენტმა „კოლხეთის დაცული ტერიტორიების შექმნისა და მართვის შესახებ“ კანონში ცვლილებებს პირველი მოსმენით მხარი დაუჭირა.კანონპროექტის თანახმად, ახალი დაცული ტერიტორიული ერთეული – რიონის აღკვეთილი და მასთან დაკავშირებული სამართლებრივი ნორმები შემოდის.მთავრობის საკანონმდებლო ინიციატივა, რომელიც პარლამენტმა დაჩქარებული წესით განიხილა, გარემოს დაცვისა და სოფლის მეურნეობის მინისტრის მოადგილემ ზურაბ ეზუგბაიამ წარადგინა.პროექტი კოლხეთის ეროვნული პარკის ფართობისა და ზღვის აკვატორიის საზღვრების განახლებას, ასევე რიონის აღკვეთილისა და კოლხეთის მრავალმხრივი გამოყენების ტერიტორიის გეოგრაფიულ კოორდინატებს ადგენს.​ცვლილებებით რეგულირდება აღნიშნულ ტერიტორიებზე დაშვებული საქმიანობის სახეები, მათ შორის სამეცნიერო კვლევა, მონიტორინგი, აღდგენითი ღონისძიებები და შეზღუდული სატრანსპორტო გადაადგილება, ასევე განისაზღვრება თევზჭერისა და წყალმცურავი საშუალებების გამოყენების სპეციალური წესები.მომხსენებლის განმარტებით, აღკვეთილის ტერიტორია ფარავს 554 ჰექტარს და მოიცავს მდინარე რიონის იმ მონაკვეთს, სადაც ხდება ზუთხისებრთა ქვირითობა.

პოლიტიკა • 1779783701

შიო მესამე: 26 მაისი ჩვენი ქვეყნის ისტორიაში უმნიშვნელოვანესი დღეა. ის გამოხატავს ქართველი ხალხის მრავალსაუკუნოვან სწრაფვას და ბრძოლას თავისუფლებისთვის, ქრისტიანული რწმენის და ეროვნული ფასეულობების დაცვისთვის

გილოცავთ საქართველოს დამოუკიდებლობის დღეს, 26 მაისი ჩვენი ქვეყნის ისტორიაში უმნიშვნელოვანესი დღეა, - განაცხადა სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა, შიო მესამემ თავისუფლების მოედანზე, სადაც საქართველოს დამოუკიდებლობის დღისადმი მიძღვნილი საზეიმო ღონისძიებების ფარგლებში წვევამდელებმა ფიცი დადეს.პატრიარქის თქმით, 26 მაისი გამოხატავს ქართველი ხალხის მრავალსაუკუნოვან სწრაფვას და ბრძოლას თავისუფლებისთვის, ქრისტიანული რწმენის და ეროვნული ფასეულობების დაცვისთვის.„თქვენო აღმატებულებავ, ბატონო პრეზიდენტო, თვენო აღმატებულებავ, ბატონო პრემიერ-მინისტრო, თვენო აღმატებულებავ, ბატონო პარლამენტის თავმჯდომარევ, აღმასრულებელი და საკანონმდებლო ხელისუფლების წარმომადგენლებო, ბატონო თავდაცვის მინისტრო, ბატონო თავდაცვის ძალების მეთაურო, სამხედრო მოსამსახურენო, დიპლომატიური კორპუსის წარმომადგენლებო, პატივცემულო სტუმრებო, ჩვენი ქვეყნის საზღვრებს გარეთ მცხოვრებნო თანამემამულენო,გილოცავთ საქართველოს დამოუკიდებლობის დღეს. 26 მაისი ჩვენი ქვეყნის ისტორიაში უმნიშვნელოვანესი დღეა. ის გამოხატავს ქართველი ხალხის მრავალსაუკუნოვან სწრაფვას და ბრძოლას თავისუფლებისთვის, ქრისტიანული რწმენის და ეროვნული ფასეულობების დაცვისთვის.1918 წლის 26 მაისს სახელმწიფოებრიობის აღდგენით ჩვენმა ერმა მსოფლიოს წინაშე კიდევ ერთხელ წარმოაჩინა თავისი ურყევი ნება ყოფილიყო თავისუფალი, დამოუკიდებელი და საკუთარ აწმყოსა და მომავალზე პასუხისმგებელი.დამოუკიდებლობის მოპოვების და განმტკიცების გზაზე საქართველოს მართლმადიდებელი ეკლესია მუდამ იყო ქართველი ერის სულიერი საყრდენი და ეროვნული ერთიანობის საფუძველი“, - აღნიშნა შიო მესამემ.

