ტრამპი: ირანი გავანადგურეთ, თუმცა, თუ BBC-ს უყურებთ, ისეთი შთაბეჭდილება იქმნება, თითქოს ისინი თანაბარ ბრძოლას გვიწევენ - ეს „ფეიქ ნიუსია“

აშშ-ის პრეზიდენტმა, დონალდ ტრამპმა ირანთან არსებულ სამხედრო დაპირისპირებაზე მორიგი განცხადება გააკეთა და მედია სიტუაციის არასწორ გაშუქებაში დაადანაშაულა. პრეზიდენტის თქმით, ამერიკულმა ძალებმა ირანს გამანადგურებელი დარტყმა მიაყენეს.

„ჩვენ ეს ქვეყანა გავანადგურეთ. თუმცა, თუ BBC-ს უყურებთ, ისეთი შთაბეჭდილება იქმნება, თითქოს ისინი თანაბარ ბრძოლას გვიწევენ - ეს ასე არ არის, ისინი ჩვენ თანაბარ ბრძოლას არ გვიწევენ“, - განაცხადა ტრამპმა.

პრეზიდენტმა ტელეკომპანიის მიერ გავრცელებულ ინფორმაციას „ცრუ“ უწოდა და აღნიშნა, რომ რეალობა რადიკალურად განსხვავდება იმისგან, რაც ეთერში გადაიცემა.

„ეს იყო ძალიან არაზუსტი ახალი ამბები. ეს იყო „ფეიქ ნიუსი“, - დასძინა მან.

Trump on Iran:

We have decimated that country, and if you watch BBC, it’s almost like they’re fighting us to a draw—they are not fighting us to a draw.

It was very inaccurate news. It was fake news. pic.twitter.com/qdSPy5FWTN

— Clash Report (@clashreport) March 17, 2026