ალუდა

"რუსთავი 2-ის" საქმეზე ევროპულმა სასამართლომ აბსოლუტურად ყველა ნაწილში სახელმწიფო გაამართლა, დარღვევა არ დაუდგენია - ბექა ძამაშვილი

იუსტიციის მინისტრის პირველმა მოადგილემ პარლამენტს სტრასბურგის სასამართლოს გადაწყვეტილებების აღსრულების შესახებ ანგარიში წარუდგინა. ბექა ძამაშვილმა ყურადღება გაამახვილა ადამიანის უფლებათა ევროპულ სასამართლოში საქართველოდან შესული საქმეების მნიშვნელოვნად კლების ტენდენციაზე. სხდომაზე დაისვა შეკითხვები.ბექა ძამაშვილს კითხვით მიმართა პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველმა მოადგილემ, ალუდა ღუდუშაურმა, რომელმაც ჰკითხა: "გაგზავნილი საქმეებიდან, რაზე გითხრათ სტრასბურგმა, რომ მართლმსაჯულების სისტემა არ გივარგათ?".აღნიშნულ კითხვაზე საქართველოს იუსტიციის მინისტრის პირველი მოადგილე, ბექა ძამაშვილი პასუხობს:"ყველა ასეთი რეზონანსული საქმე, რომელზეც თითქოს საზოგადოების გარკვეული ნაწილი ქვეყნის შიგნით თანხმდებოდა ხოლმე, რომ რაღაც პრობლემურია, ან რეპრესიულია და ა.შ. აბსოლუტურად ყველა ასეთ საქმეზე, ევროპულ სასამართლოში საქართველოს აქვს სუფთად მოგებული. ანუ, ეს შეეხებოდა ყოფილი მაღალჩინოსნების საქმეს, "რუსთავი 2-ის" საქმეს. "რუსთავი 2-ის" საქმე არის ძალიან კარგი. ამ საქმეზე იყო თითქმის ყველა შეთანხმებული, რომ ხდება რაღაც პოლიტიკური ჩარევა, ზეწოლა სასამართლოზე და ა.შ. ევროპულმა სასამართლომ აბსოლუტურად ყველა ნაწილში სახელმწიფო გაამართლა და დარღვევა საერთოდ არ დაუდგენია".

რეგიონი • 1780155429

ლეჩხუმში, ისტორიულ ხვამლის მთაზე, ხვამლობის დღესასწაული აღინიშნა

წმინდა გიორგის სახელობის ეკლესიაში, ზღვის დონიდან 2000 მეტრზე, სადღესასწაულო წირვა აღავლინა ჭყონდიდის, ცაგერისა და ლენტეხის მიტროპოლიტმა სტეფანემ.ხვამლობის სადღესასწაულო წირვას, მრევლთან და სტუმრებთან ერთად, დაესწრნენ ცაგერის მუნიციპალიტეტის მერი ჭაბუკი ჭაბუკიანი, რაჭა-ლეჩხუმ ქვემო სვანეთის სახელმწიფო რწმუნებულის მოადგილე ალუდა თუთისანი, საკრებულოს თავმჯდომარე ვასილ საღინაძე და მერის მოადგილე მამუკა ლეთოდიანი.

პოლიტიკა • 1779877560

ალუდა ღუდუშაური ოპოზიციას: შეიძლება არ მოგწონდეს ხელისუფლება ან კონკრეტული თანამდებობის თუ პოლიტიკური პირი, მაგრამ ასე გძულდეს შენი ქვეყანა, წარმოუდგენელია

