ალუდა

პარლამენტმა „საარჩევნო კოდექსში“ ცვლილებას პირველი მოსმენით მხარი დაუჭირა

პარლამენტმა პირველი მოსმენით განიხილა და 80 ხმით 9-ის წინააღმდეგ მხარი დაუჭირა „საარჩევნო კოდექსში“ ცვლილებას, რომელიც საარჩევნო პროცედურების, მათ შორის, საერთაშორისო დამკვირვებლებისა და მათი თანმხლები თარჯიმნის რეგისტრაციასთან დაკავშირებული ცალკეული საკითხების დაზუსტებას ითვალისწინებს.საკითხი განსახილველად საპროცედურო საკითხთა კომიტეტის თავმჯდომარემ დავით მათიკაშვილმა წარადგინა.ორგანული კანონის პროექტის თანახმად, საარჩევნო კომისიის სხდომაზე პირის მიერ სხდომის ფოტო-ვიდეოგადაღებისა და აუდიომონიტორინგის წესი ცესკო-ს დადგენილებით განისაზღვრება.ცვლილების თანახმად, საერთაშორისო დამკვირვებელი შეიძლება იყოს მხოლოდ უცხო ქვეყნის მოქალაქე, 18 წლის ასაკიდან.ორგანული კანონის პროექტით ასევე დგინდება საერთაშორისო დამკვირვებლის თანმხლები თარჯიმნის რეგისტრაციის პროცედურები.კანონპროექტის ავტორები და ინიციატორები არიან პარლამენტის წევრები: არჩილ გორდულაძე, თორნიკე ჭეიშვილი, რატი იონათამიშვილი, ალუდა ღუდუშაური, დავით მათიკაშვილი, გურამ მაჭარაშვილი, აკაკი ალადაშვილი, თენგიზ შარმანაშვილი, ალექსანდრე ტაბატაძე და ირაკლი შატაკიშვილი.

პოლიტიკა • 1772623461

პარლამენტმა „იურიდიული დახმარების შესახებ“ კანონში ცვლილება მესამე მოსმენით მიიღო

პარლამენტმა მესამე მოსმენით განიხილა და 78 ხმით 9-ის წინააღმდეგ მხარი დაუჭირა „იურიდიული დახმარების შესახებ“ კანონში ცვლილებას თანმდევ საკითხებთან ერთად.საკითხი განსახილველად სხდომაზე, იურიდიულ საკითხთა კომიტეტის თავმჯდომარემ არჩილ გორდულაძემ წარადგინა.კანონპროექტით, იურიდიული დახმარების სამსახური არ ექვემდებარება არც ერთ სახელმწიფო ორგანოს და ანგარიშვალდებულია მხოლოდ საქართველოს პრემიერ-მინისტრის წინაშე საქართველოს კანონმდებლობით დადგენილი წესით.ცვლილებების თანახმად, სამსახურის დირექტორი ყოველწლიურად, არაუგვიანეს 1 მარტისა, საქართველოს პრემიერ-მინისტრს წარუდგენს სამსახურის წინა წლის საქმიანობის შესახებ ანგარიშს.კანონპროექტით, 2026 წლის 1 მაისიდან იურიდიული დახმარების სამსახურის დირექტორს უფლებამოსილება შეუწყდება და მიეცემა კომპენსაცია 3 თვის თანამდებობრივი სარგოს ოდენობით.ამასთანავე, საქართველოს პრემიერ-მინისტრმა 2026 წლის 1 მაისამდე უნდა უზრუნველყოს იურიდიული დახმარების სამსახურის დირექტორის დანიშვნა, „საჯარო სამართლის იურიდიული პირის შესახებ“ საქართველოს კანონის შესაბამისად.კანონპროექტის ავტორები და ინიციატორები არიან პარლამენტის წევრები: არჩილ გორდულაძე, თორნიკე ჭეიშვილი, ალექსანდრე ტაბატაძე, დავით მათიკაშვილი, რატი იონათამიშვილი, ალუდა ღუდუშაური, თენგიზ შარმანაშვილი, გურამ მაჭარაშვილი და აკაკი ალადაშვილი.

