ხუთი პოლიტიკური პარტიის არაკონსტიტუციურად ცნობასა და მათ აკრძალვაზე საკონსტიტუციო სასამართლოში პროცესი დღეს 14:00 საათიდან განახლდება

ხუთი პოლიტიკური პარტიის არაკონსტიტუციურად ცნობასა და მათ აკრძალვაზე საკონსტიტუციო სასამართლოში პროცესი ცენტრალური ნაწილის განხილვით გრძელდება. სხდომა დღეს 14:00 საათზეა ჩანიშნული.

მიმდინარე კვირიდან საქმე ახსნა განმარტების ეტაპზე გადადის და მოსარჩელე მხარე მტკიცებულებებს წარადგენს იმასთან დაკავშირებით, თუ რატომ უნდა აიკრძალოს 5 ოპოზიციური პარტია.

„ერთიანი ნაციონალური მოძრაობა", კოალიცია "ცვლილებისთვის", "ძლიერი საქართველო", პარტია "ფედერალისტები" და "გახარია საქართველოსთვის" - სწორედ ამ 5 პოლიტიკური სუბიექტის აკრძალვას ითხოვს „ქართული ოცნება“.