დღეს პარლამენტი პრემიერ-მინისტრს ინტერპელაციის წესით მოუსმენს

უმაღლესი განათლების რეფორმა და Eagle Hills-ის პროექტი - ამ ორ აქტუალურ თემას შეეხება პარლამენტში დღეს საქართველოს პრემიერ-მინისტრი.

ირაკლი კობახიძე საკანონმდებლო ორგანოში ინტერპელაციის წესით "ქართულმა ოცნებამ" მიიწვია. მთავრობის მეთაური უპასუხებს დასმულ შეკითხვებსაც, რის შემდეგაც, რეგლამენტით გათვალისწინებულია დებატები და სიტყვით გამოსვლები.

პრემიერს პარლამენტში 12:00 საათისთვის ელოდებიან.