ქაშმირში, პაკისტანის მიერ კონტროლირებად ტერიტორიაზე სამართალდამცავებსა და საპროტესტო ჯგუფის წევრებს შორის შეტაკებებს, სულ მცირე, 11 ადამიანი ემსხვერპლა, ხოლო 70-ზე მეტი დაშავდა

ქაშმირში, პაკისტანის მიერ კონტროლირებად ტერიტორიაზე, რავალაკოტის რაიონში სამართალდამცავებსა და საპროტესტო ჯგუფის წევრებს შორის შეტაკებებს, სულ მცირე, 11 ადამიანი ემსხვერპლა, ხოლო 70-ზე მეტი დაშავდა.

დაღუპულებს შორის არიან ოთხი პოლიციელი, ერთი გამვლელი და ექვსი დემონსტრანტი.

ხელისუფლების ინფორმაციით, „შეტაკება მას შემდეგ დაიწყო, რაც უსაფრთხოების ძალებმა აკრძალული მოძრაობის მხარდამჭერების დაშლა სცადეს“.

პროტესტს ორგანიზებას უწევდა „ჯამუ-ქაშმირის ერთიანი სახალხო სამოქმედო კომიტეტი“ (JAAC), რომელიც ეკონომიკური და პოლიტიკური უფლებების დაცვის მოთხოვნით აქციებს მართავს. ჯგუფმა 9 ივნისისთვის მასშტაბური გაფიცვა და ბლოკადა დააანონსა.

დაპირისპირების ფონზე პაკისტანის ხელისუფლებამ JAAC ანტიტერორისტული კანონმდებლობის საფუძველზე აკრძალულ ორგანიზაციად გამოაცხადა.