თორნიკე ჭეიშვილი: დამოკიდებულება, რომელსაც ისინი ახლაც ავლენენ მიმდინარე პროცესის კვალდაკვალ, წარმოაჩენს, რომ დღესაც მზად არიან, კონსტიტუციურ წყობილების წინააღმდეგ სხვადასხვა მიზანმიმართული ქმედებები განახორციელონ

თორნიკე ჭეიშვილი

ხუთი ოპოზიციური პარტიის აკრძალვის საქმეზე პროცესი დღეს განახლდება. დღეს მე-16 სხდომაა. სასამართლო კვლავ კითხვა-პასუხის რეჟიმით გრძელდება. შეკითხვებს ამჯერადაც მოსარჩელე მხარე დასვამს.

სხდომა გუშინ დაახლოებით 7 საათის განმავლობაში მიმდინარეობდა. მმართველი გუნდის შეფასებით, ოპოზიციური პარტიების წარმომადგენლები კითხვებს გაურბოდნენ და, სამართლებრივი არგუმენტების ნაცვლად, ურთიერთგამომრიცხავი პასუხები ჰქონდათ.

პარლამენტის გარემოს დაცვისა და ბუნებრივი რესურსების კომიტეტის თავმჯდომარე, თორნიკე ჭეიშვილი აღნიშნავს, რომ ოპოზიციური პარტიები კვლავ ცდილობენ, რომ კონსტიტუციური ქმედებების წინააღმდეგ წავიდნენ და, ამ დამოკიდებულებით, ისინი კიდევ უფრო ნათლად წარმოაჩენენ იმ გარდაუვალ მდგომარეობას, რაც მათ არაკონსტიტუციურად გამოცხადებას უკავშირდება.

"რაც გამოიკვეთა მკაფიოდ არის ის, რომ მოპასუხე რეალურად ვერ აცნობიერებს, ან ძალიან მიზანმიმართულად აკნინებს კონსტიტუციური პრინციპების მნიშვნელობას. ჩანს, რომ მათთვის ჩალის ფასი აქვს სახელმწიფო სუვერენიტეტს, კონსტიტუციურ წესრიგს და სწორედ ამ ქვედა გრძნობიდან გამომდინარე, ამ დამოკიდებულებიდან გამომდინარე, იყო ნაკარნახევი მათ მიერ წარსულში გადადგმული ნაბიჯები. და რაც მთავარია, ის დამოკიდებულება, რომელსაც ისინი ახლაც ავლენენ მიმდინარე საკონსტიტუციო პროცესის კვალდაკვალ წარმოაჩენს იმას, რომ ეს არა მარტო წარსულში ნამოქმედარია, არამედ ახლაც ისინი ამავე განწყობით არიან აბსოლუტურად მზად იმისათვის, რომ კვლავ კონსტიტუციურ წყობილების წინააღმდეგ სხვადასხვა მიზანმიმართული ქმედებები განახორციელონ. ეს უკვე ჩვენი გადმოსახედიდან, რა თქმა უნდა, წარმოშობს გარდაუვალობას იმასა, რომ მოხდეს მათი არაკონსტიტუციურად გამოცხადება, რაც, საბოლოო ჯამში, შედეგად გამოიწვევს მათ აკრძალვას", - თორნიკე ჭეიშვილი.

✕