შეიძლება არ მოგწონდეს ხელისუფლება ან კონკრეტული თანამდებობის თუ პოლიტიკური პირი, მაგრამ ასე გძულდეს შენი ქვეყანა, წარმოუდგენელია, - განაცხადა პარლამენტის პლენარულ სხდომაზე ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველმა მოადგილემ ალუდა ღუდუშაურმა.მისი თქმით, ბუნებრივია და აუცილებელიც, კამათი, დებატები, დისკუსია ეკონომიკასა თუ სხვადასხვა საკითხზე, მაგრამ ხელისუფლებას, არამც და არამც, არ ექნება დისკუსია სამშობლოსა და ქართველი ხალხის სიყვარულზე, ერთიანობასა და ეროვნულობაზე.„ჩვენ გასაყოფი არაფერი გვაქვს. ჩვენ გვაქვს ერთი სამშობლო, რომელსაც საქართველო ჰქვია. ის დიადი დღე, რომელსაც გუშინ აღვნიშნავდით, კიდევ ერთხელ შეგვახსენებს, რომ დამოუკიდებლობას ყოველწუთიერად სჭირდება დაცვა. ჩვენ დღესაც უნდა ვიბრძოლოთ, მუხლჩაუხრელად უნდა ვიშრომოთ, რომ ქვეყანა მომავალ თაობას მართლაც დამოუკიდებელი დავუტოვოთ. ვხედავთ, რომ სამწუხაროდ, ადამიანები ქვეყნის მტრობაზეც კი მიდიან. როგორი სამარცხვინო და ამორალურია, საკუთარ ქვეყანას ედავებოდე და ადანაშაულებდე ათასგვარ სიბინძურეში. ბუნებრივია, მათთან ვერც სიყვარულზე გვექნება საუბარი და ვერც სამშობლოს ერთგულებაზე. მათ ერთი რამ უნდა გაიგონ - ჩვენ არსად, არც ერთი ნაბიჯით უკან დახევას არ ვაპირებთ, სადაც არის ქვეყნისა და ქართველი ხალხის ინტერესი და ჩვენი ქვეყნის ღირსება. პრინციპულად მნიშვნელოვანია, რომ ჩვენ არც ერთი ნაბიჯით არ ვაპირებთ უკან დავიხიოთ და კომპრომისზე წავიდეთ ქვეყნის და ხალხის ინტერესების ხარჯზე. ნურავის ექნება იმის ილუზია, რომ არეულობას გამოიწვევს და ამით ვინმე ხელისუფლებაში მოვა“, - აღნიშნა ალუდა ღუდუშაურმა.

პოლიტიკა • 1779101618

ალუდა ღუდუშაური შსს-ში სპეციალური სამმართველოს შექმნაზე: ინიციატივა არის დროული და აუცილებელი. ეს არის არა სიძულვილის ენა სინამდვილეში, ეს არის კლასიკური გაგებით ჩვეულებრივი ტერორი

ინიციატივა არის დროული და აუცილებელი. ეს არის არა სიძულვილის ენა სინამდვილეში, ეს არის კლასიკური გაგებით ჩვეულებრივი ტერორი, - განაცხადა ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველმა მოადგილემ ალუდა ღუდუშაურმა შსს-ში სპეციალური სამმართველოს შექმნასთან დაკავშირებით.მისი თქმით, ის, რაც დღეს ხდება, არ არის გამოხატვის თავისუფლება, ეს არის ტერორი.„ინიციატივა არის მეტად მნიშვნელოვანი, დროული და აუცილებელი. ეს არის არა სიძულვილის ენა სინამდვილეში, ეს არის კლასიკური გაგებით ჩვეულებრივი ტერორი. შესაბამისად, განსხვავებული აზრი, კრიტიკა ან შეხედულება ეს არის რა თქმა უნდა ყველას უფლება, მაგრამ არ შეიძლება, რომ სხვის უფლებებში შეიჭრას სხვა და დავინახოთ ან მოვისმინოთ ისეთი უმსგავსობები, რომელსაც წარმოუდგენელია, რომ ცივილურ სახელმწიფოში ჰქონდეს ადგილი. მეტსაც გეტყვით, სხვა ქვეყანაში თუ ეს არის მისაღები და ეს რეგულირებული არის, ეს ჩვენს ქვეყანაშიც რეგულირებული არის. უბრალოდ, არ არის აღსრულების ეფექტურ მექანიზმზე საუბარი“, - განაცხადა ალუდა ღუდუშაურმა.საქართველოს ვიცე-პრემიერმა, სახელმწიფო მინისტრმა სამართალდამცავი ორგანოების კოორდინაციის საკითხებში მამუკა მდინარაძემ დღეს გამართულ ბრიფინგზე. როგორც მან აღნიშნა, შსს-ში შეიქმნება სპეციალური სამმართველო, რომლის ძირითადი ფუნქციაც საჯარო სივრცეში სიძულვილის ენის, შეურაცხმყოფელი კამპანიებისა და აგრესიული კომუნიკაციის სისტემური მონიტორინგი და სამართლებრივი რეაგირება იქნება

