1758568351
პალესტინის სახელმწიფო ოფიციალურად მალტამ, ბელგიამ და ლუქსემბურგმაც აღიარეს. ამის შესახებ აღნიშნული ქვეყნების ლიდერებმა გაერო-ს გენერალური ასამბლეის სამიტზე განაცხადეს.
„ბელგია დღეს მსოფლიოსთვის ძლიერ პოლიტიკურ და დიპლომატიურ სიგნალს გზავნის, როდესაც იმ ქვეყნების ჯგუფს შეუერთდა, რომლებმაც პალესტინის სახელმწიფოს აღიარება გამოაცხადეს“, – განაცხადა ბელგიის პრემიერ-მინისტრმა, ბარტ დე ვევერმა.
ამ დროისთვის პალესტინის სახელმწიფოს 145-ზე მეტი ქვეყანა აღიარებს.
ცნობისთვის, ცოტა ხნის წინ გაერო-ს გენერალურ ასამბლეაზე პალესტინის სახელმწიფო ოფიციალურად საფრანგეთმა და მონაკომაც აღიარეს.
