ირაკლი ქადაგიშვილი: კონკრეტულ უბანზე დარღვევის ან სხვა ხარვეზის ბედი წყდება კონკრეტულ საარჩევნო უბანზე. ცენტრალური საარჩევნო კომისია 3000 უბნიდან მიღებულ საუბნო ოქმებს მექანიკურად აჯამებს და შემაჯამებელ ოქმს აქვეყნებს. უკვე გასაჩივრებულ და ყველა ინსტანციაგავლილ საკითხზე თავიდან საჩივრის შეტანა საერთოდ ნონსენსია

კონკრეტულ უბანზე დარღვევის ან სხვა ხარვეზის ბედი წყდება კონკრეტულ საარჩევნო უბანზე. ცენტრალური საარჩევნო კომისია 3000 უბნიდან მიღებულ საუბნო ოქმებს მექანიკურად აჯამებს და შემაჯამებელ ოქმს აქვეყნებს. უკვე გასაჩივრებულ და ყველა ინსტანციაგავლილ საკითხზე თავიდან საჩივრის შეტანა საერთოდ ნონსენსია, - განაცხადა „დღის ქრონკასთან“ რეგიონული პოლიტიკისა და თვითმმართველობის საპარლამენტო კომიტეტის თავმჯდომარემ ირაკლი ქადაგიშვილმა.

წამყვანმა ჰკითხა, რას უპასუხებს ოპონენტების კრიტიკას საარჩევნო კოდექსთან მიმართებით, რომ სუსტდება კონტროლის მექანიზმი და რამდენიმე საკითხზე გაჩნდა კითხვები და პრეტენზიები.

„ელექტრონული ხმის მიცემის წესმა საქართველოში არჩევნები უფრო გამჭვირვალე და დროში მოქნილი გახადა. ფაქტობრივად, არჩევნების დასრულებისთანავე რამდენიმე წუთში უკვე ნათელია ყველაფერი, რადგან ელექტრონულად ხდება რეგისტრაციაც და ხმის მიცემაც. აბსოლუტურად ყველანაირი საჩივარი მიიღება როგორც კომისიაში, მათ შორის საოლქოში, ასევე სასამართლოებში.

კონკრეტულ უბანზე დარღვევის ან სხვა ხარვეზის ბედი წყდება კონკრეტულ საარჩევნო უბანზე. ცენტრალური საარჩევნო კომისია 3000 უბნიდან მიღებულ საუბნო ოქმებს მექანიკურად აჯამებს და შემაჯამებელ ოქმს აქვეყნებს. უკვე გასაჩივრებულ და ყველა ინსტანციაგავლილ საკითხზე თავიდან საჩივრის შეტანა საერთოდ ნონსენსია. ეს ტექნიკური ხარვეზია ამოღებული, მაგრამ შეგიძლიათ გაასაჩივროთ ცენტრალური საარჩევნო კომისიის შემაჯამებელი აქტიც. ოღონდ თუ იქ არის კონკრეტული შეცდომები დაშვებული. მაგალითად, არ იქნა გათვალისწინებული კონკრეტული საარჩევნო უბნიდან მიღებული ოქმი, ან სასამართლო გადაწყვეტილების შედეგები, ან გამოტოვებულ იქნა, ან არასწორად იქნა მონაცემი შეყვანილი. ამ შემთხვევაში გაქვთ უფლება, რომ საბოლოო ოქმი გაასაჩივროთ სასამართლოში.

არჩევნების ბედი რეალურად წყდება საარჩევნო უბანზე. საარჩევნო უბანზე ხმების დათვლით და მომხდარი დარღვევების გასაჩივრებით, სასამართლოს წესით გასაჩივრებით და საბოლოოდ რომ ამოიწურება ყველა სამართლებრივი აქტი, რაც კი დაკავშირებულია საარჩევნო საკითხთან, ამის შემდეგ იწერება საბოლოო აქტი საარჩევნო უბანზე, რომელიც მიდის შემდეგ ცენტრალურ საარჩევნო კომისიაში და იქ ხდება ამ ოქმების შეჯამება. ამიტომაც ვამბობთ, რომ ეს არის ტექნიკური ცვლილება“, - აღნიშნა ქადაგიშვილმა.