სომხეთის რესპუბლიკა „ტრამპის მარშრუტის“ პროექტის განხორციელების ფაზაში შედის - ნიკოლ ფაშინიანი

სომხეთის რესპუბლიკა „ტრამპის მარშრუტის“ პროექტის განხორციელების ფაზაში შედის, – ამის შესახებ სომხეთის პრემიერ-მინისტრმა, ნიკოლ ფაშინიანმა ეროვნული ასამბლეის სხდომაზე განაცხადა.

„მოხარული ვართ აღვნიშნოთ, რომ რთული საერთაშორისო ვითარების მიუხედავად, ამერიკის შეერთებული შტატების, სომხეთის რესპუბლიკისა და აზერბაიჯანის რესპუბლიკის მთავრობები კვლავ პრიორიტეტს ანიჭებენ რეგიონული კომუნიკაციების აღდგენას და „ტრამპის მარშრუტის“ პროექტის განხორციელებას“, – აღნიშნა ფაშინიანმა.

როგორც სომხეთის მთავრობის ხელმძღვანელმა თქვა, ეს განპირობებულია იმით, რომ პროექტის განხორციელება სამხრეთ კავკასიის რეგიონში გრძელვადიანი, სტაბილური და საიმედო მშვიდობის მნიშვნელოვან საყრდენად იქცევა.