პოლონეთის პრემიერის თქმით, სარკინიგზო მაგისტრალი უკრაინის მოქალაქეებმა ააფეთქეს, რომლებიც რუსეთის დაზვერვასთან არიან დაკავშირებული

სარკინიგზო მაგისტრალი პოლონეთში უკრაინის მოქალაქეებმა ააფეთქეს, ორი ეჭვმიტანილი რუსეთის დაზვერვასთანაა დაკავშირებული, მათ პოლონეთის ტერიტორია დატოვეს და ბელარუსში გადავიდნენ. ეს განცხადება პოლონეთის პრემიერ-მინისტრმა, დონალდ ტუსკმა სეიმში სიტყვით გამოსვლისას გააკეთა.

მომხდარი დივერსიისა და ტერორისტული საფრთხის გამო, პოლონეთში რკინიგზაზე მთავრობა ტერორისტული საფრთხის დონეს ზრდის.

ინციდენტი პოლონეთში 16 ნოემბერს ვარშავა-ლუბლინის მაგისტრალზე მოხდა, რომელიც უკრაინასთან დამაკავშირებელი მთავარი სარკინიგზო მარშრუტია. ვარშავას ბრალდებებს ოფიციალური მოსკოვი უარყოფს. რუსეთის პრეზიდენტის პრესსპიკერმა დიმიტრი პესკოვმა პოლონეთი რუსოფობიაში დაადანაშაულა