რეგიონი • 1778324035

ცაგერის მუნიციპალიტეტში მეორე მსოფლიო ომში დაღუპულთა ხსოვნას პატივი მიაგეს

ფაშიზმზე გამარჯვების 81-ე წლისთავთან დაკავშირებით, ცაგერის მუნიციპალიტეტის მერმა ჭაბუკი ჭაბუკიანმა, რაჭა- ლეჩხუმ ქვემო სვანეთის სახელმწიფო რწმუნებულის მოადგილემ ალუდა თუთისანმა, ცაგერის მუნიციპალიტეტის მერის მოადგილეებმა-რევაზ ახვლედიანმა, მამუკა ლეთოდიანმა, საკრებულოს თავმჯდომარის მოადგილეებმა-მარიკა კოპალიანმა, ონისე ჩაკვეტაძემ,მერიის და საკრებულოს წარმომადგენლებმა, ლეჩხუმის საზოგადოებამ, გვირგვინით და ყვავილებით შეამკეს მეორე მსოფლიო ომში დაღუპულთა მემორიალი ქალაქ ცაგერში.ღონისძიების ფარგლებში კულტურის ცენტრთან არსებულმა მამაკაცთა ფოლკლორულმა ანსამბლმა ,,სალაღობომ" და ქორეოგრაფიულმა ანსამბლმა ,,ლეჩხუმმა" მუსიკალური და ქორეოგრაფიული ნომრები შეასრულეს. ღონისძიება ცაგერის ,,დიდების მუზეუმში" გაგრძელდა, სადაც ომის თემაზე წარმოდგენილი გამოფენა დაათვალიერეს.

რეგიონი • 1777614703

დავით ლობჟანიძე მუნიციპალიტეტში მიმდინარე ინფრასტრუქტურული პროექტების შემსრულებელი კომპანიებისა და ზედამხედველობის სამსახურის წარმომადგენლებს შეხვდა

ონის მუნიციპალიტეტის მერი, დავით ლობჟანიძე, სახელმწიფო რწმუნებულის მოადგილე ალუდა თუთისანთან და ადგილობრივი ხელისუფლების სხვა წარმომადგენლებთან ერთად, მუნიციპალიტეტში მიმდინარე ინფრასტრუქტურული პროექტების შემსრულებელი კომპანიებისა და ზედამხედველობის სამსახურის წარმომადგენლებს შეხვდა.სამუშაო შეხვედრაზე მხარეებმა დეტალურად განიხილეს მიმდინარე სამუშაოების ტემპი, შესრულების ვადები და ის აქტუალური გამოწვევები, რომლებიც პროცესში ოპერატიულ რეაგირებას საჭიროებს. განსაკუთრებული ყურადღება დაეთმო ზედამხედველობის ჯგუფის მიერ წარმოდგენილ რეკომენდაციებსა და იმ სამართლებრივი დოკუმენტაციის წარმოების წესებს, რაც კომპანიებმა სამუშაო პროცესში მკაცრად უნდა დაიცვან.„ინფრასტრუქტურული პროექტების განხორციელებისას, ხარისხის მართვა არ არის მხოლოდ ტექნიკური მოთხოვნა, ეს არის ჩვენი პასუხისმგებლობა თითოეული მცხოვრებლის წინაშე. ჩვენი მიზანია, რომ მუნიციპალიტეტში განხორციელებული ნებისმიერი სამუშაო იყოს ორიენტირებული გრძელვადიან შედეგზე“. - განაცხადა ონის მუნიციპალიტეტის მერმა - დავით ლობჟანიძემ

პოლიტიკა • 1777558080

ალუდა ღუდუშაური ევრობიუროკრატებზე: წარმოუდგენელი რამ გვესმის, თითქოს, პატივს სცემენ ქართველ ხალხს, თუმცა ხელისუფლებასთან მიმართებაში აქვთ პრობლემები - ყველამ პატივი უნდა სცეს, არჩევნების შედეგად ხალხის ნებით გამოხატულ ხელისუფლებას

