გელათის რეაბილიტაციის კომიტეტი - გელათის მთავარი ტაძრის ერთიანი დროებითი გადახურვის სამუშაოები სრულდება

გელათის რეაბილიტაციის კომიტეტის ინფორმაციით, გელათის მთავარი ტაძრის ერთიანი დროებითი გადახურვის სამუშაოები, გუმბათის ჩათვლით, დასკვნით ფაზაში შევიდა.

კომიტეტის ცნობით, გერმანელი კონსტრუქტორები მთავარი ტაძრის გუმბათის დროებითი გადახურვის მოწყობის დასკვნით სამუშაოებს აწარმოებენ.

„რამდენიმეკვირიანი შეფერხებები, რომელიც მასალის მოწოდებასთან იყო დაკავშირებული, აღმოფხვრილია და ტაძრის ერთიანი დროებითი გადახურვის მოწყობის ურთულესი მასშტაბური სამუშაოები მიმდინარე კვირაში მთლიანად დასრულდება“, – ნათქვამია გელათის რეაბილიტაციის კომიტეტის ინფორმაციაში.