არ არსებობს სხვა გზა და სხვა არჩევანი, რომელიც ამ ქვეყანას უფრო მეტ მშვიდობას და განვითარებას მოუტანს, ვიდრე „ქართული ოცნება“ - თინათინ ნიბლოშვილი

თბილისის საკრებულოს სხდომაზე თვითმმართველობის არჩევნების მიმდინარეობასთან დაკავშირებით წარმომადგენლობითი ორგანოს  თავმჯდომარის მოადგილემ, თინათინ ნიბლოშვილმა, განცხადება გააკეთა.

ნიბლოშვილმა დედაქალაქის მოქმედი და მომავალი  მერის წარმატებულ საქმიანობაზე ისაუბრა და აღნიშნა, რომ  კახა კალაძემ 8 წლის მანძილზე ჩვენი დედაქალაქი მთელი მსოფლიოს მასშტაბით ერთ-ერთ ყველაზე მიმზიდველ ქალაქად აქცია, რომელსაც წლიდან წლამდე მილიონობით ტურისტი სტუმრობს.

,,4 ოქტომბრის არჩევნებზე ჩვენ უნდა გადავწყვიტოთ, გვინდა განვითარება, აღმშენებლობა, მშვიდობა თუ დესტრუქცია.

ამიტომ ვფიქრობ, 4 ოქტომბერს ერთადერთი ალტერნეტიული ძალა სწორედ  ,,ქართული ოცნებაა“,  -  განაცხადა თინათინ ნიბლოშვილმა და ყველა წარმოდგენილ კანდიდატს წარმატება უსურვა.

,,დარწმუნებული ვარ, რომ ყველა მუნიციპალიტეტში გავიმარჯვებთ, რადგან არ არსებობს სხვა გზა და სხვა არჩევანი, რომელიც ამ ქვეყანას უფრო მეტ მშვიდობას და განვითარებას მოუტანს, ვიდრე ,,ქართული ოცნება“.

დასასრულს,  თინათინ ნიბლოშვილმა საკრებულოს სხდომაზე მყოფ ყველა მაჟორიტარ კანდიდატს, სიის წევრებს და ასევე მუნიციპალიტეტების კანდიდატებს მხარდაჭერა გამოუცხადა.