წარმოუდგენელი რამ გვესმის, რომ თითქოს, ისინი პატივს სცემენ ქართველ ხალხს, თუმცა ხელისუფლებასთან მიმართებაში ჰქონიათ პრობლემები, - განაცხადა გადაცემაში „დღის ქრონიკა“ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველმა მოადგილემ, ალუდა ღუდუშაურმა ევრობიუროკრატებზე საუბრისას.მისივე თქმით, ისინი სამართლიანობაზე დაფუძნებულ თამაშის წესებს ითხოვენ.„ჩვენ ვითხოვთ, სამართლიანობაზე დაფუძნებულ თამაშის წესებს, რომელიც ამავდროულად სრულ თანხვედრაშია იმ დეკლარირებულ, დოკუმენტებით გაცხადებულ ევროპულ ღირებულებებთან, რომელსაც ჩვენ ხშირად სასაუბროდ ვიყენებთ. გნებავთ, ისინიც ამ ყველაფერს ფორმალურად ახსენებენ. ამ ყველაფერს საბოლოო ჯამში იქამდე მივყავართ, რომ ამ წესრიგის მოშლა დამღუპველია თითოეული იმ ქვეყნისთვის, ვინც უთქმელად დათმობს ამ ყველაფერს“, - აღნიშნა ღუდუშაურმა.მან ისაუბრა, თუ რაზე შეიძლება, რომ ევროპულ სტრუქტურებთან მოხდეს შეჯერება.„ბუნებრივია, დიდი ხანია, ეს ყველაფერი ლოგიკაში ვერ ჯდება და აცდენილია სამართლებრივ ლოგიკას, სამართლიანი თამაშის წესებს. ეს ცხადია, თუმცა ძალიან კარგად გვესმის და მათაც მშვენივრად ესმით, ეს დიდხანს ვერ გაგრძელდება, იმ მარტივი მიზეზიდან გამომდინარე, რომ სიმართლე იყოს დაფარული, მიჩქმალული, ან იძულებით ხელყოფილი. საბოლოო ჯამში ამ ყველაფერს ლოგიკური დასასრული ექნება და დასასრული არის ის, რომ სამართლიანი თამაშის წესები, რომელიც თავიანთ ქვეყნებში უნდათ, იმავე პირობას ამბობს და სთავაზობთ მათ ქართველი ხალხი.წარმოუდგენელი რამ გვესმის, რომ მაგალითად, თითქოს ისინი პატივს სცემენ ქართველ ხალხს, თუმცა ხელისუფლებასთან მიმართებაში ჰქონიათ პრობლემები. ჩვენ ამ ყველაფერთან დაკავშირებით მარტივი პასუხი გვაქვს - დაე, ღია და გამჭვირვალე პროცესებმა ცხადყოს ყველაფერი და ამის საზომი არჩევნები“, - განაცხადა ღუდუშაურმა.მისივე თქმით, შესაბამისად, ყველამ პატივი უნდა სცეს, არჩევნების შედეგად ქართველი ხალხის ნებით გამოხატულ ხელისუფლებას.

განათლება • 1777274868

სიმონ სხირტლაძის სახელობის სკოლაში რეაბილიტაციის პროცესი ადგილობრივი ხელისუფლების წარმომადგენლებმა დაათვალიერეს

ონის მუნიციპალიტეტის მერმა, დავით ლობჟანიძემ, სახელმწიფო რწმუნებულის მოადგილე ალუდა თუთისანთან და ადგილობრივი ხელისუფლების წარმომადგენლებთან ერთად, ქალაქ ონის სიმონ სხირტლაძის სახელობის საჯარო სკოლაში დასრულებული ინფრასტრუქტურული სამუშაოები დაათვალიერა.პროექტის ფარგლებში განახლდა შენობის დაზიანებული სახურავი, მოეწყო წყალშემკრები ღარები და შეიცვალა დაზიანებული ჭერი. გარდა ამისა, დამონტაჟდა თანამედროვე განათების სისტემები.პროექტი სახელმწიფო ბიუჯეტიდან დაფინანსდა და მისმა ღირებულებამ 60 000 ლარი შეადგინა. განხორციელებული სამუშაოები მოსწავლეებისა და მასწავლებლებისთვის უფრო კომფორტულ და უსაფრთხო გარემოს უზრუნველყოფს.

