მიხეილ ყაველაშვილი - ღრმა მწუხარებას გამოვთქვამ კრანს-მონტანას სათხილამურო კურორტზე ტრაგედიის გამო, ქართველი ხალხი უერთდება საყოველთაო გლოვას, ვიზიარებთ შვეიცარიელი ხალხის დიდ ტკივილს

ღრმა მწუხარებას გამოვთქვამ კრანს-მონტანას სათხილამურო კურორტზე მომხდარი შემაძრწუნებელი ტრაგედიის გამო, რომელმაც უდანაშაულო ადამიანების სიცოცხლე შეიწირა, – ამის შესახებ საქართველოს პრეზიდენტი მიხეილ ყაველაშვილი სოციალურ ქსელში წერს.

ყაველაშვილის თქმით, ქართველი ხალხი შვეიცარიელი ხალხის დიდ ტკივილს იზიარებს.

„ამ მძიმე წუთებში, ქართველი ხალხი უერთდება საყოველთაო გლოვას – ვიზიარებთ შვეიცარიელი ხალხის ამ დიდ ტკივილს. ვუსამძიმრებ გარდაცვლილთა ოჯახებს, ახლობლებსა და ყველას, ვისაც ეს დიდი ტრაგედია შეეხო. დაშავებულებს კი მალე გამოჯანმრთელებას ვუსურვებ. საქართველო თქვენს გვერდითაა“, – წერს ყაველაშვილი.

ცნობისთვის, აფეთქება პირველ იანვარს, ადგილობრივი დროით 01:30 საათზე სათხილამურო კურორტ კრანს-მონტანაში, Le Constellation Bar and Lounge-ში მოხდა, სადაც ახალ წელს აღნიშნავდნენ. სათხილამურო კურორტზე აფეთქების შედეგად დაღუპულია 40-მდე ადამიანი, 115 ადამიანი კი დაშავებულია. ქვეყანაში ხუთდღიანი გლოვა გამოცხადდა.

I am deeply saddened by the horrific tragedy at the #CransMontana ski resort, which has claimed so many innocent lives.

In these hours of grief, the people of Georgia stand in solidarity with the Swiss people as they mourn this profound loss. We wish a full and speedy recovery…

— Mikheil Kavelashvili (@GeoPresident_) January 2, 2026