უფლებადამცველი ჯგუფის HRANA-ს ცნობით, აშშ-ისა და ისრაელის სამხედრო ოპერაციის დაწყებიდან ირანში, სულ მცირე, 1172 მოქალაქე დაიღუპა, მათ შორის, 194 ბავშვია

აშშ-ისა და ისრაელის ერთობლივი სამხედრო ოპერაციის დაწყებიდან ირანში, სულ მცირე, 1172 მოქალაქე დაიღუპა.

ამის შესახებ ინფორმაციას აშშ-ში დაფუძნებული უფლებადამცველი ჯგუფი HRANA ავრცელებს.

მათივე ცნობით, დაღუპულთა შორის, სულ მცირე, 194 ბავშვია.

ამასთან, როგორც ორგანიზაციის განცხადებაშია აღნიშნული, დარტყმების შედეგად საერთაშორისო ჰუმანიტარული სამართლით დაცული ზოგიერთი ობიექტი დაზიანდა, მათ შორის, წითელი ნახევარმთვარის ობიექტი, თეირანში სამი საცხოვრებელი სახლი და ირანის ეროვნული ნავთობკომპანიის ობიექტი.