პოლიტიკა • 1776695400

ალუდა ღუდუშაური: სამწუხაროა, რომ ის ბიოლოგიურად ქართველები, რომლებიც წესით და რიგით უნდა უსმენდნენ ქართველ ხალხს და ქართველი ხალხის ინტერესებს უნდა ატარებდნენ, იყურებიან ქვეყნის ფარგლებს გარეთ და მათგან ელოდებიან ინსტრუქციებს

სამწუხარო რეალობაა, რომ ევროპული ღირებულებები სერიოზული გამოწვევების წინაშეა და ამას მთელი მსოფლიო ხედავს, - განაცხადა გადაცემაში „დღის ქრონიკა“ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველმა მოადგილემ ალუდა ღუდუშაურმა.მისივე თქმით, კიდევ უფრო სამწუხაროა, რომ ის ბიოლოგიურად ქართველები, რომლებიც წესით და რიგით უნდა უსმენდნენ ქართველ ხალხს და ქართველი ხალხის ინტერესებს უნდა ატარებდნენ, იყურებიან ქვეყნის ფარგლებს გარეთ და მათგან ელოდებიან ინსტრუქციებს.„ის მოცემულობა, რომელშიც ეს პარტიები არიან, განპირობებულია იმით, რომ ფუჭად იყო ჩავლილი ყოველგვარი ძალისხმევა, რომ ასეთი ინსტრუქტაჟებით თუ სახელმძღვანელოებით ქვეყნის არევა და ნებისმიერი არაკონსტიტუციური გზით ხელისუფლებაში მოსვლა, მორიგ ჯერზე კრახით დასრულდება.მე მათ ვურჩევდი, რომ წაიკითხონ არა ასეთი ადამიანების ინსტრუქტაჟები, ან სახელმძღვანელოები, არამედ წაიკითხონ ჩვენი ეროვნული გმირების, მაგალითად ჭავჭავაძის და მოხევე ლელთღუნიას შეხვედრა, რომ ჩვენი თავი ჩვენვე უნდა გვეყუდნოდეს. ასეთი გზით თუ ივლიან, ისინი არ იქნებიან ასეთ გაუბედურებულ დღეში და იქნება ის, რომ ქართველი ხალხის ხმა იქნება არჩევნების გზით გადაწყვეტილი და დაე არჩევნებმა გადაწყვიტოს ვინ იქნება ხელისუფლებაში, მაგრამ ჯგუფები, პირები, სუბიექტები, ვინც ამ ინსტრუქტაჟების იმედად არიან დარჩენილი, ბუნებრივია, რომ ქართველი ხალხი ვერასოდეს დაუჭერს მხარს.როგორც ჩანს იმ ინსტრუქტაჟებმა, თუ სახელმძღვანელოების ავტორებმა არ იციან ქართველი ხალხი, არ იციან საქართველო. ჩვენ ვართ სიმართლის და სამართლიანობის მოყვარე ხალხი. ჩვენ ვართ ის ხალხი, რომ თითოეულ ქართველს ძალიან კარგად აქვს გაცნობიერებული ის, რომ ჩვენი თავი ჩვენადვე უნდა გვეყუდნოდეს“, - აღნიშნა ალუდა ღუდუშაურმა.„ქრონიკის“ ინფორმაციით, ოპოზიციას რევოლუციურ სცენარს ამჯერად „პრაღის სამოქალაქო საზოგადოების ცენტრის“ ერთ-ერთი ლიდერი, იგორ ბლაჟევიჩი უწერს.

