ცნობილია, სად და როდის გაიმართება თემურ უგულავას სამოქალაქო პანაშვიდი

ბიზნესმენის, თემურ უგულავას სამოქალაქო პანაშვიდი 27 ივნისს, ქაშვეთის ეკლესიაში გაიმართება. ამის შესახებ ინფორმაცია რამდენიმე წუთის წინ გავრცელდა.

საზოგადოებას შესაძლებლობა ექნება პატივი მიაგოს უკანასკნელ გზაზე.

Rooms Hotels-ისა და Adjara Group-ის დამფუძნებელი, თემურ უგულავა 22 ივნისს, 56 წლის ასაკში გარდაიცვალა. ბოლო პერიოდში დასმული მძიმე დიაგნოზის შემდეგ ბიზნესმენი საზღვარგარეთ მკურნალობდა.

საქართველოს სტუმარმასპინძლობის ინდუსტრიის გამორჩეული ფიგურის, თემურ უგულავას სახელს უკავშირდება Rooms-ის სასტუმროები თბილისში, ყაზბეგში, კოხტასა და ბათუმში, სასტუმრო „სტამბა“, „ლოლიტა“, ჰოსტელი „ფაბრიკა“, „უდაბნო“ და სხვა ბიზნეს-ობიექტები საქართველოში.