ზელენსკიმ უკრაინის ტერიტორიული კომპრომისის პირობა დაასახელა

უკრაინის ტერიტორიული კომპრომისი შეიძლება ფრონტის ხაზზე შეჩერება იყოს, - განუცხადა ვოლოდიმირ ზელენსკიმ ჟურნალისტებს ონლაინ-ჩართვისას. უკრაინის პრეზიდენტის თქმით, სამართლიანი იქნება, რუსები დონეცკისა და ლუგანსკის დროებით ოკუპირებულ ტერიტორიებზე დარჩნენ, უკრაინელები კი იმ ტერიტორიაზე დარჩებიან, რომელსაც აკონტროლებენ. ტერიტორიების დაბრუნებას, ზელენსკის თქმით, უკრაინა დიპლომატიური გზით შეეცდება.

„დღეისათვის შესაძლებელია სამართლიანი ვერსია: ვჩერდებით იქ, სადაც ვდგავართ, ეს არის საკონტაქტო ხაზი ჩვენი სახელმწიფოს ნებისმიერ რეგიონში. დიპლომატიამდე ეს ცეცხლის შეწყვეტის მომენტია, შემდგომში კი ომის დასრულების მომენტი“, - განაცხადა ზელენსკიმ.