უკრაინის საგარეო საქმეთა მინისტრი: უკრაინა კვლავ ადასტურებს თავის მზადყოფნას სამშვიდობო მოლაპარაკებებისთვის ნებისმიერ ფორმატში, როგორც კი დაინახავს, რომ რუსეთი ჭეშმარიტად არის მზად მშვიდობისკენ მიმავალი რთული გზისთვის

უკრაინის საგარეო საქმეთა მინისტრმა, ანდრეი სიბიგამ განაცხადა, რომ უკრაინა კვლავ ადასტურებს თავის მზადყოფნას სამშვიდობო მოლაპარაკებებისთვის ნებისმიერ ფორმატში, როგორც კი დაინახავს, რომ რუსეთი ჭეშმარიტად არის მზად მშვიდობისკენ მიმავალი რთული გზისთვის.

„უკრაინა კვლავ ადასტურებს თავის მზადყოფნას სამშვიდობო მოლაპარაკებებისთვის ნებისმიერ ფორმატში, როგორც კი დავინახავთ, რომ რუსეთი ჭეშმარიტად არის მზად მშვიდობისკენ მიმავალი რთული გზისთვის და არა მხოლოდ სამშვიდობო პოპულიზმისთვის ან 9 მაისის აღლუმისთვის ხანმოკლე პროპაგანდისტული ცეცხლის შეწყვეტისთვის.

რუსეთს შეუძლია აჩვენოს თავისი ნამდვილი მზადყოფნა სამშვიდობო მოლაპარაკებებისთვის, თუ დათანხმდება ცეცხლის რეალურ შეწყვეტას, სულ მცირე, 30 დღით. თუ რუსეთი მზად არის 60- ან 90-დღიანი ცეცხლის შეწყვეტისთვის, ჩვენც მზად ვართ.

რუსეთმა უნდა შეწყვიტოს საუბარი მშვიდობისთვის მზადყოფნაზე და დაიწყოს მოქმედება, უპირობოდ დათანხმდეს ცეცხლის რეალურ და ხანგრძლივ შეწყვეტას. როდესაც იარაღი გაჩუმდება, მოლაპარაკებები შეიძლება დაიწყოს - ნებისმიერ ფორმატში, რომელიც მშვიდობას მოიტანს“, - აღნიშნა უკრაინის საგარეო უწყების ხელმძღვანელმა.