რეგიონი • 1772603399

ლეჩხუმში მრავალშვილიან დედებს დედის დღე მიულოცეს

რაჭა- ლეჩხუმ ქვემო სვანეთის სახელმწიფო რწმუნებულის მოადგილემ ალუდა თუთისანმა, ცაგერის მუნიციპალიტეტის მერმა ჭაბუკი ჭაბუკიანმა, მერის პირველმა მოადგილემ რევაზ ახვლედიანმა და საკრებულოს თავმჯდომარის მოადგილემ მარიკა კოპალიანმა დედის დღე მრავალშვილიან ქალბატონებს ოჯახებში მიულოცეს, სიმბოლური საჩუქრები და ყვავილები გადასცეს.,,დედა-ერის სიძლიერე, ოჯახის სიმტკიცე, განუსაზღვრელი ძალაა. დედები, ქალბატონები ალამაზებენ სამყაროს. დედის დღეს განსაკუთრებული მადლობა და პატივისცემა ეკუთვნით მრავალშვილიან დედებს — ქალებს, რომლებიც დიდი სიყვარულით, მოთმინებითა და თავდადებით ზრდიან მომავალ თაობას. თქვენი სითბო და მზრუნველობა საზოგადოებისათვის დიდი მაგალითია.გილოცავთ დედის დღეს! გისურვებთ ჯანმრთელობას, სიხარულს და ბედნიერებას თქვენს ლამაზ და დიდ ოჯახებში".-აღნიშნა ჭაბუკი ჭაბუკიანმა.

პოლიტიკა • 1772452011

იურიდიულ საკითხთა კომიტეტმა „საარჩევნო კოდექსში“ ცვლილებას მხარი დაუჭირა

იურიდიულ საკითხთა კომიტეტმა პირველი მოსმენით მხარი დაუჭირა „საარჩევნო კოდექსში“ ცვლილებას, რომელიც საარჩევნო პროცედურების, მათ შორის, საერთაშორისო დამკვირვებლებისა და მათი თანმხლები თარჯიმნის რეგისტრაციასთან დაკავშირებული ცალკეული საკითხების დაზუსტებას ითვალისწინებს.როგორც მომხსენებელმა, საპროცედურო საკითხთა კომიტეტის თავმჯდომარე დავით მათიკაშვილმა განაცხადა, ორგანული კანონის პროექტის თანახმად, საარჩევნო კომისიის სხდომაზე პირის მიერ სხდომის ფოტოვიდეოგადაღებისა და აუდიომონიტორინგის წესი ცესკოს დადგენილებით განისაზღვრება.ცვლილების თანახმად, საერთაშორისო დამკვირვებელი შეიძლება იყოს მხოლოდ უცხო ქვეყნის მოქალაქე, 18 წლის ასაკიდან. ორგანული კანონის პროექტით ასევე დგინდება საერთაშორისო დამკვირვებლის თანმხლები თარჯიმნის რეგისტრაციის პროცედურები.კანონპროექტის ავტორები და ინიციატორები არიან პარლამენტის წევრები: არჩილ გორდულაძე, თორნიკე ჭეიშვილი, რატი იონათამიშვილი, ალუდა ღუდუშაური, დავით მათიკაშვილი, გურამ მაჭარაშვილი, აკაკი ალადაშვილი, თენგიზ შარმანაშვილი, ალექსანდრე ტაბატაძე და ირაკლი შატაკიშვილი.

რეგიონი • 1767598668

დიდთოვლობის შედეგებს ებრძვიან სვანეთში. ცაგერისა და ლენტეხის მუნიციპალიტეტებში შიდა სასოფლო გზების გაწმენდითი სამუშაო მიმდინარეობს