პოლიტიკა • 1776694571

ალუდა ღუდუშაური საკონსტიტუციო სარჩელში „ფედერალისტების“ დამატებაზე: ოპოზიციას აქვს გაცხადებული მიზანი, რომ ძალადობრივად შეცვალოს ხელისუფლება. როდესაც ამას უერთდები, ცხადია, ჩვენ ისღა დაგვრჩენია, მოვახდინოთ სარჩელის კორექტირება

ოპოზიციას აქვს გაცხადებული მიზანი, რომ ძალადობრივად შეცვალოს ხელისუფლება. როდესაც ამას უერთდები და ხარ ამის მონაწილე, ცხადია, ჩვენ ისღა დაგვრჩენია, მოვახდინოთ სარჩელის კორექტირება, - ასე გამოეხმაურა „დღის ქრონიკასთან“ საპარლამენტო უმრავლესობის წევრი ალუდა ღუდუშაური, „ქართული ოცნების“ საკონსტიტუციო სარჩელში „ფედერალისტების“ დამატებასთან დაკავშირებით სპეკულაციებს, თითქოს ეს გადაწყვეტილება 26 მაისს დაანონსებულ აქციას უკავშირდება.მისი თქმით, საკონსტიტუციო სარჩელის კორექტირების გადაწყვეტილება „ქართულმა ოცნებამ“ იმ ღია განცხადებების შესაბამისად მიიღო, რომელსაც „ფედერალისტები“ აკეთებენ.ალუდა ღუდუშაურის განცხადებით, „ფედერალისტები“ არ მალავენ, რომ იზიარებენ რადიკალების განზრახვას, რომ უგულებელყონ ქართველი ხალხის არჩევანი და ძალადობრივი გზით შეეცადონ ხელში ჩაიგდონ ხელისუფლება.„ჩვენ ვმოქმედებთ ქართველი ხალხის და ჩვენი სახელმწიფოს დღის წესრიგით, ისინი მოქმედებენ გარე დაკვეთებით და სხვების დღის წესრიგით. მათი დღის წესრიგი, ქართველი ხალხის და სახელმწიფოს დღის წესრიგთან მკაფიო აცდენაშია. ჩვენი მიზანი და ჩვენი ნაბიჯები გამომდინარეობს მხოლოდ და მხოლოდ კონკრეტული ფაქტებიდან და მშრალი მოცემულობიდან. კორექტირება მოხდა და დაემატა „ფედერალისტები“ იმიტომ, რომ ისინიც ღიად, საჯაროდ შეუერთდნენ იმ დეკლარირებულ განზრახვას, რასაც ჰქვია ხელისუფლებაში ძალადობრივი გზით მოსვლა.როდესაც შენ გაცხადებულად გაქვს მიზანი, რომ ძალადობრივად შეცვალო ხელისუფლება და ხელში ჩაიგდო ძალადობრივად მართვის სადავეები, ისე რომ ქართველი ხალხის ნება-სურვილი უგულებელყო, ბუნებრივია, რომ სწორედ ეს არის ვალდებულება იმ დემოკრატიული ღირებულებიდან გამომდინარე, რომ დაე, სასამართლოში გაიაროს ფილტრი ღიად და საჯაროდ. საზოგადოებამ დაინახოს თუ რა არის მათი დეკლარირებული მიზნები. ჩვენ მხარეს არის ფაქტებით დადასტურებული გარემოებები, რასაც ჰქვია მათი ღიად გაცხადებული მიზნები, რომ ხელისუფლება თურმე უნდა შეიცვალოს ძალადობრივი გზით. როდესაც ამას უერთდები, ხარ ამის მონაწილე და ტირაჟირებ, ცხადია, ჩვენ ისღა დაგვრჩენია მოვახდინოთ სარჩელის კორექტირება და დავამატოთ ის პოლიტიკური პარტია, რომელიც ღიად იზიარებს იმ პარტიების ზრახვას, რომ ძალადობრივად, კონსტიტუციის ფეხქვეშ გათელვით თურმე უნდათ ხელისუფლებაში მოსვლა“, - განაცხადა ალუდა ღუდუშაურმა.„ქართული ოცნება“ ახალი კონსტიტუციური სარჩელით საკონსტიტუციო სასამართლოს დღეს მიმართავს. ასაკრძალ პარტიათა სია იზრდება. „ნაციონალურ მოძრაობას“, „ახალსა“ და „ლელოს“ „ფედერალისტებიც“ დაემატება.

