ტრამპი აცხადებს, რომ ხვალ, სავარაუდოდ, ვაშინგტონში დაბრუნდება

აშშ-ის პრეზიდენტი დონალდ ტრამპი აცხადებს, რომ 16 მაისს, სავარაუდოდ, ვაშინგტონში დაბრუნდება. ამის შესახებ ტრამპმა ჟურნალისტებთან თავად განაცხადა.

„ჩვენ ხვალ გავემგზავრებით, როგორც იცით. თითქმის დანიშნულების ადგილის გარეშე – იმიტომ, რომ ისინი ზარებს მიიღებენ: „შეგიძლიათ აქ იყოთ? შეგიძლიათ იქ იყოთ?“ მაგრამ ხვალ, სავარაუდოდ, ვბრუნდებით ვაშინგტონში”, – უთხრა დონალდ ტრამპმა ჟურნალისტებს.

შეგახსენებთ, რომ აშშ-ის პრეზიდენტმა მანამდე განაცხადა, რომ უკრაინის საკითხზე მოლაპარაკებებისთვის, შესაძლებელი იყო, სტამბოლში ჩასულიყო.

შეგახსენებთ, დონალდ ტრამპი პირველი საგარეო ვიზიტით საუდის არაბეთს, კატარსა და არაბთა გაერთიანებულ საამიროებს ეწვია.