დიდთოვლობის შედეგებს ებრძვიან სვანეთში. ცაგერისა და ლენტეხის მუნიციპალიტეტებში შიდა სასოფლო გზების გაწმენდითი სამუშაო მიმდინარეობს. ამ დროის მონაცემებით, ელექტროენერგიის მიწოდება სრულად აღდგენილია. ამ ეტაპზე ლენტეხში 7, ცაგერში კი 8 სოფელი რჩება ჩაკეტილი. სპეციალური ტექნიკა მუშაობას განაგრძობს.„განსაკუთრებული პრობლემა შეიქმნა ლენტეხის და ცაგერის მუნიციპალიტეტებში, სადაც ჩაიკეტა ცენტრალური საავტომობილო გზა და შიდა სასოფლო, საუბნო გზები. ცენტრალურ საავტომობილო გზაზე მოძრაობა აღდგენილია ყველა ტიპის საავტომობილო საშუალებით.ლენტეხის მუნიციპალიტეტში გაიწმინდა 42 სოფელი და დარჩენილი იყო 7 სოფელი, რომელიც ჩაკეტილია, დღეს დილიდან 6 ერთეული ტექნიკით დაიწყო 7-ვე სოფლის გაწმენდითი სამუშაოები.ცაგერის მუნიციპალიტეტში 58 სოფლიდან გაიწმინდა 32 სოფელი, დარჩა 26 და აქედან 8 სოფელი ჩაკეტილია. დარჩენილ სოფლებში მაღალი გამავლობის მანქანებით მისვლა შესაძლებელია. დღეს დილიდან 10 ერთეული ტექნიკით დაიწყო აღნიშნული სოფლების გაწმენდა. წმენდის სამუშაოები გართულებულია იმის გამო, რომ თოვლის საფარმა გადააჭარბა 2 მეტრს და მძიმე ტექნიკას გადაადგილება უჭირს.ამ დროისთვის ელექტრო ენერგია მიეწოდება რეგიონის ყველა მუნიციპალიტეტის, ყველა აბონენტს“, - განაცხადა რაჭა-ლეჩხუმ ქვემო სვანეთს სახელმწიფო რწმუნებულის მოადგილემ ალუდა თუთისანმა.

პოლიტიკა • 1765891745

პარლამენტმა პირველი მოსმენით მხარი დაუჭირა საკანონმდებლო ცვლილებას, რომელიც სახელმწიფო უსაფრთხოების სამსახურის კადრების მომზადების საკითხებს უკავშირდება

პარლამენტმა პირველი მოსმენით, დაჩქარებული წესით განიხილა და 81 ხმით 8-ის წინააღმდეგ, მხარი დაუჭირა „საქართველოს სახელმწიფო უსაფრთხოების სამსახურის შესახებ“ კანონში ცვლილებას.კანონპროექტის თანახმად, სახელმწიფო უსაფრთხოების აკადემია განახორციელებს სამაგისტრო პროგრამას, ასევე, სათანადო სასწავლო პროგრამას ან კურსს, რომელთა მიზანი საქართველოს სახელმწიფო უსაფრთხოების სამსახურში ან/და კანონმდებლობით გათვალისწინებულ შემთხვევებში, სხვა უწყებებში/ორგანიზაციებში (მიუხედავად მათი სამართლებრივი ფორმისა) ძირეული სპეციალური პროფესიული ცოდნის შეძენა და უნარ-ჩვევების გამომუშავება იქნება მომზადების, გადამზადებისა და კვალიფიკაციის ამაღლების გზით.როგორც მომხსენებელმა, იურიდულ საკითხთა კომიტეტის თავმჯდომარე არჩილ გორდულაძემ განაცხადა, კონსულტაციების შემდეგ მიზანშეწონილად ჩაითვალა, ცვლილება ასევე განხორციელდეს კანონის 27-ე მუხლის პირველ პუნქტში, რითაც დადგინდება, რომ მოსამსახურის მიერ სამსახურის გავლის წესი სამსახურის უფროსის ნორმატიული აქტით განისაზღვრება.„აღნიშნული ნორმატიული აქტით შესაძლებელია ასევე დადგინდეს ამ კანონის 29-ე, 30-ე და 33-ე მუხლებიდან გამონაკლისი ან დამაზუსტებელი შემთხვევები. ასევე, გადაწყდა, კანონპროექტს მეორე მუხლის სახით გარდამავალი დებულება დაემატოს, რომლის თანახმადაც, ამ კანონის მოთხოვნების გათვალისწინებით, საქართველოს სახელმწიფო უსაფრთხოების აკადემიის მიერ განსაზღვრული საშტატო რიცხოვნობა შეიძლება აჭარბებდეს საქართველოს 2026 წლის „სახელმწიფო ბიუჯეტის შესახებ საქართველოს კანონით“ სახელმწიფო უსაფრთხოების აკადემიის განსაზღვრულ საშტატო რიცხოვნობას იმ პირობით, რომ არ გაიზრდება ამ კანონის ამოქმედებამდე არსებული საქართველოს სახელმწიფო უსაფრთხოების სამსახურის განსაზღვრული საშტატო სრული ოდენობა.კანონპროექტის ინიციატორები და ავტორები არიან საქართველოს პარლამენტის წევრები: არჩილ გორდულაძე, თორნიკე ჭეიშვილი, რატი იონათამიშვილი, ალუდა ღუდუშაური, დავით მათიკაშვილი, გურამ მაჭარაშვილი, აკაკი ალადაშვილი, თენგიზ შარმანაშვილი და ალექსანდრე ტაბატაძე.