საზოგადოება • 1779698670

წყალი 11 საათით შეწყდება - გადაამოწმეთ მისამართები

„ჯორჯიან უოთერ ენდ ფაუერი“ წყალმომარაგების შეზღუდვასთან დაკავშირებით ინფორმაციას ავრცელებს და მოსახლეობას აფრთხილებს.კომპანიის ცნობით, წყალი 11 საათით შეწყდება.„გლდანი, მუხიანის 1 მკ-რ N 13 ში მოქალაქის კუთვნილ წყალსადენის ქსელზე დაზიანების აღდგენითი სამუშაოების ჩატარების მიზნით, 12:20 საათიდან  23:30 საათამდე წყალმომარაგება შეუწყდება: მუხიანის 1-ლი მკ-რ N 13ს“

რეგიონი • 1779690309

გურიის რეგიონში, ცხრა კილომეტრამდე მონაკვეთზე სატყეო-სამეურნეო გზების აღდგენითი სამუშაოები განხორციელდა

ეროვნული სატყეო სააგენტოს ინიციატივით, გურიის რეგიონში, სოფელ სურებში, ცხრა კილომეტრამდე მონაკვეთზე სატყეო-სამეურნეო გზების აღდგენითი სამუშაოები პროექტის „ECO Georgia“  ფარგლებში, საერთაშორისო სტანდარტების შესაბამისად განხორციელდა. ამის შესახებ ინფორმაციას ეროვნული სატყეო სააგენტო ავრცელებს.„ეროვნული სატყეო სააგენტო სატყეო-სამეურნეო  გზების რეაბილიტაციას მთელი ქვეყნის მასშტაბით ახორციელებს. რაც ხელს შეუწყობს სატყეო-სამურნეო ღონისძიებების ეფექტიანად განხორციელებას,  ასევე,  საჭიროების შემთხვევაში ხანძარსაწინააღმდეგო პრევენციულ ღონისძიებებს“, – აღნიშნა ეროვნული სატყეო სააგენტოს უფროსის მოადგილემ, ნათია იორდანიშვილმა.პროექტი „ECO.Georgia“  კლიმატის მწვანე ფონდის, გერმანიის, შვეიცარიისა და საქართველოს მთავრობის თანადაფინანსებით, სამ სამიზნე რეგიონში (გურია, მცხეთა-მთიანეთი, კახეთი) გერმანიის საერთაშორისო თანამშრომლობის საზოგადოებისა (GIZ) და გარემოს დაცვისა და სოფლის მეურნეობის სამინისტროს ერთობლივი ძალისხმევით ხორციელდება.აღსანიშნავია, რომ ეროვნული სატყეო სააგენტოს ინიციატივით, ხანძარსაწინააღმდეგო პრევენციისა და სატყეო ღონისძიებების შეუფერხებლად განხორციელების მიზნით, სატყეო გზების მოწყობა-რეაბილიტაციის პროექტები ქვეყნის მასშტაბით  განხორციელდება 168 კმ-ზე, კერძოდ, მოეწყობა – 20,20 კმ და  რეაბილიტირებული იქნება – 147,80 კმ სატყეო-სამეურნეო გზა.

