ქალმა საქორწინო ბეჭედი დაკარგა, ქმარი ახლის ყიდვის ნაცვლად, ნივთს 48 წელი ეძებდა და ბოლოს იპოვა

აშშ-ის ვისკონსინის შტატის მცხოვრებმა, დენ ვოსტერსმა, მეუღლეს შობისთვის საქორწინო ბეჭედი აჩუქა, რომელიც ქალმა 48 წლის წინ დაკარგა. ამის შესახებ ტელეკომპანია WBAY იუწყება.

სამკაული დენისა და ლორის ქორწინებიდან შვიდი თვის შემდეგ დაიკარგა. მაშინ წყვილი სახლის წინ მდებარე ნაკვეთზე სტაფილოს აგროვებდა, სამუშაოს დასრულების შემდეგ კი ქალმა შენიშნა, რომ ბეჭედი დაკარგული იყო. მეუღლეები დიდხანს ცდილობდნენ მის პოვნას, თუმცა უშედეგოდ, და ლორიმ დანაკარგს შეეგუა.

დენს კი იმედი არასდროს დაუკარგავს. თითქმის 50 წლის შემდეგ მან შვილთან ერთად ბეჭდის ძებნა მეტალო დეტექტორის დახმარებით გადაწყვიტა. მამაკაცმა ილოცა წმინდა ანტონისადმი, კათოლიკურ ტრადიციაში დაკარგული ნივთების პოვნაში დამხმარე წმინდანისადმი და მალევე მიწაში ბეჭედი იპოვა.

დენმა შვილს აუკრძალა ლორისთვის აღმოჩენის შესახებ ეთქვა და შობისთვის სიურპრიზი მოუმზადა. დღესასწაულის აღსანიშნავად მან მეუღლეს კონვერტი გადასცა, რომელშიც ბეჭედი იდო. ლორი ძალიან ბედნიერი იყო. თებერვალში წყვილი ქორწინების კიდევ ერთ იუბილეს აღნიშნავს. პირველად 49 წლის განმავლობაში ქალი ამ დღეს საქორწინო ბეჭდით შეხვდება.