„მის ხელებში ყველაფერი უსაფრთხო იყო... შენს გარეშე ცხოვრება სხვანაირია, ბე“ - ანრი ჯოხაძის დისშვილის ემოციური პოსტი

ცოტა ხნის წინ, მომღერალმა ანრი ჯოხაძემ დედის გარდაცვალების შესახებ სოციალურ ქსელში დაწერა. კომპოზიტორ რუსუდან ჩხაიძეს შვილიშვილი ემოციურ პოსტს უძღვნის, რომელსაც უცვლელად გთავაზობთ.

„დღეს ჩემი ცხოვრების დიდი ნაწილი დადუმდა… წავიდა ადამიანი, რომელმაც გამზარდა, დამიცვა, მასწავლა როგორ უნდა გიყვარდეს უანგაროდ და როგორ აკეთო სიკეთე ჩუმად, გულით. ჩემი ბებიკონა იყო ჩემი სიმშვიდე, ჩემი სიცილი, ჩემი ბავშვობა და ჩემი ძალა. მის ხელებში ყველაფერი უსაფრთხო იყო, მის ხმაში ნუგეში, მის თვალებში უსაზღვრო სიყვარული. შენს გარეშე ცხოვრება სხვანაირია, ბე, მადლობა, ჩემო ბებიკონა, იმ კეთილი საქმეებისთვის, რომლებიც მხოლოდ შენ შეგეძლო შენებურად გექნა… შენს სიყვარულს დრო ვერასდროს წაიღებს. ნათელში იყოს შენი ლამაზი სული“, - წერს მარიამ ხარაძე.