პოლიტიკა • 1779205020

თეა ახვლედიანი პრემიერ-მინისტრთან და მთავრობის წევრებთან ერთად, ოკუპირებული აფხაზეთის რეგიონიდან გადმოსვენებული, 1990-იანი წლების შეიარაღებული მოქმედებების დროს უგზო-უკვლოდ დაკარგულ პირთა სამოქალაქო პანაშვიდზე იმყოფებოდა

სახელმწიფო მინისტრი თეა ახვლედიანი საქართველოს პრემიერ-მინისტრ ირაკლი კობახიძესთან და მთავრობის წევრებთან ერთად, ოკუპირებული აფხაზეთის რეგიონიდან გადმოსვენებული, 1990-იანი წლების შეიარაღებული მოქმედებების დროს უგზო-უკვლოდ დაკარგულ პირთა სამოქალაქო პანაშვიდზე იმყოფებოდა.სამების საკათედრო ტაძარში სრულიად საქართველოს კათოლიკოს პატრიარქმა შიო მესამემ გარდაცვლილთა სულის მოსახსენიებელი პანაშვიდი აღავლინა და ოჯახის წევრებს მიუსამძიმრა.შერიგებისა და სამოქალაქო თანასწორობის საკითხებში სახელმწიფო მინისტრის აპარატისა და წითელი ჯვრის საერთაშორისო კომიტეტის ერთობლივი თანამშრომლობით, ქართველი და აფხაზი მონაწილეებისგან შემდგარი საკოორდინაციო მექანიზმის ფარგლებში, ამჯერად უგზო-უკვლოდ დაკარგული თერთმეტი პირის იდენტიფიცირება და ოჯახებისთვის დაბრუნება მოხერხდა, მათგან ორი სამხედრო და ცხრა მშვიდობიანი მოქალაქეა."დღეს აფხაზეთის რეგიონიდან გადმოსვენებული კიდევ 11 იდენტიფიცირებული პირის, მათ შორის, ორი სამხედრო მოსამსახურის ნეშტის დაბრუნება მოვახერხეთ ოჯახებისთვის, რაც შესაძლებელი გახდა სახელმწიფო პროგრამის განხორციელებაში ჩართული შესაბამისი უწყებების ინტენსიური მუშაობით, ერთიანი სამთავრობო მიდგომითა და მხარდაჭერით, წითელი ჯვრის საერთაშორისო კომიტეტის და განსაკუთრებით ქართულ-აფხაზური საკოორდინაციო-ჰუმანიტარული მექანიზმის მონაწილეთა ერთობლივი ძალისხმევით. დღევანდელ ჭირისუფალ 11 ოჯახთან ერთად, ჩვენი ქვეყნის ასობით ათასი ადამიანი ატარებს, დღემდე სამწუხაროდ, ომის უმძიმესი შედეგების გამოცდილებას, დევნილობის თუ მრავალ ტრაგიკულ ისტორიას, ამიტომაც ჩვენ განსაკუთრებით ვაფასებთ მშვიდობას და მხოლოდ მშვიდობით ვიღწვით, რომ დავძლიოთ ჩვენი ქვეყნის წინაშე დღემდე არსებული ურთულესი გამოწვევები და ნდობის აღდგენით მივაღწიოთ ჩვენი ხალხის შერიგებას და გაერთიანებას სწორედ იმისთვის, რომ ჩვენს ქვეყანაში აღარასდროს განმეორდეს მსგავსი ტრაგედიები. მსურს, კიდევ ერთხელ მივუსამძიმრო ოჯახებს, რომლებიც ხელმეორედ განიცდიან ჩვენი ქვეყნის ერთიანობისთვის ბრძოლაში ოჯახის წევრის დაღუპვით გამოწვეულ მოუშუშებელ ტკივილს და გამძლეობა ვუსურვო მათ. ჩვენ კი, მთელი შემართებით ვაგრძელებთ უგზო-უკვლოდ დაკარგულთა მოძიების სახელმწიფო პროგრამის განხორციელებას, რომლის ფარგლებშიც მნიშვნელოვნად გაზრდილი დინამიკის გათვალისწინებით, მოლოდინი გვაქვს, რომ უფრო და უფრო მეტ ადამიანს დავუბრუნებთ პასუხს მათი უგზო-უკვლოდ გაუჩინარებული ახლობლის ხვედრის თაობაზე,"- განაცხადა სახელმწიფო მინისტრმა თეა ახვლედიანმა.შეიარაღებული მოქმედებების დროს დაღუპულთა სამოქალაქო პანაშვიდი სამების საკათედრო ტაძარში ორი დღის განმავლობაში მიმდინარეობდა. ოჯახების გადაწყვეტილებით იდენტიფიცირებული პირები, მათ შორის სამხედროები სხვადასხვა რეგიონში, საგვარეულო სასაფლაოებზე სათანადო პატივით დაკრძალეს.1990-იანი წლების შეიარაღებული მოქმედებებისა და 2008 წლის აგვისტოს ომში უგზო-უკვლოდ დაკარგულთა მოძიების მექანიზმების ფარგლებში, პირველი იდენტიფიცირება და გადმოსვენება 2013 წელს განხორციელდა. ამ დრომდე, მექანიზმების ფარგლებში, ნაპოვნია 740 ადამიანის ნეშტი, მათგან იდენტიფიცირებულია 334 პირი. 1900-მდე ადამიანი ჯერ კიდევ უგზო-უკვლოდ დაკარგულად მიიჩნევა.ინფორმაციას შერიგებისა და სამოქალაქო თანასწორობის საკითხებში სახელმწიფო მინისტრის აპარატი ავრცელებს.