პოლიტიკა • 1765875271

იურიდიულ საკითხთა კომიტეტმა მხარი დაუჭირა საკანონმდებლო ცვლილებას, რომელიც სატრანსპორტო საშუალების მართვის უფლების ვადამდე აღდგენისა და მართვის უფლების შეჩერების საკითხებს ეხება

იურიდიულ საკითხთა კომიტეტმა პირველი მოსმენით, დაჩქარებული წესით განიხილა და მხარი დაუჭირა „ადმინისტრაციულ სამართალდარღვევათა კოდექსში“ ცვლილებას, რომელიც სატრანსპორტო საშუალების მართვის უფლების ვადამდე აღდგენისა და სატრანსპორტო საშუალების მართვის უფლების შეჩერების საკითხებს ეხება.კანონპროექტის თანახმად, სამართალდარღვევათა კოდექსის 1152, 116-ე და 123-ე მუხლებიდან ამოღებული იქნება ის ნორმები, რომლებიც აღნიშნული სამართალდარღვევების ჩამდენ პირებს შესაძლებლობას აძლევს, კანონით განსაზღვრული პირობების დაკმაყოფილების შემთხვევაში, სატრანსპორტო საშუალების მართვის უფლების ვადამდე აღდგენის მიზნით მიმართონ შესაბამის საქმის განმხილველ ორგანოს.1152-ე მუხლი ეხება სატრანსპორტო საშუალების მართვისას მძღოლის ნარკოტიკული საშუალების, ფსიქოტროპული ან ახალი ფსიქოაქტიური ნივთიერების ზემოქმედების ქვეშ ყოფნის ფაქტის დასადგენად შემოწმებისთვის თავის არიდებას, 116-ე მუხლი – სატრანსპორტო საშუალების ალკოჰოლური სიმთვრალის მდგომარეობაში მართვასა და სატრანსპორტო საშუალების მართვასთან დაკავშირებულ სხვა, ცალკეულ ადმინისტრაციულ სამართალდარღვევებს, ხოლო 123-ე მუხლი – საგზაო-სატრანსპორტო შემთხვევის ადგილის მიტოვებას ან სატრანსპორტო საშუალების გაჩერების შესახებ პოლიციელის მოთხოვნის შეუსრულებლობას.ამასთან, პროექტი ითვალისწინებს, რომ ის პირი, რომელსაც 2025 წლის 10 დეკემბრამდე აქვს ჩადენილი ადმინისტრაციულ სამართალდარღვევათა კოდექსის 116-ე ან/და 123-ე მუხლებით განსაზღვრული ადმინისტრაციული სამართალდარღვევა, ერთჯერადად გათავისუფლდება აღნიშნული სამართალდარღვევის ჩადენისთვის დადებული ადმინისტრაციული სახდელისგან − სატრანსპორტო საშუალების მართვის უფლების შეჩერებისგან, თუმცა, იგი მაინც მიიჩნევა სახდელდადებულად. ადმინისტრაციული სახდელისგან − სატრანსპორტო საშუალების მართვის უფლების შეჩერებისგან გასათავისუფლებლად პირს არ მოეთხოვება შესაბამისი ორგანოსთვის ან/და თანამდებობის პირისთვის მიმართვა. სატრანსპორტო საშუალების მართვის უფლების შეჩერებისგან გათავისუფლება უნდა აღსრულდეს 2026 წლის 1-ელ თებერვლამდე.გარდამავალი დებულებით ასევე განისაზღვრება, რომ ის პირი, რომელსაც 2025 წლის 10 დეკემბრამდე აქვს ჩადენილი ადმინისტრაციულ სამართალდარღვევათა კოდექსის 45-ე, 451 ან/და 1152 მუხლით განსაზღვრული ადმინისტრაციული სამართალდარღვევა, ერთჯერადად გათავისუფლდება სატრანსპორტო საშუალების მართვის უფლების შეჩერებისგან.45-ე მუხლი ეხება ნარკოტიკული საშუალების, მისი ანალოგის ან პრეკურსორის მცირე ოდენობით