„გული რომ გაგეგლიჯება ისეთი ამბავია“ - ახლობლები წერეთლის გამზირზე ავარიაში დაღუპულ თელაველ გოგონას გლოვობენ

თბილისში, წერეთლის გამზირზე მომხდარი ავარიის დროს 2 ადამიანი დაიღუპა. ერთ-ერთი ახალგაზრდა ქალი თამარ გერმანიშვილია, მის შესახებ მისი ახლობლები, მეგობრები და პედაგოგები წერენ.

„არსებობენ სტუდენტები, რომლებიც ლექტორს უკეთესს ხდიან. თამარ, შენი უნარები ყოველთვის გამორჩეულად მიმაჩნდა და ბედნიერი ვარ, რომ ეს არაერთხელ საჯაროდაც აღვნიშნე. ორი სემესტრის განმავლობაში მქონდა პატივი, ვყოფილიყავი შენი ლექტორი. შენ ჩემი გამორჩეული სტუდენტი იყავი. როგორ მიჭირს შენზე წარსულში საუბარი… ძალიან დააბნელე 2026 წელი…"_ წერენ სოციალურ ქსელში.

გარდაცვლილი თელავიდან თბილისში ტაქსით ბრუნდებოდა, როცა ერთმანეთს ორი ავტომობილი შეეჯახა.თამარ გერმანიშვილთან ერთად დაიღუპა იმ ავტომობილის მძღოლიც, რომელშიც გოგონა იჯდა.