რეგიონი • 1778740763

სტიქია რაჭაში

13 მაისს ონის მუნიციპალიტეტში მოსულმა უხვმა ნალექმა ქალაქ ონსა და მიმდებარე სოფლებში გარკვეული პრობლემები გამოიწვია.დაიტბორა ქალაქ ონისა და რამდენიმე სოფლის ქუჩები, დაზიანდა საკანალიზაციო სისტემა და წყლის გამტარი არხები. ქვა-ღორღის ჩამოშლამ აღნიშნული არხები ნაწილობრივ ამოავსო, რის შედეგადაც წყლის ნაკადი გზებზე გადმოიღვარა. ასევე, მოქალაქეთა ნაწილს დაეტბორა საცხოვრებელი სახლები.ამასთან, კვლავ აქტიურია მეწყრული პროცესი ქალაქ ონის შესასვლელთან. გზის მონაკვეთზე ჩამოსულია ქვისა და მიწის მასა, რის გამოც აღნიშნულ ტერიტორიაზე ავტომობილების გადაადგილება ამ დროისთვის შეზღუდულია.რაჭა-ლეჩხუმისა და ქვემო სვანეთის სახელმწიფო რწმუნებულის პირველი მოადგილე ქრისტინა კობახიძე, ონის მუნიციპალიტეტის ადგილობრივი ხელისუფლების წარმომადგენლებთან ერთად, სტიქიის შედეგად დაზარალებულ უბნებზე იმყოფებოდა და ადგილზე ეცნობოდა მოსახლეობის საჭიროებებს.შესაბამისი უწყებების აქტიური ჩართულობით ადგილზე მიმდინარეობს გაწმენდითი და აღდგენითი სამუშაოები. პროცესში ჩართულია ტექნიკა.

მსოფლიო • 1776694643

ირანის პრეზიდენტი აცხადებს, რომ ომი უნდა დასრულდეს, რათა ქვეყანამ ყურადღება აღდგენით პროცესზე გადაიტანოს