უკანონო დამზადებას, შეძენას, შენახვას, გადაზიდვას, გადაგზავნას ან/და ნარკოტიკული საშუალების, ახალი ფსიქოაქტიური ნივთიერების ექიმის დანიშნულების გარეშე მოხმარებას ან/და ნარკოტიკული საშუალების, ახალი ფსიქოაქტიური ნივთიერების მოხმარების ფაქტის დასადგენად შემოწმებისთვის თავის არიდებას, 451 -ე მუხლი – მცენარე კანაფის ან მარიხუანის მცირე ოდენობით უკანონო შეძენას, შენახვას, გადაზიდვას, გადაგზავნას, მოხმარებას ან/და მისი ზემოქმედების ქვეშ ყოფნას, ხოლო 1152-ე მუხლი – სატრანსპორტო საშუალების მართვისას მძღოლის ნარკოტიკული საშუალების, ფსიქოტროპული ან ახალი ფსიქოაქტიური ნივთიერების ზემოქმედების ქვეშ ყოფნის ფაქტის დასადგენად შემოწმებისთვის თავის არიდებას. ზემოაღნიშნულ შემთხვევაში პირი შეჩერებული სატრანსპორტო საშუალების მართვის უფლების აღდგენის თაობაზე შინაგან საქმეთა სამინისტროს მომსახურების სააგენტოს მიმართავს.ამ შემთხვევაში სატრანსპორტო საშუალების მართვის უფლების აღდგენა დასაშვებია სახელმწიფო საექსპერტო დაწესებულების მიერ გაცემული სასამართლო-სამედიცინო ექსპერტიზის (დინამიური-ნარკოლოგიური გამოკვლევის) დასკვნის წარდგენის საფუძველზე, საქართველოს კანონმდებლობით განსაზღვრული მოთხოვნების დაკმაყოფილების შემდეგ. გარდა ამისა, განისაზღვრება, რომ იმ პირს, რომელსაც 2025 წლის 10 დეკემბრამდე „საგზაო მოძრაობის შესახებ“ კანონის შესაბამისად, სატრანსპორტო საშუალების მართვის უფლება შეჩერებული აქვს მართვის მოწმობისთვის მინიჭებული ქულების რაოდენობის ამოწურვის გამო, 2026 წლის 1-ელი იანვრიდან აღუდგება სატრანსპორტო საშუალების მართვის უფლება და მართვის მოწმობას ხელახლა მიენიჭება 100 ქულა. მართვის უფლების აღდგენისა და მართვის მოწმობაზე 100 ქულის მინიჭებისთვის პირს არ მოეთხოვება ადმინისტრაციული სამართალდარღვევის საქმის განხილვის უფლებამოსილების მქონე შესაბამისი ორგანოსთვის ან/და თანამდებობის პირისთვის მიმართვა.საქართველოს კანონმდებლობით გათვალისწინებულმა, ადმინისტრაციული სამართალდარღვევის საქმის განხილვის უფლებამოსილების მქონე შესაბამისმა ორგანომ ან/და თანამდებობის პირმა 2026 წლის 1-ელი იანვრისთვის უნდა უზრუნველყოს მართვის უფლების აღდგენა და მართვის მოწმობაზე 100 ქულის მინიჭება.როგორც მომხსენებელმა, იურიდიულ საკითხთა კომიტეტის თავმჯდომარე არჩილ გორდულაძემ განაცხადა, აღნიშნულ საკითხზე კანონპროექტი საქართველოს პრემიერ-მინისტრის პარლამენტისადმი მიმართვის შემდეგ მომზადდა. მისივე თქმით, არსებული სტატისტიკური მონაცემებით, ამჟამად 35 445 მართვის მოწმობაა შეჩერებული.კანონპროექტის ავტორები და ინიციატორები არიან პარლამენტის წევრები: არჩილ გორდულაძე, თორნიკე ჭეიშვილი, ალექსანდრე ტაბატაძე, დავით მათიკაშვილი, რატი იონათამიშვილი, ალუდა ღუდუშაური და აკაკი ალადაშვილი.

