ბარში, ქართველი ემიგრანტი მანქანის შეჯახების შედეგად დაიღუპა

სამშაბათს, გვიან ღამით, ბიტრიტო-ბარის გზაზე, სან ნიკოლას სტადიონთან ახლოს ავარია მოხდა. ქართველი ემიგრანტი მანქანის შეჯახების შედეგად ადგილზე დაიღუპა.

ინფორმაციას ადგილობრივი მედია ავრცელებს.

მათი ცნობით, დაღუპული, 40 წლის ქართველი ქალია, რომელიც სავარაუდოდ, ადგილზე გარდაიცვალა. სასწრაფო დახმარების ბრიგადამ მხოლოდ მისი გარდაცვალების დადასტურება შეეძლო.

მედიის ცნობით, მძღოლის მანქანა და მობილური ტელეფონი ტექნიკურად შემოწმდა. ტესტმა ალკოჰოლის ან ნარკოტიკების მოხმარებაზე უარყოფითი პასუხი აჩვენა.

ქალის ცხედარი ბარის პოლიკლინიკური საავადმყოფოს სასამართლო მედიცინის ინსტიტუტში გადაასვენეს, სადაც მას სასამართლო შემოწმებას უტარებენ.