ირანის პრეზიდენტის, მასუდ პეზეშკიანის განცხადებით, ირანმა ამერიკის შეერთებული შტატებისა და ისრაელის წინააღმდეგ ომი რაც შეიძლება სწრაფად უნდა დაასრულოს, რათა ყურადღება უფრო მნიშვნელოვან ამოცანაზე - ქვეყნის აღდგენაზე გადაიტანოს. ინფორმაციას ამის შესახებ ტელეკომპანია CNN ავრცელებს.თეირანში საჯარო სექტორის თანამშრომლებთან გამართული შეხვედრებისას, პეზეშკიანმა განაცხადა, რომ ქვეყნის ხელმძღვანელობა გულწრფელი უნდა იყოს, რათა საზოგადოების ნდობა შეინარჩუნოს.პეზეშკიანმა აღნიშნა, რომ მიუხედავად იმისა, რომ ირანმა წინააღმდეგობა უნდა გაუწიოს „გადაჭარბებულ მოთხოვნებს, ჩვენ უნდა ვაღიაროთ, რომ კონფლიქტის გაგრძელება არავისთვისაა სასარგებლო - არც ჩვენთვის, არც მეორე მხარისთვის და არც რეგიონის მომავლისა თუ მომავალი თაობებისთვის“.სხვა შეხვედრაზე მან აღნიშნა, რომ „დაძაბულობის შესამცირებლად ყოველი რაციონალური და დიპლომატიური გზა უნდა იყოს გამოყენებული“.ირანული მედიის ცნობით, დედაქალაქში მეხანძრეებთან საუბრისას მან განაცხადა: „საომარი მოქმედებების დასრულების შემდეგ, ქვეყანა ისეთი გამოწვევების წინაშე დადგება, როგორიცაა აღდგენითი სამუშაოები, ფინანსური რესურსების მოძიება და ბაზრის კონტროლი“.იუსტიციის სამინისტროში ვიზიტისას პეზეშკიანმა განაცხადა, რომ მიუხედავად იმისა, რომ კონფლიქტით გამოწვეული ზოგიერთი პრობლემის მართვა მოხერხდა, რეფორმები მაინც აუცილებელია.„ხალხი ინფორმირებული უნდა იყოს ქვეყანაში არსებული რეალობის შესახებ. არაზუსტი ინფორმაციის მიწოდება ან არარეალური დაპირებები არა მხოლოდ არ უწყობს ხელს საკითხების მოგვარებას, არამედ ასუსტებს საზოგადოების ნდობასაც“, - აღნიშნა მან.

საზოგადოება • 1776675319

ბათუმის მერია: 26 მაისის ქუჩაზე ავარიულად დაზიანდა წყლის მილი, პირველადი ინფორმაციით, ფაქტი არ უკავშირდება 26 მაისის ქუჩაზე განხორციელებულ სარეაბილიტაციო სამუშაოებს

ბათუმის მერია განცხადებას ავრცელებს.როგორც განცხადებაშია ნათქვამი, 26 მაისის ქუჩაზე ავარიულად დაზიანდა 355 მმ დიამეტრის მილი, რაც პირველადი ინფორმაციით, არ უკავშირდება 26 მაისის ქუჩაზე განხორციელებულ სარეაბილიტაციო სამუშაოებს.„26 მაისის ქუჩაზე ავარიულად დაზიანდა 355 მმ დიამეტრის მილი. წყლის ამოხეთქის შედეგად დაზიანების ადგილზე მიწის მასა ჩაიშალა, რამაც იქ მდგომი ავტომობილის ჩავარდნა გამოიწვია. მომხდარის შედეგად არავინ დაშავებულა.ავტომობილის დაზიანების ფაქტის დადასტურების შემთხვევაში კომპანია „ბათუმის წყალი“ ზარალს აანაზღაურებს.ამ ეტაპზე მიმდინარეობს წყლის მილის აღდგენითი სამუშაოები. დაზიანების შედეგად წყალმომარაგება არ შეზღუდულა.პირველადი ინფორმაციით, ფაქტი არ უკავშირდება 26 მაისის ქუჩაზე განხორციელებულ სარეაბილიტაციო სამუშაოებს. რეაბილიტაცია არ მოიცავდა წყალმომარაგების მილების განახლებას. დაზიანების გამომწვევ საბოლოო მიზეზს შესაბამისი ექსპერტიზა დაადგენს“, - ნათქვამია განცხადებაში.

საზოგადოება • 1776410256

წყალი 12 საათით შეწყდება - გადაამოწმეთ მისამართები

„ჯორჯიან უოთერ ენდ ფაუერი“ წყალმომარაგების შეზღუდვასთან დაკავშირებით ინფორმაციას ავრცელებს და მოსახლეობას აფრთხილებს.კომპანიის ცნობით, კრწანიში, ერეკლე მეორეს ქ. N 15-ში მოქალაქის კუთვნილ წყალსადენის ქსელზე დაზიანების აღდგენითი სამუშაოების ჩატარების მიზნით, დღეს 11:20 საათიდან 23:00 საათამდე წყალმომარაგება შეუწყდება: კოტე აფხაზის N26, N28, N30, N32. ტყავის 1 ჩიხი, ერეკლე მეორის N9, N11, N13, N15.