პოლიტიკა • 1764939000

ადამიანის უფლებათა დაცვისა და სამოქალაქო ინტეგრაციის კომიტეტმა „კანონთან კონფლიქტში მყოფ არასრულწლოვანთა რეაბილიტაციისა და მხარდაჭერის შესახებ“ კანონპროექტს მეორე მოსმენით მხარი დაუჭირა

ადამიანის უფლებათა დაცვისა და სამოქალაქო ინტეგრაციის კომიტეტმა „კანონთან კონფლიქტში მყოფ არასრულწლოვანთა რეაბილიტაციისა და მხარდაჭერის შესახებ“ კანონპროექტი, თანმდევ პროექტებთან ერთად, მეორე მოსმენით განიხილა და მხარი დაუჭირა.პროექტით, კანონის მოქმედება გავრცელდება იმ არასრულწლოვანზე, რომელთან მიმართებითაც არსებობს დასაბუთებული ვარაუდი, რომ სისხლის სამართლის კოდექსით გათვალისწინებული მართლსაწინააღმდეგო ქმედება ჩაიდინა და ამ ქმედების ჩადენამდე არ შესრულებია 14 წელი.კანონპროექტი განსაზღვრავს კანონთან კონფლიქტში მყოფი არასრულწლოვნის რეაბილიტაციის და მხარდაჭერის პროცესის წარმართვისა და მონიტორინგის წესს, პროცესში ჩართული უწყებების/დაწესებულებების უფლებამოსილებებსა და მათი კოორდინირებულად მუშაობის პროცედურებს.კანონპროექტით წესრიგდება, კანონთან კონფლიქტში მყოფი არასრულწლოვნის რეაბილიტაციისა და მხარდაჭერის სისტემასთან და პროცესთან, არასრულწლოვანთა რეაბილიტაციისა და მხარდაჭერის სახლთან, არასრულწლოვანთა რეაბილიტაციისა და მხარდაჭერის სახლში მყოფი არასრულწლოვნის განათლებასთან და არასრულწლოვნის რესოციალიზაციისა და მხარდაჭერის პროცესში მონაწილე პირთან დაკავშირებული საკითხები.კანონპროექტის მიზანია, კანონთან კონფლიქტში მყოფი არასრულწლოვნის ინდივიდუალური საჭიროებების დადგენის გზით მათი რესოციალიზაცია, რეაბილიტაცია, მხარდაჭერა, საქართველოს სისხლის სამართლის კოდექსით გათვალისწინებული მართლსაწინააღმდეგო ქმედების ჩადენის პრევენცია, კანონთან კონფლიქტში მყოფი არასრულწლოვნის რეაბილიტაციისა და მხარდაჭერის პროცესისა და პროცესში ჩართული უწყებების/დაწესებულებების უფლება-მოვალეობების განსაზღვრა.კანონპროექტის ავტორები და ინიციატორები არიან საქართველოს პარლამენტის წევრები: რატი იონათამიშვილი, არჩილ გორდულაძე, თენგიზ შარმანაშვილი, დავით მათიკაშვილი, ზურაბ ქადაგიძე, თორნიკე ჭეიშვილი, სალომე ჯინჯოლავა და ალუდა ღუდუშაური.ინფორმაციას პარლამენტის საზოგადოებასთან ურთიერთობისა და ინფორმაციის დეპარტამენტი ავრცელებს.

პოლიტიკა • 1764186691

„ამ ყველაფერს საფუძვლად უდევს არა საზოგადოების ინტერესი ან თუნდაც პროექტის მიმართ ინტერესი, არამედ ქვეყანაში არეულობის სურვილი და ტემპერატურის ხელოვნურად აწევის მცდელობა“ - ალუდა ღუდუშაური Eagle Hills-ის ინვესტიციასა და ოპონენტების კრიტიკაზე