პოლიტიკა • 1776693720

ალუდა ღუდუშაური: ხშირად ამბობენ აკრძალვა, წნეხი და ა.შ. სინამდვილეში, ეს არის არც მეტი, არც ნაკლები ამ კონკრეტული პოლიტიკური ძალების, პარტიების კონსტიტუციურობასთან შესაბამისობის რევიზია

ხშირად ამბობენ აკრძალვა, წნეხი და ა.შ. სინამდვილეში, ეს არის არც მეტი, არც ნაკლები ამ კონკრეტული პოლიტიკური ძალების, პარტიების კონსტიტუციურობასთან შესაბამისობის რევიზია, - განაცხადა გადაცემაში „დღის ქრონიკა“ საპარლამენტო უმრავლესობის წევრმა ალუდა ღუდუშაურმა.ღუდუშაურის თქმით, ეს პოლიტიკური პარტიები პირდაპირ წინააღმდეგობაში მოდიან საქართველოს კონსტიტუციასთან, საერთოდ არ აღიარებენ კონსტიტუციურ ორგანოებს, არ სცემენ კონსტიტუციას პატივს.„ჩვენი მოქალაქეებისთვის და საზოგადოებისთვის მკაფიოდ რომ იყოს გაგებული, თუ რასთან გვაქვს საქმე. ხშირად ამბობენ აკრძალვა, წნეხი და ა.შ. სინამდვილეში, ეს არის არც მეტი, არც ნაკლები ამ კონკრეტული პოლიტიკური ძალების, პარტიების კონსტიტუციურობასთან შესაბამისობის რევიზია.ჩვენ, როგორც ამ სარჩელის ავტორებს მიგვაჩნია, რომ ჩამოთვლილი პოლიტიკური პარტიები ვერ აკმაყოფილებენ იმ სტანდარტს, რასაც უნდა აკმაყოფილებდეს კანონის ძალით შექმნილი პოლიტიკური პარტია, პოლიტიკური ძალა. ეს პოლიტიკური პარტიები პირდაპირ წინააღმდეგობაში მოდიან საქართველოს კონსტიტუციასთან. საერთოდ არ აღიარებენ კონსტიტუციურ ორგანოებს, არ სცემენ კონსტიტუციას პატივს. მეტიც, მიზანმიმართულად ეწინააღმდეგებიან.ვხედავთ, რომ მათი მთავარი მიზანი ყოფილა ძალადობით ხელისუფლებაში მოსვლა, არეულობით. არა არჩევნებით, არა ქართველი ხალხის ნებით და შეჯიბრებითობის პრინციპით, არამედ, პირდაპირ ძალადობრივი გზითაც კი“, - აღნიშნა მან.„ქართული ოცნება“ ახალი კონსტიტუციური სარჩელით საკონსტიტუციო სასამართლოს დღეს მიმართავს. ასაკრძალ პარტიათა სია იზრდება. „ნაციონალურ მოძრაობას“, „ახალსა“ და „ლელოს“ „ფედერალისტებიც“ დაემატება.

რეგიონი • 1775747334

ცაგერის მუნიციპალიტეტის მერმა, ჭაბუკი ჭაბუკიანმა და რეგიონის სხვა წარმომადგენლებმა 9 აპრილის მემორიალი მოინახულეს

ცაგერის მუნიციპალიტეტის მერმა ჭაბუკი ჭაბუკიანმა, რაჭა-ლეჩხუმ ქვემო სვანეთის სახელმწიფო რწმუნებულის მოადგილემ ალუდა თუთისანმა, მერის მოადგილეებმა, რევაზ ახვლედიანმა, მამუკა ლეთოდიანმა, საკრებულოს თავმჯდომარემ ვასილ საღინაძემ, მოადგილეებმა მარიკა კოპალიანმა, ონისე ჩაკვეტაძემ, საზოგადოებასთან ერთად, გვირგვინით და ყვავილებით შეამკეს 9 აპრილს დაღუპულთა მემორიალი ქალაქ ცაგერში. დაღუპულთა სულების მოსახსენებლად მამა გიორგიმ (მდივანი) მემორიალთან პანაშვიდი გადაიხადა. წელს ცხრა აპრილის ტრაგედიიდან 37 წელი გავიდა.