ორი სასიკვდილო ინექციის შემდეგ გადარჩენილი პატიმარი, კრისტა პაიკი გონზე მოვიდა და ლაპარაკობს

აშშ-ის ტენესის შტატში სიკვდილით დასჯის წარუმატებელი მცდელობის შემდეგ ჰოსპიტალიზებული კრისტა პაიკი გონზე მოვიდა და ლაპარაკობს. ამის შესახებ მისმა ადვოკატებმა განაცხადეს.

50 წლის პაიკს 30 სექტემბერს სასიკვდილო ინექციით სიკვდილით დასჯა მიუსაჯეს, თუმცა მას ორი დოზა პენტობარბიტალი გაუკეთეს და პროცედურა ვერ დასრულდა, ქალი გადარჩა. თავდაპირველად ის უგონოდ იმყოფებოდა და ხელოვნური სუნთქვის აპარატზე იყო მიერთებული.

ადვოკატების განცხადებით, პაიკი ამჟამად გონზეა, შეუძლია საუბარი და კვლავ იღებს კრიტიკულ სამედიცინო დახმარებას. ექიმები მის პროგნოზზე საბოლოო შეფასებას ჯერ ვერ აკეთებენ და ადვოკატების თქმით, გამოჯანმრთელებას შესაძლოა ხანგრძლივი პერიოდი დასჭირდეს.

პაიკის ხელები პროცედურის დროს მძიმედ დაზიანდა. ისინი შეშუპებული, დამწვარი და ბუშტუკებით დაფარული იყო. ის კვლავ საავადმყოფოში რჩება.