„უტიფრად ცდილობენ, რომ ქართული საზოგადოება შეიყვანონ შეცდომაში და თვალებში ნაცარი შეაყარონ, ქართველი ხალხი ჰგონიათ გულუბრყვილოები", - ამის შესახებ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველმა მოადგილემ ალუდა ღუდუშაურმა „ღამის კურიერის“ ეთერში განაცხადა, რითაც Eagle Hills-ის ინვესტიციასთან დაკავშირებით, ოპონენტების კრიტიკას გამოეხმაურა.მისი შეფასებით, ოპონენტები ამ საკითხით ქვეყანაში არეულობის მოწყობას ცდილობენ.„ჩვენ ამ ყველაფერს უნდა შევხედოთ დიდ სურათში და შემდეგ უკვე გვექნება შესაძლებლობა, რომ ძალიან მარტივი ანალიზით მივიდეთ იმ მარტივ დასკვნამდე, რომ ამ ყველაფერს საფუძვლად უდევს არა რაღაც ქართული ინტერესი ან საზოგადოების ინტერესი, ან თუნდაც პროექტის მიმართ ინტერესი, არამედ, ამ ყველაფერს საფუძვლად უდევს ქვეყანაში არეულობის სურვილი და როგორმე ტემპერატურის ხელოვნურად აწევის მცდელობა.ჩვენ როდესაც ოპონენტებზე ვსაუბრობთ, არ უნდა დაგვავიწყდეს, რომ ყველანი საუბარს იწყებენ პროექტზე, თუმცა სიღრმეში შესვლაზე თავს არიდებენ და შემდეგ გადადიან საუბარზე, რომ ეს არის თურმე ქართული ინტერესებისთვის საზიანო. როდესაც „ლელო“ „ბუსტავს“ ამ საკითხს და მისი სპიკერები აქტიურობენ, საუბრობენ იმაზე, თითქოს რაღაც უჩვეულო ხდება, სინამდვილეში კი, ანაკლიის ხელშეკრულება, რომელიც პორტთან დაკავშირებით, სწორედაც „ლელოს“ ლიდერებმა თუ მისმა დამფუძნებლებმა განახორციელეს, მთლიანად არის კომერციული საიდუმლოების ქვეშ დაკეტილი. მოსახლეობას რომ მივმართო, როდესაც გამოდიან და უტიფრად ცდილობენ, რომ ქართული საზოგადოება შეიყვანონ შეცდომაში და თვალებში ნაცარი შეაყარონ, ეს არის მორიგი ამორალური მცდელობა იმისა, რომ ამათ ქართველი ხალხი ჰგონიათ გულუბრყვილოები," - განაცხადა ალუდა ღუდუშაურმა „ღამის კურიერის“ ეთერში.

პოლიტიკა • 1763997103

შალვა პაპუაშვილი ბულგარეთის პრეზიდენტს შეხვდა

პარლამენტის თავმჯდომარე შალვა პაპუაშვილი ბულგარეთის პრეზიდენტ რუმენ რადევს შეხვდა.შეხვედრაზე აღინიშნა, რომ საქართველოსა და ბულგარეთს შორის მეგობრული და კეთილმეზობლური ურთიერთობა საუკუნეებს ითვლის. შალვა პაპუაშვილმა მადლიერება გამოხატა ბულგარეთის მიერ საქართველოს ტერიტორიული მთლიანობის მხარდაჭერისთვის, ასევე, საქართველოში ევროკავშირის მონიტორინგის მისიაში ბულგარეთის ღირებული მონაწილეობისთვის.მხარეებმა განიხილეს ორმხრივი თანამშრომლობის საკითხები, მათ შორის საპარლამენტო ურთიერთობები. შალვა პაპუაშვილმა გამოხატა საკანონმდებლო ორგანოებს შორის კავშირების გააქტიურების მზაობა.შეხვედრაზე აღინიშნა საქართველოსა და ბულგარეთს, როგორც შავი ზღვის ქვეყნებს შორის თანამშრომლობისა და მეტი დაკავშირებადობის ხელშეწყობის მნიშვნელობა. შალვა პაპუაშვილი მიესალმა ბულგარეთის მონაწილეობას შავი ზღვის წყალქვეშა კაბელის პროექტში.საუბარი, აგრეთვე, შეეხო საქართველო-ევროკავშირის ურთიერთობებს. შალვა პაპუაშვილმა განაცხადა, რომ საქართველო გააგრძელებს ასოცირების შეთანხმებით გათვალისწინებული ვალდებულებების შესრულებაზე მუშაობას. მან, აგრეთვე, ხაზი გაუსვა საქართველოს, როგორც შუა დერეფნის ქვეყნის, მნიშვნელობას ევროპის ენერგო დამოუკიდებლობის ხელშეწყობის კუთხით.შეხვედრა შედგა შალვა პაპუაშვილისა და საპარლამენტო დელეგაციის ბულგარეთში მიმდინარე ოფიციალური ვიზიტის ფარგლებში, რომელიც შავი ზღვის ეკონომიკური თანამშრომლობის ორგანიზაციის საპარლამენტო ასამბლეის (PABSEC) გენერალურ ასამბლეაში მონაწილეობას უკავშირდება. საპარლამენტო დელეგაციაში შედიან: PABSEC-ში საქართველოს მუდმივმოქმედი დელეგაციის ხელმძღვანელი ირაკლი მეზურნიშვილი, ადამიანის უფლებათა დაცვის და სამოქალაქო ინტეგრაციის კომიტეტის თავმჯდომარის პირველი მოადგილე ალუდა ღუდუშაური.

