ცნობილია კაცის ვინაობა, რომელიც თელავში საკუთარ მანქანაში დაიწვა

თელავში მანქანაში დამწვარი კაცი 48 წლის თემო ბუჟაიძეა.

ადგილობრივების ინფორმაციით, მამაკაცს ჯიპის მარკის ავტომანქანაც ჰყავდა და თუშეთის მიმართულებით, მგზავრები გადაჰყავდა.

გარდაცვლილს მეუღლე და ორი არასრულწლოვანი შვილი დარჩა.

შეგახსენებთ, შემთხვევა ცოტა ხნის წინ, სოფელ ლალისყურისა და ქვემო ალვანის დამაკავშირებელ ხიდზე მოხდა.

მერსედესის მარკის ავტომობილი გაზის მილს შეეჯახა და აფეთქდა. მძღოლმა მანქანიდან გადასვლა ვერ მოასწრო და შიგ ჩაიწვა.

შემთხვევის ადგილზე მობილიზებული იყო პოლიცია.