ტედროს ადანომ გებრეისუსი​ სირიაში მიემგზავრება

ჯანდაცვის მსოფლიო ორგანიზაციის ხელმძღვანელი ტედროს ადანომ გებრეისუსი სირიაში მიემგზავრება. ამის შესახებ გებრეისუსმა მიკრობლოგ „ტვიტერზე“ დაწერა.

„მივემგზავრები სირიაში. ჯანდაცვის მსოფლიო ორგანიზაცია მხარს უჭერს მიწისძვრით დაზარალებულ რეგიონებში ჯანდაცვის ხელმისაწვდომობას, რაც ეფუძნება ჩვენს მრავალწლიან მუშაობას მთელი ქვეყნის მასშტაბით“, – წერს გებრეისუსი.

სირიაში, ბოლო მონაცემებით, მიწისძვრის შედეგად დაღუპულია 3 317 ადამიანი, დაშავებულია 5 245 პირი.