პოლიტიკა • 1763983740

საქართველო შავი ზღვის ეკონომიკური თანამშრომლობის ორგანიზაციის საპარლამენტო ასამბლეის თავმჯდომარე ქვეყანა გახდა, ხოლო შალვა პაპუაშვილი - ასამბლეის პრეზიდენტი

საქართველო, ექვსი თვის ვადით, შავი ზღვის ეკონომიკური თანამშრომლობის ორგანიზაციის საპარლამენტო ასამბლეის (PABSEC) თავმჯდომარე ქვეყანა გახდა, ხოლო პარლამენტის თავმჯდომარე შალვა პაპუაშვილი – PABSEC-ის პრეზიდენტი.საქართველოს პარლამენტის ინფორმაციით, თავმჯდომარეობის ფარგლებში საქართველო იმუშავებს საპარლამენტო დიპლომატიის გაძლიერებასა და შუა დერეფნის განვითარების მიზნით რეგიონული დაკავშირებადობის ხელშეწყობაზე.„თავმჯდომარეობის გადმობარება შედგა ბულგარეთის დედაქალაქ სოფიაში, მიმდინარე PABSEC-ის რიგით 66-ე გენერალური ასამბლეის სხდომის ფარგლებში, რომელშიც საქართველოს საპარლამენტო დელეგაცია შალვა პაპუაშვილის ხელმძღვანელობით მონაწილეობს“, – ნათქვამია საქართველოს პარლამენტის ინფორმაციაში.დელეგაციის შემადგენლობაში შედიან: ეკონომიკური პოლიტიკის კომიტეტის თავმჯდომარის პირველი მოადგილე, შავი ზღვის ეკონომიკური თანამშრომლობის ორგანიზაციის საპარლამენტო ასამბლეაში საქართველოს პარლამენტის მუდმივმოქმედი დელეგაციის ხელმძღვანელი ირაკლი მეზურნიშვილი და პარლამენტის ადამიანის უფლებათა დაცვის კომიტეტის თავმჯდომარის პირველი მოადგილე ალუდა ღუდუშაური.

პოლიტიკა • 1763969040

ალუდა ღუდუშაური: დღეს, როდესაც საქართველო გადმოიბარებს PABSEC-ის თავმჯდომარეობას, ჩვენი მთავარი ხაზი, პრიორიტეტი კვლავაც მშვიდობიანი, ეკონომიკური განვითარება იქნება

დღეს, როდესაც საქართველო გადმოიბარებს PABSEC-ის თავმჯდომარეობას, ჩვენი მთავარი ხაზი, პრიორიტეტი კვლავაც მშვიდობიანი, ეკონომიკური განვითარება იქნება, - განაცხადა ადამიანის უფლებათა დაცვის კომიტეტის თავმჯდომარის პირველმა მოადგილე ალუდა ღუდუშაურმა.„მეტად მნიშვნელოვანია შავი ზღვის ეკონომიკური თანამშრომლობის კუთხით იმ ქვეყნების მჭიდრო კავშირი, რომელთათვისაც უპირველესი პრიორიტეტი ეკონომიკური თანამშრომლობა გახლავთ. ეკონომიკაზე როდესაც ვსაუბრობთ, უნდა გვახსოვდეს, რომ ამას მშვიდობა და სტაბილური განვითარება სჭირდება. დღეს, როდესაც საქართველო გადმოიბარებს 6 თვით PABSEC-ის, ამ ორგანიზაციის თავმჯდომარეობას, ჩვენი მთავარი ხაზი, პრიორიტეტი კვლავაც მშვიდობიანი, ეკონომიკური განვითარება იქნება“, - აღნიშნა ღუდუშაურმა.საქართველო შავი ზღვის ეკონომიკური თანამშრომლობის ორგანიზაციის საპარლამენტო ასამბლეის თავმჯდომარეობას გადმოიბარებს. ბულგარეთში საპარლამენტო დელეგაციასთან ერთად იმყოფება პარლამენტის თავმჯდომარე, შალვა პაპუაშვილი. ორგანიზაციის მიზანია შავი ზღვის რეგიონის მშვიდობიანი და სტაბილური განვითარება და სწორედ ეს იქნება მთავარი მიმართულება, რომელზედაც საქართველო, როგორც თავმჯდომარე ქვეყანა იმუშავებს.