საფრანგეთსა და ესპანეთში ტყის ხანძრების გამო ასობით ათასი ადამიანია ევაკუირებული

საფრანგეთის სამხრეთ-დასავლეთში მეხანძრეები ტყის ხანძრების ლოკალიზებას უშედეგოდ ცდილობენ. ძლიერი ქარის გამო ცეცხლი ქალაქ ბორდოს უახლოვდება. ესპანეთში კი, სადაც საგანგებო მდგომარეობაა გამოცხადებული, ამინდის პირობების ცვლილებამ მადრიდის გარეუბნებში მომუშავე მეხანძრეებს საქმე შეუმსუბუქა.

ესპანეთის პრემიერ-მინისტრმა პედრო სანჩესმა აღიარა, რომ წინ „რთული დროა“. ამავდროულად, ვალენსიის ხელისუფლებამ ხანძრის შედეგად მამაკაცის დაღუპვის ფაქტი დაადასტურა. ადგილობრივი მედიის ცნობით, 70 წლამდე ასაკის კაცი მეხანძრეებმა საკუთარ ავტომობილში გარდაცვლილი იპოვეს, როდესაც მანიზესში, სალტ-დე-ლ’აიგუას ხეობაში ხანძარს აქრობდნენ.

სტიქიის გამო, საფრანგეთსა და ესპანეთში 300 000-ზე მეტი ადამიანს მოუწია ევაკუირება.