ვაშინგტონის შტატში ქიმიური ავზი აფეთქდა - არის მსხვერპლი

ვაშინგტონის შტატში, ქალაქ ლონგვიუში მდებარე ქაღალდის ქარხანაში, ქიმიური ავზის აფეთქების შედეგად, სულ მცირე, ერთი ადამიანი დაიღუპა. მედიის ცნობით, ცხრა პირი დაკარგულად მიიჩნევა.

არსებული ინფორმაციით, 3.4 მილიონლიტრიანი ქიმიური ავზი დაახლოებით 60 პროცენტით იყო სავსე და შეიცავდა ძლიერ ქიმიურ ნივთიერებას, რომელიც გამოიყენება ქაღალდის წარმოების პროცესში ხის მასალის დაშლისთვის.

ბოლო მონაცემებით, დაშავებულია ცხრა ადამიანი, მათ დამწვრობები და ტოქსიკური ნივთიერების შესუნთქვით გამოწვეული დაზიანებები აღენიშნებათ.

აფეთქების გამომწვევი მიზეზი უცნობია.